مگر زلفت  گرفتارم نَهردی؟!
چئمَل کالِ تو بیمارم نَهردی

بِچی هر جا بِپرسی کُلْ مَزانِن
کسی چی تو هُونه زارم نَهردی

#فرزاد_سیاهپوش

صدای مردم لک
@lakvahid

مَتَل عِشقِم اگر روژِئ کِتاو کَم

وفاداری وِژِم اَر بِئم حِساو کَم

اگر دردَل فراقِم کُل بِنویسِم

گَپَل فرهادُ مجنون کُل خِراو کَم.

#فرزاد_سیاهپوش

صدای مردم لک
@lakvahid

____

وه نومِ خدائی گِه دایم هَسی

سَرِ چرخِ گَردو فلک ها دَسی

خدائی گِه مور و ملخ دونه مِه

وه کور و کَلنگ و گُوجَر نونه مِه

مَذانی گِه چَه ها دروینِ دِلَل

وه وارو مکیشی نقاشی گُلَل

نه نون و نه آوئُو نه خواو و نفس

نه باوه نه روله نه محتاجِ کس

خدائی اَنویر اَر پَلاره مَنِه

  اَذونِه بِلال اَر مِناره مَنه *

اَساره مگیسی وه حُکمِ اُوئه*

گیا اَر مَروئی ئِه تُخمِ اُوئه

کُچِک اَر مَخارل نِمازه مِهِه

مَلیچِک ئه شوقَه گِه نازه مِهِه

خدایا مِه هر کاهلی کارِمَه

ولاتی خطا ئُو گُنا بارِمَه

تو بوری گُنامَر تِرازی نَنِه

حساو و کتاوِت ئه بازی نَنِه

اَ دنیا تو ایمَه خجالت نِهی

گرفتارِ تیژی عدالت نِهی

قلم تَر خطا ئُو گُناهِم بِکیش

بهشتی ئه لائِت اَرانِم بِتیش

___

فعولن؛ فعولن؛فعولن؛فعل

__

بلال: موذن صدر اسلام
اُوئه: اوست


#فرزاد_سیاهپوش

صدای مردم لک
@lakvahid