وچتا بوشم درته نام سَرم

رفیقو شَفیقَ دایم شکَتم
خدا مزانی حالی کُورپه تم

یکه خلقکه و دلا سوزم
پرستار نازاره شُوان تا روزم

تُویکه وا هُنکه وَر وَر صوانم
وچتا بوشم درته سخانم

یَه کَه معلمه قصه یاد درم
روزی هزار گِل درته نام سَرم

شکت روژکه و بِیار شُوانم
طبیب نازارع مرحم زامانم

وچتا بوشم نازار دالکه کَم
وپا مه پیر بین مِه چو جالتا کَم

سزیاینو آو بین و بانت ناورد
بیمه رنگ سفید و سرو قاوت

هر روز آو مویاین تا مه پا بگرم
هم مور نمازم هم تزمی ذکرم

چن شُوان تا صُو حسرت وخاو بین
وبانت ناورد و یاواش آو بین

برالم ونزر گیژی بی خاویت
خونین لاوه لاوُو بسین چُو تاویت

برالم و نزر دس دم پیر بیت
وزجر سفید بی قاول سیت

بی دلیل بهشت و ژیر پات نیه
جانم به م کمه دالکه رویم سیه

هویچ جبران نماو یه شُو و زجرت
ماجمه نام چه م هزاران گِل دردت

شاعر: #بهزاد_شریفی_کهره

صدای مردم لک
@lakvahid

#دکلمه(لکی)
(مادر

رفیقو شَفیقَ دایم شکَتم
خدا مزانی حالی کُورپه تم

یکه خلقکه و دلا سوزم
پرستار نازاره شُوان تا روزم

#بهزاد_شریفی

تقدیم به مادران سرزمینم
بخصوص مادران زاگرس نشینم

صدای مردم لک
https://t.me/lakvahid

پیری مِنو یار

دوس نازارم.یار گرمسیری
چوی زوی هَه ته ور .روژل پیری
یه چو وهار دل. مِل دایی وزردی
گرمی هناسی.رویی کِرده سردی
یه چویی پیری هت و کوکَه چَه می
ای مویی سفیده .چویی هاوا دعْهْ می
عه جو دردی بی پل پو گرتمیرا
دی ارزش چه سی.بکه نیجمه شا
بگر دَوکه (دیروز) بی .لیلا مجنون بین
جور ورْکه کورپه.وباوش شون بین
بگر کَلی بین.و کلما سرتاش
دم و لو عزیز.دنانَل جو ماش
وقتی و نازا.سیرته.مَه کِردم
روژی هزار گِه ل.ارات مَه مردم
تو یار نازارع.وهار دل بین
خوش خه نه و نازار.بگر بلبل بین
تو حکیم دارو.شفا مریض بین
هم رگ ریشه دار.هه میج.طبیب بین
تو تنیا جفته.وکشتی نومین
نازار دو ایلو.ایران وروم بین
تو آو نام کُونه.پوس شکارین
صایی اختیارین.چه مل مه ر آرین
چه ملمر آرین.بنینه.تو نان
گوشت بالم.بورین.تا بچوع سخان۰
تویله داری بین.شمرته و راس
یه چویی زوی پیر بین.تن حضرت عباس
یه تونی ارا.؟جور مه زویی پیر بین
بگر دوکه بی.که تازع سویر بین
پیری وکوا.ریی جالیت بری
که هاوارت کرد.که فیکت چریی
مهمان نه وه وخت بی دعوت نامه
نه وخت نهارع.نوجه وقت شامه
پیری چمت دام.جور نه رمه تویلی
ونام ای سرمه .بکم چ بویلی
بوش جالی بووا.وخاطر یارم
تن خدا بیشتر ویه.نکه دی خارم
سر دو روژی بی .وهار منو یار
بو بچو عه ریا.جالی گه لا بار
خوشال ووژم.نه وع پیری یار
ژیان زندگیم.بیه ژهر مار
نه دنان منو.نه موی وسرا
جور پنج کیلویی.و ورع هورا
یار خجالتم.چمه دسه مایی
بجز یه بارم.ارانت عصای
یارنازارم.دل تنگی نه که
یع سرشتو ذات.رسم طبیعته
سمعکی بارم.تا به نینه گوش
ناراحتی نه که.تن خدا هویچ نوش
تف عه پیری بو.رفیقی نیری
سر به نین عه سر.آوریته مه ری
سر عه سر ننتی.عه پاته ماجی
نه روشت گرع.نه موری باجی
یه چی خاصه سی.دوچم کی نیری
جور باز جنگی.پل پوته مه ری
دل نازک مکه.جور کورپه ور دا
فرقی نه مه که.گدا بوین یا شا
تف عه پیری بو.توق مه لیکه
تش بریق گنو.گلم وهوریکه
وهار دمی که.جالیی.دو روژع
نصم بیشتر شو.باقیج روژیکه
هر دارو.تویلی.مه ثمر بگری
پیر وخاپیر بو.به کوی بمری
ونو.بایه بان.لیلو دل داری
روژی که رد بی.گلا نماری
یار خاصکم. دنیا هر یه سه
بو ناراحت ناو.گری دی به سه
آخر عاقبت.محکوم ومرگیم
اودکولن.کافور.وسفید برگیم
فقط تن خدا.بوش و مرده شور
یواش غسلم دی.خاص به نیمه گور😔😔🙏🙏🙏🙏🙏

شاعر: #بهزاد_شریفی_کهره

صدای مردم لک
@lakvahid

وداخ چَمل ایل لیوه کَرت
ولیمو خوش بوه.مهمان بَخَلت

شوان تاگر فجر.هامه پژارت
تَجیل بِرمه نِمو.بِکمی خارت

#بهزاد_شریفی
#شعر_لکی

صدای مردم لک
@lakvahid