📝Савол: Доимий муассасани рўйхатдан ўтказиш ва хорижий юридик шахснинг ваколатхонаси аккредитатсияси ўртасидаги фарқ нимада?

💡 Жавоб: Доимий муассасани (ДМ) рўйхатдан ўтказиш ва хорижий юридик шахснинг ваколатхонасини аккредитатсия қилиш хорижий давлатда ташкил этилган ва фаолият юритаётган тадбиркорлик субектини Ўзбекистон Республикаси ҳудудига кўчиришнинг икки алоҳида тури ҳисобланади.

📌 Доимий муассаса ташкилий-ҳуқуқий шакл ҳисобланмайди, ушбу хорижий ташкилотни Ўзбекистонга кўчиришнинг услуби солиқ ҳолатини ифодалаш учун қўлланилади.Чет эл юридик шахсларининг солиқ масалаларини ҳал қилиш доимий муассасанинг ҳуқуқий табиатининг мақсади ҳисобланади. Доимий муассасани рўйхатдан ўтказиш хорижий юридик шахсни фуқаролик муомаласининг мустақил субектига айлантирмайди. Доимий муассаса ушбу фаолият бошланган кундан бошлаб 183 кундан кечиктирмай фаолият олиниб борадиган жойида рўйхатга олиниши керак.

📌 Хорижий юридик шахслар Ўзбекистон Республикасида Инвеститсиялар ва ташқи савдо вазирлиги орқали ваколатхонасини аккредитатсия қилиш орқали ҳам тан олиниши мумкин. Шу билан бирга, ваколатхона ҳам юридик шахс ҳисобланмайди ва хўжалик ёки бошқа тижорат фаолиятини амалга ошира олмайди. Ушбу механизмнинг мақсади Ўзбекистон Республикаси ҳудудида ўз  манфаатларини ифодалаш ва ҳимоя қилишдан иборатдир. Аккредитатсия 1 йилдан 3 йилгача бўлган муддатга олиниши мумкин.

📌 Доимий муассасанинг ижобий ва салбий томонлари:  

🔹 Муҳим афзалликлардан бири бу доимий муассаса барча турдаги корпоратив солиқларга тортилмайди, фақат қўшилган қиймат солиғи ва фойда солиғини, ҳамда божхона тўловларини тўлайди. Шунингдек, резидентлик гувоҳномаси асосида дивидендлар кўринишидаги даромадлар бўйича пасайтирилган солиқ ставкасини қўллаши мумкин. ДМ соддалаштирилган солиқ ҳисоботидан қўлланади ва хорижий валютани оʻзбек соʻмига конвертатсия қилиш босқичини четлаб оʻтиши мумкин, чунки у оʻзининг хорижий ҳисобварагʻидан хорижий валютада тоʻловларни амалга ошириш ҳуқуқига эга, бундан ташқари, Оʻзбекистон ҳудудидан ташқарида ҳам тоʻловларни амалга ошириши мумкин. Шунингдек, ДМ фаолияти одатдаги тугатиш тартибига қараганда анча осон тугатилади.

🔹 Камчиликлар қаторида эса чет эллик ишчиларни жалб қилиш ва турли жиҳозларни олиб киришда қийинчиликлар бўлишини айтиб ўтсак бўлади.

📌 Ваколатхонанинг ижобий ва салбий томонлари:

🔹 Доимий муоссасадан фарқли ўлароқ, хорижий юридик шахснинг ваколатхонаси маҳаллий ва хорижий ходимларни ёллаш, шунингдек ваколатхона эҳтиёжлари учун асбоб-ускуналар ва товарларни олиб кириши мумкин. Ваколатхона юридик шахслари тўлайдиган солиқларни тўламайди (лекин ваколатхона ходимларининг иш ҳақидан жисмоний шахслардан олинадиган даромад солиғи ва ваколатхона Ўзбекистонда фаолият юритиши керак бўлган мол-мулкдан мол-мулк солиғини тўлайди).  Ваколатхона Ўзбекистонда бухгалтерия ҳисоботини юритиши шарт эмас, шунингдек, ваколатхонанинг чет эллик фуқаролари бўлган  ходимлари, агар улар тегишли тарзда аккредитатсия қилинган бўлса, Ўзбекистон Республикаси фуқаролари билан тенг ҳуқуқлардан фойдаланишлари мумкин.

