Barteewwan Gaggaarii(baay'ee) Yeroo Saganteessuu(programming) Barattan Isin Barbaachisan👌🏼

1. "Copy paste" hin godhiina

Barumsa YouTube irraas haa ta'uu maddoota garagaaraa irra yommuu barattanitti koodii namoonni sun barreessan osuma isiniif akka gale yaaddanii iyyuu "copy paste" hin godhiina. ❌ Qooda kana koodii barreeffame sana haalaan hubachuudhaan ofuma keessanii osoo hin ilaaliin barreessuuf yaalaa. Kana yoo gootaan shaakkalliidhaan sammuun keessan #irra_caalaa akka yaadatuuf gargaaraa jirtu.

2. Jalqaba Hubadhaa

Yeroo koodii barattanitti barteedhaan "shamaddaduu" mala jedhamu hin fayyadamiinaa. Koodiin itti yaaddanii, hubattanii isiniif galee kan barreessitan malee tasumaa wanta "shamaddadamu" miti. Yoo "shamaddaddan" gaaffichi yeroo jijjiiramu dandeettin deebisuu keessanii gadaanaa ta'a.

Fakkeenyaaf gaaffiin gaafatamtan kana console irratti agarsiisuu yoo ta'e: -

*
**
***
****

Koodii deebii gaaffii kanaa qooda shamaddaddan, waa'ee "for loop" fi "nested for loop" sirritti yoo hubattan, gaaffichi yoo jijjiirame illee deebii isaa kennuun isiniif salphaa ni ta'a.

3. Dandeettii furmaata laachuu keessanii guddisaa(Increase your problem solving skills)

Addunyaa kana keessatti dandeetti yaaduu sammuu cimaa hojiiwwan barbaadan keessaa tokko saganteessuu dha.

Namni kamiyyuu Afaan Oromoo yommuu dubbattan yeroo isini argu... "Raajii dha!!😮" jedhee isin hin ilaalu. Afaan Oromoo fayyadamtanii garuu wanta dhalootaaf fayyadu yoo hojjettan(fakkeenyaaf akka kitaabolii akka Eebbisaa Baay'isaa yoo barreessitan), dhalootni isin galateeffata.

Saganteessuu keessattis akkasuma. Afaanota saganteessuu C, C++, HTML/CSS, JavaScript, PHP, Java, Python..... k.k.f beekuun keessan qofti dhaabbata isin qacarachuu barbaadu hin fayyadu. #Afaanota_saganteessu #kanneen #fayyadamtanii #rakkoo #jiruuf #furmaata #laachuu yoo dandeessan garuu faayidaa guddaa ni laattu; barbaadamuun keessaniis olaanaa ta'a.

Dandeettii furtuu ta'e kana guddifachuudhaaf maal haa goonu isa jedhu kutaa itti aanutti isiiniif ni barreessina.

Halkan gaarii!

⚡️@learnProgramminginAfanOromo

Yooyyaa! 👋👋
Akkam jirtu, Warri kun?

Jecha Har'aa 👇👇👇

Trivial(adj): baay'ee barbaachisaa kan hin taane

Yoo sagaleeffamu: "Tri-vi-al"

E.g.        
Comparing our problems to hers, I found ours to be trivial.

Fkn.
Rakkoo keenyaa fi kan ishee yoon walbira qabu, kan keenya waan xiqqoo ta'een argadha.

Other similar words: Minute, Negligible, Mickey Mouse

Waliif qoodaa!

Yeroo dansaa!🙏

@learnProgramminginAfanOromo

Barteewwan Gaggaarii(baay'ee) Yeroo Saganteessuu(programming) Barattan Isin Barbaachisan👌🏼

Kan itti fufe....


👉🏻 Dandeettii furmaata laachuu keenya akkamitti haa guddifannu(How to increase our problem solving skills)?

Bara wanti baay'een salphumatti karaa interneetiitiin itti argamu kana keessatti wanta barachuu barbaaddan barachuu fi wanta guddifachuu barbaaddan guddifachuudhaaf maddootni hedduun ni jiru. Maddoota kana keessaa muraasni isaanii kunoo: -

1. leetcode.com
2. hackerrank.com
3. practice.geeksforgeeks.org

Weebsayitoonni kun gaaffiwwan loojikii barbaadan garaagaraa isiniif kennuudhaan koodii keessan bakka itti barreessuu dandeessan qopheessuudhaan, deebiin keessan sirrii ta'uu fi sirrii ta'uu dhabuu isaanii isinitti humuudhaan dandeetti furmaata laachuu keessanii akka dabaltaniif isin gargaaru. Gaaffileen isaani salphaa, giddugalaa fi cimaa jedhamanii kan qoqqoodamani dha.

Dhaabbattonni teeknolojii gurguddoon weebsaayitoota kana fayyadamuudhaan qormaata namoota qacaramuu barbaadaniif ni laatu. Gaaffileen isaan laatanis weebsaayitoota kana irratti shaakkalliidhaaf kan laataman wajjin wal-fakkaataaa dha.

