​رجعت لبيتنا متردد وخايف
ومدري شچان من حيطانه مفقود
وشفت وادم حزنها مخرب البيت
عليّه وجوههم وهدومهم سود
​ناس مسودنة وتصيّح صياح
تشلّع بالشعر ومزرفة الخدود
وشفت واحد چبير ووجهه مألوف
حاضن صورتي وفوگاها ممدود
​أبويَ؟ الخوش زلمة؟ القوي چان
عليّه مكسور ظهره وحيله ممرود
ودرت وجهي وگلت ما باوع عليه
وشفت رماد ملفوف بعباية
​حرمة مبهذلة ومطشرة ع الگاع
وما تبچي عليّ مثل النثاية
من خلص دمعها مشلّعة العيون
ودم اسود يخر من الثداية
​شمّت ريحتي وحستني موجود
گالت: ابني؟ طلعت أمي هايه...

لـطفا. 🥺

بس كلمه يستحق.

انضمام