🔹 Чекловчи омиллар сифатида ваколатхонанинг маркетинг маълумотлари ва ваколатхонанинг бош компанияси фаолиятига оид материаллар билан ишлашга қаратилганидан бошқа иқтисодий фаолият тури билан шуғулланиши мумкин эмаслигини кўрсатиш мумкин. Бош компаниядан олинган маблағларни фақат ваколатхонанинг маъмурий эҳтиёжлари ва маркетинг харажатлари учун олиш ва ишлатиши мумкин. Ваколатхона тўғридан-тўғри даромад келтира олмайди, фақат келажакдаги ҳамкорлик учун шериклар доирасини ривожлантириш орқали холос.

📌 Хулоса қилиб шуни айтишимиз мумкинки, хорижий ташкилотни Ўзбекистонга кўчиришнинг бу икки услуби ҳам ўзининг афзалликлари ва камчиликларига эга, шунингдек, хорижий юридик шахс ўзининг кўчириш сабабларини ҳисобга олган ҳолда ўзи учун энг фойдали усулни танлаши ёки ушбу икки вариантни бирлаштириши мумкин, чунки хорижий юридик шахс томонидан ваколатхона орқали амалга ошириладиган фаолият норезидент юридик шахснинг солиққа тортиш мақсадларида доимий муассасани рўйхатдан ўтказиш зарурлигига олиб келиши мумкин.

✅ Манба: Ўзбекистон Республикаси Солиқ Кодекси (36-модда), Ўзбекистон Республикаси Вазирлар Маҳкамасининг Қарори “ Ўзбекистон Республикаси ҳудудида хорижий тижорат ташкилотларининг ваколатхоналарини аккредитатсия қилиш ва уларнинг фаолиятини юритиш тартиби тўғрисидаги низомни тасдиқлаш ҳақида”.

💡ДАЪВОНИ ТАЪМИНЛАШ ЧОРА-ТАДБИРЛАРИ

📝Савол: Нима учун даъвони таъминлаш учун чоралар кўришингиз керак?

📌 Агарда даъвойингиз қаноатлантириладиган бўлса, суд ишини кўриб чиқишда даъвони таъминлаш чораларини кўриш суд қарорининг амалда бажарилишини кафолатлаш учун зарур хисобланади. Бундай чоралар суд қарорининг ижросини мураккаблаштирадиган ёки имконсиз қиладиган хатти-харакатларнинг олдини олишга қаратилган бўлади.

📌Бу нима учун мухимлигининг бир нечта асосий сабаблари:

🔹 Вазиятнинг ёмонлашишига йул қўймаслик: Иш судда кўриб чиқилаётганда, жавобгар даъвогарнинг ахволини ёмонлаштирадиган харакатлар қилиши мумкин. Масалан, у даъвони қондириш учун зарур бўлиши мумкин бўлган мол-мулк, пул ёки активларини сотиши мумкин;

🔹 Ишларнинг жорий холатини сақлаш: Вақтинчалик чоралар суд қарори чиқарилгунга қадар мавжуд холатни сақлаб қолишга имкон беради, бу эса даъво қўзғатилган вазиятни ўзгаритишга йул қуймайди;

🔹 Суд қарорининг амалда бажарилишини таъминлаш: Агар суд даъвони таъминламай туриб, даъвогар фойдасига чиқарса хам, бу қарор фақат расмиятчилик бўлиб қолиши мумкин. Даъвони таъминлаш чоралари жавобгарнинг суд қарорини қондириш учун мол-мулки ёки маблағларига эга бўлишини таъминлайди;

🔹Даъвогар учун таваккалчиликларни камайтириш: Агар жавобгар даъво хақида билиб, ўз мол-мулкини яширишга ёки ундиришга тўсқинлик қиладиган харакатларга йул қуйса, даъвогар зарар кўриши мумкин.
Даъвони таъминлаш чораларини қўллаш масаласини кўриб чиқиш учун ушбу ишда иштирок этувчи шахсларнинг аризаси асос бўлади.

