助理按：
多謝大家捧場～！有超過600人玩過，睇嚟大家都好鍾意廣宏🤩
再次講聲唔好意思，有啲題目出得唔係好精確，導致大家有啲誤會🙌有人做到150分😱我唔信你淨係做咗一次！NGO 嗰題明明幾乎無可能啱... 平均分係71.13（實際上應該係72-73，因為某一題改咗錯別字之後Google當咗舊答案係錯- -）大家都係廣宏老居民～～

其實最緊要都唔係攞幾多分，而係可以喺乜活動都搞唔到嘅時候，透過個Quiz同大家一齊回憶廣福同宏福嘅各種歷史。我哋整Quiz嘅時候都發覺自己好多嘢都唔知，要問老街坊先知道。

成日都有人講「大歷史」，講香港嘅起源同埋發展，甚至講到國際歷史等等，但細嘅歷史，社區嘅回憶其實一樣咁重要，因為就係呢啲一點一滴形成呢個社區嘅意義。廣福邨、宏福苑從來都唔只係一棟棟住宅，我哋唔係Sim City嘅NPC，而係一個個真實構建社區歷史嘅人！有時形勢唔容讓我哋改寫大歷史，但每道微小都係好重要㗎！希望我哋都唔好放棄社區，一齊加油：）

p.s. 未入 廣宏街坊互助谷 嘅快啲加入喇！
p.s.2 想入Signal Group嘅大家，我哋會今日開始signal各位，大家記住覆助理（5字頭7字尾）嘅Signal～～

#社區測驗 #廣福邨 #宏福苑