مه ها گیونم وَ سر داری بکیشیم
هناسی إی، دلِ زاری بکیشیم
بِچِم خو کز بهم، ار سویِک سردی
خم أر وا دم، یه سیگاری بکیشم

#شاعر: #واحدیاری

📣📣صدای مردم لکستان
@lakvahid

غزل لکی
قول دل سلپیاسه خور عشقت
مه کرکم دیر چکی عه زور عشقت

اخنکه هر ولت کرد دوم چیمت
کموتر دل بسیاسر تور عشقت

خدا اژ کار وژ هم سر سره‌سی
مزانی که نیه عه جور عشقت

هلاک و درمنه و حنجیا کوتیکم
مه عه دس هورچیه ناپور عشقت

مه سرواز دس لیلاج بیمه
وه ناکوم حواردمسی سور عشقت

مه لات سرپر میخونه اما
بیمه مس و خراوه شور عشقت

مه چیم بیقوشم چوی چیمه قوش بی
که ناهلمونه بیمه کور عشقت

کفن پیچا کریا دس تونه دل مه
مزونم جامه یه رو گور عشقت

بوری تا دل مه آزیتی نمینه
ننیشه هر وه پاوه مور عشقت

مقومی اژ کلومت می بسازم
وه سر پنجی بیمر تنبور عشقت

#واحدیاری

صدای مردم لک
https://t.me/lakvahid