منو_تو (فاصله)

مه ویئرِ زمسون تو تاوِ آگر
مه ریچرمی گلوله تو سِرَه‌پر
زمی تا آسمو فرخِ منو تو
تو قئوه نووِ ار باو مه کراس شر

تو چوی دت پاتشاهی مه دله‌شر
تو شیرِ ویشه عشقی مه زله‌زر
تونی میوه گُل ار توک مِه پژلمیا
تو سروِ برزِ چوکیا مه یله‌مر

مه وی نوم آوم و تو دارِ آسو
مه خارِ قئ گلم تو نار خوش بو
مه ویشه حوشکم و تو باخِ پر خیر
تو لوئت چوی اناره مه دَمم چو

مه تاریکی نُزیلم ،تو هویره تاو
مه سی چوی پشت خزو تو چوی ویره‌تاو
مه کوینه دارُ تو خونچه وهاری
مگر دوسی منو تو وی جوره ماو؟؟

#واحد_یاری

صدای مردم لک
@lakvahid

#واحد_یاری

#شعرلکی

صدای مردم لک
@lakvahid

#واحد_یاری

#شعرلکی

صدای مردم لک
@lakvahid

اَخَه واری کُچِک زوور اَر رئ‌ام مه
یسه زنجیر و پاوس بِن، دئ‌ام مه

هونه آگر چئمت لاشه‌م سزونی
وژم وژمیش نمشناسم کی‌ام مه

#واحد_یاری

صدای مردم لک
@lakvahid

توچی یاخی وَ دل مه داته دسبِرد
نویینه دس‌مَرَس تا کولکَسم مِرد
بینَه آگِر سوزونت ویشه عشقم
وَ عشقت کل ولاتِت یه چُومِت کِرد

#واحد_یاری

صدای مردم لک
@lakvahid

چوی آگری آوتته عه ای لشه
ای ستن و سزوننه هو خوشه
عه داخ دویرییت گری گاو شو
طالع من چاره سی و تول رشه

اسر چمم عه دویریت سا نمه
دلت ارا وه ای دله پا نمه
ای کشت عشق تو مه آویاریکم
آو نوعه داری شکتم پا نمه

گلهیروعه بوسون باخم تونی
روشنی و نویر اوجاخم تونی
خدا وژه مزونی عو ای دله
رنگین و برز و دت ایلاخم تونی

نافه برونه عشق مه هر تونی
مه آهنی ژنگ ژنگوعم زر توتی
تو برز و بالایی منم ژیر ژیر
مه دار پیر و میوه نوبر تونی

برناو شونه کور جهالل منم
وارون و سر سوزی سالل منم
دوریسه تو یکله دت ایلاخی
خنجر شاهی پر شالل منم

دست بنه دسم وه نازا بچیم
وه گرد سما سنگین سازا بچیم
شونت بیه شونم تا کل بویینن
وه سر پتی وه شال وازا بچیم

لیل مه ار تلمیت دورونه مای
دلگاوی ار برزی دو شونه مای
اسفن و آگر وه بخل بارنا
شیرین شیرین تره هر گیونه مای

ار کزی مینگه دل وهاره ماری
میوه وه سر برزیه داره ماری
پاقیمه لیل و نگار مه هر
خوشی وه دل هزار هزاره ماری

خوشاله مه ارا یه گه تو دیرم
گرک دیرم وه لا تونا مفیرم
دردترنم سرت بنر باوشم
عع ماچ‌ِ نوم دمت که سیر نمیرم

#واحد_یاری

صدای مردم لک
https://t.me/lakvahid

غزل لکی فاصله(دویری)
شاعر لک زبان : #واحد_یاری

غزل فاصله (دویری)

دلم پر خم، لشم پر درد، ولی ،تو شاد و شادونی
منم بی کس ،منم تنیا ، تو صاحب ایل و دویمونی

منم بیلکو وَرِه مالل ،دلم چوی کویره زرکارل
تونی پرآو، تونی سربرز، تو اور پر ژه وارونی

منم کز کور و سر وه هوار ،منم میخ ار وره ریوار
تو هاینه برزی و قیقاج وه روی اسب سوارونی

منم بی آوه سر گرّیا، مری دشت و هوماری‌کم
تو چی لافاوه ویرونگر ،مری کیئنی سرآسونی

منم ریش چرمیه دورون ،که عه نوما ئِرا رزیا
تو چوی آگر گورره گوررته ،ارا گرمی زِم‌ِسونی

مه بارم حویل مه برگم شر، مه گوچونی رفیق رامه
تونی مطلوه هر بی کس ،مری شاهه خراسونی

مه چوی نی حوشکِ پیترکیا چقه‌پوقه سخونمه مای
تو چوی سیکونه پر تافی ،مری اُوره وهارونی

مه چوی ویشه که قِل‌کور بی، لویله گرگ و قلامه مای
تونی درمون‌کره حالم ،تونی نازار دورونی

