ကောန်သၟိၚ်ဝွံ ဟိုတ်နူဂလာန်ဗ္ကန် အမာတ်ဇၞော် သၟိၚ်ဇိပ်ဗြာဲတုဲ ဂွံတဴဒြဟတ်ရ။ ကျာ်ဇၞော်အ္စာလေဝ် ဂလာန်ဗ္ကန် အမာတ်ဇၞော် သၟိၚ်ဇိပ်ဗြာဲ၊ စဍုၚ်မံၚ်မလ သၟိၚ်လိုက်ဖြာ၊ သ္ကိုပ်ဒပ်မုတ္တမဂမၠိုၚ်ဂှ် ညိဟွံကဵုသှ်ေ ဟီုလဴထ္ၜးတဴကဵု ဗွဲမအိုတ်အးရ။ ကောန်သၟိၚ်လေဝ် ချပ်တဴဒၟံၚ် ဒြဟတ်ကျာ်ဇၞော်အ္စာ ကေုာံ ဂုကျာ်ဇၞော်အ္စာတအ်ဂှ်ရ။
"ယွံတၠဳပိုန်ကျာ်၊ ဂုဏ်တၠဳပိုန် လ္တူပိုဲဍိက်တအ်ဂမၠိုၚ်ဝွံ စဵုကဵုဆာပ်ပြေဟွံမာန် ဂၠိုၚ်တဴရကျာ်၊ ပၞာန်ဏအ်အံၚ်ဇၞးတုဲ တၠပိုန်ရာံတိတ်ဏောၚ်ဟီုမ္ဂး ညံၚ်ကါယ၊စိုတ် ၜါပြကာ ဂွံဒှ်တသိုက်ဂှ် အဍိက်ကဵုတဴ ဍိက်ဗြဴ သွက်ဂွံကၠောန်ၜိုတ် ၜါစှော်တၠရောၚ်ကျာ်"
"ဟာ... ဟာ... ဟ... ဟာ... ကောန်သၟိၚ်၊ ကောန်သၟိၚ်၊ အဲရီုဗၚ်တဴ ကောန်သၟိၚ်ဂှ် နွံပၟိက်ကဵု ပိုန်ဘိုက်ဒြပ်ရတ် ထဝ်သြန်ရောၚ်ဂှ် ကောန်သၟိၚ်ထေၚ်ဟာ၊ ဟိုတ်နူကဵု အဲထေၚ်ကေတ် ကောန်သၟိၚ်ဝွံ ထေက်တန်ကဵု နန်ထဝ်က္ဍိုၚ်ဗ္တာၚ် ဍုၚ်ဟံသာဝတဳဂှ်ကီု၊ ကောန်သၟိၚ်ကဵု အဲ ကမ်ဇာတာ မဒးဗပေၚိပါရမဳနွံဂှ်ကီု၊ ဟိုတ်နူမထေက်ကဵု ဒးရီုဗၚ်တုဲ ရီုဗၚ်တဴရဂှ် စၟတ်ကေတ်ညိ။ ဆဂှ်သၟး ဟွံသေၚ်ဏီ ယဝ်ခါရ ကောန်သၟိၚ် က္လိဂွံနန်ထဝ်မ္ဂး ဒှ်သၟိၚ် မမၚ်မွဲတဴ သာသနာ၊ သာသနာကျာ်တြဲ ဇၞော်အမောဝ်တိုန်ရောၚ်ဂှ် အဲထေၚ်ကေတ်တုဲ ရီုဗၚ်တဴရ။ ဟိုတ်နူမၞုံပၟိက်ကဵု ဒြပ်ရတ်ထဝ်သြန်တအ် ဟွံသေၚ်ရ"
"ဒးရးသန်ရကျာ်၊ ယဝ်ခါရအဲဍိက် က္လိဂွံနန်ထဝ် ဍုၚ်ဟံသာဝတဳမ္ဂး ဒတုဲဖဵုသာသနာ၊ ဒတုဲဖဵုရးရာမည ညံၚ်သ္ဂောံဖောအ်ဗြေဝ်တိုန်ဂှ် အဲဍိက်ရေၚ်တၠုၚ်ကဵုရောၚ်ကျာ်"
ကောန်သၟိၚ်ဝွံ ရန်တၟံကဵု ဂုဏ်ကျာ်ဇၞော်အ္စာ၊ ဂုဏ်သၚ်၊ ဂုဏ်သဳလ၊ သမာဓိ၊ ပညာတအ်တုဲ မိုပ်ဖျေံပ္ဍဲတိ နကဵုလုက်စုက် မသုန်သာ်တုဲ လ္ၚောဝ်ကလအ်တဴရ။
"ကှ်ေ....သဗ္ဗေတိယော ဝိဝဇ္ဇန္တု၊
သောက ရောဂါ ဝိနဿန္တု။
မာတေ ဘဝန္တွန္တရာယာ ၊
သုခဒဳဃာ ယုကောဘဝါ။
အဘိဝါဒန သဳလိဿ၊
နိစ္စံ ဝုဍ္ဎာ ပစာယိနော။
စတ္တာရော ဓမ္မာ ဝတ္ထန္တု၊
အာယု ဝဏ္ဏော သုခံ ဗလံ။"
"သာဓု၊ သာဓု၊ သာဓုရအဴ"
ကောန်သၟိၚ်ဗညာနဲ ကေုာံ ဗိုလ်လဗးဂမၠိုၚ် အိုဿီု ဒုၚ်တဴ သာဓုကါ ညဳညဳသာသာတုဲ က္လအ်တဴကျာ်ဇၞော်အ္စာ အိုတ်ရ၊ ကါလကျာ်ဇၞော်အ္စာ မက္ညစဴအာဘာဂှ် နကဵုဝဝ်မၞိဟ်မဂၠေၚ် ကောန်သၟိၚ် ဖအောဝ်ကဵုပလံၚ်ဏါ ဒဵုကဵုစိုပ်ဘာတေံရ။ အခိၚ်ကျာ်ဇၞော်အ္စာ မက္ညစဴအာဂှ် ဒှ်အခိၚ်ညးသၟတ် မဖျေံက္ဍိုပ်တိက်တုဲ ခၟောမ်သၞံၚ် လ္တူအကာသဂမၠိုၚ်ဂှ် တၟးတဴဒၟံၚ် ညံၚ်ရဴညးမဖံက်ဗ္တိုဟ် ပၟတ်ပ္ကဴရ။ ဂၠးအကး ရာသဳဟေမန္တ ဂိတုမြေက္ပသဵုဝွံ မတ်ဗြဲသ္အးဇ္ၚးတုဲ ခၟောံသၞံၚ်ဂမၠိုၚ် ဗိုၚ်ဂေတ်ဒၟံၚ် သၟိၚ်ဂိတုရ။ လဆောဝ်လဆောဝ် ရမျာၚ်ဂစေံ မဂၠာဲစစၞဗ္တံဂမၠိုၚ်လေဝ် ထတ်တဴလ္တူနူကဵု ရမျာၚ်စၟအခြဂမၠိုၚ်ဏီ ဂွံမိၚ်တဴဒၟံၚ် မွဲခဏ မွဲခဏရ။
ဆက်ဗှ်အာ သ္ကုတ် ၄၉ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #ကျာ်ဇၞော်အ္စာမပိုၚ်
#The Sunrise of Hongsawatoi
"ယွံတၠဳပိုန်ကျာ်၊ ဂုဏ်တၠဳပိုန် လ္တူပိုဲဍိက်တအ်ဂမၠိုၚ်ဝွံ စဵုကဵုဆာပ်ပြေဟွံမာန် ဂၠိုၚ်တဴရကျာ်၊ ပၞာန်ဏအ်အံၚ်ဇၞးတုဲ တၠပိုန်ရာံတိတ်ဏောၚ်ဟီုမ္ဂး ညံၚ်ကါယ၊စိုတ် ၜါပြကာ ဂွံဒှ်တသိုက်ဂှ် အဍိက်ကဵုတဴ ဍိက်ဗြဴ သွက်ဂွံကၠောန်ၜိုတ် ၜါစှော်တၠရောၚ်ကျာ်"
"ဟာ... ဟာ... ဟ... ဟာ... ကောန်သၟိၚ်၊ ကောန်သၟိၚ်၊ အဲရီုဗၚ်တဴ ကောန်သၟိၚ်ဂှ် နွံပၟိက်ကဵု ပိုန်ဘိုက်ဒြပ်ရတ် ထဝ်သြန်ရောၚ်ဂှ် ကောန်သၟိၚ်ထေၚ်ဟာ၊ ဟိုတ်နူကဵု အဲထေၚ်ကေတ် ကောန်သၟိၚ်ဝွံ ထေက်တန်ကဵု နန်ထဝ်က္ဍိုၚ်ဗ္တာၚ် ဍုၚ်ဟံသာဝတဳဂှ်ကီု၊ ကောန်သၟိၚ်ကဵု အဲ ကမ်ဇာတာ မဒးဗပေၚိပါရမဳနွံဂှ်ကီု၊ ဟိုတ်နူမထေက်ကဵု ဒးရီုဗၚ်တုဲ ရီုဗၚ်တဴရဂှ် စၟတ်ကေတ်ညိ။ ဆဂှ်သၟး ဟွံသေၚ်ဏီ ယဝ်ခါရ ကောန်သၟိၚ် က္လိဂွံနန်ထဝ်မ္ဂး ဒှ်သၟိၚ် မမၚ်မွဲတဴ သာသနာ၊ သာသနာကျာ်တြဲ ဇၞော်အမောဝ်တိုန်ရောၚ်ဂှ် အဲထေၚ်ကေတ်တုဲ ရီုဗၚ်တဴရ။ ဟိုတ်နူမၞုံပၟိက်ကဵု ဒြပ်ရတ်ထဝ်သြန်တအ် ဟွံသေၚ်ရ"
"ဒးရးသန်ရကျာ်၊ ယဝ်ခါရအဲဍိက် က္လိဂွံနန်ထဝ် ဍုၚ်ဟံသာဝတဳမ္ဂး ဒတုဲဖဵုသာသနာ၊ ဒတုဲဖဵုရးရာမည ညံၚ်သ္ဂောံဖောအ်ဗြေဝ်တိုန်ဂှ် အဲဍိက်ရေၚ်တၠုၚ်ကဵုရောၚ်ကျာ်"
ကောန်သၟိၚ်ဝွံ ရန်တၟံကဵု ဂုဏ်ကျာ်ဇၞော်အ္စာ၊ ဂုဏ်သၚ်၊ ဂုဏ်သဳလ၊ သမာဓိ၊ ပညာတအ်တုဲ မိုပ်ဖျေံပ္ဍဲတိ နကဵုလုက်စုက် မသုန်သာ်တုဲ လ္ၚောဝ်ကလအ်တဴရ။
"ကှ်ေ....သဗ္ဗေတိယော ဝိဝဇ္ဇန္တု၊
သောက ရောဂါ ဝိနဿန္တု။
မာတေ ဘဝန္တွန္တရာယာ ၊
သုခဒဳဃာ ယုကောဘဝါ။
အဘိဝါဒန သဳလိဿ၊
နိစ္စံ ဝုဍ္ဎာ ပစာယိနော။
စတ္တာရော ဓမ္မာ ဝတ္ထန္တု၊
အာယု ဝဏ္ဏော သုခံ ဗလံ။"
"သာဓု၊ သာဓု၊ သာဓုရအဴ"
ကောန်သၟိၚ်ဗညာနဲ ကေုာံ ဗိုလ်လဗးဂမၠိုၚ် အိုဿီု ဒုၚ်တဴ သာဓုကါ ညဳညဳသာသာတုဲ က္လအ်တဴကျာ်ဇၞော်အ္စာ အိုတ်ရ၊ ကါလကျာ်ဇၞော်အ္စာ မက္ညစဴအာဘာဂှ် နကဵုဝဝ်မၞိဟ်မဂၠေၚ် ကောန်သၟိၚ် ဖအောဝ်ကဵုပလံၚ်ဏါ ဒဵုကဵုစိုပ်ဘာတေံရ။ အခိၚ်ကျာ်ဇၞော်အ္စာ မက္ညစဴအာဂှ် ဒှ်အခိၚ်ညးသၟတ် မဖျေံက္ဍိုပ်တိက်တုဲ ခၟောမ်သၞံၚ် လ္တူအကာသဂမၠိုၚ်ဂှ် တၟးတဴဒၟံၚ် ညံၚ်ရဴညးမဖံက်ဗ္တိုဟ် ပၟတ်ပ္ကဴရ။ ဂၠးအကး ရာသဳဟေမန္တ ဂိတုမြေက္ပသဵုဝွံ မတ်ဗြဲသ္အးဇ္ၚးတုဲ ခၟောံသၞံၚ်ဂမၠိုၚ် ဗိုၚ်ဂေတ်ဒၟံၚ် သၟိၚ်ဂိတုရ။ လဆောဝ်လဆောဝ် ရမျာၚ်ဂစေံ မဂၠာဲစစၞဗ္တံဂမၠိုၚ်လေဝ် ထတ်တဴလ္တူနူကဵု ရမျာၚ်စၟအခြဂမၠိုၚ်ဏီ ဂွံမိၚ်တဴဒၟံၚ် မွဲခဏ မွဲခဏရ။
ဆက်ဗှ်အာ သ္ကုတ် ၄၉ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #ကျာ်ဇၞော်အ္စာမပိုၚ်
#The Sunrise of Hongsawatoi
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
ဟံသာဝတဳ သၟိၚ်တ္ၚဲယးတၟး S1 Ep49
စဍုၚ်မံၚ်မလ ရုပ်သီဒပ်
ဒပ်သၟိၚ်မရူ မဗိုၚ်လဝ်ဍုၚ်လ္ဂုၚ်ဂမၠိုၚ်ဝွံ ဒဵုကဵုၜါသတ္တဟပြၚ် ဟွံလုပ်ဗ္တိုက်တဴ အပ္ဍဲဍုၚ်တေံဏီရ။ ကောန်ညးလ္ဂုၚ်ဂမၠိုၚ်ဝွံ ဟိုတ်နူကဵု ဒးဒုၚ်ဗိုၚ်လဝ် နကဵုမုက်ပၞာန်တုဲ ဖေက်ဂၟံက်တဴဒၟံၚ်အိုတ်ရ။ လ္ၚဵုဂှ်လေဝ် ညံၚ်ဂွံဗၠးနူဘဲပၞာန် ဂြိပ်အာလ္ပာ် ဍုၚ်ဒလ၊ ဍုၚ်သြေၚ်တေံအိုတ်ရ။ ပ္ဍဲလ္ဂုၚ်ဝွံ အယာံမာတ် ဗိုလ်လဗးပၞာန် ကောန်သၟိၚ်ဗညာနဲဂမၠိုၚ်ဟေၚ် နဒဒှ်ဒပ်စဵုဒၞါဍုၚ် မၞုံတဴရ။ ဗလးဏါလဝ် ကျာ်ဇၞော်အ္စာတုဲ ဒဵုကဵုလအ်ဂွံ ပွိုၚ်ပိပန်တ္ၚဲ မုက်ပၞာန်ဂမၠိုၚ် ဟွံဂတးစဴအာဏီရ။ ဟွံတၟေၚ်တိုန်တုဲ ကောန်သၟိၚ်ဗညာနဲလေဝ် ဂွိၚ်တဴရ။ ဟိုတ်ဂှ်ရ ကော်မၚ်ကာန်စဳတုဲ က္လေၚ်သဳကၠဳတဴပၠန်ရ။
"ယွံ ကောဇၞော် ဒပ်ဂမၠိုၚ် ဒဵုကဵုလၟုဟ် ဟွံဂတးစဴအာဏီပုဟ်၊ သာ်လဵုမွဲ ဂွံသ္ပတဴဂှ်ရော"
မၚ်ကာန်စဳဝွံ ဇဖန်ဂှ် ဟွံသွဟ်ကဵုမွဲသာ် ချပ်ဗ္စာဒၟံၚ် မမိက်ကဵုမွဲမွဲရ။
"ဒးသ္ပတဴ အတိုၚ်ပြဝေဏဳတြေံ ဒးက္လၚ်တဴဂလာန် ဒေဝတဴဂမၠိုၚ်တုဲ ကေတ်တဴနိမိတ်ရောၚ်။ ညံၚ်ဒပ်ပၞာန်ဍေံ သ္ဂောံဂတးစဴဂှ် ဒးသုၚ်စောဲတဴ ဒါနဥပ္ပါဲဏီရောၚ်။ ဟိုတ်ဂှ်ရ အလဵုဇကု ကောန်သၟိၚ် သ္ဒးချူတဴလိက် ဇရေၚ်စဍုၚ်မံၚ်မလ ကဵု သ္ကိုပ်ဒပ်မုတ္တမတအ်တုဲ ဒးဆက်ကွာဲဏါကဵု ပရၚ်စၟဳစၟိန်ရောၚ်အဴ"
"သွက်ဂွံချူလိက်တုဲ ကဵုပရက်စၟဳစၟိန်ဂှ် အစဳဇန်ကဵုဏောၚ်၊ ကိစ္စ သွက်ဂွံသၟာန် ဒေဝတဴကဵု ကေတ်နိမိတ်ဂှ်တှ်ေ ကောဇၞော်ဟေၚ် စဳဇန်ကဵုညိ"
"ဒးရးသန်ရအဴ ကောန်သၟိၚ်"
ကောန်သၟိၚ်လေဝ် သွက်ဆက်ကွာဲ ပရၚ်စၟဳစၟိန် ဘဏ္ဍာကဵု ဇရေၚ်စဍုၚ်မံၚ်မလ သၟိၚ်လိုက်ဖြာဂှ် ချူတဴလိက်မွဲတၞးရ။ ညးမဖ္ဍိုပ်ဗပေၚ် ပဠေဝ်ကဵုလိက်ဝွံ ဒှ်မၚ်ကာန်စဳတုဲ ညးမအာပလံၚ် ပရၚ်စၟဳစၟိန်ဂှ် ဍိက်ပတှ်ေ မသိုက်ရ။ ကောန်သၟိၚ်ဗညာနဲလေဝ် ကေတ်ထဝ်မသုန်ပသာ ကဵု ဂၠိက်ယာတ်ခိုဟ်ဟ်တအ်တုဲ စုတ်ဏါကဵု အဖဝ်လိက်ဂှ် ဗွဲမချိုတ်ပၠိုတ်ရ။
"အဲဍိက် ကၟိန်ဗညာနဲ ဂရၚ်ပ္တီဏါ ဇရေၚ်အမူ စဍုၚ်မံၚ်မလ မၞုံကဵုကြဳဇှ်ရအဴ။ ဣညာဲမဟာဒေဝဳဝွံ သ္ပပ္တံနူကဵုအခိၚ် မအံက်တၠညးစိၚ်ဗ္တာၚ် ယဲက္ဍၚ်ကၠုၚ်တုဲ ဝတ်ဣညာဲကဵု ကၟိန်လေဝ် ဟွံမၚ်မွဲ၊ သီုဟွံရံၚ်တဴ မုက်မတ် ကၟိန်အမူတအ် ဂၞကျာ်တၠမေသြဳတုဲ ပ္တုဲတဴဒၟံၚ် အွသရာံပါပ် ကုတြုံတၠသ္ၚိ ကၟိန်အမူတအ်ရ။ သွက်ဂွံဂစိုတ်တဴ ကၟိန်ဏအ်ကဵု ဘဝ်ၚာၚ်မုၚ်ဂှ်လေဝ် ဟိုတ်နူမဂိုတ်ဂ္စာန်ဒၟံၚ် ဂၠိုၚ်ကဵုအလန်တုဲ ကၟိန်ဝွံ အယာံမာတ် ဗၠးနူဘဲဂစိုတ်ဟေၚ် ဒးဂြိပ်တိတ်ကၠုၚ် ဇရေၚ်ဍုၚ်လ္ဂုၚ်ရအဴ။
တၠညးစိၚ်ဗ္တာၚ်ဟွံမွဲတုဲ ယဝ်ခါရ ကဵုတဴအမူ က္ဆံၚ်အလံၚ်မ္ဂး အဲကၟိန်ဏအ် ဒုၚ်တဲမာန်ဒၟံၚ်ရ။ လၟုဟ်တုန် ဟိုတ်နူကဵု မကဵုတဴ ကုပောန်အမာတ် မဒှ်တြုံဍောတ်ဂှ်တုဲ ဒုၚ်တဴတဲ ဟွံမာန်ရအဴ။ အဲကၟိန်ဝွံ နူကဵုလ္ဂုၚ်မွဲက္ဆံၚ် သွက်ဂွံလုပ်ဗ္ဒဗ္ဒါဲအာ ဇရေၚ်တမ်ဇိုၚ်အမူဂှ် ချပ်လဝ်ရအဴ။ ကၟိန်ဝွံ မံၚ်ပ္ဍဲလ္ဂုၚ်ဏအ် ဝါတ်ဂါတ်လောန်တုဲ ဟိုတ်နူကဵု သရာဲမဒုန်ဂၠုၚ် ဟွံဍိုက်ပေၚ်ဂှ်ရ ကသပ်ဂှ် ဟွံအံၚ်ဇၞးရအဴ။
လၟုဟ် အမူစိုပ်ဒၟံၚ် ဇရေၚ်ကၟိန်ယျတုဲ ဂွံမိပ်မြဟ်တဴရအဴ။ ပရောဏအ်ဂှ် အလန်ကၠာတေံ သွက်ဂွံကဵုသမ္တီဂှ်လေဝ် ကၟိန် ဂိုတ်ဂ္စာန်ဗလးဏါလဝ် ကလုတ်တုဲရ။ အမူဇက်တိုန်အာ ဇရေၚ်ဗဂေါယျတုဲ ဟွံဂွံဆဵုဂဗတဴရ။ လၟုဟ် အလန်ဏအ် ဟိုတ်နူသ္ဂောံးရၚ်ပ္တီကဵုအမူတုဲ ကၟိန်မိပ်တဴစိုတ် ဗွဲမလောန်ရအဴ"
မသိုက်လေဝ် လိက်ကောန်သၟိၚ်ဂှ် ဒုၚ်ကဵုဇရေၚ် စဍုၚ်မံၚ်မလတုဲ ခါတ်အကာဲရံၚ်ဒၟံၚ်ရ။ လိက်ဝွံ စခဳလိက်ဂှ်ဗှ်တုဲ စဍုၚ်မံၚ်မလ သီုကဵုမက္လၚ်တဴ ဒးဒၟံၚ်ဂၞပ်ရ။ စဍုၚ်မံၚ်မလဝွံ သီုကဵုမဂ္ဇအ်ဒၟံၚ် လ္တူဇံၚ်ခါတ် သုၚ်တဴဒၟံၚ်အရက်တုဲ ဍိက်ဗြဴပ္တုဲဝတ်ပန်တၠ မၞုံဒၟံၚ်ဗ္ဒါဲဂှ် ညးမစဝ်ကဵု အရက်ဂှ်စဝ်၊ ညးမပဠေဝ်ကဵု ပရဵုဂှ်ပဠေဝ်၊ ညးမဝိုက်ကဵု ကျာဂှ်ဝိုက် ဒုၚ်စသိုၚ်တုဲ ဗ္ၜူတဴဒၟံၚ်ရ။
"ပရောတအ်ဏအ် စဍုၚ်ဒလ လဴတုဲ ဂွံတီလဝ်ရ၊ ကျာ်ဇၞော်အ္စာမပိုၚ်လေဝ် ဟီုတဴသာ်ဂှ်ရ၊ လၟုဟ် ကၟိန်ထပ်ဂရၚ်ပ္တီကဵုပၠန်မ္ဂး... ..."
စဍုၚ်မံၚ်မလ သ္ၚိတ်ဒေါထောံ ဂလာန်တုဲ အရက်မသှ်ေဒၟံၚ် ပ္ဍဲကဵုခေါ်ဂှ် ထပ်လ္ၚာ်သုၚ်ထောံ ဖအိုတ်တုဲ က္လေၚ်စွံကၠေံ ခေါ်အရက်ဂှ် လ္တူခုၚ်ရ။
"အဝ်... ဣဗြဴအယုတ် ဂွံတြုံဗၠာဲဂှ် သ္ပဥပ္ပါဲကုအဲတုဲ ဖအောဝ်စကာ ကဵုဗ္တိုက်ပၞာန် သွက်တြုံဍောတ်ဍေံဂှ် ပြာကတ်ဒၟံၚ်ယျ"
အပ္ဍဲခဒမ်လ္တူဂၠုၚ် စဍုၚ်မံၚ်မလဝွံ သ္ကိုပ်ဒပ်၊ အမာတ် စဍုၚ်မံၚ်မလဂမၠိုၚ်လေဝ် နွံတဴဒၟံၚ်ပေၚ်က္ဍတ်ရ။ သီုညးဖအိုတ်ဂှ်လေဝ် တီတဴဒၟံၚ် အကာဲအရာပၞာန်ဗဂေါ၊ ပရေၚ်မဟာဒေဝဳ၊ ပရေၚ်ဗညာနဲတအ်အိုတ်ရ။
"လၟုဟ် ကောန်တၠညးစိၚ်ဗ္တာၚ် မဂရၚ်ပ္တီဂှ် မၞးတအ်လေဝ် မိၚ်တဴရောၚ်။ ၜိုတ်မဟီုလဝ် ပ္ဍဲလိက်ဍေံဂှ် နွံတဴကဵုယုတ္တိရ။ ဗဂေါ ကဵု လ္ဂုၚ် လ္ပာ်လဵုမွဲ အဲသ္ဂောံရီုရော၊ ရုပ်သီဒပ်တုဲ ဒးစဴဟာ"
သ္ကိုပ်ဒပ် စဍုၚ်မံၚ်မလဂမၠိုၚ် သ္ဂုတ်သွာတ်တဴဟွံမာန်၊ ဟိုတ်နူကဵုတဴကသပ် ဟွံမာန်တုဲ စဍုၚ်မံၚ်မလ သၟာန်တဴအမာတ် ဒလချေတ်သေၚ်ရ။
"အမာတ်ဇၞော်ဂှ်ရော သာ်လဵုမွဲ မထေၚ်တဴရော"
စဍုၚ်မံၚ်မလ ရုပ်သီဒပ်
ဒပ်သၟိၚ်မရူ မဗိုၚ်လဝ်ဍုၚ်လ္ဂုၚ်ဂမၠိုၚ်ဝွံ ဒဵုကဵုၜါသတ္တဟပြၚ် ဟွံလုပ်ဗ္တိုက်တဴ အပ္ဍဲဍုၚ်တေံဏီရ။ ကောန်ညးလ္ဂုၚ်ဂမၠိုၚ်ဝွံ ဟိုတ်နူကဵု ဒးဒုၚ်ဗိုၚ်လဝ် နကဵုမုက်ပၞာန်တုဲ ဖေက်ဂၟံက်တဴဒၟံၚ်အိုတ်ရ။ လ္ၚဵုဂှ်လေဝ် ညံၚ်ဂွံဗၠးနူဘဲပၞာန် ဂြိပ်အာလ္ပာ် ဍုၚ်ဒလ၊ ဍုၚ်သြေၚ်တေံအိုတ်ရ။ ပ္ဍဲလ္ဂုၚ်ဝွံ အယာံမာတ် ဗိုလ်လဗးပၞာန် ကောန်သၟိၚ်ဗညာနဲဂမၠိုၚ်ဟေၚ် နဒဒှ်ဒပ်စဵုဒၞါဍုၚ် မၞုံတဴရ။ ဗလးဏါလဝ် ကျာ်ဇၞော်အ္စာတုဲ ဒဵုကဵုလအ်ဂွံ ပွိုၚ်ပိပန်တ္ၚဲ မုက်ပၞာန်ဂမၠိုၚ် ဟွံဂတးစဴအာဏီရ။ ဟွံတၟေၚ်တိုန်တုဲ ကောန်သၟိၚ်ဗညာနဲလေဝ် ဂွိၚ်တဴရ။ ဟိုတ်ဂှ်ရ ကော်မၚ်ကာန်စဳတုဲ က္လေၚ်သဳကၠဳတဴပၠန်ရ။
"ယွံ ကောဇၞော် ဒပ်ဂမၠိုၚ် ဒဵုကဵုလၟုဟ် ဟွံဂတးစဴအာဏီပုဟ်၊ သာ်လဵုမွဲ ဂွံသ္ပတဴဂှ်ရော"
မၚ်ကာန်စဳဝွံ ဇဖန်ဂှ် ဟွံသွဟ်ကဵုမွဲသာ် ချပ်ဗ္စာဒၟံၚ် မမိက်ကဵုမွဲမွဲရ။
"ဒးသ္ပတဴ အတိုၚ်ပြဝေဏဳတြေံ ဒးက္လၚ်တဴဂလာန် ဒေဝတဴဂမၠိုၚ်တုဲ ကေတ်တဴနိမိတ်ရောၚ်။ ညံၚ်ဒပ်ပၞာန်ဍေံ သ္ဂောံဂတးစဴဂှ် ဒးသုၚ်စောဲတဴ ဒါနဥပ္ပါဲဏီရောၚ်။ ဟိုတ်ဂှ်ရ အလဵုဇကု ကောန်သၟိၚ် သ္ဒးချူတဴလိက် ဇရေၚ်စဍုၚ်မံၚ်မလ ကဵု သ္ကိုပ်ဒပ်မုတ္တမတအ်တုဲ ဒးဆက်ကွာဲဏါကဵု ပရၚ်စၟဳစၟိန်ရောၚ်အဴ"
"သွက်ဂွံချူလိက်တုဲ ကဵုပရက်စၟဳစၟိန်ဂှ် အစဳဇန်ကဵုဏောၚ်၊ ကိစ္စ သွက်ဂွံသၟာန် ဒေဝတဴကဵု ကေတ်နိမိတ်ဂှ်တှ်ေ ကောဇၞော်ဟေၚ် စဳဇန်ကဵုညိ"
"ဒးရးသန်ရအဴ ကောန်သၟိၚ်"
ကောန်သၟိၚ်လေဝ် သွက်ဆက်ကွာဲ ပရၚ်စၟဳစၟိန် ဘဏ္ဍာကဵု ဇရေၚ်စဍုၚ်မံၚ်မလ သၟိၚ်လိုက်ဖြာဂှ် ချူတဴလိက်မွဲတၞးရ။ ညးမဖ္ဍိုပ်ဗပေၚ် ပဠေဝ်ကဵုလိက်ဝွံ ဒှ်မၚ်ကာန်စဳတုဲ ညးမအာပလံၚ် ပရၚ်စၟဳစၟိန်ဂှ် ဍိက်ပတှ်ေ မသိုက်ရ။ ကောန်သၟိၚ်ဗညာနဲလေဝ် ကေတ်ထဝ်မသုန်ပသာ ကဵု ဂၠိက်ယာတ်ခိုဟ်ဟ်တအ်တုဲ စုတ်ဏါကဵု အဖဝ်လိက်ဂှ် ဗွဲမချိုတ်ပၠိုတ်ရ။
"အဲဍိက် ကၟိန်ဗညာနဲ ဂရၚ်ပ္တီဏါ ဇရေၚ်အမူ စဍုၚ်မံၚ်မလ မၞုံကဵုကြဳဇှ်ရအဴ။ ဣညာဲမဟာဒေဝဳဝွံ သ္ပပ္တံနူကဵုအခိၚ် မအံက်တၠညးစိၚ်ဗ္တာၚ် ယဲက္ဍၚ်ကၠုၚ်တုဲ ဝတ်ဣညာဲကဵု ကၟိန်လေဝ် ဟွံမၚ်မွဲ၊ သီုဟွံရံၚ်တဴ မုက်မတ် ကၟိန်အမူတအ် ဂၞကျာ်တၠမေသြဳတုဲ ပ္တုဲတဴဒၟံၚ် အွသရာံပါပ် ကုတြုံတၠသ္ၚိ ကၟိန်အမူတအ်ရ။ သွက်ဂွံဂစိုတ်တဴ ကၟိန်ဏအ်ကဵု ဘဝ်ၚာၚ်မုၚ်ဂှ်လေဝ် ဟိုတ်နူမဂိုတ်ဂ္စာန်ဒၟံၚ် ဂၠိုၚ်ကဵုအလန်တုဲ ကၟိန်ဝွံ အယာံမာတ် ဗၠးနူဘဲဂစိုတ်ဟေၚ် ဒးဂြိပ်တိတ်ကၠုၚ် ဇရေၚ်ဍုၚ်လ္ဂုၚ်ရအဴ။
တၠညးစိၚ်ဗ္တာၚ်ဟွံမွဲတုဲ ယဝ်ခါရ ကဵုတဴအမူ က္ဆံၚ်အလံၚ်မ္ဂး အဲကၟိန်ဏအ် ဒုၚ်တဲမာန်ဒၟံၚ်ရ။ လၟုဟ်တုန် ဟိုတ်နူကဵု မကဵုတဴ ကုပောန်အမာတ် မဒှ်တြုံဍောတ်ဂှ်တုဲ ဒုၚ်တဴတဲ ဟွံမာန်ရအဴ။ အဲကၟိန်ဝွံ နူကဵုလ္ဂုၚ်မွဲက္ဆံၚ် သွက်ဂွံလုပ်ဗ္ဒဗ္ဒါဲအာ ဇရေၚ်တမ်ဇိုၚ်အမူဂှ် ချပ်လဝ်ရအဴ။ ကၟိန်ဝွံ မံၚ်ပ္ဍဲလ္ဂုၚ်ဏအ် ဝါတ်ဂါတ်လောန်တုဲ ဟိုတ်နူကဵု သရာဲမဒုန်ဂၠုၚ် ဟွံဍိုက်ပေၚ်ဂှ်ရ ကသပ်ဂှ် ဟွံအံၚ်ဇၞးရအဴ။
လၟုဟ် အမူစိုပ်ဒၟံၚ် ဇရေၚ်ကၟိန်ယျတုဲ ဂွံမိပ်မြဟ်တဴရအဴ။ ပရောဏအ်ဂှ် အလန်ကၠာတေံ သွက်ဂွံကဵုသမ္တီဂှ်လေဝ် ကၟိန် ဂိုတ်ဂ္စာန်ဗလးဏါလဝ် ကလုတ်တုဲရ။ အမူဇက်တိုန်အာ ဇရေၚ်ဗဂေါယျတုဲ ဟွံဂွံဆဵုဂဗတဴရ။ လၟုဟ် အလန်ဏအ် ဟိုတ်နူသ္ဂောံးရၚ်ပ္တီကဵုအမူတုဲ ကၟိန်မိပ်တဴစိုတ် ဗွဲမလောန်ရအဴ"
မသိုက်လေဝ် လိက်ကောန်သၟိၚ်ဂှ် ဒုၚ်ကဵုဇရေၚ် စဍုၚ်မံၚ်မလတုဲ ခါတ်အကာဲရံၚ်ဒၟံၚ်ရ။ လိက်ဝွံ စခဳလိက်ဂှ်ဗှ်တုဲ စဍုၚ်မံၚ်မလ သီုကဵုမက္လၚ်တဴ ဒးဒၟံၚ်ဂၞပ်ရ။ စဍုၚ်မံၚ်မလဝွံ သီုကဵုမဂ္ဇအ်ဒၟံၚ် လ္တူဇံၚ်ခါတ် သုၚ်တဴဒၟံၚ်အရက်တုဲ ဍိက်ဗြဴပ္တုဲဝတ်ပန်တၠ မၞုံဒၟံၚ်ဗ္ဒါဲဂှ် ညးမစဝ်ကဵု အရက်ဂှ်စဝ်၊ ညးမပဠေဝ်ကဵု ပရဵုဂှ်ပဠေဝ်၊ ညးမဝိုက်ကဵု ကျာဂှ်ဝိုက် ဒုၚ်စသိုၚ်တုဲ ဗ္ၜူတဴဒၟံၚ်ရ။
"ပရောတအ်ဏအ် စဍုၚ်ဒလ လဴတုဲ ဂွံတီလဝ်ရ၊ ကျာ်ဇၞော်အ္စာမပိုၚ်လေဝ် ဟီုတဴသာ်ဂှ်ရ၊ လၟုဟ် ကၟိန်ထပ်ဂရၚ်ပ္တီကဵုပၠန်မ္ဂး... ..."
စဍုၚ်မံၚ်မလ သ္ၚိတ်ဒေါထောံ ဂလာန်တုဲ အရက်မသှ်ေဒၟံၚ် ပ္ဍဲကဵုခေါ်ဂှ် ထပ်လ္ၚာ်သုၚ်ထောံ ဖအိုတ်တုဲ က္လေၚ်စွံကၠေံ ခေါ်အရက်ဂှ် လ္တူခုၚ်ရ။
"အဝ်... ဣဗြဴအယုတ် ဂွံတြုံဗၠာဲဂှ် သ္ပဥပ္ပါဲကုအဲတုဲ ဖအောဝ်စကာ ကဵုဗ္တိုက်ပၞာန် သွက်တြုံဍောတ်ဍေံဂှ် ပြာကတ်ဒၟံၚ်ယျ"
အပ္ဍဲခဒမ်လ္တူဂၠုၚ် စဍုၚ်မံၚ်မလဝွံ သ္ကိုပ်ဒပ်၊ အမာတ် စဍုၚ်မံၚ်မလဂမၠိုၚ်လေဝ် နွံတဴဒၟံၚ်ပေၚ်က္ဍတ်ရ။ သီုညးဖအိုတ်ဂှ်လေဝ် တီတဴဒၟံၚ် အကာဲအရာပၞာန်ဗဂေါ၊ ပရေၚ်မဟာဒေဝဳ၊ ပရေၚ်ဗညာနဲတအ်အိုတ်ရ။
"လၟုဟ် ကောန်တၠညးစိၚ်ဗ္တာၚ် မဂရၚ်ပ္တီဂှ် မၞးတအ်လေဝ် မိၚ်တဴရောၚ်။ ၜိုတ်မဟီုလဝ် ပ္ဍဲလိက်ဍေံဂှ် နွံတဴကဵုယုတ္တိရ။ ဗဂေါ ကဵု လ္ဂုၚ် လ္ပာ်လဵုမွဲ အဲသ္ဂောံရီုရော၊ ရုပ်သီဒပ်တုဲ ဒးစဴဟာ"
သ္ကိုပ်ဒပ် စဍုၚ်မံၚ်မလဂမၠိုၚ် သ္ဂုတ်သွာတ်တဴဟွံမာန်၊ ဟိုတ်နူကဵုတဴကသပ် ဟွံမာန်တုဲ စဍုၚ်မံၚ်မလ သၟာန်တဴအမာတ် ဒလချေတ်သေၚ်ရ။
"အမာတ်ဇၞော်ဂှ်ရော သာ်လဵုမွဲ မထေၚ်တဴရော"
"လညာတ်အဲဍိက်တုန် ယဝ်ခါရ ရီုဗၚ်လ္ပာ် မဟာဒေဝဳ အာယုက်ဇၞော်မ္ဂး သၟိၚ်ဇၞော် ဖဵုဟွံမွဲ၊ ဖဵုကောန်၊ ဖဵုစဴတအ် ဒှ်ဟွံမာန်ရ။ သၟိၚ်မရူဝွံ အယာံမာတ်ဒှ်တဴ ကောန်အမာတ် မွဲတၠရ။ ဗညာနဲဝွံ ဒှ်တဴကောန် တၠညးစိၚ်ဗ္တာၚ်ရ။ ကၠဟ်ပါဲကၠေံ ကောန်တၠညးစိၚ်ဗ္တာၚ်တုဲ ယဝ်ရီုဗၚ်တဴ ကောန်အမာတ်မ္ဂး ကောန်အမာတ်ဝွံ သ္ဇိုၚ်ဟွံခိုၚ်ရ။ ဍေံတအ်ဝွံ တုပ်တဴညံၚ်ရဴ တၞံဆုသၟတ် တၞးၜါထာၚ်ရ၊ ပလှ်ထောံ မွဲထာၚ်မှ လက္ကရဴ တၞံဟွံဇၞော်ကၠုၚ်ရအဴ၊ ယဝ်ဟွံပလှ် လက္ကရဴ တၞံဇၞော်ကၠုၚ်မ္ဂး သ္ဂောံကုတ်တဴ ဝါတ်ဂါတ်ရောၚ်အဴ"
အမာတ် ဒလချေတ်သေၚ်ဝွံ နူကၠာတေံ ဟိုတ်မကေၚ်ဒှ်လဝ် အမာတ်တၠညးဂှ်ရ သ္ၚဳရံၚ်တဴကဵု ဖဵု ကောန်သၟိၚ်ဗညာနဲတုဲ ညံၚ်ဟွံဂွံရီုဗၚ်တဴ သၟိၚ်မရူဂှ် ဂရၚ်ပ္တီတဴရ။ စဍုၚ်မံၚ်မလကီုလေဝ် ဒးဒၟံၚ်ဂၞပ်ကဵု ဂလာန်အမာတ်ဇၞော် မဂရၚ်ပ္တီဂှ်ရ။
"ဣဗြဴအယုတ် မဟာဒေဝဳဂှ် ဖံက်ပ္ကဝ်ကၠေံလဝ် သစ္စလ္တူအဲရ။ လ္ပာ်ဣဗြဴအယုတ်ဂှ် အဲဟွံရီုဗၚ်ပုဟ်၊ ကဵုကောန်သၟိၚ်ဗညာနဲ တၠနာဲတအ်ဂှ်လေဝ် အခိၚ်ဟွံရုဲ ကၠုၚ်ဗ္ဒဗ္ဒာဲ ဇရေၚ်မံၚ်မလမာန်ရဂှ် လဴထ္ၜးစညိ။ တ္ၚဲဏအ်ဟေၚ် ဒပ်အဲ က္လေၚ်ဂတးစဴရောၚ်"
"ဒးရးသန်ရအဴ သၟိၚ်ဇၞော်၊ ဣဏအ်ဂှ် သွက်အမူညး ကောန်သၟိၚ်ဗညာနဲ ဆက်ကွာဲနၚ်လဝ်ကဵု ထဝ်မသုန်ပသာ ကဵု ဂၠိက်ယာတ်ခိုဟ်မိုဟ်ဂမၠိုၚ်ရအဴ"
"အေ... ခိုဟ်ကွေံရ၊ ထဝ်ဗညာနဲ မကွာဲနၚ်လဝ်ဂှ် သီဂိုၚ်ထောံစမ်"
စဍုၚ်မံၚ်မလဝွံ သုၚ်တဴဒၟံၚ်အရက် မွဲခေါ်တုဲ မွဲခေါ်ပၠန်တုဲ ထဝ်ဇရေၚ်မသိုက်ဂမၠိုၚ်ဂှ် ဍိက်ဂမၠိုၚ် ဒးသီဂိုၚ်ကေတ်ရ။ မသိုက်လေဝ် ပၟိက်ကိစ္စ အာစိုပ်ဒတုဲရဒှ်တုဲ သ္ပရှ်ေသှ်ေတဴ စဍုၚ်မံၚ်မလတုဲ က္လေၚ်စဴကၠုၚ် လ္ဂုၚ်ရ။
ပ္ဍဲဒပ်စဍုၚ်မံၚ်မလတုန် သွက်ဂွံရုပ်သီဒပ် မၞုံဒၟံၚ် ဗွဲမချဳဒရာၚ်ရ။ ညးမဂိုၚ်လွဟ်ဂှ် ဂိုၚ်၊ ညးမဂိုၚ် ဇွောံမဂှ် ဂိုၚ်၊ ညံၚ်ဂၠုၚ်ဂွံစ္ဍး နူကဵုသြၚ်မာန် ညးမပဠေဝ်ဂှ် ပဠေဝ် ကောန်ဒပ်ဂမၠိုၚ် ကမၠောန်ထုဲဒၟံၚ်အိုတ်ရ။
~~~~~~~
"ဗီုလဵုရော မသိုက်၊ ပြေပြံၚ်ဒၟံက်ဟာ"
ကောန်သၟိၚ် သၟာန်တဴဒၟံၚ် မသိုက် မက္လေၚ်စဴကၠုၚ်နူကဵု ဒပ်စဍုၚ်မံၚ်မလရ။ မသိုက်ဝွံ ဆဂွံစိုပ်နူတရဴ လ္ၚောဝ်တဴဒၟံၚ် ကောန်သၟိၚ်ဟေၚ်တုဲ သီုညးဖအိုတ်ဂှ် မၚ်က္လၚ်ဒၟံၚ် ဂလာန်သွဟ် နူမသိုက်အိုတ်ရ။ ဗ္ဒာဲဂှ်ဝွံ မၚ်ကာန်စဳ ကေုာံ ဘဝ်မန်၊ ဣတြပသုံဓမိက်တအ်လေဝ် နွံဒၟံၚ်ကီုရ။
"အယာံမာတ် ပြေပြံၚ်တဴသၟး ဟွံသေၚ်ဏီရအဴ၊ စဍုၚ်မံၚ်မလဝွံ သီုဒုၚ်တဴဂတိပါၚ် ရုပ်သီဒပ်တုဲ သွက်ဂွံဂတးစဴစီရအဴ ကောန်သၟိၚ်"
"ဟေံ မသိုက်၊ ဂလာန်ၝဝွံ ချိုတ်ပၠိုတ်ရဟာ"
"ဍာံစၟတ်မံၚ်ရအဴ၊ အတိုၚ်ကသပ် ညးမဒှ်အမာတ်ဇၞော် စဍုၚ်မံၚ်မလ အမာတ်ဇၞော် ဒလချေတ်သေၚ် မသ္ဂးတဴ ရုပ်သီကၠေံ ဒပ်တုဲ က္လေၚ်ဂတးစဴရအဴ။ ဍာံဟွံဍာံဂှ် ဒးမၚ်ရံၚ်ဗဵုတဴ ဒဵုကဵုပယျာံတ္ၚဲစေက်ရအဴ"
"အေ... ၝလေဝ် ခိုဟ်ဒၟံၚ်ရ။ ဣညအ် ကေတ်... သွက်ၝ"
ကောန်သၟိၚ်ဝွံ လကံက်တဲ မစုတ်လဝ် ပ္ဍဲတဲဇကုဂှ် ၜေါတ်ပ္တိတ်တုဲ ကဵုတဴမသိုက် နဒဒှ်လာပ်ဗဇဴရ။ မသိုက်ဝွံ ရံၚ်တဴ လကံက်တဲ ကောန်သၟိၚ် မဒုၚ်ကဵုဂှ်တုဲ ဟွံဂံၚ်ကေတ်တဴရ။ နကဵုစိုတ် သ္ဍိုက်ဆာန်တဴ ကောန်သၟိၚ်၊ မိပ်သၠောၚ်တုဲ ဍာ်ရမတ် ကၚ်ကဳကၠုၚ်ရ။
"ဣညအ်... ကေတ်ညိ"
ကောန်သၟိၚ် ထပ်ဟီုမွဲအလန်ပၠန်မှ မသိုက်လေဝ် ဒုၚ်ကေတ် လကံက်တဲဂှ် နကဵုတဲၜါတုဲ လ္ၚောဝ်ဖျေံတဴက္ဍိုပ်ကဵု ကောန်သၟိၚ်ရ။
"ကှ်ေ... ဒပ်မံၚ်မလ ဂတးစဴအာဂှ် စွံလဝ်ကၠရ။ ဒပ်မုတ္တမ သ္ကိုပ်ဒပ်ဗိုက်ကပြၚ်တအ် ညံၚ်ဂွံဂတးစဴဂှ် ဂွံဖအောဝ်တဴ ညးလဵုမွဲရော"
ကောန်သၟိၚ်ဝွံ မၞိဟ်သွက်ဂွံဗလးဏါ ဇရေၚ်ဒပ်ဗိုက်ကပြၚ်ဂှ် ချပ်ဒၟံၚ်ဟွံတိတ်တုဲ ပံက်ပါၚ် ကရောတ်ဒၟံၚ်ရ။
"စွံတာလျိုၚ် အဲဍိက်ညိအဴ၊ ကဵုအဲဍိက် ဂွံအာညိ"
ကောန်သၟိၚ် နူကဵုမဂ္ဇအ်ဒၟံၚ် လ္တူဇံၚ်ခါတ် သ္ၚဳရံၚ်တဴဘဝ်မန် နကဵုဟွံပတှ်ေ၊ အထေၚ်သောဲဂမၠိုၚ်ရ။ ဘဝ်မန်ဝွံ နကဵုဓဝ်ပတှ်ေ ပေၚ်ပေၚ် မၚ်စၟဳဒၟံၚ်အမိၚ် နူဇရေၚ် ကောန်သၟိၚ်ရ။
"ဟေံ ဘဝ်မန်၊ ၝစောန်စိုတ်ကဵု မသိုက်တုဲ သ္ဂးတဴ အာဇရေၚ်ဒပ်မုတ္တမဟာ၊ အာဇရေၚ်ဒပ်သၞတုဲ တာလျိုၚ်ဒးသ္ပ ညံၚ်ဒပ်ဍေံ သ္ဂောံဂတးစဴဂှ် ဍောတ်ဒၟံၚ် ဟွံသေၚ်ပုဟ်၊ ပရေၚ်ကိစ္စဇၞော်ဂှ် ၝယိုက်ဂၠေၚ်မာန်ဟာ"
"အဵု... ကောန်သၟိၚ် အထေၚ်သောဲကဵု အဲဍိက်ကွေံရောၚ်။ အဲဍိက် စောန်စိုတ်ကဵု မသိုက်တုဲ သ္ဂးတဴ ဟွံသေၚ်ရ။ အဲဍိက်ကဵု ဗိုက်ကပြၚ်ဂှ် ဟိုတ်နူကဵုဒှ်တဴ မိဿဟာဲ ကောန်မွဲကွာန်ဂှ်ရ အဲဍိက်အာတုဲ သဳကၠဳမ္ဂး ဗိုက်ကပြၚ် ဒးဂတးစဴရောၚ်"
"ၝတအ်ဒှ်ဒၟံၚ် မိဿဟာဲ ရေၚ်သ္ကအ်ရောၚ်ဟီုဂှ် နူပြဟ်ပြဟ်တေံ မုဟိုတ် ဟွံလဴကဵုအဲဂှ်ရော"
"အဲဍိက်ကဵု ဍေံ နွံဒၟံၚ်ညးမွဲမွဲလ္ပာ် မိဿဟာဲကဵု သၞဂှ် ဂွိၚ်ဖေက် ကောန်သၟိၚ် ဟွံပတှ်ေတဴရအဴ"
"အဲ သက်ဟွံဒးပတှ်ေ နွံဟာ၊ ဍိက်အဲအရၚ်ဟီုဂှ် ၝတအ်ရနွံ၊ ကှ်ေ... တ္ၚဲယးတေံ ၝအာဒပ်မုတ္တမ သာ်လဵုအဲဂွံချူကဵု လိက်ဗ္ကန်ဂှ်ရော"
"အလဵုဇကုအဲဍိက် အာရတှ်ေ ဒးချူတဴဒၟံၚ် လိက်ဗ္ကန်ဏီဟာ ကောန်သၟိၚ်"
"အာပး ဂလာန်သၠဲလးကွေံရောၚ်ဟာ၊ ဟွံကၠောန်မ္ဂး လ္ပဟီုညိ၊ ထ္ၜးသက်သဳကဵု ကမၠောန်ညိဟေံ"
"ဒးရးသန်ရအဴ၊ တ္ၚဲယးမ္ဂး မၚ်ဗဵုရံၚ်ဒၟံၚ်ညိအဴ"
အမာတ် ဒလချေတ်သေၚ်ဝွံ နူကၠာတေံ ဟိုတ်မကေၚ်ဒှ်လဝ် အမာတ်တၠညးဂှ်ရ သ္ၚဳရံၚ်တဴကဵု ဖဵု ကောန်သၟိၚ်ဗညာနဲတုဲ ညံၚ်ဟွံဂွံရီုဗၚ်တဴ သၟိၚ်မရူဂှ် ဂရၚ်ပ္တီတဴရ။ စဍုၚ်မံၚ်မလကီုလေဝ် ဒးဒၟံၚ်ဂၞပ်ကဵု ဂလာန်အမာတ်ဇၞော် မဂရၚ်ပ္တီဂှ်ရ။
"ဣဗြဴအယုတ် မဟာဒေဝဳဂှ် ဖံက်ပ္ကဝ်ကၠေံလဝ် သစ္စလ္တူအဲရ။ လ္ပာ်ဣဗြဴအယုတ်ဂှ် အဲဟွံရီုဗၚ်ပုဟ်၊ ကဵုကောန်သၟိၚ်ဗညာနဲ တၠနာဲတအ်ဂှ်လေဝ် အခိၚ်ဟွံရုဲ ကၠုၚ်ဗ္ဒဗ္ဒာဲ ဇရေၚ်မံၚ်မလမာန်ရဂှ် လဴထ္ၜးစညိ။ တ္ၚဲဏအ်ဟေၚ် ဒပ်အဲ က္လေၚ်ဂတးစဴရောၚ်"
"ဒးရးသန်ရအဴ သၟိၚ်ဇၞော်၊ ဣဏအ်ဂှ် သွက်အမူညး ကောန်သၟိၚ်ဗညာနဲ ဆက်ကွာဲနၚ်လဝ်ကဵု ထဝ်မသုန်ပသာ ကဵု ဂၠိက်ယာတ်ခိုဟ်မိုဟ်ဂမၠိုၚ်ရအဴ"
"အေ... ခိုဟ်ကွေံရ၊ ထဝ်ဗညာနဲ မကွာဲနၚ်လဝ်ဂှ် သီဂိုၚ်ထောံစမ်"
စဍုၚ်မံၚ်မလဝွံ သုၚ်တဴဒၟံၚ်အရက် မွဲခေါ်တုဲ မွဲခေါ်ပၠန်တုဲ ထဝ်ဇရေၚ်မသိုက်ဂမၠိုၚ်ဂှ် ဍိက်ဂမၠိုၚ် ဒးသီဂိုၚ်ကေတ်ရ။ မသိုက်လေဝ် ပၟိက်ကိစ္စ အာစိုပ်ဒတုဲရဒှ်တုဲ သ္ပရှ်ေသှ်ေတဴ စဍုၚ်မံၚ်မလတုဲ က္လေၚ်စဴကၠုၚ် လ္ဂုၚ်ရ။
ပ္ဍဲဒပ်စဍုၚ်မံၚ်မလတုန် သွက်ဂွံရုပ်သီဒပ် မၞုံဒၟံၚ် ဗွဲမချဳဒရာၚ်ရ။ ညးမဂိုၚ်လွဟ်ဂှ် ဂိုၚ်၊ ညးမဂိုၚ် ဇွောံမဂှ် ဂိုၚ်၊ ညံၚ်ဂၠုၚ်ဂွံစ္ဍး နူကဵုသြၚ်မာန် ညးမပဠေဝ်ဂှ် ပဠေဝ် ကောန်ဒပ်ဂမၠိုၚ် ကမၠောန်ထုဲဒၟံၚ်အိုတ်ရ။
"ဗီုလဵုရော မသိုက်၊ ပြေပြံၚ်ဒၟံက်ဟာ"
ကောန်သၟိၚ် သၟာန်တဴဒၟံၚ် မသိုက် မက္လေၚ်စဴကၠုၚ်နူကဵု ဒပ်စဍုၚ်မံၚ်မလရ။ မသိုက်ဝွံ ဆဂွံစိုပ်နူတရဴ လ္ၚောဝ်တဴဒၟံၚ် ကောန်သၟိၚ်ဟေၚ်တုဲ သီုညးဖအိုတ်ဂှ် မၚ်က္လၚ်ဒၟံၚ် ဂလာန်သွဟ် နူမသိုက်အိုတ်ရ။ ဗ္ဒာဲဂှ်ဝွံ မၚ်ကာန်စဳ ကေုာံ ဘဝ်မန်၊ ဣတြပသုံဓမိက်တအ်လေဝ် နွံဒၟံၚ်ကီုရ။
"အယာံမာတ် ပြေပြံၚ်တဴသၟး ဟွံသေၚ်ဏီရအဴ၊ စဍုၚ်မံၚ်မလဝွံ သီုဒုၚ်တဴဂတိပါၚ် ရုပ်သီဒပ်တုဲ သွက်ဂွံဂတးစဴစီရအဴ ကောန်သၟိၚ်"
"ဟေံ မသိုက်၊ ဂလာန်ၝဝွံ ချိုတ်ပၠိုတ်ရဟာ"
"ဍာံစၟတ်မံၚ်ရအဴ၊ အတိုၚ်ကသပ် ညးမဒှ်အမာတ်ဇၞော် စဍုၚ်မံၚ်မလ အမာတ်ဇၞော် ဒလချေတ်သေၚ် မသ္ဂးတဴ ရုပ်သီကၠေံ ဒပ်တုဲ က္လေၚ်ဂတးစဴရအဴ။ ဍာံဟွံဍာံဂှ် ဒးမၚ်ရံၚ်ဗဵုတဴ ဒဵုကဵုပယျာံတ္ၚဲစေက်ရအဴ"
"အေ... ၝလေဝ် ခိုဟ်ဒၟံၚ်ရ။ ဣညအ် ကေတ်... သွက်ၝ"
ကောန်သၟိၚ်ဝွံ လကံက်တဲ မစုတ်လဝ် ပ္ဍဲတဲဇကုဂှ် ၜေါတ်ပ္တိတ်တုဲ ကဵုတဴမသိုက် နဒဒှ်လာပ်ဗဇဴရ။ မသိုက်ဝွံ ရံၚ်တဴ လကံက်တဲ ကောန်သၟိၚ် မဒုၚ်ကဵုဂှ်တုဲ ဟွံဂံၚ်ကေတ်တဴရ။ နကဵုစိုတ် သ္ဍိုက်ဆာန်တဴ ကောန်သၟိၚ်၊ မိပ်သၠောၚ်တုဲ ဍာ်ရမတ် ကၚ်ကဳကၠုၚ်ရ။
"ဣညအ်... ကေတ်ညိ"
ကောန်သၟိၚ် ထပ်ဟီုမွဲအလန်ပၠန်မှ မသိုက်လေဝ် ဒုၚ်ကေတ် လကံက်တဲဂှ် နကဵုတဲၜါတုဲ လ္ၚောဝ်ဖျေံတဴက္ဍိုပ်ကဵု ကောန်သၟိၚ်ရ။
"ကှ်ေ... ဒပ်မံၚ်မလ ဂတးစဴအာဂှ် စွံလဝ်ကၠရ။ ဒပ်မုတ္တမ သ္ကိုပ်ဒပ်ဗိုက်ကပြၚ်တအ် ညံၚ်ဂွံဂတးစဴဂှ် ဂွံဖအောဝ်တဴ ညးလဵုမွဲရော"
ကောန်သၟိၚ်ဝွံ မၞိဟ်သွက်ဂွံဗလးဏါ ဇရေၚ်ဒပ်ဗိုက်ကပြၚ်ဂှ် ချပ်ဒၟံၚ်ဟွံတိတ်တုဲ ပံက်ပါၚ် ကရောတ်ဒၟံၚ်ရ။
"စွံတာလျိုၚ် အဲဍိက်ညိအဴ၊ ကဵုအဲဍိက် ဂွံအာညိ"
ကောန်သၟိၚ် နူကဵုမဂ္ဇအ်ဒၟံၚ် လ္တူဇံၚ်ခါတ် သ္ၚဳရံၚ်တဴဘဝ်မန် နကဵုဟွံပတှ်ေ၊ အထေၚ်သောဲဂမၠိုၚ်ရ။ ဘဝ်မန်ဝွံ နကဵုဓဝ်ပတှ်ေ ပေၚ်ပေၚ် မၚ်စၟဳဒၟံၚ်အမိၚ် နူဇရေၚ် ကောန်သၟိၚ်ရ။
"ဟေံ ဘဝ်မန်၊ ၝစောန်စိုတ်ကဵု မသိုက်တုဲ သ္ဂးတဴ အာဇရေၚ်ဒပ်မုတ္တမဟာ၊ အာဇရေၚ်ဒပ်သၞတုဲ တာလျိုၚ်ဒးသ္ပ ညံၚ်ဒပ်ဍေံ သ္ဂောံဂတးစဴဂှ် ဍောတ်ဒၟံၚ် ဟွံသေၚ်ပုဟ်၊ ပရေၚ်ကိစ္စဇၞော်ဂှ် ၝယိုက်ဂၠေၚ်မာန်ဟာ"
"အဵု... ကောန်သၟိၚ် အထေၚ်သောဲကဵု အဲဍိက်ကွေံရောၚ်။ အဲဍိက် စောန်စိုတ်ကဵု မသိုက်တုဲ သ္ဂးတဴ ဟွံသေၚ်ရ။ အဲဍိက်ကဵု ဗိုက်ကပြၚ်ဂှ် ဟိုတ်နူကဵုဒှ်တဴ မိဿဟာဲ ကောန်မွဲကွာန်ဂှ်ရ အဲဍိက်အာတုဲ သဳကၠဳမ္ဂး ဗိုက်ကပြၚ် ဒးဂတးစဴရောၚ်"
"ၝတအ်ဒှ်ဒၟံၚ် မိဿဟာဲ ရေၚ်သ္ကအ်ရောၚ်ဟီုဂှ် နူပြဟ်ပြဟ်တေံ မုဟိုတ် ဟွံလဴကဵုအဲဂှ်ရော"
"အဲဍိက်ကဵု ဍေံ နွံဒၟံၚ်ညးမွဲမွဲလ္ပာ် မိဿဟာဲကဵု သၞဂှ် ဂွိၚ်ဖေက် ကောန်သၟိၚ် ဟွံပတှ်ေတဴရအဴ"
"အဲ သက်ဟွံဒးပတှ်ေ နွံဟာ၊ ဍိက်အဲအရၚ်ဟီုဂှ် ၝတအ်ရနွံ၊ ကှ်ေ... တ္ၚဲယးတေံ ၝအာဒပ်မုတ္တမ သာ်လဵုအဲဂွံချူကဵု လိက်ဗ္ကန်ဂှ်ရော"
"အလဵုဇကုအဲဍိက် အာရတှ်ေ ဒးချူတဴဒၟံၚ် လိက်ဗ္ကန်ဏီဟာ ကောန်သၟိၚ်"
"အာပး ဂလာန်သၠဲလးကွေံရောၚ်ဟာ၊ ဟွံကၠောန်မ္ဂး လ္ပဟီုညိ၊ ထ္ၜးသက်သဳကဵု ကမၠောန်ညိဟေံ"
"ဒးရးသန်ရအဴ၊ တ္ၚဲယးမ္ဂး မၚ်ဗဵုရံၚ်ဒၟံၚ်ညိအဴ"
"ၜိုန်ဟွံကေတ်ဏါ လိက်ကီုလေဝ် သွက်ဂွံဆက်ကွာဲကဵု စဍုၚ်မုတ္တမဂှ် ဒးကေတ်ဏါ ပရၚ်စၟဳစၟိန်ဘဏ္ဍာရောၚ်"
"ဒးရးသန်ရအဴ"
မသိုက်ဝွံ သွက်ဂွံဆဵုကဵု သ္ကအ်ရဲဆာန် ဗိုက်ကပြၚ်ဂှ် ချပ်တုဲ ဂြိုဟ်ချဳတဴဒၟံၚ်ရ။
စဍုၚ်မံၚ်မလ သၟိၚ်လိုက်ဖြာလေဝ် ပ္ဍဲတ္ၚဲဂှ်ဟေၚ် ဒပ်ဍာ်ဗွဲမဇၞော်ဂှ် ဂတးစဴအာရ။ သၟိၚ်မရူမွဲ ဟိုတ်နူကဵု စဍုၚ်မံၚ်မလ သၟိၚ်လိုက်ဖြာ ဂတးစဴအာတုဲ မံၚ်စံၚ်ဟွံဒးရ။ ကောန်ပၞာန် စဍုၚ်မံၚ်မလဂမၠိုၚ်လေဝ် ဟိုတ်နူဟွံဒးဗ္တိုက်ပၞာန်တုဲ တက်ဗြုဓဗိုန်ပၞာန်တုဲ သီုကဵုစသုၚ်တဴ ဗွဲမမိပ်ဇြိပ် စဴအာဇရေၚ် ဍုၚ်မံၚ်မလအိုတ်ရ။ ပ္ဍဲပယျာံသ္ဂာဗ္တံဂှ် စိုပ်အာဇရေၚ် ဍုၚ်ဒလရ။
"ယွံ သဟာဲတအ်၊ ဒွက်မဒယှ်ေဒၟံၚ် ပ္ဍဲဍုၚ်ဗဂေါတေံ သာ်လဵုမမိၚ်လဝ်ရော တီကီုဟာ ဟေံ..."
