【大埔來往白石角 806C試行路線】
呢個之前諮詢過大家嘅路線，會由3月1號開始試行：
走線：基本上同806A差唔多，喺大埔市內同依家一樣，要留意嘅地方係：因為營運商要求，所以科學園去運頭塘係唔會經逸瓏灣迴旋處，而運頭塘去科學園先會經逸瓏灣迴旋處，而經過白石角之後就會兜入科研路進入科學園（科技大道西11號）總站
服務時間：*平日會喺非繁忙時間服務*
大埔去科學園：
平日：0930 – 1630
六、日及假期：1000 - 2000
科學園去大埔：
平日：0930 - 1650
六、日及公眾假期：1000 - 2000
班次：20分鐘一班；我哋向承辦商查詢，佢哋話如果成事，唔會影響到806本身嘅班次
車費：$8.5（本身建議嘅車費係$9.5，而營辦商提供$1優惠）
好多居民都會同我哋反映喺想搭806A/B去石門同黃泥頭，但好多時都有啲去科學園翻工嘅街坊已經坐滿咗架車，又或者有時想喺白石角搭806入大埔，但經常都喺沙田已經坐滿咗，等好耐都上唔到車。所以我哋之前提議過喺不影響現有班次之下，增設806特別線來往大埔同白石角、科學園。之前我哋收到運輸署嘅文件諮詢過大家，依家運輸署決定3月1號開始試行。
#大埔扎根 #攜手革新
#大埔 #白石角 #科學園 #交通
呢個之前諮詢過大家嘅路線，會由3月1號開始試行：
走線：基本上同806A差唔多，喺大埔市內同依家一樣，要留意嘅地方係：因為營運商要求，所以科學園去運頭塘係唔會經逸瓏灣迴旋處，而運頭塘去科學園先會經逸瓏灣迴旋處，而經過白石角之後就會兜入科研路進入科學園（科技大道西11號）總站
服務時間：*平日會喺非繁忙時間服務*
大埔去科學園：
平日：0930 – 1630
六、日及假期：1000 - 2000
科學園去大埔：
平日：0930 - 1650
六、日及公眾假期：1000 - 2000
班次：20分鐘一班；我哋向承辦商查詢，佢哋話如果成事，唔會影響到806本身嘅班次
車費：$8.5（本身建議嘅車費係$9.5，而營辦商提供$1優惠）
好多居民都會同我哋反映喺想搭806A/B去石門同黃泥頭，但好多時都有啲去科學園翻工嘅街坊已經坐滿咗架車，又或者有時想喺白石角搭806入大埔，但經常都喺沙田已經坐滿咗，等好耐都上唔到車。所以我哋之前提議過喺不影響現有班次之下，增設806特別線來往大埔同白石角、科學園。之前我哋收到運輸署嘅文件諮詢過大家，依家運輸署決定3月1號開始試行。
#大埔扎根 #攜手革新
#大埔 #白石角 #科學園 #交通
【策誠軒疫情消息：25/2 2050 (編號：#10915)】
關於策誠軒強制檢驗安排：
－策誠軒管理處已接獲民政署通知，政府將會刊憲，如果住喺策誠軒I座或者係2月12號（年初一）到2月25號喺策誠軒I座逗留超過兩個鐘嘅話，你就需要強制檢測，你如果已經係2月23號去到2月25號期間已經自己驗咗一次，就唔需要再驗。
－「強制檢驗」同「封區」係有分別。大家仍然係可以自由出入，喺呢段時間內，你哋只需要去做檢測。
－無論你用咩方法檢驗，都需要去翻策誠軒強制檢測登記站做登記，證明你已經驗咗
－For策誠軒住戶嘅簡單流程：限期內接受檢測 >> 策誠軒強制檢測登記站做登記 >> 等待結果，期間可自由活動 >> 收到SMS通知（可能需要2-3日，最快1日）
請大家記得要用下面嘅方法或者去呢啲地方做檢驗：
1. 臨時採樣站 (呢個方法最方便，可以驗完登記埋)
民政署安排咗聽日會有站
日期：26/2（星期五）
時間：10:00-20:00
地點：策誠軒停車場對出空地
方式：鼻腔+咽喉測試都要做
2. 社區檢測中心-太和體育館
開放時間：08:00-13:30; 14:30-20:00
電話：3611 1301 / 3611 1302
如果你去太和，去到記得一定要同佢哋講聲你係策誠軒居民，因為要做強制檢驗，同埋去之前，最好打個電話去問問。
3. 樽仔，可以去
－大埔賽馬會普通科門診診所
－王少清家庭醫學中心
－大埔墟火車站 (要用八達通)
拎完樽整好晒，就拎去收集樣本嘅地方。
派樣本時間：星期一至五 09:00-13:00、14:00-17:00；星期六、日 09:00-13:00
收樣本時間：星期一至五 09:00-13:00、 14:00-15:00；星期六、日 09:00-11:00
