【社區雪櫃】

雖然因為疫情關係，仍然未安排好社區雪櫃嘅所有嘢，但都想盡快有物資可以畀到有需要嘅人，所以我哋已經擺咗少量防疫物資及乾糧供有需要街坊取用。如果你有需要請即管攞所需要嘅份量！

另外如果你屋企有多獨立包裝口罩、罐頭食品等乾糧，我哋都好歡迎你捐出，畀我哋辦事處睇睇，再放入雪櫃分發。

#社區互助 #社區自救 #社區雪櫃

【送物資上門 及 徵集快測套裝】

呢幾個禮拜好多物資都俾人買曬，亦有好多居家隔離嘅家庭無辦法托親戚朋友送藥。所以我哋開始咗收集大家有多嘅撲熱息痛，分發俾有需要嘅區內人士。

依家我哋嘗試將服務範圍擴展至全大埔市區，只要我哋去到嘅地方都盡量送，歡迎大家將呢個Post Share俾區內朋友，只要【Pm我哋個Page或Whatsapp 2432 2008】，我哋簡單了解情況之後就會按需要免費送藥俾大家🙏🏼

另外如果大家有多快速測試套裝，都可以交俾我哋辦事處，等我哋轉贈俾有需要人士。

多謝大家，我相信大埔人有能力自救

姚鈞豪議員辦事處
廣福邨廣祐樓平台228室
電話： 24322008
開放時間：星期一、三、四、五 10:30-18:30星期二 14:00-21:00

#社區互助 #自救計劃

【廣福邨圍封強檢須知】

政府正式發出受限區域公告，圍封廣福邨廣智樓、廣崇樓、廣惠樓、廣禮樓，預計聽日中午十二點左右完成。我哋為大家預備咗圍封強檢須知懶人包，大家可以睇睇，以及分享俾你住上面四棟樓嘅朋友。

各棟圍封嘅公告應該陸續出緊，以下係已經發出嘅公告，如果大家需要可以撳入去睇：
廣智： https://www.info.gov.hk/gia/general/202203/25/P2022032500449.htm
廣崇： https://www.info.gov.hk/gia/general/202203/25/P2022032500468.htm
廣惠： https://www.info.gov.hk/gia/general/202203/25/P2022032500319.htm
廣禮： https://www.info.gov.hk/gia/general/202203/25/P2022032500457.htm


呢個時候，社區互助好重要，如果你未加入Facebook Group 廣宏街坊互助谷，請即加入以獲得相關資訊，相信除咗我哋，廣福邨咁多街坊都會互相幫助！另外如果仲未加入廣宏Signal Group，可以pm我哋查詢。

#廣福邨 #圍封強檢 #社區互助 #圍封須知 #大埔扎根 #攜手革新

【廣福邨圍封強檢須知】

政府正式發出受限區域公告，圍封廣福邨廣平樓、廣祐樓預計聽日下午一點左右完成。我哋為大家預備咗圍封強檢須知懶人包，大家可以睇睇，以及分享俾你住上面兩棟樓嘅朋友。

各棟圍封嘅公告應該陸續出緊，以下係已經發出嘅公告，如果大家需要可以撳入去睇：
廣平：https://www.info.gov.hk/gia/general/202203/26/P2022032600248.htm
廣祐：https://www.info.gov.hk/gia/general/202203/26/P2022032600396.htm

呢個時候，社區互助好重要，如果你未加入Facebook Group 廣宏街坊互助谷，請即加入以獲得相關資訊，相信除咗我哋，廣福邨咁多街坊都會互相幫助！另外如果仲未加入廣宏Signal Group，可以pm我哋查詢。

#廣福邨 #圍封強檢 #社區互助 #圍封須知 #大埔扎根 #攜手革新