"မုမမိၚ်လဝ်... မုဒွက်ရော"
"အဵု... အဲဒယှ်ေထ္ၜးကဵုဏောၚ် က္လၚ်ညိ"
ကောန်ပၞာန် ဒပ်ဍာ်စဍုၚ်မံၚ်မလ မၞုံလ္တူဂၠုၚ်ဂမၠိုၚ် တက်ဝိုၚ်တုဲ သီုကဵုမသုၚ်အရက် ဗ္ၜူတဴဒၟံၚ်အိုတ်ရ။
"မၞိဟ်ဗြဴဗျု ဂွံတြုံဗၠာဲ၊ တှ်လကဲ ဆတ်စိုပ်ဂၞိၚ်ရ ဟာ... ဟာ... ဟာ..."
"သဟာဲယျေ အေဣဂှ် ဣၝဲတၠညးစိၚ်ဗ္တာၚ် ဖံက်ပၠန်ဒၟံၚ်ကဵု တြုံတၠသ္ၚိ ကၟိန်ဇကုတုဲ ဒှ်ဒွက် ကောန်ညးဗဂေါဂမၠိုၚ် မဒယှ်ေဒၟံၚ်ဂှ်ရ ဟွံသေၚ်ဟာ၊ ဒယှ်ေသာသာညိ သဟာဲယျေ မွဲခဏညိ သ္ကိုပ်ဒပ်တအ် မိၚ်ဒးတုဲ ဒးဒုၚ်ဒၟံၚ် ဒဏ်သၟိၚ်ပၠန်ဏောၚ်"
"မုသက်ဂွံဒးဂွိၚ်နွံရော သဟာဲယျေ၊ ဟိုတ်နူကဵု သၟိၚ်စဍုၚ်မံၚ်မလပိုဲ တီတဴဒဒှ် မဟာဒေဝဳတုဲ သီုဟွံရီုဗၚ်တဴ ဣဗြဴအယုတ်ဂှ် ဂတးစဴကၠုၚ်ရတှ်ေ။ လောန်ၜက်ကၠုၚ် ပယျဵုတိဗဂေါယျ၊ လ္ပဖေက်ညိစမ် သဟာဲယျေ။ ကေတ် ဣညအ်... ကၠုၚ်... သုၚ် အရက်လေဝ် သုၚ်ဖဲဖဲ... သွက်ဣဗြဴအယုတ်ဂှ် ပိုဲတအ် ဟွံဒးဗ္တိုက်ပၞာန်ရပုဟ်"
ညးမစဝ်ဒၟံၚ်အရက်ဝွံ ဗ္ၜူလောန်ဒၟံၚ်တုဲ အရက်မစဝ်ဒၟံၚ်ဂမၠိုၚ်ဂှ် ဟွံလုပ်ပ္ဍဲခေါ်တုဲ ဏှဳဒၟံၚ်ရ။ တုဲဂှ် က္ညာၚ်ဒယှ်ေတဴ ဒွက်မသ္ပပရေံတဴ မဟာဒေဝဳရ။ ကောန်ပၞာန် ဟွံဗ္ၜူဏီဂှ် ဂွိၚ်ဖေက်ဒးဒဏ်သၟိၚ်တုဲ ဖေက်ဒၟံၚ်ရ။
ဒပ်ဍာ်ဇၞော် စဍုၚ်မံၚ်မလဝွံ သီုကဵုမတက်ဗြုတဴ ရမျာၚ်ဓဗိုန်၊ ရမျာၚ်မံၚ်ဂမၠိုၚ်၊ ရမျာၚ်ဒွက်၊ ရမျာၚ်က္ၜေဟ်လက်ဂမၠိုၚ် ဗြုဒၟံၚ်ရူရူ၊ နကဵုပၟတ်တဝ်က္ၜံၚ်၊ ပၟတ်တိုၚ်သ္ဍဴ ညံၚ်ရဴညးမဝေၚ်သ္ဘၚ် မၞုံတဴရ။ စဍုၚ်ဒလ မညဳကာန်ကံၚ်လေဝ် ဟိုတ်နူကဵု ရမျာၚ်ဟောကၠံၚ်ဂမၠိုၚ်ဂှ် လကိုတ်ၚုဟ်တိုန်တုဲ သ္ၚဳကျောဝ်ရံၚ်အာ လ္ပာ်သၞေဟ်ၜဳတေံရ။
အပ္ဍဲသၞေဟ်ၜဳဝွံ သီုကဵုမဍေန်လဝ် ပၟတ်တဝ်က္ၜံၚ်၊ ပၟတ်တိုၚ်ဂမၠိုၚ် တက်ဗရုဓဗိုန်တုဲ နကဵုဂၠုၚ်ဇၞော်၊ ဂၠုၚ်သၟတ်၊ ဂၠုၚ်သရာဲ ဗွဲမဍိုက်ပေၚ် ဂွံညာတ်ကေတ်ဒပ်ဍာ် ဗွဲမဇၞော်ရ။ မညဳကာၚ်ကံၚ်လေဝ် ဟိုတ်မိက်ဂွံတီတဴ ဒပ်ဍာ်မအာတဴ အပ္ဍဲၜဳတေံတုဲ သီုကဵုသ္ကအ်မွဲ စှ်ေအာလ္ပာ်သၞေဟ်ၜဳတေံတုဲ သၟာန်တဴရ။
"ယွံသဟာဲတအ် အခိက်ဗ္တံသ္ဂာ မုဟိုတ်ဂွံဇက်ကၠုၚ် ဒပ်ဍာ်ဇၞော်တုဲ ဂွံစသုၚ်ကၠုၚ်ဒၟံၚ်အိုတ်ဂှ်ရော"
မညဳကာၚ်ကံၚ် သ္ပလဝ်နကဵုဗီုပြၚ် ကောန်ညးရးတုဲ ကရေဲသၟာန်ဏါ ညးမစသုၚ်တဴဒၟံၚ် ပ္ဍဲကဵုလ္တူဂၠုၚ်တအ်ရ။
"တၠနာဲပိုဲ သၟိၚ်စဍုၚ်မံၚ်မလဝွံ ဟွံရီုဗၚ်တဴ လ္ပာ်ဣဗြဴအယုတ်ဂှ်တုဲ ပိုဲတအ် ဒးဂတးစဴကၠုၚ်အိုတ်ရ"
တြုံမၞုံလ္တူဂၠုၚ်ဇၞော်ဂှ်လေဝ် က္ညာၚ်တုဲသွဟ်နၚ်ရ။ ဒပ်ဍာ်ဇၞော် မအာတဴဒၟံၚ် ဗွဲမဟောကၠံၚ် ညံၚ်ရဴဂစေံပြံၚ်ခပေါဲဝွံ သ္ၚောဲတိတ်အာဒၟံၚ် သိုက်သိုက်ရ။ မညဳကာၚ်ကံၚ်လေဝ် ဒပ်ဇၞော်စဍုၚ်မံၚ်မလ ဂတးစဴအာဂှ်တီတုဲ ဂွံဒၟံၚ်ဒြဟတ်ရ။
"ဒေံအဲဝွံ မၞုံကဵုသတ္တိသၟး ဟွံသေၚ်ဏီ ဗျတ္တိလေဝ် ခိုဟ်ကွေံရ။ ကှ်ေ မာံစုသုန်ယျေ တ္ၚဲယးတၟးပြဟ် သွက်ဂွံဇက်အာ လ္ဂုၚ်တေံဂှ် ပဠေဝ်လဝ်ဒ်ညိ။ ဒေံအဲ ဗ္တိုက်ကဵု ဒပ်သၟိၚ်မရူဏောၚ်"
"ဒးရးသန်ရအဴ"
မညဳကာၚ်ကံၚ်ဝွံ ဒပ်စဍုၚ်မံၚ်မလ သၟိက်လိုက်ဖြာတအ် ဂတးစဴအာတုဲ ဒေံညးဗညာနဲ ဗ္တိုက်တဴကဵု သၟိၚ်မရူဏောၚ်ဂှ် ထေၚ်ကေတ်တုဲ သွက်ဂွံကဵုအရီုဗၚ် ကုလ္ဂုၚ်တေံဂှ် ပဠေဝ်တဴရ။ ပယျာံသ္ဂာဗ္တံ ဂိတုမြေက္ကသဵုဝွံ သီုကဵုမၜိုဟ်ဂံက်ဒၟံၚ်တုဲ ဍာ်လ္တိုပ်ဂမၠိုၚ် သီုကဵုမဍုက်ဍေက်တဴ လ္တူတၞံဆု၊ တၞံချောဲဂမၠိုၚ် မၞုံတဴအိုတ်ရ။ ဒှ်တဴဒၟံၚ် အခိၚ်ဟေမန္တတုဲ ၜိုတ်မၜိုဟ်တဴတုဲ ဟိုတ်နူကဵုကျာ လ္ပာ်ဒိုဟ်ဗၟံက်တေံ ပိုက်လွိၚ်ကၠုၚ်ဒၟံၚ် မွဲခဏ မွဲခဏဂှ် သာတုဲ ဂံက်တဴရ။
ဆက်ဗှ်အာ သ္ကုတ် ၅၀ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #စဍုၚ်မံၚ်မလ သၟိၚ်လိုက်ဖြာ
#The Sunrise of Hongsawatoi
"ဒးရးသန်ရအဴ"
မသိုက်ဝွံ သွက်ဂွံဆဵုကဵု သ္ကအ်ရဲဆာန် ဗိုက်ကပြၚ်ဂှ် ချပ်တုဲ ဂြိုဟ်ချဳတဴဒၟံၚ်ရ။
စဍုၚ်မံၚ်မလ သၟိၚ်လိုက်ဖြာလေဝ် ပ္ဍဲတ္ၚဲဂှ်ဟေၚ် ဒပ်ဍာ်ဗွဲမဇၞော်ဂှ် ဂတးစဴအာရ။ သၟိၚ်မရူမွဲ ဟိုတ်နူကဵု စဍုၚ်မံၚ်မလ သၟိၚ်လိုက်ဖြာ ဂတးစဴအာတုဲ မံၚ်စံၚ်ဟွံဒးရ။ ကောန်ပၞာန် စဍုၚ်မံၚ်မလဂမၠိုၚ်လေဝ် ဟိုတ်နူဟွံဒးဗ္တိုက်ပၞာန်တုဲ တက်ဗြုဓဗိုန်ပၞာန်တုဲ သီုကဵုစသုၚ်တဴ ဗွဲမမိပ်ဇြိပ် စဴအာဇရေၚ် ဍုၚ်မံၚ်မလအိုတ်ရ။ ပ္ဍဲပယျာံသ္ဂာဗ္တံဂှ် စိုပ်အာဇရေၚ် ဍုၚ်ဒလရ။
"ယွံ သဟာဲတအ်၊ ဒွက်မဒယှ်ေဒၟံၚ် ပ္ဍဲဍုၚ်ဗဂေါတေံ သာ်လဵုမမိၚ်လဝ်ရော တီကီုဟာ ဟေံ..."
"မုမမိၚ်လဝ်... မုဒွက်ရော"
"အဵု... အဲဒယှ်ေထ္ၜးကဵုဏောၚ် က္လၚ်ညိ"
ကောန်ပၞာန် ဒပ်ဍာ်စဍုၚ်မံၚ်မလ မၞုံလ္တူဂၠုၚ်ဂမၠိုၚ် တက်ဝိုၚ်တုဲ သီုကဵုမသုၚ်အရက် ဗ္ၜူတဴဒၟံၚ်အိုတ်ရ။
"မၞိဟ်ဗြဴဗျု ဂွံတြုံဗၠာဲ၊ တှ်လကဲ ဆတ်စိုပ်ဂၞိၚ်ရ ဟာ... ဟာ... ဟာ..."
"သဟာဲယျေ အေဣဂှ် ဣၝဲတၠညးစိၚ်ဗ္တာၚ် ဖံက်ပၠန်ဒၟံၚ်ကဵု တြုံတၠသ္ၚိ ကၟိန်ဇကုတုဲ ဒှ်ဒွက် ကောန်ညးဗဂေါဂမၠိုၚ် မဒယှ်ေဒၟံၚ်ဂှ်ရ ဟွံသေၚ်ဟာ၊ ဒယှ်ေသာသာညိ သဟာဲယျေ မွဲခဏညိ သ္ကိုပ်ဒပ်တအ် မိၚ်ဒးတုဲ ဒးဒုၚ်ဒၟံၚ် ဒဏ်သၟိၚ်ပၠန်ဏောၚ်"
"မုသက်ဂွံဒးဂွိၚ်နွံရော သဟာဲယျေ၊ ဟိုတ်နူကဵု သၟိၚ်စဍုၚ်မံၚ်မလပိုဲ တီတဴဒဒှ် မဟာဒေဝဳတုဲ သီုဟွံရီုဗၚ်တဴ ဣဗြဴအယုတ်ဂှ် ဂတးစဴကၠုၚ်ရတှ်ေ။ လောန်ၜက်ကၠုၚ် ပယျဵုတိဗဂေါယျ၊ လ္ပဖေက်ညိစမ် သဟာဲယျေ။ ကေတ် ဣညအ်... ကၠုၚ်... သုၚ် အရက်လေဝ် သုၚ်ဖဲဖဲ... သွက်ဣဗြဴအယုတ်ဂှ် ပိုဲတအ် ဟွံဒးဗ္တိုက်ပၞာန်ရပုဟ်"
ညးမစဝ်ဒၟံၚ်အရက်ဝွံ ဗ္ၜူလောန်ဒၟံၚ်တုဲ အရက်မစဝ်ဒၟံၚ်ဂမၠိုၚ်ဂှ် ဟွံလုပ်ပ္ဍဲခေါ်တုဲ ဏှဳဒၟံၚ်ရ။ တုဲဂှ် က္ညာၚ်ဒယှ်ေတဴ ဒွက်မသ္ပပရေံတဴ မဟာဒေဝဳရ။ ကောန်ပၞာန် ဟွံဗ္ၜူဏီဂှ် ဂွိၚ်ဖေက်ဒးဒဏ်သၟိၚ်တုဲ ဖေက်ဒၟံၚ်ရ။
ဒပ်ဍာ်ဇၞော် စဍုၚ်မံၚ်မလဝွံ သီုကဵုမတက်ဗြုတဴ ရမျာၚ်ဓဗိုန်၊ ရမျာၚ်မံၚ်ဂမၠိုၚ်၊ ရမျာၚ်ဒွက်၊ ရမျာၚ်က္ၜေဟ်လက်ဂမၠိုၚ် ဗြုဒၟံၚ်ရူရူ၊ နကဵုပၟတ်တဝ်က္ၜံၚ်၊ ပၟတ်တိုၚ်သ္ဍဴ ညံၚ်ရဴညးမဝေၚ်သ္ဘၚ် မၞုံတဴရ။ စဍုၚ်ဒလ မညဳကာန်ကံၚ်လေဝ် ဟိုတ်နူကဵု ရမျာၚ်ဟောကၠံၚ်ဂမၠိုၚ်ဂှ် လကိုတ်ၚုဟ်တိုန်တုဲ သ္ၚဳကျောဝ်ရံၚ်အာ လ္ပာ်သၞေဟ်ၜဳတေံရ။
အပ္ဍဲသၞေဟ်ၜဳဝွံ သီုကဵုမဍေန်လဝ် ပၟတ်တဝ်က္ၜံၚ်၊ ပၟတ်တိုၚ်ဂမၠိုၚ် တက်ဗရုဓဗိုန်တုဲ နကဵုဂၠုၚ်ဇၞော်၊ ဂၠုၚ်သၟတ်၊ ဂၠုၚ်သရာဲ ဗွဲမဍိုက်ပေၚ် ဂွံညာတ်ကေတ်ဒပ်ဍာ် ဗွဲမဇၞော်ရ။ မညဳကာၚ်ကံၚ်လေဝ် ဟိုတ်မိက်ဂွံတီတဴ ဒပ်ဍာ်မအာတဴ အပ္ဍဲၜဳတေံတုဲ သီုကဵုသ္ကအ်မွဲ စှ်ေအာလ္ပာ်သၞေဟ်ၜဳတေံတုဲ သၟာန်တဴရ။
"ယွံသဟာဲတအ် အခိက်ဗ္တံသ္ဂာ မုဟိုတ်ဂွံဇက်ကၠုၚ် ဒပ်ဍာ်ဇၞော်တုဲ ဂွံစသုၚ်ကၠုၚ်ဒၟံၚ်အိုတ်ဂှ်ရော"
မညဳကာၚ်ကံၚ် သ္ပလဝ်နကဵုဗီုပြၚ် ကောန်ညးရးတုဲ ကရေဲသၟာန်ဏါ ညးမစသုၚ်တဴဒၟံၚ် ပ္ဍဲကဵုလ္တူဂၠုၚ်တအ်ရ။
"တၠနာဲပိုဲ သၟိၚ်စဍုၚ်မံၚ်မလဝွံ ဟွံရီုဗၚ်တဴ လ္ပာ်ဣဗြဴအယုတ်ဂှ်တုဲ ပိုဲတအ် ဒးဂတးစဴကၠုၚ်အိုတ်ရ"
တြုံမၞုံလ္တူဂၠုၚ်ဇၞော်ဂှ်လေဝ် က္ညာၚ်တုဲသွဟ်နၚ်ရ။ ဒပ်ဍာ်ဇၞော် မအာတဴဒၟံၚ် ဗွဲမဟောကၠံၚ် ညံၚ်ရဴဂစေံပြံၚ်ခပေါဲဝွံ သ္ၚောဲတိတ်အာဒၟံၚ် သိုက်သိုက်ရ။ မညဳကာၚ်ကံၚ်လေဝ် ဒပ်ဇၞော်စဍုၚ်မံၚ်မလ ဂတးစဴအာဂှ်တီတုဲ ဂွံဒၟံၚ်ဒြဟတ်ရ။
"ဒေံအဲဝွံ မၞုံကဵုသတ္တိသၟး ဟွံသေၚ်ဏီ ဗျတ္တိလေဝ် ခိုဟ်ကွေံရ။ ကှ်ေ မာံစုသုန်ယျေ တ္ၚဲယးတၟးပြဟ် သွက်ဂွံဇက်အာ လ္ဂုၚ်တေံဂှ် ပဠေဝ်လဝ်ဒ်ညိ။ ဒေံအဲ ဗ္တိုက်ကဵု ဒပ်သၟိၚ်မရူဏောၚ်"
"ဒးရးသန်ရအဴ"
မညဳကာၚ်ကံၚ်ဝွံ ဒပ်စဍုၚ်မံၚ်မလ သၟိက်လိုက်ဖြာတအ် ဂတးစဴအာတုဲ ဒေံညးဗညာနဲ ဗ္တိုက်တဴကဵု သၟိၚ်မရူဏောၚ်ဂှ် ထေၚ်ကေတ်တုဲ သွက်ဂွံကဵုအရီုဗၚ် ကုလ္ဂုၚ်တေံဂှ် ပဠေဝ်တဴရ။ ပယျာံသ္ဂာဗ္တံ ဂိတုမြေက္ကသဵုဝွံ သီုကဵုမၜိုဟ်ဂံက်ဒၟံၚ်တုဲ ဍာ်လ္တိုပ်ဂမၠိုၚ် သီုကဵုမဍုက်ဍေက်တဴ လ္တူတၞံဆု၊ တၞံချောဲဂမၠိုၚ် မၞုံတဴအိုတ်ရ။ ဒှ်တဴဒၟံၚ် အခိၚ်ဟေမန္တတုဲ ၜိုတ်မၜိုဟ်တဴတုဲ ဟိုတ်နူကဵုကျာ လ္ပာ်ဒိုဟ်ဗၟံက်တေံ ပိုက်လွိၚ်ကၠုၚ်ဒၟံၚ် မွဲခဏ မွဲခဏဂှ် သာတုဲ ဂံက်တဴရ။
ဆက်ဗှ်အာ သ္ကုတ် ၅၀ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #စဍုၚ်မံၚ်မလ သၟိၚ်လိုက်ဖြာ
#The Sunrise of Hongsawatoi
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
ဟံသာဝတဳ သၟိၚ်တ္ၚဲယးတၟး S1 Ep50
ကဵုဒပ်မုတ္တမ ဂတးစဴအာ
ဘဝ်မန်ဝွံ ယိုက်ကေတ် စိုက်ထဝ် ကဵု စိုက်ဂၠိက်ယာတ် ကောန်သၟိၚ် မကဵုလဝ်ဂှ်တုဲ နူဂယးပြဟ် တိတ်ကၠုၚ်ဇရေၚ် ဒပ်မုတ္တမ မၞုံပ္ဍဲပါၚ်ၜဳအလဲရ။ လျးတ္ၚဲၜတ်ၜတ် ပ္ဍဲပယျာံနူဂယးဝွံ သၟုဟ်ထၞဟ်လ္တိုပ်ဂမၠိုၚ် ဍုက်ဍေက်တဴဒၟံၚ် လ္တူတၞံချောဲအရိုၚ်၊ တၞံဆု၊ တၞံဇုက်တအ်ရ။
ဟိုတ်နူမဒှ်တဴ ပယျာံနူဂယး ရာသဳဟေမန္တတုဲ လ္တိုပ်ဂမၠိုၚ်စှ်ေတုဲ ၜိုန်ရဂံက်ဒၟံၚ်ကီုလေဝ် ဘဝ်မန်ဝွံ ဟိုတ်နူကဵု ဂြိုဟ်ချဳဒၟံၚ်တုဲ ၜိုဟ်ဂံက်ဒၟံၚ်ရောၚ်ဂှ် သာ်ဝွံ ဟွံထေၚ်တဴရ။ နကဵုပဠောဓရတ်ဇကု မွဲဂတှ်ေ၊ ဇြၚ်မွဲကၞပ်၊ စိုက်ဂွဳမွဲစိုက်ဟေၚ် တိတ်ကၠုၚ်ရ။ ဂစေံမဂၠာဲစစၞ ဗပေၚ်ဗုၚ်ဂၞဴ အခိၚ်နူဂယးဂမၠိုၚ်လေဝ် ဟိုတ်နူမၞိဟ်ကွာ်ကၠုၚ်တုဲ ခြာဟွံလအ်မွဲသာ် ပဝ်တိတ်အာ နူကဵုရာပ်ချောဲအိုတ်ရ။
ဘဝ်မန်ဝွံ ဟိုတ်နူဂွံအာဆဵုကဵု သ္ကအ်ရဲဆာန် နူဍောတ်တ် မံၚ်မွဲကွာန် အာမွဲဍာန် ကါလဇၞော်မှ ဒးပြးအာဂှ်တုဲ ညံၚ်ရဴမမိပ်တဴကီု ဂြိုဟ်လေဝ်ချဳဒၟံၚ်ရ။ သ္ကိုပ်ဒပ်ဗိုက်ကပြၚ် သာ်လဵုမွဲ မဒုၚ်တၠုၚ်တဴ ဇကုဂှ်ရော ကဵုဍိုက်အာ နကဵုဝဝ်ဟာ၊ တီတဴဒဒှ် ဇကုမကၠုၚ်မ္ဂး အလဵုဍေံ တိတ်ဒုၚ်တၠုၚ်တဴဟာ သာ်ဂှ်ဟွံသေၚ် ဗီုလၟုဟ်ဏအ် ယဝ်ခါရ ဆဵုညာတ်ကေတ် နဒဒှ်ကောန်ပၞာန်မွဲမ္ဂး အမ်သဝ်မိပ်ဒၟံၚ်စိုတ်ဟာ သာ်ဝွံ နူကဵုမကွာ်အာဒၟံၚ်ဂှ် ချပ်အာဒၟံၚ် ပြးဇးရ။
ပ္ဍဲအခိၚ် ဗိုက်ကပြၚ် အာတဴဇရေၚ်ဌာန် မသကလောကောဒေံဍေံဂှ် ဇကုဝွံ အယာံမာတ်ဒှ်ဒၟံၚ် ကောန်ကွာန် သၟာဗာ်အှော်မွဲရ။ ဇကုဟေၚ်မတီတဴ ဗိုက်ကပြၚ်ဒှ်တဴဒၟံၚ် ဍိက်ပတှ်ေ စဍုၚ်မုတ္တမရ။ ဗိုက်ကပြၚ်ဝွံ သီုဇကု မစိုပ်ဒၟံၚ် ပ္ဍဲဗဂေါကီု၊ ဒှ်တဴဒၟံၚ် ဍိက်ပတှ်ေ ကောန်သၟိၚ်လေဝ်ကီုဂှ် ဟွံတီတဴရ။
ဇိုၚ်မကွာ်အာဒၟံၚ်ဂှ် ဟိုတ်နူကဵု ဍုက်ဍေက်ကၠိဒၟံၚ် နကဵုဍာ်လ္တိုပ် မဗါန်ဒၟံၚ်ချောဲဂမၠိုၚ်တုဲ ဇိုၚ်ဒေၚ်တုဲ ကလိတ်ဒၟံၚ်ရ။ ထဝ်မသုန်ပသာ ကဵု ဂၠိက်ယာတ် မယိုက်လဝ် လ္တူပၞးဂမၠိုၚ်လေဝ် လအ်ခ္ဍၚ်ဇြိုၚ်ကၠုၚ်ခ္ဍၚ် ဒးထေၚ်အာရ။ ကောန်သၟိၚ်လေဝ် အလဵုဇကုအာမ္ဂး သက်ဒးဗ္ကန်ဟွံမွဲ ၜိုန်ရဟီုတဴကီုလေဝ် ချူလိက်မွဲတၞးတုဲ စုတ်ကဵုနၚ်လဝ် အတေၚ်ရ။ မၚ်ကာန်စဳလေဝ် မိက်ဂွံကဵု ကေတ်ဏါကီုတုဲ ဆတ်စုတ်ပ္ဍဲဂၞိၚ်တုဲ ကေတ်နၚ်လဝ်ရ။
ကွာ်အာဂွံၜိုတ် သ္ၚာဲဇဗၠုၜါခွတ်တုဲဂှ် ဂွံညာတ်အာ ဗ္ဒိုပ်ကၚ် ဒပ်မုတ္တမ ပ္ဍဲအကြာလ္တိုပ် ဗွဲမဟဗုၚ်ဟပါရ။ ကါလစိုပ်ဗ္ဒာဲ သၞေဟ်ကၚ်ဂှ် ဘဝ်မန်ဝွံ အထေၚ်ကဵု လညာတ်ဇကုဂှ် တၞဟ်ခြာအာရ။
"ဟေံ မၞိဟ်မတ္ၚိန်လဝ်စိုက်ဂှ် မုဟိုတ်ဂွံကြပ်ကၠုၚ်ကဵု ဗ္ဒါဲဒပ်မုတ္တမရော၊ ဖျေံထောံလွဟ်စမ်"
မၞိဟ်မဍိုက်လဝ်လ္တူချေံ ပန်တၠဂှ် ဗိုၚ်လဝ် ဘဝ်မန် နကဵုဗၞုဟ်တုဲ ဗဟေက်တဴရ။
"အဲဂှ် ကလုတ် ကောန်သၟိၚ်ဗညာနဲ မဗလးနၚ်လဝ်ရ။ သ္ကိုပ်ဒပ်မၞးတအ် ဗိုက်ကပြၚ်ဂှ် ဒှ်သ္ကအ်ရဲ မိဿဟာဲအဲရ၊ ပါဲကဵုဂၠံၚ်စမ်"
"ဩယာဲအဲ၊ ကောန်လ္ပာ်သၞဏအ် ရိုၚ်ဇိုၚ်ကွေံရသွံ၊ ရပ်ထောံစမ်"
"ဘုဟ်..."
"ဍေၚ်... သဝေက်..."
မွဲဒမြိပ်ဓဝ် ဗၞုဟ်မွဲတၞုၚ် စၚ်ကၠုၚ် လ္ပာ်တဲပါဲ ဘဝ်မန်ရ။ ဘဝ်မန်လေဝ် ဟိုတ်နူဗဂါဲဇကု ပါဲကၠေံတုဲ အယာံမာတ် ပဠောံဟေၚ် စာတ်အာညိတုဲ ဗၞုဟ်ဂှ် စၚ်စှ်ေအာ ပ္ဍဲတိတေံရ။ မွဲအလန်ပၠန် ဗၞုဟ်မစၚ်ကၠုၚ် လ္ပာ်တဲပုၚ်ဂှ် ဟိုတ်နူလွိၚ်ဗါ်ဏါ နကဵုဇြၚ် ဗွဲမပြဟ်တုဲ သီုကဵုဟွံဒးဘဝ်မန် စၚ်ဒးအာ ချေံမွဲလ္ပာ်တေံရ။
အခိၚ်ဂှ် သရာဲကၚ်မွဲတၠဂှ် ဟိုတ်နူလွိၚ်တက်ဏါ ဇြၚ်ပ္ဍဲတဲ ဘဝ်မန် နကဵုဗၞုဟ်တုဲ ဇြၚ်ဂှ် ကလှ်အာဂှ်ရ ဘဝ်မန်လေဝ် ဟွံမွဲတဴကဵုဇြၚ်ရ။ သရာဲမွဲပၠန်ဂှ် ထပ်လှောဝ်နၚ်ကဵု ဗၞုဟ်ပၠန်တုဲ ပ္ဍဲအခိၚ် မတာဒၞါတဴ နကဵုစိုက်ထဝ်ဂှ် ဒးဒုၚ်တက်ကဵုဗၞုဟ် ဗွဲမထတ်သ္ကာတ် လ္ပာ်လက္ကရဴတုဲ ဒးဒေါမ်လောတ်စှ်ေအာ ဂတဂှ်ရ။ ဘဝ်မန်လေဝ် ဟိုတ်နူကဵုဒှ်ဒၟံၚ် မၞိဟ်မွဲကဵု မၞိဟ်ပန်တၠတုဲ ကြဴတဲ ဒးဒုၚ်ရပ်အာရ။
ညံၚ်ရဴဘဝ်မန် မချပ်လဝ် ပါဲနူကဵု ဟွံဒုၚ်တၠုၚ်တဴ နကဵုဝဝ်ဂှ် သရာဲကၚ်ဂမၠိုၚ် သီုမၜုၚ်တက်တုဲ ဒုၚ်တၠုၚ်တဴရ။ ရပ်ကေတ်ဘဝ်မန်တုဲ ထဝ်ကဵု ဂၠိက်ယာတ်တအ်ဂှ် သီကေတ်ထောံရ။ ကလုတ် ကောန်သၟိၚ်ဗညာနဲ ဗလးနၚ်လဝ်ဏေါၚ် ၜိုန်ရလဴထ္ၜးတဴကီုလေဝ် သရာဲကၚ်ဂမၠိုၚ်ဂှ် ဟွံပတှ်ေတဴတုဲ ထေၚ်ကေတ် ဘဝ်မန် ဒှ်တဴကောန်ညးဗၞိက်ရ ရပ်တုဲ ထဝ် ကေုာံ ဂၠိက်ယာတ်တအ်ဂှ် ကေတ်ဒၟံၚ်အိုတ်ရ။
ထေၚ်တဴညးဗၞိက်လေဝ် သ္ဒးထေၚ်ထေက်ဒၟံၚ်ရ၊ ဘဝ်မန်ဝွံ သီုဟွံသေၚ်ကဵု ကယျိုၚ်ကယျဝ်ပၞာန်၊ ဟိုတ်နူဒှ်ဒၟံၚ် နကဵုကယျိုၚ်ညးကွာန်၊ ဇြၚ်မွဲတၞုၚ်၊ ထဝ်မွဲစိုက်တုဲ ဒှ်ဒၟံၚ်ဗီုပြၚ် ညးဗၞိက်မွဲရ။ တုဲဂှ် သရာဲကၚ်ဂမၠိုၚ် ဂၠိုက်ဂၠာဲတဴ ပ္ဍဲကဵုဇကု ဘဝ်မန်အိုတ်ရ။ ကါလဂှ် ဂွံဆဵုကေတ် လိက်ထၟူမွဲတၞး မနွံဒၟံၚ် ပ္ဍဲကဵုဂၞိၚ်ရ။
သရာဲကၚ်ဂမၠိုၚ်ဝွံ ဟိုတ်နူကဵု ဗှ်လိက်ဟွံဒးအိုတ်တုဲ ဖအောဝ်ကဵု ညးမဗှ်လိက်လေပ်ဂမၠိုၚ် ကဵုဗှ်တဴရ။ ကါလဂှ် တီတဴဒဒှ် ဒှ်ဒၟံၚ်မၞိဟ် ကောန်သၟိၚ်ဗညာနဲတုဲ အာပလံၚ်ဏါကဵု ဇရေၚ်သ္ကိုပ်ဒပ်တေံရ။ ဘဝ်မန်လေဝ် လိက်ကောန်သၟိၚ် မကဵုနၚ်လဝ်ဂှ်ဟေၚ် ရီုတဴလမျီုဇကုရောၚ် သာ်ဝွံ ချပ်ဒၟံၚ်ပ္ဍဲစိုတ်တေံရ။
ကဵုဒပ်မုတ္တမ ဂတးစဴအာ
ဘဝ်မန်ဝွံ ယိုက်ကေတ် စိုက်ထဝ် ကဵု စိုက်ဂၠိက်ယာတ် ကောန်သၟိၚ် မကဵုလဝ်ဂှ်တုဲ နူဂယးပြဟ် တိတ်ကၠုၚ်ဇရေၚ် ဒပ်မုတ္တမ မၞုံပ္ဍဲပါၚ်ၜဳအလဲရ။ လျးတ္ၚဲၜတ်ၜတ် ပ္ဍဲပယျာံနူဂယးဝွံ သၟုဟ်ထၞဟ်လ္တိုပ်ဂမၠိုၚ် ဍုက်ဍေက်တဴဒၟံၚ် လ္တူတၞံချောဲအရိုၚ်၊ တၞံဆု၊ တၞံဇုက်တအ်ရ။
ဟိုတ်နူမဒှ်တဴ ပယျာံနူဂယး ရာသဳဟေမန္တတုဲ လ္တိုပ်ဂမၠိုၚ်စှ်ေတုဲ ၜိုန်ရဂံက်ဒၟံၚ်ကီုလေဝ် ဘဝ်မန်ဝွံ ဟိုတ်နူကဵု ဂြိုဟ်ချဳဒၟံၚ်တုဲ ၜိုဟ်ဂံက်ဒၟံၚ်ရောၚ်ဂှ် သာ်ဝွံ ဟွံထေၚ်တဴရ။ နကဵုပဠောဓရတ်ဇကု မွဲဂတှ်ေ၊ ဇြၚ်မွဲကၞပ်၊ စိုက်ဂွဳမွဲစိုက်ဟေၚ် တိတ်ကၠုၚ်ရ။ ဂစေံမဂၠာဲစစၞ ဗပေၚ်ဗုၚ်ဂၞဴ အခိၚ်နူဂယးဂမၠိုၚ်လေဝ် ဟိုတ်နူမၞိဟ်ကွာ်ကၠုၚ်တုဲ ခြာဟွံလအ်မွဲသာ် ပဝ်တိတ်အာ နူကဵုရာပ်ချောဲအိုတ်ရ။
ဘဝ်မန်ဝွံ ဟိုတ်နူဂွံအာဆဵုကဵု သ္ကအ်ရဲဆာန် နူဍောတ်တ် မံၚ်မွဲကွာန် အာမွဲဍာန် ကါလဇၞော်မှ ဒးပြးအာဂှ်တုဲ ညံၚ်ရဴမမိပ်တဴကီု ဂြိုဟ်လေဝ်ချဳဒၟံၚ်ရ။ သ္ကိုပ်ဒပ်ဗိုက်ကပြၚ် သာ်လဵုမွဲ မဒုၚ်တၠုၚ်တဴ ဇကုဂှ်ရော ကဵုဍိုက်အာ နကဵုဝဝ်ဟာ၊ တီတဴဒဒှ် ဇကုမကၠုၚ်မ္ဂး အလဵုဍေံ တိတ်ဒုၚ်တၠုၚ်တဴဟာ သာ်ဂှ်ဟွံသေၚ် ဗီုလၟုဟ်ဏအ် ယဝ်ခါရ ဆဵုညာတ်ကေတ် နဒဒှ်ကောန်ပၞာန်မွဲမ္ဂး အမ်သဝ်မိပ်ဒၟံၚ်စိုတ်ဟာ သာ်ဝွံ နူကဵုမကွာ်အာဒၟံၚ်ဂှ် ချပ်အာဒၟံၚ် ပြးဇးရ။
ပ္ဍဲအခိၚ် ဗိုက်ကပြၚ် အာတဴဇရေၚ်ဌာန် မသကလောကောဒေံဍေံဂှ် ဇကုဝွံ အယာံမာတ်ဒှ်ဒၟံၚ် ကောန်ကွာန် သၟာဗာ်အှော်မွဲရ။ ဇကုဟေၚ်မတီတဴ ဗိုက်ကပြၚ်ဒှ်တဴဒၟံၚ် ဍိက်ပတှ်ေ စဍုၚ်မုတ္တမရ။ ဗိုက်ကပြၚ်ဝွံ သီုဇကု မစိုပ်ဒၟံၚ် ပ္ဍဲဗဂေါကီု၊ ဒှ်တဴဒၟံၚ် ဍိက်ပတှ်ေ ကောန်သၟိၚ်လေဝ်ကီုဂှ် ဟွံတီတဴရ။
ဇိုၚ်မကွာ်အာဒၟံၚ်ဂှ် ဟိုတ်နူကဵု ဍုက်ဍေက်ကၠိဒၟံၚ် နကဵုဍာ်လ္တိုပ် မဗါန်ဒၟံၚ်ချောဲဂမၠိုၚ်တုဲ ဇိုၚ်ဒေၚ်တုဲ ကလိတ်ဒၟံၚ်ရ။ ထဝ်မသုန်ပသာ ကဵု ဂၠိက်ယာတ် မယိုက်လဝ် လ္တူပၞးဂမၠိုၚ်လေဝ် လအ်ခ္ဍၚ်ဇြိုၚ်ကၠုၚ်ခ္ဍၚ် ဒးထေၚ်အာရ။ ကောန်သၟိၚ်လေဝ် အလဵုဇကုအာမ္ဂး သက်ဒးဗ္ကန်ဟွံမွဲ ၜိုန်ရဟီုတဴကီုလေဝ် ချူလိက်မွဲတၞးတုဲ စုတ်ကဵုနၚ်လဝ် အတေၚ်ရ။ မၚ်ကာန်စဳလေဝ် မိက်ဂွံကဵု ကေတ်ဏါကီုတုဲ ဆတ်စုတ်ပ္ဍဲဂၞိၚ်တုဲ ကေတ်နၚ်လဝ်ရ။
ကွာ်အာဂွံၜိုတ် သ္ၚာဲဇဗၠုၜါခွတ်တုဲဂှ် ဂွံညာတ်အာ ဗ္ဒိုပ်ကၚ် ဒပ်မုတ္တမ ပ္ဍဲအကြာလ္တိုပ် ဗွဲမဟဗုၚ်ဟပါရ။ ကါလစိုပ်ဗ္ဒာဲ သၞေဟ်ကၚ်ဂှ် ဘဝ်မန်ဝွံ အထေၚ်ကဵု လညာတ်ဇကုဂှ် တၞဟ်ခြာအာရ။
"ဟေံ မၞိဟ်မတ္ၚိန်လဝ်စိုက်ဂှ် မုဟိုတ်ဂွံကြပ်ကၠုၚ်ကဵု ဗ္ဒါဲဒပ်မုတ္တမရော၊ ဖျေံထောံလွဟ်စမ်"
မၞိဟ်မဍိုက်လဝ်လ္တူချေံ ပန်တၠဂှ် ဗိုၚ်လဝ် ဘဝ်မန် နကဵုဗၞုဟ်တုဲ ဗဟေက်တဴရ။
"အဲဂှ် ကလုတ် ကောန်သၟိၚ်ဗညာနဲ မဗလးနၚ်လဝ်ရ။ သ္ကိုပ်ဒပ်မၞးတအ် ဗိုက်ကပြၚ်ဂှ် ဒှ်သ္ကအ်ရဲ မိဿဟာဲအဲရ၊ ပါဲကဵုဂၠံၚ်စမ်"
"ဩယာဲအဲ၊ ကောန်လ္ပာ်သၞဏအ် ရိုၚ်ဇိုၚ်ကွေံရသွံ၊ ရပ်ထောံစမ်"
"ဘုဟ်..."
"ဍေၚ်... သဝေက်..."
မွဲဒမြိပ်ဓဝ် ဗၞုဟ်မွဲတၞုၚ် စၚ်ကၠုၚ် လ္ပာ်တဲပါဲ ဘဝ်မန်ရ။ ဘဝ်မန်လေဝ် ဟိုတ်နူဗဂါဲဇကု ပါဲကၠေံတုဲ အယာံမာတ် ပဠောံဟေၚ် စာတ်အာညိတုဲ ဗၞုဟ်ဂှ် စၚ်စှ်ေအာ ပ္ဍဲတိတေံရ။ မွဲအလန်ပၠန် ဗၞုဟ်မစၚ်ကၠုၚ် လ္ပာ်တဲပုၚ်ဂှ် ဟိုတ်နူလွိၚ်ဗါ်ဏါ နကဵုဇြၚ် ဗွဲမပြဟ်တုဲ သီုကဵုဟွံဒးဘဝ်မန် စၚ်ဒးအာ ချေံမွဲလ္ပာ်တေံရ။
အခိၚ်ဂှ် သရာဲကၚ်မွဲတၠဂှ် ဟိုတ်နူလွိၚ်တက်ဏါ ဇြၚ်ပ္ဍဲတဲ ဘဝ်မန် နကဵုဗၞုဟ်တုဲ ဇြၚ်ဂှ် ကလှ်အာဂှ်ရ ဘဝ်မန်လေဝ် ဟွံမွဲတဴကဵုဇြၚ်ရ။ သရာဲမွဲပၠန်ဂှ် ထပ်လှောဝ်နၚ်ကဵု ဗၞုဟ်ပၠန်တုဲ ပ္ဍဲအခိၚ် မတာဒၞါတဴ နကဵုစိုက်ထဝ်ဂှ် ဒးဒုၚ်တက်ကဵုဗၞုဟ် ဗွဲမထတ်သ္ကာတ် လ္ပာ်လက္ကရဴတုဲ ဒးဒေါမ်လောတ်စှ်ေအာ ဂတဂှ်ရ။ ဘဝ်မန်လေဝ် ဟိုတ်နူကဵုဒှ်ဒၟံၚ် မၞိဟ်မွဲကဵု မၞိဟ်ပန်တၠတုဲ ကြဴတဲ ဒးဒုၚ်ရပ်အာရ။
ညံၚ်ရဴဘဝ်မန် မချပ်လဝ် ပါဲနူကဵု ဟွံဒုၚ်တၠုၚ်တဴ နကဵုဝဝ်ဂှ် သရာဲကၚ်ဂမၠိုၚ် သီုမၜုၚ်တက်တုဲ ဒုၚ်တၠုၚ်တဴရ။ ရပ်ကေတ်ဘဝ်မန်တုဲ ထဝ်ကဵု ဂၠိက်ယာတ်တအ်ဂှ် သီကေတ်ထောံရ။ ကလုတ် ကောန်သၟိၚ်ဗညာနဲ ဗလးနၚ်လဝ်ဏေါၚ် ၜိုန်ရလဴထ္ၜးတဴကီုလေဝ် သရာဲကၚ်ဂမၠိုၚ်ဂှ် ဟွံပတှ်ေတဴတုဲ ထေၚ်ကေတ် ဘဝ်မန် ဒှ်တဴကောန်ညးဗၞိက်ရ ရပ်တုဲ ထဝ် ကေုာံ ဂၠိက်ယာတ်တအ်ဂှ် ကေတ်ဒၟံၚ်အိုတ်ရ။
ထေၚ်တဴညးဗၞိက်လေဝ် သ္ဒးထေၚ်ထေက်ဒၟံၚ်ရ၊ ဘဝ်မန်ဝွံ သီုဟွံသေၚ်ကဵု ကယျိုၚ်ကယျဝ်ပၞာန်၊ ဟိုတ်နူဒှ်ဒၟံၚ် နကဵုကယျိုၚ်ညးကွာန်၊ ဇြၚ်မွဲတၞုၚ်၊ ထဝ်မွဲစိုက်တုဲ ဒှ်ဒၟံၚ်ဗီုပြၚ် ညးဗၞိက်မွဲရ။ တုဲဂှ် သရာဲကၚ်ဂမၠိုၚ် ဂၠိုက်ဂၠာဲတဴ ပ္ဍဲကဵုဇကု ဘဝ်မန်အိုတ်ရ။ ကါလဂှ် ဂွံဆဵုကေတ် လိက်ထၟူမွဲတၞး မနွံဒၟံၚ် ပ္ဍဲကဵုဂၞိၚ်ရ။
သရာဲကၚ်ဂမၠိုၚ်ဝွံ ဟိုတ်နူကဵု ဗှ်လိက်ဟွံဒးအိုတ်တုဲ ဖအောဝ်ကဵု ညးမဗှ်လိက်လေပ်ဂမၠိုၚ် ကဵုဗှ်တဴရ။ ကါလဂှ် တီတဴဒဒှ် ဒှ်ဒၟံၚ်မၞိဟ် ကောန်သၟိၚ်ဗညာနဲတုဲ အာပလံၚ်ဏါကဵု ဇရေၚ်သ္ကိုပ်ဒပ်တေံရ။ ဘဝ်မန်လေဝ် လိက်ကောန်သၟိၚ် မကဵုနၚ်လဝ်ဂှ်ဟေၚ် ရီုတဴလမျီုဇကုရောၚ် သာ်ဝွံ ချပ်ဒၟံၚ်ပ္ဍဲစိုတ်တေံရ။
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
သရာဲကၚ်ဂမၠိုၚ်ဂှ် သီုဒက်ကၠေၚ်လဝ် ဘဝ်မန် နကဵုဇုက် ကော်ဏါတုဲ ပလံၚ်ဏါဇရေၚ် သ္ကိုပ်ဒပ်မုတ္တမ ဗိုက်ကပြၚ်ရ။ ဇဖန်ဂှ် ဗိုက်ကပြၚ် သမ္တီဟွံဒးဏီ ကါလမသ္ၚဳရံၚ်တဴ ဗွဲမလအ် ချိုတ်တ်ပၠိုတ်တ်မှ သမ္တီဒးအာရ။ ဗိုက်ကပြၚ်လေဝ် နကဵုခန္ဓကာယ မကြံၚ်မ္ၚိုဟ်ဗိုန်ကၟောန်တုဲ ကောန်ကွးဂမၠိုၚ်လေဝ် သီုကဵုမခစတဴဒၟံၚ် ဇရေၚ်တမ်ဇိုၚ်ဂှ် ဗွဲမတုပ်သၟဟ်ကဵု အမာတ်မွဲကီု ဂွံဒုၚ်စသိုၚ်ဒၟံၚ် ပိုန်ဘိုက်ရ။
"ၝ... ဘဝ်မန်ရ ဟွံသေၚ်ဟာ"
"ဍာံမံၚ်ရအဴ၊ သ္ကိုပ်ဒပ်ဝွံ ကၠေၚ်ဒက်လဝ် နကဵုဇုက်တုဲ ဒုၚ်တၠုၚ်တဴအဲဍိက် အတိုၚ်ဏအ်ရဟာအဴ"
"ဟာ... သဟာဲယျေ... လ္ပဟီုသာ်ဂှ်ညိ၊ ဟိုတ်နူကဵု သရာဲအဲ ဟွံတီတုဲ သ္ပဒးဗၠေတ်အာရ သဟာဲယျေ..."