Weebsaayitoota kana keessaa gara isa tokkootti deemuudhaan "account" banattanii gaaffilee hojjechuudhaan shaakaluu ni dandeessu. Gaaffileen isin rakkisan yoo jiraatan gara YouTube yookaan google deemtanii ilaaluudhaaf hin saalfatiinaa. Jalqaba garuu ofii keessaniif yaaluu keessan mirkaneeffadhaa.

👉🏻Ammumaa eegaltanii guyyaa guyyaatti yoo xiqqaate
gaaffii tokko achi irraa akka hojjettaniif isinan
jajjabeessa.

Amma gara qabxii afraffaatti haa ceenu.

4. Gaaffii tokkoof deebii laachuu keessan dura jalqaba gaafficha sirritti hubadhaa.

Gaaffii gaafatame jalqaba sirritti hubachuun keessan yeroo akka hin qisaaseessinee fi tilmaama ofii keessaniin laattaniin deebii dogoggoraa akka hin laanneef isin gargaara. Gaafficha sirrtti hubachuudhaaf jalqaba gaaffii sirrii gaafachuu beekuu qabdu.

Fakkeenyaaf gaaffii kana haa ilaallu: -

"Write a function that reverses an integer".

Gaaffii kana akkuma dubbiftaniin hojjechuuf ka'uu keessaniin dura qabxiiwwan hubannuu fi gaaffiwwan gaafachuun malan ni jiraatu.

✅ Reverse godhaa kan jedhame integer dha. Kanaafuu waa'ee decimal point yaaduun nurra hin jiraatu.

✅ Lakkoofsa negativa yoo ta'e akkamitti reverse gochuu dandeenya?🤔

✅ Dijitii tokko qofa yoo qabaate maal gochuu qabna?🤔

Gaaffiiwwan kanneen erga gaafattanii booda deebiiwwan argattan qabattanii karaa itti gaaffichaaf furmaata laattan yaaduu jalqabuu ni dandeessu.

Wantoota kanaafi kan kana fakkaatan bal'inaan gara fuulduraatti YouTube channel keenya irratti ilaaluu ni dandeenya.

Yoo jaalattan — 👍🏻

Guyyaa gaarii!

@learnProgramminginAfanOromo

👉🏻 Pointers tutorial

Guyyoota itti aanan muraasaaf gaaffilee "pointers" irratti xiyyeeffatan isiniif qophessuudhaaf waanan yaadeef barumsa YouTube irratti kanaan dura qopheesse akka ilaaltaniif isinan jajjabeessa. Liinkii gubbaa jiru tuquudhaan argachuu ni dandeessu👆🏻. Kutaaleen 28-39 jiran yaada "pointers" wajjin waan walqabataniif hunda isaanii akka ilaaltan isinan jajjabeessa.

Guyyaa gaarii!

@learnProgramminginAfanOromo

C++ gadi fageenyaan barachuu yoo barbaaddan barumsa Cherno akka hordoftan isinan jajjabeessa. Yaadrimeewwan inni kaasee barsiisu beekumsaa fi muuxannoo hojii dhaan kan gabbate waan ta'eef gadi fageenyaan ni barsiisa.

Hey knows what he is talking about. Go for it!

@learnProgramminginAfanOromo

Yooyyaa! 👋👋
Akkam jirtu, Warri kun?

Jecha Har'aa 👇👇👇

Eminently(adv): Sadarkaa olaanaa dhaan: "VERY" kan jedhu wajjin wal fakkaataa dha.

Yoo sagaleeffamu: "Em-nant-lii"

E.g.
Listening is eminently important for smooth conversation.

AOtti:
Dhaggeeffachuun haasaa milkaa'aadhaaf baay'ee barbaachisaa dha.

Other similar words: Very, Extremely, Highly, Greatly

Waliif qoodaa!

Yeroo dansaa!🙏

@learnProgramminginAfanOromo

NULL is just 0. Watch this video to get more in depth knowledge!

@learnProgramminginAfanOromo

👇🏼👇🏼👇🏼👇🏼
What exactly is NULL?

Yooyyaa! 👋👋
Akkam jirtu, Warri kun?

Jecha Har'aa 👇👇👇

Ruminate(verb): Waan tokko irra deddeebi'anii yaaduu/xiinxaluu

Yoo sagaleeffamu: "Ru-ma-neet"

E.g.
I ruminated for weeks to decide whether to study computer science or software engineering.

AOtti:
"Computer Science" yookaan "Software Engineering" keessaa kam barachuu akkan qabu murteessuudhaaf torbeewwaniif irra deddeebi'een yaade.

Other similar words: Contemplate, Chew overe, poneder, think (about or over)

Waliif qoodaa!

Yeroo dansaa!🙏

@learnProgramminginAfanOromo

https://t.me/AfropiaA
https://t.me/AfropiaA

👆🏻👆🏻👆🏻👆🏻
Toora Telegramaa kana keessatti waantoota computer science, software engineering fi computer engineering dhaaf isin fayyadan ni argattu. Itti dabalamuudhaan waantota achii keessatti gadhiifaman irraa fayyadamtoota ta'uu ni dandeessu.

@AfropiaA
@AfropiaA

Koorsiiwwan "Software Engineering" dhaaf Yunivarsiitii Finfinneetti kennaman hunduma isaanii.