ربما بحياةً أخرى ..

ماتجين؟ غيابج أثر عليه وماخلّه بيّه حيل
ماتجين؟ آني ما أعرف أحچي إلّا وياج، وإنتِ الوحيده اللي تفتهمين
رايدج ساعة يمي، ما أريدج كل السنين
بس ساعة أرتاح بيها، وأنسى التعب وحس بلحنين
تعالي، خلّي صوتج يهدّي هالأنين
آني من دونج أضيع، وإنتِ تعرفين
كل ما أحاول أنسى، يرجع طيفج يذكرني
وأگول يمكن تجين، وأظل ناطر سنين
ما أريد وعد منج، ولا أريد تحلفين
بس أريدج من تضوجني الدنيا، يمّي تبقين
وإذا سألتيني شبيك؟ أگول: إنتِ تدرين
لأن كلشي بگلبي، من عيوني تقرين

ليش عفتني ورحت، وأنه عفت هلي وناسي
لخاطر كلمة منك، حسبتها تبقى أنفاسي
گلت إنتَ الأمان، وإنتَ كلشي براسي
طلع كلشي حچي، وبالنهاية تلاشت آمالي
چنت أريدك تبقى، مو بس يوم وتنساني
چنت أشوفك عمر، وإنتَ شفتني ثواني
هسه من أذكر اسمك، يضوج بيّه زماني
وأضحك بين العالم، وبالوحدة هواي أعاني
ما أريد ألومك بعد، كافي تعبني عتابي
إنتَ اخترت البعد، وأنت رضيت بغيابي
بس شلون أنسى شخص، چان أغلى من أحبابي؟
شلون أدفن ذكرى، وهي عايشة بأعصابي؟ لو صارت الدنيا عليّه
وأتعلم من غيابك، مو كل وعدٍ نصدّگ بنيتهَ

عفتني وگلبي من فرگاك عَفّ
وعفتني والليل من بعدك عَفّ
عفتني وگلت الوفه بيك عَفّ
أثر كل الوعد ما يسوى عتاب