صورة من ام سعودي البطل

مطبق لحم / أم سعودي البطل☺
حشوة المطبق
عودين بصل اخضر وحبة بصل مقطعة ناعم  و حزمة كراث (بقل) وحبة طماط وشوي بقدونس وكزبرة  وفلفل اسود وكمون وكزبرة  واضيف له ربع او نص كيلو لحم مفروم احط اللحم على النار واستمر في تحريكه لما ينشف مايه وينضج  بعدين اخلطه مع الخضار طبعا نسبة الخضار بالنسبة لللحم  والبيض اختيارية كميتك حسب الرغبة
اخلط الخلطة واضيف عليها بيض وبكذا تكون حشوتنا جاهزة
أحط زيت قليل ع الصاج و أحط رقاقة مطبق واحط فوقها مغرفة من الخلطة و أحاول أوزعها بس ما اخليها توصل الاطراف ثم أغطيها برقاقة ثانية واذا استوت اقلبها عشان تنضج من الجهتين
علامة النضج انها تبتدي تنتفخ
لان البيض اذا نضج ينفش
اذا استوت اقطعها و أقدمها مع ليمون وبالعافية
ممكن استخدم رقايق السمبوسة نحط وحدة بالطول و وحدة بالعرض شكل زائد ونحط الحشوة بالنص و نطبق عليها الاطراف بيطلع شكلها مربع ونحطها على الصاجة المدهونة ونتركها الى النضج اهم شي النار ماتكون عالية عشان تستوي من الداخل ولا تحترق من برا

صورة من ام سعودي البطل

هذي العجينة نفس عجينة السمبوسة زيتية بس مقطعة مربع كبير
و الي ماعندها ممكن تستخدم عجينة اسبرنق رول عادية بس تدهنها بالزيت اول و بعدين تستخدمها

صورة من ام سعودي البطل

فطيرة بولاني اللحم تطبيقي لوصفة اختي @saallee11 جزاها الله خير مع بعض التغييرات بولاني لحم بطريقتي اكله بخارية
أخذت الوصفة من حساب حبيبتي سالي و غيرت فيها
المقادير
كاستين دقيق ابيض
كاس دقيق بالخميرة
حبة بيض و ملح
ثلاث ملاعق زيت زيتون
كاس ماء و إذا احتجنا نزيد ربع حسب العجينة ...
نعجن كل المقادير مع بعض جيدا لين تتكون عجينة متماسكة ولينه شوي ونغطيها
ونتركها ترتاح لين نجهز الحشوة المرغوبة...لحم اودجاج اوجبن اختياري
.
.الحشوة 🌟
1/2كجم لحم مفروم / حبة بصل مقطعة صغير كوب بصل أخضر /نص كوب بقدونس /ملح و كمون و كزبرة و فلفل اسود و فلفل أحمر و عصير نصف ليمونة قرن فلفل مقطع بدون بذور

نقسم العجين الى كور وسط الحجم و نفردها خفيف ونحط الحشوة ونقفله من الاطراف ونحطه عالصاج وفيه شوي زيت وعلى حرارة هادئه تستوي من تحت وتحمر ثم نقلبه للوجه الاخر وتقدم وبالعافية 💕

الوصفة تطبيقي من حساب الغالية .. @omyazeed_123

صورة من ام سعودي البطل

صباحكم سعادة طبقنا اليوم فتة الفلافل

فتة فﻻفل لذيذة
فتة فلافل / أم سعودي البطل☺
١/ فلافل مقطعة ( موجودة طريقتي في الفلافل تحت )
٢/ باذنجان وبطاطس مقطعة ومقلية
٣/ لوز مقلي او اي مكسرات تحبيها
٤/ أوراق نعناع
٥/ خبز مقلي
٦/ صوص طحينة : 1روب / 4 م طحينة / 3 م ليمون / ملح و نضيف عليها فنجان خل  تخلط المكونات الى ان تتجانس و رشة سماق
٧/ صوص بيستو ام سعودي
بقدونس وكزبرة قد قبضة اليد
٤حبات ثوم و عصير ليمونة وشوية نعناع وقرن فلفل وقبضة لوز مقلي
توضع في الخلاط مع إضافة زيت الزيتون حتى تتجانس المكونات
تجميع الطبق :
نحط الباذنجان وفوقها رشة من صوص البيستو وفوقها البطاطس والفلافل المقطعة والنعناع و رشة من صوص البيستو وفوقه الخبز المقلي و فوقها صوص طحينة و فوقه رشة سماق و اللوز المقلي و خطوط من صوص البيستو وعوافي $$$$$$$$$$$$$$$$ $$$$$$$$$$$$$$$$ فلافل / أم سعودي البطل☺
كيلو حمص (منقوع لمدة يوم ) ينقع داخل الثلاجة
حزمة كزبرة وحزمة بقدونس
بصلة متوسطة / خمس اعواد بصل اخضر/ ٥ فصوص ثوم
حبة فلفل حار/ طحنتهم مع بعض
التتبيلة
كمون وكزبرة وبهار وملح
وعند القلي يوضع بيكنج بودر مع٢ م ماي
ممكن اقسمها في اكياس و افرزنها و الافضل نحط بيكربونات لأي شي فيه خضار وراح ينقلي بس تكون اقل من البيكنج بودر يعني احط نص كمية البيكنج بودر  #فتة_فلافل_ام_سعودي#ام_سعودي#فتة_فلافل#فتة#سلطة_ام_سعودي #سلطات #سلطة_فﻻفل#سلطات_ام_سعودي #سلطة_مقليات_ام_سعودي #سلطة_مقليات #فطور #فطور_ام_سعودي #ريوق #ريوق_ام_سعودي
#فلافل_ام_سعودي #فتة_ام_سعودي
#وصفات_رمضانية #وصفات_رمضان #اطباق_رمضانية #اطباق_رمضان #رمضان #رمضانيات #رمضانيات_ام_سعودي #صلصة_طحينة_ام_سعودي #صوص_طحينة_ام_سعودي
#فتة_ام_سعودي #مقبلات_ام_سعودي