"ဟေံ ညးလဵုမွဲ ရပ်နၚ်လဝ် သ္ကအ်ရဲ မိဿဟာဲအဲ သာ်ဏအ်ဂှ်ရော၊ ၝတအ် ပဠေဝ်လဝ်ညိ"
သရာဲမရပ်နၚ်လဝ် ဘဝ်မန်ဂမၠိုၚ်ဂှ် ဖေက်တဴဒၟံၚ်သ္ကိုပ်ဒပ် မုက်မတ်ဇြကှ်တုဲ သှ်ဒၟံၚ်ဇုက် မဒက်လဝ်ဘဝ်မန်ဂှ် ဗွဲမခတဝ်ခဝဝ်ရ။ ဘဝ်မန် ဒှ်ညးမဇၞးတုဲ ရံၚ်ဗစေအ်လဝ်မတ်ကဵု သရာဲကၚ်ဂမၠိုၚ်ရ။ သရာဲဂမၠိုၚ်လေဝ် ဟိုတ်နူဖေက်တဴတုဲ ဆုတ်တိတ်အာ လ္ပာ်လက္ကရဴတေံအိုတ်ရ။ တုဲဂှ် ဗိုက်ကပြၚ်ဝွံ ကဵုဘဝ်မန်ဂ္ဇအ်တဴ ဗ္ဒာဲဇကုတုဲ ဒုၚ်တၠုၚ်တဴ နကဵုဇဗၠု၊ အရက်၊ သတ်ဆုသတ်ဒုန် ဍိက်ဂမၠိုၚ် မကဵုလဝ်ဂှ်ရ။ ပ္ဍဲဗ္ဒါဲဗိုက်ကပြၚ်လေဝ် နကဵုပွဳဗွိုၚ် သ္ကိုပ်ဒပ်ဍောတ်တ်ဂမၠိုၚ်၊ ဍိက်သ္ကအ်ဂမၠိုၚ် ဗွဲမဍိုက်ပေၚ် နွံတဴဒၟံၚ်ရ။ ဗိုက်ကပြၚ်ဝွံ ဟိုတ်နူဂွံဆဵုညာတ် သ္ကအ်ရဲဇကုတုဲ ညံၚ်ရဴမိပ်သၠောၚ်တဴကီု ဘဝ်မန်လေဝ် ဟိုတ်နူရဲဇကု ခိုဟ်စဒၟံၚ်ဂှ် မိပ်သၠောၚ်တဴရ။
"ယွံသဟာဲ သာ်လဵုမွဲ မဒှ်တုဲ သ္ဂောံစိုပ်ကၠုၚ် နဒဒှ်မၞိဟ် ကောန်တၠညးစိၚ်ဗ္တာၚ်ဂှ်ရော"
"ပိုဲတအ် ဃောမသ္ၚဳဒၟံၚ်အှော်ဂှ် ဟိုတ်နူဆဵုဂဗကဵုကၠ ကောန်သၟိၚ်ရီုလဝ်တုဲ ဒှ်ကၠုၚ်ညးတၠဂုဏ် လမျီုပိုဲရ၊ လၟုဟ်လေဝ် ကောန်သၟိၚ် မိက်ဂွံဗလးနၚ် နဒဒှ်ကလုတ်တုဲ မ္ဒးစိုပ်ကၠုၚ်ရ၊ ဆဂး လိက်သဝဏ်၊ ထဝ် ကေုာံ ဂၠိက်ယာတ်ဂမၠိုၚ်ဂှ် သရာဲသဟာဲဂမၠိုၚ် ကေတ်ဏါထောံ အလဵုရောဂှ် ဟွံတီတဴရ"
"ဟေံ ၝတအ် ယုတ်ကွေံသွံ၊ လိက် ကဵု ထဝ် ကောန်သၟိၚ်ဗညာနဲ မကဵုလဝ်တအ်ဂှ် ဣလဵုရော၊ ၝတအ်ဂှ် စိုပ်မုတ္တမတေံမှ ပလံၚ်ဏါကဵု ဇရေၚ်သၟိၚ်ဇၞော်တုဲ ကဵုတဴဒုဟ်ဒဏ် ဗွဲမဓဇန်ဏောၚ်။ ဇၟာပ်ၝတအ် မဆဵုတဴကပေါတ် ကေတ်ဒၟံၚ်သာ်ဏအ်ဂှ် ဟွံဖေက် ဒးဒုဟ်ဒဏ်ပုဟ်ဟာ"
သ္ကိုပ်ဒပ်မုတ္တမ ဗိုက်ကပြၚ် ကဟုက်တဴကဵု သရာဲကၚ်ဂမၠိုၚ် နကဵုဒေါသမဇၞော်ရ။ သရာဲတအ်လေဝ် ဖေက်လကိုတ်တုဲ တၚ်က္ၜံၚ်ခတဝ်ဒၟံၚ်အိုတ်ရ။
"သၠးကဵုအခေါၚ်ညိအဴ၊ ဟိုတ်နူကဵု ပိုဲဟွံတီတုဲ ဗၠေတ်အာရအဴ၊ သၠးကဵုအခေါၚ်ညိ သ္ကိုပ်ဒပ်"
"သၠးကဵုအခေါၚ်ညိအဴ၊ ကပေါတ် ကောန်ညးဗဂေါဏအ် အိုဿီုတအ်ဂှ် နွံဒၟံၚ်ရအဴ၊ ဗၠးကဵုလမျီုညိအဴ သ္ကိုပ်ဒပ်"
သရာဲဂမၠိုၚ်လေဝ် သီုကဵုမဖေက်ဂၟံက်တဴ ထံက်က္ၜံၚ်၊ ပၚ်တဲတုဲ ဒုၚ်ဒၟံၚ်ဂုဏ်အိုတ်ဂှ် ဘဝ်မန် ဒးဒၟံၚ်ဂၞပ်စိုတ်ရ။ အပ္ဍဲဂှ် သရာဲမွဲဂှ် ကေတ်နၚ်ကဵု လိက်သဝဏ် ကေုာံ ထဝ်ကောန်သၟိၚ် မကဵုနၚ်လဝ်ဂမၠိုၚ် ဗွဲမရောံဓညတုဲ နကဵုမုက်မတ် မဇြကှ် ဒုၚ်ကဵုသ္ကိုပ်ဒပ်ရ။ ဗိုက်ကပြၚ်လေဝ် ဂိုၚ်ကေတ်လိက်ဂှ်တုဲ ထဝ် ကေုာံ ဂၠိက်ယာတ်တအ်ဂှ် ကဵုသ္ကိုပ်ဒပ် မာံဒေဝ သီဂိုၚ်ကေတ်ရ။
"ထဝ်တအ်ဏအ်ဂှ် မုရဴသွက်မုရော သဟာဲ"
"ကောန်သၟိၚ်ပိုဲ ဆက်ဏါကွာဲကဵု သွက်တၠနာဲ သဟာဲတအ်ရအဴ"
"အဲဆက်ကဵုဏါ ဗိုန်ဗိုန်ရောၚ်"
တုဲဂှ် ဗိုက်ကပြၚ်ဝွံ လိက်သဝဏ် ကောန်သၟိၚ်ဗညာနဲ မကဵုနၚ်လဝ်ဂှ် ဖအောဝ်ကဵု သ္ကိုပ်ဒပ် အာဲဗြလံၚ် ဗှ်တုဲ သီုကဵုမသ္ၚာဲတဴဇဗၠု က္လၚ်ဒၟံၚ်ရ၊ ပ္ဍဲလ္အိတ် သ္ကိုပ်ဒပ် အာဲဗြလံၚ် ဗှ်တုဲဂှ် သ္ကိုပ်ဒပ်မုတ္တမ သၟိၚ်ဗိုက်ကပြၚ်မွဲ ဒးလကိုတ်တ္ၚဵုအာရ။ နကဵုမုက်မတ်ဟွံကျေဝ်ဟေၚ် ရမျာက်ကီုလေဝ် ခတဝ်ဒၟံၚ်ရ။
"ကောန်သၟိၚ်ဗညာနဲ ထေၚ်ဗၠေတ်ဒၟံၚ် လ္တူအဲယျ၊ သဟာဲ ရီုညိစမ်။ အဲဂှ် ဒှ်သ္ကိုပ်ဒပ် သၟိၚ်စဍုၚ်မုတ္တမ ဖအောဝ်တုဲဟေၚ် ဒးကၠုၚ်တဴရ။ အလဵုဇကုဂှ် မိက်ဂွံကၠုၚ်တဴ ဟွံသေၚ်ရ။ ပရော မဟာဒေဝဳ ကဵု သၟိၚ်မရူတအ်ဂှ် အဲလေဝ်မိၚ်တဴရ။ လၟုဟ်လေဝ် သီုမဒှ်တဴဒၟံၚ် ကသပ်စၞာဲ မဟာဒေဝဳ ဂှ်လေဝ်ဟွံတီ၊ ထေၚ်ကေတ်အမိၚ် တၠညးစိၚ်ဗ္တာၚ်တုဲ ဇက်ကၠုၚ်ရ။ သဟာဲဟီုစမ် အဲဂွံသ္ပ သာ်လဵုရော"
ဘဝ်မန်ဝွံ ဗိုကပြၚ် ဒှ်အာညးမဍိုန်ကဵု ဒြဟတ်မွဲ အရာဇကု မိက်ဂွံကဵုဒှ်ဂှ် ဖအောဝ်တဴမာန်ယျတုဲ ညံၚ်ဂွံရုပ်သီဒပ် က္လေၚ်စဴအာဟေက် ဗတိုက်ဖအောဝ်တဴရ။
"ယွံသဟာဲ၊ သၟိၚ်စဍုၚ်မံၚ်မလဝွံ ကောန်အမာတ် ညးဟွံလ္ၚောဝ် ကောန်သၟိၚ် တၠညးစိၚ်ဗ္တာၚ်ဟေၚ် လ္ၚောဝ်တဴရသ္ဂးတုဲ ရုပ်သီဒပ် က္လေၚ်စဴအာရ၊ တၠနာဲသဟာဲတအ် စဍုၚ်မုတ္တမကီုလေဝ် လ္ၚောဝ်တဴ ကောန်တၠညးစိၚ်ဗ္တာၚ်ကီုရောၚ်။ ဒှ်သာ်ဂှ်မ္ဂး သဟာဲလေဝ် ဒးလ္ၚောဝ်တဴရ။ ပ္ဍဲအခိၚ်ဏအ် ရပ်သီဒပ်တုဲ က္လေၚ်စဴအာဂှ် ဟွံလ္ဇုဲအာဏီရ။
ကောန်သၟိၚ်ပိုဲတအ် ယဝ်က္လိဂွံအာစိုပ်ဒတုဲမ္ဂး သာ်ဂှ်ဟွံသေၚ် တၠနာဲသဟာဲတအ် ဒှ်ပၞောတ်မ္ဂး ဟိုတ်နူကဵု စဍုၚ်မံၚ်မလ ကၠုၚ်တုဲ ပိုဲဒးကၠုၚ်ရ။ ဟိုတ်နူကဵု စဍုၚ်မံၚ်မလ က္လေၚ်တုဲ ပိုဲဒးက္လေၚ်ရ သာ်ဝွံ ဂလာန်သွက်ဂွံခၠေဝ်သှ်လေဝ် နွံတဴရ။ ဟိုတ်ဂှ်ရ လညာတ်အဲမ္ဂး သဟာဲလေဝ် ရုပ်သီဒပ်တုဲ က္လေၚ်စဴအာထေက်ရ"
"ၝ... ဘဝ်မန်ရ ဟွံသေၚ်ဟာ"
"ဍာံမံၚ်ရအဴ၊ သ္ကိုပ်ဒပ်ဝွံ ကၠေၚ်ဒက်လဝ် နကဵုဇုက်တုဲ ဒုၚ်တၠုၚ်တဴအဲဍိက် အတိုၚ်ဏအ်ရဟာအဴ"
"ဟာ... သဟာဲယျေ... လ္ပဟီုသာ်ဂှ်ညိ၊ ဟိုတ်နူကဵု သရာဲအဲ ဟွံတီတုဲ သ္ပဒးဗၠေတ်အာရ သဟာဲယျေ..."
"ဟေံ ညးလဵုမွဲ ရပ်နၚ်လဝ် သ္ကအ်ရဲ မိဿဟာဲအဲ သာ်ဏအ်ဂှ်ရော၊ ၝတအ် ပဠေဝ်လဝ်ညိ"
သရာဲမရပ်နၚ်လဝ် ဘဝ်မန်ဂမၠိုၚ်ဂှ် ဖေက်တဴဒၟံၚ်သ္ကိုပ်ဒပ် မုက်မတ်ဇြကှ်တုဲ သှ်ဒၟံၚ်ဇုက် မဒက်လဝ်ဘဝ်မန်ဂှ် ဗွဲမခတဝ်ခဝဝ်ရ။ ဘဝ်မန် ဒှ်ညးမဇၞးတုဲ ရံၚ်ဗစေအ်လဝ်မတ်ကဵု သရာဲကၚ်ဂမၠိုၚ်ရ။ သရာဲဂမၠိုၚ်လေဝ် ဟိုတ်နူဖေက်တဴတုဲ ဆုတ်တိတ်အာ လ္ပာ်လက္ကရဴတေံအိုတ်ရ။ တုဲဂှ် ဗိုက်ကပြၚ်ဝွံ ကဵုဘဝ်မန်ဂ္ဇအ်တဴ ဗ္ဒာဲဇကုတုဲ ဒုၚ်တၠုၚ်တဴ နကဵုဇဗၠု၊ အရက်၊ သတ်ဆုသတ်ဒုန် ဍိက်ဂမၠိုၚ် မကဵုလဝ်ဂှ်ရ။ ပ္ဍဲဗ္ဒါဲဗိုက်ကပြၚ်လေဝ် နကဵုပွဳဗွိုၚ် သ္ကိုပ်ဒပ်ဍောတ်တ်ဂမၠိုၚ်၊ ဍိက်သ္ကအ်ဂမၠိုၚ် ဗွဲမဍိုက်ပေၚ် နွံတဴဒၟံၚ်ရ။ ဗိုက်ကပြၚ်ဝွံ ဟိုတ်နူဂွံဆဵုညာတ် သ္ကအ်ရဲဇကုတုဲ ညံၚ်ရဴမိပ်သၠောၚ်တဴကီု ဘဝ်မန်လေဝ် ဟိုတ်နူရဲဇကု ခိုဟ်စဒၟံၚ်ဂှ် မိပ်သၠောၚ်တဴရ။
"ယွံသဟာဲ သာ်လဵုမွဲ မဒှ်တုဲ သ္ဂောံစိုပ်ကၠုၚ် နဒဒှ်မၞိဟ် ကောန်တၠညးစိၚ်ဗ္တာၚ်ဂှ်ရော"
"ပိုဲတအ် ဃောမသ္ၚဳဒၟံၚ်အှော်ဂှ် ဟိုတ်နူဆဵုဂဗကဵုကၠ ကောန်သၟိၚ်ရီုလဝ်တုဲ ဒှ်ကၠုၚ်ညးတၠဂုဏ် လမျီုပိုဲရ၊ လၟုဟ်လေဝ် ကောန်သၟိၚ် မိက်ဂွံဗလးနၚ် နဒဒှ်ကလုတ်တုဲ မ္ဒးစိုပ်ကၠုၚ်ရ၊ ဆဂး လိက်သဝဏ်၊ ထဝ် ကေုာံ ဂၠိက်ယာတ်ဂမၠိုၚ်ဂှ် သရာဲသဟာဲဂမၠိုၚ် ကေတ်ဏါထောံ အလဵုရောဂှ် ဟွံတီတဴရ"
"ဟေံ ၝတအ် ယုတ်ကွေံသွံ၊ လိက် ကဵု ထဝ် ကောန်သၟိၚ်ဗညာနဲ မကဵုလဝ်တအ်ဂှ် ဣလဵုရော၊ ၝတအ်ဂှ် စိုပ်မုတ္တမတေံမှ ပလံၚ်ဏါကဵု ဇရေၚ်သၟိၚ်ဇၞော်တုဲ ကဵုတဴဒုဟ်ဒဏ် ဗွဲမဓဇန်ဏောၚ်။ ဇၟာပ်ၝတအ် မဆဵုတဴကပေါတ် ကေတ်ဒၟံၚ်သာ်ဏအ်ဂှ် ဟွံဖေက် ဒးဒုဟ်ဒဏ်ပုဟ်ဟာ"
သ္ကိုပ်ဒပ်မုတ္တမ ဗိုက်ကပြၚ် ကဟုက်တဴကဵု သရာဲကၚ်ဂမၠိုၚ် နကဵုဒေါသမဇၞော်ရ။ သရာဲတအ်လေဝ် ဖေက်လကိုတ်တုဲ တၚ်က္ၜံၚ်ခတဝ်ဒၟံၚ်အိုတ်ရ။
"သၠးကဵုအခေါၚ်ညိအဴ၊ ဟိုတ်နူကဵု ပိုဲဟွံတီတုဲ ဗၠေတ်အာရအဴ၊ သၠးကဵုအခေါၚ်ညိ သ္ကိုပ်ဒပ်"
"သၠးကဵုအခေါၚ်ညိအဴ၊ ကပေါတ် ကောန်ညးဗဂေါဏအ် အိုဿီုတအ်ဂှ် နွံဒၟံၚ်ရအဴ၊ ဗၠးကဵုလမျီုညိအဴ သ္ကိုပ်ဒပ်"
သရာဲဂမၠိုၚ်လေဝ် သီုကဵုမဖေက်ဂၟံက်တဴ ထံက်က္ၜံၚ်၊ ပၚ်တဲတုဲ ဒုၚ်ဒၟံၚ်ဂုဏ်အိုတ်ဂှ် ဘဝ်မန် ဒးဒၟံၚ်ဂၞပ်စိုတ်ရ။ အပ္ဍဲဂှ် သရာဲမွဲဂှ် ကေတ်နၚ်ကဵု လိက်သဝဏ် ကေုာံ ထဝ်ကောန်သၟိၚ် မကဵုနၚ်လဝ်ဂမၠိုၚ် ဗွဲမရောံဓညတုဲ နကဵုမုက်မတ် မဇြကှ် ဒုၚ်ကဵုသ္ကိုပ်ဒပ်ရ။ ဗိုက်ကပြၚ်လေဝ် ဂိုၚ်ကေတ်လိက်ဂှ်တုဲ ထဝ် ကေုာံ ဂၠိက်ယာတ်တအ်ဂှ် ကဵုသ္ကိုပ်ဒပ် မာံဒေဝ သီဂိုၚ်ကေတ်ရ။
"ထဝ်တအ်ဏအ်ဂှ် မုရဴသွက်မုရော သဟာဲ"
"ကောန်သၟိၚ်ပိုဲ ဆက်ဏါကွာဲကဵု သွက်တၠနာဲ သဟာဲတအ်ရအဴ"
"အဲဆက်ကဵုဏါ ဗိုန်ဗိုန်ရောၚ်"
တုဲဂှ် ဗိုက်ကပြၚ်ဝွံ လိက်သဝဏ် ကောန်သၟိၚ်ဗညာနဲ မကဵုနၚ်လဝ်ဂှ် ဖအောဝ်ကဵု သ္ကိုပ်ဒပ် အာဲဗြလံၚ် ဗှ်တုဲ သီုကဵုမသ္ၚာဲတဴဇဗၠု က္လၚ်ဒၟံၚ်ရ၊ ပ္ဍဲလ္အိတ် သ္ကိုပ်ဒပ် အာဲဗြလံၚ် ဗှ်တုဲဂှ် သ္ကိုပ်ဒပ်မုတ္တမ သၟိၚ်ဗိုက်ကပြၚ်မွဲ ဒးလကိုတ်တ္ၚဵုအာရ။ နကဵုမုက်မတ်ဟွံကျေဝ်ဟေၚ် ရမျာက်ကီုလေဝ် ခတဝ်ဒၟံၚ်ရ။
"ကောန်သၟိၚ်ဗညာနဲ ထေၚ်ဗၠေတ်ဒၟံၚ် လ္တူအဲယျ၊ သဟာဲ ရီုညိစမ်။ အဲဂှ် ဒှ်သ္ကိုပ်ဒပ် သၟိၚ်စဍုၚ်မုတ္တမ ဖအောဝ်တုဲဟေၚ် ဒးကၠုၚ်တဴရ။ အလဵုဇကုဂှ် မိက်ဂွံကၠုၚ်တဴ ဟွံသေၚ်ရ။ ပရော မဟာဒေဝဳ ကဵု သၟိၚ်မရူတအ်ဂှ် အဲလေဝ်မိၚ်တဴရ။ လၟုဟ်လေဝ် သီုမဒှ်တဴဒၟံၚ် ကသပ်စၞာဲ မဟာဒေဝဳ ဂှ်လေဝ်ဟွံတီ၊ ထေၚ်ကေတ်အမိၚ် တၠညးစိၚ်ဗ္တာၚ်တုဲ ဇက်ကၠုၚ်ရ။ သဟာဲဟီုစမ် အဲဂွံသ္ပ သာ်လဵုရော"
ဘဝ်မန်ဝွံ ဗိုကပြၚ် ဒှ်အာညးမဍိုန်ကဵု ဒြဟတ်မွဲ အရာဇကု မိက်ဂွံကဵုဒှ်ဂှ် ဖအောဝ်တဴမာန်ယျတုဲ ညံၚ်ဂွံရုပ်သီဒပ် က္လေၚ်စဴအာဟေက် ဗတိုက်ဖအောဝ်တဴရ။
"ယွံသဟာဲ၊ သၟိၚ်စဍုၚ်မံၚ်မလဝွံ ကောန်အမာတ် ညးဟွံလ္ၚောဝ် ကောန်သၟိၚ် တၠညးစိၚ်ဗ္တာၚ်ဟေၚ် လ္ၚောဝ်တဴရသ္ဂးတုဲ ရုပ်သီဒပ် က္လေၚ်စဴအာရ၊ တၠနာဲသဟာဲတအ် စဍုၚ်မုတ္တမကီုလေဝ် လ္ၚောဝ်တဴ ကောန်တၠညးစိၚ်ဗ္တာၚ်ကီုရောၚ်။ ဒှ်သာ်ဂှ်မ္ဂး သဟာဲလေဝ် ဒးလ္ၚောဝ်တဴရ။ ပ္ဍဲအခိၚ်ဏအ် ရပ်သီဒပ်တုဲ က္လေၚ်စဴအာဂှ် ဟွံလ္ဇုဲအာဏီရ။
ကောန်သၟိၚ်ပိုဲတအ် ယဝ်က္လိဂွံအာစိုပ်ဒတုဲမ္ဂး သာ်ဂှ်ဟွံသေၚ် တၠနာဲသဟာဲတအ် ဒှ်ပၞောတ်မ္ဂး ဟိုတ်နူကဵု စဍုၚ်မံၚ်မလ ကၠုၚ်တုဲ ပိုဲဒးကၠုၚ်ရ။ ဟိုတ်နူကဵု စဍုၚ်မံၚ်မလ က္လေၚ်တုဲ ပိုဲဒးက္လေၚ်ရ သာ်ဝွံ ဂလာန်သွက်ဂွံခၠေဝ်သှ်လေဝ် နွံတဴရ။ ဟိုတ်ဂှ်ရ လညာတ်အဲမ္ဂး သဟာဲလေဝ် ရုပ်သီဒပ်တုဲ က္လေၚ်စဴအာထေက်ရ"
"ကှ်ေ... မာံဒေဝ ကဵု အာဲဗြလံၚ်တအ် စိုတ်မၞးတအ် သာ်လဵုမၞုံဂှ်ရော"
"ပိုဲဍိက်တအ်ဂှ် ဟိုတ်နူဒှ်တဴ ကောန်ရဲတုဲ သ္ကိုပ်ဒပ်ဟီုဇက်အာမ္ဂး ဒးဇက်အာရ၊ သ္ကိုပ်ဒပ်ဟီုဗ္တိုက်မ္ဂး ဒးဗ္တိုက်၊ က္လေၚ်မ္ဂး ဒးက္လေၚ်ရ၊ သ္ကိုပ်ဒပ်ဟေၚ် သ္ဂုတ်သွာတ်ညိအဴ"
"ဒးရးသန်ရအဴ၊ ဂလာန်သဟာဲ သ္ကိုပ်ဒပ် မသ္ဂးဂှ်လေဝ် ဒးရးဒၟံၚ်ရအဴ။ စဍုၚ်မံၚ်မလ ဂတးစဴအာယျမ္ဂးတှ်ေ ပိုဲဍိက်တအ် ဂတးစဴအာလေဝ် သၟိၚ်ဇၞော်ပိုဲဍိက်တအ် ဟွံဒှ်တဴပၞောတ်ရအဴ"
ဍိက်ပတှ်ေ ဗိုက်ကပြၚ် မာံဒေဝ ကဵု အာဲဗြလံၚ်တအ်လေဝ် ဗီုညးကုညး ဂရၚ်ပ္တီတဴ လညာတ်ဇကုအိုတ်ရ။ သ္ကိုပ်ဒပ်ဗိုက်ကပြၚ်လေဝ် သွက်ပရေၚ် သ္ဂောံရုပ်သီဒပ်ဂှ် ချပ်တဴဒၟံၚ် ဇြိုဟ်ဟ်နက်နက်ရ။
"ပိုဲတအ်ထေၚ်ဂး အမိၚ်တၠညးစိၚ်ဗ္တာၚ်တုဲ ဇက်ကၠုၚ်ပၞာန်ရ။ လၟုဟ်ဏအ် အမိၚ်တၠညးစိၚ်ဗ္တာၚ် ဟွံသေၚ် သီုကဵုဒှ်ဒၟံၚ် စၞာဲမဟာဒေဝဳရောၚ်ဂှ် သ္ဂောံတီတဴရ။ စဍုၚ်မံၚ်မလလေဝ် ရုပ်သီထောံ ဒပ်တုဲရ၊ ပိုဲတအ်လေဝ် ဍာ်စှ်ေဏအ်တှ်ေ ဂတးစဴရောၚ်။ အတိုၚ်ဏအ်ဟေၚ် သဟာဲ ဂရၚ်ပ္တီကဵု ကောန်သၟိၚ်ဗညာနဲညိ"
"ဒးရးသန်ရအဴ၊ ဟိုတ်နူကဵု သဟာဲ လညာတ်သၠဲတဴ သာ်ဏအ်တုဲဟေၚ် ဂွံဒှ်တဴဒၟံၚ် သ္ကိုပ်ဒပ်မုတ္တမဂှ်၊ ညံၚ်ကောန်သၟိၚ်ပိုဲ ဟွံထေၚ်ဗၠေတ်အာဂှ် အဲဂရၚ်ပ္တီကဵုရောၚ်"
"မိပ်တဴစိုတ်ကွေံရ သဟာဲယျေ၊ အဖန်ဂွံဆဵုဂဗညးသ္ကအ် စသုၚ်ထောံကၠာညိ"
ညံၚ်ကောန်သၟိၚ်ဗညာနဲ ဟွံဂွံဒှ်ပၞောတ်ဂှ် ဂရၚ်ပ္တီကဵုရောၚ် ဟိုတ်နူကဵု ဘဝ်မန် မဟီုသာ်ဂှ်တုဲ ဗိုက်ကပြၚ် မိပ်သၠောၚ်ဒၟံၚ်ရ။ အလဵုဇကု သီုမစဝ်တဴကဵု ဘဝ်မန် အရက်မွဲခေါ်တုဲ မွဲခေါ်ပၠန်ဂှ် အလဵုဇကုလေဝ် သုၚ်တဴရ။ ပၟိက်ကိစ္စ အာစိုပ်ဒတုဲယျဒှ်တုဲ မိဿဟာဲ သ္ကအ်ရဲညးၜါ စသုၚ်တဴ မိပ်မိပ်ဇြိပ်ဇြိပ်ရ။
ပ္ဍဲတ္ၚဲယးဂတဂှ် ဍာ်စှ်ေယျဒှ်တုဲ ဒပ်မုတ္တမဂမၠိုၚ် ဂတးစဴအာအိုတ်ရ။ ဘဝ်မန်လေဝ် ဒပ်မုတ္တမဂမၠိုၚ် ဂတးစဴအာတုဲမှ က္လေၚ်စဴကၠုၚ် ဇရေၚ်ဍုၚ်လ္ဂုၚ်ရ။ ကောန်သၟိၚ်ဗညာနဲ ကေုာံ မၚ်ကာန်စဳ၊ မသိုက်တအ်ဝွံ ဂွိၚ်တဴဒၟံၚ်ကဵု ဘဝ်မန်အိုတ်ရ။
"သဟာဲယျေ၊ အဲခယျဂး ဟွံက္လေၚ်စိုပ်ကၠုၚ်တုဲ ဂွိၚ်တဴဒၟံၚ်ရ"
မသိုက်မွဲ ဒှ်ညးမယဵုလ္ဂူမွဲဗိုန်ဗိုန်တုဲ ဒဒှ်ရ ဒးစၟဳဒၟံၚ်ဂှ် ပံက်ပါၚ် ဟီုဒုၚ်ဏါဝန်ရ။
"အဲလေဝ် စသုၚ်အာ အဖဝ်ဗိုက်ကပြၚ်ဂှ် မၚ်အာဒဵုကဵု ဍေံတအ်စဴတုဒ က္လေၚ်စဴကၠုၚ်ရ"
"ဒပ်ဍေံ ဂတးစဴအာကီုဟာ ဘဝ်မန်"
"ယွံ...၊ ပ္ဍဲတ္ၚဲဏအ်ဟေၚ် က္လေၚ်စဴအာအိုတ်ရအဴ"
ဒပ်မုတ္တမဂမၠိုၚ် ဂတးစဴအာယျတုဲ ကောန်သၟိၚ်ကဵု မၚ်ကာန်စဳတအ် မိပ်သၠောၚ်ဒၟံၚ်ရ။
"ဟေံ ဘဝ်မန်၊ ၝဝွံ ဒးဒုၚ်ရပ်အာကဵု ဒပ်သၞကီုဟာ၊ ဂၠိက်ပဠောံလေဝ် စာ်၊ ကၠိလေဝ် ကၠိတဴရ"
"ဟွံသေၚ်ရအဴ၊ သ္ကိုပ်ဒပ်မုတ္တမ ဒုၚ်တၠုၚ်တဴ ဗွဲမခိုဟ်မိုဟ်ရအဴ၊ ပၞေတ်သရကဵု ပဠောံစာ်ဏအ်ဂှ် ဟိုတ်နူကဵုအဲဍိက် ဃရေက်စဴကၠုၚ်တုဲ ထဍိၚ်ဒး လောတ်စှ်ေရအဴ"
"အေ...၊ ၝ ဃရေက်မံၚ်တှ်ေ"
ဟိုတ်နူကဵု ကောန်သၟိၚ် မညာတ်ဒး ပဠောံဘဝ်မန် မစာ်ဒၟံၚ်ကဵု ပၞေတ်သရ မလစံက်ဒၟံၚ်ဂှ်တုဲ ဘဝ်မန် ဒးဒုၚ်ရပ်အာကီုဟာဂှ် ဂွိၚ်တုဲ သၟာန်တဴရ။ ဘဝ်မန်လေဝ် ဒဒှ်ရ ဒးလဴဗ္စ ဇကုဒးဒုၚ်ရပ်ဂှ် ဂွတဴတုဲ ဠာန်ဏါ ကောန်သၟိၚ်ရ။
"ယွံကောဇၞော် မၚ်ကာန်စဳ ဒပ်အရီုဗၚ်သၞတအ် ဂတးစဴအာအိုတ်ရတှ်ေ ပိုဲတအ် တိတ်ဗ္တိုက်မ္ဂး ဒးရးညိဟာ"
"မၚ်ကၠာညိအဴ၊ မၚ်က္လၚ်တဴနိမတ်တုဲ ဒးရံၚ်တဴ အခိၚ်အခါမ္ၚဵုဏီရအဴ"
"ခိုဟ်ရ၊ ကောဇၞော် ဗီုဒးစိုတ်ဂှ် စဳရေၚ်တဴညိ"
ဒပ်သၞဂမၠိုၚ် ဂတးစဴအာအိုတ်တုဲ ကောန်သၟိၚ် မိက်ဂွံတိတ်ဗ္တိုက်ရ။ ၜိုန်ဂှ် မၚ်ကာန်စဳ ကဵုမၚ်က္လၚ်တဴ နိမိတ်တုဲ အတိုၚ်မၚ်ကာန်စဳ မစဳရေၚ်ဂှ် ကောန်သၟိၚ် ဒုၚ်တဴတဲရ။ ဆေၚ်စပ်ကဵု ပရေၚ်ဍုၚ်ကွာန်မ္ဂး ကောန်သၟိၚ် ဒးပတှ်ေတဴ မၚ်ကာန်စဳရ။ ဇၟာပ်ပ်မဒှ်ပၟိက် ကိစ္စမဇၞော်မ္ဂး ဟွံသဳကၠဳတဴကဵု မၚ်ကာန်စဳဂှ် ဟွံမွဲတဴရ။
ပ္ဍဲဗ္တံဂှ်ဟေၚ် မၚ်ကာန်စဳကဵု မသိုက်တအ် သွက်ဂွံက္လၚ်နိမိတ်ဂှ် ကေတ်ဏါ ဗြာတ်၊ သတ်ဗြဴ၊ ဖျုန်ကၚုဲ၊ ကပေါတ်ဂမၠိုၚ် သွက်ဂွံပူဇဴ ဒေဝတဴးမၠိုၚ်၊ အၚ်သွက်ဂွံထောံခဝ်ဂမၠိုၚ်၊ သွက်ဂွံကလအ်စဂမၠိုၚ်တုဲ တိတ်ကၠုၚ်အိုတ်ရ။
ပ္ဍဲဌာန်မတွံဂး လ္ဂုၚ်ဝွံ ပၟတ်တိုၚ်ကၠေၚ်သ္ဍဴ သီုကဵုမဂဵုတၟးတဴဒၟံၚ်ရ။ အဃောဂှ် ဗြဲကျာ နူကဵုပန်ဒိုဟ်ဒ္စာံကၠၚ်ဂမၠိုၚ် ဗွဲမဂၠု လမ္စံက်ဓယောၚ် ပိုက်ကၠုၚ် ဗွဲမဇၞော်ကဵုဒြဟတ်ရ။ ညံၚ်ရဴဗြဲမဂူတဴကီု ကျာလေဝ် ထတ်သ္ကာတ်တဴရ။
ဆက်ဗှ်အာ သ္ကုတ် ၅၁ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှိတဴမာန်ရ။
https://t.me/laaeimon
#ဗညာနဲ #ဗိုက်ကပြၚ် #ဘဝ်မန်
#The Sunrise of Hongsawatoi
"ပိုဲဍိက်တအ်ဂှ် ဟိုတ်နူဒှ်တဴ ကောန်ရဲတုဲ သ္ကိုပ်ဒပ်ဟီုဇက်အာမ္ဂး ဒးဇက်အာရ၊ သ္ကိုပ်ဒပ်ဟီုဗ္တိုက်မ္ဂး ဒးဗ္တိုက်၊ က္လေၚ်မ္ဂး ဒးက္လေၚ်ရ၊ သ္ကိုပ်ဒပ်ဟေၚ် သ္ဂုတ်သွာတ်ညိအဴ"
"ဒးရးသန်ရအဴ၊ ဂလာန်သဟာဲ သ္ကိုပ်ဒပ် မသ္ဂးဂှ်လေဝ် ဒးရးဒၟံၚ်ရအဴ။ စဍုၚ်မံၚ်မလ ဂတးစဴအာယျမ္ဂးတှ်ေ ပိုဲဍိက်တအ် ဂတးစဴအာလေဝ် သၟိၚ်ဇၞော်ပိုဲဍိက်တအ် ဟွံဒှ်တဴပၞောတ်ရအဴ"
ဍိက်ပတှ်ေ ဗိုက်ကပြၚ် မာံဒေဝ ကဵု အာဲဗြလံၚ်တအ်လေဝ် ဗီုညးကုညး ဂရၚ်ပ္တီတဴ လညာတ်ဇကုအိုတ်ရ။ သ္ကိုပ်ဒပ်ဗိုက်ကပြၚ်လေဝ် သွက်ပရေၚ် သ္ဂောံရုပ်သီဒပ်ဂှ် ချပ်တဴဒၟံၚ် ဇြိုဟ်ဟ်နက်နက်ရ။
"ပိုဲတအ်ထေၚ်ဂး အမိၚ်တၠညးစိၚ်ဗ္တာၚ်တုဲ ဇက်ကၠုၚ်ပၞာန်ရ။ လၟုဟ်ဏအ် အမိၚ်တၠညးစိၚ်ဗ္တာၚ် ဟွံသေၚ် သီုကဵုဒှ်ဒၟံၚ် စၞာဲမဟာဒေဝဳရောၚ်ဂှ် သ္ဂောံတီတဴရ။ စဍုၚ်မံၚ်မလလေဝ် ရုပ်သီထောံ ဒပ်တုဲရ၊ ပိုဲတအ်လေဝ် ဍာ်စှ်ေဏအ်တှ်ေ ဂတးစဴရောၚ်။ အတိုၚ်ဏအ်ဟေၚ် သဟာဲ ဂရၚ်ပ္တီကဵု ကောန်သၟိၚ်ဗညာနဲညိ"
"ဒးရးသန်ရအဴ၊ ဟိုတ်နူကဵု သဟာဲ လညာတ်သၠဲတဴ သာ်ဏအ်တုဲဟေၚ် ဂွံဒှ်တဴဒၟံၚ် သ္ကိုပ်ဒပ်မုတ္တမဂှ်၊ ညံၚ်ကောန်သၟိၚ်ပိုဲ ဟွံထေၚ်ဗၠေတ်အာဂှ် အဲဂရၚ်ပ္တီကဵုရောၚ်"
"မိပ်တဴစိုတ်ကွေံရ သဟာဲယျေ၊ အဖန်ဂွံဆဵုဂဗညးသ္ကအ် စသုၚ်ထောံကၠာညိ"
ညံၚ်ကောန်သၟိၚ်ဗညာနဲ ဟွံဂွံဒှ်ပၞောတ်ဂှ် ဂရၚ်ပ္တီကဵုရောၚ် ဟိုတ်နူကဵု ဘဝ်မန် မဟီုသာ်ဂှ်တုဲ ဗိုက်ကပြၚ် မိပ်သၠောၚ်ဒၟံၚ်ရ။ အလဵုဇကု သီုမစဝ်တဴကဵု ဘဝ်မန် အရက်မွဲခေါ်တုဲ မွဲခေါ်ပၠန်ဂှ် အလဵုဇကုလေဝ် သုၚ်တဴရ။ ပၟိက်ကိစ္စ အာစိုပ်ဒတုဲယျဒှ်တုဲ မိဿဟာဲ သ္ကအ်ရဲညးၜါ စသုၚ်တဴ မိပ်မိပ်ဇြိပ်ဇြိပ်ရ။
ပ္ဍဲတ္ၚဲယးဂတဂှ် ဍာ်စှ်ေယျဒှ်တုဲ ဒပ်မုတ္တမဂမၠိုၚ် ဂတးစဴအာအိုတ်ရ။ ဘဝ်မန်လေဝ် ဒပ်မုတ္တမဂမၠိုၚ် ဂတးစဴအာတုဲမှ က္လေၚ်စဴကၠုၚ် ဇရေၚ်ဍုၚ်လ္ဂုၚ်ရ။ ကောန်သၟိၚ်ဗညာနဲ ကေုာံ မၚ်ကာန်စဳ၊ မသိုက်တအ်ဝွံ ဂွိၚ်တဴဒၟံၚ်ကဵု ဘဝ်မန်အိုတ်ရ။
"သဟာဲယျေ၊ အဲခယျဂး ဟွံက္လေၚ်စိုပ်ကၠုၚ်တုဲ ဂွိၚ်တဴဒၟံၚ်ရ"
မသိုက်မွဲ ဒှ်ညးမယဵုလ္ဂူမွဲဗိုန်ဗိုန်တုဲ ဒဒှ်ရ ဒးစၟဳဒၟံၚ်ဂှ် ပံက်ပါၚ် ဟီုဒုၚ်ဏါဝန်ရ။
"အဲလေဝ် စသုၚ်အာ အဖဝ်ဗိုက်ကပြၚ်ဂှ် မၚ်အာဒဵုကဵု ဍေံတအ်စဴတုဒ က္လေၚ်စဴကၠုၚ်ရ"
"ဒပ်ဍေံ ဂတးစဴအာကီုဟာ ဘဝ်မန်"
"ယွံ...၊ ပ္ဍဲတ္ၚဲဏအ်ဟေၚ် က္လေၚ်စဴအာအိုတ်ရအဴ"
ဒပ်မုတ္တမဂမၠိုၚ် ဂတးစဴအာယျတုဲ ကောန်သၟိၚ်ကဵု မၚ်ကာန်စဳတအ် မိပ်သၠောၚ်ဒၟံၚ်ရ။
"ဟေံ ဘဝ်မန်၊ ၝဝွံ ဒးဒုၚ်ရပ်အာကဵု ဒပ်သၞကီုဟာ၊ ဂၠိက်ပဠောံလေဝ် စာ်၊ ကၠိလေဝ် ကၠိတဴရ"
"ဟွံသေၚ်ရအဴ၊ သ္ကိုပ်ဒပ်မုတ္တမ ဒုၚ်တၠုၚ်တဴ ဗွဲမခိုဟ်မိုဟ်ရအဴ၊ ပၞေတ်သရကဵု ပဠောံစာ်ဏအ်ဂှ် ဟိုတ်နူကဵုအဲဍိက် ဃရေက်စဴကၠုၚ်တုဲ ထဍိၚ်ဒး လောတ်စှ်ေရအဴ"
"အေ...၊ ၝ ဃရေက်မံၚ်တှ်ေ"
ဟိုတ်နူကဵု ကောန်သၟိၚ် မညာတ်ဒး ပဠောံဘဝ်မန် မစာ်ဒၟံၚ်ကဵု ပၞေတ်သရ မလစံက်ဒၟံၚ်ဂှ်တုဲ ဘဝ်မန် ဒးဒုၚ်ရပ်အာကီုဟာဂှ် ဂွိၚ်တုဲ သၟာန်တဴရ။ ဘဝ်မန်လေဝ် ဒဒှ်ရ ဒးလဴဗ္စ ဇကုဒးဒုၚ်ရပ်ဂှ် ဂွတဴတုဲ ဠာန်ဏါ ကောန်သၟိၚ်ရ။
"ယွံကောဇၞော် မၚ်ကာန်စဳ ဒပ်အရီုဗၚ်သၞတအ် ဂတးစဴအာအိုတ်ရတှ်ေ ပိုဲတအ် တိတ်ဗ္တိုက်မ္ဂး ဒးရးညိဟာ"
"မၚ်ကၠာညိအဴ၊ မၚ်က္လၚ်တဴနိမတ်တုဲ ဒးရံၚ်တဴ အခိၚ်အခါမ္ၚဵုဏီရအဴ"
"ခိုဟ်ရ၊ ကောဇၞော် ဗီုဒးစိုတ်ဂှ် စဳရေၚ်တဴညိ"
ဒပ်သၞဂမၠိုၚ် ဂတးစဴအာအိုတ်တုဲ ကောန်သၟိၚ် မိက်ဂွံတိတ်ဗ္တိုက်ရ။ ၜိုန်ဂှ် မၚ်ကာန်စဳ ကဵုမၚ်က္လၚ်တဴ နိမိတ်တုဲ အတိုၚ်မၚ်ကာန်စဳ မစဳရေၚ်ဂှ် ကောန်သၟိၚ် ဒုၚ်တဴတဲရ။ ဆေၚ်စပ်ကဵု ပရေၚ်ဍုၚ်ကွာန်မ္ဂး ကောန်သၟိၚ် ဒးပတှ်ေတဴ မၚ်ကာန်စဳရ။ ဇၟာပ်ပ်မဒှ်ပၟိက် ကိစ္စမဇၞော်မ္ဂး ဟွံသဳကၠဳတဴကဵု မၚ်ကာန်စဳဂှ် ဟွံမွဲတဴရ။
ပ္ဍဲဗ္တံဂှ်ဟေၚ် မၚ်ကာန်စဳကဵု မသိုက်တအ် သွက်ဂွံက္လၚ်နိမိတ်ဂှ် ကေတ်ဏါ ဗြာတ်၊ သတ်ဗြဴ၊ ဖျုန်ကၚုဲ၊ ကပေါတ်ဂမၠိုၚ် သွက်ဂွံပူဇဴ ဒေဝတဴးမၠိုၚ်၊ အၚ်သွက်ဂွံထောံခဝ်ဂမၠိုၚ်၊ သွက်ဂွံကလအ်စဂမၠိုၚ်တုဲ တိတ်ကၠုၚ်အိုတ်ရ။
ပ္ဍဲဌာန်မတွံဂး လ္ဂုၚ်ဝွံ ပၟတ်တိုၚ်ကၠေၚ်သ္ဍဴ သီုကဵုမဂဵုတၟးတဴဒၟံၚ်ရ။ အဃောဂှ် ဗြဲကျာ နူကဵုပန်ဒိုဟ်ဒ္စာံကၠၚ်ဂမၠိုၚ် ဗွဲမဂၠု လမ္စံက်ဓယောၚ် ပိုက်ကၠုၚ် ဗွဲမဇၞော်ကဵုဒြဟတ်ရ။ ညံၚ်ရဴဗြဲမဂူတဴကီု ကျာလေဝ် ထတ်သ္ကာတ်တဴရ။
ဆက်ဗှ်အာ သ္ကုတ် ၅၁ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှိတဴမာန်ရ။
https://t.me/laaeimon
#ဗညာနဲ #ဗိုက်ကပြၚ် #ဘဝ်မန်
#The Sunrise of Hongsawatoi
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
ဟံသာဝတဳ သၟိၚ်တ္ၚဲယးတၟး S1 Ep51
ဗညာနဲ ကဵု သၟိၚ်မရူ
ပ္ဍဲဌာန်မတွံဂး လ္ဂုၚ်ဝွံ ပၟတ်တိုၚ်ကၠေၚ်သ္ဍဴ သီုကဵုမဂဵုတၟးတဴဒၟံၚ်ရ။ အဃောဂှ် ဗြဲကျာ နူကဵုပန်ဒိုဟ်ဒ္စာံကၠၚ်ဂမၠိုၚ် ဗွဲမဂၠု လမ္စံက်ဓယောၚ် ပိုက်ကၠုၚ် ဗွဲမဇၞော်ကဵုဒြဟတ်ရ။ ညံၚ်ရဴဗြဲမဂူတဴကီု ကျာလေဝ် ထတ်သ္ကာတ်တဴရ။ အခိၚ်လအ်ဂွံ မွဲခဏဂှ် နူဌာန်ပလိုတ်တေံ ဗြဲကျာဍးဟဲအာရ။ ဗြဲကျာ နူကဵုၜဳပါၚ်အလဲလေဝ် ဍးဟဲအာကီုရ။ ပၟတ်ကၠေၚ်သ္ဍဴဝွံတုန် ဂဵုတၟးဒၟံၚ် နူကဵုလ္ဂုၚ်တုဲ ပ္ဍဲဌာန်သၟဝ်ကျာတေံ နကဵုကဠောံပၟတ်ဂမၠိုၚ် တူလေၚ်ဂြၚ်အာဒၟံၚ် ရူရူရ။
ကောန်သၟိၚ်ဗညာနဲလေဝ် ဇဖန်ဂှ် လကိုတ်ၚုဟ်အာ နူကဵုဂၠံသ္တိက်ရ။ ပရောနိမိတ်သွပ်လ္ပံဂှ် တ္ၚဲယးတေံမှ ဒးသၟာန်တဴ မၚ်ကာန်စဳရောၚ် သာ်ဝွံချပ်တုဲ သုၚ်ဍာ်တုဲမ္ဂး က္လေၚ်တိက်အာပၠန်ရ။
တ္ၚဲယးတၟးဂှ် မၚ်ကာန်စဳ၊ ဘဝ်မန်၊ မသိုက် အာရံၚ်လဝ် နိမိတ် နူဗ္တံဏအ် သီုကဵုသေဌဳ ဘဝ်သာံကေဲတအ် စိုပ်ဒၟံၚ်ဇရေၚ် သ္ၚိနန်ကောန်သၟိၚ်တုဲ မၚ်တဴဒၟံၚ် ကောန်သၟိၚ်အိုတ်ရ။ ကောန်သၟိၚ်လေဝ် တိတ်ကျောဝ်ရံၚ်ဂှ် ဟိုတ်နူဂွံဆဵုကေတ် မၞိဟ်ကောံအိုတ်တုဲ ဂွံဒၟံၚ်ဒြဟတ်ရ။ ထံက်ရံၚ်ကဵု မုက္ခဝါ မၚ်ကာန်စဳ မအီခၟောံဒၟံၚ်ဂှ်တုဲ ဒဒှ်ရ နူဗ္တံဏအ် က္လိဂွံတဴ နိမိတ်ခိုဟ်ရောၚ်ဂှ် ပြာကတ်ဒၟံၚ်ရ။
"ယွံကောဇၞော် နူဗ္တံဏအ် က္လိဂွံတဴ နိမိတ်ခိုဟ်ကီုဟာ"
"က္လိဂွံတဴရအဴ ကောန်သၟိၚ်၊ ပ္ဍဲဗ္ဒါဲသ္ၚိနန် ဣညာဲကောန်သၟိၚ်တြေံ ကောန်ၚာ်မွဲဂှ် ဒယှ်ေတဴဒွက် ဂွံမိၚ်တဴရအဴ။ ဒွက်ဍေံမဒယှ်ေဂှ် -
'တေံဂစေံမွဲ ဂၚ်တ္ကဲဂျ ၜံက်စသတ်ဇြဲ၊
နွံကောန်သၟိၚ်မွဲ ပ္ဍဲဒှ်သၟိၚ်ပ္ကာန် ပၞာန်ဇၞော်ကၠုၚ်ဗိုၚ်၊
နကဵုကောန်သၟိၚ် ဍိုက်စိၚ်ကမြဴ ဖံမံၚ်ဗွဲဂၠိုၚ်၊
ပ္ဍဲပၞာန်ကၠုၚ်ဗိုၚ် တိတ်ပြိုၚ်ပ္ကာန်ဂှ် ပြဟ်ပေက်ဒဴသ္ၚောဲ' - သာ်ဏအ်ရအဴ"
"ကောဇၞော် သာ်လဵုမွဲ မကံက်တဴအဓိပ္ပါဲရော"
"မအံက် တၠညးစိၚ်ဗ္တာၚ်ဝွံ တုပ်တဴညံၚ်ရဴ တၞံဇြဲမွဲတၞံခိုဟ် ဂစေံကၠံ ဇူၜိုဟ်မာန် မသ္ဂးတဴရ။ ဂစေံမၜံက်စ သတ်ဇြဲဂှ် ဒှ်တဴသၟိၚ်မရူ မစဒၟံၚ်ပိုန် မအံက်တၠညးဂှ် မသ္ဂးတဴရ။ ဂၚ်က္တဲဂျဂှ် ဒှ်တဴဒပ်သၟိၚ်မရူ မမံၚ်စံၚ်ဟွံဒး သ္ဂးတဴရ။ နွံကောန်သၟိၚ်မွဲ ပ္ဍဲဒှ်သၟိၚ်ပ္ကာန် ပၞာန်ဇၞော်ကၠုၚ်ဗိုၚ်ဂှ် ဒှ်တဴကောန်သၟိၚ် မနွံဒၟံၚ်ပ္ဍဲကဵုလ္ဂုၚ်လၟုဟ် ပၞာန်သၟိၚ်မရူတအ် ကၠုၚ်ဗိုၚ်တဴလဝ် မသ္ဂးတဴရ။ နကဵုကောန်သၟိၚ် ဍိုက်စိၚ်ကမြဴ ဖံမံၚ်ဗွဲဂၠိုၚ်ဂှ် ယဝ်ကောန်သၟိၚ် ဍိုက်စိၚ်တုဲ တိတ်ဗ္တိုက်မ္ဂး ဒပ်သၟိၚ်မရူတအ် ဒးအာစိုပ် လလေၚ်ရောၚ် မသ္ဂးတဴရအဴ"
"နိမိတ် ကောဇၞော် ခိုဟ်ကွေံရ၊ အဲလေဝ် နူဗ္တံဏအ် တိက်လ္ပံညာတ် ဗွဲမတၟေၚ်တၟဟ်မွဲရ"
ကောန်သၟိၚ်လေဝ် လဴထ္ၜးကဵု မၚ်ကာန်စဳ လ္ပံညာတ်လဝ် ပရောပၟတ်ကၠေၚ်သ္ဍဴ နူဗ္တံဏအ်တုဲ ကဵုကံက်တဴနိမိတ်ရ။
"ပၟတ်တိုၚ်ကၠေၚ်သ္ဍဴ မဂဵုတၟးဒၟံၚ် ပ္ဍဲကဵုလ္ဂုၚ်ဝွံ ဒှ်တဴအလဵုဇကု ကောန်သၟိၚ်ရ။ ဗြဲကျာမဍးဟဲအာ နူကဵုဒိုဟ်ပလိုတ်ကဵု ပ္ဍဲပါၚ်ၜဳအလဲတအ်ဂှ် ဟိုတ်နူကြဳဇှ် ကောန်သၟိၚ်တုဲ ဒပ်စဍုၚ်မံၚ်မလ သၟိၚ်လိုက်ဖြာကဵု ဒပ်မုတ္တမဂမၠိုၚ် မဂတးစဴအာ မသ္ဂးတဴရ။ နိမိတ် ပ္ဍဲဌာန်ဒိုဟ်သၟဝ်ကျာတေံ ပၟတ်မဂဵုထၞာန်ဂှ် ယဝ်ခါရ ကောန်သၟိၚ် တိတ်ဗ္တိုက်မ္ဂး ဒပ်သၟိၚ်မရုဝွံ ညံၚ်ရဴမတူလေၚ်အိုတ်ကီု ဒှ်တဴနိမိတ် ဒးအာစိုပ်လလေၚ်ရောၚ်"
"နိမိတ်တအ်ဂှ် ကဵုကၠုၚ်အခေါၚ် ကဵုပိုဲဗ္တိုက်ယျ။ ဒပ်သၟေဟ်တအ်ဂှ် ၜိုန်ရဂတးစဴအာကီုလေဝ် ဒပ်သၟိၚ်မရူဂှ် ဒြဟတ်ဇၞော်တဴဒၟံၚ်ဏီရအဴ"
ဟိုတ်နူမက္လိဂွံတဴ နိမိတ်ခိုဟ်တုဲ ကောန်သၟိၚ်လေဝ် မိပ်သၠောၚ်ဒၟံၚ်ရ။ ၜိုန်ဂှ် ဒပ်သၟိၚ်မရူကီုလေဝ် ဒြဟတ်ဇၞော်တဴလောန်တုဲ ဒးဒစေၚ်ဗၠေၚ်အာဂှ် ဂွိၚ်တဴဒၟံၚ်ရ။
"ဒပ်သၟိၚ်မရူဝွံ ဒြဟတ်ဇၞော်တဴဒၟံၚ်ဏီရ ကောန်သၟိၚ်၊ နူကၠာဟွံဗ္တိုက်ကဵု ဒပ်သၟိၚ်မရူဏီ ဒြဟတ်ချဳဒရာၚ် ဒပ်သၟိၚ်မရူ သ္ၚဳဂၠိပ်စမ်ၜတ်တဴ ဗွဲမချိုတ်ပၠိုတ်တုဲမှ ဗ္တိုက်မ္ဂး သာတုဲ ဗ္တိုက်တဴ လောဲသွာတဴရောၚ် ထေၚ်ရအဴ"
"ကောဇၞော်လေဝ် ချပ်တဴဒၟံၚ် သာ်အဲကီုရ။ သွက်ဂွံ သ္ၚဳဂၠိပ်တဴ ဒပ်သၟိၚ်မရူဂှ် ကသပ်အဲ နွံဒၟံၚ်မွဲသာ်ရ။ ဣဏအ်ဂှ်တှ်ေ... ..."
