بوری مامورٍ آزادی دلم بو

بوری بختو فرشتهٍ مشکلم بو

مًگر نيته چوار دورٍم خم آوه

بوري موج وخًوًرآر ساحلم بو

#فرخ_شهبازی

کانال هنر و مردان لکستان
https://t.me/joinchat/AAAAAD7Z6hdy_17kLYVC-A

‍ محمد ص جلوه ی پروردگاره

بشابي وه نام ملک هزاره

بهانه هستی خدا وه ويش دا

اگر پخشا کین ماوه هساره

#فرخ_شهبازی آذر96 ميلادپيامبرمبارک


کانال هنر و مردان لکستان
https://t.me/joinchat/AAAAAD7Z6he7fmuzigakRQ

دل ،حيفً بووًه ،دل پریشانی

ياگر گمانی ،وه بدگمانی

بوری تا ايمه وژماني بويمن

اصل ایرانی . یار لکستاني

#فرخ_شهبازی

کانال هنر و مردان لکستان
https://t.me/joinchat/AAAAAD7Z6he7fmuzigakRQ

بوری إ لا منو شوگار گٍرّإ. کًه

وًه دس دل چاليٍ گونام پٍرا که

خوزالي گٍل تٍرٍک بوشين فلانی!

نچو رٍي دويريکه پالٍت دُرّإ که !?

#فرخ_شهبازی

https://t.me/joinchat/AAAAAD7Z6he7fmuzigakRQ

دنیا و عمر

دلم گیریایه اَژ ای روزگاره
اَژی ریبانه که ورمان مخاره

بووش مر نوتییه وَ زون ویشَن!؟
نمایا عمر رفته دِی دوآره

کتاومی دِی پِروپر یادگاری
که برگانی کُلن سنگِ مزاره

گنی دنیا یسه عمری موخشی
ولی روژ و شوی مکی شماره

مناز وَ اسب شودیز رنگیینت
پیاده کردییی دنیا سواره

دنیا شویکه اِ چَئمِ آیلی
مشماری تا صو گَلِی هساره

دواره شاعر موشی وَ بینت
سیمریه عمر! نمای دواره!

#فرخ_شهبازی

صدای مردم لک
https://t.me/lakvahid

دنیا و عمر

دلم گیریایه اَژ ای روزگاره
اَژی ریبانه که ورمان مخاره

بووش مر نوتییه وَ زون ویشَن!؟
نمایا عمر رفته دِی دوآره

کتاومی دِی پِروپر یادگاری
که برگانی کُلن سنگِ مزاره

گنی دنیا یسه عمری موخشی
ولی روژ و شوی مکی شماره

مناز وَ اسب شودیز رنگیینت
پیاده کردییی دنیا سواره

دنیا شویکه اِ چَئمِ آیلی
مشماری تا صو گَلِی هساره

دواره شاعر موشی وَ بینت
سیمریه عمر! نمای دواره!

#فرخ_شهبازی

صدای مردم لک
https://t.me/lakvahid

#واران

بشور واران که ایران غرقِ خاکَ
طلسم و ماتم و چالاو مَغاکَ

تمام دشت و آسو سر دیاران
عطشناک و زوان هوشک و هَلاکَ

وه ساتی خَم دِرو کَه پُر ژه شاواک
شوو روژیج بِگر وَرزیر ضحاکَ

نماو هرچی بکین شادی بواری
اَرا ئی رنج سردَ هر زاواکَ

ارا خم حاضر و همراهِ گیانه!؟
شماره ی شادی مردم بِلاکَ!؟

ارا بَسیا دَرِ زور خانه یِ دل !؟
شریک بزم نازاران کِراکَ ؟!

مگر دیوان شووانان کویرَه آگر ! ؟
خوشی چی اِ زمین و زار و خاکَ

مگر عودالِ حق ناحق وه حق کی !
تونیج دوریش! دوواکَه هر دوواکَه !


