#غزل_لکی
(اَسرِ خون)

پاییزو خزان، دلگیرِ دوسم
ویرِ ای کول بریا، اَ ویرِ دوسم

آوختم یسه، بچمِ دیار دوس
چمم سیر بکم، ای سِیرِدوسم

تامِ تَلِ درد، دویریش مکیشم
سر کِزو مِل‌کِز، اسیرِ دوسم

شرط بو کوچ بکم، وِ ملکِ دلگیر
قید قوم و خویش بم، بی غیرِ دوسم

ای دشمن بی باک، هوچ خوفم نیه
چه فایده ژارو، فقیرِ دوسم

ای جا اَسِر خون‌، مرشی وَدیدم
چمم سویرا بی، روژ سویرِ دوسم

وَتاوِ آگر عشقِ دوس سزیام
قسم‌مَ میرِم وَ پیرِ دوسم

اَر صد حکیم بای، پی درمان دردم
هوچ آزا نماو، جای تیرِ دوسم

✍ #خلیل_محمدی_هزاری

کانال هنر و مردان لکستان
@lakvahid

اگر راسَ مین لک شیر پاکین
ارالکستان چوی آو هلاکین

چوی سیروسرکه دلت ها وه جوش
هرلکی بخون هرلکی بپوش

شاعر #خلیل_محمدی_هزاری
#شعر_لکی

صدای مردم لک
https://t.me/lakvahid