ကသပ်ကောန်သၟိၚ် မကဵုဂှ် မၚ်ကာန်စဳလေဝ် တုပ်တဴစိုတ်ရ။ ညံၚ်ကသပ်ဂှ် ဂွံပြာကတ်တဴဂှ် သေဌဳဘဝ်သာံကေဲ ရီုဗၚ်တဴရ။
"ယွံကောဇၞော် သွက်ဂွံတိတ်ပၞာန် စဳရေၚ်ကဵု အခိၚ်ခိုဟ် အခါပြဲ ကေုာံ မ္ၚဵုအံၚ်ဇၞးညိစမ်။ ဟိုတ်ဂှ်ရ အတိုၚ်ပၟိက်စိြတ် ကောဇၞော် စဳရေၚ်ညိ"
"ဒးရးသန်ရအဴ ကောန်သၟိၚ်၊ အဲဍိက်ကဵု ကျာ်ဇၞော်အ္စာမပိုၚ် ရုဲစှ်ကေတ် အခိၚ်ခိုဟ် အခါပြဲတုဲ အစဳရေၚ် မ္ၚဵုအံၚ်ဇၞးဂှ် ကဵုဣတြပသုံဓမိက်တအ် သ္ပတဴရောၚ်အဴ"
"ခိုဟ်ကွေဲရ၊ ဘဝ်မန်ကဵု မသိုက်လေဝ် ကဵုသ္ကိုပ်ဒပ်ဂမၠိုၚ် ပဠေဝ်လဝ် စိၚ်၊ ချေံ၊ တ္ၚ၊ လဴ လွဟ်လက်နက်ဂမၠိုၚ် အိုတ်ညိ"
"ဒးရးသန်ရအဴ"
ကောန်သၟိၚ်ဝွံ သွက်အစဳရေၚ် သ္ဂောံအာသ္ၚဳဂၠိပ် စမ်ၜတ်ရံၚ် ဒပ်သၟိၚ်မရူဂှ် ဂြိုဟ်ချဳဒၟံၚ်တုဲ သွက်ပရေၚ်ပၞာန် ဟိုတ်မစဳရေၚ်တဴမာန် ဗွဲမချိုတ်ပၠိုတ်ဂှ် ဂွံဒၟံၚ်ဒြဟတ်ရ။ ဗွဲတၟေၚ် မၚ်ကာန်စဳဝွံ ဟိုတ်မကဵုတဴကသပ် ပ္ဍဲပရေၚ်ကိစ္စ လောကဳသၟး ဟွံသေၚ်ဏဳ ပ္ဍဲကဵုသေနၚ်္ဂဗျူဟာလေဝ် မသ္ကေက်သ္ကာတဴဂှ်ရ မက္လိဂွံလဝ် မၚ်ကာန်စဳဂှ်လေဝ် မိပ်သၠောၚ်တဴဒၟံၚ်ရ။
ဗညာနဲ ကဵု သၟိၚ်မရူ
ပ္ဍဲဌာန်မတွံဂး လ္ဂုၚ်ဝွံ ပၟတ်တိုၚ်ကၠေၚ်သ္ဍဴ သီုကဵုမဂဵုတၟးတဴဒၟံၚ်ရ။ အဃောဂှ် ဗြဲကျာ နူကဵုပန်ဒိုဟ်ဒ္စာံကၠၚ်ဂမၠိုၚ် ဗွဲမဂၠု လမ္စံက်ဓယောၚ် ပိုက်ကၠုၚ် ဗွဲမဇၞော်ကဵုဒြဟတ်ရ။ ညံၚ်ရဴဗြဲမဂူတဴကီု ကျာလေဝ် ထတ်သ္ကာတ်တဴရ။ အခိၚ်လအ်ဂွံ မွဲခဏဂှ် နူဌာန်ပလိုတ်တေံ ဗြဲကျာဍးဟဲအာရ။ ဗြဲကျာ နူကဵုၜဳပါၚ်အလဲလေဝ် ဍးဟဲအာကီုရ။ ပၟတ်ကၠေၚ်သ္ဍဴဝွံတုန် ဂဵုတၟးဒၟံၚ် နူကဵုလ္ဂုၚ်တုဲ ပ္ဍဲဌာန်သၟဝ်ကျာတေံ နကဵုကဠောံပၟတ်ဂမၠိုၚ် တူလေၚ်ဂြၚ်အာဒၟံၚ် ရူရူရ။
ကောန်သၟိၚ်ဗညာနဲလေဝ် ဇဖန်ဂှ် လကိုတ်ၚုဟ်အာ နူကဵုဂၠံသ္တိက်ရ။ ပရောနိမိတ်သွပ်လ္ပံဂှ် တ္ၚဲယးတေံမှ ဒးသၟာန်တဴ မၚ်ကာန်စဳရောၚ် သာ်ဝွံချပ်တုဲ သုၚ်ဍာ်တုဲမ္ဂး က္လေၚ်တိက်အာပၠန်ရ။
တ္ၚဲယးတၟးဂှ် မၚ်ကာန်စဳ၊ ဘဝ်မန်၊ မသိုက် အာရံၚ်လဝ် နိမိတ် နူဗ္တံဏအ် သီုကဵုသေဌဳ ဘဝ်သာံကေဲတအ် စိုပ်ဒၟံၚ်ဇရေၚ် သ္ၚိနန်ကောန်သၟိၚ်တုဲ မၚ်တဴဒၟံၚ် ကောန်သၟိၚ်အိုတ်ရ။ ကောန်သၟိၚ်လေဝ် တိတ်ကျောဝ်ရံၚ်ဂှ် ဟိုတ်နူဂွံဆဵုကေတ် မၞိဟ်ကောံအိုတ်တုဲ ဂွံဒၟံၚ်ဒြဟတ်ရ။ ထံက်ရံၚ်ကဵု မုက္ခဝါ မၚ်ကာန်စဳ မအီခၟောံဒၟံၚ်ဂှ်တုဲ ဒဒှ်ရ နူဗ္တံဏအ် က္လိဂွံတဴ နိမိတ်ခိုဟ်ရောၚ်ဂှ် ပြာကတ်ဒၟံၚ်ရ။
"ယွံကောဇၞော် နူဗ္တံဏအ် က္လိဂွံတဴ နိမိတ်ခိုဟ်ကီုဟာ"
"က္လိဂွံတဴရအဴ ကောန်သၟိၚ်၊ ပ္ဍဲဗ္ဒါဲသ္ၚိနန် ဣညာဲကောန်သၟိၚ်တြေံ ကောန်ၚာ်မွဲဂှ် ဒယှ်ေတဴဒွက် ဂွံမိၚ်တဴရအဴ။ ဒွက်ဍေံမဒယှ်ေဂှ် -
'တေံဂစေံမွဲ ဂၚ်တ္ကဲဂျ ၜံက်စသတ်ဇြဲ၊
နွံကောန်သၟိၚ်မွဲ ပ္ဍဲဒှ်သၟိၚ်ပ္ကာန် ပၞာန်ဇၞော်ကၠုၚ်ဗိုၚ်၊
နကဵုကောန်သၟိၚ် ဍိုက်စိၚ်ကမြဴ ဖံမံၚ်ဗွဲဂၠိုၚ်၊
ပ္ဍဲပၞာန်ကၠုၚ်ဗိုၚ် တိတ်ပြိုၚ်ပ္ကာန်ဂှ် ပြဟ်ပေက်ဒဴသ္ၚောဲ' - သာ်ဏအ်ရအဴ"
"ကောဇၞော် သာ်လဵုမွဲ မကံက်တဴအဓိပ္ပါဲရော"
"မအံက် တၠညးစိၚ်ဗ္တာၚ်ဝွံ တုပ်တဴညံၚ်ရဴ တၞံဇြဲမွဲတၞံခိုဟ် ဂစေံကၠံ ဇူၜိုဟ်မာန် မသ္ဂးတဴရ။ ဂစေံမၜံက်စ သတ်ဇြဲဂှ် ဒှ်တဴသၟိၚ်မရူ မစဒၟံၚ်ပိုန် မအံက်တၠညးဂှ် မသ္ဂးတဴရ။ ဂၚ်က္တဲဂျဂှ် ဒှ်တဴဒပ်သၟိၚ်မရူ မမံၚ်စံၚ်ဟွံဒး သ္ဂးတဴရ။ နွံကောန်သၟိၚ်မွဲ ပ္ဍဲဒှ်သၟိၚ်ပ္ကာန် ပၞာန်ဇၞော်ကၠုၚ်ဗိုၚ်ဂှ် ဒှ်တဴကောန်သၟိၚ် မနွံဒၟံၚ်ပ္ဍဲကဵုလ္ဂုၚ်လၟုဟ် ပၞာန်သၟိၚ်မရူတအ် ကၠုၚ်ဗိုၚ်တဴလဝ် မသ္ဂးတဴရ။ နကဵုကောန်သၟိၚ် ဍိုက်စိၚ်ကမြဴ ဖံမံၚ်ဗွဲဂၠိုၚ်ဂှ် ယဝ်ကောန်သၟိၚ် ဍိုက်စိၚ်တုဲ တိတ်ဗ္တိုက်မ္ဂး ဒပ်သၟိၚ်မရူတအ် ဒးအာစိုပ် လလေၚ်ရောၚ် မသ္ဂးတဴရအဴ"
"နိမိတ် ကောဇၞော် ခိုဟ်ကွေံရ၊ အဲလေဝ် နူဗ္တံဏအ် တိက်လ္ပံညာတ် ဗွဲမတၟေၚ်တၟဟ်မွဲရ"
ကောန်သၟိၚ်လေဝ် လဴထ္ၜးကဵု မၚ်ကာန်စဳ လ္ပံညာတ်လဝ် ပရောပၟတ်ကၠေၚ်သ္ဍဴ နူဗ္တံဏအ်တုဲ ကဵုကံက်တဴနိမိတ်ရ။
"ပၟတ်တိုၚ်ကၠေၚ်သ္ဍဴ မဂဵုတၟးဒၟံၚ် ပ္ဍဲကဵုလ္ဂုၚ်ဝွံ ဒှ်တဴအလဵုဇကု ကောန်သၟိၚ်ရ။ ဗြဲကျာမဍးဟဲအာ နူကဵုဒိုဟ်ပလိုတ်ကဵု ပ္ဍဲပါၚ်ၜဳအလဲတအ်ဂှ် ဟိုတ်နူကြဳဇှ် ကောန်သၟိၚ်တုဲ ဒပ်စဍုၚ်မံၚ်မလ သၟိၚ်လိုက်ဖြာကဵု ဒပ်မုတ္တမဂမၠိုၚ် မဂတးစဴအာ မသ္ဂးတဴရ။ နိမိတ် ပ္ဍဲဌာန်ဒိုဟ်သၟဝ်ကျာတေံ ပၟတ်မဂဵုထၞာန်ဂှ် ယဝ်ခါရ ကောန်သၟိၚ် တိတ်ဗ္တိုက်မ္ဂး ဒပ်သၟိၚ်မရုဝွံ ညံၚ်ရဴမတူလေၚ်အိုတ်ကီု ဒှ်တဴနိမိတ် ဒးအာစိုပ်လလေၚ်ရောၚ်"
"နိမိတ်တအ်ဂှ် ကဵုကၠုၚ်အခေါၚ် ကဵုပိုဲဗ္တိုက်ယျ။ ဒပ်သၟေဟ်တအ်ဂှ် ၜိုန်ရဂတးစဴအာကီုလေဝ် ဒပ်သၟိၚ်မရူဂှ် ဒြဟတ်ဇၞော်တဴဒၟံၚ်ဏီရအဴ"
ဟိုတ်နူမက္လိဂွံတဴ နိမိတ်ခိုဟ်တုဲ ကောန်သၟိၚ်လေဝ် မိပ်သၠောၚ်ဒၟံၚ်ရ။ ၜိုန်ဂှ် ဒပ်သၟိၚ်မရူကီုလေဝ် ဒြဟတ်ဇၞော်တဴလောန်တုဲ ဒးဒစေၚ်ဗၠေၚ်အာဂှ် ဂွိၚ်တဴဒၟံၚ်ရ။
"ဒပ်သၟိၚ်မရူဝွံ ဒြဟတ်ဇၞော်တဴဒၟံၚ်ဏီရ ကောန်သၟိၚ်၊ နူကၠာဟွံဗ္တိုက်ကဵု ဒပ်သၟိၚ်မရူဏီ ဒြဟတ်ချဳဒရာၚ် ဒပ်သၟိၚ်မရူ သ္ၚဳဂၠိပ်စမ်ၜတ်တဴ ဗွဲမချိုတ်ပၠိုတ်တုဲမှ ဗ္တိုက်မ္ဂး သာတုဲ ဗ္တိုက်တဴ လောဲသွာတဴရောၚ် ထေၚ်ရအဴ"
"ကောဇၞော်လေဝ် ချပ်တဴဒၟံၚ် သာ်အဲကီုရ။ သွက်ဂွံ သ္ၚဳဂၠိပ်တဴ ဒပ်သၟိၚ်မရူဂှ် ကသပ်အဲ နွံဒၟံၚ်မွဲသာ်ရ။ ဣဏအ်ဂှ်တှ်ေ... ..."
ကသပ်ကောန်သၟိၚ် မကဵုဂှ် မၚ်ကာန်စဳလေဝ် တုပ်တဴစိုတ်ရ။ ညံၚ်ကသပ်ဂှ် ဂွံပြာကတ်တဴဂှ် သေဌဳဘဝ်သာံကေဲ ရီုဗၚ်တဴရ။
"ယွံကောဇၞော် သွက်ဂွံတိတ်ပၞာန် စဳရေၚ်ကဵု အခိၚ်ခိုဟ် အခါပြဲ ကေုာံ မ္ၚဵုအံၚ်ဇၞးညိစမ်။ ဟိုတ်ဂှ်ရ အတိုၚ်ပၟိက်စိြတ် ကောဇၞော် စဳရေၚ်ညိ"
"ဒးရးသန်ရအဴ ကောန်သၟိၚ်၊ အဲဍိက်ကဵု ကျာ်ဇၞော်အ္စာမပိုၚ် ရုဲစှ်ကေတ် အခိၚ်ခိုဟ် အခါပြဲတုဲ အစဳရေၚ် မ္ၚဵုအံၚ်ဇၞးဂှ် ကဵုဣတြပသုံဓမိက်တအ် သ္ပတဴရောၚ်အဴ"
"ခိုဟ်ကွေဲရ၊ ဘဝ်မန်ကဵု မသိုက်လေဝ် ကဵုသ္ကိုပ်ဒပ်ဂမၠိုၚ် ပဠေဝ်လဝ် စိၚ်၊ ချေံ၊ တ္ၚ၊ လဴ လွဟ်လက်နက်ဂမၠိုၚ် အိုတ်ညိ"
"ဒးရးသန်ရအဴ"
ကောန်သၟိၚ်ဝွံ သွက်အစဳရေၚ် သ္ဂောံအာသ္ၚဳဂၠိပ် စမ်ၜတ်ရံၚ် ဒပ်သၟိၚ်မရူဂှ် ဂြိုဟ်ချဳဒၟံၚ်တုဲ သွက်ပရေၚ်ပၞာန် ဟိုတ်မစဳရေၚ်တဴမာန် ဗွဲမချိုတ်ပၠိုတ်ဂှ် ဂွံဒၟံၚ်ဒြဟတ်ရ။ ဗွဲတၟေၚ် မၚ်ကာန်စဳဝွံ ဟိုတ်မကဵုတဴကသပ် ပ္ဍဲပရေၚ်ကိစ္စ လောကဳသၟး ဟွံသေၚ်ဏဳ ပ္ဍဲကဵုသေနၚ်္ဂဗျူဟာလေဝ် မသ္ကေက်သ္ကာတဴဂှ်ရ မက္လိဂွံလဝ် မၚ်ကာန်စဳဂှ်လေဝ် မိပ်သၠောၚ်တဴဒၟံၚ်ရ။
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
ပ္ဍဲအခိၚ်သ္ဂာဗ္တံဂှ် အပ္ဍဲဒပ်လ္ဂုၚ်ဝွံ ဂွံညာတ်ကေတ်ဒၟံၚ် ပၟတ်တဝ်က္ၜံၚ်ဂမၠိုၚ်တုဲ ရမျာၚ်စိၚ်ကရေဲ၊ ရမျာၚ်ချေံကဟဳဂမၠိုၚ် ဗွဲမချဳဒရာၚ်ဟောကၠံၚ် မၞုံတဴဒၟံၚ်ရ။ အပ္ဍဲကဵုၜဳပၠန်လေဝ် ဖံၚ်မပစူလဝ် ပၟတ်တဝ်က္ၜံၚ် မသုန်ဖ္ဍိုက် အာတဴလ္ပာ် ဍုၚ်ဒလတေံရ။
~~~~~~~
အပ္ဍဲဒပ်သၟိၚ်မရူဝွံ နူကဵုကၠာတ္ၚဲဟွံယးတၟးဏီဂှ် ကော်ကောံဓရီုတုဲ အမာတ်ဇၞော် သၟိၚ်ဇိပ်ဗြာဲ၊ သၟိၚ်ယောဂရာဇ်၊ သၟိၚ်ရတ္တသံၚ်ရာံ ကေုာံ သ္ကိုပ်ဒပ်တၞဟ်ဂမၠိုၚ် ကောံဒၟံၚ်အိုတ်ရ။ ဂဒုက်တာဲနန် မြဴသာ်ဝွံ ၜိုန်ရဟီုကီုလေဝ် ဒှ်တဴဒၟံၚ် သ္ၚိနန်ဆုရ။ ပယျေဝ်တဴလဝ် ပ္ကဴဂမၠိုၚ် ၜိုန်ဟွံမွဲတဴကီုလေဝ် ကယျိုၚ်ကယျဝ် ကောန်သၟိၚ်တၞဟ်မွဲဂှ် မၞုံတဴဗွဲဍိုက်ပေၚ်ရ။
တ္ၚဲဟွံဂွံယးတၟးဏီတုဲ အပ္ဍဲကဵုခဒမ်ဂှ် ဍေန်စွံလဝ် ပၟတ်တိုၚ်ကၠေၚ်သ္ဍဴရ။ ဟိုတ်နူကဵု လျးအရံၚ်ပၟတ်တုဲ မုက်မတ်သၟိၚ်မရူဝွံ ဒေါသတိတ်တုဲ ကြံၚ်မ္ၚိုဟ်တဴဒၟံၚ်ဂှ် ဂွံညာတ်အာဒၟံၚ် သၟဝ်လျးပၟတ် ဍာဲဍာဲဂြၚ်ဂြၚ်ရ။ မ္ၚးဏအ် ၜိုန်ရကြံၚ်မ္ၚိုဟ်တဴ နကဵုဒေါသကီုလေဝ် အပ္ဍဲဂၠမ်စိုတ်တေံ ပွမဂွိၚ်ဂွါဲ၊ ပွမဖေက်လကိုတ်တအ်ဂှ် မုက်မတ် ဟွံမွဲကဵုဣိန်ရဳတအ် မံက်ပြာကတ်ဒၟံၚ်ရ။ ပ္ဍဲအခိၚ်မကော်တဴ ကောံဓရီုဟွံသေၚ် ကော်တဴ ကောံဓရီုဗ္တံဂၠုဂှ်ရံၚ်တုဲ ၜိုတ်လဵု သၟိၚ်မရူ မဖေက်တဴဂှ် ဂွံတီကေတ်မာန်ရ။
အမာတ်ဇၞော် သၟိၚ်ဇိပ်ဗြာဲကီုလေဝ် ဒပ်မံၚ်မလ၊ မုတ္တမတအ် ဂတးစဴအာတုဲမှ ကော်ကောံဓရီုဂှ် ဟိုတ်နူတီတဴဒၟံၚ်တုဲ မုရဴမွဲဟွံဟီု သ္ၚိတ်ဇြဒၟံၚ်အိုတ်ရ။
"ယွံအမာတ်ဇၞော်၊ ဒပ်မံၚ်မလ၊ မုတ္တမတအ် ရပ်သီအာယျတှ်ေ ပိုဲတအ်က္လေၚ်စဴအာ ဟံသာဝတဳတုဲ ပဠေဝ်ဒုၚ်တဴပၞာန်မ္ဂး ထေက်ဒၟံၚ်ဟာ"
"ယွံသ္ကိုပ်ဒပ်၊ ပ္ဍဲအခိက်လၟုဟ် ၜိုန်ရရုပ်သီကၠေံ ဒပ်ဂမၠိုၚ်ကီုလေဝ် ဟိုတ်နူကဵု ဟွံက္လိဂွံတဴအမိၚ် မဟာဒေဝဳ မနွံဒၟံၚ် ပ္ဍဲဟံသာဝတဳတေံဏီတုဲ ဃရေက်ရုပ်သီထောံဒပ် ဟွံထေက်ပုဟ် ထေၚ်ရ၊ မၚ်လဇကၠာညိအဴ"
သၟိၚ်မရူဝွံ ကၠတ်ကပိုက်ဖျေံ ယဝီုသာသာ မွဲတဲရ။ ဇေတ်တ်တေံ ဒှ်တဴဒၟံၚ်ဗီုပြၚ် မုက်မတ်အေဲဇြဒၟံၚ်ရ။ အမာတ်ဇၞော် သၟိၚ်ဇိပ်ဗြာဲလေဝ် နူကၠာကောန်သၟိၚ် ဟွံဂွံတိတ်ဗ္တိုက်ဏီ ဂွိၚ်ဖေက် ဒပ်သၟိၚ်မရူ ရုပ်သီကၠေံတုဲ ဓလိၚ်ဒၟံၚ်အခိၚ်ရ။
"နူဗ္တံဏအ် လ္ပာ်ဍုၚ်လ္ဂုၚ်တေံ ရမျာၚ်ဗွဲမဟောကၠံၚ် သ္ဂောံမိၚ်တဴရ။ ပ္ဍဲကဵုၜဳလေဝ် ဖံၚ်တအ်ရေၚ်ဒၟံၚ် ဂွံဆဵုကေတ်ရ။ မုရဴဟိုတ်မွဲ ဟွံတီတဴရ"
"ပိုဲဍိက်တအ်လေဝ် ဂွံမိၚ်တဴရ မုရဴဟိုတ်မွဲဂျ် ဟွံတီတဴရအဴ"
သၟာန်သၟိၚ်မရူဂှ် သၟိၚ်ယောဂရာဇ် လုပ်သွဟ်ဏါရ။ အခိၚ်မသ္ပဒၟံၚ် ကောံဓရီုဂှ် သ္ကိုပ်ဒပ်သၟတ်မွဲ ဂြိပ်လုပ်ကၠုၚ်တုဲ ဖျေံက္ဍိုပ်ကဵု သၟိၚ်မရူရ။ သ္ကိုပ်ဒပ်သၟတ်ဝွံ ဗီုပြၚ်ဃရေက်တဴနွံရ။
"ယွံသၟိၚ်ဇၞော်၊ ယွံသၟိၚ်ဇၞော်၊ မ္ၚးဒပ်တေံ ရပ်ဂွံလဝ် ကောန်ဒုဟ် လ္ပာ်လ္ဂုၚ်တေံ မွဲတၠရ။ ဂြိပ်တိတ်နူကဵုလ္ဂုၚ် သာ်ဝွံ သ္ဂးတဴရအဴ"
"ပၠုပ်နၚ် ဂတမုက်ဏအ်စမ်"
သ္ကိုပ်ဒပ်သၟတ်ဝွံ က္လိဂွံတဴအမိၚ် နူသၟိၚ်မရူဗက် ဗွဲမပြဟ် က္လေၚ်တိတ်အာတုဲ ဂွံမွဲခဏမ္ဂး သရာဲၜါတၠဗိုၚ်တုဲ ကော်နၚ် ကောန်ဒုဟ်မွဲရ။ ကောန်ဒုဟ်သာ်ဝွံ သီုဟွံရံၚ်တဴ ဒဵုကဵုမတီကေတ်မာန် ရမျာၚ်ဇုက်ခရိုဟ် မွဲကုမွဲ မတေက်ဒးဒၟံၚ်ညးသ္ကအ် ပ္ဍဲပယျာံနူဂယး စဵုကဵုဟွံမွဲကဵုမ္ၚဵု ဗြုဟောကၠံၚ်ဒၟံၚ် ခြေၚ်ခြၚ် ခြေၚ်ခြၚ်ရ။ သီုညးဖအိုတ် ဂတးရံၚ်တဴဂှ် ဂွံညာကေတ် ကောန်ဒုဟ်ဂှ် သၟဝ်လျးအရံၚ် ပၟတ်မတၟးတဴဒၟံၚ်ဂှ်ရ။
သော်ပါၚ်၊ သော်ခၟိတ် ဟွံဂွံသ္အးလဝ် ဂၠိုၚ်ကဵုဂိတုတအ်ဂှ် လမ္စံက်စှ်ေဒၟံၚ် သၟဝ်မုက္ခဝါတုဲ သီုကဵုသော်က္ဍိုပ်မထုဲတဴ ဟွံဂွံဂြးလဝ်ဝွံ လကဲစှ်ေဒၟံၚ် ဒဵုကဵုသၟဝ်ပၞးရ။ ဂၠိက်ပဠောံ မကၠိၚေပ် မလ္တက်လဝ် ဂၠိုၚ်ကဵုသၞာံကဵု သီုကဵုဟွံဂွံ ဟုဴလဝ်ဍာ်တုဲ သၟူပသပသောန် မဇအိုန်ဇရတအ်ဂှ်လေဝ် သီုညးဖအိုတ် ဒးကၟာတ်ဒၟံၚ်မုဟ်ရ။ သၟိၚ်မရူဝွံ သ္ၚဳရံၚ်တဴကောန်ဒုဟ် မစိုပ်ဒၟံၚ် ဂတမုက်ဂှ် ပသဇအိုန်ဇရတုဲ ဒးကၟာတ်တဴဒၟံၚ်မုဟ်ရ။
"မၞးဂှ် ညးဂှ်ရော"
"အဲဍိက်ဂှ် တၠခွါဒဵုပသဲ မဒှ်ရ၊ ဒးဒုၚ်ရပ်ကြိုၚ်လဝ်ကဵု ဇရေၚ်သေဌဳ ဘဝ်သာံကေဲ ပ္ဍဲကဵုလ္ဂုၚ်တေံ ဗွဲမလအ်လရအဴ။ လၟုဟ်လေဝ် ကောန်ညးလ္ဂုၚ်ဂမၠိုၚ် အဃောမလးဒၟံၚ်ဒပ်ဂှ် ညံၚ်ဟွံဂွံချိုတ် ဂြိပ်ကၠုၚ် ဗ္ဒာဲဒပ်သၟိၚ်ဇၞော်ရအဴ"
"ဟေံ ကောန်ညးလ္ဂုၚ်တအ်ဂှ် မုရဴဟိုတ်တုဲ ဂွံလးတဴဒပ်ဂှ်ရော"
"ယွံသၟိၚ်ဇၞော်၊ ညးမတွံဂး ကောန်သၟိၚ်ဗညာနဲဝွံ အခိၚ်ဗ္တံဂှ် ဂြိပ်အာဍုၚ်ပြန်ယျ ဂွံမိၚ်လဝ်ရအဴ"
"ဟေ ကွေံရဟာ၊ ဗညာနဲ ဖေက်အဲတုဲ ဂြိပ်အာယျဏောၚ်ထေၚ်၊ ကိစ္စဏအ် ပလံၚ်ဏါကလုတ် ဇရေၚ်မဟာဒေဝဳတုဲ ကဵုဏါပရိုၚ်စမ်"
သၟိၚ်မရူဝွံ ဟိုတ်နူဂလာန် တၠခွါဒဵုပသဲ မဟီုတုဲ မုက်မတ်မသရိုဟ်ဒၟံၚ်ဂှ် တၟးအာရ။ တုဲဂှ် သီုချပ်ဗ္စာမွဲသာ် ဗွဲမပြဟ်ဟေၚ် ဗလးဏါကလုတ် ဇရေၚ်မဟာဒေဝဳ မၞုံပ္ဍဲဟံသာဝတဳတေံတုဲ ကဵုပလံၚ်ဏါပရိုၚ်ရ။ ဂွံမိၚ်ကေတ်ပရိုၚ် သာ်ဂှ်တုဲ ညးမုက်မတ် မအေဲဇြအာဂှ်တုန် ဒှ်တဴအမာတ်ဇၞော် သၟိၚ်ဇိပ်ဗြာဲရ။
"ၝကေတ်နၚ်လဝ် ပရိုၚ်ပၟိက်ဇၞော် ဇရေၚ်အဲရ၊ ကေတ်ညအ် လကံက်စ်ိန်အဲ ၝကေတ်ညိ"
အပ္ဍဲဒပ်သၟိၚ်မရူဝွံ နူကဵုကၠာတ္ၚဲဟွံယးတၟးဏီဂှ် ကော်ကောံဓရီုတုဲ အမာတ်ဇၞော် သၟိၚ်ဇိပ်ဗြာဲ၊ သၟိၚ်ယောဂရာဇ်၊ သၟိၚ်ရတ္တသံၚ်ရာံ ကေုာံ သ္ကိုပ်ဒပ်တၞဟ်ဂမၠိုၚ် ကောံဒၟံၚ်အိုတ်ရ။ ဂဒုက်တာဲနန် မြဴသာ်ဝွံ ၜိုန်ရဟီုကီုလေဝ် ဒှ်တဴဒၟံၚ် သ္ၚိနန်ဆုရ။ ပယျေဝ်တဴလဝ် ပ္ကဴဂမၠိုၚ် ၜိုန်ဟွံမွဲတဴကီုလေဝ် ကယျိုၚ်ကယျဝ် ကောန်သၟိၚ်တၞဟ်မွဲဂှ် မၞုံတဴဗွဲဍိုက်ပေၚ်ရ။
တ္ၚဲဟွံဂွံယးတၟးဏီတုဲ အပ္ဍဲကဵုခဒမ်ဂှ် ဍေန်စွံလဝ် ပၟတ်တိုၚ်ကၠေၚ်သ္ဍဴရ။ ဟိုတ်နူကဵု လျးအရံၚ်ပၟတ်တုဲ မုက်မတ်သၟိၚ်မရူဝွံ ဒေါသတိတ်တုဲ ကြံၚ်မ္ၚိုဟ်တဴဒၟံၚ်ဂှ် ဂွံညာတ်အာဒၟံၚ် သၟဝ်လျးပၟတ် ဍာဲဍာဲဂြၚ်ဂြၚ်ရ။ မ္ၚးဏအ် ၜိုန်ရကြံၚ်မ္ၚိုဟ်တဴ နကဵုဒေါသကီုလေဝ် အပ္ဍဲဂၠမ်စိုတ်တေံ ပွမဂွိၚ်ဂွါဲ၊ ပွမဖေက်လကိုတ်တအ်ဂှ် မုက်မတ် ဟွံမွဲကဵုဣိန်ရဳတအ် မံက်ပြာကတ်ဒၟံၚ်ရ။ ပ္ဍဲအခိၚ်မကော်တဴ ကောံဓရီုဟွံသေၚ် ကော်တဴ ကောံဓရီုဗ္တံဂၠုဂှ်ရံၚ်တုဲ ၜိုတ်လဵု သၟိၚ်မရူ မဖေက်တဴဂှ် ဂွံတီကေတ်မာန်ရ။
အမာတ်ဇၞော် သၟိၚ်ဇိပ်ဗြာဲကီုလေဝ် ဒပ်မံၚ်မလ၊ မုတ္တမတအ် ဂတးစဴအာတုဲမှ ကော်ကောံဓရီုဂှ် ဟိုတ်နူတီတဴဒၟံၚ်တုဲ မုရဴမွဲဟွံဟီု သ္ၚိတ်ဇြဒၟံၚ်အိုတ်ရ။
"ယွံအမာတ်ဇၞော်၊ ဒပ်မံၚ်မလ၊ မုတ္တမတအ် ရပ်သီအာယျတှ်ေ ပိုဲတအ်က္လေၚ်စဴအာ ဟံသာဝတဳတုဲ ပဠေဝ်ဒုၚ်တဴပၞာန်မ္ဂး ထေက်ဒၟံၚ်ဟာ"
"ယွံသ္ကိုပ်ဒပ်၊ ပ္ဍဲအခိက်လၟုဟ် ၜိုန်ရရုပ်သီကၠေံ ဒပ်ဂမၠိုၚ်ကီုလေဝ် ဟိုတ်နူကဵု ဟွံက္လိဂွံတဴအမိၚ် မဟာဒေဝဳ မနွံဒၟံၚ် ပ္ဍဲဟံသာဝတဳတေံဏီတုဲ ဃရေက်ရုပ်သီထောံဒပ် ဟွံထေက်ပုဟ် ထေၚ်ရ၊ မၚ်လဇကၠာညိအဴ"
သၟိၚ်မရူဝွံ ကၠတ်ကပိုက်ဖျေံ ယဝီုသာသာ မွဲတဲရ။ ဇေတ်တ်တေံ ဒှ်တဴဒၟံၚ်ဗီုပြၚ် မုက်မတ်အေဲဇြဒၟံၚ်ရ။ အမာတ်ဇၞော် သၟိၚ်ဇိပ်ဗြာဲလေဝ် နူကၠာကောန်သၟိၚ် ဟွံဂွံတိတ်ဗ္တိုက်ဏီ ဂွိၚ်ဖေက် ဒပ်သၟိၚ်မရူ ရုပ်သီကၠေံတုဲ ဓလိၚ်ဒၟံၚ်အခိၚ်ရ။
"နူဗ္တံဏအ် လ္ပာ်ဍုၚ်လ္ဂုၚ်တေံ ရမျာၚ်ဗွဲမဟောကၠံၚ် သ္ဂောံမိၚ်တဴရ။ ပ္ဍဲကဵုၜဳလေဝ် ဖံၚ်တအ်ရေၚ်ဒၟံၚ် ဂွံဆဵုကေတ်ရ။ မုရဴဟိုတ်မွဲ ဟွံတီတဴရ"
"ပိုဲဍိက်တအ်လေဝ် ဂွံမိၚ်တဴရ မုရဴဟိုတ်မွဲဂျ် ဟွံတီတဴရအဴ"
သၟာန်သၟိၚ်မရူဂှ် သၟိၚ်ယောဂရာဇ် လုပ်သွဟ်ဏါရ။ အခိၚ်မသ္ပဒၟံၚ် ကောံဓရီုဂှ် သ္ကိုပ်ဒပ်သၟတ်မွဲ ဂြိပ်လုပ်ကၠုၚ်တုဲ ဖျေံက္ဍိုပ်ကဵု သၟိၚ်မရူရ။ သ္ကိုပ်ဒပ်သၟတ်ဝွံ ဗီုပြၚ်ဃရေက်တဴနွံရ။
"ယွံသၟိၚ်ဇၞော်၊ ယွံသၟိၚ်ဇၞော်၊ မ္ၚးဒပ်တေံ ရပ်ဂွံလဝ် ကောန်ဒုဟ် လ္ပာ်လ္ဂုၚ်တေံ မွဲတၠရ။ ဂြိပ်တိတ်နူကဵုလ္ဂုၚ် သာ်ဝွံ သ္ဂးတဴရအဴ"
"ပၠုပ်နၚ် ဂတမုက်ဏအ်စမ်"
သ္ကိုပ်ဒပ်သၟတ်ဝွံ က္လိဂွံတဴအမိၚ် နူသၟိၚ်မရူဗက် ဗွဲမပြဟ် က္လေၚ်တိတ်အာတုဲ ဂွံမွဲခဏမ္ဂး သရာဲၜါတၠဗိုၚ်တုဲ ကော်နၚ် ကောန်ဒုဟ်မွဲရ။ ကောန်ဒုဟ်သာ်ဝွံ သီုဟွံရံၚ်တဴ ဒဵုကဵုမတီကေတ်မာန် ရမျာၚ်ဇုက်ခရိုဟ် မွဲကုမွဲ မတေက်ဒးဒၟံၚ်ညးသ္ကအ် ပ္ဍဲပယျာံနူဂယး စဵုကဵုဟွံမွဲကဵုမ္ၚဵု ဗြုဟောကၠံၚ်ဒၟံၚ် ခြေၚ်ခြၚ် ခြေၚ်ခြၚ်ရ။ သီုညးဖအိုတ် ဂတးရံၚ်တဴဂှ် ဂွံညာကေတ် ကောန်ဒုဟ်ဂှ် သၟဝ်လျးအရံၚ် ပၟတ်မတၟးတဴဒၟံၚ်ဂှ်ရ။
သော်ပါၚ်၊ သော်ခၟိတ် ဟွံဂွံသ္အးလဝ် ဂၠိုၚ်ကဵုဂိတုတအ်ဂှ် လမ္စံက်စှ်ေဒၟံၚ် သၟဝ်မုက္ခဝါတုဲ သီုကဵုသော်က္ဍိုပ်မထုဲတဴ ဟွံဂွံဂြးလဝ်ဝွံ လကဲစှ်ေဒၟံၚ် ဒဵုကဵုသၟဝ်ပၞးရ။ ဂၠိက်ပဠောံ မကၠိၚေပ် မလ္တက်လဝ် ဂၠိုၚ်ကဵုသၞာံကဵု သီုကဵုဟွံဂွံ ဟုဴလဝ်ဍာ်တုဲ သၟူပသပသောန် မဇအိုန်ဇရတအ်ဂှ်လေဝ် သီုညးဖအိုတ် ဒးကၟာတ်ဒၟံၚ်မုဟ်ရ။ သၟိၚ်မရူဝွံ သ္ၚဳရံၚ်တဴကောန်ဒုဟ် မစိုပ်ဒၟံၚ် ဂတမုက်ဂှ် ပသဇအိုန်ဇရတုဲ ဒးကၟာတ်တဴဒၟံၚ်မုဟ်ရ။
"မၞးဂှ် ညးဂှ်ရော"
"အဲဍိက်ဂှ် တၠခွါဒဵုပသဲ မဒှ်ရ၊ ဒးဒုၚ်ရပ်ကြိုၚ်လဝ်ကဵု ဇရေၚ်သေဌဳ ဘဝ်သာံကေဲ ပ္ဍဲကဵုလ္ဂုၚ်တေံ ဗွဲမလအ်လရအဴ။ လၟုဟ်လေဝ် ကောန်ညးလ္ဂုၚ်ဂမၠိုၚ် အဃောမလးဒၟံၚ်ဒပ်ဂှ် ညံၚ်ဟွံဂွံချိုတ် ဂြိပ်ကၠုၚ် ဗ္ဒာဲဒပ်သၟိၚ်ဇၞော်ရအဴ"
"ဟေံ ကောန်ညးလ္ဂုၚ်တအ်ဂှ် မုရဴဟိုတ်တုဲ ဂွံလးတဴဒပ်ဂှ်ရော"
"ယွံသၟိၚ်ဇၞော်၊ ညးမတွံဂး ကောန်သၟိၚ်ဗညာနဲဝွံ အခိၚ်ဗ္တံဂှ် ဂြိပ်အာဍုၚ်ပြန်ယျ ဂွံမိၚ်လဝ်ရအဴ"
"ဟေ ကွေံရဟာ၊ ဗညာနဲ ဖေက်အဲတုဲ ဂြိပ်အာယျဏောၚ်ထေၚ်၊ ကိစ္စဏအ် ပလံၚ်ဏါကလုတ် ဇရေၚ်မဟာဒေဝဳတုဲ ကဵုဏါပရိုၚ်စမ်"
သၟိၚ်မရူဝွံ ဟိုတ်နူဂလာန် တၠခွါဒဵုပသဲ မဟီုတုဲ မုက်မတ်မသရိုဟ်ဒၟံၚ်ဂှ် တၟးအာရ။ တုဲဂှ် သီုချပ်ဗ္စာမွဲသာ် ဗွဲမပြဟ်ဟေၚ် ဗလးဏါကလုတ် ဇရေၚ်မဟာဒေဝဳ မၞုံပ္ဍဲဟံသာဝတဳတေံတုဲ ကဵုပလံၚ်ဏါပရိုၚ်ရ။ ဂွံမိၚ်ကေတ်ပရိုၚ် သာ်ဂှ်တုဲ ညးမုက်မတ် မအေဲဇြအာဂှ်တုန် ဒှ်တဴအမာတ်ဇၞော် သၟိၚ်ဇိပ်ဗြာဲရ။
"ၝကေတ်နၚ်လဝ် ပရိုၚ်ပၟိက်ဇၞော် ဇရေၚ်အဲရ၊ ကေတ်ညအ် လကံက်စ်ိန်အဲ ၝကေတ်ညိ"
သၟိၚ်မရူ မိပ်သၠောၚ်တုဲ လကံက်စိန် ဇကုမသံက်လဝ်ဂှ် ၜေါတ်ပ္တိတ်ကဵု တၠခွါဒဵုပသဲကီုလေဝ် တၠခွါဒဵုပသဲဝွံ ဟိုတ်နူမကၠေၚ်လဝ်ဇိုၚ်တဲ နကဵုဇုက်ဒရိုဟ်တုဲ ကေတ်တဴဟွံဂွံရ။
"ဟေံ သရာဲတအ်၊ ဍိက်ဏအ်ဂှ် သှ်ပ္တိတ်ထောံ ဇုက်ဒရိုဟ်တအ်ညိ၊ သော်က္ဍိုပ်၊ သော်ခၟိဟ်တအ်ဂှ် ခေပ်ကဵုတုဲ၊ ကဵုထောံဂၠိက်ယာတ် ခိုဟ်ခိုဟ်အိုတ်စမ်"
"သၟိၚ်ဇၞော် ကဵုအခေါၚ်မ္ဂး ကဵုအဲဍိက် ဂွံအာတ်မိက် မွဲသာ်ညိ၊ အဲဍိက် မိက်ဂွံအာဗက်ဂၠာဲ သမ္ဘာကဵုကောန်တအ် ဏီရအဴ"
"ခိုဟ်ရ၊ အာဂၠာဲ သမ္ဘာကဵုကောန်တုဲ ကော်နၚ်အဏအ်ညိ"
တၠခွါဒဵုပသဲလေဝ် လ္ၚောဝ်တဴ သၟိၚ်မရူတုဲ ဗက်အာကရောံ ကေုာံ ဍိက်သၟိၚ်မရူဂမၠိုၚ်ရ။ ဍိက်ဂမၠိုၚ် သှ်ပ္တိတ်ထောံ ဇုက်ဒရိုဟ်တအ်ဂှ်တုဲ ကဵုဟုံတဴဍာ်ရ။ တုဲဂှ် သော်ပါၚ်၊ သော်မုၚ်တအ်ဂှ် ကဵုကးကၠေံတုဲ သော်က္ဍိုပ်လေဝ် ညံၚ်ဂွံသှ်ေတဴ ကြဳကြဳဂှ် ခေပ်ကဵုရ။
ဟုံဍာ်တုဲဂှ် သီုကဵုမဗိုက်လ္တက်တဴ ဂၠိက်ယာတ်ခိုဟ်ဟ်ဂမၠိုၚ်၊ ကေတ်တဴ လကံက်စိန် သၟိၚ်မရူ မကဵုလဝ်ဂှ်တုဲ အာဂၟာဲတဴ သမ္ဘာကဵုကောန်တအ်ရောၚ် သာ်ဝွံသ္ဂးတုဲ တိတ်အာရ။ အမာတ်ဇၞော် သၟိၚ်ဇိပ်ဗြာဲ မက္လေၚ်စဴအာ နူကောံဓရီုဝွံ ဟိုတ်နူဂွံမိၚ်ကေတ် ကောန်သၟိၚ်ဗညာနဲ ဂြိပ်အာဍုၚ်ပြန်တေံယျတုဲ စိုတ်ဟွံခိုဟ် ၚုၚ်ဟောံဇြဒၟံၚ်ရ။
~~~~~
ပ္ဍဲပယျာံ လ္ဒေါဝ်တ္ၚဲမလောန်ဂှ် ပ္ဍဲဇရေၚ်သ္ၚိနန် ကောန်သၟိၚ်ဗညာနဲဝွဲ နကဵုဍိက်ပ္ဍဲသ္ၚိနန်ဂမၠိုၚ်၊ ညးမကၠုၚ်ခစ ညံၚ်ရဴဘဝ်သာံကေဲတအ်ဂမၠိုၚ်၊ သ္ကိုပ်ဒပ်ဂမၠိုၚ် မၞိဟ်နွံတဴလၟိုန် ဟွံပိုတ်သ္ကုတ်ရ။ ပ္ဍဲအဃော မၞိဟ်မကောံစုၚ်ဒၟံၚ်ဂှ် ညးမပဠေဝ်ပဠေတ်လဝ် ညံၚ်သ္ဂောံသ္အးဇ္ၚး နကဵုဂၠိက်ယာတ် ခိုဟ်ဟ်ဂမၠိုၚ်မွဲတၠ စိုပ်ကၠုၚ်ဇရေၚ် သ္ၚိနန်ကောန်သၟိၚ်ရ။
"ၝ... တၠခွါဒဵုပသဲ ဟွံသေၚ်ဟာ"
"ဍာံပြဒၟံၚ်ရအဴ သေဌဳဇၞော်"
ညးမသမ္တီ တၠခွါဒဵုပသဲ ဒးကၠာအိုတ်ဂှ် ဒှ်သေဌဳဘဝ်သာံကေဲရ။ ကောန်သၟိၚ်လေဝ် တၠခွါဒဵုပသဲ သာ်ဝွံမိၚ်တုဲ ဗွဲမမိပ်သၠောၚ် ရံၚ်တဴရ။ သီုကဵုဂၠိက်ယာတ် မကၠိၚေက်တဴ ကောန်ဒုဟ်မွဲဟွံသေၚ် နကဵုဂၠိက်ယာတ်တၟိဂမၠိုၚ် တၠခွါဒဵုပသဲ မတုပ်တဴညံၚ်ရဴ သေဌဳမွဲတၠကီုဂှ် ဒးရံၚ်တဴ ဒဵုကဵုသမ္တီဒးရ။
"အတိုၚ်အဲ မစကာလဝ် ၝအာရံၚ်တဴ ဒပ်သၟိၚ်မရူ ဗွဲမချိုတ်ပၠိုတ်ကီုဟာ"
"ဍာံပြဒၟံၚ်ရအဴ၊ အတိုၚ်ကောန်သၟိၚ် မဗ္ကန်လဝ် ဂရၚ်ပ္တီတဴ သၟိၚ်မရူဂှ် ပတှ်ေတဴဒၟံၚ်တုဲ ဖျေံတဴလာပ် နကဵုလကံက်စိန်ဏအ်ရအဴ။ ဒပ်သၟိၚ်မရူ ရံၚ်နၚ်လဝ် ဗါဲမချိုတ်ပၠိုတ်ရအဴ။ ဒပ်သၟိၚ်မရူဂမၠိုၚ် သွက်ဂွံရုပ်သီဒပ်ဂှ် မၚ်စၟဳတဴဒၟံၚ်အမိၚ် မဟာဒေဝဳအိုတ်ရအဴ"
တၠခွါဒဵုပသဲလေဝ် လကံက်စိန် သၟိၚ်မရူ မကဵုနၚ်လဝ်ဂှ် ဆက်ကွာဲကဵု ကောန်သၟိၚ်ရ။ ကောန်ၚၟိၚ်လေဝ် သ္ၚဳရံၚ်တဴ ဗွဲမချိုတ်ပၠိုတ်တုဲ...
"အေ ခိုဟ်သန်ရ၊ တာလျိုၚ်ၝ ပြေမံၚ်ရ၊ သောၚ်ဂှ်တှ်ေ အတိုၚ်ဂတိပါၚ်အဲ ဂတှ်မၞး မၞုံတဴဒၟံၚ် ပ္ဍဲသေဌဳ ဘဝ်သာံကေဲ မွဲကၠံဂှ် အဲဆာပ်ကဵုဏောၚ်။ ဣလဵု ဘဝ်မန် ကေတ်နၚ်ကသာပ် မွဲကၠံတုဲ ကဵုဘဝ်သာံကေဲစမ်"
ကသာပ်မွဲကၠံဂှ် ဘဝ်မန် ကဵုဏါ ဘဝ်သာံကေဲမ္ဂး ဘဝ်သာံကေဲ က္လေၚ်ကဵုကၠေံ ကောန်သၟိၚ် ကသာပ် မသုန်စှော်ပၠန်ရ။
"ကှ်ေ လၟုဟ် ၝဗၠးၜးအာယျ၊ ၝအာဌာန်လဵုရော"
"ကောန်သၟိၚ် ညးမဆာပ်ဏါ ဂတှ်အဲဍိက်ဝွံ ဒှ်တဴညးတၠဂုဏ် အဲဍိက်၊ ဒှ်တဴတၠနာဲ အဲဍိက်ရအဴ။ ဟိုတ်ဂှ်ရ ကဵုအခေါၚ်ကုအဲဍိက် သ္ဂောံဂၠေၚ်လျိုၚ် ဇရေၚ်ကောန်သၟိၚ်ညိအဴ"
"ခိုဟ်သန်ရ၊ ကါလဗ္တိုက်ကဵု ဒပ်ဗဂေါ သၟိၚ်မရူတအ်မ္ဂး အလဵုဇကုၝ ထ္ၜးကဵုဂၠံၚ်ညိ"
"ဒးရးသန်ရအဴ"
ကောန်သၟိၚ်ဝွံ ဟိုတ်နူကဵု တၠခွါဒဵုပသဲ ဂၠေၚ်လျိုၚ်ရောၚ်တုဲ ညံၚ်ရဴမမိပ်သၠောၚ်တဴကီု တၠခွါဒဵုပသဲလေဝ် ဂတှ်ပြေ ဂွံဗၠးၜးအာတုဲ မိပ်သၠောၚ်ဒၟံၚ်ရ။ ပ္ဍဲအခိၚ် မကောံတဴဒၟံၚ်ဂှ် နူကဵုဒပ်မၚ်ဍုၚ်တေံ သၟိၚ်ဗြာတ်သရာဲ စိုပ်ကၠုၚ်ရ။
"ယွံ ကောန်သၟိၚ်၊ ပ္ဍဲကဵုသၞေဟ်ဂၠုၚ်တေံ ကောယဴကောန်သၟိၚ် သၟိၚ်စဍုၚ်ဒလ ဇက်ကၠုၚ် နကဵုဒပ်ဍာ်ရအဴ"
"ကောယဴအဲ ကၠုၚ်ကဵုပၞာန်ရီုဗၚ် ကုအဲယျ၊ ပဠေဝ်လဝ်စိၚ်စမ်၊ အလဵုဇကုအဲ တိတ်အာဒုၚ်တၠုၚ် ဇရေၚ်သၞေဟ်ဂၠုၚ်ဏောၚ်"
အလဵုဇကုကောန်သၟိၚ် တိတ်ဒုၚ်တၠုၚ်တဴ ဒပ်မညဳကာန်ကံၚ်ရောၚ် သ္ဂးတုဲ အပ္ဍဲကဵုသ္ၚိနန်ဝွံ သီုကဵုညးဖအိုတ် ပဠေဝ်ပဠေတ်တဴ ဗွဲမချဳဒရာၚ်ရ။
ဆက်ဗှ်အာ သ္ကုတ် ၅၂ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #သၟိၚ်မရူ
#The Sunrise of Hongsawatoi
"ဟေံ သရာဲတအ်၊ ဍိက်ဏအ်ဂှ် သှ်ပ္တိတ်ထောံ ဇုက်ဒရိုဟ်တအ်ညိ၊ သော်က္ဍိုပ်၊ သော်ခၟိဟ်တအ်ဂှ် ခေပ်ကဵုတုဲ၊ ကဵုထောံဂၠိက်ယာတ် ခိုဟ်ခိုဟ်အိုတ်စမ်"
"သၟိၚ်ဇၞော် ကဵုအခေါၚ်မ္ဂး ကဵုအဲဍိက် ဂွံအာတ်မိက် မွဲသာ်ညိ၊ အဲဍိက် မိက်ဂွံအာဗက်ဂၠာဲ သမ္ဘာကဵုကောန်တအ် ဏီရအဴ"
"ခိုဟ်ရ၊ အာဂၠာဲ သမ္ဘာကဵုကောန်တုဲ ကော်နၚ်အဏအ်ညိ"
တၠခွါဒဵုပသဲလေဝ် လ္ၚောဝ်တဴ သၟိၚ်မရူတုဲ ဗက်အာကရောံ ကေုာံ ဍိက်သၟိၚ်မရူဂမၠိုၚ်ရ။ ဍိက်ဂမၠိုၚ် သှ်ပ္တိတ်ထောံ ဇုက်ဒရိုဟ်တအ်ဂှ်တုဲ ကဵုဟုံတဴဍာ်ရ။ တုဲဂှ် သော်ပါၚ်၊ သော်မုၚ်တအ်ဂှ် ကဵုကးကၠေံတုဲ သော်က္ဍိုပ်လေဝ် ညံၚ်ဂွံသှ်ေတဴ ကြဳကြဳဂှ် ခေပ်ကဵုရ။
ဟုံဍာ်တုဲဂှ် သီုကဵုမဗိုက်လ္တက်တဴ ဂၠိက်ယာတ်ခိုဟ်ဟ်ဂမၠိုၚ်၊ ကေတ်တဴ လကံက်စိန် သၟိၚ်မရူ မကဵုလဝ်ဂှ်တုဲ အာဂၟာဲတဴ သမ္ဘာကဵုကောန်တအ်ရောၚ် သာ်ဝွံသ္ဂးတုဲ တိတ်အာရ။ အမာတ်ဇၞော် သၟိၚ်ဇိပ်ဗြာဲ မက္လေၚ်စဴအာ နူကောံဓရီုဝွံ ဟိုတ်နူဂွံမိၚ်ကေတ် ကောန်သၟိၚ်ဗညာနဲ ဂြိပ်အာဍုၚ်ပြန်တေံယျတုဲ စိုတ်ဟွံခိုဟ် ၚုၚ်ဟောံဇြဒၟံၚ်ရ။
ပ္ဍဲပယျာံ လ္ဒေါဝ်တ္ၚဲမလောန်ဂှ် ပ္ဍဲဇရေၚ်သ္ၚိနန် ကောန်သၟိၚ်ဗညာနဲဝွဲ နကဵုဍိက်ပ္ဍဲသ္ၚိနန်ဂမၠိုၚ်၊ ညးမကၠုၚ်ခစ ညံၚ်ရဴဘဝ်သာံကေဲတအ်ဂမၠိုၚ်၊ သ္ကိုပ်ဒပ်ဂမၠိုၚ် မၞိဟ်နွံတဴလၟိုန် ဟွံပိုတ်သ္ကုတ်ရ။ ပ္ဍဲအဃော မၞိဟ်မကောံစုၚ်ဒၟံၚ်ဂှ် ညးမပဠေဝ်ပဠေတ်လဝ် ညံၚ်သ္ဂောံသ္အးဇ္ၚး နကဵုဂၠိက်ယာတ် ခိုဟ်ဟ်ဂမၠိုၚ်မွဲတၠ စိုပ်ကၠုၚ်ဇရေၚ် သ္ၚိနန်ကောန်သၟိၚ်ရ။
"ၝ... တၠခွါဒဵုပသဲ ဟွံသေၚ်ဟာ"
"ဍာံပြဒၟံၚ်ရအဴ သေဌဳဇၞော်"
ညးမသမ္တီ တၠခွါဒဵုပသဲ ဒးကၠာအိုတ်ဂှ် ဒှ်သေဌဳဘဝ်သာံကေဲရ။ ကောန်သၟိၚ်လေဝ် တၠခွါဒဵုပသဲ သာ်ဝွံမိၚ်တုဲ ဗွဲမမိပ်သၠောၚ် ရံၚ်တဴရ။ သီုကဵုဂၠိက်ယာတ် မကၠိၚေက်တဴ ကောန်ဒုဟ်မွဲဟွံသေၚ် နကဵုဂၠိက်ယာတ်တၟိဂမၠိုၚ် တၠခွါဒဵုပသဲ မတုပ်တဴညံၚ်ရဴ သေဌဳမွဲတၠကီုဂှ် ဒးရံၚ်တဴ ဒဵုကဵုသမ္တီဒးရ။
"အတိုၚ်အဲ မစကာလဝ် ၝအာရံၚ်တဴ ဒပ်သၟိၚ်မရူ ဗွဲမချိုတ်ပၠိုတ်ကီုဟာ"
"ဍာံပြဒၟံၚ်ရအဴ၊ အတိုၚ်ကောန်သၟိၚ် မဗ္ကန်လဝ် ဂရၚ်ပ္တီတဴ သၟိၚ်မရူဂှ် ပတှ်ေတဴဒၟံၚ်တုဲ ဖျေံတဴလာပ် နကဵုလကံက်စိန်ဏအ်ရအဴ။ ဒပ်သၟိၚ်မရူ ရံၚ်နၚ်လဝ် ဗါဲမချိုတ်ပၠိုတ်ရအဴ။ ဒပ်သၟိၚ်မရူဂမၠိုၚ် သွက်ဂွံရုပ်သီဒပ်ဂှ် မၚ်စၟဳတဴဒၟံၚ်အမိၚ် မဟာဒေဝဳအိုတ်ရအဴ"
တၠခွါဒဵုပသဲလေဝ် လကံက်စိန် သၟိၚ်မရူ မကဵုနၚ်လဝ်ဂှ် ဆက်ကွာဲကဵု ကောန်သၟိၚ်ရ။ ကောန်ၚၟိၚ်လေဝ် သ္ၚဳရံၚ်တဴ ဗွဲမချိုတ်ပၠိုတ်တုဲ...
