【圍封大龍鳳】
上個禮拜開始，政府分咗幾日去圍封成個廣福邨，去到禮拜一終於去到最尾一棟－廣仁樓。係呢幾日可以充分咁反映到點解成個「抗疫」用咗咁多資源，但係睇落都係咁「嚴重」，下面幾點係我呢幾日嘅觀察：
[資源錯配]
每一次圍封需要用嘅資源好多，包括人力物力，例如檢測人員、物資同圍封所需嘅物資等等。投入嘅錢同人手都唔少，而得出嘅確診者並唔係好多，如果佢將呢啲資源同人手集中去照顧啲重症病人同埋照顧啲行動不便同其他有需要嘅人，相信有好多人可以得到相應嘅幫助，唔會咁無助。幾次圍封收到最多嘅問題係：「我之前已經確診咗，係咪唔使落去檢測？」，一次無差別嘅圍封，要一大班唔知係咪確診嘅人落去排隊聚集做檢測，一嚟反而增加佢哋受感染風險，二嚟用嘅資源好多，成效好低，仲要分咗四日，究竟個意義喺邊？
記得之前有醫護講話中國嚟嘅「醫護」唔識睇唔識用香港醫護嘅用語，連胃喉都唔識用，其實你用筆錢嚟請啲學護幫手仲好。然而，政府就覺得凡事請求中央幫手就最好，香港嘅公共醫療系統、老人院、特殊人士宿舍最缺嘅係人手同資源，而呢樣嘢就係呢啲疫情爆發嘅時候最突顯到出嚟，而政府向來視而不見，永遠都唔會重視呢啲醫療資源。
[圍封不專業]
喺圍封期間，有唔同嘅政府部門主導成個圍封強檢安排，同埋有檢測公司負責檢測。但我想講，呢幾日佢哋有好多嘅行為都係好唔專業。
第一，有好多人都表示明明有人應承咗佢哋做上門檢測或者居家隔離緊會送個物資包畀佢，但等到第二朝解封都等唔到人。
第二，上門拍門叫你落去做，但落到去先發現啲檢測人員已經走曬，之後要你聽朝自己出去做檢測。
第三，送嘅物資（下面先再講啲中成藥），有人影咗張相係政府送嘅米入面竟然有一條蟲，成粒米咁大粒嘅蟲，有啲就話包米竟然會滴水。
第四，有工作人員係未圍封嘅時間，喺公眾地方到除口罩咁做快速測試，而嗰個位仲要係出入口位置嚟。
第五，啲工作人員著保護衣周圍走出去圍封範圍，我有見過有保護帽跌咗喺圍封範圍外。圍封完，啲垃圾係要廣福邨嘅清潔人員執手尾嘅。
第六，有街坊同我話，圍封後佢畀人送咗入隔離營，因為預計最少要七日，所以拎咗唔少嘢去，但入到去元朗個邊先知，原來出嚟最多只係送到去元朗西鐵站，而營入面仲有唔少老人家添。
第七，有街坊夜晚先翻屋企，但無人同佢講檢測個個安排，亦都唔知確診過唔識檢測。
以上，只係冰山一角，有人講過有部分工作人員好冇禮貌，未完成就合照，大聲傾偈同玩消毒噴霧，呢啲都係聽翻嚟，但只係計上面嘅問題就知道呢個圍封係幾兒戲啦。
[藥石亂投]
係啲物資包入面多數有兩盒寫住多謝中央嘅中成藥，而佢係上面係有寫服用之前請問過中醫先，但政府同埋某部分立會議員同傳媒竟然不斷講話可以安心服用，仲周圍咁派添。然而，前排先有個人食得太多而肝衰竭，「是藥三分毒」呢句係包埋中藥嫁其實，係咪佢哋見到「中央」就突然忘記常識？
[疫情外的身心健康]
呢個政府用咗「保護健康」為理由去限制咗我哋好多嘅活動、自由同人權。但就算講健康，人嘅健康係包括心理健康，一系列嘅「防疫」政策其實係一步步咁剝削所有大人同小朋友嘅身心健康嫁。
小朋友嘅發展其實有好大部分係依靠玩樂期間建立自信心、人際關係、平衡力等等嘅身心健康。但係圍封同防疫政策之下，小朋友又翻唔到學，連去樓下嘅公園都唔得，偷雞玩都驚被人影上Facebook同X張X望，係屋企玩又會被人投訴，係呢個心理壓力同埋冇得玩嘅情況下，小朋友嘅身心發展又點會好啊。
除咗小朋友之外，成年人都好受影響，一嚟係出入、娛樂、運動等等嘅生活受到不合理嘅限制，令到佢哋平常減壓方式都做唔到。二嚟，佢哋要承受住可能受感染嘅壓力，無形中會畀自己好多不必要嘅負面想法，有啲確診咗嘅，甚至會覺得自己係連累咗屋企人。仲有啲確診咗嘅人，想做運動去令自己更快復原，但係周圍就諸多限制。三嚟就係經濟壓力，係不斷加辣嘅「防疫」政策之下，好多人都失業、負債，但望住政府嘅政策，係覺得冇可能會放闊，呢個又係一個壓力。
而圍封就係將佢哋壓力加劇。其實，心理健康都係人嘅健康一部分，而身心唔能正常發展都係疾病之一。政府係咪仲要用圍封、動態清零、傳聞強檢呢啲高成本低效益嘅政策，而犧牲咗香港人嘅其他健康？
#圍封只係一場資源錯配嘅大龍鳳
#苛政
#呢三年小朋友仲有冇童年
