ولا تَجزَعْ لِحادثةِ الليّالي
فَمَّا لِحوادثُ الدُنيا بَقاءَ

أتَمُّ الناسِ عقلاً مَن تراهُ عنِ الأقوامِ مشغولاً بنفسهِ .

وما المرءُ إلا ظلُ طيفٍ سينقضي
وتأتي ظلال بعده وطُيُوفُ
وما العمرُ إلا غفوة بعد غفوةٌ
وما الناس إلا ومضة وخسوفُ
فمر على الدنيا خفيفا كما الندىٰ
فإنّا على هذه الحياةِ ضيوفُ

وَمِثلِيَ لا يَأسىٰ عَلىٰ ما يَفوتُهُ
إِذا كانَ عُقبىٰ ما يَنالُ زَوالُ

ما قرأت زيارة عاشوراء الا وأدركت الفرج

قَد وَزَّع اللَهُ بَينَ الخَلقِ رزقَهُمُ
لَم يَخلُق اللَهُ مِن خَلقٍ يُضَيِّعُهُ

الآن ترحل بعدما استعمَرتني
وتقول عذرا إنها الأقدار
لَا عُدْرَ يقنعُني بِأَنَّكَ مُجبر
في الهجر لا تجدي معي الأعذار
دارت بنا الدنيا وأنت خذلتني
وغدًا بها تتبدل الأدوار

شوكت يخلصون عددكم؟

تدرون البشر شنو مشكلته؟ دائما يربط حياته وواقعه ومستقبله بكلمة "لو"
وبهالكلمة تتدمر كل الاحلام وتتأجل كل المشاريع إلى وقت حيل ابعد من الوقت اللازم
على سبيل المثال اني ببالي فكرة وحابها واريد أسويها كلش فجأه تجيني فكرة من نفسي الأماره تكلي لو جان عندي مثلا مكان خاص بيه( غرفة) جان سويتها هسه مااسويها ماترهم
يعني تربط أفعالك بشيء هو ماله دخل بالشغله!!
انت تكدر تسوي هالشيء بدون غرفه بس هاي اعذار وحجج وتأجيل
حرفياً البشر كل شيء يكدر يسوي اذا جان رايده
او واحد يكول عاجبني اسوي رياضه بس لو عندي فلوس جان دخلت جم
الفلوس شعليها بالرياضه؟ الرياضه بلاش يعني المشي بالشارع بفلوس؟ لو الا جم ليش نربط حياتنا ونصعبها فوك ماهي صعبه
اكو انواع الرياضه بالبيت وافضل من الجم واسرع
حبايب بطلوا التذمر ودائماً حاولوا تنظرون للجانب الإيجابي بالحياة
مجرد صحتك اليوم وتكدر تتحرك وتشوف وتحجي هاي من أكبر النعم اذا امتلكتها تكدر تصير من افضل البشر وافضل نسخه من نفسك
أبد أبد أبد لا تحطون عينكم على الاعلى منكم لان اصلا بنظري ماكو شخص أعلى من شخص هو مجرد رزق من الله ، وحتى لو هذا عنده اشياء انت تريدها من فلوس ورفاهيه ويكدر يسوي الي تتمنى تسويه تلكاه يتمنى شغلات انت عندكياها سواء من صحة من أهل طيبين من اخوان سند من قدرة انت تملكها
اقتنعوا بالي عندكم لان نهاية التمني والطمع عذاب وماتعيش مرتاح
لا تحاول تصير احسن من فلان حاول تصير احسن نسخه من نفسك حاول تصير احسن من نفسك البارحه
كل يوم تعلم شيء جديد ، لا تخلي شي يمنعك لان هو اصلا ماكو شي يمنعك هاي مجرد شغلات عقلك يكبرها الك الحياة سهله احنه مصعبيها هواي حيل
حاول تجي تعد النعم الي عندك والشغلات الي خاتم الاسبوع هذا مبتسم راح تحس نفسك محظوظ وتحمد الله الف مره
كدامنا مستقبل نوصله حياة تنتظرنا اذا مو هاي الحياة حياة ثانيه
خلي أفعالك تخليك راضي عليها طول الحياة اتعب حتى تحس بلذة حصول الشيء لاتخلي يجي بسهوله
اتعب وابجي وتحطم وي نفسك وفكر وي نفسك باوعوا بودكاست فكروا بافعالكم قبل لاتسووها
والأهم من كل شي الاصدقاء الي تمشون وياهم والي معاشريهم الهم تأثر 70٪ من شخصيتك وحياتك اذا مو اكثر
النميمه والنفاق والتنمر ابد مو ونسه ولا شي حلو تكضون بي فراغكم اذا صادفوكم هيج ناس عوفوهم ولا تتندمون والي يلهيك عن مبادئك ودينك عوفه
لان راح تصير مثله بالضبط ومثل شخصيته
وان شاء الله كل التوفيق الكم

واكو مشكله ثانيه
اكو ناس هواي وأكثرنا اصلا عايشين حياتهم بلا مبدئ بلا قوانين ويسوي الي تريده نفسه بدون تفكير بحجة شنو؟ اني بالاخير راح اموت عليمن متعب نفسي وعليمن حارم نفسي
او اكو شيكولون من يسوون حرام يكولون احنه اهلنا مو زينين أو اني عايش بيئه متعبتني وهذا الشي الوحيد الي يونسني ويفرحني وحرفيا يسوي هذا الحرام بحجة هو مايكدر بدونه وهو سعادته
صدك والله ؟
ماراح تموتون بدونه تره يعني فوك ماحياتك مدمرتك تجي تسوي شي حرام تتونس بي مؤقتا وراها يجيك تأنيب ضمير يخليك تتندم على كل ثانيه سويت بيها هذا الشي الحرام
ومن اكول حرام يعني اي شي يخالف شرع الله سواء صغير او كبير
ولاتكلولي مايجي تأنيب ضمير مستحيل شخص يسوي حرام ومايدري بالي يسوي حرام
كلنا كبار وكلنا نعرف الحلال من الحرام واليوم ماكو شي يعيقنا نسأل اذا ماجنه نعرف مو عيب السؤال عيب تضل على جهلك
اكو اشياء هواي تخليك تتونس بالحلال وترتاح هم وتغيرلك حياتك الكئيبه انت من تسوي شي حرام راح تزيد كئابتك والي يسوي هيج يبتعد عن ربه والي يبتعد عن رب العالمين ماراح يتوفق طول عمره بكل مجالات حياته ولا راح يصير سعيد

هاي طفه النت ساعتين وهيج صار🤣