"အေ ခိုဟ်သန်ရ၊ တာလျိုၚ်ၝ ပြေမံၚ်ရ၊ သောၚ်ဂှ်တှ်ေ အတိုၚ်ဂတိပါၚ်အဲ ဂတှ်မၞး မၞုံတဴဒၟံၚ် ပ္ဍဲသေဌဳ ဘဝ်သာံကေဲ မွဲကၠံဂှ် အဲဆာပ်ကဵုဏောၚ်။ ဣလဵု ဘဝ်မန် ကေတ်နၚ်ကသာပ် မွဲကၠံတုဲ ကဵုဘဝ်သာံကေဲစမ်"
ကသာပ်မွဲကၠံဂှ် ဘဝ်မန် ကဵုဏါ ဘဝ်သာံကေဲမ္ဂး ဘဝ်သာံကေဲ က္လေၚ်ကဵုကၠေံ ကောန်သၟိၚ် ကသာပ် မသုန်စှော်ပၠန်ရ။
"ကှ်ေ လၟုဟ် ၝဗၠးၜးအာယျ၊ ၝအာဌာန်လဵုရော"
"ကောန်သၟိၚ် ညးမဆာပ်ဏါ ဂတှ်အဲဍိက်ဝွံ ဒှ်တဴညးတၠဂုဏ် အဲဍိက်၊ ဒှ်တဴတၠနာဲ အဲဍိက်ရအဴ။ ဟိုတ်ဂှ်ရ ကဵုအခေါၚ်ကုအဲဍိက် သ္ဂောံဂၠေၚ်လျိုၚ် ဇရေၚ်ကောန်သၟိၚ်ညိအဴ"
"ခိုဟ်သန်ရ၊ ကါလဗ္တိုက်ကဵု ဒပ်ဗဂေါ သၟိၚ်မရူတအ်မ္ဂး အလဵုဇကုၝ ထ္ၜးကဵုဂၠံၚ်ညိ"
"ဒးရးသန်ရအဴ"
ကောန်သၟိၚ်ဝွံ ဟိုတ်နူကဵု တၠခွါဒဵုပသဲ ဂၠေၚ်လျိုၚ်ရောၚ်တုဲ ညံၚ်ရဴမမိပ်သၠောၚ်တဴကီု တၠခွါဒဵုပသဲလေဝ် ဂတှ်ပြေ ဂွံဗၠးၜးအာတုဲ မိပ်သၠောၚ်ဒၟံၚ်ရ။ ပ္ဍဲအခိၚ် မကောံတဴဒၟံၚ်ဂှ် နူကဵုဒပ်မၚ်ဍုၚ်တေံ သၟိၚ်ဗြာတ်သရာဲ စိုပ်ကၠုၚ်ရ။
"ယွံ ကောန်သၟိၚ်၊ ပ္ဍဲကဵုသၞေဟ်ဂၠုၚ်တေံ ကောယဴကောန်သၟိၚ် သၟိၚ်စဍုၚ်ဒလ ဇက်ကၠုၚ် နကဵုဒပ်ဍာ်ရအဴ"
"ကောယဴအဲ ကၠုၚ်ကဵုပၞာန်ရီုဗၚ် ကုအဲယျ၊ ပဠေဝ်လဝ်စိၚ်စမ်၊ အလဵုဇကုအဲ တိတ်အာဒုၚ်တၠုၚ် ဇရေၚ်သၞေဟ်ဂၠုၚ်ဏောၚ်"
အလဵုဇကုကောန်သၟိၚ် တိတ်ဒုၚ်တၠုၚ်တဴ ဒပ်မညဳကာန်ကံၚ်ရောၚ် သ္ဂးတုဲ အပ္ဍဲကဵုသ္ၚိနန်ဝွံ သီုကဵုညးဖအိုတ် ပဠေဝ်ပဠေတ်တဴ ဗွဲမချဳဒရာၚ်ရ။
ဆက်ဗှ်အာ သ္ကုတ် ၅၂ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #သၟိၚ်မရူ
#The Sunrise of Hongsawatoi
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
ဟံသာဝတဳ သၟိၚ်တ္ၚဲယးတၟး S1 Ep52
ပေါဲဗ္တိုက် ဗညာနဲ ပ္ဍဲလ္ဂုၚ်
စဍုၚ်ဒလ မညဳကာန်ကံၚ်ဝွံ သွက်ဂွံရီုဗၚ်တဴ ပၞာန်ကောန်သၟိၚ် ဗညာနဲဂှ် နကဵုသရာဲလ္ၚီတၠ ဇက်ကၠုၚ်ဇရေၚ်လ္ဂုၚ်ရ။ ကါလကောန်သၟိၚ် စိုပ်အာဇရေၚ် သၞေဟ်ဂၠုၚ်ဂှ် ဂွံဆဵုကေတ် ဒပ်ဍာ်ကဵု မညဳကာန်ကံၚ်တုဲ မိပ်သၠောၚ်တဴဒၟံၚ်ရ။ တုဲဂှ် ပ္တိုန်ဏါကောယဴညး မညဳကာန်ကံၚ် လ္တူစိၚ်ဇကုဂှ်တုဲ နကဵုစိၚ်မွဲဖ္ဍိုက်ဟေၚ် ဍိုက်အာမွဲစွံရ။
ပ္ဍဲလ္ဂုၚ်တုန် ဟိုတ်နူဖေက်ဘဲပၞာန်တုဲ ကောန်ညးဍုၚ်ကွာန်ဂမၠိုၚ် ပါဲဂြိပ်ဒဴအာ ဌာန်တၞဟ်အိုတ်တုဲ ပ္ဍဲလ္ဂုၚ်ဝွံ မၞိဟ်သိၚ်အာအိုတ်ရ။ ညးဗၞိက်လ္ၚဵု၊ ညးအရာပ်လ္ၚဵုဟေၚ် လ္ၚောဝ်တဴဒၟံၚ် ကောန်သၟိၚ်တအ် မဍိုက်အာစိၚ် ဗ္ဒာဲဂၠံၚ်အိုတ်ရ။
"ဒပ်စဍုၚ်မံၚ်မလကီု၊ သီုဒပ်စဍုၚ်မုတ္တမတအ် ရုပ်သဳအာဒပ်အိုတ်ယျ ကောယဴ၊ ဒပ်သၟိၚ်မရူဟေၚ် မၞုံတဴရ"
"ဒေံအဲ လွဳလဝ်သၞဏောၚ်ဟာ၊ မုဟိုတ်ဟွံဗ္တိုက်တဴ ဏီရော၊ ဗ္တံဏအ်မ္ဂး တိတ်ဗ္တိုက်ဟာ"
"ဒပ်ကောယဴလေဝ် စိုပ်ယျဟီုတှ်ေ ဗ္တံဏအ်ဗ္တိုက်ဏောၚ်၊ ကောဇၞော် မၚ်ကာန်စဳတအ်လေဝ် စဳရေၚ်တဴဒၟံၚ် မ္ၚဵုအံၚ်ဇၞးအိုတ်ယျ၊ စဴအာ ဇရေၚ်သ္ၚိနန်တုဲ စဳဇန်တဴ အၚ်္ဂပၞာန်အိုတ်စိုအ်"
"ခိုဟ်သန်ရအဴ၊ ပၞာန်ဏအ် ဒးအံၚ်ဇၞးရောၚ်"
ကောဒေံညးၜါ သွက်ဂွံဗ္တိုက်ကဵု ဒပ်ဗဂေါဂှ် တုပ်စိုတ်အိုတ်တုဲ စဴအာဇရေၚ် သ္ၚိနန်ကောန်သၟိၚ် စဳရေၚ်တဴ အၚ်္ဂပၞာန်ရ။ ကါလစိုပ်အာ ဇရေၚ်သ္ၚိနန်ဂှ် စိုပ်ဒၟံၚ်ပယျာံတ္ၚဲစေၚ်ယျတုဲ ဘဝ်မန်ကဵု မသိုက်တအ် ကောပ်ကါဲတုဲ ပ္ကောံလဝ် သရာဲခိုဟ် ပိစှော်တၠရ။ ပ္ဍဲကဵုလ္ဂုၚ်လေဝ် ဇရေၚ်ကောန်သၟိၚ်ဗညာနဲ သရာဲနွံဒၟံၚ် ၜိုတ်ၜါလ္ၚီရ၊ သရာဲဂမၠိုၚ်လေဝ် ပဠေဝ်တဴလဝ် လွဟ်၊ ဗၞုဟ်၊ ဇြၚ် ဒတုဲအိုတ်ရ။
"ပိုဲတအ် ကဵုတၠခွါဒဵုပသဲ အာဂတ နကဵုစိၚ်ၝောံမွဲဖ္ဍိုက်တုဲ ဖအောဝ်ကဵုထ္ၜးဂၠံၚ် ဒၞါဲဒပ်သၟိၚ်မရူမၞုံရောၚ်။ ဒပ်အမာတ်ဇၞော် သၟိၚ်ဇိပ်ဗြာဲဂှ် ပိုဲဟွံဒးဗ္တိုက်ပုဟ်၊ ဇၞးတဴ ဒပ်သၟိၚ်မရူမ္ဂး ဂွံရ"
အပ္ဍဲသ္ၚိနန် ကောန်သၟိၚ်ဝွံ သ္ကိုပ်ပၞာန်၊ ဗိုလ်လဗးဂမၠိုၚ် ကောံဒၟံၚ်အိုတ်တုဲ အစဳဇန်သွက်ဂွံ ဗ္တိုက်ကဵုဒပ်ဗဂေါဂှ် ကောနိသၟိၚ် သောၚ်ထ္ၜးဒၟံၚ်ကဵုရ။ ကောယဴ မညဳကာန်ကံၚ် ကေုာံ သ္ကိုပ်ဒပ်အိုဿီုဂမၠိုၚ် ဗွဲမညိၚ်ဝတ် ပၠုပ်အာရီုတုဲ က္လၚ်ဒၟံၚ်အိုတ်ရ။
"ပိုဲတအ် တ္ၚဲပၠိုတ်တုဲဗက် ပဠေဝ်လဝ်ဒပ်ဒတုဲတုဲ ဇက်တိတ်အာ နူကဵုသ္ၚိနန်ရောၚ်။ စိုပ်ဒၞါဲကောဇၞော် မက်ကာန်စဳတအ် စဳရေၚ်လဝ်မ္ဂး သ္ပမ္ၚဵုကြာတ်က္ဍိုပ်တုဲ ဇက်တိုန်အာ ဒၞါဲဒပ်သၟိၚ်မရူမၞုံတေံ မွဲဒမြိပ်ဓဝ်တုဲ ဗ္တိုက်ဏောၚ်။ သၟိၚ်မရူကဵု သ္ကအ်ဂမၠိုက် မွဲလ္ပကဵုဗၠးအာညိ"
"မၞးတအ် သီုညးဖ္အိုတ် ဗဗိုန်လဝ် သရာဲကောန်ရဲတဝ်သွာဂမၠိုၚ်ညိ။ ဣဏအ်ဂှ် ပေါဲသ္ဘၚ်ဟွံသေၚ်ပုဟ်၊ ဗ္တိုက်ဒၟံၚ်ပၞာန်ဏောၚ်၊ ဍေံတအ်ဂွံမၞးတအ်မ္ဂး ဍေံဂစိုတ်ဏောၚ်။ မၞးတအ် ဂွံမၞိဟ်ဍေံတှ်ေလေဝ် မၞးတအ် ညံၚ်သ္ဂောံဂွံ ကၠာတဲဂှ် ဒးဂစိုတ်ဏောၚ်။ မၞးတအ် ဟွံဂံၚ်ဂစိုတ်မ္ဂး ဍေံဂစိုတ်တဴ မၞူတအ်ရောၚ်။ မၞးတအ် ဟွံမိက်ချိုတ်မ္ဂး ဂစိုတ်သၞ ညံၚ်ဂွံချိုတ်အိုတ်ညိ၊ သက်ဒးညှာဒည ဟွံမွဲပုဟ်"
"အတိုၚ်အမိၚ် အသံရအဴ"
ရမျာၚ်သ္ကိုပ်ဒပ် ကောန်သၟိၚ်ဗညာနဲဂမၠိုၚ် စိုတ်ဓါတ်ကတိုၚ်ကၟဟ်ဒၟံၚ်အိုတ်တုဲ ဗြုလလောၚ်တိတ်ဒၟံၚ် အပ္ဍဲကဵုသ္ၚိနန်ရ။
"သၟိၚ်ဗြာတ်သရာဲ ကဵု မမွဲဍောၚ် ဒပ်ကောံၝတအ် ၜါဒပ်ဂှ် အခိက်အဲတိတ်ဒၟံၚ်ပၞာန်ဏအ် မၚ်မွဲလဝ်ဍုၚ်လ္ဂုၚ် ညံၚ်ဂွံဗိုန်ဗတ်ညိ၊ အယာံမာတ် ကၞိ၊ ဗ္ဂဲမွဲကီုလေဝ် လ္ပကဵုလုပ်ညိ"
"အတိုၚ်အမိၚ် အသံရအဴ"
သၟိၚ်ဗြာတ်သရာဲကဵု မမွဲဍောၚ်တအ် လ္ၚောဝ်တဴကောန်သၟိၚ်အိုတ်ရ။ ကောယဴညး စဍုၚ်ဒလ မညဳကာန်ကံၚ်လေဝ် ဗဵုရံၚ်တဴဒေံ စိုတ်ဓါတ်ကတိုၚ်ကၟဟ် ပိုတ်သ္ကုတ်ဒၟံၚ်ဂှ်တုဲ ဒးဒၟံၚ်ဂၞပ်ရ။
သက္ကရာဇ် - ၇၄၅ - သၞာံ၊ ဂိတုမြေက္ကသဵု ၁၀ စွေက်။
ကောန်သၟိၚ်ဗညာနဲ ကဵု ကောယဴညး မညဳကာန်ကံၚ်ဝွံ နကဵုပဠောံခြပ်ပေၚ်ပေၚ် က္ဍိုက်ပ်တုဲ ဍိုက်ကေတ်စိၚ်ဒြၚ် အဇဝါရ။ လ္ပာ်တဲပုၚ်ဂှ် ဘဝ်မန်ကဵု အမာတ်ဗမူလိုက်တအ် ဍိုက်တဴစိၚ်အဓရံၚ်ရ။ လ္ပာ်တဲပါဲဂှ် မသိုက်ကဵု မသာံကေဲတအ် ဍိုက်ကေတ်စိၚ် ဗ္စဲလၟန်ရ။ လက္ကရဴဂှ် မၚ်ကာန်စဳကဵု ဘဝ်မန်ညဳတအ် ဍိုက်တဴစိၚ်ဒြၚ် အသူရိယျလေဝ်ကီု၊ အမာတ်ဘောကနဲကဵု ဗဗၞးသီုၜါတအ်ဂှ် နကဵုစိၚ် အိမဂူသိုက်ကီု ဗီုညးကဵုညး ဍိုက်အိုတ်တုဲ ဇက်အာအိုတ်ရ။
ဇရေၚ်ဒၞါဲဇက်ပၞာန်ဂှ် အလဵုဇကု ကျာ်ဇၞော်အ္စာမပိုၚ် ဍိုက်ကေတ်စိၚ် အိလကိုတ်ညတ်တုဲ ဗက်တဴရ။ ပ္ဍဲဒပ်သၟေဟ်ဝွံ သ္ကိုပ်ဒပ် မာံမဟာဒေဝကဵု အပါအိန်တအ် နကဵုစိၚ်ၝောံမွဲဖ္ဍိုက် ဇက်အာအိုတ်ရ။ ပ္ဍဲဒပ်ကောန်သၟိၚ်ဝွံ သရာဲၜါလ္ၚီ၊ ဒပ်မညဳကာန်ကံၚ်ဂှ် သရာဲလ္ၚီ ပံၚ်သရာဲပိလ္ၚီ ၜိုန်မၞုံကီုလေဝ် အယာံမာတ် စိၚ်ပၠိုၚ်ပၠိုၚ် ပန်ဖ္ဍိုက်၊ စိၚ်ၝောံပန်ဖ္ဍိုက်ဟေၚ် ပါတဴရ။ မွဲလှ်ေပၠန် သ္ကိုပ်ဒပ် ဘောကနဲဂှ်လေဝ် ဂၠုၚ်ၜိုတ်မၞုံပ္ဍဲၜဳဂမၠိုၚ်ဂှ် ပ္ကောံတုဲ ခပ္တိုန်ကဵု သ္ကိုပ်ဂၠုၚ်တုဲ ကဵုဇက်အာ နကဵုဒပ်ဍာ်ရ။
ပေါဲဗ္တိုက် ဗညာနဲ ပ္ဍဲလ္ဂုၚ်
စဍုၚ်ဒလ မညဳကာန်ကံၚ်ဝွံ သွက်ဂွံရီုဗၚ်တဴ ပၞာန်ကောန်သၟိၚ် ဗညာနဲဂှ် နကဵုသရာဲလ္ၚီတၠ ဇက်ကၠုၚ်ဇရေၚ်လ္ဂုၚ်ရ။ ကါလကောန်သၟိၚ် စိုပ်အာဇရေၚ် သၞေဟ်ဂၠုၚ်ဂှ် ဂွံဆဵုကေတ် ဒပ်ဍာ်ကဵု မညဳကာန်ကံၚ်တုဲ မိပ်သၠောၚ်တဴဒၟံၚ်ရ။ တုဲဂှ် ပ္တိုန်ဏါကောယဴညး မညဳကာန်ကံၚ် လ္တူစိၚ်ဇကုဂှ်တုဲ နကဵုစိၚ်မွဲဖ္ဍိုက်ဟေၚ် ဍိုက်အာမွဲစွံရ။
ပ္ဍဲလ္ဂုၚ်တုန် ဟိုတ်နူဖေက်ဘဲပၞာန်တုဲ ကောန်ညးဍုၚ်ကွာန်ဂမၠိုၚ် ပါဲဂြိပ်ဒဴအာ ဌာန်တၞဟ်အိုတ်တုဲ ပ္ဍဲလ္ဂုၚ်ဝွံ မၞိဟ်သိၚ်အာအိုတ်ရ။ ညးဗၞိက်လ္ၚဵု၊ ညးအရာပ်လ္ၚဵုဟေၚ် လ္ၚောဝ်တဴဒၟံၚ် ကောန်သၟိၚ်တအ် မဍိုက်အာစိၚ် ဗ္ဒာဲဂၠံၚ်အိုတ်ရ။
"ဒပ်စဍုၚ်မံၚ်မလကီု၊ သီုဒပ်စဍုၚ်မုတ္တမတအ် ရုပ်သဳအာဒပ်အိုတ်ယျ ကောယဴ၊ ဒပ်သၟိၚ်မရူဟေၚ် မၞုံတဴရ"
"ဒေံအဲ လွဳလဝ်သၞဏောၚ်ဟာ၊ မုဟိုတ်ဟွံဗ္တိုက်တဴ ဏီရော၊ ဗ္တံဏအ်မ္ဂး တိတ်ဗ္တိုက်ဟာ"
"ဒပ်ကောယဴလေဝ် စိုပ်ယျဟီုတှ်ေ ဗ္တံဏအ်ဗ္တိုက်ဏောၚ်၊ ကောဇၞော် မၚ်ကာန်စဳတအ်လေဝ် စဳရေၚ်တဴဒၟံၚ် မ္ၚဵုအံၚ်ဇၞးအိုတ်ယျ၊ စဴအာ ဇရေၚ်သ္ၚိနန်တုဲ စဳဇန်တဴ အၚ်္ဂပၞာန်အိုတ်စိုအ်"
"ခိုဟ်သန်ရအဴ၊ ပၞာန်ဏအ် ဒးအံၚ်ဇၞးရောၚ်"
ကောဒေံညးၜါ သွက်ဂွံဗ္တိုက်ကဵု ဒပ်ဗဂေါဂှ် တုပ်စိုတ်အိုတ်တုဲ စဴအာဇရေၚ် သ္ၚိနန်ကောန်သၟိၚ် စဳရေၚ်တဴ အၚ်္ဂပၞာန်ရ။ ကါလစိုပ်အာ ဇရေၚ်သ္ၚိနန်ဂှ် စိုပ်ဒၟံၚ်ပယျာံတ္ၚဲစေၚ်ယျတုဲ ဘဝ်မန်ကဵု မသိုက်တအ် ကောပ်ကါဲတုဲ ပ္ကောံလဝ် သရာဲခိုဟ် ပိစှော်တၠရ။ ပ္ဍဲကဵုလ္ဂုၚ်လေဝ် ဇရေၚ်ကောန်သၟိၚ်ဗညာနဲ သရာဲနွံဒၟံၚ် ၜိုတ်ၜါလ္ၚီရ၊ သရာဲဂမၠိုၚ်လေဝ် ပဠေဝ်တဴလဝ် လွဟ်၊ ဗၞုဟ်၊ ဇြၚ် ဒတုဲအိုတ်ရ။
"ပိုဲတအ် ကဵုတၠခွါဒဵုပသဲ အာဂတ နကဵုစိၚ်ၝောံမွဲဖ္ဍိုက်တုဲ ဖအောဝ်ကဵုထ္ၜးဂၠံၚ် ဒၞါဲဒပ်သၟိၚ်မရူမၞုံရောၚ်။ ဒပ်အမာတ်ဇၞော် သၟိၚ်ဇိပ်ဗြာဲဂှ် ပိုဲဟွံဒးဗ္တိုက်ပုဟ်၊ ဇၞးတဴ ဒပ်သၟိၚ်မရူမ္ဂး ဂွံရ"
အပ္ဍဲသ္ၚိနန် ကောန်သၟိၚ်ဝွံ သ္ကိုပ်ပၞာန်၊ ဗိုလ်လဗးဂမၠိုၚ် ကောံဒၟံၚ်အိုတ်တုဲ အစဳဇန်သွက်ဂွံ ဗ္တိုက်ကဵုဒပ်ဗဂေါဂှ် ကောနိသၟိၚ် သောၚ်ထ္ၜးဒၟံၚ်ကဵုရ။ ကောယဴ မညဳကာန်ကံၚ် ကေုာံ သ္ကိုပ်ဒပ်အိုဿီုဂမၠိုၚ် ဗွဲမညိၚ်ဝတ် ပၠုပ်အာရီုတုဲ က္လၚ်ဒၟံၚ်အိုတ်ရ။
"ပိုဲတအ် တ္ၚဲပၠိုတ်တုဲဗက် ပဠေဝ်လဝ်ဒပ်ဒတုဲတုဲ ဇက်တိတ်အာ နူကဵုသ္ၚိနန်ရောၚ်။ စိုပ်ဒၞါဲကောဇၞော် မက်ကာန်စဳတအ် စဳရေၚ်လဝ်မ္ဂး သ္ပမ္ၚဵုကြာတ်က္ဍိုပ်တုဲ ဇက်တိုန်အာ ဒၞါဲဒပ်သၟိၚ်မရူမၞုံတေံ မွဲဒမြိပ်ဓဝ်တုဲ ဗ္တိုက်ဏောၚ်။ သၟိၚ်မရူကဵု သ္ကအ်ဂမၠိုက် မွဲလ္ပကဵုဗၠးအာညိ"
"မၞးတအ် သီုညးဖ္အိုတ် ဗဗိုန်လဝ် သရာဲကောန်ရဲတဝ်သွာဂမၠိုၚ်ညိ။ ဣဏအ်ဂှ် ပေါဲသ္ဘၚ်ဟွံသေၚ်ပုဟ်၊ ဗ္တိုက်ဒၟံၚ်ပၞာန်ဏောၚ်၊ ဍေံတအ်ဂွံမၞးတအ်မ္ဂး ဍေံဂစိုတ်ဏောၚ်။ မၞးတအ် ဂွံမၞိဟ်ဍေံတှ်ေလေဝ် မၞးတအ် ညံၚ်သ္ဂောံဂွံ ကၠာတဲဂှ် ဒးဂစိုတ်ဏောၚ်။ မၞးတအ် ဟွံဂံၚ်ဂစိုတ်မ္ဂး ဍေံဂစိုတ်တဴ မၞူတအ်ရောၚ်။ မၞးတအ် ဟွံမိက်ချိုတ်မ္ဂး ဂစိုတ်သၞ ညံၚ်ဂွံချိုတ်အိုတ်ညိ၊ သက်ဒးညှာဒည ဟွံမွဲပုဟ်"
"အတိုၚ်အမိၚ် အသံရအဴ"
ရမျာၚ်သ္ကိုပ်ဒပ် ကောန်သၟိၚ်ဗညာနဲဂမၠိုၚ် စိုတ်ဓါတ်ကတိုၚ်ကၟဟ်ဒၟံၚ်အိုတ်တုဲ ဗြုလလောၚ်တိတ်ဒၟံၚ် အပ္ဍဲကဵုသ္ၚိနန်ရ။
"သၟိၚ်ဗြာတ်သရာဲ ကဵု မမွဲဍောၚ် ဒပ်ကောံၝတအ် ၜါဒပ်ဂှ် အခိက်အဲတိတ်ဒၟံၚ်ပၞာန်ဏအ် မၚ်မွဲလဝ်ဍုၚ်လ္ဂုၚ် ညံၚ်ဂွံဗိုန်ဗတ်ညိ၊ အယာံမာတ် ကၞိ၊ ဗ္ဂဲမွဲကီုလေဝ် လ္ပကဵုလုပ်ညိ"
"အတိုၚ်အမိၚ် အသံရအဴ"
သၟိၚ်ဗြာတ်သရာဲကဵု မမွဲဍောၚ်တအ် လ္ၚောဝ်တဴကောန်သၟိၚ်အိုတ်ရ။ ကောယဴညး စဍုၚ်ဒလ မညဳကာန်ကံၚ်လေဝ် ဗဵုရံၚ်တဴဒေံ စိုတ်ဓါတ်ကတိုၚ်ကၟဟ် ပိုတ်သ္ကုတ်ဒၟံၚ်ဂှ်တုဲ ဒးဒၟံၚ်ဂၞပ်ရ။
သက္ကရာဇ် - ၇၄၅ - သၞာံ၊ ဂိတုမြေက္ကသဵု ၁၀ စွေက်။
ကောန်သၟိၚ်ဗညာနဲ ကဵု ကောယဴညး မညဳကာန်ကံၚ်ဝွံ နကဵုပဠောံခြပ်ပေၚ်ပေၚ် က္ဍိုက်ပ်တုဲ ဍိုက်ကေတ်စိၚ်ဒြၚ် အဇဝါရ။ လ္ပာ်တဲပုၚ်ဂှ် ဘဝ်မန်ကဵု အမာတ်ဗမူလိုက်တအ် ဍိုက်တဴစိၚ်အဓရံၚ်ရ။ လ္ပာ်တဲပါဲဂှ် မသိုက်ကဵု မသာံကေဲတအ် ဍိုက်ကေတ်စိၚ် ဗ္စဲလၟန်ရ။ လက္ကရဴဂှ် မၚ်ကာန်စဳကဵု ဘဝ်မန်ညဳတအ် ဍိုက်တဴစိၚ်ဒြၚ် အသူရိယျလေဝ်ကီု၊ အမာတ်ဘောကနဲကဵု ဗဗၞးသီုၜါတအ်ဂှ် နကဵုစိၚ် အိမဂူသိုက်ကီု ဗီုညးကဵုညး ဍိုက်အိုတ်တုဲ ဇက်အာအိုတ်ရ။
ဇရေၚ်ဒၞါဲဇက်ပၞာန်ဂှ် အလဵုဇကု ကျာ်ဇၞော်အ္စာမပိုၚ် ဍိုက်ကေတ်စိၚ် အိလကိုတ်ညတ်တုဲ ဗက်တဴရ။ ပ္ဍဲဒပ်သၟေဟ်ဝွံ သ္ကိုပ်ဒပ် မာံမဟာဒေဝကဵု အပါအိန်တအ် နကဵုစိၚ်ၝောံမွဲဖ္ဍိုက် ဇက်အာအိုတ်ရ။ ပ္ဍဲဒပ်ကောန်သၟိၚ်ဝွံ သရာဲၜါလ္ၚီ၊ ဒပ်မညဳကာန်ကံၚ်ဂှ် သရာဲလ္ၚီ ပံၚ်သရာဲပိလ္ၚီ ၜိုန်မၞုံကီုလေဝ် အယာံမာတ် စိၚ်ပၠိုၚ်ပၠိုၚ် ပန်ဖ္ဍိုက်၊ စိၚ်ၝောံပန်ဖ္ဍိုက်ဟေၚ် ပါတဴရ။ မွဲလှ်ေပၠန် သ္ကိုပ်ဒပ် ဘောကနဲဂှ်လေဝ် ဂၠုၚ်ၜိုတ်မၞုံပ္ဍဲၜဳဂမၠိုၚ်ဂှ် ပ္ကောံတုဲ ခပ္တိုန်ကဵု သ္ကိုပ်ဂၠုၚ်တုဲ ကဵုဇက်အာ နကဵုဒပ်ဍာ်ရ။
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
မြဴသာ်ဝွံ အယာံမာတ် ၜိုတ်ဆဂွံ စဳရေၚ်တဴဒပ်တုဲ ပ္ဍဲကဵုလ္တူက္ဍိုပ်စိၚ် ကောန်သၟိၚ်ဗညာနဲ မဍိုက်ဂှ် ဟိုတ်နူကဵု စာၚ်မွဲ မပဝ်တိုန်ဍုန်ဒၟံၚ်တုဲ ကောန်သၟိၚ်လေဝ် နူကဵုမအာဒၟံၚ်ဂှ် ဒေါအ်ကၠေံထောံရ။ မၚ်ကာန်စဳလေဝ် ဟိုတ်နူစိၚ်ကောန်သၟိၚ် ဒေါအ်တုဲ ကျောဝ်ရံၚ်အာဂှ် ဂွံညာတ်ကေတ်စာၚ်မွဲ ပ္ဍဲကဵုက္ဍိုပ်စိၚ်ရ။
"အဵု နိမိတ်ခိုဟ်တဴကွေံရဏး"
"မုဟိုတ်ရောလေဝ် ကောဇၞော်"
"ယွံကောန်သၟိၚ် ယဝ်ခါရ ပ္တိုန်က္ဍိုၚ်ကျာ် ဇိုၚ်ခ္ဍာ်ဟွံမွဲမ္ဂး ပ္တိုန်က္ဍိုၚ် ဟွံဂွံရ၊ ဇိုၚ်စာၚ်ကဵု ဇိုၚ်ခ္ဍာ်ဂှ် တုပ်တုပ်ရ။ ပွစာၚ်မဍုန် လ္တူက္ဍိုပ်စိၚ် ကောန်သၟိၚ်ဝွံ နန်ထဝ်က္ဍိုၚ်ဗ္တာၚ် ဟံသာဝတဳဂှ် ကောန်သၟိၚ်က္လိဂွံတဴ ဟွံဆောတ်ရအဴ"
ဟိုတ်နူဂလာန် မၚ်ကာန်စဳတုဲ ကောန်သၟိၚ်လေဝ် ဂွံတဴဒြဟတ် ဆက်တုဲ ဇက်အာရ။ မွဲလှ်ေပၠန် ပ္ဍဲကဵုစိုပ် ပါၚ်မုက်ကျာ်လ္ဂုၚ် ဒိုဟ်သၟဝ်ကျာဂှ်လေဝ် ရမျာၚ်မတွံဂး "မဟာဇဲယတု၊ မဟာဇဲယတု၊ မဟာဇဲယတု" ဒဵုကဵုဗၞတ်ပိဝါ ဂွံမိၚ်တဴရ။
"ယွံကောဇၞော် ရမျာၚ်တွံဓရ်ဟာ"
"ရမျာၚ်တွံဓရ် ဟွံသေၚ်၊ ဒပ်ကောန်သၟိၚ် ဒးအံၚ်ဇၞးရောၚ်ဂှ် ရမျာၚ်ဒေဝတဴတအ် ရာဒနာမိက် သ္ပတဴအဓိဌာန်ရအဴ"
ကောန်သၟိၚ်ဗညာနဲလေဝ် မိပ်စိုတ်တုဲ ဇက်အာ ဗွဲမသ္ကာတ်ရ။ ကါလစိုပ်အာ ပ္ဍဲဌာန်အၚ်ဗ္စး ဒၞါဲမၚ်ကာန်စဳတအ် မဒစးဒုၚ်စဳရေၚ်လဝ် တာဲမ္ၚဵုဂမၠိုၚ်ဂှ် ဖျေံကၠေံဒပ် မွဲခဏရ။ ကါလစိုပ်အာ ဌာန်အၚ်ဗ္စးဂှ် တ္ၚဲဂၠုယျတုဲ အယာမာတ် လျးဟဗုၚ်ဟဗုၚ်ဟေၚ် မၞုံတဴရ။ ဟိုတ်နူကဵု ဒှ်လ္ပာ်စွေက်တုဲ သၟိၚ်ဂိတု ဟွံဂွံတိတ်ဏီရ။
ပ္ဍဲအကာသဝွံ အယာံမာတ် သၞံၚ်ဂမၠိုၚ်ဟေၚ် မၞုံတဴရ။ ကျာဂှ်လေဝ် ဟိုတ်နူဒှ်ကျာ ဟေမန်တုဲ ဒဵုကဵုဂံက်ခတဝ် လပိုက်ဒၟံၚ်ရ။ လျးဂိတု ဟွံမွဲတုဲ သွက်သ္ဂောံက္လိဂွံတဴ လျးအရံၚ်ဂှ် ဍေန်ဗဂဵုလဝ် ပၟတ်တဝ်က္ၜံၚ်၊ ပၟတ်ကၠေၚ်သ္ဍဴအိုတ်ရ။ ကောန်သၟိၚ်ကီု သီုကဵုသ္ကိုပ်ဒပ်ဂမၠိုၚ် အိုဿီု သ္ပတဴမ္ၚဵုကြာတ်က္ဍိုပ်ရ။
စိၚ်ချေံဂမၠိုၚ်ဂှ်လေဝ် လၟောဟ်ပက်ကဵု ဍာ်ပရိုတ်မ္ၚဵုကီုရ။ ကျာ်ဇၞော်အ္စာမပိုၚ်လေဝ် ညံၚ်ဂွံဗၠးအန္တရာဲဂှ် ကၠောန်ကဵု ဗ္ဇမိအၚ်ဂမၠိုၚ်ကီုရ။ အတိုၚ် မၚ်ကာန်စဳ မစဳရေၚ် တက်တဴလဝ်ဓါတ်ဂှ် သ္ကိုပ်ဒပ်အိုဿီု ဒးသီဂိုၚ်လဝ် ပ္ကဴအနာၚ်အိုတ်ရ။
"သၟိၚ်မရူဂှ် မၞုံပ္ဍဲစုဒရၚ်္ဂ၊ အဲဂှ် မၞုံပ္ဍဲအၚ်ဗ္စး၊ စုဒရၚ်ဂှ် နာံတ္ၚဲစန်၊ အၚ်ဗ္စးဂှ် နာံတ္ၚဲအဒိုတ်၊ ဍေံဂှ်အှော်၊ အဲဂှ်ပၟတ်ရ။ အှော်ဂှ် ဒုၚ်ကဵုပၟတ် မညန်ညိဟာ၊ သၟိၚ်မရူ ဒုၚ်ကဵုအဲ မာန်ညိဟာ၊ ဒပ်သၟိၚ်မရူ ဒးသရိုဟ်အာဏောၚ်ဟေံ"
ကောန်သၟိၚ်ဝွံ သီုကဵုမကြီုတဴ တိုန်လ္တူစိၚ်တုဲ ဒပ်ဆက်ဇက်အာရ။
"ယွံ ဒဵုပသဲ၊ သမ္တီ ဒပ်သၟိၚ်မရူ ဒးချိုတ်ပၠိုတ်မ္ဂး ဇက်အာဇရေၚ် ဒပ်သၟိၚ်မရူ တပ်တပ်ညိ လ္ပဗက်အာအတိုၚ် ၝောံဂၠံၚ်ရ ဇက်အာတပ်တပ်ဟေၚ်ညိ"
"ဒးရးသန်ရအဴ"
တၠခွါဒဵုပသဲလေဝ် ဍိုက်စိၚ်ၝောံ အာဂတဂှ်တုဲ သီုဟွံသ္ပဂရုတဴကဵု ဒစုက်ဇလဂမၠိုၚ် ဇက်အာတဴ ဒၞါဲဒပ်သၟိၚ်မရူ မၞုံဟေၚ်ရ။ ဒပ်ပၞာန်လ္ဂုၚ် မၞုံလက္ကရဴဂှ်လေဝ် ညံၚ်ရဴကျာ်ပလက် မပိုက်ကၠုၚ် မွဲအသိၚ်ကီု ဇက်ဍိုက်ဗက်အာဒၟံၚ် လက္ကရဴ တၠခွါဒဵုပသဲရ။
"ဒုန်... ဒုန်... ဒုန်..."
"ဗံက်... တော်... တော်... တော်... တော်... တော်..."
"ဂြိမ်... ဖၠၚ်... ဖၠၚ်..."
"ဒပ်သၟိၚ်မရူဟေၚ် ဗ္တိုက်အိုတ်ညိ၊ ဒပ်သၟေဟ်တအ်ဂှ် လ္ပကဵုဒးညိ"
ပ္ဍဲဗလးစုဒရၚ် အခိၚ်ဗ္တံလဒေါဝ်သ္ဂာ ဂိတုဂၠုဝွံ ရမျာၚ်ဖံပၞာန် မဓလီုကၠုၚ် ပ္ဍဲဒပ်သၟိၚ်မရူဂမၠိုၚ်၊ ရမျာၚ်စိၚ်ကရေဲ၊ ရမျာၚ် ရိုဟ်ပလီုပလာ် တာဲဂမၠိုၚ်၊ ရမျာၚ်ကြဵုဇာဂမၠိုၚ် ဟောကၠံၚ်ဒၟံၚ်ရ။
"ဗ္တိုက်ဟေံ... ဗ္တိုက်အိုတ်ညိ...၊ ဒပ်သၟိၚ်မရူဂှ် ဗ္တိုက်အိုတ်ညိ၊ ဂစိုတ်အိုတ်ညိဟေံ... မွဲလ္ပကဵုဗၠးတိတ်အာညိ"
သရာဲ ကောန်သၟိၚ်ဗညာနဲဂမၠိုၚ် ပ္ဍဲအခိၚ်ဗ္တံဂၠုဂှ် ဇၟာပ်မဆဵုညာတ်ဒးမၞိဟ်အိုဿိုဂှ် ဗာ်ထ္ပက်တဴ နကဵုဗၞုဟ်ဇြၚ်အိုတ်ရ။ မွဲဒမြိပ်ဓဝ် မိၚ်တိုန်ရမျာၚ် ကဵုသမ္တီဂမၠိုၚ်၊ ရမျာၚ်ူဗိုန်မံၚ်ဂမၠိုၚ်၊ ရမျာၚ်စိၚ်ကရေဲတုဲ သၟိၚ်မရူ စှ်ေနူဂၠံၚ်ၚ္ၚိဍာ်တုဲ ရံၚ်ကျောဝ်တဴရ။ ဂွံညာတ်ကေတ် စိၚ်ဒြၚ်ပန်ဖ္ဍိုက်တုဲ သရာဲဇကုကဵု သရာဲသၞဂမၠိုၚ် ဗါ်ထ္ပက်ဂစိုတ် ထုဲထံၚ်ဒၟံၚ်အိုတ်ရ။
သၟိၚ်မရူလေဝ် ဒးဒုၚ်ဗ္တိုက်အာ မွဲဒမြိပ်ဓဝ်တုဲ လကိုတ်တ္ၚဵုဒၟံၚ်ရ။ ဗက်ရံၚ်အာ လ္ပာ်ဒၞါဲမကဝါလဝ်စိၚ်ဂှ် စိၚ်မဍိုက်ကၠုၚ်လဝ် နူကဵုဗဂေါတေံ စိၚ်အမြူဗဂေါဝွံ အဃောစှ်ေကၠေၚ်တုဲ ဍေံရုန်ဒၟံၚ် တိုၚ်ကၞက်မဒက်လဝ်ဂှ်ရ။ ဍိုက်စိၚ်ဟွံဂွံဂှ်ရ ဂွံညာတ်ကေတ် ချေံဗ္ဒါဲဂှ်မွဲဖ္ဍိုက် ဒံၚ်သၠာ်တိုန်တုဲ စိုပ််လ္တူချေံဂှ်ဗက် ထၞိက်ဖျေံထောံ သရာဲမဍိုက်ဒၟံၚ် ချေံဂှ်တုဲ ဍိုက်ဓရိုပ်ဏါချေံဂှ် ဂ္စာန်ဂြိပ်ဒဴ ဗၠးအာရ။
ဗလးတိဒၞါဲဒှ်ဒၟံၚ်ပၞာန်ဝွံ နကဵုဆီဍာဲဍာဲ အနိဌာရီုပေၚ်ပေၚ် ညးမချိုတ်းမၠိုၚ်၊ ဟွံချိုတ်ဏီတုဲ ညးမဗ္တိုက်ဒၟံၚ်ဂမၠိုၚ်၊ ညးမဂြိပ်ဒၟံၚ်ဂမၠိုၚ်ဂှ် ဂွံညာတ်အာဒၟံၚ် နကဵုလျးအရံၚ်ပၟတ် တာဲမတူဒၟံၚ်ဂမၠိုၚ်ရ။
"အဵု နိမိတ်ခိုဟ်တဴကွေံရဏး"
"မုဟိုတ်ရောလေဝ် ကောဇၞော်"
"ယွံကောန်သၟိၚ် ယဝ်ခါရ ပ္တိုန်က္ဍိုၚ်ကျာ် ဇိုၚ်ခ္ဍာ်ဟွံမွဲမ္ဂး ပ္တိုန်က္ဍိုၚ် ဟွံဂွံရ၊ ဇိုၚ်စာၚ်ကဵု ဇိုၚ်ခ္ဍာ်ဂှ် တုပ်တုပ်ရ။ ပွစာၚ်မဍုန် လ္တူက္ဍိုပ်စိၚ် ကောန်သၟိၚ်ဝွံ နန်ထဝ်က္ဍိုၚ်ဗ္တာၚ် ဟံသာဝတဳဂှ် ကောန်သၟိၚ်က္လိဂွံတဴ ဟွံဆောတ်ရအဴ"
ဟိုတ်နူဂလာန် မၚ်ကာန်စဳတုဲ ကောန်သၟိၚ်လေဝ် ဂွံတဴဒြဟတ် ဆက်တုဲ ဇက်အာရ။ မွဲလှ်ေပၠန် ပ္ဍဲကဵုစိုပ် ပါၚ်မုက်ကျာ်လ္ဂုၚ် ဒိုဟ်သၟဝ်ကျာဂှ်လေဝ် ရမျာၚ်မတွံဂး "မဟာဇဲယတု၊ မဟာဇဲယတု၊ မဟာဇဲယတု" ဒဵုကဵုဗၞတ်ပိဝါ ဂွံမိၚ်တဴရ။
"ယွံကောဇၞော် ရမျာၚ်တွံဓရ်ဟာ"
"ရမျာၚ်တွံဓရ် ဟွံသေၚ်၊ ဒပ်ကောန်သၟိၚ် ဒးအံၚ်ဇၞးရောၚ်ဂှ် ရမျာၚ်ဒေဝတဴတအ် ရာဒနာမိက် သ္ပတဴအဓိဌာန်ရအဴ"
ကောန်သၟိၚ်ဗညာနဲလေဝ် မိပ်စိုတ်တုဲ ဇက်အာ ဗွဲမသ္ကာတ်ရ။ ကါလစိုပ်အာ ပ္ဍဲဌာန်အၚ်ဗ္စး ဒၞါဲမၚ်ကာန်စဳတအ် မဒစးဒုၚ်စဳရေၚ်လဝ် တာဲမ္ၚဵုဂမၠိုၚ်ဂှ် ဖျေံကၠေံဒပ် မွဲခဏရ။ ကါလစိုပ်အာ ဌာန်အၚ်ဗ္စးဂှ် တ္ၚဲဂၠုယျတုဲ အယာမာတ် လျးဟဗုၚ်ဟဗုၚ်ဟေၚ် မၞုံတဴရ။ ဟိုတ်နူကဵု ဒှ်လ္ပာ်စွေက်တုဲ သၟိၚ်ဂိတု ဟွံဂွံတိတ်ဏီရ။
ပ္ဍဲအကာသဝွံ အယာံမာတ် သၞံၚ်ဂမၠိုၚ်ဟေၚ် မၞုံတဴရ။ ကျာဂှ်လေဝ် ဟိုတ်နူဒှ်ကျာ ဟေမန်တုဲ ဒဵုကဵုဂံက်ခတဝ် လပိုက်ဒၟံၚ်ရ။ လျးဂိတု ဟွံမွဲတုဲ သွက်သ္ဂောံက္လိဂွံတဴ လျးအရံၚ်ဂှ် ဍေန်ဗဂဵုလဝ် ပၟတ်တဝ်က္ၜံၚ်၊ ပၟတ်ကၠေၚ်သ္ဍဴအိုတ်ရ။ ကောန်သၟိၚ်ကီု သီုကဵုသ္ကိုပ်ဒပ်ဂမၠိုၚ် အိုဿီု သ္ပတဴမ္ၚဵုကြာတ်က္ဍိုပ်ရ။
စိၚ်ချေံဂမၠိုၚ်ဂှ်လေဝ် လၟောဟ်ပက်ကဵု ဍာ်ပရိုတ်မ္ၚဵုကီုရ။ ကျာ်ဇၞော်အ္စာမပိုၚ်လေဝ် ညံၚ်ဂွံဗၠးအန္တရာဲဂှ် ကၠောန်ကဵု ဗ္ဇမိအၚ်ဂမၠိုၚ်ကီုရ။ အတိုၚ် မၚ်ကာန်စဳ မစဳရေၚ် တက်တဴလဝ်ဓါတ်ဂှ် သ္ကိုပ်ဒပ်အိုဿီု ဒးသီဂိုၚ်လဝ် ပ္ကဴအနာၚ်အိုတ်ရ။
"သၟိၚ်မရူဂှ် မၞုံပ္ဍဲစုဒရၚ်္ဂ၊ အဲဂှ် မၞုံပ္ဍဲအၚ်ဗ္စး၊ စုဒရၚ်ဂှ် နာံတ္ၚဲစန်၊ အၚ်ဗ္စးဂှ် နာံတ္ၚဲအဒိုတ်၊ ဍေံဂှ်အှော်၊ အဲဂှ်ပၟတ်ရ။ အှော်ဂှ် ဒုၚ်ကဵုပၟတ် မညန်ညိဟာ၊ သၟိၚ်မရူ ဒုၚ်ကဵုအဲ မာန်ညိဟာ၊ ဒပ်သၟိၚ်မရူ ဒးသရိုဟ်အာဏောၚ်ဟေံ"
ကောန်သၟိၚ်ဝွံ သီုကဵုမကြီုတဴ တိုန်လ္တူစိၚ်တုဲ ဒပ်ဆက်ဇက်အာရ။
"ယွံ ဒဵုပသဲ၊ သမ္တီ ဒပ်သၟိၚ်မရူ ဒးချိုတ်ပၠိုတ်မ္ဂး ဇက်အာဇရေၚ် ဒပ်သၟိၚ်မရူ တပ်တပ်ညိ လ္ပဗက်အာအတိုၚ် ၝောံဂၠံၚ်ရ ဇက်အာတပ်တပ်ဟေၚ်ညိ"
"ဒးရးသန်ရအဴ"
တၠခွါဒဵုပသဲလေဝ် ဍိုက်စိၚ်ၝောံ အာဂတဂှ်တုဲ သီုဟွံသ္ပဂရုတဴကဵု ဒစုက်ဇလဂမၠိုၚ် ဇက်အာတဴ ဒၞါဲဒပ်သၟိၚ်မရူ မၞုံဟေၚ်ရ။ ဒပ်ပၞာန်လ္ဂုၚ် မၞုံလက္ကရဴဂှ်လေဝ် ညံၚ်ရဴကျာ်ပလက် မပိုက်ကၠုၚ် မွဲအသိၚ်ကီု ဇက်ဍိုက်ဗက်အာဒၟံၚ် လက္ကရဴ တၠခွါဒဵုပသဲရ။
"ဒုန်... ဒုန်... ဒုန်..."
"ဗံက်... တော်... တော်... တော်... တော်... တော်..."
"ဂြိမ်... ဖၠၚ်... ဖၠၚ်..."
"ဒပ်သၟိၚ်မရူဟေၚ် ဗ္တိုက်အိုတ်ညိ၊ ဒပ်သၟေဟ်တအ်ဂှ် လ္ပကဵုဒးညိ"
ပ္ဍဲဗလးစုဒရၚ် အခိၚ်ဗ္တံလဒေါဝ်သ္ဂာ ဂိတုဂၠုဝွံ ရမျာၚ်ဖံပၞာန် မဓလီုကၠုၚ် ပ္ဍဲဒပ်သၟိၚ်မရူဂမၠိုၚ်၊ ရမျာၚ်စိၚ်ကရေဲ၊ ရမျာၚ် ရိုဟ်ပလီုပလာ် တာဲဂမၠိုၚ်၊ ရမျာၚ်ကြဵုဇာဂမၠိုၚ် ဟောကၠံၚ်ဒၟံၚ်ရ။
"ဗ္တိုက်ဟေံ... ဗ္တိုက်အိုတ်ညိ...၊ ဒပ်သၟိၚ်မရူဂှ် ဗ္တိုက်အိုတ်ညိ၊ ဂစိုတ်အိုတ်ညိဟေံ... မွဲလ္ပကဵုဗၠးတိတ်အာညိ"
သရာဲ ကောန်သၟိၚ်ဗညာနဲဂမၠိုၚ် ပ္ဍဲအခိၚ်ဗ္တံဂၠုဂှ် ဇၟာပ်မဆဵုညာတ်ဒးမၞိဟ်အိုဿိုဂှ် ဗာ်ထ္ပက်တဴ နကဵုဗၞုဟ်ဇြၚ်အိုတ်ရ။ မွဲဒမြိပ်ဓဝ် မိၚ်တိုန်ရမျာၚ် ကဵုသမ္တီဂမၠိုၚ်၊ ရမျာၚ်ူဗိုန်မံၚ်ဂမၠိုၚ်၊ ရမျာၚ်စိၚ်ကရေဲတုဲ သၟိၚ်မရူ စှ်ေနူဂၠံၚ်ၚ္ၚိဍာ်တုဲ ရံၚ်ကျောဝ်တဴရ။ ဂွံညာတ်ကေတ် စိၚ်ဒြၚ်ပန်ဖ္ဍိုက်တုဲ သရာဲဇကုကဵု သရာဲသၞဂမၠိုၚ် ဗါ်ထ္ပက်ဂစိုတ် ထုဲထံၚ်ဒၟံၚ်အိုတ်ရ။
သၟိၚ်မရူလေဝ် ဒးဒုၚ်ဗ္တိုက်အာ မွဲဒမြိပ်ဓဝ်တုဲ လကိုတ်တ္ၚဵုဒၟံၚ်ရ။ ဗက်ရံၚ်အာ လ္ပာ်ဒၞါဲမကဝါလဝ်စိၚ်ဂှ် စိၚ်မဍိုက်ကၠုၚ်လဝ် နူကဵုဗဂေါတေံ စိၚ်အမြူဗဂေါဝွံ အဃောစှ်ေကၠေၚ်တုဲ ဍေံရုန်ဒၟံၚ် တိုၚ်ကၞက်မဒက်လဝ်ဂှ်ရ။ ဍိုက်စိၚ်ဟွံဂွံဂှ်ရ ဂွံညာတ်ကေတ် ချေံဗ္ဒါဲဂှ်မွဲဖ္ဍိုက် ဒံၚ်သၠာ်တိုန်တုဲ စိုပ််လ္တူချေံဂှ်ဗက် ထၞိက်ဖျေံထောံ သရာဲမဍိုက်ဒၟံၚ် ချေံဂှ်တုဲ ဍိုက်ဓရိုပ်ဏါချေံဂှ် ဂ္စာန်ဂြိပ်ဒဴ ဗၠးအာရ။
ဗလးတိဒၞါဲဒှ်ဒၟံၚ်ပၞာန်ဝွံ နကဵုဆီဍာဲဍာဲ အနိဌာရီုပေၚ်ပေၚ် ညးမချိုတ်းမၠိုၚ်၊ ဟွံချိုတ်ဏီတုဲ ညးမဗ္တိုက်ဒၟံၚ်ဂမၠိုၚ်၊ ညးမဂြိပ်ဒၟံၚ်ဂမၠိုၚ်ဂှ် ဂွံညာတ်အာဒၟံၚ် နကဵုလျးအရံၚ်ပၟတ် တာဲမတူဒၟံၚ်ဂမၠိုၚ်ရ။
ရမျာၚ်က္ညာၚ်ကရေဲ၊ ရမျာၚ်ကရောတ်ကသဝ်၊ ရမျာၚ်စိၚ်ကရေဲ၊ ရမျာၚ်ဗၞုဟ်ဇြၚ်ဂမၠိုၚ် မဇီုဒးဒၟံၚ် ရေၚ်သ္ကအ်၊ ရမျာၚ်ခတိုဟ် မတိတ်ကၠုၚ် နူကဵုတာဲမတူဒၟံၚ် ဟောကၠံၚ်ဒၟံၚ်ရ။ ဒပ်သၟိၚ်မရူဝွံ က္လိဂွံအမိၚ် ရုပ်သီဒပ် နူကဵုဗဂေါတုဲ အခိၚ်မပဠေဝ်ဒၟံၚ် သွက်ဂွံက္လေၚ်စဴဂှ် ဟိုတ်နူဒးဒုၚ်ကၠတ်ဗ္တိုက်တုဲ ဒးဂိအာရ။ ပ္ဍဲအခိၚ် မွဲခဏဓဝ်ဟေၚ် သရာဲဒပ်သၟိၚ်မရူ ဗွဲမဂၠိုၚ် ဒးဒုၚ်ချိုတ်အာအိုတ်ရ။
ကောန်သၟိၚ်လေဝ် သီုမကေါပ်ကါဲ ကဵုတဴအမိၚ် နူကဵုလ္တူစိၚ်ဂှ် ဂၠာဲတဴ သၟိၚ်မရူရ။ ၜိုန်ဂှ် မုရဴပ္ဍဲဒၞါဲလဵုမွဲလေဝ် ဟွံဂွံညာတ်ကေတ် သၟိၚ်မရူရ။
စိၚ်အမြူဗဂေါဝွံ အဃောမစှ်ေဒၟံၚ်ကၠေၚ် ဟိုတ်နူဂွံသၟူ စိၚ်အဓရံၚ်တုဲ ကြာန်ဂၠိုၚ်တိုန်တုဲ ရုန်ဂ္စာန်ဒၟံၚ်ရ။ ဒြဟတ်စိၚ်အမြူဗဂေါဝွံ ဇုက်ခရေဟ်ကီုလေဝ် ဒုၚ်ဟွံမာန်ရ။ ဇုက်ခရေဟ် မဒက်လဝ်ဂမၠိုၚ် ပိုတ်အာအိုတ်တုဲ ဂြိပ်ကၠုၚ်ဒၞါဲ စိၚ်အဓရံၚ်မၞုံဂှ် မွဲအသိၚ်ရ။ အဃောမဂြိပ်ဒၟံၚ်ဝွံ ၜိုတ်မဆဵုဂှ် တက်နကဵုလပှ်၊ ထ္ပက်နကဵုဒြၚ်၊ လိုန်ကၠုၚ်နကဵုဇိုၚ်ရ။ မၚ်ကာန်စဳတအ် မနွံဒၟံၚ်လ္တူ စိၚ်အဓရံၚ်ဂှ်လေဝ် ဟိုတ်နူကဵု စိၚ်မစှ်ေကၠေၚ် ဂြိပ်ကၠုၚ်ဒၟံၚ် လ္ပာ်ဇကုတအ် တပ်တပ်တုဲ မွဲအလန်ဓဝ် မုလေဝ်သ္ပဟွံဒး ဖေက်လကိုတ်တုဲ ဗဵုၚေသၠၚ်ဒၟံၚ်ရ။
"ကောန်ဗၠာဲ၊ ကောန်ဗၠာဲ... အမြူဗဂေါ... ဒေါံ... ဒေါံ..."
မွဲဒမြိပ် မိၚ်ဒးရမျာၚ် ဂၟါစိၚ်မၜုန်သောက်တုဲ လဂါံဇိုၚ် စိၚ်အမြူဗဂေါလေဝ် ဒေါံအာရ။ စိၚ်အမြူဗဂေါ သီုဟွံစိုပ်တဴ ဗ္ဒါဲမၚ်ကာန်စဳတအ်ဏီ ဟိုတ်နူကဵုဂၟါစိၚ် မၜုန်သောက် ညာတ်ဒး စိၚ်အမြူဗဂေါ မစှ်ေဒၟံၚ်ကၠေၚ်ဂှ်တုဲ လုပ်ဗဒေါံကၠေံရ။ စိၚ်အမြူဗဂေါဝွံ ဒှ်တဴစိၚ် မၜုန်သောက် မလွဳလွတ်လဝ်တုဲ ဂွံသၟူ မၜုန်သောက်ဗက် ဒေါံအာရ။
"ဂြိမ်...ဝူ...ဝူ..."
"ကောန်ဗၠာဲ အမြူဗဂေါ... ကၠုၚ်... ကၠုၚ်..."