📌 Фуқаролик ёки иқтисодий суд жараёни бўлишидан қатий назар, даъвони таъминлашнинг одатий чоралари қуйидагиларни ўз ичига олиши мумкин:
-  Жавобгарнинг мол-мулкини хатлаш;
-  Муаяян харакатларни тақиқлаш (масалан, қўчмас мулкни сотишга);
-  Хужжатларни ёки ҳуқуқларни вақтинча тўхтатиб туриш.

✅ Қайси нормалар “даъвони таъминлаш чораларини кўриш” тўғрисидаги ариза билан судга мурожаат қилиш ҳуқуқини беради?
1.  Иқтисодий процессида – Ўзбекистон Республикаси Иқтисодий процессуал кодексининг 93-моддаси;
2.  Фуқаролик процессида - Ўзбекистон Республикаси Фуқаролик процессуал кодексининг 105-моддаси.

ТЎЛОВГА ҚОБИЛИЯТСИЗ ДЕБ ТАН ОЛИШ УЧУН АРИЗА ТОПШИРИШДА 10 ТА МУҲИМ НУАНСЛАР:

💡Тўловга қобилиятсизликни тан олиш жараёнини бошлашда ташаббускор бўлган шахс қуйидаги 10 нуансни инобатга олиши керак:

🔹 Қарздорнинг ўзи, шунингдек унинг кредиторлари қарздорга нисбатан тўловга қобилиятсизлиги тўғрисида иш қўзғатиш учун судга мурожаат қилиш ҳуқуқига эга. Кредитор ёки қарздор тўловга қобилиятсизлик ишини қўзғатиш тўғрисидаги аризада қарздорнинг тўлов қобилиятини тиклаш тартиб-қоидаларини қўллаш зарурлигини кўрсатиши мумкин.

🔹 Тўловга қобилиятсизликнинг 2 тури мавжуд: вақтинчалик тўловга қобилиятсизлик - бу қарздорнинг судга мурожаат қилган кунида ўз тўлов мажбуриятларини бажара олмаслиги, агар қарздор уч ой ичида тегишли мажбуриятларини бажармаган бўлса ва доимий тўловга қобилиятсизлик- бу ҳисобот даври бўйича қарздорнинг пул мажбуриятлари судга ариза берилган санага унинг активлари қийматидан ошиб кетган бўлса.

🔹 Қарздорнинг ўзи томонидан тўловга қобилиятсиз деб топиш тўғрисида ариза беришда барча кредиторларни бундай ариза берилганлиги тўғрисида керакли тартибда хабардор қилиши шарт.

🔹 Кредиторлар қарздорга нисбатан ўз талабларини битта аризада бирлаштириш ҳуқуқига эга. Бундай ариза ўз талабларини бирлаштирган кредиторлар томонидан имзоланади. Кредиторлар, шунингдек, қарздорнинг мавжуд пул мажбуриятлари тўғрисидаги тегишли ҳужжатлар билан ўз позитсияларини асослашлари керак.

🔹 Суд санатсияси тартиб-таомили суд томонидан қарздор - юридик шахсга нисбатан унинг тўлов қобилиятини тиклаш ва кредиторлар олдидаги қарзларини тўлаш учун қўлланилади. Қарздор юридик шахснинг муассислари ёки кредиторлар ва бошқа шахслар томонидан қарздорнинг тўлов қобилиятини тиклаш ва унинг тўловга қобилиятсизлигининг олдини олиш бўйича кўриладиган чора-тадбирлар судгача санатсия ҳисобланади. Бундай судгача санатсия чора-тадбирлари суд ишни кўриб чиқишни бошламасдан олдин амалга оширилади.

🔹Кўпинча учрайдиган судгача санатсия чоралари бу муддати ўтган қарзларни тўлиқ ёки қисман сотиб олиш, қарздорнинг тўлов қобилиятини тиклаш ва унинг фаолиятини давом эттиришдан манфаатдор бўлган юридик ва жисмоний шахсларнинг молиявий ёрдам кўрсатиши, қарздор ва кредиторлар ўртасида қарздор фаолиятини давом эттириш учун тўлов муддатларини кечиктиришга қаратилган келишувни имзолаш, қарздор - юридик шахсни қайта ташкил этишлардан иборатдир.

