آهنگ زیبای 🎙
#علیخان_عزیزی_بیرانوند

📝 #رحمان_عزیزی_بیرانوند
🎻 #ماهور_جوزایی
🎺 #دانیال_ارشادی

🔻پالدُم کِراست نَشق و نگاره
🔺هَر گو گَرُینه پِر ئِه اشکاره
🔻هوماری سینت دشتِ کویئَشته
🔺لَخت سیاوَه باخِ اَناره

🔷بیمَه خریدار ملک آبادت
🔶تو گو شیرینی مه هم فرهادت

🔻وَختی کِه تفنگ ماوژی وَ شونا
🔺مای خِری ماری وَ سرِ بونا
🔻یِجا لڪ و لر مونه مهمونت
🔺گو الیشتری وَ ڪیَه‌مــــــونا

🔷تا روژِ مـــردن هرهامه یادت
🔶تو گو شیرینی مه هم فرهادت

🔻هَر کِه دس مَنم وَ نوم دَسیلت
🔺خو گِزَه مورم ، موسِمَه سِیلت
🔻ئِه دلا موشم کاش مِکیسم کِه
🔺ایمشو بی‌اِسم ئِه تو زلفیلت

🔷خِرره زلفیل و شونه شمشادت
🔶توگو شیرینی مه هم فرهادت

🔻معتادِ خُراو دَم و لوئِـتم
🔺خمار ئِه ور درد لرز و توئتم
🔻خاوم نموری بی ماچِ نوم دمت
🔺چیم‌ئَه‌ری پیـام آخـــر شوئِتم

🔷دَم بِنه نوم دم عاشق معتادت
🔶تو گو شیرینی مه هم فرهادت

🎵 #لکی

صدای مردم لک
@lakvahid

دَرویــنم آگِــره‌سونه دومــاتو
زِنِی زنجیر و زندونه دومــاتو
همیشه قوی‌مَه وَگردِ خیــالم
سرم جا جنگ و گرزونه دوماتو

#رحمان_عزیزی_بیرانوند

صدای مردم لک
https://t.me/lakvahid

🔹هِه گِه بِرمَ مَشینی ، زِیمَه موینی !؟
🔸خوینِ تِک تِک چِکیا تُر پِئمَه موینی

🔹هونَه وَ کوئ خَمت شیشه دل اِشکیا
🔸ئِی شیشه حُوردیلِ ژیر چِیمه موینی؟

📝 #رحمان_عزیزی_بیرانوند

صدای مردم لک
https://t.me/lakvahid

مَری شیطون مَچو ئِی پوست ئی دوس
چَنی بیرم مه هَر افسوست ئی دوس
تو ئی لون وُ لِکوتِ آهوئیلی...!
تِفنگچی گِه نِماوه دوست ئی دوس

#رحمان_عزیزی_بیرانوند


@lakvahid

شوئیل تا صو تِریف تَف اُورِ چیمم
ماواری اَر گونا چوی دشتِ دِیمم
وتم ســـاریژ بِکم زِیـمَـر خیالت
خیالت خـو خوآ پاشیته زیمــم

#رحمان_عزیزی_بیرانوند

@lakvahid

دومــــاتو دل اَرنم لونه درده
سرم شیتی اَره وژ لیوه‌گَرده

هونه سیکار ئِی دویریت مئمَه وارآ
گه لوئم چوی تماکو کوئ‌نَه زرده

#رحمان_عزیزی_بیرانوند

صدای مردم لک
@lakvahid

دل ئِی وَر آگــرت گِـله‌بریژه
سرم ئِی زورِ مسی گیژِ گیژه

مِ اَر روژ و شوئِم کُل بی وَ شوگار
اَره یَه بی گِه زلــفِ تــو دیـرژه

❤️❤️❤️❤️❤️❤️❤️❤️❤️

وِتو گِه عاشـــقی دردی گِرونه
جیایی داری‌کَه حُشگ و سَرونه
ئِی روژی وِ دو درده درده بارم
مِه دِ تقویمِ عمرم کُل خزونه

❤️❤️❤️❤️❤️❤️❤️❤️

نه جَرخه داخهَ دل هوره چِرم دی
نه شـوئَه‌خونِ گرگِ لَم دِرم دی
اگر دوی ئِی سرم چی اورخِلاسیم
ئی وَر خاو آسمونـی آگــرم دی

#رحمان_عزیزی_بیرانوند

صدای مردم لک
@lakvahid

تونی گِه حَرفیلت یِجا دروعِــن
حَکاتِیلت دو بیشتر پیت پَروئن
یِه رو دیته گِه حرفیل و حکاتیل
شِراقتِ ئِی بِنِ گوشَ مَــکوئن

@lakvahid
اَرا عـشقم اَرنت چوی هِنَک بی
نَکِئ برگِ دلــم ئیِ کَـپــنک بی
وژت چین وُ خمت چَسبی وَ دلـمآ
خدا مابین خمت گو دویسنک بی