#فرخ_شهبازی سوم خرداد ۴۰۱

صدای مردم لک
https://t.me/lakvahid

‍ ولات لک


هساره بار بیو جورّیا ولاتم
پِرّ اِ مخمل بیو گِرّیا ولاتم

حریرِ کاو یِ دس، دیته نازار!!
وه گرد بِچ کافری دِرّیا ولاتم

هزاران سال بلویط و خاک و صخره
رَسِن زاگرس بیو بِرّیا ولاتم

عتیقه بی طلا و مفرغ،مگر نه !!
وه گرد جودانِ دُز خِرّیا ولاتم


مِ تینی مورِ ار تینی مَنی کِم
علی مردانِ گیون گِریا ولاتم


نکریا شینِ آخر خانِ لک روو!!
وه زورِ اجنبی بِریا ولاتم


بنه مالِ ستوین برزِ دیاری !
داوارِ کُت کُتا کِریا ولاتم

تو بوش ار پی کومین سردارِ سی بخت
چوی مال یتیم قورخ هوریا ولاتم

وه دس تاتار و ناکس مردمان تِر
بیه کو گوشتِ گا هرّیا ولاتم

مگر تو بچکنین ای جالِ لکسان!!
بلویزاری اِ نو نِریا ولاتم

مگر دایا دِتی باری ! کریمی!
بوه سامانِ لک وریا، ولاتم

مگر بابال، دواره وه دسِ حق
بِکن وه راز ،زنگِ زریا ولاتم .


#فرخ_شهبازی

صدای مردم لک
https://t.me/lakvahid

پنج هجایی لکی

بِژَن تَمیره،
بژن تمیره
هاوارِ تونِم
نالِه دَروینه
بژن تمیره
شاخوشین واته
نُختِ اَزلُ
سرّ ضمیره


بژن تمیره،دَمِم بَسیایه
بژن تمیره،قلم شکیایه

قسم وَه وژِت وَه دوشای داوِت
خیال ژَنینت إ مِ بِریایه

بژن تمیره،خزان خیزانه
بژن تمیره،وَلگان رِزیانه

روژگار وِرو تو بِگر شاواوه
مگر چَهم داران چَمان بَساوه

بژن تمیره حالم خراوه
بژن تمیره جَرگم کاواوه

اَر وَه مَقامن اَر وَه شورّ موشین
وَه ر اَر بانِ وَه ر،کِیان مَتاوه!?

بژن تمیره دل گیریا مِنم
بژن تمیره رِی رّویا منم

بژن تمیره وَه نِیانا بوش
وَه پای نادویزپا دوهل دِرّیامنم

بژن تمیره بژن تمیره
حاوالِ تونِم،ناله دروینه
بژن تمیره شاخوشین واته
نُختِ اَزلُ سرّ ضمیره