🔹 Суд қарздорга янги битимлар тузишни тақиқлашга, қарздорни қимматли қоғозларни, валюта қийматликларини ва бошқа мол-мулкни сақлаш учун учинчи шахсларга беришга мажбурлашга ва қарздорнинг мол-мулкининг сақланишини таъминлашга қаратилган бошқа чораларни кўришга ҳақли.

🔹 Суд, шунингдек, суд бошқарувчилари жамоат бирлашмаси аʼзолари орасидан тоʻловга қобилиятсизлиги тоʻгʻрисидаги ишни юритиш учун суд бошқарувчисини тайинлайди.

🔹 Қарздор томонидан тузилган ҳар қандай битим, шу жумладан тўловга қобилиятсизлик тўғрисидаги иш қўзғатилишидан уч йил олдин тузилганлари ҳам суд бошқарувчисининг аризасига кўра суд томонидан ҳақиқий эмас деб топилиши мумкин.

🔹 Тўловга қобилиятсизлик тўғрисидаги иш қўзғатилганда қарздор – юридик шахсга нисбатан дарҳол кузатув тартиб-таомили жорий этилади, бунда мулкий ундирувлар бўйича ижро ҳужжатларининг ижроси тўхтатиб турилади,  қарздор - юридик шахснинг иштирокчилар таркибидан чиқиши муносабати билан қарздорнинг мол-мулкидаги улушини ажратиш ҳақидаги та’сисчилар ва иштирокчиларнинг талабларини қондириш тақиқланади,  эмиссия қимматли қоғозлар бўйича дивидендлар ва бошқа тўловларни тўлаш тақиқланади.

✅ Манба: Ўзбекистон Республикаси Қонуни “Тўловга қобилиятсизлик тўғрисида”.

💡 Ўзбекистонда корхонани тугатишда эътиборга олиш керак бўлган 10 та муҳим факт:

📌 Юридик шахсларни тугатиш-бу ҳуқуқ ва мажбуриятларни ворисликка мувофиқ бошқа шахсларга ўтказмасдан юридик фаолиятни тугатиш жараёни хисобланади. Бундан ташқари, бу юридик шахсларнинг активлари ва мажбуриятларини тугатишни ўз ичига олган операцияларини тугатиш усулидур;

📌 Юридик шахс ихтиёрий равишда ёки мажбурий тартибда тугатилиши мумкин;

📌 Ўзбекистон Республикасининг Фуқаролик Кодекси ва Ўзбекистон Республикасининг “Акциядорлик жамиятлари ва акциядорларнинг химоя қилиш тўғрисида”ги Қонуни ва “Маъсулияти чекланган хамда қўшимча маъсулиятли хамиятлар тўғрисида”ги Қонуни каби қонун хужжатларга мувофиқ корхоналар юридик шаҳс таъсисчиларининг қарори билан тугатилиши мумкин;

📌 Ҳуқуқий нормалар бузилган тақдирда, юридик шахс мажбурий тугатиш тартиби сифатида танилган суд қарори билан тугатилиши мумкин;

📌  Юридик шахслар ихтиёрий равишда тугатилган тақдирда, фаолиятни тугатиш тўғрисидаги қарор масъулияти чекланган жамиятлар иши иштирокчиларининг умумий йиғилиши ва акциядорлик жамиятлари иши бўйича акциядорларнинг умумий йиғилиши томонидан қабул қилинади. Тугатиш жараёнига компанияни солиқ органида, пенсия жамғармасининг вилоят филиалида, туман статистика бўлимида рўйхатдан ўтказиш, банк ҳисобварақларини ёпиш, юридик шахснинг ҳужжатларини архивга ўтказиш ва юридик шахснинг тугатилганлиги тўғрисида тегишли ёзувни киритиш киради;

📌 Турли ташкилий-ҳуқуқий шакллардаги компанияларни тугатиш ушбу шаклларнинг ҳар бирининг ўзига хос хусусиятларини ҳисобга олишни талаб қилади (масалан, акциядорлик жамиятлари, масъулияти чекланган жамиятлар, якка тартибдаги тадбиркорлар ва бошқалар.). Ихтиёрий тугатишни амалга ошириш, шунингдек, меҳнат қонунчилиги соҳасида чуқур билимларни талаб қилади, чунки иш берувчининг ходимлар, шу жумладан компания раҳбарлари билан меҳнат муносабатларини тўғри ва қонун ҳужжатларига мувофиқ тўлдириш муҳимдир;