مه چی جویی که صدساله، تکی آو هم نحواردویتی
وهارآو سیمره وژتی ،مری لافاوه کشکونی

دمم شکت، قلم بریا، تو بو ای فاصله کم که
که تا وختی برسمه تو، منیشم هر دس ار زونی

صدای مردم لک
https://t.me/lakvahid

‌‌شعر لکی
#غزل #لکی

ناوار وارو بیلا تا مه باوارم
بیلا تا بوشم اژ دل چوی داوارم

لخه داتیر پله‌م اَ چاره‌نویسه
شیوونی شارم و لریا شاوارم

سنی اژ مه فلک وه نابرایی
فریت کاو چیم سی و تلمیت سوارم

وه تیشه گول دمی یهو یهاتو
بریتی تویلِ تر ؛ دارِ انارم

ارا یه سی‌ترا که طالع رش مه
کَنی الخاونِ سوزِ وهارم

سیاتی کردی اِ ور مونگِ بختم
بیه بونگْ باولی شوگارِ تارم

شکونی پشتم و گوچونمه بی دای
وه خارت بردیْ کُل دار و ندارم

ایسه که بردیه عشق و ‌هناسیم
بیلا گوش فلک کَر کِه هاوارم

بیلا بِرْشی عَسِر شور ار زیئم دل
بیلن بوشم اِ دردل وه لاوارم

تا وختی قیلِ روی سئ اِسبیا مو
وه دو چیئمِ پر اژ خوینم ماوارم

فلک چوی مه دمت وه کو زخال بو
هونه بردت وه تالونا قرارم

کراست چوی مه سئ بو تا همیشه
ارا اژ مه سنت کوگِ مخارم
#واحد_یاری
🖤تقدیمه عاشقل دل اشکیا🖤

صدای مردم لک
@lakvahid

فرهایِ لیوه که موشن هر منم
شیتِ تونم شیرینَکی ارمنم
تیژیِ برمت تیژیِ تیشه‌مه
صد بیستوین وه عشقِ تو مَرْمنم
ناز بهه تا بخرم ناز تو
تا بوئمه بلبل هومرازه تو
قمری روی شاخه تو بو تا مه گل
بِرْشِنم ار چوپیگه وُ ساز تو
آوه دست کاره شراوه مهه
کیئنی عشقم و سراوه مهه
لو سورکت شراوه صدسالیه
ولاتی بد مست و خراوه مهه
چیئم و دلم قلفه وه در مالِ تو
ویروشه شوگارمه لو خالِ تو
دار ده ای منصور بی کس دله
ار قاوِ زلفِ سئیِ تال تالِ تو
وژمه مزانم نییم ار باوِ تو
دل مه نموسی نه چَمِ کاوِ تو
هر باله پیت پیته مهم ار خدا
گاس که یه گل بامه ور خاوِ تو
می‌کشِ ای دل منه ها خم ژنن
پیشه تونه کِل داوین و دل سنن
مر نمزانی کافر و بی خدا
بِن‌پله ای چئمله ار می بنن
کم ده چوکل چو تو بن ار آگرم
ار تورر پا تو یسه هو کافرم
چئم تو مسجد و کلیسا منه
چالی گوپت قورِ اول آخرم
وا که مای زلف تو ار شونه مه
کموتر ئِه پرچِ سییت لونه مه
هرکه مپیچی حوییرِ زلفِ تو
کُل ملِ بی لیزی آو و دونه مه
پرچ سییت پل پیچ ار پا منه
بایه قوشم؛ کل ویرونه جا منه
گپ منو ای لیوه گری دل منه
جاجک دم خوش کره هومسا منه

شاعر: #واحد_یاری
دکلمه: #راضیه_فولادوند

صدای مردم لک
@lakvahid

اشکونته دل مه هنی آه مه ها پشت سرت
بو وه گنل زرد پتی نو‌چکر و تویل ترت

هتی قپونت عه دسم هتی که بوینه کولکسم
وتت عه سر آ که ولات مه تنیا مومه یاورت

وتت هنارست منم وی دنیا هر کست منم
هر منم و هر تو فقط مه مومه شال و خنجرت

وتت وژم مومه عصات باوه چیه ولکه دآآت
مه طلف نایو پر گرک وتت مه مومه مادرت

وتت دله ای مینگه بکن هر وه درو مدوم بخن
ولکه دیار و آو خاک وژم موعم وه کشورت

تونم نیشونه سا وژم تونم کرده خدا وژم
بینه رفیق نیمه ری بشکی جناح لشکرت

بی کس و‌ کز کور و کلیز کته شرم کلیک فلک
بویینه بچه بلاییکا خضو خدا عه نوم سرت

بنی خدا داخه دلت خم بوعه مهمو منزلت
بنیشی هر وه پاوه مور خوین بتکی عه چیم ترت

دل مه چو شیشه ریختیه تا ابد هر ها دس پات
تیر اجل بایه دیار آ رزنی بال و پرت

چیم مه چی تیم وهار خوینه ماواری ار رویم
چپالی عه فلک بیری بی ار رویت بهه کرت


بار وژت بستته تو بار مه لار و لنگ کتی
خدا مه ار نوم قه بنار بشیونی بار خرت

بخت تونی سی بو عه طور طالع منو تول سی ام
چاویته مه شر عه ریت کراس سی بو عه ورت

بچو کل عه دوما نیه عشقت عه ویر و دل چیه
هیز ده دسه آوار مه عه سَرِه مه بکن شرت
#واحد_یاری

@lakvahid