စိၚ်အမြူဗဂေါလေဝ် နူကဵုမဒတူဒေါံဒၟံၚ်ဂှ် ဂတးရံၚ်ကၠုၚ် လ္ပာ်မၜုန်သောက်မၞုံရ။ ကါလဂွံညာတ်ကေတ် မၜုန်သောက်ဂှ် နဒဒှ်စိၚ်လ္ဂူမွဲ ညိၚ်ဝတ်အာရ။ ကါလဂှ် မၜုန်သောက်လေဝ် ကြပ်အာဗ္ဒါဲ အမြူဗဂေါတုဲ နူကဵုလ္တူစိၚ်ဇကု မဍိုက်ဒၟံၚ်ဂျ် ပြံၚ်ကၠောံဍိုက်တဴ လ္တူစိၚ်အမြူဗဂေါရ။
"အဲဂွံက္လေၚ်ဍိုက်တဴ စိၚ်ဏအ်ပၠန်ယျ၊ အလန်ဏအ်တှ်ေ နန်ထဝ်ဟံသာဝတဳဂှ် တၠနာဲပိုဲ ဒးက္လိဂွံရောၚ်ဂှ် ဟွံဆောတ်ရ"
ရမျာၚ်အကြီု မၜုန်သောက်ဝွံ အလုံပ္ဍဲပေါဲပၞာန်မွဲ ဗြုလလောၚ်အာရ။ ကောန်သၟိၚ်လေဝ် ဂွံညာတ်ကေတ် စိၚ်အမြူဗဂေါတုဲ ထေၚ်ဂးသၟိၚ်မရူ ဂတးရံၚ်တဴရ။ ၜိုန်ဂှ် သၟိၚ်မရူ ဟွံသေၚ်၊ ဂွံညာတ်ကေတ် မၜုန်သောက် ပ္ဍဲလ္တူစိၚ်အမြူဗဂေါဂှ်မှ မိပ်သၠောၚ်အာရ။
ဒပ်သၟိၚ်မရူဝွံ ဟိုတ်နူညးမကေါပ်ကါဲဟွံမွဲ ဒပ်လီုဒၟံၚ်တုဲ ဒးဆောံလေၚ် ဂၠိုၚ်ဒၟံၚ်ရ။ ဒပ်ဗဂေါတအ် ဒးဆောံလေၚ်ဒၟံၚ်ဂှ် ကောန်သၟိၚ်လေဝ် ညာတ်တဴရ။ သီုဟွံဆဵုတဴ သၟိၚ်မရူ ဟိုတ်နူမညာတ်တဴ သရာဲဂမၠိုၚ် မ္ဒးချိုတ်အာဒၟံၚ်သၟးသၟးတုဲ ဗဒေါံကၠေံ ပေါဲပၞာန်ရ။
"ဒေါံရဟေံ၊ ဒေါံအိုတ်ညိ။ ဒေါံအိုတ်ညိ ဂၠုဲတအ်ဂှ် ရပ်အိုတ်ညိ"
ရမျာၚ်ကောန်သၟိၚ် မၞုံလ္တူစိၚ်ဝွံ ညံၚ်ရဴကၠမကရေဲတဴကီု တိတ်ကၠုၚ် ပ္ဍဲလ္ဒောဝ်ပေါဲပၞာန်ရ။ ညးမဗ္တိုက်ဒၟံၚ် နကဵုဗၞုဟ်၊ ဇြၚ် ညးကုညး အိုဿီုဂှ် ဒေါံအာအိုတ်ရ။ သရာဲဒပ်သၟိၚ်မရူ လမျီုဟွံအိုတ်၊ ဟွံဂြိပ်တဴဂမၠိုၚ်ဂှ် ဒးဒုၚ်ရပ်အာကဵု ဇရေၚ်ဒပ် ကောန်သၟိၚ်တအ်အိုတ်ရ။ လ္ၚဵုဂှ်လေဝ် ပ္ဍဲကဵုဝိုတ်သတိဂှ် ဂ္စာန်ဂြိပ်ဒဴတဴအိုတ်ရ။ ပ္ဍဲဗလးတိပၞာန် မဗ္တိုက်ဒၟံၚ်ဂှ် ဇွသရာဲ သီုၜါလ္ပာ်ဂမၠိုၚ်လေဝ် နွံပေၚ်ဒၟံၚ်ကဵုဆီရ။
"သရာဲ မဒးလဝ်ဝပ်ဂမၠိုၚ်ဂှ် လွဳလွတ်အိုတ်ညိ။ ဇွောံမသၞဂမၠိုၚ်ဂှ် သီဂိုၚ်အိုတ်ညိ။ တာဲသၞဂမၠိုၚ်ဂှ် စံၚ်ထောံပၟတ်အိုတ်ညိ"
ဟိုတ်နူကဵု အမိၚ်ကောန်သၟိၚ်တုဲ သရာဲကောန်သၟိၚ် မဗ္တိုက်ဒၟံၚ်ဂမၠိုၚ်ဝွံ ထုဲထံၚ်ဒၟံၚ် နကဵုညးမကပှ်ဇွ၊ ညးမယိုက်ဒၟံၚ် ညးမဒးလဝ်ဝပ်ဂမၠိုၚ်၊ ညးမသီဂိုၚ်ဒၟဴၚ်ဇွောံမ ပ္ဍဲဒပ်သၟိၚ်မရူဂမၠိုၚ်ရ။ ဂၠုဲမသှ်ေဒၟံၚ် ပ္ဍဲဒပ် သၟိၚ်မရူဂမၠိုၚ်ဂှ်လေဝ် ရပ်ထောံဖအိုတ်ရ။ တုဲဂှ် စံၚ်ကၠေံ သ္ၚိတာဲ ပ္ဍဲဒပ်သၟိၚ်မရူဂမၠိုၚ် အိုဿီုရ။ လျးပၟတ်မတူဒၟံၚ် ပ္ဍဲအခိၚ်ပယျာံသ္ဂာလောန်ဂှ် တၟးအာ အလုံပ္ဍဲဗလး စုဒရၚ်္ဂမွဲရ။
ပ္ဍဲဒပ်သၟိၚ်ရတ္တသံၚ်ရာံ၊ သၟိၚ်ယောဂရာဇ် မဖျေံလဝ်ဒပ် နဒဒှ်ဒပ်ဒုၚ် လက္ကရဴဂမၠိုၚ်လေဝ် ဟိုတ်နူမမိၚ်ညာတ်ဒး ရမျာၚ်မဗ္တိုက်ဒၟံၚ် ဒပ်သၟိၚ်မရူဂမၠိုၚ်၊ ပၟတ်မတူဒၟံၚ်ဂမၠိုၚ်တုဲ ဒပ်သၟိၚ်မရူလီုတုဲ စှ်ေအာယျဂှ် တီတုဲ ဟွံဂံၚ်မံၚ်တဴ ပ္ဍဲဒပ်ဇကု ကၠောံအာဇရေၚ် ဒပ်အမာတ်ဇၞော် သၟိၚ်ဇိပ်ဗြာဲအိုတ်ရ။ အမာတ်ဇၞော်ဝွံ ကောန်သၟိၚ်တအ် ကၠုၚ်ဗ္တိုက်တဴ ဒပ်သၟိၚ်မရူဂှ်တီတုဲ ဂွဲဒၟံၚ်ဒြဟတ်ရ။ ကါလ ရတ္တသံၚ်ရာံတအ် သိုပ်ကၠုၚ်ဂှ် အမာတ်ဇၞော်ဝွံ ဟွံလကိုတ်တ္ၚဵုမွဲသာ် ဖျေံခ္ဍအ်ဇဗၠု ဂတမုက်တုဲ သီုကဵုမသ္ၚာဲတဴဒၟံၚ် ဇဗၠုခွတ်ရ။
"ယွံသၟိၚ်ဇၞော်၊ ကောန်သၟိၚ်ဗညာနဲဝွံ ဗ္တိုက်တဴဒၟံၚ်ကဵု ဒပ်သၟိၚ်မရူတအ်ရ၊ သၟိၚ်မရူလေဝ် ချိုတ်ဟာ၊ ဂျိုၚ်ဟာဂှ် ဟွံဂွံတီကေတ်ရ၊ ကောန်သၟိၚ်ဗညာနဲတအ် ဇၞးမံၚ်ယျအဴ၊ ပိုဲဍိက်တအ် ဂွံသ္ပတဴ သာ်လဵုရော"
"ဒးဆုတ်က္လေၚ်ဟာ၊ ဒးစ္ဍးအာ ပြဟ်ပြဟ်ထေက်ရောၚ် ထေၚ်ရအဴ၊ တ္ၚဲတၟးမှစ္ဍးအာဟီုမ္ဂး ဒပ်ဗညာနဲတအ် ဗိုၚ်လဝ်တုဲအာရောၚ်အဴ"
ကောန်သၟိၚ်လေဝ် သီုမကေါပ်ကါဲ ကဵုတဴအမိၚ် နူကဵုလ္တူစိၚ်ဂှ် ဂၠာဲတဴ သၟိၚ်မရူရ။ ၜိုန်ဂှ် မုရဴပ္ဍဲဒၞါဲလဵုမွဲလေဝ် ဟွံဂွံညာတ်ကေတ် သၟိၚ်မရူရ။
စိၚ်အမြူဗဂေါဝွံ အဃောမစှ်ေဒၟံၚ်ကၠေၚ် ဟိုတ်နူဂွံသၟူ စိၚ်အဓရံၚ်တုဲ ကြာန်ဂၠိုၚ်တိုန်တုဲ ရုန်ဂ္စာန်ဒၟံၚ်ရ။ ဒြဟတ်စိၚ်အမြူဗဂေါဝွံ ဇုက်ခရေဟ်ကီုလေဝ် ဒုၚ်ဟွံမာန်ရ။ ဇုက်ခရေဟ် မဒက်လဝ်ဂမၠိုၚ် ပိုတ်အာအိုတ်တုဲ ဂြိပ်ကၠုၚ်ဒၞါဲ စိၚ်အဓရံၚ်မၞုံဂှ် မွဲအသိၚ်ရ။ အဃောမဂြိပ်ဒၟံၚ်ဝွံ ၜိုတ်မဆဵုဂှ် တက်နကဵုလပှ်၊ ထ္ပက်နကဵုဒြၚ်၊ လိုန်ကၠုၚ်နကဵုဇိုၚ်ရ။ မၚ်ကာန်စဳတအ် မနွံဒၟံၚ်လ္တူ စိၚ်အဓရံၚ်ဂှ်လေဝ် ဟိုတ်နူကဵု စိၚ်မစှ်ေကၠေၚ် ဂြိပ်ကၠုၚ်ဒၟံၚ် လ္ပာ်ဇကုတအ် တပ်တပ်တုဲ မွဲအလန်ဓဝ် မုလေဝ်သ္ပဟွံဒး ဖေက်လကိုတ်တုဲ ဗဵုၚေသၠၚ်ဒၟံၚ်ရ။
"ကောန်ဗၠာဲ၊ ကောန်ဗၠာဲ... အမြူဗဂေါ... ဒေါံ... ဒေါံ..."
မွဲဒမြိပ် မိၚ်ဒးရမျာၚ် ဂၟါစိၚ်မၜုန်သောက်တုဲ လဂါံဇိုၚ် စိၚ်အမြူဗဂေါလေဝ် ဒေါံအာရ။ စိၚ်အမြူဗဂေါ သီုဟွံစိုပ်တဴ ဗ္ဒါဲမၚ်ကာန်စဳတအ်ဏီ ဟိုတ်နူကဵုဂၟါစိၚ် မၜုန်သောက် ညာတ်ဒး စိၚ်အမြူဗဂေါ မစှ်ေဒၟံၚ်ကၠေၚ်ဂှ်တုဲ လုပ်ဗဒေါံကၠေံရ။ စိၚ်အမြူဗဂေါဝွံ ဒှ်တဴစိၚ် မၜုန်သောက် မလွဳလွတ်လဝ်တုဲ ဂွံသၟူ မၜုန်သောက်ဗက် ဒေါံအာရ။
"ဂြိမ်...ဝူ...ဝူ..."
"ကောန်ဗၠာဲ အမြူဗဂေါ... ကၠုၚ်... ကၠုၚ်..."
စိၚ်အမြူဗဂေါလေဝ် နူကဵုမဒတူဒေါံဒၟံၚ်ဂှ် ဂတးရံၚ်ကၠုၚ် လ္ပာ်မၜုန်သောက်မၞုံရ။ ကါလဂွံညာတ်ကေတ် မၜုန်သောက်ဂှ် နဒဒှ်စိၚ်လ္ဂူမွဲ ညိၚ်ဝတ်အာရ။ ကါလဂှ် မၜုန်သောက်လေဝ် ကြပ်အာဗ္ဒါဲ အမြူဗဂေါတုဲ နူကဵုလ္တူစိၚ်ဇကု မဍိုက်ဒၟံၚ်ဂျ် ပြံၚ်ကၠောံဍိုက်တဴ လ္တူစိၚ်အမြူဗဂေါရ။
"အဲဂွံက္လေၚ်ဍိုက်တဴ စိၚ်ဏအ်ပၠန်ယျ၊ အလန်ဏအ်တှ်ေ နန်ထဝ်ဟံသာဝတဳဂှ် တၠနာဲပိုဲ ဒးက္လိဂွံရောၚ်ဂှ် ဟွံဆောတ်ရ"
ရမျာၚ်အကြီု မၜုန်သောက်ဝွံ အလုံပ္ဍဲပေါဲပၞာန်မွဲ ဗြုလလောၚ်အာရ။ ကောန်သၟိၚ်လေဝ် ဂွံညာတ်ကေတ် စိၚ်အမြူဗဂေါတုဲ ထေၚ်ဂးသၟိၚ်မရူ ဂတးရံၚ်တဴရ။ ၜိုန်ဂှ် သၟိၚ်မရူ ဟွံသေၚ်၊ ဂွံညာတ်ကေတ် မၜုန်သောက် ပ္ဍဲလ္တူစိၚ်အမြူဗဂေါဂှ်မှ မိပ်သၠောၚ်အာရ။
ဒပ်သၟိၚ်မရူဝွံ ဟိုတ်နူညးမကေါပ်ကါဲဟွံမွဲ ဒပ်လီုဒၟံၚ်တုဲ ဒးဆောံလေၚ် ဂၠိုၚ်ဒၟံၚ်ရ။ ဒပ်ဗဂေါတအ် ဒးဆောံလေၚ်ဒၟံၚ်ဂှ် ကောန်သၟိၚ်လေဝ် ညာတ်တဴရ။ သီုဟွံဆဵုတဴ သၟိၚ်မရူ ဟိုတ်နူမညာတ်တဴ သရာဲဂမၠိုၚ် မ္ဒးချိုတ်အာဒၟံၚ်သၟးသၟးတုဲ ဗဒေါံကၠေံ ပေါဲပၞာန်ရ။
"ဒေါံရဟေံ၊ ဒေါံအိုတ်ညိ။ ဒေါံအိုတ်ညိ ဂၠုဲတအ်ဂှ် ရပ်အိုတ်ညိ"
ရမျာၚ်ကောန်သၟိၚ် မၞုံလ္တူစိၚ်ဝွံ ညံၚ်ရဴကၠမကရေဲတဴကီု တိတ်ကၠုၚ် ပ္ဍဲလ္ဒောဝ်ပေါဲပၞာန်ရ။ ညးမဗ္တိုက်ဒၟံၚ် နကဵုဗၞုဟ်၊ ဇြၚ် ညးကုညး အိုဿီုဂှ် ဒေါံအာအိုတ်ရ။ သရာဲဒပ်သၟိၚ်မရူ လမျီုဟွံအိုတ်၊ ဟွံဂြိပ်တဴဂမၠိုၚ်ဂှ် ဒးဒုၚ်ရပ်အာကဵု ဇရေၚ်ဒပ် ကောန်သၟိၚ်တအ်အိုတ်ရ။ လ္ၚဵုဂှ်လေဝ် ပ္ဍဲကဵုဝိုတ်သတိဂှ် ဂ္စာန်ဂြိပ်ဒဴတဴအိုတ်ရ။ ပ္ဍဲဗလးတိပၞာန် မဗ္တိုက်ဒၟံၚ်ဂှ် ဇွသရာဲ သီုၜါလ္ပာ်ဂမၠိုၚ်လေဝ် နွံပေၚ်ဒၟံၚ်ကဵုဆီရ။
"သရာဲ မဒးလဝ်ဝပ်ဂမၠိုၚ်ဂှ် လွဳလွတ်အိုတ်ညိ။ ဇွောံမသၞဂမၠိုၚ်ဂှ် သီဂိုၚ်အိုတ်ညိ။ တာဲသၞဂမၠိုၚ်ဂှ် စံၚ်ထောံပၟတ်အိုတ်ညိ"
ဟိုတ်နူကဵု အမိၚ်ကောန်သၟိၚ်တုဲ သရာဲကောန်သၟိၚ် မဗ္တိုက်ဒၟံၚ်ဂမၠိုၚ်ဝွံ ထုဲထံၚ်ဒၟံၚ် နကဵုညးမကပှ်ဇွ၊ ညးမယိုက်ဒၟံၚ် ညးမဒးလဝ်ဝပ်ဂမၠိုၚ်၊ ညးမသီဂိုၚ်ဒၟဴၚ်ဇွောံမ ပ္ဍဲဒပ်သၟိၚ်မရူဂမၠိုၚ်ရ။ ဂၠုဲမသှ်ေဒၟံၚ် ပ္ဍဲဒပ် သၟိၚ်မရူဂမၠိုၚ်ဂှ်လေဝ် ရပ်ထောံဖအိုတ်ရ။ တုဲဂှ် စံၚ်ကၠေံ သ္ၚိတာဲ ပ္ဍဲဒပ်သၟိၚ်မရူဂမၠိုၚ် အိုဿီုရ။ လျးပၟတ်မတူဒၟံၚ် ပ္ဍဲအခိၚ်ပယျာံသ္ဂာလောန်ဂှ် တၟးအာ အလုံပ္ဍဲဗလး စုဒရၚ်္ဂမွဲရ။
ပ္ဍဲဒပ်သၟိၚ်ရတ္တသံၚ်ရာံ၊ သၟိၚ်ယောဂရာဇ် မဖျေံလဝ်ဒပ် နဒဒှ်ဒပ်ဒုၚ် လက္ကရဴဂမၠိုၚ်လေဝ် ဟိုတ်နူမမိၚ်ညာတ်ဒး ရမျာၚ်မဗ္တိုက်ဒၟံၚ် ဒပ်သၟိၚ်မရူဂမၠိုၚ်၊ ပၟတ်မတူဒၟံၚ်ဂမၠိုၚ်တုဲ ဒပ်သၟိၚ်မရူလီုတုဲ စှ်ေအာယျဂှ် တီတုဲ ဟွံဂံၚ်မံၚ်တဴ ပ္ဍဲဒပ်ဇကု ကၠောံအာဇရေၚ် ဒပ်အမာတ်ဇၞော် သၟိၚ်ဇိပ်ဗြာဲအိုတ်ရ။ အမာတ်ဇၞော်ဝွံ ကောန်သၟိၚ်တအ် ကၠုၚ်ဗ္တိုက်တဴ ဒပ်သၟိၚ်မရူဂှ်တီတုဲ ဂွဲဒၟံၚ်ဒြဟတ်ရ။ ကါလ ရတ္တသံၚ်ရာံတအ် သိုပ်ကၠုၚ်ဂှ် အမာတ်ဇၞော်ဝွံ ဟွံလကိုတ်တ္ၚဵုမွဲသာ် ဖျေံခ္ဍအ်ဇဗၠု ဂတမုက်တုဲ သီုကဵုမသ္ၚာဲတဴဒၟံၚ် ဇဗၠုခွတ်ရ။
"ယွံသၟိၚ်ဇၞော်၊ ကောန်သၟိၚ်ဗညာနဲဝွံ ဗ္တိုက်တဴဒၟံၚ်ကဵု ဒပ်သၟိၚ်မရူတအ်ရ၊ သၟိၚ်မရူလေဝ် ချိုတ်ဟာ၊ ဂျိုၚ်ဟာဂှ် ဟွံဂွံတီကေတ်ရ၊ ကောန်သၟိၚ်ဗညာနဲတအ် ဇၞးမံၚ်ယျအဴ၊ ပိုဲဍိက်တအ် ဂွံသ္ပတဴ သာ်လဵုရော"
"ဒးဆုတ်က္လေၚ်ဟာ၊ ဒးစ္ဍးအာ ပြဟ်ပြဟ်ထေက်ရောၚ် ထေၚ်ရအဴ၊ တ္ၚဲတၟးမှစ္ဍးအာဟီုမ္ဂး ဒပ်ဗညာနဲတအ် ဗိုၚ်လဝ်တုဲအာရောၚ်အဴ"
မုက်မတ် ရတ္တသံၚ်ရာံကဵု ယောဂရာဇ်တအ် မဖေက်လကိုတ်ဒၟံၚ်ဂှ် အမာတ်ဇၞော် ဂွံညာတ်အာဒၟံၚ် နကဵုလျးပၟတ်တိုၚ်သ္ဍဴ မၞုံပ္ဍဲသ္ၚိတာဲဂှ်ရ။ ညးၜါဂှ် ဗွဲမရောံဓည ရံၚ်ဒၟံၚ်အမာတ်ဇၞော်ရ။ အမာတ်ဇၞော်ဝွံ သွက်ဂွံသ္ဂးတဴဂလာန် ဗွဲမၜိုဟ်သြိုဟ်ဂှ် ချဟ်ပ္တိတ်ဒၟံၚ် ပာ်ပါၚ်ဇဗၠု ပ္ဍဲကဵုထၟာဲတဲ ဗွဲမအိုတ်အးရ။
ဆက်ဗှ်အာ သ္ကုတ် ၅၃ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #သၟိၚ်မရူ
#The Sunrise of Hongsawatoi
ဆက်ဗှ်အာ သ္ကုတ် ၅၃ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #သၟိၚ်မရူ
#The Sunrise of Hongsawatoi
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
ဟံသာဝတဳ သၟိၚ်တ္ၚဲယးတၟး S1 Ep53
နူလ္ဂုၚ် စိုပ်ဟံသာဝတဳ
အမာတ်ဇၞော်ဝွံ သွက်သ္ဂောံဟီုတဴဂလာန် ဇဗၠုမနွံဒၟံၚ် ပ္ဍဲကဵုပါၚ်ဂှ် ချဟ်ပ္တိတ်ဒၟံၚ် ပ္ဍဲကဵုထၟာဲတဲ ဗွဲမအိုတ်အးရ။
"ဗညာနဲဂှ် ဒှ်ကောန်တၠညးစိၚ်ဗ္တာၚ်ရ ဟွံသေၚ်ဟာ၊ သၟိၚ်မရူ ချိုတ်တ်၊ ဂျိုၚ်ၚ် မုဂွံဒှ်ရော၊ လ္ပဂွိၚ်ဒၟံၚ်ညိ"
"ယွံသၟိၚ်ဇၞော်၊ ကောန်သၟိၚ်ဗညာနဲဝွံ နူပ္ဍဲကဵုဗဂေါတေံရ ဒှ်ညးမၞုံကဵု စိုတ်ကါယ ကြမ်ကြမွဲရ၊ ညးလဵုမွဲ ဂွံဂံၚ်ဆဵုကဵု ကောန်သၟိၚ်ရော၊ တ္ၚဲတၟးတုဲ ဆဵုညာတ်ဒး ပိုဲဍိက်တအ်မ္ဂး ဂစိုတ်ကၠေံထောံ ဖအိုတ်ရောၚ်အဴ။ နူကၠာတ္ၚဲဟွံတၟးဏီ ဂြိပ်ပါဲတိတ်မှ ဂွံဏောၚ်ထေၚ်ရအဴ"
ရတ္တသံၚ်ရာံဝွံ ဖေက်တဴတုဲ သီုဟွံဂံၚ်တဝ်မုက်ကဵု ကောန်သၟိၚ် သွက်ဂွံဂြိပ်တိတ်ဟေၚ် စိုတ်ထတ်တဴဒၟံၚ်ရ။
"ကှ်ေ... ၝတအ် မၞိဟ်သၟတ်ဂမၠိုၚ်ဂှ် ဖေက်ချိုတ်တဴဒၟံၚ်မ္ဂးလေဝ် အဲအနော်ဗျုဏအ်ဟေၚ်ရ အာဒုၚ်ချိုတ်ဏောၚ်၊ ၝတအ် မၚ်ဒၟံၚ်ဒၞါဲဏအ်အိုတ်ညိ"
အမာတ်ဇၞော် သၟိၚ်ဇိပ်ဗြာဲလေဝ် သီုကဵုမကရောတ်ကသဝ်တဴ က္တဵုတုဲ တိတ်အာ နူမ္ၚးဂဒုက်တာဲရ။ ရတ္တသံၚ်ရာံကဵု ယောဂရာဇ်တအ်ဝွံ နကဵုမုက်မတ်ဇြကှ်ဟေၚ် သှ်ေတဴရ။ အမာတ်ဇၞော်လေဝ် ဍိုက်ကေတ် စိၚ်ၝောံမွဲတုဲ အာတဴဒၞါဲ ဒပ်ကောန်သၟိၚ်မၞုံတေံ နကဵုဍိက် ထပှ်တၠရ။
"ယွံကောန်သၟိၚ်၊ အဲဍိက် သၟိၚ်ဇိပ်ဗြာဲ ခစစိုပ်ကၠုၚ်ဇရေၚ်ရအဴ"
အမာတ်ဇၞော် သၟိၚ်ဇိပ်ဗြာဲ ကရေဲနူလ္တူစိၚ်တုဲ အာတဴရ။ ပ္ဍဲအခိၚ် အမာတ်ဇၞော်စိုပ်ဂှ် ဒှ်အခိၚ်ပယျာံ က္လေၚ်ပိတုဲ ပ္ဍဲအကာသတေံ ဂွံညာတ်ဒၟံၚ် သၟိၚ်ဂိတုညိညိရ။ သရာဲကောန်သၟိၚ်ဂမၠိုၚ်ဝွံ ညးမလွဳလွတ်တဴကဵု ညးမဒးလဝ်ဝပ်၊ ညးမကပှ်ဒၟံၚ်ဇွဂမၠိုၚ်လေဝ် ဂွံဆဵုကေတ်ဒၟံၚ်ရ။ ဒပ်သၟိၚ်မရူတုန် သရိုဟ်ဒၟံၚ်တုဲ ဒၞါဲလ္ၚဵုဂမၠိုၚ်ဂှ် ယက်ဓဂုဲတဴဒၟံၚ် အူအူဖိုဟ်ဏီရ။ သရာဲလ္ၚဵုဂှ် သွက်ကောန်သၟိၚ် သ္ဂောံဇူဒီုမာန် ပဠေဝ်တဴဒၟံၚ် တာဲဇၞူအိုတ်ရ။
"အမူအဲ၊ ကၠုၚ်ညိ"
ကောန်သၟိၚ်ဗညာနဲ ဂွံမိၚ်ကေတ်ရမျာၚ် အမာတ်ဇၞော် သၟိၚ်ဇိပ်ဗြာဲတုဲ တိတ်ဒုၚ်တၠုၚ််တဴရ။ တုဲဂှ် ကောန််သၟိၚ််၊ မညဳကာန်ကဴံၚ်၊ မၚ်ကာန်စဳ၊ ကျာ်ဇၞော်အ္စာမပိုၚ် ကေုာံ သရာဲမသၟေဟ်ဂမၠိုၚ်် သဳကၠဳတဴအိုတ်ရ။
"ယွံကောန်သၟိၚ်၊ သ္ကိုပ်ဗိုလ် ပ္ဍဲဒပ်မသၟေဟ်ဂမၠိုၚ်ဂှ် စဳရေၚ်ပလေံထောံ ဟွံထေက်ရအဴ၊ ကောန်သၞတအ် ညံၚ်ဂွံဒှ်လ္ပာ်ဇကုဂှ် ဒးသ္ပရောၚ်၊ ကောန်သၟိၚ် ဗလးကဵုလမျီုညိ၊ ကိစ္စမသၟေဟ်တအ်ဂှ် စွံတာလျိုၚ်အဲဍိက်ညိအဴ"
"ဂလာန်အမာတ်ဇၞော် မသ္ဂးဂှ် ဒးရးကွေံရ ဒေံ၊ သၞတအ်ဂှ် ဒုၚ်သစ္စ ဇရေၚ်ဇကုတုဲ ညံၚ်ဂွံဒှ် မၞိဟ်ဇကုဂှ် သ္ပထေက်ရ"
"ခိုဟ်ရ၊ ဟီုသာ်ဂှ်မ္ဂး ကော်နၚ်ဍေံတအ်ညိ"
ဟိုတ်နူက္လိဂွံ အမိၚ်ကောန်သၟိၚ်တုဲ ဍိက်ကောန်သၟိၚ်ဂမၠိုၚ်လေဝ် အာကော်နၚ် ရတ္တသံၚ်ရာံ၊ ယောဂရာဇ် ကေုာံ သ္ကိုပ်ဒပ်ဂမၠိုၚ်ရ။ သိုဟွံမွဲကဵု စိၚ်၊ ချေံ ကွာ်ကၠုၚ် နကဵုဇိုၚ်အိုတ်ရ။ သီုညးဖ္အိုတ်ဂှ် ဒှ်ညးမကျပၞာန်တုဲ နမဂစိုၚ်လဝ်က္ဍိုပ် ဂွိၚ်ဂွါဲ ဖေက်လကိုတ်ဒၟံၚ်အိုတ်ရ။
တာဲဇၞူ မသြိုၚ်ခၞံလဝ် သွက်ကောန်သၟိၚ်ဂှ်လေဝ် နွံဆအယာံမာတ် တာဲမွဲမရ၊ ကၟဳဗဒၚ် ခိုဟ်ဟ်မိုဟ်ဟ် ဟွံမွဲ၊ အခိၚ်ဗ္တံ သွက်ဂွံညာတ်ကေတ် ခိုဟ်ဟ်မာန် ခုန်လဝ် ပၟတ်တိုၚ်ကၠေၚ်သ္ဍဴ ပန်တိုၚ်ရ။
ကါလစိုပ်အာ ဇရေၚ်ကောန်သၟိၚ်ဂှ် ကောန်သၟိၚ်ဒုၚ်တဲတုဲ ဗ္စဖျုၚ်ဒုၚ်တၠုၚ်တဴရ။ ကောန်သၟိၚ်ဝွံ မုရဴဂလာန် မဆေၚ်စပ်ကဵုပၞာန်မွဲ ဟွံသ္ဂးတဴရ။ သီုညးဖအိုတ် ကါလညိၚ်ဝတ်မှ ကောန်သၟိၚ် သ္ဂးတဴဂလာန်ရ။
"ပိုဲတအ် သီုညးဖအိုတ်ဂှ် ဒှ်ညးမဒုၚ်လဝ်သစ္စကဵု မဟာဒေဝဳ ဖအိုတ်ရ။ သွက်သ္ဂောံက္လိဂွံတဴ ဍုၚ်လ္ဂုၚ်ဂှ် ဍောတ်ဇၞော်ဟွံရုဲ ဒးဂစိုတ်ဖအိုတ်ရောၚ်ဂှ် မဟာဒေဝဳ ကဵုလဝ်အမိၚ်ရ။ လၟုဟ်ဏအ် ပိုဲတအ်ဟွံဂွံဂစိုတ်၊ ဍေံတအ်ဂစိုတ်တုဲ မၞိဟ်ပိုဲတအ် ဒးချိုတ်ရ။ ပိုဲတအ်လေဝ် ဒှ်မၞိဟ်သွက်ဂွံချိုတ်ဟေၚ်ရ။ ဆဂး ကောန်သၟိၚ် သီုဟွံဂစိုတ်တဴပိုဲ ဗလးကဵုလမျီုပိုဲရောၚ် ပ္တိတ်လဝ်အမိၚ်ရ။ သွက်ကောန်သၟိၚ်ဗညာနဲ သာ်လဵုမွဲ ၝတအ် မသ္ဂးတဴအိုတ်ဂှ်ရော"
ဟိုတ်နူကဵု ကောန်သၟိၚ် ဗလးကဵုရောၚ် သ္ဂးတုဲ သ္ကိုပ်ဒပ် နူဒပ်ဗဂေါအိုဿီု မိပ်သၠောၚ်ဒၟံၚ်ရ။
"ယဝ်ကောန်သၟိၚ် ဇၞးတဴမ္ဂး ပိုဲဍိက်တအ် ဒးချိုတ်တဴဟေၚ် ထေၚ်လဝ်ရ။ ဆဂး ဟိုတ်နူကဵု ကောန်သၟိၚ်မဒ္ဂေတ်တဴ ညံၚ်ရဴဗောဓိသတ် သၠးအခေါၚ်လ္တူပိုဲဍိက်တအ်ရ။ ပိုဲဍိက်တအ်ဒုၚ်သစ္စာ ဇရေၚ်ကောန်သၟိၚ်တုဲ ညံၚ်သ္ဂောံက္လိဂွံပိုၚ်ပြဳဂွံ ဗဂေါ ဗွဲမပြဟ်တုဲ ဆက်ကွာဲကဵု ကောန်သၟိၚ်တုဲ ကဵုဂွံဆာပ်ဂုဏ်ညိအဴ"
"ယွံ ကောန်သၟိၚ်၊ ပိုဲဍိက်တအ် ဆက်ကွာဲကဵု ဍုၚ်ဗဂေါရောၚ်အဴ"
ဂွံမိၚ်ကေတ်ဂလာန် ဆက်ကွာဲကဵု ဍုၚ်ဗဂေါရောၚ်မ္ဂး ကောန်သၟိၚ်ဗညာဝွံ မိပ်သၠောၚ်ဟွံမာန်၊ လုကဴမအံက်တၠညး လမျီုဂျိုၚ်ဒၟံၚ်မ္ဂး ဟွံပၠံၚ်ၜးကေတ် ပိုန်ဘိုက်မအံက်တၠညးရဂှ် သာ်ဝွံ ဒှ်ညးမဖျေံလဝ် သန္ဓိဌာန်တုဲ ဂလာန်သၟိၚ်ယောဂရာဇ် မဂရၚ်ပ္တီဂှ် ဟွံဒးတဴဂၞပ်ရ။
"မအံက်တၠညး သီုကဵုမၞုံတဴဒၟံၚ်ဖိုဟ်၊ ပိုန်ဟာန်နန်ထဝ် မအံက်တၠညးဂှ် ဆလအ်မှ အဲဟွံပၠံၚ်ၜးကေတ်ပုဟ်"
ကါလဂှ် စဍုၚ်ဇြဲဘုံ သၟိၚ်ဗိုတ်ညး ဂရၚ်ပ္တီတဴရ။
နူလ္ဂုၚ် စိုပ်ဟံသာဝတဳ
အမာတ်ဇၞော်ဝွံ သွက်သ္ဂောံဟီုတဴဂလာန် ဇဗၠုမနွံဒၟံၚ် ပ္ဍဲကဵုပါၚ်ဂှ် ချဟ်ပ္တိတ်ဒၟံၚ် ပ္ဍဲကဵုထၟာဲတဲ ဗွဲမအိုတ်အးရ။
"ဗညာနဲဂှ် ဒှ်ကောန်တၠညးစိၚ်ဗ္တာၚ်ရ ဟွံသေၚ်ဟာ၊ သၟိၚ်မရူ ချိုတ်တ်၊ ဂျိုၚ်ၚ် မုဂွံဒှ်ရော၊ လ္ပဂွိၚ်ဒၟံၚ်ညိ"
"ယွံသၟိၚ်ဇၞော်၊ ကောန်သၟိၚ်ဗညာနဲဝွံ နူပ္ဍဲကဵုဗဂေါတေံရ ဒှ်ညးမၞုံကဵု စိုတ်ကါယ ကြမ်ကြမွဲရ၊ ညးလဵုမွဲ ဂွံဂံၚ်ဆဵုကဵု ကောန်သၟိၚ်ရော၊ တ္ၚဲတၟးတုဲ ဆဵုညာတ်ဒး ပိုဲဍိက်တအ်မ္ဂး ဂစိုတ်ကၠေံထောံ ဖအိုတ်ရောၚ်အဴ။ နူကၠာတ္ၚဲဟွံတၟးဏီ ဂြိပ်ပါဲတိတ်မှ ဂွံဏောၚ်ထေၚ်ရအဴ"
ရတ္တသံၚ်ရာံဝွံ ဖေက်တဴတုဲ သီုဟွံဂံၚ်တဝ်မုက်ကဵု ကောန်သၟိၚ် သွက်ဂွံဂြိပ်တိတ်ဟေၚ် စိုတ်ထတ်တဴဒၟံၚ်ရ။
"ကှ်ေ... ၝတအ် မၞိဟ်သၟတ်ဂမၠိုၚ်ဂှ် ဖေက်ချိုတ်တဴဒၟံၚ်မ္ဂးလေဝ် အဲအနော်ဗျုဏအ်ဟေၚ်ရ အာဒုၚ်ချိုတ်ဏောၚ်၊ ၝတအ် မၚ်ဒၟံၚ်ဒၞါဲဏအ်အိုတ်ညိ"
အမာတ်ဇၞော် သၟိၚ်ဇိပ်ဗြာဲလေဝ် သီုကဵုမကရောတ်ကသဝ်တဴ က္တဵုတုဲ တိတ်အာ နူမ္ၚးဂဒုက်တာဲရ။ ရတ္တသံၚ်ရာံကဵု ယောဂရာဇ်တအ်ဝွံ နကဵုမုက်မတ်ဇြကှ်ဟေၚ် သှ်ေတဴရ။ အမာတ်ဇၞော်လေဝ် ဍိုက်ကေတ် စိၚ်ၝောံမွဲတုဲ အာတဴဒၞါဲ ဒပ်ကောန်သၟိၚ်မၞုံတေံ နကဵုဍိက် ထပှ်တၠရ။
"ယွံကောန်သၟိၚ်၊ အဲဍိက် သၟိၚ်ဇိပ်ဗြာဲ ခစစိုပ်ကၠုၚ်ဇရေၚ်ရအဴ"
အမာတ်ဇၞော် သၟိၚ်ဇိပ်ဗြာဲ ကရေဲနူလ္တူစိၚ်တုဲ အာတဴရ။ ပ္ဍဲအခိၚ် အမာတ်ဇၞော်စိုပ်ဂှ် ဒှ်အခိၚ်ပယျာံ က္လေၚ်ပိတုဲ ပ္ဍဲအကာသတေံ ဂွံညာတ်ဒၟံၚ် သၟိၚ်ဂိတုညိညိရ။ သရာဲကောန်သၟိၚ်ဂမၠိုၚ်ဝွံ ညးမလွဳလွတ်တဴကဵု ညးမဒးလဝ်ဝပ်၊ ညးမကပှ်ဒၟံၚ်ဇွဂမၠိုၚ်လေဝ် ဂွံဆဵုကေတ်ဒၟံၚ်ရ။ ဒပ်သၟိၚ်မရူတုန် သရိုဟ်ဒၟံၚ်တုဲ ဒၞါဲလ္ၚဵုဂမၠိုၚ်ဂှ် ယက်ဓဂုဲတဴဒၟံၚ် အူအူဖိုဟ်ဏီရ။ သရာဲလ္ၚဵုဂှ် သွက်ကောန်သၟိၚ် သ္ဂောံဇူဒီုမာန် ပဠေဝ်တဴဒၟံၚ် တာဲဇၞူအိုတ်ရ။
"အမူအဲ၊ ကၠုၚ်ညိ"
ကောန်သၟိၚ်ဗညာနဲ ဂွံမိၚ်ကေတ်ရမျာၚ် အမာတ်ဇၞော် သၟိၚ်ဇိပ်ဗြာဲတုဲ တိတ်ဒုၚ်တၠုၚ််တဴရ။ တုဲဂှ် ကောန််သၟိၚ််၊ မညဳကာန်ကဴံၚ်၊ မၚ်ကာန်စဳ၊ ကျာ်ဇၞော်အ္စာမပိုၚ် ကေုာံ သရာဲမသၟေဟ်ဂမၠိုၚ်် သဳကၠဳတဴအိုတ်ရ။
"ယွံကောန်သၟိၚ်၊ သ္ကိုပ်ဗိုလ် ပ္ဍဲဒပ်မသၟေဟ်ဂမၠိုၚ်ဂှ် စဳရေၚ်ပလေံထောံ ဟွံထေက်ရအဴ၊ ကောန်သၞတအ် ညံၚ်ဂွံဒှ်လ္ပာ်ဇကုဂှ် ဒးသ္ပရောၚ်၊ ကောန်သၟိၚ် ဗလးကဵုလမျီုညိ၊ ကိစ္စမသၟေဟ်တအ်ဂှ် စွံတာလျိုၚ်အဲဍိက်ညိအဴ"
"ဂလာန်အမာတ်ဇၞော် မသ္ဂးဂှ် ဒးရးကွေံရ ဒေံ၊ သၞတအ်ဂှ် ဒုၚ်သစ္စ ဇရေၚ်ဇကုတုဲ ညံၚ်ဂွံဒှ် မၞိဟ်ဇကုဂှ် သ္ပထေက်ရ"
"ခိုဟ်ရ၊ ဟီုသာ်ဂှ်မ္ဂး ကော်နၚ်ဍေံတအ်ညိ"
ဟိုတ်နူက္လိဂွံ အမိၚ်ကောန်သၟိၚ်တုဲ ဍိက်ကောန်သၟိၚ်ဂမၠိုၚ်လေဝ် အာကော်နၚ် ရတ္တသံၚ်ရာံ၊ ယောဂရာဇ် ကေုာံ သ္ကိုပ်ဒပ်ဂမၠိုၚ်ရ။ သိုဟွံမွဲကဵု စိၚ်၊ ချေံ ကွာ်ကၠုၚ် နကဵုဇိုၚ်အိုတ်ရ။ သီုညးဖ္အိုတ်ဂှ် ဒှ်ညးမကျပၞာန်တုဲ နမဂစိုၚ်လဝ်က္ဍိုပ် ဂွိၚ်ဂွါဲ ဖေက်လကိုတ်ဒၟံၚ်အိုတ်ရ။
တာဲဇၞူ မသြိုၚ်ခၞံလဝ် သွက်ကောန်သၟိၚ်ဂှ်လေဝ် နွံဆအယာံမာတ် တာဲမွဲမရ၊ ကၟဳဗဒၚ် ခိုဟ်ဟ်မိုဟ်ဟ် ဟွံမွဲ၊ အခိၚ်ဗ္တံ သွက်ဂွံညာတ်ကေတ် ခိုဟ်ဟ်မာန် ခုန်လဝ် ပၟတ်တိုၚ်ကၠေၚ်သ္ဍဴ ပန်တိုၚ်ရ။
ကါလစိုပ်အာ ဇရေၚ်ကောန်သၟိၚ်ဂှ် ကောန်သၟိၚ်ဒုၚ်တဲတုဲ ဗ္စဖျုၚ်ဒုၚ်တၠုၚ်တဴရ။ ကောန်သၟိၚ်ဝွံ မုရဴဂလာန် မဆေၚ်စပ်ကဵုပၞာန်မွဲ ဟွံသ္ဂးတဴရ။ သီုညးဖအိုတ် ကါလညိၚ်ဝတ်မှ ကောန်သၟိၚ် သ္ဂးတဴဂလာန်ရ။
"ပိုဲတအ် သီုညးဖအိုတ်ဂှ် ဒှ်ညးမဒုၚ်လဝ်သစ္စကဵု မဟာဒေဝဳ ဖအိုတ်ရ။ သွက်သ္ဂောံက္လိဂွံတဴ ဍုၚ်လ္ဂုၚ်ဂှ် ဍောတ်ဇၞော်ဟွံရုဲ ဒးဂစိုတ်ဖအိုတ်ရောၚ်ဂှ် မဟာဒေဝဳ ကဵုလဝ်အမိၚ်ရ။ လၟုဟ်ဏအ် ပိုဲတအ်ဟွံဂွံဂစိုတ်၊ ဍေံတအ်ဂစိုတ်တုဲ မၞိဟ်ပိုဲတအ် ဒးချိုတ်ရ။ ပိုဲတအ်လေဝ် ဒှ်မၞိဟ်သွက်ဂွံချိုတ်ဟေၚ်ရ။ ဆဂး ကောန်သၟိၚ် သီုဟွံဂစိုတ်တဴပိုဲ ဗလးကဵုလမျီုပိုဲရောၚ် ပ္တိတ်လဝ်အမိၚ်ရ။ သွက်ကောန်သၟိၚ်ဗညာနဲ သာ်လဵုမွဲ ၝတအ် မသ္ဂးတဴအိုတ်ဂှ်ရော"
ဟိုတ်နူကဵု ကောန်သၟိၚ် ဗလးကဵုရောၚ် သ္ဂးတုဲ သ္ကိုပ်ဒပ် နူဒပ်ဗဂေါအိုဿီု မိပ်သၠောၚ်ဒၟံၚ်ရ။
"ယဝ်ကောန်သၟိၚ် ဇၞးတဴမ္ဂး ပိုဲဍိက်တအ် ဒးချိုတ်တဴဟေၚ် ထေၚ်လဝ်ရ။ ဆဂး ဟိုတ်နူကဵု ကောန်သၟိၚ်မဒ္ဂေတ်တဴ ညံၚ်ရဴဗောဓိသတ် သၠးအခေါၚ်လ္တူပိုဲဍိက်တအ်ရ။ ပိုဲဍိက်တအ်ဒုၚ်သစ္စာ ဇရေၚ်ကောန်သၟိၚ်တုဲ ညံၚ်သ္ဂောံက္လိဂွံပိုၚ်ပြဳဂွံ ဗဂေါ ဗွဲမပြဟ်တုဲ ဆက်ကွာဲကဵု ကောန်သၟိၚ်တုဲ ကဵုဂွံဆာပ်ဂုဏ်ညိအဴ"
"ယွံ ကောန်သၟိၚ်၊ ပိုဲဍိက်တအ် ဆက်ကွာဲကဵု ဍုၚ်ဗဂေါရောၚ်အဴ"
ဂွံမိၚ်ကေတ်ဂလာန် ဆက်ကွာဲကဵု ဍုၚ်ဗဂေါရောၚ်မ္ဂး ကောန်သၟိၚ်ဗညာဝွံ မိပ်သၠောၚ်ဟွံမာန်၊ လုကဴမအံက်တၠညး လမျီုဂျိုၚ်ဒၟံၚ်မ္ဂး ဟွံပၠံၚ်ၜးကေတ် ပိုန်ဘိုက်မအံက်တၠညးရဂှ် သာ်ဝွံ ဒှ်ညးမဖျေံလဝ် သန္ဓိဌာန်တုဲ ဂလာန်သၟိၚ်ယောဂရာဇ် မဂရၚ်ပ္တီဂှ် ဟွံဒးတဴဂၞပ်ရ။
"မအံက်တၠညး သီုကဵုမၞုံတဴဒၟံၚ်ဖိုဟ်၊ ပိုန်ဟာန်နန်ထဝ် မအံက်တၠညးဂှ် ဆလအ်မှ အဲဟွံပၠံၚ်ၜးကေတ်ပုဟ်"
ကါလဂှ် စဍုၚ်ဇြဲဘုံ သၟိၚ်ဗိုတ်ညး ဂရၚ်ပ္တီတဴရ။
"ယွံကောန်သၟိၚ်၊ လၟုဟ် သၟိၚ်မရူမဂြိပ်အာဂှ် ညံၚ်သ္ဂောံဂွံ ဗက်ဟွံဂတာပ်မ္ဂး သၟိၚ်မရူ စိုပ်ဗဂေါတုဲ ပိုဲဍိက်တအ် ဟွံစိုပ်မ္ဂး ပိုဲဍိက်တအ် မၞိဟ်အိုဿီုဂမၠိုၚ် ခစဇရေၚ် ကောန်သၟိၚ်အိုတ်ရ သာ်ဝွံသ္ဂးတုဲ ကောန်ဇာတ်သမ္ဘာ ပိုဲဍိက်တအ်ဂှ် ဖျေံကၠေံထံၚ်သ္ၚိစာတ်မ္ဂး သာ်ဂှ်ဟွံသေၚ် ပလံၚ်ဏါ မုတ္တမတေံမ္ဂး လက္ကရဴ ကောန်သၟိၚ် သွက်ဂွံဗ္တိုက်ကဵု ဗဂေါဂှ် ဝါတ်တဴရောၚ်"
"ယွံကောန်သၟိၚ်၊ ဂလာန်သ္ကိုပ်ဒပ် ဗိုတ်ညး မဂရၚ်ပ္တီဂှ် ပၟိက်ဇၞော်ဒၟံၚ်ရအဴ၊ ကောန်သမ္ဘာ ပိုဲဍိက်တအ်ဂမၠိုၚ်ဂှ်လေဝ် ကောန်သၟိၚ် ရီုဗၚ်ကဵုညိအဴ။ ကောန်သၟိၚ် စွံစိုတ်ပြဲပြဲတုဲ ဖျုၚ်ဍာ်သစ္စာကဵု သ္ကိုပ်ဒပ်ဂမၠိုၚ်တုဲ က္လေၚ်ဗလးကဵုညိအဴ။ နူကၠာတ္ၚဲဟွံတၟးဏီ ဂွံက္လေၚ်စဴဗဂေါမှ ပိုဲဍိက်တအ်ကီု သီုကောန်ဇာတ်သမ္ဘာတအ် ဂွံဗၠးဘဲရောၚ်အဴ"
"ခိုဟ်ရ၊ ၝတအ်သီုညးဖအိုတ် ဒးယဵုဒုၚ်သစ္စာ ဇရေၚ်ကျာ်လ္ဂုၚ်ရောၚ်"
ကောန်သၟိၚ်ဝွံ အတိုၚ်အမာတ်ဇၞော် သၟိၚ်ဇိပ်ဗြာဲ မကဵုကသပ် သ္ပသစ္စတုဲ သွက်ဂွံဗလးကဵုဂှ် တုပ်တဴစိုတ်ရ။ သၟိၚ်ဇိပ်ဗြာဲကဵု သ္ကိုပ်ဒပ်ဂမၠိုၚ်လေဝ် ဟိုတ်နူကဵု ကောန်ဇာတ်သမ္ဘာ ညးတအ် ညံၚ်ဂွံဗၠးဘဲလေဝ် ကောန်သၟိၚ်ရီုဗၚ်ကဵုရောၚ်တုဲ မိပ်သၠောၚ်ဒၟံၚ်အိုတ်ရ။
"ယွံကောန်သၟိၚ်၊ ယဝ်ခါရ တိုန်အာဒဵုစိုပ် ဇရေၚ်ကျာ်လ္ဂုၚ်မ္ဂး တ္ၚဲတၟးအာရောၚ်၊ ပ္ဍဲဒၞါဲဏအ်ရ နိမန်နၚ် ကျာ်ထွာဲမွဲဇကုတုဲ ကဵုတဴသစ္စာမ္ဂး ထေက်ကြိုက်ရောၚ်"
"ယွံ ကောန်သၟိၚ်၊ ဂရၚ်ကျာ်ဇၞော်အ္စာ မပ္တိုန်ထ္ၜးဂှ် ဒးရးသန်ရအဴ၊ သစ္စာဂှ် ဒၞါဲလဵုမွဲမကဵုကဵု ညးမမၚ်မွဲသစ္စာဟေၚ် ဒှ်အဓိကရအဴ"
ကျာ်လ္ဂုၚ် နွံသ္ၚောဲဒၟံၚ်ညိတုဲ ကျာ်ဇၞော်အ္စာမပိုၚ်လေဝ် ဂတးဂတန် ဇရေၚ်ကျာ်လ္ဂုၚ်မ္ဂး ဂွိၚ်ဖေက်တ္ၚဲတၟးအာတုဲ ကဵုတဴကသပ် သွက်ဂွံနိမန်နၚ် ကျာ်ထွာဲရ။ မၚ်ကာန်စဳလေဝ် တုပ်စိုတ်ကဵုကသပ် ကျာ်ဇၞော်အ္စာမပိုၚ်တုဲ ထံက်တဴဂလာန်ရ။
"ကှ်ေ သောၚ်ဂှ်တှ်ေလေဝ် နိမန်နၚ် ကျာ်ထွာဲမွဲဇကု ပြဟ်ပြဟ်အိုတ်ညိ၊ ဖ္ဍောတ်ဂါထာဒၞါဲဏအ်တုဲ ကဵုသစ္စာဏောၚ်"
ဟိုတ်နူကဵု ကောန်သၟိၚ် တုပ်စိုတ်တုဲ က္ညနိမန်နၚ် ကျာ်ထွာဲမွဲဇကု ကဵုသ္ကိုပ်ဒပ်ဗဂေါဂမၠိုၚ် ယဵုတုဲ သ္ပစၟတ်သစ္စ ဖျုၚ်တဴဍာ်သစ္စာရ။ သ္ကိုပ်ဒပ်ဂမၠိုၚ် သ္ပသစ္စတုဲ သီဂိုၚ်ကေတ် လွဟ်လက်နက်၊ စိၚ်၊ ချေံဂမၠိုၚ်ရ။ သ္ကိုပ်ဒပ်ဂမၠိုၚ်ဂှ်လေဝ် သီုလွဟ်လက်နက်ဟွံပါ နကဵုချေံ ညးမွဲမွဲဖ္ဍိုက်ဟေၚ် က္လေၚ်ဗလးဏါ ဇရေၚ်ဍုၚ်ဗဂေါတေံရ။
ပ္ဍဲပွိုၚ်မွဲဗ္တံ ဒးဗ္တိုက်တဴ အခိၚ်မွဲခဏဓဝ်ဟေၚ် ပေါဲပၞာန်ဗဂေါကဵုလ္ဂုၚ်ဝွံ ကၠာတ္ၚဲဟွံတၟးဏီဂှ် တုဲဒှ်အာရ။ အရှိုဏ်စာ်ယျဒှ်တုဲ ဂွံညာတ်ဒၟံၚ် လျးဖျဳဖျဴ လ္ပာ်ဗၟံက်တေံရ။ ပ္ဍဲကဵုဗလးစုဒရၚ်္ဂဝွံ တာဲပၞာန် မသၟေဟ်ဂမၠိုၚ်ဂှ် တူဒၟံၚ်ရ။ ပ္ဍဲမွဲလ္ပာ်ဂှ် စံၚ်ဒၟံၚ်ဇွ ညးမချိုတ်အာ ပ္ဍဲပေါဲပၞာန်ဂမၠိုၚ်အိုတ်ရ။ ဟိုတ်နူကဵု တာဲဂမၠိုၚ် ပၟတ်မတူဒၟံၚ်ကီု၊ မစံၚ်ဒၟံၚ် ဇွဂမၠိုၚ်လေဝ်ကီု၊ လျးပၟးဍာဲဂြၚ်၊ သီုယက်မဓဂုဲတဴ ရမျာၚ်မတိုဟ်တိတ်ဒၟံၚ် ဖောၚ်ဖောၚ် ဒေၚ်ဒေၚ် ဂွံမိၚ်တဴဒၟံၚ်ရ။ ထၞဟ်လ္တိုပ်မစှ်ေ အခိၚ်ပလာံဂယး ပ္ဍဲဂိတုပုဟ်ဝွံ သၟုဟ်လ္ၚပၟတ်ကဵု သၟုဟ်ယက်ဂမၠိုၚ် နှဴရဴဒၟံၚ်ရ။ ၜိုန်ဂှ် ညးမွဲလေဝ် ဟွံၜိုဟ်ဂံက်တဴရ။
~~~~~~~
ပ္ဍဲဝိုၚ်ကောံဓရီု ဍုၚ်ဟံသာဝတဳဝွံ မဟာဒေဝဳမွဲ ညံၚ်ရဴဗၟုဲၝောံမွဲ ဒေါသတိတ်ဒၟံၚ်တုဲ ကြေပ်ဂြတ်ဒၟံၚ်ရ။ မဟာဒေဝဳလေဝ် သီုကဵုမဂ္ဇအ်တဴ ပ္ဍဲတမ်ဇိုၚ်ပၞၚ် ဒၞါဲတၠညးမဂ္ဇအ် ဌာန်က္ဍိုၚ်ဗ္တာၚ်ဂှ်တုဲ မုရဴဂလာန်မွဲကီုလေဝ် ဟွံဟီုသ္ဂးတဴရ။ သၟိၚ်မရူ မၞုံဗ္ဒါဲဂှ်ကီုလေဝ် ဒဵုကဵုသက်စွံဟွံမွဲ မုက်မတ်လီုဒၟံၚ်တုဲ ဂစိုၚ်ဒၟံၚ်က္ဍိုပ်ရ။ အမာတ်ဂမၠိုၚ်လေဝ် မဟာဒေဝဳ ကော်ဘိက်တဴဂှ် ဖေက်တုဲ ကၠုၚ်စိုပ်ဒၟံၚ် ပ္ဍဲဝိုၚ်ကောံဓရီုကီုလေဝ် အမာတ်ဗွဲမဂၠိုၚ်ဂှ် ဒှ်ညးသုၚ်လဝ် ဍာ်သစ္စာ ကောန်သၟိၚ်ဗညာနဲအိုတ်ရ။ ဂလာန်လေဝ်ဟွံသ္ဂး မဟာဒေဝဳလေဝ် ဟွံဂံၚ်ရံၚ်တဴအိုတ်ရ။
"မၞးတအ်ညးဂမၠိုၚ် ဇက်အာနကဵု စိၚ်ခိုဟ်၊ ချေံခိုဟ်၊ သရာဲခိုဟ် ဗွဲမဂၠိုၚ်ကီုလေဝ် ဟွံမာန်တဴ အပသုံကဵု ထပိုဲရာံ၊ ပၟၚ်ဂၠဴတအ်ဏီဖိုဟ်ဟာ၊ ကျပၞာန်သၟး ဟွံသေၚ်ဏီ ကဵုဏါသီုစိၚ်၊ ချေံ၊ လွဟ်လက်နက်တအ်ဏီရ၊ မိၚ်ဒး သက်စွံမုက်ဟွံမွဲဟဂှ်၊ မုရော...? ဟိုတ်နူကဵု ဒေံသၟိၚ် ယဲက္ဍၚ်ဒၟံၚ်တုဲ ဣဗြဴဗျုဏအ် ကဵုဒုဟ်ဒဏ် ဟွံမာန်ပုဟ်ဂှ် ထေၚ်တုဲ မၞးတအ် သာသ္ပအ်ထောံဟာ"
ဟိုတ်နူကဵု မုက်မတ်မတီု ကေုာံ ဒေါသ မဟာဒေဝဳတုဲ ပ္ဍဲရမျာၚ် မကြံၚ်မ္ၚိုဟ်တဴဂှ် ဒှ်အရာ ဒးဖေက်ဂၟံက်တဴ ဗွဲမလောန်ရ။ အမာတ်ဂမၠိုၚ်လေဝ် ဟွံဂံၚ်ယာတဴ မုက်အိုတ်ရ။ အမာတ်ဇၞော် သၟိၚ်ဇိပ်ဗြာဲ မဒှ်ညးမဇၞော်ဂှ်ဟေၚ် ဒးဂရၚ်ပ္တီတဴ အကာဲအရာ မဍာံစၟတ်ဂှ်ရ။
"ယွံ နာဲဗြဴ၊ တၚ်ဒုဟ်ကဵု ပိုဲဍိက်တအ် ဟွံထေက်၊ ဒုဟ်ဟွံမွဲတဴအိုတ်ရ။ နူကဵုကောန်သၟိၚ်ဗညာနဲ မဗ္တိုက်ဒပ်ဟီုမ္ဂး ခမာန်တၠညး မဒှ်သ္ကိုပ်ဒပ်ဂှ် သီုကဵုမဗ္တိုက်တဴဖိုဟ် ယဝ်ခါရ ပိုဲဍိက်တအ် ဂြိပ်အိုတ်မ္ဂး ကဵုဒုဟ်ညိ၊ ပိုဲဍိက်တအ် ဒုၚ်ကေတ်ဒၟံၚ်ရ။ လၟုဟ်ဝွံတုန် သီုဟွံဆဵုညာတ်တဴ သၞိၚ်ရုပ်ခမာန်တၠညး ဒှ်ပေါဲဗ္တိုက်ဗက် ဂ္စာန်ဂြိပ်တိတ်အာ နကဵုချေံရ။ ယဝ်ခါရ ပိုဲဍိက်တအ် ဟွံဒုၚ်ဗ္တိုက်မ္ဂး လၟုဟ် အမာတ်မဂွံညာတ်တဴဒၟံၚ် ပ္ဍဲကောံဓရီုဏအ်ဂှ် နာဲဗြဴ ဂွံညာတ်တဴ ဟွံသေၚ်ရ၊ ဟိုတ်နူကဵု ပိုဲဍိက်တအ်
"ယွံကောန်သၟိၚ်၊ ဂလာန်သ္ကိုပ်ဒပ် ဗိုတ်ညး မဂရၚ်ပ္တီဂှ် ပၟိက်ဇၞော်ဒၟံၚ်ရအဴ၊ ကောန်သမ္ဘာ ပိုဲဍိက်တအ်ဂမၠိုၚ်ဂှ်လေဝ် ကောန်သၟိၚ် ရီုဗၚ်ကဵုညိအဴ။ ကောန်သၟိၚ် စွံစိုတ်ပြဲပြဲတုဲ ဖျုၚ်ဍာ်သစ္စာကဵု သ္ကိုပ်ဒပ်ဂမၠိုၚ်တုဲ က္လေၚ်ဗလးကဵုညိအဴ။ နူကၠာတ္ၚဲဟွံတၟးဏီ ဂွံက္လေၚ်စဴဗဂေါမှ ပိုဲဍိက်တအ်ကီု သီုကောန်ဇာတ်သမ္ဘာတအ် ဂွံဗၠးဘဲရောၚ်အဴ"
"ခိုဟ်ရ၊ ၝတအ်သီုညးဖအိုတ် ဒးယဵုဒုၚ်သစ္စာ ဇရေၚ်ကျာ်လ္ဂုၚ်ရောၚ်"
ကောန်သၟိၚ်ဝွံ အတိုၚ်အမာတ်ဇၞော် သၟိၚ်ဇိပ်ဗြာဲ မကဵုကသပ် သ္ပသစ္စတုဲ သွက်ဂွံဗလးကဵုဂှ် တုပ်တဴစိုတ်ရ။ သၟိၚ်ဇိပ်ဗြာဲကဵု သ္ကိုပ်ဒပ်ဂမၠိုၚ်လေဝ် ဟိုတ်နူကဵု ကောန်ဇာတ်သမ္ဘာ ညးတအ် ညံၚ်ဂွံဗၠးဘဲလေဝ် ကောန်သၟိၚ်ရီုဗၚ်ကဵုရောၚ်တုဲ မိပ်သၠောၚ်ဒၟံၚ်အိုတ်ရ။
"ယွံကောန်သၟိၚ်၊ ယဝ်ခါရ တိုန်အာဒဵုစိုပ် ဇရေၚ်ကျာ်လ္ဂုၚ်မ္ဂး တ္ၚဲတၟးအာရောၚ်၊ ပ္ဍဲဒၞါဲဏအ်ရ နိမန်နၚ် ကျာ်ထွာဲမွဲဇကုတုဲ ကဵုတဴသစ္စာမ္ဂး ထေက်ကြိုက်ရောၚ်"
