【隔離完十四日】

今日係口水樽檢測嘅第十五日，今日終有人聯絡我送「家居抗疫包」嚟我屋企，但根據衛生署嘅指引，加上我同屋企人快速測試都已經陰性，我今日已經可以離開屋企了。

以下係我隔離同確診十四日嘅真實情況同埋感想：

1) 確診咗康復之後可以去指定診所或者私家診所到拎豁免打針紙，期限係九十日或者一百八十日（但要分兩次拎）

2) 每個人嘅病情唔同，我（無打針）就用咗兩三日就好翻，我屋企人（有打兩針）就用咗一個禮拜左右

3) 去到最尾幾日唔太夠食物，所以拜託咗朋友送嚟門口畀我，但大家都唔好去搶購啲食物，無論七日定十四日其實都唔係用到好多食物

4) 我嘅病徵係有喉嚨痛、肌肉痛、關節痛、發冷、發熱、頭暈、鼻塞、眼有少少痛，個感覺似係細細個發燒感冒嘅感覺，我都係食普通嘅成藥、消炎藥就好翻。

5) 頭幾日未確診要係屋企長期戴口罩都幾辛苦

6) 我屋企睇到去那打素嘅路，見到成日有救護車閃住燈來來往往，睇見都覺得辛苦，喺到希望大家如果唔嚴重嘅個案唔好去醫院急症室，亦都想感謝所有香港嘅醫護人員同埋救護員，辛苦了。

補充：
政府指定診同私家診所都可以出豁免紙
證明係需要sms嘅確診或者其他證明
最好去啲診所之前打去問聲可唔可以開豁免
私家診所係要收費的

#全城自救 #學習共存 #切勿被恐懼打敗 #苛政猛於病毒