@lakvahid
دلم سَروازِ تَنیا دلتنـــگی‌کَه
لشِ اَر جا مَنی میدو جنگی‌که
دوما یارون مَزونی اَر بِمینی
زِنی مَنن اَرنی یِه ننـــگی‌که

#رحمان_عزیزی_بیرانوند

صدای مردم لک
@lakvahid

اَرا هوچی وَ سر جا وژ نیه دِ
زمین یخچالی ئِی دلسردیه دِ
نِمَم کِرده بشر ، یا کار خدائه!
تمدنمو ولا ئِی دس چیه دِ

#رحمان_عزیزی_بیرانوند


چیم و برمت پلامارن اَره یک
مَری کَلما و اْشکارن اره یک
هـونه هانه یَکآ، ئُو وَ یکَ مان
چمونی عاشق و یارن اره یک

#رحمان_عزیزی_بیرانوند

صدای مردم لک
@lakvahid

اَرا هوچی وَ سر جا وژ نیه دِ
زمین یخچالی ئِی دلسردیه دِ
نِمَم کِرده بشر ، یا کار خدائه!
تمدنمو ولا ئِی دس چیه دِ

@lakvahid

چیم و برمت پلامارن اَره یک
مَری کَلما و اِشکارن اره یک
هـونه هانه یَکآ، ئُو وَ یکَ مان
چمونی عاشق و یارن اره یک

@lakvahid

یِه رو ئِی جورِ آوه سَر سِراوم
روژی‌تِر آگرم، وَدَه عَــــذاوم
یه روژیلی مومَه عاقل نَجیمی
روژی گه عاشقم لیوه خراوم...

#رحمان_عزیزی_بیرانوند

صدای مردم لک
@lakvahid

تو کِه لکی وِتن ننـگه مزونی

یا فرهنگ، ئِه شوال تنگه مزونی

بِـچِه تاریخ بِـخون ئِه باره لکـیل

گِه لک وژ ریشه فرهنگه مزونی

#رحمان_عزیزی_بیرانوند

صدای مردم لک
@lakvahid

منو دل هر حواسمو هائَه لا تو
چوزونی چَه‌ وَ سرمو هَت اَرا تو

مه خوینم هائِی مِل عشقِ دروئت
اما خوینِ دلـم نِریاسه پـا تو!

#رحمان_عزیزی_بیرانوند

صدای مردم لک
@lakvahid

شعر لکی
رحمان_عزیزی_بیرانوند

ئِی وَخدی تومِ ئَه لومه چَشیه
دوبیتی  آگــرینم   هَر   وَشیه
گِرون  ئِی  پَره پَره دفترم چی
قلم  دسم  مری  شنگ  آتشیه
❤️❤️❤️

نِمَم تا کِه مَمینی ظلم و جورت
نِمیلِن تا  قیامت  بو  ئَه  دورت
یِه‌رو شوله مکیشی روشنی حور
مُـاوه  جــلادِ  تِـیریکیِ  اورت
❤️❤️❤️❤️

مِه چیم‌ئَه ری کسی‌کم گه چیه دئ
نِزاکم  کِردی  اَر  سر   ئی  ریَه  دئ
وَ حالم  یِه ولاتی  هَــر  یَه  موشن
باوه  یوسف  چیه  گیره  اییه  دئ

❤️❤️❤️❤️❤️
زمونی دست  ئِی دسم  جیآ  بی
اَژ ئَه سات وُ دوما دلموُ دوما بی
نَنَر مِل دل منو نوش کار  قسمت
یَه دِینمِه مِل خدا تصخیر خدا بی

#رحمان_عزیزی_بیرانوند

صدای مردم لک
@lakvahid

دائولی تنیا وُ بی کس و کارم
وَ صد وا وُ وَشن هم گِل نمارم
دوما مِردن هنی هم چُکیامه
لشی گه هوسیآ ماوه مزارم

#رحمان_عزیزی_بیرانوند


مترسکی تنها و بی کس و کارم
با صدها باد و بوران هم تکان نمیخورم
بعد از مرگ هم استوار ایستاده ام
مرده ای که در مزار هم ایستاده است

صدای مردم لک
https://t.me/lakvahid

دلی گه کُت کتَ آزا نمو دِ
اَره عشق خدا وَ جا نمو دِ
اگر پِئوَس بِکم ئِی کویزه حورده
حلاجی اَر آوه رشیا نمو دِ

#رحمان_عزیزی_بیرانوند

صدای مردم لک
@lakvahid

تو تا سیله مَکِی گیونه مسینی
دلــــم وَ نرخ ارزونه مَسینی

گِری سِیلت نکم، زور خیالت...
ئِی چیمم خوینِ وارونه مسینی
#رحمان_عزیزی_بیرانوند

صدای مردم لک
@lakvahid