"ယွံ ကောန်သၟိၚ်၊ ဂရၚ်ကျာ်ဇၞော်အ္စာ မပ္တိုန်ထ္ၜးဂှ် ဒးရးသန်ရအဴ၊ သစ္စာဂှ် ဒၞါဲလဵုမွဲမကဵုကဵု ညးမမၚ်မွဲသစ္စာဟေၚ် ဒှ်အဓိကရအဴ"
ကျာ်လ္ဂုၚ် နွံသ္ၚောဲဒၟံၚ်ညိတုဲ ကျာ်ဇၞော်အ္စာမပိုၚ်လေဝ် ဂတးဂတန် ဇရေၚ်ကျာ်လ္ဂုၚ်မ္ဂး ဂွိၚ်ဖေက်တ္ၚဲတၟးအာတုဲ ကဵုတဴကသပ် သွက်ဂွံနိမန်နၚ် ကျာ်ထွာဲရ။ မၚ်ကာန်စဳလေဝ် တုပ်စိုတ်ကဵုကသပ် ကျာ်ဇၞော်အ္စာမပိုၚ်တုဲ ထံက်တဴဂလာန်ရ။
"ကှ်ေ သောၚ်ဂှ်တှ်ေလေဝ် နိမန်နၚ် ကျာ်ထွာဲမွဲဇကု ပြဟ်ပြဟ်အိုတ်ညိ၊ ဖ္ဍောတ်ဂါထာဒၞါဲဏအ်တုဲ ကဵုသစ္စာဏောၚ်"
ဟိုတ်နူကဵု ကောန်သၟိၚ် တုပ်စိုတ်တုဲ က္ညနိမန်နၚ် ကျာ်ထွာဲမွဲဇကု ကဵုသ္ကိုပ်ဒပ်ဗဂေါဂမၠိုၚ် ယဵုတုဲ သ္ပစၟတ်သစ္စ ဖျုၚ်တဴဍာ်သစ္စာရ။ သ္ကိုပ်ဒပ်ဂမၠိုၚ် သ္ပသစ္စတုဲ သီဂိုၚ်ကေတ် လွဟ်လက်နက်၊ စိၚ်၊ ချေံဂမၠိုၚ်ရ။ သ္ကိုပ်ဒပ်ဂမၠိုၚ်ဂှ်လေဝ် သီုလွဟ်လက်နက်ဟွံပါ နကဵုချေံ ညးမွဲမွဲဖ္ဍိုက်ဟေၚ် က္လေၚ်ဗလးဏါ ဇရေၚ်ဍုၚ်ဗဂေါတေံရ။
ပ္ဍဲပွိုၚ်မွဲဗ္တံ ဒးဗ္တိုက်တဴ အခိၚ်မွဲခဏဓဝ်ဟေၚ် ပေါဲပၞာန်ဗဂေါကဵုလ္ဂုၚ်ဝွံ ကၠာတ္ၚဲဟွံတၟးဏီဂှ် တုဲဒှ်အာရ။ အရှိုဏ်စာ်ယျဒှ်တုဲ ဂွံညာတ်ဒၟံၚ် လျးဖျဳဖျဴ လ္ပာ်ဗၟံက်တေံရ။ ပ္ဍဲကဵုဗလးစုဒရၚ်္ဂဝွံ တာဲပၞာန် မသၟေဟ်ဂမၠိုၚ်ဂှ် တူဒၟံၚ်ရ။ ပ္ဍဲမွဲလ္ပာ်ဂှ် စံၚ်ဒၟံၚ်ဇွ ညးမချိုတ်အာ ပ္ဍဲပေါဲပၞာန်ဂမၠိုၚ်အိုတ်ရ။ ဟိုတ်နူကဵု တာဲဂမၠိုၚ် ပၟတ်မတူဒၟံၚ်ကီု၊ မစံၚ်ဒၟံၚ် ဇွဂမၠိုၚ်လေဝ်ကီု၊ လျးပၟးဍာဲဂြၚ်၊ သီုယက်မဓဂုဲတဴ ရမျာၚ်မတိုဟ်တိတ်ဒၟံၚ် ဖောၚ်ဖောၚ် ဒေၚ်ဒေၚ် ဂွံမိၚ်တဴဒၟံၚ်ရ။ ထၞဟ်လ္တိုပ်မစှ်ေ အခိၚ်ပလာံဂယး ပ္ဍဲဂိတုပုဟ်ဝွံ သၟုဟ်လ္ၚပၟတ်ကဵု သၟုဟ်ယက်ဂမၠိုၚ် နှဴရဴဒၟံၚ်ရ။ ၜိုန်ဂှ် ညးမွဲလေဝ် ဟွံၜိုဟ်ဂံက်တဴရ။
ပ္ဍဲဝိုၚ်ကောံဓရီု ဍုၚ်ဟံသာဝတဳဝွံ မဟာဒေဝဳမွဲ ညံၚ်ရဴဗၟုဲၝောံမွဲ ဒေါသတိတ်ဒၟံၚ်တုဲ ကြေပ်ဂြတ်ဒၟံၚ်ရ။ မဟာဒေဝဳလေဝ် သီုကဵုမဂ္ဇအ်တဴ ပ္ဍဲတမ်ဇိုၚ်ပၞၚ် ဒၞါဲတၠညးမဂ္ဇအ် ဌာန်က္ဍိုၚ်ဗ္တာၚ်ဂှ်တုဲ မုရဴဂလာန်မွဲကီုလေဝ် ဟွံဟီုသ္ဂးတဴရ။ သၟိၚ်မရူ မၞုံဗ္ဒါဲဂှ်ကီုလေဝ် ဒဵုကဵုသက်စွံဟွံမွဲ မုက်မတ်လီုဒၟံၚ်တုဲ ဂစိုၚ်ဒၟံၚ်က္ဍိုပ်ရ။ အမာတ်ဂမၠိုၚ်လေဝ် မဟာဒေဝဳ ကော်ဘိက်တဴဂှ် ဖေက်တုဲ ကၠုၚ်စိုပ်ဒၟံၚ် ပ္ဍဲဝိုၚ်ကောံဓရီုကီုလေဝ် အမာတ်ဗွဲမဂၠိုၚ်ဂှ် ဒှ်ညးသုၚ်လဝ် ဍာ်သစ္စာ ကောန်သၟိၚ်ဗညာနဲအိုတ်ရ။ ဂလာန်လေဝ်ဟွံသ္ဂး မဟာဒေဝဳလေဝ် ဟွံဂံၚ်ရံၚ်တဴအိုတ်ရ။
"မၞးတအ်ညးဂမၠိုၚ် ဇက်အာနကဵု စိၚ်ခိုဟ်၊ ချေံခိုဟ်၊ သရာဲခိုဟ် ဗွဲမဂၠိုၚ်ကီုလေဝ် ဟွံမာန်တဴ အပသုံကဵု ထပိုဲရာံ၊ ပၟၚ်ဂၠဴတအ်ဏီဖိုဟ်ဟာ၊ ကျပၞာန်သၟး ဟွံသေၚ်ဏီ ကဵုဏါသီုစိၚ်၊ ချေံ၊ လွဟ်လက်နက်တအ်ဏီရ၊ မိၚ်ဒး သက်စွံမုက်ဟွံမွဲဟဂှ်၊ မုရော...? ဟိုတ်နူကဵု ဒေံသၟိၚ် ယဲက္ဍၚ်ဒၟံၚ်တုဲ ဣဗြဴဗျုဏအ် ကဵုဒုဟ်ဒဏ် ဟွံမာန်ပုဟ်ဂှ် ထေၚ်တုဲ မၞးတအ် သာသ္ပအ်ထောံဟာ"
ဟိုတ်နူကဵု မုက်မတ်မတီု ကေုာံ ဒေါသ မဟာဒေဝဳတုဲ ပ္ဍဲရမျာၚ် မကြံၚ်မ္ၚိုဟ်တဴဂှ် ဒှ်အရာ ဒးဖေက်ဂၟံက်တဴ ဗွဲမလောန်ရ။ အမာတ်ဂမၠိုၚ်လေဝ် ဟွံဂံၚ်ယာတဴ မုက်အိုတ်ရ။ အမာတ်ဇၞော် သၟိၚ်ဇိပ်ဗြာဲ မဒှ်ညးမဇၞော်ဂှ်ဟေၚ် ဒးဂရၚ်ပ္တီတဴ အကာဲအရာ မဍာံစၟတ်ဂှ်ရ။
"ယွံ နာဲဗြဴ၊ တၚ်ဒုဟ်ကဵု ပိုဲဍိက်တအ် ဟွံထေက်၊ ဒုဟ်ဟွံမွဲတဴအိုတ်ရ။ နူကဵုကောန်သၟိၚ်ဗညာနဲ မဗ္တိုက်ဒပ်ဟီုမ္ဂး ခမာန်တၠညး မဒှ်သ္ကိုပ်ဒပ်ဂှ် သီုကဵုမဗ္တိုက်တဴဖိုဟ် ယဝ်ခါရ ပိုဲဍိက်တအ် ဂြိပ်အိုတ်မ္ဂး ကဵုဒုဟ်ညိ၊ ပိုဲဍိက်တအ် ဒုၚ်ကေတ်ဒၟံၚ်ရ။ လၟုဟ်ဝွံတုန် သီုဟွံဆဵုညာတ်တဴ သၞိၚ်ရုပ်ခမာန်တၠညး ဒှ်ပေါဲဗ္တိုက်ဗက် ဂ္စာန်ဂြိပ်တိတ်အာ နကဵုချေံရ။ ယဝ်ခါရ ပိုဲဍိက်တအ် ဟွံဒုၚ်ဗ္တိုက်မ္ဂး လၟုဟ် အမာတ်မဂွံညာတ်တဴဒၟံၚ် ပ္ဍဲကောံဓရီုဏအ်ဂှ် နာဲဗြဴ ဂွံညာတ်တဴ ဟွံသေၚ်ရ၊ ဟိုတ်နူကဵု ပိုဲဍိက်တအ်
ဒုၚ်ဗ္တိုက်တဴဟေၚ် ဂွံစိုပ်ကၠုၚ် ဇရေၚ်ဗဂေါဏအ်ရအဴ"
ဗွဲမဂံၚ်သ္ကာ အမာတ်ဇၞော် သ္ၚဳရံၚ်တဴ သၟိၚ်မရူတုဲ ဂရၚ်ပ္တီတဴရ။ သၟိၚ်မရူဝွံ ၜိုန်ရ ဒုၚ်ဂလာန် အမာတ်ဇၞော် ဟွံမာန်ကီုလေဝ် ဟိုတ်နူဍာံစၟတ်ဒၟံၚ်တုဲ မုရဴမွဲ ဟွံဂံၚ်ဟီုသ္ဂးတဴရ။
"ဟာ..."
မဟာဒေဝဳဝွံ ဗစေအ်ရံၚ်တဴ သၟိၚ်မရူ နကဵုဒကဴမတ်တုဲ ကပိုက်ဖျေံ ယဝီုရ။
"ညံၚ်ဍုၚ်ဟံသာဝတဳ သ္ဂောံခိုၚ်ကၠိုက်ဗိုန်ဗတ်ဟေၚ် ပဠေဝ်တဴအိုတ်ညိ"
ၜိုန်ရ မဟာဒေဝဳ ကဵုအမိၚ်လေဝ် သီုညးဖအိုတ် မုဟွံချဳဒရာၚ်မွဲသာ် သီုဟွံမွဲတဴကဵု မဒးက္လေၚ်သဳကၠဳ၊ မဟီုသ္ဂးဂမၠိုၚ်ရ။ မဟာဒေဝဳလေဝ် လအ်ဂွံမွဲခဏ က္တဵုစဴအာရ။ သၟိၚ်မရူလေဝ် သိုဟွံဗက်အာ ကရောံမဟာဒေဝဳ က္လေၚ်စဴအာ ဇရေၚ်သ္ၚိနန်ဇကု ဟေၚ်ရ။ မြဴသာ်ဝွံ စဴအိုတ်တုဲမှ အမာတ်ဂမၠိုၚ်လေဝ် က္လေၚ်စဴအာအိုတ်ကီုရ။
ပ္ဍဲတ္ၚဲဂတဂမၠိုၚ်ဝွံ သၟိၚ်တၠညးစိၚ်ဗ္တာၚ်လေဝ် ဒဵုကဵုဟွံတီကေတ်မၞိဟ် ယဲက္ဍၚ်ကၠုၚ်တုဲ သီုစဟွံလုပ် ဟိုတ်နူကဵု ဂိပ္ဍဲသၟန်ပါၚ်တုဲ ဍာ်သွကီုလေဝ် ၚိတ်တဴဟွံမာန်ရ။ သၟိၚ်မရူကီုလေဝ် ပဠေဝ်တဴဒၟံၚ် မြံၚ်ဍာ်ကၟာၚ်ဍုၚ် အဖဝ်အမာတ်ဂမၠိုၚ်ကီုရ။ အမာတ်ဂမၠိုၚ်လေဝ် ဟိုတ်နူဖေက်တဴ မဟာဒေဝဳတုဲဟေၚ် ၜိုတ်သၟိၚ်မရူ မစကာဂှ် ၜိုန်ရကၠောန်ဒၟံၚ်ကီုလေဝ် စိုတ်ဟွံပါတဴရ။ အမာတ်ဇၞော် သၟိၚ်ဇိပ်ဗြာဲတအ်လေဝ် ပရိုၚ်ဍုၚ်ဟံသာဝတဳဂမၠိုၚ်ဂှ် ပလံၚ်တဴဒၟံၚ်ဇရေၚ် ကောန်သၟိၚ်ဗညာနဲ ဟွံဂွံသ္ကုတ်ခြာတဴရ။
ကောန်သၟိၚ်ဗညာနဲလေဝ် ဂွံဇၞးကေတ် ဒပ်သၟိၚ်မရုတုဲ သ္ပဒတဴဒၟံၚ် ပ္ဍဲဍုၚ်လ္ဂုၚ်ဟေၚ်ရ။ ညးမကၠုၚ်ဂၠေၚ်လျိုၚ် ပ္ဍဲဍုၚ်လ္ဂုၚ်ဂမၠိုၚ် မွဲတ္ၚဲတုဲမွဲတ္ၚဲ ဟိုတ်နူမဂၠိုၚ်ကၠုၚ်တုဲ ဒြဟတ်သာတုဲ ဍိုက်ပေၚ်ကၠုၚ်ရ။ ကောယဴညး မညဳကာန်ကံၚ်ဝွံလေဝ် ဟိုတ်နူဒေံဂှ် ဟွံဂွံသီနန်ဏီတုဲ ဟွံဂွံစဴ ဍုၚ်ဒလဏီ၊ ပၟိက်ဒှ်ကၠုၚ်မ္ဂး သွက်ဂွံရီုဗၚ်ဗ္တိုက်ကဵုဂှ် နွံတဴဒၟံၚ် ပ္ဍဲကဵုဍုၚ်လ္ဂုၚ်ရ။
ပ္ဍဲမွဲတ္ၚဲဂှ် လိက်အမာတ်ဇၞော် သၟိၚ်ဇိပ်ဗြာဲ မပလံၚ်နၚ် နူကဵုဗဂေါဝွံ စိုပ်ကၠုၚ်ဇရေၚ် ကောန်သၟိၚ်ဗညာနဲ ပ္ဍဲဍုၚ်လ္ဂုၚ်ဏအ်ရ။ နူအလန် ကၠာကၠာတေံလေဝ် ၜိုန်ရလိက် စိုပ်ဒၟံၚ်ကီုလေဝ် လိက်မပလံၚ်နၚ်လၟုဟ်ဝွံ ကါလတခဳလိက် ဗှ်ထ္ၜးကဵုတုဲ ပ္ဍဲကဵုဂၠမ်စိုတ် ကောန်သၟိၚ်ဗညာနဲတေံ ဟွံသာယျာကၠုၚ်ရ။ လိက်ဝွံ ဟိုတ်နူဒှ်လိက် ပၟိက်ကိစ္စဇၞော်တုဲ သီုညးဖအိုတ် ကောံစိုပ်ဒၟံၚ် ဇရေၚ်ကောန်သၟိၚ်အိုတ်ရ။ လိက်ပၠန်လေဝ် ဍန်ဍန်ဂၠိဂၠိဟေၚ်...
"တၠညးစိၚ်ဗ္တာၚ် စဵုကဵုဟွံတီကေတ်မၞိဟ် ယဲက္ဍၚ်ဒၟံၚ်ရ။ တၚ်စၟဳ ဟွံမွဲတဴဂှ်ရ ကောန်သၟိၚ် ဇက်အာဇရေၚ် ဍုၚ်ဗဂေါထေက်ရအဴ"
မြဴသာ်ဝွံ ဍန်ဍန်ဂၠိဂၠိဟေၚ် ချူတဴလဝ်ရ။ ကောန်သၟိၚ်လေဝ် မုရဴမွဲဟွံဟီုသ္ဂးတဴရ၊ သီုညးဖအိုတ်လေဝ် မုက်မတ်ကောန်သၟိၚ် ဇြကှ်ဒၟံၚ်ဂှ်ရံၚ်တုဲ မုရဴမွဲလေဝ် ဟွံသ္ဂးတဴကီုရ။ လအ်ဂွံမွဲခဏ ကောယဴညး စဍုၚ်ဒလဂှ် မံၚ်ဟွံမညန်တုဲ သ္ဂးတိုန်ဂလာန်ရ။
"ယွံ ဒေံအဲ ၜိုန်ရစိုတ်ဟွံခိုဟ်ကီုလေဝ် ပရေၚ်ပၞာန် နွံတဴစီရ။ ခၠန်ထောံလတ်သၞဂျ် ဟွံထေက်၊ ဇက်အာဗဂေါတေံဂွံရ"
ကောန်သၟိၚ်လေဝ် ကါလဂွံမိၚ်ကေတ် ဂလာန်ကောယဴမှ ချပ်ဂွံအာ သွက်ပရေၚ် ဟွံအာစိုပ်ဒတုဲလဝ်ဂမၠိုၚ် တအ်ဂှ်ရ။
"ခိုဟ်ရ၊ သဝ်တ္ၚဲဏအ် ကၠာတ္ၚဲဟွံဒတုံတိဏီ ပိုဲတအ် ဇက်အာဗဂေါဏောၚ်။ ဒပ်အိုဿီု ကဵုပဠေဝ်လဝ်ညိ"
ကောန်သၟိၚ်ဗညာနဲဝွံ ဇဖန်ဂှ် စဳဇန်တဴ ပရေၚ်ပၞာန်ဂမၠိုၚ်ရ။
"ယွံ စောဒရိုက် ကဵု ဝါဂမော၊ ဒပ်ဂၠုၚ်ၝတအ် ၜိုတ်မနွံဂှ် ဇက်အာ ဇရေၚ်ဗဂေါညိ၊ မၚ်ဒၟံၚ်အဲ ပ္ဍဲဗ္ဒိုပ်မုဟ်သပျအ်ညိ"
"အတိုၚ်အမိၚ် အသံရအဴ"
"မသာံကေဲကဵု သၟိၚ်ဗဂေါ၊ ၝတအ်မၞိဟ်ၜါဂှ် ပ္ကောံလဝ်သရာဲ ပ္ဍဲလ္ဂုၚ်ဏအ်တုဲ မၚ်မွဲလဝ်ဍုၚ်လ္ဂုၚ် ညံၚ်ဂွံခိုၚ်ကၠိုက်ညိ၊ သ္ကိုပ်ဒပ်မသၟေဟ် အိုဿီုတအ်ဂှ် ဖက်အာဗဂေါတေံ ကရောံအဲရောၚ်"
"အတိုၚ်အမိၚ် အသံရအဴ"
ဟိုတ်မဂွံဇၞးလဝ်ပေါဲပၞာန် အလန်ပထမ ဗွဲကိုပ်ကၠာတုဲ ရမျာၚ်သရာဲဂမၠိုၚ် မၞုံတဴကဵုစိုတ်ဇၞးဝွံ ဗြုလလောၚ်တိတ်အာ နူအပ္ဍဲၚ္ၚိနန် ကောန်သၟိၚ်ရ။ ကောယဴညး စဍုၚ်ဒလလေဝ် ဟိုတ်နူမဒးဇက်အာ ဗဂေါဂှ် မိပ်သၠောၚ်ဒၟံၚ်တုဲ သွက်ဂွံပဠေဝ်တဴဒပ် အေန်တိုန်စဴရ။
"ကောယဴ..."
မိၚ်ရမျာၚ် ကောန်သၟိၚ်ဂှ် လဂါံဇိုၚ် မညဳကာန်ကံၚ် ဒေါံအာတုဲ ဂတးကၠုၚ် ဇရေၚ်ကောန်သၟိၚ်ရ။
"ကောယဴ စဴအာဒလတုဲ၊ ဒပ်မံၚ်မလ ဇက်ကၠုၚ်မ္ဂး ဒုၚ်ကဵုညံၚ်ဂွံမာန်ညိ"
ဟိုတ်နူဂလာန် ကောန်သၟိၚ်တုဲ ဓဝ်မိပ်မြဟ် မညဳကာန်ကံၚ်ဂမၠိုၚ် ဒးလီုလာ်အာရ။ ၜိုန်ဂှ်လေဝ် ဟွံစးတဴ အမိၚ်ဒေံဂှ်ရ။ ဒပ်မညဳကာန်ကံၚ်ဂမၠိုၚ်ဝွံ နူကၠာဒပ် ကေညန်သၟိၚ်တအ် ဟွံဂွံဇက်အာဗဂေါတေံဏီ စဴအာဇရေၚ် ဍုၚ်ဒလတေံအိုတ်ရ။
ဆက်ဗှ်အာ သ္ကုတ် ၅၄ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #သၟိၚ်မရူ
#The Sunrise of Hongsawatoi
ဗွဲမဂံၚ်သ္ကာ အမာတ်ဇၞော် သ္ၚဳရံၚ်တဴ သၟိၚ်မရူတုဲ ဂရၚ်ပ္တီတဴရ။ သၟိၚ်မရူဝွံ ၜိုန်ရ ဒုၚ်ဂလာန် အမာတ်ဇၞော် ဟွံမာန်ကီုလေဝ် ဟိုတ်နူဍာံစၟတ်ဒၟံၚ်တုဲ မုရဴမွဲ ဟွံဂံၚ်ဟီုသ္ဂးတဴရ။
"ဟာ..."
မဟာဒေဝဳဝွံ ဗစေအ်ရံၚ်တဴ သၟိၚ်မရူ နကဵုဒကဴမတ်တုဲ ကပိုက်ဖျေံ ယဝီုရ။
"ညံၚ်ဍုၚ်ဟံသာဝတဳ သ္ဂောံခိုၚ်ကၠိုက်ဗိုန်ဗတ်ဟေၚ် ပဠေဝ်တဴအိုတ်ညိ"
ၜိုန်ရ မဟာဒေဝဳ ကဵုအမိၚ်လေဝ် သီုညးဖအိုတ် မုဟွံချဳဒရာၚ်မွဲသာ် သီုဟွံမွဲတဴကဵု မဒးက္လေၚ်သဳကၠဳ၊ မဟီုသ္ဂးဂမၠိုၚ်ရ။ မဟာဒေဝဳလေဝ် လအ်ဂွံမွဲခဏ က္တဵုစဴအာရ။ သၟိၚ်မရူလေဝ် သိုဟွံဗက်အာ ကရောံမဟာဒေဝဳ က္လေၚ်စဴအာ ဇရေၚ်သ္ၚိနန်ဇကု ဟေၚ်ရ။ မြဴသာ်ဝွံ စဴအိုတ်တုဲမှ အမာတ်ဂမၠိုၚ်လေဝ် က္လေၚ်စဴအာအိုတ်ကီုရ။
ပ္ဍဲတ္ၚဲဂတဂမၠိုၚ်ဝွံ သၟိၚ်တၠညးစိၚ်ဗ္တာၚ်လေဝ် ဒဵုကဵုဟွံတီကေတ်မၞိဟ် ယဲက္ဍၚ်ကၠုၚ်တုဲ သီုစဟွံလုပ် ဟိုတ်နူကဵု ဂိပ္ဍဲသၟန်ပါၚ်တုဲ ဍာ်သွကီုလေဝ် ၚိတ်တဴဟွံမာန်ရ။ သၟိၚ်မရူကီုလေဝ် ပဠေဝ်တဴဒၟံၚ် မြံၚ်ဍာ်ကၟာၚ်ဍုၚ် အဖဝ်အမာတ်ဂမၠိုၚ်ကီုရ။ အမာတ်ဂမၠိုၚ်လေဝ် ဟိုတ်နူဖေက်တဴ မဟာဒေဝဳတုဲဟေၚ် ၜိုတ်သၟိၚ်မရူ မစကာဂှ် ၜိုန်ရကၠောန်ဒၟံၚ်ကီုလေဝ် စိုတ်ဟွံပါတဴရ။ အမာတ်ဇၞော် သၟိၚ်ဇိပ်ဗြာဲတအ်လေဝ် ပရိုၚ်ဍုၚ်ဟံသာဝတဳဂမၠိုၚ်ဂှ် ပလံၚ်တဴဒၟံၚ်ဇရေၚ် ကောန်သၟိၚ်ဗညာနဲ ဟွံဂွံသ္ကုတ်ခြာတဴရ။
ကောန်သၟိၚ်ဗညာနဲလေဝ် ဂွံဇၞးကေတ် ဒပ်သၟိၚ်မရုတုဲ သ္ပဒတဴဒၟံၚ် ပ္ဍဲဍုၚ်လ္ဂုၚ်ဟေၚ်ရ။ ညးမကၠုၚ်ဂၠေၚ်လျိုၚ် ပ္ဍဲဍုၚ်လ္ဂုၚ်ဂမၠိုၚ် မွဲတ္ၚဲတုဲမွဲတ္ၚဲ ဟိုတ်နူမဂၠိုၚ်ကၠုၚ်တုဲ ဒြဟတ်သာတုဲ ဍိုက်ပေၚ်ကၠုၚ်ရ။ ကောယဴညး မညဳကာန်ကံၚ်ဝွံလေဝ် ဟိုတ်နူဒေံဂှ် ဟွံဂွံသီနန်ဏီတုဲ ဟွံဂွံစဴ ဍုၚ်ဒလဏီ၊ ပၟိက်ဒှ်ကၠုၚ်မ္ဂး သွက်ဂွံရီုဗၚ်ဗ္တိုက်ကဵုဂှ် နွံတဴဒၟံၚ် ပ္ဍဲကဵုဍုၚ်လ္ဂုၚ်ရ။
ပ္ဍဲမွဲတ္ၚဲဂှ် လိက်အမာတ်ဇၞော် သၟိၚ်ဇိပ်ဗြာဲ မပလံၚ်နၚ် နူကဵုဗဂေါဝွံ စိုပ်ကၠုၚ်ဇရေၚ် ကောန်သၟိၚ်ဗညာနဲ ပ္ဍဲဍုၚ်လ္ဂုၚ်ဏအ်ရ။ နူအလန် ကၠာကၠာတေံလေဝ် ၜိုန်ရလိက် စိုပ်ဒၟံၚ်ကီုလေဝ် လိက်မပလံၚ်နၚ်လၟုဟ်ဝွံ ကါလတခဳလိက် ဗှ်ထ္ၜးကဵုတုဲ ပ္ဍဲကဵုဂၠမ်စိုတ် ကောန်သၟိၚ်ဗညာနဲတေံ ဟွံသာယျာကၠုၚ်ရ။ လိက်ဝွံ ဟိုတ်နူဒှ်လိက် ပၟိက်ကိစ္စဇၞော်တုဲ သီုညးဖအိုတ် ကောံစိုပ်ဒၟံၚ် ဇရေၚ်ကောန်သၟိၚ်အိုတ်ရ။ လိက်ပၠန်လေဝ် ဍန်ဍန်ဂၠိဂၠိဟေၚ်...
"တၠညးစိၚ်ဗ္တာၚ် စဵုကဵုဟွံတီကေတ်မၞိဟ် ယဲက္ဍၚ်ဒၟံၚ်ရ။ တၚ်စၟဳ ဟွံမွဲတဴဂှ်ရ ကောန်သၟိၚ် ဇက်အာဇရေၚ် ဍုၚ်ဗဂေါထေက်ရအဴ"
မြဴသာ်ဝွံ ဍန်ဍန်ဂၠိဂၠိဟေၚ် ချူတဴလဝ်ရ။ ကောန်သၟိၚ်လေဝ် မုရဴမွဲဟွံဟီုသ္ဂးတဴရ၊ သီုညးဖအိုတ်လေဝ် မုက်မတ်ကောန်သၟိၚ် ဇြကှ်ဒၟံၚ်ဂှ်ရံၚ်တုဲ မုရဴမွဲလေဝ် ဟွံသ္ဂးတဴကီုရ။ လအ်ဂွံမွဲခဏ ကောယဴညး စဍုၚ်ဒလဂှ် မံၚ်ဟွံမညန်တုဲ သ္ဂးတိုန်ဂလာန်ရ။
"ယွံ ဒေံအဲ ၜိုန်ရစိုတ်ဟွံခိုဟ်ကီုလေဝ် ပရေၚ်ပၞာန် နွံတဴစီရ။ ခၠန်ထောံလတ်သၞဂျ် ဟွံထေက်၊ ဇက်အာဗဂေါတေံဂွံရ"
ကောန်သၟိၚ်လေဝ် ကါလဂွံမိၚ်ကေတ် ဂလာန်ကောယဴမှ ချပ်ဂွံအာ သွက်ပရေၚ် ဟွံအာစိုပ်ဒတုဲလဝ်ဂမၠိုၚ် တအ်ဂှ်ရ။
"ခိုဟ်ရ၊ သဝ်တ္ၚဲဏအ် ကၠာတ္ၚဲဟွံဒတုံတိဏီ ပိုဲတအ် ဇက်အာဗဂေါဏောၚ်။ ဒပ်အိုဿီု ကဵုပဠေဝ်လဝ်ညိ"
ကောန်သၟိၚ်ဗညာနဲဝွံ ဇဖန်ဂှ် စဳဇန်တဴ ပရေၚ်ပၞာန်ဂမၠိုၚ်ရ။
"ယွံ စောဒရိုက် ကဵု ဝါဂမော၊ ဒပ်ဂၠုၚ်ၝတအ် ၜိုတ်မနွံဂှ် ဇက်အာ ဇရေၚ်ဗဂေါညိ၊ မၚ်ဒၟံၚ်အဲ ပ္ဍဲဗ္ဒိုပ်မုဟ်သပျအ်ညိ"
"အတိုၚ်အမိၚ် အသံရအဴ"
"မသာံကေဲကဵု သၟိၚ်ဗဂေါ၊ ၝတအ်မၞိဟ်ၜါဂှ် ပ္ကောံလဝ်သရာဲ ပ္ဍဲလ္ဂုၚ်ဏအ်တုဲ မၚ်မွဲလဝ်ဍုၚ်လ္ဂုၚ် ညံၚ်ဂွံခိုၚ်ကၠိုက်ညိ၊ သ္ကိုပ်ဒပ်မသၟေဟ် အိုဿီုတအ်ဂှ် ဖက်အာဗဂေါတေံ ကရောံအဲရောၚ်"
"အတိုၚ်အမိၚ် အသံရအဴ"
ဟိုတ်မဂွံဇၞးလဝ်ပေါဲပၞာန် အလန်ပထမ ဗွဲကိုပ်ကၠာတုဲ ရမျာၚ်သရာဲဂမၠိုၚ် မၞုံတဴကဵုစိုတ်ဇၞးဝွံ ဗြုလလောၚ်တိတ်အာ နူအပ္ဍဲၚ္ၚိနန် ကောန်သၟိၚ်ရ။ ကောယဴညး စဍုၚ်ဒလလေဝ် ဟိုတ်နူမဒးဇက်အာ ဗဂေါဂှ် မိပ်သၠောၚ်ဒၟံၚ်တုဲ သွက်ဂွံပဠေဝ်တဴဒပ် အေန်တိုန်စဴရ။
"ကောယဴ..."
မိၚ်ရမျာၚ် ကောန်သၟိၚ်ဂှ် လဂါံဇိုၚ် မညဳကာန်ကံၚ် ဒေါံအာတုဲ ဂတးကၠုၚ် ဇရေၚ်ကောန်သၟိၚ်ရ။
"ကောယဴ စဴအာဒလတုဲ၊ ဒပ်မံၚ်မလ ဇက်ကၠုၚ်မ္ဂး ဒုၚ်ကဵုညံၚ်ဂွံမာန်ညိ"
ဟိုတ်နူဂလာန် ကောန်သၟိၚ်တုဲ ဓဝ်မိပ်မြဟ် မညဳကာန်ကံၚ်ဂမၠိုၚ် ဒးလီုလာ်အာရ။ ၜိုန်ဂှ်လေဝ် ဟွံစးတဴ အမိၚ်ဒေံဂှ်ရ။ ဒပ်မညဳကာန်ကံၚ်ဂမၠိုၚ်ဝွံ နူကၠာဒပ် ကေညန်သၟိၚ်တအ် ဟွံဂွံဇက်အာဗဂေါတေံဏီ စဴအာဇရေၚ် ဍုၚ်ဒလတေံအိုတ်ရ။
ဆက်ဗှ်အာ သ္ကုတ် ၅၄ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရ။
https://t.me/laaeimon
#ဗညာနဲ #သၟိၚ်မရူ
#The Sunrise of Hongsawatoi
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်
ဟံသာဝတဳ သၟိၚ်တ္ၚဲယးတၟး S1 Ep54
ဗညာနဲ ကဵု မဟာဒေဝဳ
(တၠညးစိၚ်ဗ္တာၚ် သၟိၚ်ဗညာဥူ စုတိစဴသွဝ်)
ပ္ဍဲသက္ကရာဇ် ၇၄၅ သၞာံ၊ ဂိတုပုဟ် ၁၂ စွေက်၊ တ္ၚဲဗြဴဗ္တိဂှ် ဒပ်ကောန်သၟိၚ် ဗညာနဲဂမၠိုၚ် ဇက်တိုန်ကၠုၚ် ဍုၚ်ဗဂေါအိုတ်ရ။ နူဒပ်ဂတ စိၚ်အဇမ္ဗူဂှ် ကောန်သၟိၚ်ဗညာနဲ ဍိုက်ရ။ စိၚ်ၝောံ ဣမဂေါဝ်သော်ဂှ် မိမၞိက်ဍိုက်တုဲ စိၚ်ၝောံ ယံကမိန်ဂှ် အမွဲမသၚ် ဍိုက်တဴရ။ ပ္ဍဲလ္တူစိၚ် အသူရိယျဂှ် မၚ်ကာန်စဳ ဍိုက်တုဲ စိၚ်ၝောံ ဣလကိုတ်ညတ်ဂှ် ကျာ်ဇၞော်အ္စာမပိုၚ် ဍိုက်တဴရ။
စိၚ်အဓရံၚ်ဂှ် မသိုက်ဍိုက်တုဲ စိၚ်အဗ္စဲလမန်ဂှ် ဘဝ်မန် ဍိုက်တဴရ။ စိၚ်အမြူဗဂေါဂှ် သၟိၚ်လိုက်ပၚ် ဍိုက်ရ။ စိၚ်အပံက်တာဂှ် မသၚ်ဍိုက်တုဲ စိၚ်အပံက်လောန်ဂှ် မၚ်ဒေရဲ ဍိုက်တဴရ။ သ္ကိုပ်ဒပ် မပ္တံကဵု အပါအိန်၊ အပါစု၊ သၟိၚ်ဗြာတ်သရာဲဂမၠိုၚ်လေဝ် က္လိဂွံတဴစိၚ် ညးမွဲမွဲဖ္ဍိုက် ဖအိုတ်ရ။ ညးမဍိုက်ချေံ စောန်တအ်ဂှ်လေဝ် ကဵုတဴချေံ ဗွဲမခိုဟ်အိုတ်ရ။ မပ္တံမြဴသာ်ဝွံ ပ္ဍဲဒပ်ကောန်သၟိၚ်ဗညာနဲ မဇက်အာဗဂေါဂှ် သရာဲ ၜိုတ်မသုန်လ္ၚီ နွံတဴရ။
ပ္ဍဲအခိၚ်တ္ၚဲမဒစေၚ်ဂှ် ဟိုတ်နူစိုပ်အာ ဇရေၚ်ဗ္ဒိုပ်စရည်တုဲ ဖျေံဒပ် တိက်ဇူတဴအိုတ်ရ။ မၚ်ကာန်စဳတအ် တိတ်အာက္လၚ်တဴ နိမိတ်အိုတ်ရ။ က္လိဂွံတဴ နိမိတ်ခိုဟ်တုဲ က္လေၚ်ဂရက်ပ္တီကဵု ကောန်သၟိၚ်ရ။ ညံၚ်ရဴဗီုကၠာကၠာတေံ ကောန်သၟိၚ် ဟွံမိပ်သၠောၚ်တဴရ။ ပါဲနူကဵု နိမိတ်မဂွံဇၞးတုဲ နိမိတ် မအံက်တၠညး ဒးပြဟ်လလုဲလေဝ် ဟိုတ်နူမပါဗက်ကၠုၚ်ကီု မဒှ်ရ။
တ္ၚဲတၟးဂှ် ဆက်တုဲ ဇက်အာဗဂေါတေံ အိုတ်ပၠန်ရ။ ပ္ဍဲအခိၚ်တ္ၚဲသဝ်ဂှ် စိုပ်အာဇရေၚ် ဗ္ဒိုပ်မုဟ်သပျအ်ရ။ သ္ကိုပ်ဒပ်ဂၠုၚ် စောဒရိုက် မဒစးဒုၚ် စိုပ်လဝ်ကၠာဂှ် ဒုၚ်တၠုၚ်တဴ ကောန်သၟိၚ်အိုတ်ရ။ တိက်ပ္ဍဲဗ္ဒိုပ်ဂှ် မွဲဗ္တံတုဲ တ္ၚဲယးတၟးဂှ် သွက်ဂွံဆက်ဇက်အာ ဗဂေါတေံ ပဠေဝ်တဴအိုတ်ရ။
တ္ၚဲယးပြဟ် နူကၠာဒပ်ကောန်သၟိၚ်တအ် ဟွံဂွံတိတ်ဏီဂှ် စဍုၚ်ဇြဲဘုံ သ္ကိုပ်ဒပ်ဗိုတ်ည ကေုာံ သရာဲဂမၠိုၚ် စိုပ်ကၠုၚ်ဇရေၚ် ကောန်သၟိၚ်ရ။
"ယွံကောန်သၟိၚ်၊ မအံက်ကောန်သၟိၚ် တၠညးစိၚ်ဗ္တာၚ် နူကနေံဗ္တံဏအ် ထောံလသာကၠေံခန္ဓ အာအနိစ္စဓဝ်တုဲရအဴ"
ကောန်သၟိၚ် မဂွံမိၚ်ကေတ်ဂလာန် သ္ကိုပ်ဒပ်ဗိုတ်ညဝွံ သီုဟွံချဳဒရာၚ် ညိၚ်ဝတ်အာ ညံၚ်ရဴရုပ်တၟံရ။ မအံက်တၠညးဝွံ နူကဵုဇကုဍောတ်တ် ဟွံဒးဂၞပ်လ္တူဇကု၊ ဟိုတ်နူဟွံဒးဂၞပ်တုဲ ဇကုလေဝ် မေတ္တာ ဟွံမွဲကၠုၚ်ရ၊ ဒဵုကဵုဟွံသ္ဍိုက်ဆာန် ကဵုကၠုၚ်လဝ် က္ဆဴၚ်အလံၚ် ကောန်သၟိၚ်ရ၊ စဵုကဵုဇကု မေတ္တာဟဲဗြဟ် ကောန်သၟိၚ်ဗညာနဲ မကြီုထ္ၜးလဝ် မအံက်တၠညး သီုကဵုမၞုံတဴဒၟံၚ်ဖိုဟ်ဂှ် နန်ထဝ်မအံက်တၠညးဂှ် ဆလအ်လေဝ် ဟွံပၠံၚ်ၜးကေတ်ဝွံ ပရေၚ်မအံက်တၠညးဂမၠိုၚ် မံက်ပြာကတ်ကၠုၚ်ဒၟံၚ် ပ္ဍဲကဵုက္ဍဟ်တေံရ။
အာဂတနူဏအ် ဟွံဂွံဆဵုတဴ မအံက်တၠညး မဂျိုၚ်တဴဒၟံၚ် လမျီုရ၊ ကောန်သၟိၚ်ဗညာနဲ ချပ်တုဲ ဍာ်ရမတ်ဂမၠိုၚ် ဇွောဝ်ဓဇူစှ်ေကၠုၚ်ရ။ ဒဵုကဵုဟွံဂွံမံၚ်တဴ ပ္ဍဲဗ္ဒါဲမအံက်တၠညး၊ ဂွံမိၚ်ကေတ်ပရိုၚ် မက္လိလောန်အာယျလေဝ် ဍာ်ရမတ် အောန်စိုတ်ဂမၠိုၚ် က္လေၚ်တိတ်ကၠုၚ်ပၠန်ရ။ ကောန်သၟိၚ် အောန်ဒၟံၚ်စိုတ်ဂှ် ရံၚ်တုဲ ဗိုလ်လဗး အိုဿီုဂမၠိုၚ်လေဝ် စိုတ်ဟွံခိုဟ်တဴကီုရ။
"မအံက်တၠညး စဴအာသွဝ်ဂှ် မုရဴသာ်လဵုမွဲ ၝဂွံတီတဴဂှ်ရော"
"ဒေံအဲဍိက်မွဲဂှ် ဒှ်ညးမကၠောန်ၜိုတ်ပ္တုဲဝတ် ဇရေၚ်တမ်ဇိုၚ် တၠညးစိၚ်ဗ္တာၚ်ရအ။ တၠညးစိၚ်ဗ္တာၚ် မစဴအာသွဝ်ဂှ် ဍေံလဴထ္ၜးကဵုမှ ပိုဲဍိက်ဂွံတီရအဴ"
ကောန်သၟိၚ်ဝွံ သၟာန်တဴပရော မအံက်တၠညး စဴအာသွဝ်တုဲ ဒဵုကဵုဗွဲမလအ် မုရဴမွဲကီုလေဝ် ဟီုတဴဟွံမာန်ဏီရ။
"ယွံကောန်သၟိၚ်၊ အခါလၟုဟ် သၟိၚ်မရူဝွံ သီုကဵုမဗဗိုန်လဝ် ဍုၚ်ဟံသာဝတဳ ဗွဲမခိုၚ်ကၠိုက်တုဲ မၚ်ဒုၚ်ဒၟံၚ်ပၞာန်ရအဴ။ ယဝ်ကောန်သၟိၚ် သၠးကဵုအခေါၚ်မ္ဂး ဂုဏ်ကောန်သၟိၚ် မဗလးကဵုလဝ်ဂှ် အလဵုဇကုအဲဍိက် ဗ္တိုက်တဴ နကဵုစိၚ်၊ နကဵုချေံ ညးမွဲကုမွဲတုဲ ကဵုဂွံဆာပ်ကၠေံဂုဏ် လ္တူကောန်သၟိၚ်ညိအဴ"
"မံၚ် မံၚ်၊ ပရေၚ်ဏအ်ဂှ် တာလျိုၚ်သ္ကိုပ်ဒပ်တအ် ဟွံသေၚ်ပုဟ်၊ ၝတအ် ဟွံဒးဗ္တိုက်ပုဟ်။ အဲကဵုဍေံ ညးမွဲကဵုမွဲရ ဗ္တိုက်ဏောၚ်"
ဗိုတ်ညလေဝ် ဟိုတ်နူကောန်သၟိၚ် ဟွံကဵုဗ္တိုက်ဂှ် ဇက်ကၠုၚ် သီုဗိုလ်လဗးတုဲမှ ဒးဖ္ဍိုန်ကၠေံတဲရ။
"စောဒရိုက် ဒပ်ၝဂှ် ဂၠုၚ်ဂမၠိုၚ် စွံလဝ်ကဵုပၟၚ်ဂၠုၚ်တုဲ ကော်ဏါသရာဲဂမၠိုၚ် ဗက်အာကရောံအဲညိ။ ဇက်အာဒဵုကဵုစိုပ် ဗ္ဒိုပ်မောမသံဏောၚ်"
"အတိုၚ်အမိၚ် အသံရအဴ"
ဒပ်ကောန်သၟိၚ်ဗညာနဲတအ် ဆက်ဇက်အာ ဒဵုကဵုစိုပ် ဗ္ဒိုပ်မောမသံအိုတ်ရ။ ကါလစိုပ် ဗ္ဒိုပ်မောမသံဂှ် ဒှ်ဗ္တံဂိတုစွေက်တုဲ သီုဟွံလုပ်တဴ အပ္ဍဲကဵုဍုၚ်ဏီ ဖျေံလဝ်ဒပ် မ္ၚးဍုၚ်အိုတ်ရ။
အပ္ဍဲကဵုနန်ထဝ်တုန် နကဵုအစဳဇန် မဟာဒေဝဳ ပရိုၚ်တၠညး မစဴအာသွဝ်ဂှ် တြးဟွံဂွံ၊ ညံၚ်ရဴတၠညး မၞုံတဴဟေၚ် ပဠေဝ်လဝ်ရ။ ပ္ဍဲဗ္တံ ကောန်သၟိၚ်ဗညာနဲတအ် မၞုံပ္ဍဲဗ္ဒိုပ်စရည်ဂှ် သၟိၚ်မရူဝွံ အလုံမွဲဗ္တံ နွံဒၟံၚ်ပ္ဍဲခဒမ် မဟာဒေဝဳတုဲ မဟာဒေဝဳကီု သီုသၟိၚ်မရူ တိက်ဟွံသၠိၚ်၊ ဂွိၚ်ဒၟံၚ်ကဵု ဒပ်ကောန်သၟိၚ်ဗညာနဲတအ် စိုပ်ကၠုၚ်ရ။ မြဴသာ်ဝွံ အလုံမွဲဗ္တံ ညံၚ်ရဴတိက်ဟွံၚၠိၚ်ကီု နူကၠာတ္ၚဲဟွံတၟး ပ္ဍဲပယျာံအခိၚ် တက်ပိဂှ် ၚုဟ်က္တဵုဒၟံၚ်အိုတ်ရ။
ဗညာနဲ ကဵု မဟာဒေဝဳ
(တၠညးစိၚ်ဗ္တာၚ် သၟိၚ်ဗညာဥူ စုတိစဴသွဝ်)
ပ္ဍဲသက္ကရာဇ် ၇၄၅ သၞာံ၊ ဂိတုပုဟ် ၁၂ စွေက်၊ တ္ၚဲဗြဴဗ္တိဂှ် ဒပ်ကောန်သၟိၚ် ဗညာနဲဂမၠိုၚ် ဇက်တိုန်ကၠုၚ် ဍုၚ်ဗဂေါအိုတ်ရ။ နူဒပ်ဂတ စိၚ်အဇမ္ဗူဂှ် ကောန်သၟိၚ်ဗညာနဲ ဍိုက်ရ။ စိၚ်ၝောံ ဣမဂေါဝ်သော်ဂှ် မိမၞိက်ဍိုက်တုဲ စိၚ်ၝောံ ယံကမိန်ဂှ် အမွဲမသၚ် ဍိုက်တဴရ။ ပ္ဍဲလ္တူစိၚ် အသူရိယျဂှ် မၚ်ကာန်စဳ ဍိုက်တုဲ စိၚ်ၝောံ ဣလကိုတ်ညတ်ဂှ် ကျာ်ဇၞော်အ္စာမပိုၚ် ဍိုက်တဴရ။
စိၚ်အဓရံၚ်ဂှ် မသိုက်ဍိုက်တုဲ စိၚ်အဗ္စဲလမန်ဂှ် ဘဝ်မန် ဍိုက်တဴရ။ စိၚ်အမြူဗဂေါဂှ် သၟိၚ်လိုက်ပၚ် ဍိုက်ရ။ စိၚ်အပံက်တာဂှ် မသၚ်ဍိုက်တုဲ စိၚ်အပံက်လောန်ဂှ် မၚ်ဒေရဲ ဍိုက်တဴရ။ သ္ကိုပ်ဒပ် မပ္တံကဵု အပါအိန်၊ အပါစု၊ သၟိၚ်ဗြာတ်သရာဲဂမၠိုၚ်လေဝ် က္လိဂွံတဴစိၚ် ညးမွဲမွဲဖ္ဍိုက် ဖအိုတ်ရ။ ညးမဍိုက်ချေံ စောန်တအ်ဂှ်လေဝ် ကဵုတဴချေံ ဗွဲမခိုဟ်အိုတ်ရ။ မပ္တံမြဴသာ်ဝွံ ပ္ဍဲဒပ်ကောန်သၟိၚ်ဗညာနဲ မဇက်အာဗဂေါဂှ် သရာဲ ၜိုတ်မသုန်လ္ၚီ နွံတဴရ။
ပ္ဍဲအခိၚ်တ္ၚဲမဒစေၚ်ဂှ် ဟိုတ်နူစိုပ်အာ ဇရေၚ်ဗ္ဒိုပ်စရည်တုဲ ဖျေံဒပ် တိက်ဇူတဴအိုတ်ရ။ မၚ်ကာန်စဳတအ် တိတ်အာက္လၚ်တဴ နိမိတ်အိုတ်ရ။ က္လိဂွံတဴ နိမိတ်ခိုဟ်တုဲ က္လေၚ်ဂရက်ပ္တီကဵု ကောန်သၟိၚ်ရ။ ညံၚ်ရဴဗီုကၠာကၠာတေံ ကောန်သၟိၚ် ဟွံမိပ်သၠောၚ်တဴရ။ ပါဲနူကဵု နိမိတ်မဂွံဇၞးတုဲ နိမိတ် မအံက်တၠညး ဒးပြဟ်လလုဲလေဝ် ဟိုတ်နူမပါဗက်ကၠုၚ်ကီု မဒှ်ရ။
တ္ၚဲတၟးဂှ် ဆက်တုဲ ဇက်အာဗဂေါတေံ အိုတ်ပၠန်ရ။ ပ္ဍဲအခိၚ်တ္ၚဲသဝ်ဂှ် စိုပ်အာဇရေၚ် ဗ္ဒိုပ်မုဟ်သပျအ်ရ။ သ္ကိုပ်ဒပ်ဂၠုၚ် စောဒရိုက် မဒစးဒုၚ် စိုပ်လဝ်ကၠာဂှ် ဒုၚ်တၠုၚ်တဴ ကောန်သၟိၚ်အိုတ်ရ။ တိက်ပ္ဍဲဗ္ဒိုပ်ဂှ် မွဲဗ္တံတုဲ တ္ၚဲယးတၟးဂှ် သွက်ဂွံဆက်ဇက်အာ ဗဂေါတေံ ပဠေဝ်တဴအိုတ်ရ။
တ္ၚဲယးပြဟ် နူကၠာဒပ်ကောန်သၟိၚ်တအ် ဟွံဂွံတိတ်ဏီဂှ် စဍုၚ်ဇြဲဘုံ သ္ကိုပ်ဒပ်ဗိုတ်ည ကေုာံ သရာဲဂမၠိုၚ် စိုပ်ကၠုၚ်ဇရေၚ် ကောန်သၟိၚ်ရ။
"ယွံကောန်သၟိၚ်၊ မအံက်ကောန်သၟိၚ် တၠညးစိၚ်ဗ္တာၚ် နူကနေံဗ္တံဏအ် ထောံလသာကၠေံခန္ဓ အာအနိစ္စဓဝ်တုဲရအဴ"
ကောန်သၟိၚ် မဂွံမိၚ်ကေတ်ဂလာန် သ္ကိုပ်ဒပ်ဗိုတ်ညဝွံ သီုဟွံချဳဒရာၚ် ညိၚ်ဝတ်အာ ညံၚ်ရဴရုပ်တၟံရ။ မအံက်တၠညးဝွံ နူကဵုဇကုဍောတ်တ် ဟွံဒးဂၞပ်လ္တူဇကု၊ ဟိုတ်နူဟွံဒးဂၞပ်တုဲ ဇကုလေဝ် မေတ္တာ ဟွံမွဲကၠုၚ်ရ၊ ဒဵုကဵုဟွံသ္ဍိုက်ဆာန် ကဵုကၠုၚ်လဝ် က္ဆဴၚ်အလံၚ် ကောန်သၟိၚ်ရ၊ စဵုကဵုဇကု မေတ္တာဟဲဗြဟ် ကောန်သၟိၚ်ဗညာနဲ မကြီုထ္ၜးလဝ် မအံက်တၠညး သီုကဵုမၞုံတဴဒၟံၚ်ဖိုဟ်ဂှ် နန်ထဝ်မအံက်တၠညးဂှ် ဆလအ်လေဝ် ဟွံပၠံၚ်ၜးကေတ်ဝွံ ပရေၚ်မအံက်တၠညးဂမၠိုၚ် မံက်ပြာကတ်ကၠုၚ်ဒၟံၚ် ပ္ဍဲကဵုက္ဍဟ်တေံရ။
အာဂတနူဏအ် ဟွံဂွံဆဵုတဴ မအံက်တၠညး မဂျိုၚ်တဴဒၟံၚ် လမျီုရ၊ ကောန်သၟိၚ်ဗညာနဲ ချပ်တုဲ ဍာ်ရမတ်ဂမၠိုၚ် ဇွောဝ်ဓဇူစှ်ေကၠုၚ်ရ။ ဒဵုကဵုဟွံဂွံမံၚ်တဴ ပ္ဍဲဗ္ဒါဲမအံက်တၠညး၊ ဂွံမိၚ်ကေတ်ပရိုၚ် မက္လိလောန်အာယျလေဝ် ဍာ်ရမတ် အောန်စိုတ်ဂမၠိုၚ် က္လေၚ်တိတ်ကၠုၚ်ပၠန်ရ။ ကောန်သၟိၚ် အောန်ဒၟံၚ်စိုတ်ဂှ် ရံၚ်တုဲ ဗိုလ်လဗး အိုဿီုဂမၠိုၚ်လေဝ် စိုတ်ဟွံခိုဟ်တဴကီုရ။
"မအံက်တၠညး စဴအာသွဝ်ဂှ် မုရဴသာ်လဵုမွဲ ၝဂွံတီတဴဂှ်ရော"
"ဒေံအဲဍိက်မွဲဂှ် ဒှ်ညးမကၠောန်ၜိုတ်ပ္တုဲဝတ် ဇရေၚ်တမ်ဇိုၚ် တၠညးစိၚ်ဗ္တာၚ်ရအ။ တၠညးစိၚ်ဗ္တာၚ် မစဴအာသွဝ်ဂှ် ဍေံလဴထ္ၜးကဵုမှ ပိုဲဍိက်ဂွံတီရအဴ"
ကောန်သၟိၚ်ဝွံ သၟာန်တဴပရော မအံက်တၠညး စဴအာသွဝ်တုဲ ဒဵုကဵုဗွဲမလအ် မုရဴမွဲကီုလေဝ် ဟီုတဴဟွံမာန်ဏီရ။
"ယွံကောန်သၟိၚ်၊ အခါလၟုဟ် သၟိၚ်မရူဝွံ သီုကဵုမဗဗိုန်လဝ် ဍုၚ်ဟံသာဝတဳ ဗွဲမခိုၚ်ကၠိုက်တုဲ မၚ်ဒုၚ်ဒၟံၚ်ပၞာန်ရအဴ။ ယဝ်ကောန်သၟိၚ် သၠးကဵုအခေါၚ်မ္ဂး ဂုဏ်ကောန်သၟိၚ် မဗလးကဵုလဝ်ဂှ် အလဵုဇကုအဲဍိက် ဗ္တိုက်တဴ နကဵုစိၚ်၊ နကဵုချေံ ညးမွဲကုမွဲတုဲ ကဵုဂွံဆာပ်ကၠေံဂုဏ် လ္တူကောန်သၟိၚ်ညိအဴ"
"မံၚ် မံၚ်၊ ပရေၚ်ဏအ်ဂှ် တာလျိုၚ်သ္ကိုပ်ဒပ်တအ် ဟွံသေၚ်ပုဟ်၊ ၝတအ် ဟွံဒးဗ္တိုက်ပုဟ်။ အဲကဵုဍေံ ညးမွဲကဵုမွဲရ ဗ္တိုက်ဏောၚ်"
ဗိုတ်ညလေဝ် ဟိုတ်နူကောန်သၟိၚ် ဟွံကဵုဗ္တိုက်ဂှ် ဇက်ကၠုၚ် သီုဗိုလ်လဗးတုဲမှ ဒးဖ္ဍိုန်ကၠေံတဲရ။
"စောဒရိုက် ဒပ်ၝဂှ် ဂၠုၚ်ဂမၠိုၚ် စွံလဝ်ကဵုပၟၚ်ဂၠုၚ်တုဲ ကော်ဏါသရာဲဂမၠိုၚ် ဗက်အာကရောံအဲညိ။ ဇက်အာဒဵုကဵုစိုပ် ဗ္ဒိုပ်မောမသံဏောၚ်"
"အတိုၚ်အမိၚ် အသံရအဴ"
ဒပ်ကောန်သၟိၚ်ဗညာနဲတအ် ဆက်ဇက်အာ ဒဵုကဵုစိုပ် ဗ္ဒိုပ်မောမသံအိုတ်ရ။ ကါလစိုပ် ဗ္ဒိုပ်မောမသံဂှ် ဒှ်ဗ္တံဂိတုစွေက်တုဲ သီုဟွံလုပ်တဴ အပ္ဍဲကဵုဍုၚ်ဏီ ဖျေံလဝ်ဒပ် မ္ၚးဍုၚ်အိုတ်ရ။
အပ္ဍဲကဵုနန်ထဝ်တုန် နကဵုအစဳဇန် မဟာဒေဝဳ ပရိုၚ်တၠညး မစဴအာသွဝ်ဂှ် တြးဟွံဂွံ၊ ညံၚ်ရဴတၠညး မၞုံတဴဟေၚ် ပဠေဝ်လဝ်ရ။ ပ္ဍဲဗ္တံ ကောန်သၟိၚ်ဗညာနဲတအ် မၞုံပ္ဍဲဗ္ဒိုပ်စရည်ဂှ် သၟိၚ်မရူဝွံ အလုံမွဲဗ္တံ နွံဒၟံၚ်ပ္ဍဲခဒမ် မဟာဒေဝဳတုဲ မဟာဒေဝဳကီု သီုသၟိၚ်မရူ တိက်ဟွံသၠိၚ်၊ ဂွိၚ်ဒၟံၚ်ကဵု ဒပ်ကောန်သၟိၚ်ဗညာနဲတအ် စိုပ်ကၠုၚ်ရ။ မြဴသာ်ဝွံ အလုံမွဲဗ္တံ ညံၚ်ရဴတိက်ဟွံၚၠိၚ်ကီု နူကၠာတ္ၚဲဟွံတၟး ပ္ဍဲပယျာံအခိၚ် တက်ပိဂှ် ၚုဟ်က္တဵုဒၟံၚ်အိုတ်ရ။
"ပရောဒေံသၟိၚ် မစုတိအာဂှ် ညးမွဲလ္ပကဵုတီညိ။ ဒေဴသၟိၚ် စုတိအာဂှ် တီဒးမ္ဂး အမာတ်ဂမၠိုၚ် ဟွံဗ္တိုက်တဴကဵု အပသုန်ရပုဟ်"
ပ္ဍဲမုက္ခဝါ မဟာဒေဝဳဝွံ ဍာဲဂြၚ်ဒၟံၚ်ဗွဲလၟေၚ် ဓဝ်ဓဝိၚ် ဂွိၚ်ဂွါဲဂမၠိုၚ် အုပ်ဓလီု ဂွံလဝ်အဝဵုရ။ သၟိၚ်မရူလေဝ် သီုကဵုမရပ်လဝ်ဇြၚ် ဓညိက်ဒၟံၚ်က္ဍိုပ်ဟေၚ်တုဲ ဟွံသွဟ်ကဵုပါၚ်ရ။ မဟာဒေဝဳဝွံ သီုကဵုမစဝ်ဒၟံၚ်ဍာ်ဂမ္တဴဂှ် ဒဵုကဵုဍာ်ဂမ္တဴမဂံက်အာ သုၚ်တဴဟွံမာန်ဏီရ။ အဃောဂှ် သရာဲသၟိၚ်မရူမွဲတၠ စိုပ်ကၠုၚ် ဇရေၚ်သၟိၚ်မရူ သီုကဵုမဂြိပ်ကၠုၚ်ရ။
"ယွံတၠနာဲ၊ ဒပ်ကောန်သၟိၚ်ဗညာနဲဂမၠိုၚ် တိတ်ကၠုၚ်နူကဵု ဗ္ဒိုပ်စရည်တုဲ ဇက်ကၠုၚ်ဒၟံၚ် ဒဵုကဵုစိုပ် ဗ္ဒိုပ်မောမသံအိုတ်ရအဴ"
ပ္ဍဲမုက္ခဝါ သၟိၚ်မရူဝွံ ဍာဲဂြၚ်ကြမ်ကြဒၟံၚ် ညံၚ်ရဴလကိုဟ်မွဲရ။ ရပ်ကေမ်လဝ်ကၞပ်ဇြၚ် နကဵုတဲပုၚ် ဗွဲမကၟောန်တုဲ ကၞပ်ဇြၚ်ဝွံ ယဝ်ခါရ ကၞပ်ဇြၚ်ပသဲ ဟွံသေၚ်မ္ဂး ဒးထ္ကးသၠေက်သၠံၚ်ဒၟံၚ် ပ္ဍဲဒၞါဲဂှ်ရ။
"ၝက္လေၚ်မာန်ရ၊ ပဠေဝ်ပဠေတ်လတ်ဒပ်ညိ"
သရာဲမကၠုၚ် ပလံၚ်ပရိုၚ်လေဝ် ဗွဲမပြဟ် ဂတးဂြိပ်စဴအာရ။
"ယွံဣၝဲ၊ ဒပ်ဗညာနဲတအ် ဇက်ကၠုၚ်ယျ၊ တ္ၚဲဏအ် ကၠာတ္ၚဲဟွံဒစေၚ်မ္ဂး စိုပ်ဗ္ဒိုပ်မောမသံရောၚ်ထေၚ်ရ"
"ဇက်ကၠုၚ်တှ်ေလေဝ် သက်ဒးဗ္တိုက်ရနွံ"
ပ္ဍဲရမျာၚ် မဟာဒေဝဳကဵု သၟိၚ်မရူတအ် ဟိုတ်နူဒေါသတုဲ ၜိုန်ရရမျာၚ်ကြံၚ်မ္ၚိုဟ်ဒၟံၚ်ကီုလေဝ် ခတဝ်ခဝဝ်ဒၟံၚ်ရောၚ်ဂှ် သ္ဒးထေၚ်ကေတ်ရ။ အခိၚ်မူရီုကျာဒၟံၚ် မြဴသာ်ဝွံဂှ် ဍိက်ဗြဴမွဲ ဗွဲမဃရေက်ခဗက် စိုပ်ကၠုၚ်ဇရေၚ် မဟာဒေဝဳရ။
"ယွံနာဲဗြဴ...၊ ယွံလေဝ်နာဲဗြဴ... အမာတ်ဂမၠိုၚ်... အမာတ်ဂမၠိုၚ်... ကောံကၠုၚ်ဒၟံၚ် ဇရေၚ်နန်ထဝ် အိုတ်ရအဴ..."