📌 Солиқ қонунчилигига қатъий риоя қилиш талаб этилади, чунки ихтиёрий тугатишнинг бутун жараёни солиқ органлари билан ҳисоботларни топшириш, олдинги даврлар учун молиявий ҳисоботларни тақдим этиш, солиқ текширувларидан ўтиш ва оралиқ ва тугатиш балансларини тайёрлаш бўйича доимий ҳамкорликни ўз ичига олади;

📌 Тугатиш жараёнининг муҳим давомийлиги ва компаниянинг молиявий ҳужжатларини пухта текшириш билан тавсифланади, бу кўпинча солиқ мажбуриятларини қайта кўриб чиқишга, жарималар ва бошқа ҳуқуқий оқибатларга олиб келади. Қийинчилик, шунингдек, юридик шахсни расмий равишда тугатиш бўйича расмий процедураларни амалга ошириш, шу жумладан тугатиш тўғрисидаги эълонни эълон қилиш, кредиторлар билан ўзаро муносабатлар, тугатиш балансини тузиш ва керак бўлганда аудиторлар ва баҳоловчилар каби мутахассисларни жалб қилиш зарурлигидадир;

📌  Юридик шахсни тугатиш тўғрисидаги қарор ушбу юридик шахс рухсати билан ташкил этилган рўйхатдан ўтказувчи oрган томонидан қабул қилинади (Ўзбекистон Республикаси Давлат хизматлари марказининг ҳудудий бўлинмаси томонидан);

📌 Тугатиш жараёнини мустақил равишда амалга ошириш кўпинча давлат идораларига узоқ ва зерикарли ташрифларга, катта молиявий харажатларга ва стрессга олиб келади. Ўз вақтини ва соғлиғини қадрлайдиган тадбиркор учун процедурани янада тез ва самарали бажарилишини таъминлаш учун мутахассислар, шу жумладан юристлар ва адвокатлар хизматига мурожаат қилиш тавсия этилади.

✅ Манба: Ўзбекистон Республикаси Президентининг 5739-сонли "Тадбиркорлик субъектларини тугатиш тартибини соддалаштириш чора-тадбирлари тўғрисида" Фармони ва Ўзбекистон Республикаси Вазирлар Маҳкамасининг 08.21.2019 йилдаги 704-сонли "Тадбиркорлик субъектларини ихтиёрий тугатиш ва уларнинг фаолиятини тугатиш тартибитўғрисида" ги Низом.

💡 Қандай ҳолларда компания устав капиталини камайтириши шарт?

🔹 Жамиятнинг устав капитали давлат рўйхатидан ўтказилган кундан э’тиборан бир йил мобайнида тўлиқ тўланмаган тақдирда жамият ўз устав капиталини амалда тўланган миқдорга камайтириши ва белгиланган тартибда камайганлигини қайд этиши шарт;

🔹 Агар иккинчи ва ҳар бир кейинги молиявий йил охирида жамият соф активларининг қиймати (соф активлар - бу компанияга тегишли бўлган мулкнинг ҳақиқий қиймати, яъни жамиятнинг активлари ва мажбуриятлари ўртасидаги фарқ) устав капиталидан кам бўлса, жамият ўз устав капиталини соф активлари қийматидан ошмайдиган миқдорга камайтириши ва бундай камайишни белгиланган тартибда қайд этиши шарт;

📌 Агар юқорида кўрсатилган ҳолларда жамият уч ой ичида ўз устав капиталини камайтириш ёки ўзини тугатиш тўғрисида қарор қабул қилмаса, кредиторлар жамиятдан жамият мажбуриятларини муддатидан олдин тугатиш ёки бажаришни ҳамда этказилган зарарни қоплашни талаб қилишга ҳақли. Бундай ҳолларда юридик шахсларни давлат рўйхатидан ўтказувчи орган жамиятни тугатиш тўғрисида судга талаб қўйишга ҳақли.

✅ Манба: "Масъулияти чекланган ҳамда қўшимча масъулиятли жамиятлар тўғрисида"ги О`збекистон Республикаси Қонунининг 19-моддаси.