#فرخ_شهبازی

صدای مردم لک
@lakvahid

‍ ویرته مَکَم


آگرِ رشیا اِ دامان ،ویرته مکم
ئی ویراچی لکستان ،ویرته مکم

دنگِ برزِ کریمخانیِ لک !
چویچیا اَر نامِ ایران ،ویرته مکم

بنچینه کورا بیهِ زرتشت و آگر
بِلوزی سُورِ مَله آگران، ویرته مکم

اِ دویرا بگر کعبه بینو آهن راوا
کوچیلِ رمیای سی مالان،ویرته مکم

دنگی چوی تافِ ویشه بشنوین وه گوشِ هوش
مَشکَکِی ژنیا وه هی تان ،ویرته مکم

اِ بانِ سَرِم بین ،هه چوی طویلِ زرین !
برّیا وه دسِ وهر و واران ،ویرته مکم

دایام دِی نیه  تا ،بام وِرو باوشِ تو
خولک و خویِ هالوان، ویرته مکم

جُمه بی ایمرو کسی در نکوای سینه ی دل
رسنِ برّیایِ باوان ، ویرته مکم

نجیمِ ویر سَرآو  هوار ویرو سِراو
وه کولِت کونه آوان ،ویرته مکم

بویِ نانی هاتیه چوی دنگِ آبادی دل
ساشتاوای آگر و نان ،ویرته مکم

دنگِ نازاری بِرّی کویچه و کویچه مایِ دل
کورِ خان اِ مال دَسویران ،ویرته مکم

مِ دلم تنگ بیه کی باید بزانی !؟
مورنازار چرّ کشکان ،ویرته مکم

یه ارا کور بی‌بییسا برزیِ لک !؟
اِ گرّین تا زردلان ،ویرته مکم

هتیه شو چه بکم هسارهکَم !؟
چلسرو نقلِ شووان ،ویرته مکم

چوی اسیر گیریایه دل ،کَنیایه گیان !
سیمره ! دنگ بلاوان ! ویرته مکم

ای تو خّرماوایِ دل ! تاگر وروگرد و خِزل !
دویِ ورجی آگر ،هُلیران! ویرته مکم

ای تو شامهمیِ سر زونِ دلان
مِ چوی آدم بی مکان ،ویرته مکم

هر وه بابرزکِ وژمان ! گوش کَه !
چوی آوِ تینی نازاران  ویرته مکم

شنفتم وَتته تا کو مکین ویرِ دلم !
اِ وژم تا صد چوی دلفان ،ویرته مکم


تو چوی بابای دلان بی پوشنی
اِ لکستان تا همدان ،ویراته مکم


تو یقینِ دل منین نازارِ لک !
اِ گُله صو تا شووان ،ویرته مکم

دلبری بسه عزیز ! ایگله گوشکه چه موشم !
بوری بنیش وه نام گیان ،ویرته مکم

کس مزانِ بی گمان ! ویرته مکم
آمانکی صد دل آمان  ،ویرته مکم

نِهاون دورس پِر اِ خاطرِ ایرانِ مِنه
لوره لورِ سَر گِییان،ویرته مکم

خاوِ صو شیرِن ترِ اِ بزمِ دله
زلهیهِ وَروَر  بِیان، ویرته مکم

زندگی وه  بی خَوَر ،گِل گِلی ماوه بَشِت
چهخووِ نافه بِرّآن، ویرته مکم


قسم وه گیس هویل و لویلِت !
چهم سی وِیَر دِنان،ویرته مکم

تا مکوینی ویر دلم ای همیشه ماندگار !
چوی ولات شیخ مکان ،ویرته مکم


آرَشِم هامه سَرِ کوهسارِ لک
سروِ چمان ! گیسو کمان ! ویرته مکم

کُلِ گم کَرده رییِ ایواره وخت!
ماچ و مِلچه یِ نامکلان،ویرته مکم

بو خنی تیتک و پَل نمشنوم !
گیسلِ چویر نشان  ویرته مکم

سراول زاگرس نشین یادتان وه خیر !
تافَ تاف اَر بانِ شان ،ویرته مکم


آگرِ رشیا اِ دامان ،ویرته مکم
ئی ویراچی لکستان ،ویرته مکم

۲۰ اردیبهشت 1401 به اشاره و سفارش سرکار بانو بیرانوند
#فرخ_شهبازی اردیبهشت 401 کرمانشاه بدون ویرایش

صدای مردم لک
@lakvahid

دالکه

دالکه نازارم! سیقه سرِت بام
وه خِرِ چئمه لِ پِر اَسرت بام

بومه نذری اَ ؛ کِر داوتل تَه
وه خر گلونی دورِ سرت بام

دالکه مزانین بعد تو چم وت
بلگ بلگِ سفید کفن ورت بام

یه گل تر بوری شوم وه روژ که!
تا وه هساره‌ی روژاکرت بام

بووِم وه نذری هناسی سردت
وه فدای دل و باخ و برت بام

دالکه مزانین چت نامی زوان
تکه تک اسری اِ چهم تَرت بام

یه گِل وه بی دنگ بو وه مهمانم
وه خنل رنگین هروهرت بام

غیر آژ مِ شُوان چهمه رِی تونه
شیرنی قصه ل چوی شکرِت بام

دِرمازان وخته نازار دالکه کم
وه نذری وژو پِرپار هورِت بام

اِ سَرِ دلم چوی کانی بنیش
چئمه ری هوساین دمِ درت بام

بالشتی اِ گل دوشو دیمه خواو
وه فدای سرین ژیرِ سرت بام

#فرخ_شهبازی

صدای مردم لک
https://t.me/lakvahid

‍ هیهات

تا بوم وه فرهاد هيهاتي میتی
اُديسه و ایلیاد هيهاتي میتی

بٍين منو رفیق بيه ویرانی
تا بکم آباد هيهاتي میتی

بیمه فراموش إ حافظه ی دوس
تا باریمه  یاد هيهاتي میتی

جرمم عاشقی قاضی بی خوًر
بیداد بو وه داد هيهاتي میتی

شوشًمًم گٍرتا تهريکه شو هت
بٍرًسمه مراد هيهاتی میتی

تُهم پرس و پو کتيسي ولات
ناشاد بو وه شاد هيهاتي میتی

قانون آبادی، ها دس ناخاله
رونق وه بغداد هيهاتي میتی

پا بوره پيا کتيسي تهران
شاگٍل وه شهداد هيهاتي میتی

یه گٍل تٍر نماو ،  شٍپي وه شيرٍن
فًرگه وه فرهاد هيهاتي میتی

#فرخ_شهبازی.

صدای مردم لک
https://t.me/lakvahid

دو دِل

گِل گِلی موشم دلبری نکم
سر بهمو سری ، سَرسَری نکم
بی اجازهِ حق دِی کاری نکم
وژمه پَری کم ویر پَری نکم

#فرخ_شهبازی

صدای مردم لک
https://t.me/lakvahid