ဍိက်ဗြဴဝွံ ဟိုတ်နူမဂြိပ်ကၠုၚ်တုဲ ၜိုန်ရဒှ်တဴ ရာသဳဟေမန်ကီုလေဝ် ဍောၚ်ၜိူတ်ဒၟံၚ်ရ။ နကဵုဂလာန် ဆိုက်ဆိုက်ဗဗ ဟီုတဴဒၟံၚ် သီုကဵုမဍောၚ်ၜိုတ်ရ။
"ဍေံတအ် တီအိုတ်ယျဏောၚ်ထေၚ်၊ ဍေံတအ်တီအာ ဟွံဂွံပုဟ်။ ညံၚ်ဍေံတအ် ဟွံဂွံစိုပ် ဇရေၚ်ခဒမ်ဒေံသၟိၚ်ဂှ် ဒးတာဒၞါကၠေံဏောၚ်"
ဗီုပြၚ် မဟာဒေဝဳဝွံ ဖေက်လကိုတ်လောန်တုဲ ဘိၚ်ဘၚ်ဒၟံၚ်ရ။ မဟာဒေဝဳဝွံ အမာတ်မကၠုၚ်တဴ ဇရေၚ်နန်ဂမၠိုၚ် နူကၠာဟွံဂွံစိုပ်တဴ ခဒမ်ဇွတၠညးမၞုံတေံဏီ မိက်ဂွံတာဒၞါကၠေံဂှ်ရ က္တဵုအာနူသ္ၚိနန်ဇကု ဗွဲမပြဟ်တုဲ အာတဴဇရေၚ်နန်ထဝ်ရ။ သၟိၚ်မရူလေဝ် သီုကဵုမရပ်လဝ်ဇြၚ်ဂှ် ဒးဂြိပ်ဗက်အာ အဖဝ်ဍိက်သ္ကအ်ဗြဴ မဟာဒေဝဳတအ်ဂမၠိုၚ်ဂှ်ရ။
အမာတ်ဇၞော် သၟိၚ်ဇိပ်ဗြာဲ မပ္တံကဵု အမာတ်ဒိန်၊ အမာတ်သာံပြာပ် ကေုာံ အမာတ်ဟံသာဝတဳဂမၠိုၚ် အိုဿီု ဟိုတ်နူဂွံမိၚ်ကေတ် တၠညးစုတိအာတုဲ သွက်ဂွံသၟာန်ပရောပရာတုဲ ကၠုၚ်စိုပ်ပ္ဍဲဝၚ်နန်ရ။ မဟာဒေဝဳ မတိတ်ကၠုၚ် နူသ္ၚိနန်တေံကဵု အမာတ်ဂမၠိုၚ်ဝွံ ဇီုဆိုၚ်အာမုက်ညးသ္ကအ် ပ္ဍဲကဵုဂတမုက် ပြသာဒ်နန် ပၞၚ်သဳဟာသန အိုတ်ရ။ အမာတ်ဂမၠိုၚ်လေဝ် ဟိုတ်နူဆဵုဒးကဵု မဟာဒေဝဳတုဲ သီုညးဖအိုတ် ထံက်ဖျေံက္ၜံၚ်တုဲ ကဵုတဴရှ်ေသှ်ေအိုတ်ရ။
"မၞးတအ် ကောံဓရီု နွံတဴလေဝ် ဟွံသေၚ်၊ မုဟိုတ် ပြဟ်ပြဟ်ပြေဟ်ပြေဟ် သ္ဂောံလုပ်ကၠုၚ် ပ္ဍဲဝၚ်နန်အိုတ်ဂှ်ရော"
နကဵုရမျာၚ်ကြံၚ်ကြံၚ် မဟာဒေဝဳ ကဟုက်ဏါကဵု အမာတ်ဂမၠိုၚ်ရ။ အမာတ်ဂမၠိုၚ်အိုဿီု ထံက်က္ၜံၚ် ဂစိုၚ်ဒၟံၚ်က္ဍိုပ်အိုတ်ရ။ အမာတ်တၞဟ်ဂမၠိုၚ် ဟွံဂံၚ်ပ္တိုန်ထ္ၜး မမိက်ကဵုမွဲမွဲတုဲ အမာတ်ဇၞော် သၟိၚ်ဇိပ်ဗြာဲ ပ္တိုန်ထ္ၜးတဴရ။
"ပိုဲဍိက်တအ် ဟိုတ်နူဂွံမိၚ်ကေတ် တၠညးစိၚ်ဗ္တာၚ်စုတိအာတုဲ ကၠုၚ်သ္ပပူဇဴတဴ ဇွတၠညးရအဴ"
"ညးဂှ်မွဲ ဟီုကဵုမၞးတအ်ရော ဒေံသၟိၚ်စုတိအာယျဂှ်၊ ဒေံသၟိၚ် တိက်သ္တၚ်ဒၟံၚ် ပ္ဍဲခဒမ်နန်ဖိုဟ်။ လ္တူနူကဵုပရေၚ်ဏအ်ဂှ် လၟုဟ် ဒပ်အပသုံ ဇက်ကၠုၚ်ဒၟံၚ် ဇရေၚ်ဗဂေါဏအ်ယျ၊ သွက်ဂွံဒုၚ်ဗ္တိုက်ဟေၚ် ပဠေတ်တဴအိုတ်ညိ"
"လ္ပလီဠာန် ပၞုက်ဓလုက်တဴညိရအဴ၊ ဟိုတ်နူကဵု အ္စာသဝ် စက္ကဝါဒဳယ ဟီုတုဲ ဒဒှ်တၠညးစုတိအာဂှ် ပိုဲဍိက်တအ် တီလဝ်တုဲရအဴ။ ကဵုအခေါၚ် ဂွံလ္ၚောဝ်သ္ပပူဇဴ ဇွတၠညးညိအဴ"
"ဗှ်ေ သ္ၚိတ်ထောံစမ်၊ အမာတ်ဗီုဗှ်ေဂှ် သ္ပဗီုတေံဏောၚ်၊ သ္ပဗီုဏအ်ဏောၚ်ဂှ် အခေါၚ်ဟီု ဟွံမွဲပုဟ်၊ ဒးက္လၚ်တဴ အမိၚ်အဲဏောၚ်။ လၟုဟ် ဗွဲမပြဟ် သွက်ဂွံဗ္တိုက်ကဵု ဒပ်အပသုံဂှ် ပဠေဝ်အိုတ်စမ်"
ၜိုတ်မဟာဒေဝဳ မဟီုနၚ်ဂှ် အမာတ်ဇၞော် သၟိၚ်ဇိပ်ဗြာဲ က္လေၚ်ထပ်အာတ်ဒၟံၚ် အခေါၚ်ဂှ် မဟာဒေဝဳ ဒေါသတိတ်လောန်တုဲ ကဟုက်ဏါကဵုရ။ ရမျာၚ် မဟာဒေဝဳဝွံ အုပ်ဓလီုကၠေံ အလုံဝၚ်နန် ပ္ဍဲအခိၚ်ပလာံဂယးမွဲရ။ အမာတ်ဇၞော် သၟိၚ်ဇိပ်ဗြာဲဝွံ ဟွံမွဲတဴကဵု ပွမဖေက်ဂၟံက် မၞုံတဴဒၟံၚ် ဗွဲမညိၚ်ဝတ်ရ။
"ယွံနာဲဗြဴ၊ မအံက်က္လိလောန်တုဲမ္ဂး ကောန်ဒးတိုန်နန်ဂှ် ဒှ်ဓမ္မတာရ။ လၟုဟ်လေဝ် တၠညးစိၚ်ဗ္တာၚ် စုတိအာတုဲ ကောန်သၟိၚ်ဗညာနဲ မဒှ်တဴ ကောန်ဇၞော်ဂှ်ဟေၚ် ဒှ်တဴကောန်သၟိၚ် လၟောဝ်နန်မွဲတုဲ သွက်ဒးဗ္တိုက်ဂှ် ဟွံမွဲတဴရအဴ"
မဟာဒေဝဳ ဂွံမိၚ်ကေတ် ဂလာန်အမာတ်ဇၞော်ဝွံ ညံၚ်ရဴစိၚ်မစှ်ေကၠေၚ်ကီု ဒေါသတိတ်အာ ဗွဲမလောန်ရ။ သီုကဵုမုက်မတ်ကြံၚ်မ္ၚိုဟ် ဖျုန်ဇကုတအ်လေဝ် ခတဝ်ဒၟံၚ်ရ။
"ဗှ်ေမွဲ ဟီုခ္ဍၚ် ဒှ်ခ္ဍၚ်ဟာ၊ ဣလဵု ဒပ်မၚ်နန်တအ် ကၠုၚ်စမ်၊ နာ ဍိက်မပါလ္ပာ် ညးမသ္ပသပုန်ဏအ်ဂှ် ရပ်ထောံစမ်၊ ကၠုၚ်စမ် သရာဲတအ်"
ပ္ဍဲမုက္ခဝါ မဟာဒေဝဳဝွံ ဍာဲဂြၚ်ဒၟံၚ်ဗွဲလၟေၚ် ဓဝ်ဓဝိၚ် ဂွိၚ်ဂွါဲဂမၠိုၚ် အုပ်ဓလီု ဂွံလဝ်အဝဵုရ။ သၟိၚ်မရူလေဝ် သီုကဵုမရပ်လဝ်ဇြၚ် ဓညိက်ဒၟံၚ်က္ဍိုပ်ဟေၚ်တုဲ ဟွံသွဟ်ကဵုပါၚ်ရ။ မဟာဒေဝဳဝွံ သီုကဵုမစဝ်ဒၟံၚ်ဍာ်ဂမ္တဴဂှ် ဒဵုကဵုဍာ်ဂမ္တဴမဂံက်အာ သုၚ်တဴဟွံမာန်ဏီရ။ အဃောဂှ် သရာဲသၟိၚ်မရူမွဲတၠ စိုပ်ကၠုၚ် ဇရေၚ်သၟိၚ်မရူ သီုကဵုမဂြိပ်ကၠုၚ်ရ။
"ယွံတၠနာဲ၊ ဒပ်ကောန်သၟိၚ်ဗညာနဲဂမၠိုၚ် တိတ်ကၠုၚ်နူကဵု ဗ္ဒိုပ်စရည်တုဲ ဇက်ကၠုၚ်ဒၟံၚ် ဒဵုကဵုစိုပ် ဗ္ဒိုပ်မောမသံအိုတ်ရအဴ"
ပ္ဍဲမုက္ခဝါ သၟိၚ်မရူဝွံ ဍာဲဂြၚ်ကြမ်ကြဒၟံၚ် ညံၚ်ရဴလကိုဟ်မွဲရ။ ရပ်ကေမ်လဝ်ကၞပ်ဇြၚ် နကဵုတဲပုၚ် ဗွဲမကၟောန်တုဲ ကၞပ်ဇြၚ်ဝွံ ယဝ်ခါရ ကၞပ်ဇြၚ်ပသဲ ဟွံသေၚ်မ္ဂး ဒးထ္ကးသၠေက်သၠံၚ်ဒၟံၚ် ပ္ဍဲဒၞါဲဂှ်ရ။
"ၝက္လေၚ်မာန်ရ၊ ပဠေဝ်ပဠေတ်လတ်ဒပ်ညိ"
သရာဲမကၠုၚ် ပလံၚ်ပရိုၚ်လေဝ် ဗွဲမပြဟ် ဂတးဂြိပ်စဴအာရ။
"ယွံဣၝဲ၊ ဒပ်ဗညာနဲတအ် ဇက်ကၠုၚ်ယျ၊ တ္ၚဲဏအ် ကၠာတ္ၚဲဟွံဒစေၚ်မ္ဂး စိုပ်ဗ္ဒိုပ်မောမသံရောၚ်ထေၚ်ရ"
"ဇက်ကၠုၚ်တှ်ေလေဝ် သက်ဒးဗ္တိုက်ရနွံ"
ပ္ဍဲရမျာၚ် မဟာဒေဝဳကဵု သၟိၚ်မရူတအ် ဟိုတ်နူဒေါသတုဲ ၜိုန်ရရမျာၚ်ကြံၚ်မ္ၚိုဟ်ဒၟံၚ်ကီုလေဝ် ခတဝ်ခဝဝ်ဒၟံၚ်ရောၚ်ဂှ် သ္ဒးထေၚ်ကေတ်ရ။ အခိၚ်မူရီုကျာဒၟံၚ် မြဴသာ်ဝွံဂှ် ဍိက်ဗြဴမွဲ ဗွဲမဃရေက်ခဗက် စိုပ်ကၠုၚ်ဇရေၚ် မဟာဒေဝဳရ။
"ယွံနာဲဗြဴ...၊ ယွံလေဝ်နာဲဗြဴ... အမာတ်ဂမၠိုၚ်... အမာတ်ဂမၠိုၚ်... ကောံကၠုၚ်ဒၟံၚ် ဇရေၚ်နန်ထဝ် အိုတ်ရအဴ..."
ဍိက်ဗြဴဝွံ ဟိုတ်နူမဂြိပ်ကၠုၚ်တုဲ ၜိုန်ရဒှ်တဴ ရာသဳဟေမန်ကီုလေဝ် ဍောၚ်ၜိူတ်ဒၟံၚ်ရ။ နကဵုဂလာန် ဆိုက်ဆိုက်ဗဗ ဟီုတဴဒၟံၚ် သီုကဵုမဍောၚ်ၜိုတ်ရ။
"ဍေံတအ် တီအိုတ်ယျဏောၚ်ထေၚ်၊ ဍေံတအ်တီအာ ဟွံဂွံပုဟ်။ ညံၚ်ဍေံတအ် ဟွံဂွံစိုပ် ဇရေၚ်ခဒမ်ဒေံသၟိၚ်ဂှ် ဒးတာဒၞါကၠေံဏောၚ်"
ဗီုပြၚ် မဟာဒေဝဳဝွံ ဖေက်လကိုတ်လောန်တုဲ ဘိၚ်ဘၚ်ဒၟံၚ်ရ။ မဟာဒေဝဳဝွံ အမာတ်မကၠုၚ်တဴ ဇရေၚ်နန်ဂမၠိုၚ် နူကၠာဟွံဂွံစိုပ်တဴ ခဒမ်ဇွတၠညးမၞုံတေံဏီ မိက်ဂွံတာဒၞါကၠေံဂှ်ရ က္တဵုအာနူသ္ၚိနန်ဇကု ဗွဲမပြဟ်တုဲ အာတဴဇရေၚ်နန်ထဝ်ရ။ သၟိၚ်မရူလေဝ် သီုကဵုမရပ်လဝ်ဇြၚ်ဂှ် ဒးဂြိပ်ဗက်အာ အဖဝ်ဍိက်သ္ကအ်ဗြဴ မဟာဒေဝဳတအ်ဂမၠိုၚ်ဂှ်ရ။
အမာတ်ဇၞော် သၟိၚ်ဇိပ်ဗြာဲ မပ္တံကဵု အမာတ်ဒိန်၊ အမာတ်သာံပြာပ် ကေုာံ အမာတ်ဟံသာဝတဳဂမၠိုၚ် အိုဿီု ဟိုတ်နူဂွံမိၚ်ကေတ် တၠညးစုတိအာတုဲ သွက်ဂွံသၟာန်ပရောပရာတုဲ ကၠုၚ်စိုပ်ပ္ဍဲဝၚ်နန်ရ။ မဟာဒေဝဳ မတိတ်ကၠုၚ် နူသ္ၚိနန်တေံကဵု အမာတ်ဂမၠိုၚ်ဝွံ ဇီုဆိုၚ်အာမုက်ညးသ္ကအ် ပ္ဍဲကဵုဂတမုက် ပြသာဒ်နန် ပၞၚ်သဳဟာသန အိုတ်ရ။ အမာတ်ဂမၠိုၚ်လေဝ် ဟိုတ်နူဆဵုဒးကဵု မဟာဒေဝဳတုဲ သီုညးဖအိုတ် ထံက်ဖျေံက္ၜံၚ်တုဲ ကဵုတဴရှ်ေသှ်ေအိုတ်ရ။
"မၞးတအ် ကောံဓရီု နွံတဴလေဝ် ဟွံသေၚ်၊ မုဟိုတ် ပြဟ်ပြဟ်ပြေဟ်ပြေဟ် သ္ဂောံလုပ်ကၠုၚ် ပ္ဍဲဝၚ်နန်အိုတ်ဂှ်ရော"
နကဵုရမျာၚ်ကြံၚ်ကြံၚ် မဟာဒေဝဳ ကဟုက်ဏါကဵု အမာတ်ဂမၠိုၚ်ရ။ အမာတ်ဂမၠိုၚ်အိုဿီု ထံက်က္ၜံၚ် ဂစိုၚ်ဒၟံၚ်က္ဍိုပ်အိုတ်ရ။ အမာတ်တၞဟ်ဂမၠိုၚ် ဟွံဂံၚ်ပ္တိုန်ထ္ၜး မမိက်ကဵုမွဲမွဲတုဲ အမာတ်ဇၞော် သၟိၚ်ဇိပ်ဗြာဲ ပ္တိုန်ထ္ၜးတဴရ။
"ပိုဲဍိက်တအ် ဟိုတ်နူဂွံမိၚ်ကေတ် တၠညးစိၚ်ဗ္တာၚ်စုတိအာတုဲ ကၠုၚ်သ္ပပူဇဴတဴ ဇွတၠညးရအဴ"
"ညးဂှ်မွဲ ဟီုကဵုမၞးတအ်ရော ဒေံသၟိၚ်စုတိအာယျဂှ်၊ ဒေံသၟိၚ် တိက်သ္တၚ်ဒၟံၚ် ပ္ဍဲခဒမ်နန်ဖိုဟ်။ လ္တူနူကဵုပရေၚ်ဏအ်ဂှ် လၟုဟ် ဒပ်အပသုံ ဇက်ကၠုၚ်ဒၟံၚ် ဇရေၚ်ဗဂေါဏအ်ယျ၊ သွက်ဂွံဒုၚ်ဗ္တိုက်ဟေၚ် ပဠေတ်တဴအိုတ်ညိ"
"လ္ပလီဠာန် ပၞုက်ဓလုက်တဴညိရအဴ၊ ဟိုတ်နူကဵု အ္စာသဝ် စက္ကဝါဒဳယ ဟီုတုဲ ဒဒှ်တၠညးစုတိအာဂှ် ပိုဲဍိက်တအ် တီလဝ်တုဲရအဴ။ ကဵုအခေါၚ် ဂွံလ္ၚောဝ်သ္ပပူဇဴ ဇွတၠညးညိအဴ"
"ဗှ်ေ သ္ၚိတ်ထောံစမ်၊ အမာတ်ဗီုဗှ်ေဂှ် သ္ပဗီုတေံဏောၚ်၊ သ္ပဗီုဏအ်ဏောၚ်ဂှ် အခေါၚ်ဟီု ဟွံမွဲပုဟ်၊ ဒးက္လၚ်တဴ အမိၚ်အဲဏောၚ်။ လၟုဟ် ဗွဲမပြဟ် သွက်ဂွံဗ္တိုက်ကဵု ဒပ်အပသုံဂှ် ပဠေဝ်အိုတ်စမ်"
ၜိုတ်မဟာဒေဝဳ မဟီုနၚ်ဂှ် အမာတ်ဇၞော် သၟိၚ်ဇိပ်ဗြာဲ က္လေၚ်ထပ်အာတ်ဒၟံၚ် အခေါၚ်ဂှ် မဟာဒေဝဳ ဒေါသတိတ်လောန်တုဲ ကဟုက်ဏါကဵုရ။ ရမျာၚ် မဟာဒေဝဳဝွံ အုပ်ဓလီုကၠေံ အလုံဝၚ်နန် ပ္ဍဲအခိၚ်ပလာံဂယးမွဲရ။ အမာတ်ဇၞော် သၟိၚ်ဇိပ်ဗြာဲဝွံ ဟွံမွဲတဴကဵု ပွမဖေက်ဂၟံက် မၞုံတဴဒၟံၚ် ဗွဲမညိၚ်ဝတ်ရ။
"ယွံနာဲဗြဴ၊ မအံက်က္လိလောန်တုဲမ္ဂး ကောန်ဒးတိုန်နန်ဂှ် ဒှ်ဓမ္မတာရ။ လၟုဟ်လေဝ် တၠညးစိၚ်ဗ္တာၚ် စုတိအာတုဲ ကောန်သၟိၚ်ဗညာနဲ မဒှ်တဴ ကောန်ဇၞော်ဂှ်ဟေၚ် ဒှ်တဴကောန်သၟိၚ် လၟောဝ်နန်မွဲတုဲ သွက်ဒးဗ္တိုက်ဂှ် ဟွံမွဲတဴရအဴ"
မဟာဒေဝဳ ဂွံမိၚ်ကေတ် ဂလာန်အမာတ်ဇၞော်ဝွံ ညံၚ်ရဴစိၚ်မစှ်ေကၠေၚ်ကီု ဒေါသတိတ်အာ ဗွဲမလောန်ရ။ သီုကဵုမုက်မတ်ကြံၚ်မ္ၚိုဟ် ဖျုန်ဇကုတအ်လေဝ် ခတဝ်ဒၟံၚ်ရ။
"ဗှ်ေမွဲ ဟီုခ္ဍၚ် ဒှ်ခ္ဍၚ်ဟာ၊ ဣလဵု ဒပ်မၚ်နန်တအ် ကၠုၚ်စမ်၊ နာ ဍိက်မပါလ္ပာ် ညးမသ္ပသပုန်ဏအ်ဂှ် ရပ်ထောံစမ်၊ ကၠုၚ်စမ် သရာဲတအ်"
ပ္ဍဲရမျာၚ် မဟာဒေဝဳဝွံ ဟိုတ်နူဒေါသတုဲ ကြံၚ်မ္ၚိုဟ်ထတ်သ္ကာတ်ဒၟံၚ်ရ။ က္ညာၚ်ကော်ဒၟံၚ် သရာဲပၟၚ်သၟိၚ်ဂမၠိုၚ် နကဵုရမျာၚ်ထ္ကးထ္ကးရ။ ရမျာၚ်ဝွံ ညံၚ်ရဴဂကောံ ပြဝါဂစေံဂမၠိုၚ် မပဝ်လုပ်ကၠုၚ်ပ္ဍဲနန်ကီု မၞုံတဴရ။ သရာဲပၟၚ်သၟိၚ်ဂမၠိုၚ် ၜိုန်ရနွံဒၟံၚ် ဗ္ဒာဲခဒမ်နန်ကီုလေဝ် အမာတ်ဇၞော်ဝွံ ဟိုတ်မဒှ်တဴ သေနာပတိဇကုတအ် မဇၞော်အိုတ်ကီု၊ ဟိုတ်မတီတဴ မဟာဒေဝဳကဵု သၟိၚ်မရူတအ် ၚံက်စၞာဲယုတ်မာဂှ်ကီုတုဲ အယာံမာတ် ဗဵုရံၚ်ဒၟံၚ် မ္ၚးခဒမ်နန်ဟေၚ်ရ။ သွက်ဂွံရပ်တဴ အမာတ်ဇၞော်ဂှ် လ္ပဟီုဏီ သီုဟွံတိုန်ကၠုၚ် လ္တူခဒမ်နန် ဒတူဗဵုဒၟံၚ်အိုတ်ရ။ ဟိုတ်နူဖအောဝ်စကာ ဒပ်မၚ်နန် ဟွံဂွံတုဲ မဟာဒေဝဳဝွံ ဟွံဂွံကဵုစိုတ်ဂှ် သာတုဲ ဒေါသတိတ်တဴရ။
"ဟေံ အမာတ်ဒိန်၊ ဗှ်ေဂှ် ဒေံသၟိၚ် ကဵုမၚ်မွဲလဝ်ဍုၚ် ဟွံသေၚ်ဟာ၊ နာသၞဏအ်ဂှ် ဗှ်ေရပ်ထောံလၟုဟ်စမ်"
"ဟွံဂံၚ်ရပ်ရအဴ၊ တၠညးစိၚ်ဗ္တာၚ် ကဵုမၚ်မွဲလဝ်ဍုၚ်ဂှ် ဍာံစၟတ်ကီုလေဝ် တၠညးစိၚ်ဗ္တာၚ် ဟွံမွဲတုဲ ဒုၚ်သစ္စာကဵု ကောန်တၠညးစိၚ်ဗ္တာၚ်ဂှ် သၞသာ်ဝွံ သ္ဂးဟွံထေက်ရအဴ။ ဟိုတ်ဂှ်ရ ပိုဲဍိက်တအ် ဂွံရပ်တဴဂှ် ဟွံသၟဟ်အစောံရအဴ"
အဃောတၠညးနွံတေံ ကဵုလဝ်တာလျိုၚ် ကုအမာတ်ဒိန် ကဵုမၚ်မွဲလဝ်ဍုၚ်ဂှ် ၜိုန်မဟာဒေဝဳ ဖအောဝ်ကဵုရပ်တဴ သၟိၚ်ဇိပ်ဗြာဲကီုလေဝ် အမာတ်ဒိန်လေဝ် ဟွံဗက်လ္ပာ် မဟာဒေဝဳတုဲ တးပါဲတဴရ။ အမာတ်ဇၞော် သၟိၚ်ဇိပ်ဗြာဲလေဝ် သီုကဵုမထံက်လဝ်က္ၜံၚ်ဟေၚ် မၞုံတဴဒၟံၚ်ရ။ သရာဲဂမၠိုၚ်ကီု သီုအမာတ်ဂမၠိုၚ် ဟိုတ်နူကဵု ဟွံက္လၚ်တဴ အမိၚ်ဇကုတုဲ မဟာဒေဝဳဝွံ ဒေါသတိတ်တဴဒၟံၚ် ဗွဲမလောန်တုဲ ညံၚ်ရဴဇြုံဇာတ် မဆဵုညာတ်ဒးသၞကီု ဒှ်တဴဒၟံၚ်ရ။
"မၞးတအ်သီုညးဖအိုတ် ပါဗက်ဒၟံၚ် လ္ပာ်သပုန်အိုတ်မ္ဂး မၞးတအ်ညးဂမၠိုၚ် အိုဿီုဂှ် အလဵုဇကုအဲ စဳရေၚ်ဏောၚ်..."
"ခွေၚ်....."
နကဵုဒေါသ မဟာဒေဝဳ ပ္ဍဲကဵုလ္အိတ်ရမျာၚ်မအိုတ်ဂှ် ရမျာၚ်ၜေါအ်ပ္တိတ်ဇြၚ် နူကဵုကၞပ်လေဝ် ဂွံမိၚ်တဴ မွဲအဆက်ဓဝ်ရ။ ဇြၚ်နူကဵုသၟိၚ်မရူဝွံ ယာတိုန်အာတုဲ ပါဗက်ကၠုၚ် ပ္ဍဲကဵုတဲ မဟာဒေဝဳရ။ အမာတ်ဂမၠိုၚ်အိုဿီု သီုကဵုဟွံဂံၚ်လ္ၚာ်ဗဵုရံၚ် ဂစိုၚ်က္ဍိုပ်တုဲ ထ္ၜေက်လဝ်မတ်အိုတ်ရ။ ပ္ဍဲမွဲစိတက္ခဏ ညးဂမၠိုၚ်ဂှ် အမာတ်ဇၞော် သၟိၚ်ဇိပ်ဗြာဲမွဲ က္ဍိုပ်ကဵု ခန္ဓကာယ ပါ်ထ္ကးအာယျဂှ် သာ်ဝွံ ချပ်ထေၚ်ဒၟံၚ်အိုတ်ရ။
"ဒေါအ်ထောံညိရ ဣၝဲ၊ တဲလောန်အိုတ်ရောၚ်အဴ"
"ခွေၚ် ၚ် ၚ်....."
ရမျာၚ်သၟိၚ်မရူ က္ညာၚ်တာဒၞါကီု သီုရမျာၚ်ဇြၚ် မကလှ်တိတ် နူကဵုတဲ မဟာဒေဝဳဝွံ တိတ်ကၠုၚ် မွဲအဆက်ဓဝ်ရ။ ကါလအမာတ်ဂမၠိုၚ် အိုဿီု မၠာ်မတ်ရံၚ်တဴဂှ် သၟိၚ်မရူ သီုကဵုမတာဒၞါဒၟံၚ် မဟာဒေဝဳ ဇြၚ်ဂှ်လေဝ် ဒတုံဒၟံၚ်ပ္ဍဲဗလးကၞဳ ဂတမုက် အမာတ်ဇၞော် သၟိၚ်ဇိပ်ဗြာဲရ။ သၟိၚ်မရူဝွံ သီုကဵုမတာဒၞါတဴ တံၚ်ဓဇက်ဏါ မဟာဒေဝဳရ။ မဟာဒေဝဳမွဲ သီုကဵုမလရိုအ်ယာံတဴ ညံၚ်ရဴတမြအ်မွဲကီု က္ညာၚ်ကရေဲတုဲ ပါဗက်အာ ကရောံသၟိၚ်မရူ မတံၚ်ဓဇက်ဏါဒၟံၚ်ဂှ်ရ။
"မၞးတအ်ဂှ် အလဵုဇကုအဲ စဳရေၚ်ဏောၚ်... ဂစိုတ်တဴ နကဵုတဲအဲဏောၚ်... ဟဳ... အဟိ... ဟဳ..."
ရမျာၚ်က္ညာၚ်ကရေဲ၊ ရမျာက်လရိုအ်ယာံ မဟာဒေဝဳဂမၠိုၚ် သ္ၚောဲအာတုဲ ကၠေံအာရ။ အမာတ်ဂမၠိုၚ်လေဝ် ကါလဆဵုညာတ်ဒး အမာတ်ဇၞော် သၟိၚ်ဇိပ်ဗြာဲ မုဟွံဒှ်မွဲသာ်မှ ဂွံကပိုက်ဖျေံတဴ ယဝီုမာန်အိုတ်ရ။ ပယျာံနူဂယး သၟိၚ်တ္ၚဲလေဝ် မံက်ကၠုၚ်ယျတုဲ အမာတ်ဂမၠိုၚ် အိုဿီု ဆက်အာတဴ ဇရေၚ်ခဒမ် မစွံလဝ် ဇွတၠညးတေံအိုတ်ရ။
အပ္ဍဲခဒမ်နန်တၠညးဝွံ ပ္ဍဲလ္တူဇံၚ်ခါတ် သီုကဵုမဓလဲလဝ်က္ဍိုၚ်ဗ္တာၚ် ရုပ်ဇွကမ္မဌာန် တၠညးစိၚ်ဗ္တာၚ် သၟိၚ်ဗညာဥူ မဟွံမွဲကဵုလမျီု ကေုာံ ဗ္ဒာဲပွဳပွူဂှ် ဍိက်ဗြဴပ္တုဲဝတ်ဂမၠိုၚ် မလရိုအ်ယာံဒၟံၚ်ရ။ အမာတ်ဇၞော် သၟိၚ်ဇိပ်ဗြာဲ ကေုာံ အမာတ်ဂမၠိုၚ်အိုဿို လလောၚ်တြးတဴ တၠညးအာစိုပ် အနိစ္စဓဝ်အိုတ်ရ။
"ယွံအမာတ်ဒိန် လ္ၚောဝ်သ္ပဝတ်တုဲမ္ဂး ၝဂှ် ဟိုတ်နူကဵု တၠညးမကေၚ်ကဵုလဝ် အမိၚ်နွံဂှ်ရ မၚ်မွဲပခေဝ်ပဠေတ်တဴ ဇွတၠညးညိ။ အပ္ဍဲဍုၚ်၊ အပ္ဍဲနန်ဂှ်လေဝ် ပရေၚ်ဂီုကၠီု လ္ပကဵုခၠန်အာညိ"
"ယွံ သာံပြာပ်ဍောတ်၊ ၝဂှ် ကောန်ဒုဟ် မဟွံမွဲကုဒုဟ် သၟိၚ်မရူတအ် မပၠုပ်လဝ်ထံၚ်ဂမၠိုၚ်ဂှ် ဗလးထောံညိ"
"ဒးရးသန်ရအဴ"
"ကောနိသၟိၚ်လေဝ် စိုပ်ဇရေၚ်ဗ္ဒိုပ် မောမသံရဏောၚ်၊ ညးမိက်ဂွံ အာဒုၚ်တၠုၚ်ဂှ် ကဵုဏါအခေါၚ်အိုတ်ညိ"
နကဵုအစဳဇန် အမာတ်ဇၞော် သၟိၚ်ဇိပ်ဗြာဲဟေၚ် ညးမပဠေဝ်တဴ သွက်ဂွံစံၚ်ဇွဂြဇုက်ဂှ် ပဠေဝ်၊ ညးမမၚ်ကၚ်ဂှ်မၚ် ကမၠောန်ထုဲအာအိုတ်ရ။ သီုကဵုဒုဟ်ဒဏ်ဟွံမွဲ စောဲစုတ်ဒုဟ် ပါလ္ပာ်ကောန်သၟိၚ်တုဲ ဍိက်မပ္တံကဵု မာံဇြဲတၞုၚ်၊ အဒဴကုန်တအ်ဂှ်လေဝ် ဗလးကၠေံအိုတ်ရ။
ဆက်ဗှ်အာ သ္ကုတ် ၅၅ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရအဴ။
https://t.me/laaeimon
#ဗညာနဲ #သၟိၚ်မရူ #မဟာဒေဝဳ
#The Sunrise of Hongsawatoi
"ဟေံ အမာတ်ဒိန်၊ ဗှ်ေဂှ် ဒေံသၟိၚ် ကဵုမၚ်မွဲလဝ်ဍုၚ် ဟွံသေၚ်ဟာ၊ နာသၞဏအ်ဂှ် ဗှ်ေရပ်ထောံလၟုဟ်စမ်"
"ဟွံဂံၚ်ရပ်ရအဴ၊ တၠညးစိၚ်ဗ္တာၚ် ကဵုမၚ်မွဲလဝ်ဍုၚ်ဂှ် ဍာံစၟတ်ကီုလေဝ် တၠညးစိၚ်ဗ္တာၚ် ဟွံမွဲတုဲ ဒုၚ်သစ္စာကဵု ကောန်တၠညးစိၚ်ဗ္တာၚ်ဂှ် သၞသာ်ဝွံ သ္ဂးဟွံထေက်ရအဴ။ ဟိုတ်ဂှ်ရ ပိုဲဍိက်တအ် ဂွံရပ်တဴဂှ် ဟွံသၟဟ်အစောံရအဴ"
အဃောတၠညးနွံတေံ ကဵုလဝ်တာလျိုၚ် ကုအမာတ်ဒိန် ကဵုမၚ်မွဲလဝ်ဍုၚ်ဂှ် ၜိုန်မဟာဒေဝဳ ဖအောဝ်ကဵုရပ်တဴ သၟိၚ်ဇိပ်ဗြာဲကီုလေဝ် အမာတ်ဒိန်လေဝ် ဟွံဗက်လ္ပာ် မဟာဒေဝဳတုဲ တးပါဲတဴရ။ အမာတ်ဇၞော် သၟိၚ်ဇိပ်ဗြာဲလေဝ် သီုကဵုမထံက်လဝ်က္ၜံၚ်ဟေၚ် မၞုံတဴဒၟံၚ်ရ။ သရာဲဂမၠိုၚ်ကီု သီုအမာတ်ဂမၠိုၚ် ဟိုတ်နူကဵု ဟွံက္လၚ်တဴ အမိၚ်ဇကုတုဲ မဟာဒေဝဳဝွံ ဒေါသတိတ်တဴဒၟံၚ် ဗွဲမလောန်တုဲ ညံၚ်ရဴဇြုံဇာတ် မဆဵုညာတ်ဒးသၞကီု ဒှ်တဴဒၟံၚ်ရ။
"မၞးတအ်သီုညးဖအိုတ် ပါဗက်ဒၟံၚ် လ္ပာ်သပုန်အိုတ်မ္ဂး မၞးတအ်ညးဂမၠိုၚ် အိုဿီုဂှ် အလဵုဇကုအဲ စဳရေၚ်ဏောၚ်..."
"ခွေၚ်....."
နကဵုဒေါသ မဟာဒေဝဳ ပ္ဍဲကဵုလ္အိတ်ရမျာၚ်မအိုတ်ဂှ် ရမျာၚ်ၜေါအ်ပ္တိတ်ဇြၚ် နူကဵုကၞပ်လေဝ် ဂွံမိၚ်တဴ မွဲအဆက်ဓဝ်ရ။ ဇြၚ်နူကဵုသၟိၚ်မရူဝွံ ယာတိုန်အာတုဲ ပါဗက်ကၠုၚ် ပ္ဍဲကဵုတဲ မဟာဒေဝဳရ။ အမာတ်ဂမၠိုၚ်အိုဿီု သီုကဵုဟွံဂံၚ်လ္ၚာ်ဗဵုရံၚ် ဂစိုၚ်က္ဍိုပ်တုဲ ထ္ၜေက်လဝ်မတ်အိုတ်ရ။ ပ္ဍဲမွဲစိတက္ခဏ ညးဂမၠိုၚ်ဂှ် အမာတ်ဇၞော် သၟိၚ်ဇိပ်ဗြာဲမွဲ က္ဍိုပ်ကဵု ခန္ဓကာယ ပါ်ထ္ကးအာယျဂှ် သာ်ဝွံ ချပ်ထေၚ်ဒၟံၚ်အိုတ်ရ။
"ဒေါအ်ထောံညိရ ဣၝဲ၊ တဲလောန်အိုတ်ရောၚ်အဴ"
"ခွေၚ် ၚ် ၚ်....."
ရမျာၚ်သၟိၚ်မရူ က္ညာၚ်တာဒၞါကီု သီုရမျာၚ်ဇြၚ် မကလှ်တိတ် နူကဵုတဲ မဟာဒေဝဳဝွံ တိတ်ကၠုၚ် မွဲအဆက်ဓဝ်ရ။ ကါလအမာတ်ဂမၠိုၚ် အိုဿီု မၠာ်မတ်ရံၚ်တဴဂှ် သၟိၚ်မရူ သီုကဵုမတာဒၞါဒၟံၚ် မဟာဒေဝဳ ဇြၚ်ဂှ်လေဝ် ဒတုံဒၟံၚ်ပ္ဍဲဗလးကၞဳ ဂတမုက် အမာတ်ဇၞော် သၟိၚ်ဇိပ်ဗြာဲရ။ သၟိၚ်မရူဝွံ သီုကဵုမတာဒၞါတဴ တံၚ်ဓဇက်ဏါ မဟာဒေဝဳရ။ မဟာဒေဝဳမွဲ သီုကဵုမလရိုအ်ယာံတဴ ညံၚ်ရဴတမြအ်မွဲကီု က္ညာၚ်ကရေဲတုဲ ပါဗက်အာ ကရောံသၟိၚ်မရူ မတံၚ်ဓဇက်ဏါဒၟံၚ်ဂှ်ရ။
"မၞးတအ်ဂှ် အလဵုဇကုအဲ စဳရေၚ်ဏောၚ်... ဂစိုတ်တဴ နကဵုတဲအဲဏောၚ်... ဟဳ... အဟိ... ဟဳ..."
ရမျာၚ်က္ညာၚ်ကရေဲ၊ ရမျာက်လရိုအ်ယာံ မဟာဒေဝဳဂမၠိုၚ် သ္ၚောဲအာတုဲ ကၠေံအာရ။ အမာတ်ဂမၠိုၚ်လေဝ် ကါလဆဵုညာတ်ဒး အမာတ်ဇၞော် သၟိၚ်ဇိပ်ဗြာဲ မုဟွံဒှ်မွဲသာ်မှ ဂွံကပိုက်ဖျေံတဴ ယဝီုမာန်အိုတ်ရ။ ပယျာံနူဂယး သၟိၚ်တ္ၚဲလေဝ် မံက်ကၠုၚ်ယျတုဲ အမာတ်ဂမၠိုၚ် အိုဿီု ဆက်အာတဴ ဇရေၚ်ခဒမ် မစွံလဝ် ဇွတၠညးတေံအိုတ်ရ။
အပ္ဍဲခဒမ်နန်တၠညးဝွံ ပ္ဍဲလ္တူဇံၚ်ခါတ် သီုကဵုမဓလဲလဝ်က္ဍိုၚ်ဗ္တာၚ် ရုပ်ဇွကမ္မဌာန် တၠညးစိၚ်ဗ္တာၚ် သၟိၚ်ဗညာဥူ မဟွံမွဲကဵုလမျီု ကေုာံ ဗ္ဒာဲပွဳပွူဂှ် ဍိက်ဗြဴပ္တုဲဝတ်ဂမၠိုၚ် မလရိုအ်ယာံဒၟံၚ်ရ။ အမာတ်ဇၞော် သၟိၚ်ဇိပ်ဗြာဲ ကေုာံ အမာတ်ဂမၠိုၚ်အိုဿို လလောၚ်တြးတဴ တၠညးအာစိုပ် အနိစ္စဓဝ်အိုတ်ရ။
"ယွံအမာတ်ဒိန် လ္ၚောဝ်သ္ပဝတ်တုဲမ္ဂး ၝဂှ် ဟိုတ်နူကဵု တၠညးမကေၚ်ကဵုလဝ် အမိၚ်နွံဂှ်ရ မၚ်မွဲပခေဝ်ပဠေတ်တဴ ဇွတၠညးညိ။ အပ္ဍဲဍုၚ်၊ အပ္ဍဲနန်ဂှ်လေဝ် ပရေၚ်ဂီုကၠီု လ္ပကဵုခၠန်အာညိ"
"ယွံ သာံပြာပ်ဍောတ်၊ ၝဂှ် ကောန်ဒုဟ် မဟွံမွဲကုဒုဟ် သၟိၚ်မရူတအ် မပၠုပ်လဝ်ထံၚ်ဂမၠိုၚ်ဂှ် ဗလးထောံညိ"
"ဒးရးသန်ရအဴ"
"ကောနိသၟိၚ်လေဝ် စိုပ်ဇရေၚ်ဗ္ဒိုပ် မောမသံရဏောၚ်၊ ညးမိက်ဂွံ အာဒုၚ်တၠုၚ်ဂှ် ကဵုဏါအခေါၚ်အိုတ်ညိ"
နကဵုအစဳဇန် အမာတ်ဇၞော် သၟိၚ်ဇိပ်ဗြာဲဟေၚ် ညးမပဠေဝ်တဴ သွက်ဂွံစံၚ်ဇွဂြဇုက်ဂှ် ပဠေဝ်၊ ညးမမၚ်ကၚ်ဂှ်မၚ် ကမၠောန်ထုဲအာအိုတ်ရ။ သီုကဵုဒုဟ်ဒဏ်ဟွံမွဲ စောဲစုတ်ဒုဟ် ပါလ္ပာ်ကောန်သၟိၚ်တုဲ ဍိက်မပ္တံကဵု မာံဇြဲတၞုၚ်၊ အဒဴကုန်တအ်ဂှ်လေဝ် ဗလးကၠေံအိုတ်ရ။
ဆက်ဗှ်အာ သ္ကုတ် ၅၅ ညိ...
#သ္ဂံၚ် လအီမန် (သၟာပၠန်ဂတး အညတြ)
ပ္ဍဲကဵု Telegram လေဝ် လုပ်ဗှ်တဴမာန်ရအဴ။
https://t.me/laaeimon
#ဗညာနဲ #သၟိၚ်မရူ #မဟာဒေဝဳ
#The Sunrise of Hongsawatoi
Telegram
ဝတ္ထု ဒုၚ်သ္ဇိုၚ်ကဵုရာဇာဝၚ်ဂမၠိုၚ်
ရာဖာဝၚ်မန်