❤️❤️❤️
المتعارف عليه و المشهور أكثر إن الثريد يكون بصالونة لحم لكن سويت الصالونة على دجاج

اللايك دليل إعجابكم بالطبق فلا تبخلوا علي جزيتم خيرا 🍛صالونة الدجاج 🍛
1️⃣دجاجة مقطعة بالعظم و اللي يحب يزيل الجلد يزيله بس انا أحسه يحفظ الدجاج مايتفتت و يضفي طعم
22️⃣بصل مقطع و 1/2راس ثوم و خضار حسب الرغبة حبة من كل نوع أو تكتفين بنوعين من الخضار ( بطاطس/ كوسا/جزر/ قرع/ فاصوليا خضرا ) 3️⃣نحمس البصل بشوي زيت مع عود قرفة أول ما يصير أصفر أضيف عليه الدجاج و أستمر في التقليب حتي يتغير لون الدجاج شوي ويبتدي ينزل شوية سوائل 4️⃣أضيف الثوم و البهارات اللي أحبها و علبة صلصة(حسب رغبتك) وطماط مطحون و أخليهم يطبخون 5️⃣إذا غلي أضيف الجزر والفاصوليا عشانهم يطولون بالطبخ و نزيد الماي و نخليهم يطبخون في البداية نار عالية اول ماتبتدي تغلي نوطي النار و نخليها تطبخ على راحتها 6️⃣نضيف البطاطس والكوسا وشوية كزبرة وفلفل كبير + حار 7️⃣اذا قاربت الدجاج على النضج نضيف الملح والقرع عشان مايذوب لو حطيناه من البداية 8️⃣أذوب نصف كيس تمر هندي بكوب ماي و أصفيه و أضيفه للصالونة و هذا سر اللذة يعطيها حموضة رائعة و اذا استوت أضيف كزبرة مقطعة وأطفي النار
♻️الثريد♻️
احط خبز الرقاق و أكسره في الطبق ثم أسقيه بالمرق و بعدين احط الدجاج والخضار
طبعا ما أسقيه الا قبل تناوله بعشر دقايق تقريبا عشان يشرب الخبز المرق و يصبح روعة و نراعي ان يكون الطبق واسع شوي لان الخبز اذا شرب المرق ينفش ويزيد حجمه وهني وعافية
☺ #ثريد #ثريد_ام_سعودي
#صالونة #صالونة_دجاج #صالونة_ام_سعودي #صالونة_دجاج_ام_سعودي #طبخ_ام_سعودي #خضار#أطباق_لطيفة #خبز_رقاق_ام_سعودي #السعودية #البحرين #رز#عيش#لطيفة_الدوسري#الدمام#البديع #وصفات_رمضان#وصفات_رمضانية #اطباق_رمضان#اطباق_رمضانية #رمضانيات #رمضانيات_ام_سعودي#رمضانيات #رمضان_ام_سعودي#ام_سعودي

عجينة خبز الرقاق/ أم سعودي البطل
كيلو طحين رقم اثنين ننخله ونحط عليه ذرة ملح
ناخذ تمر الكمية تقريبا قبضة باليد ونصب عليها لتر ماي حار ونخليه لما يبرد نفرك التمر وهو في الماي بعدين نشخله وهذا الماي المطعم بالتمر هو اللي نعجن فيه الطحين وأنت تتحكمين بدرجة الحلاوة للخبز اذا ماتبينه حالي خلطي ماي التمر بماي عادي وضيفي الماي ع الطحين بالتدريج الى ان توصلين لدرجة الليونة المطلوبة لخبز الرقاق(سماكته تكون أثقل من عجينة الكيك ) غطيه وخله يرتاح ٥ ساعات أو سويه في الليل وخبزيه الصبح ع التاوة

تحمى التاوة ع النار و اذا حمت تمسح بقماش فيه شوية زيت ع كل السطح ثم تمسح بقماش جاف تماما و نبدأ بأخذ كمية من العجين و نحركها بشكل دائري على كل مساحة التاوة أما باليد أو باستخدام خشبة مربعة تمسك باليد و يكون بسرعة و بعد أن تستوي و يبدأ لونها بالتغير نمرر السكين علي كافة الخبزة بسكل مائل لنزيل ماتبقى من عجين ثم بمساعدة السكين نحاول تمريرها بين أطراف الخبزة و التاوة ثم نرفع الخبزة و نطبقها و نضعها في صينية الى ان تبرد ثم نستطيع تخزينها للاستخدام ع المدى الطويل
ملحوظة : غالبا اول قرصين من العجينة ماتضبط تكون لسحب اي زيت متبقي يعني تكون للتجربة و بعدها تضبط

صورة من ام سعودي البطل