💡 СУДЛАРДАГИ ДАВЛАТ БОЖИ ҲАҚИДА 5 ТА ФОЙДАЛИ МАЪЛУМОТ:

🔹 даъво аризаси беришда, агар даъвогарнинг банк ҳисобрақамида маблағ йўқлигини тасдиқловчи ҳужжат (берилиш муддати уч кун аввал бўлмаган банк маълумотномаси) мавжуд бўлса, давлат божи тўланиши кечиктирилиши мумкин;

🔹 агар тақдим этилган ҳужжатлар суд томонидан қайтарилган ва шу сабабли иш кўриб чиқилмаган бўлса тўланган давлат божи даъвогарга қайтарилади, шунингдек иш бўйича медитатив келишув тузилган тақдирда ҳам тўланган давлат божи қайтарилиши мумкин;

🔹 даъво суммасининг қисми устидан шикоят қилинган апелляция, кассация ва тафтиш шикоятлари берилган тақдирда давлат божи сумманинг баҳсли қисмига нисбатан қонунда белгиланган фоизда ҳисобланади;

🔹 иш ҳақини ундириш тўғрисидаги даъволар ва меҳнат муносабатларидан келиб чиқадиган бошқа даъволар бўйича – даъвогарлар давлат божи тўлашдан озод қилинади;

🔹 даъво суммаси ошса давлат божининг этишмаётган суммаси даъвонинг оширилган миқдорига мувофиқ тўланади, лекин даъвогар даъвони камайтирса тўланган давлат божи қайта ҳисоблаб чиқилмайди.

✅ Манба: “Давлат божи тўғрисида”ги Ўзбекистон Республикаси Қонуни.

BIZNESINGIZ HUQUQIY HIMOYASI !

Jinoyat, ma'muriy, fuqarolik va iqtisodiy ishlarda huquqiy yordam
Soliq maslahatchisi xizmatlari
Korxonalar uchun yuridik yordam
Xalqaro arbitraj nizolari
Mediatsiya

ПРАВОВАЯ ЗАЩИТА ВАШЕГО БИЗНЕСА !
Юридическая помощь по уголовным, административным, гражданским и хозяйственным делам
Услуги налогового консультанта
Юридическое сопровождение деятельности компаний
Международные арбитражные споры
Медиация

☎️ +99890 325 39 03
+99891 132 04 38
📡 www.legisland.uz
📨 legisland@gmail.com
🕹 100084, Toshkent shahri, Yunusobod tumani, Osiyo ko'chasi, 21-uy.

reklama

"Yama"lar sababli #avtomobilga yetkazilgan #zararni kim qoplaydi?

Instagram: http://instagram.com/advokat__tv

YouTube: http://www.youtube.com/@Advokat_yurist_TV

HUQUQIY YORDAM KERAKMI?
"Legisland" advokatlik firmasi.

🕹 100084, Toshkent shahri, Yunusobod tumani, Osiyo ko'chasi, 21-uy.

Murojaat uchun: @Advokat_TVuz
Tel: +998 (99) 946-43-23
📩 umidqarshiyev1999@gmail.com

https://t.me/Advokat_yurist_TV

INTERNET DO‘KONIDAN OLINGAN TOVARNI QANDAY QAYTARISH MUMKIN?

📝 Bilamizki, texnologiya rivoji sababli insonlar uchun juda qulay bo‘lgan elektron savdo platformalari yaratildi. Ammo, barcha insonlar ham bu platformalarda amalga oshirgan xaridlaridan doim qoniqmaydilar va ularning orasida siz ham bo‘lsangiz ushbu maqola siz uchun juda ham foydali bo‘ladi.