#身心都要健康
上個禮拜開始，政府分咗幾日去圍封成個廣福邨，去到禮拜一終於去到最尾一棟－廣仁樓。係呢幾日可以充分咁反映到點解成個「抗疫」用咗咁多資源，但係睇落都係咁「嚴重」，下面幾點係我呢幾日嘅觀察：
[資源錯配]
每一次圍封需要用嘅資源好多，包括人力物力，例如檢測人員、物資同圍封所需嘅物資等等。投入嘅錢同人手都唔少，而得出嘅確診者並唔係好多，如果佢將呢啲資源同人手集中去照顧啲重症病人同埋照顧啲行動不便同其他有需要嘅人，相信有好多人可以得到相應嘅幫助，唔會咁無助。幾次圍封收到最多嘅問題係：「我之前已經確診咗，係咪唔使落去檢測？」，一次無差別嘅圍封，要一大班唔知係咪確診嘅人落去排隊聚集做檢測，一嚟反而增加佢哋受感染風險，二嚟用嘅資源好多，成效好低，仲要分咗四日，究竟個意義喺邊？
記得之前有醫護講話中國嚟嘅「醫護」唔識睇唔識用香港醫護嘅用語，連胃喉都唔識用，其實你用筆錢嚟請啲學護幫手仲好。然而，政府就覺得凡事請求中央幫手就最好，香港嘅公共醫療系統、老人院、特殊人士宿舍最缺嘅係人手同資源，而呢樣嘢就係呢啲疫情爆發嘅時候最突顯到出嚟，而政府向來視而不見，永遠都唔會重視呢啲醫療資源。
[圍封不專業]
喺圍封期間，有唔同嘅政府部門主導成個圍封強檢安排，同埋有檢測公司負責檢測。但我想講，呢幾日佢哋有好多嘅行為都係好唔專業。
第一，有好多人都表示明明有人應承咗佢哋做上門檢測或者居家隔離緊會送個物資包畀佢，但等到第二朝解封都等唔到人。
第二，上門拍門叫你落去做，但落到去先發現啲檢測人員已經走曬，之後要你聽朝自己出去做檢測。
第三，送嘅物資（下面先再講啲中成藥），有人影咗張相係政府送嘅米入面竟然有一條蟲，成粒米咁大粒嘅蟲，有啲就話包米竟然會滴水。
第四，有工作人員係未圍封嘅時間，喺公眾地方到除口罩咁做快速測試，而嗰個位仲要係出入口位置嚟。
第五，啲工作人員著保護衣周圍走出去圍封範圍，我有見過有保護帽跌咗喺圍封範圍外。圍封完，啲垃圾係要廣福邨嘅清潔人員執手尾嘅。
第六，有街坊同我話，圍封後佢畀人送咗入隔離營，因為預計最少要七日，所以拎咗唔少嘢去，但入到去元朗個邊先知，原來出嚟最多只係送到去元朗西鐵站，而營入面仲有唔少老人家添。
第七，有街坊夜晚先翻屋企，但無人同佢講檢測個個安排，亦都唔知確診過唔識檢測。
以上，只係冰山一角，有人講過有部分工作人員好冇禮貌，未完成就合照，大聲傾偈同玩消毒噴霧，呢啲都係聽翻嚟，但只係計上面嘅問題就知道呢個圍封係幾兒戲啦。
[藥石亂投]
係啲物資包入面多數有兩盒寫住多謝中央嘅中成藥，而佢係上面係有寫服用之前請問過中醫先，但政府同埋某部分立會議員同傳媒竟然不斷講話可以安心服用，仲周圍咁派添。然而，前排先有個人食得太多而肝衰竭，「是藥三分毒」呢句係包埋中藥嫁其實，係咪佢哋見到「中央」就突然忘記常識？
[疫情外的身心健康]
呢個政府用咗「保護健康」為理由去限制咗我哋好多嘅活動、自由同人權。但就算講健康，人嘅健康係包括心理健康，一系列嘅「防疫」政策其實係一步步咁剝削所有大人同小朋友嘅身心健康嫁。
小朋友嘅發展其實有好大部分係依靠玩樂期間建立自信心、人際關係、平衡力等等嘅身心健康。但係圍封同防疫政策之下，小朋友又翻唔到學，連去樓下嘅公園都唔得，偷雞玩都驚被人影上Facebook同X張X望，係屋企玩又會被人投訴，係呢個心理壓力同埋冇得玩嘅情況下，小朋友嘅身心發展又點會好啊。
除咗小朋友之外，成年人都好受影響，一嚟係出入、娛樂、運動等等嘅生活受到不合理嘅限制，令到佢哋平常減壓方式都做唔到。二嚟，佢哋要承受住可能受感染嘅壓力，無形中會畀自己好多不必要嘅負面想法，有啲確診咗嘅，甚至會覺得自己係連累咗屋企人。仲有啲確診咗嘅人，想做運動去令自己更快復原，但係周圍就諸多限制。三嚟就係經濟壓力，係不斷加辣嘅「防疫」政策之下，好多人都失業、負債，但望住政府嘅政策，係覺得冇可能會放闊，呢個又係一個壓力。
而圍封就係將佢哋壓力加劇。其實，心理健康都係人嘅健康一部分，而身心唔能正常發展都係疾病之一。政府係咪仲要用圍封、動態清零、傳聞強檢呢啲高成本低效益嘅政策，而犧牲咗香港人嘅其他健康？
#圍封只係一場資源錯配嘅大龍鳳
#苛政
#呢三年小朋友仲有冇童年
#身心都要健康