⁉️Siz xarid qilgan tovar elektron savdo platformasida ko‘rsatilgandek sifatda yetkazib berilmadi va bunday holatda siz qanday yo‘l tutishingiz kerak?
Mazkur vaziyatda sizning xaridor sifatidagi huquqlaringiz “Elektron tijorat to‘g‘risida” gi qonunning 26,27-moddalari bilan himoya qilingan. 26-moddaga binoan sotuvchi oldida 2 ta yo‘l bor:
1. Tovarni elektron savdo platformasida ko‘rsatilgan sifat, assortiment va miqdoriga mos keladigan boshqa tovarga 7-20 kun ichida almashtirib berish;
2. Xaridni bekor qilish va to‘lovni 30 kun ichida qaytarib berish.
E’tibor bering, mazkur qoidalar faqatgina siz xarid qilgan tovarda nuqson mavjud bo‘lgandagina amal qiladi xolos. Agar siz nuqsonsiz tovarni ham qaytarmoqchi bo‘lsangiz quyidagicha yo‘l tutishingiz lozim:
💠 Avvalo, xarid qilish paytida shartnoma shartlarini sinchkovlik bilan o‘qing, chunki ayrim kompaniyalarda tovarni qaytarib olmaslik siyosati bo‘lishi mumkin.
💠 Hozirda O‘zbekistonda mavjud eng ko‘p foydalaniladigan “UZUM” va “TEMU” savdo platformalarida tovar sizga yetkazilguniga qadar va sizga qabul qilganingizdan kein 5-7 kun ichida har qanday holatda ham xaridni bekor qilib to‘lovni bekor qilishingiz mumkin.
Ushbu holatda “Elektron tijorat to‘g‘risida” gi qonunning 27-moddasi qoidalari qo’llanilib, qaysi usulda to‘lov amalga oshirgan bo‘lsangiz, shu usulda to‘lovingiz qaytarib beriladi.

SHU KABI QIZIQARLI MA'LUMOTLARDAN HABARDOR BO`LIB BORISH UCHUN "🇺🇿AF «LEGISLAND» yuridik yordam" KANALIGA A'ZO BO`LISHNI UNUTMANG...

ENDILIKDA NIKOHDAN AJRATISHDA SUD MUDDAT TAYINLAMASLIGI MUMKIN..!

Bugungi kunda mamlakatimizda oilalardagi ma’naviy-axloqiy muhitni yaxshilash, ularning farovonlik darajasini oshirish, shuningdek xotin-qizlarning ijtimoiy-siyosiy hayotdagi rolini kuchaytirish uchun mustahkam asoslar yaratilgan. Ana shunday asoslardan biri 09.04.2025-yilda qabul qilingan O'RQ-1053-son Qonun bo'ldi.

📝Qonunga muvofiq Oila kodeksining 40-moddasi quyidagi mazmundagi to'rtinchi qism bilan to'ldiriladi: "Sud oilaviy (maishiy) zo‘ravonlikdan jabrlangan shaxsning talabiga ko‘ra yarashish uchun muhlat tayinlamaydi”.

✅Bu norma o'z o'rnida oilaviy (maishiy) zo‘ravonlikdan jabrlangan shaxslarning huquqlari va qonuniy manfaatlari himoya qilinishini yanada kuchaytirishga, shuningdek xotin-qizlarning faolligini oshirishga xizmat qiladi.

🔰Bundan tashqari ushbu Qonun bilan Uy-joy kodeksiga o'zgartirish kiritilishi belgilangan.

Uy-joy kodeksi 32-moddaga kiritilgan o'zgartirishga ko'ra:
"Turar joydan foydalanish haqidagi nizolar ko‘rib chiqilayotganda sud taraflarning kelishuviga asosan mulkdorning tashabbusiga ko‘ra turar joyga majburiy tartibda kiritilayotgan tarafni mulkdorga tegishli mutanosib sharoitlarga ega bo‘lgan boshqa turar joyga kiritish yoki ijaraga olingan turar joy uchun ijara haqini to‘lash majburiyatini mulkdorning zimmasiga yuklatishi mumkin”.

✅Bu norma o'z navbatida mulkdorni o'zining mulkidan erkin foydalanish huquqini ta'minlasa, ikkinchi tarafdan taraflar o'rtasida mutanosib yechimga erishilishini, ya'ni turar joydan foydalanuvchining mutanosib sharoitda yashashini ta'minlaydi.

Bu qonun oilaviy (maishiy) zo‘ravonlikdan jabrlangan shaxslarning huquqlari va qonuniy manfaatlari har tomonlama himoya qilinishini, shu jumladan ularning xavfsizligi kafolatini hamda munosib turmush sharoitlariga bo‘lgan huquqini kafolatlaydi.

SHU KABI QIZIQARLI MA'LUMOTLARDAN HABARDOR BO`LIB BORISH UCHUN "🇺🇿AF «LEGISLAND» yuridik yordam" KANALIGA A'ZO BO`LISHNI UNUTMANG...