地點：大埔賽馬會普通科門診診所、王少清家庭醫學中心（王少清星期日不開放）
電話：2664 2039
#策誠軒 #疫情消息 #強制檢測
關於策誠軒強制檢驗安排：
－策誠軒管理處已接獲民政署通知，政府將會刊憲，如果住喺策誠軒I座或者係2月12號（年初一）到2月25號喺策誠軒I座逗留超過兩個鐘嘅話，你就需要強制檢測，你如果已經係2月23號去到2月25號期間已經自己驗咗一次，就唔需要再驗。
－「強制檢驗」同「封區」係有分別。大家仍然係可以自由出入，喺呢段時間內，你哋只需要去做檢測。
－無論你用咩方法檢驗，都需要去翻策誠軒強制檢測登記站做登記，證明你已經驗咗
－For策誠軒住戶嘅簡單流程：限期內接受檢測 >> 策誠軒強制檢測登記站做登記 >> 等待結果，期間可自由活動 >> 收到SMS通知（可能需要2-3日，最快1日）
請大家記得要用下面嘅方法或者去呢啲地方做檢驗：
1. 臨時採樣站 (呢個方法最方便，可以驗完登記埋)
民政署安排咗聽日會有站
日期：26/2（星期五）
時間：10:00-20:00
地點：策誠軒停車場對出空地
方式：鼻腔+咽喉測試都要做
2. 社區檢測中心-太和體育館
開放時間：08:00-13:30; 14:30-20:00
電話：3611 1301 / 3611 1302
如果你去太和，去到記得一定要同佢哋講聲你係策誠軒居民，因為要做強制檢驗，同埋去之前，最好打個電話去問問。
3. 樽仔，可以去
－大埔賽馬會普通科門診診所
－王少清家庭醫學中心
－大埔墟火車站 (要用八達通)
拎完樽整好晒，就拎去收集樣本嘅地方。
派樣本時間：星期一至五 09:00-13:00、14:00-17:00；星期六、日 09:00-13:00
收樣本時間：星期一至五 09:00-13:00、 14:00-15:00；星期六、日 09:00-11:00
地點：大埔賽馬會普通科門診診所、王少清家庭醫學中心（王少清星期日不開放）
電話：2664 2039
#策誠軒 #疫情消息 #強制檢測
【疫情消息：策誠軒 26/2】
食衛局尋晚已經出左強制檢測公告，住I座或過去兩星期(12-25/2)曾經停留I座超過兩個鐘嘅人，需要喺聽日(27/2)或之前接受檢測。今日民政就安排咗流動檢測車到策誠軒停車場出面空地，佢哋會擺到夜晚8點。我哋頭先去咗睇睇現場嘅情況，運作都大致順暢。提提大家，檢測登記之後可以攞返一盒政府提供嘅口罩。
如果有6歲以下小朋友，需要用大便樽檢測嘅，今日都可以到場攞，之後交返去大埔賽馬會診所或者海濱公園露天劇場嘅收集點，佢哋星期六日嘅收集時間係09:00-11:00；另外現場亦可以攞檢測樽仔，聽日交返去上個Post（ http://bit.ly/2PdEX0h ）講嘅收集點。
提提各位喺出面做左檢測嘅朋友，今日8點前喺返流動監測站出面登記，等佢哋知道你檢測左。
祝大家身體健康。
#武漢肺炎 #疫情消息 #強制檢測 #策誠軒
食衛局尋晚已經出左強制檢測公告，住I座或過去兩星期(12-25/2)曾經停留I座超過兩個鐘嘅人，需要喺聽日(27/2)或之前接受檢測。今日民政就安排咗流動檢測車到策誠軒停車場出面空地，佢哋會擺到夜晚8點。我哋頭先去咗睇睇現場嘅情況，運作都大致順暢。提提大家，檢測登記之後可以攞返一盒政府提供嘅口罩。
如果有6歲以下小朋友，需要用大便樽檢測嘅，今日都可以到場攞，之後交返去大埔賽馬會診所或者海濱公園露天劇場嘅收集點，佢哋星期六日嘅收集時間係09:00-11:00；另外現場亦可以攞檢測樽仔，聽日交返去上個Post（ http://bit.ly/2PdEX0h ）講嘅收集點。
提提各位喺出面做左檢測嘅朋友，今日8點前喺返流動監測站出面登記，等佢哋知道你檢測左。
祝大家身體健康。
#武漢肺炎 #疫情消息 #強制檢測 #策誠軒
【大埔小店－TakEateasy】
香脆紫菜芝麻、日本宇治綠茶紅豆、士多啤梨果肉、菠蘿果肉……估唔估到係咩食物嘅Meue？身為大埔人嘅你，唔洗多講都知係寶湖TakEateasy嘅雞蛋仔啦，創新得嚟食落又足料，講起都流晒口水呀。不過，價錢就略略比街外雞蛋仔店貴少少，因乜解究呢？
「我哋嘅價錢俾出面高少少，但其實成本貴好多。」老闆話。「我哋唔想同街邊雞蛋仔一樣，士多啤梨底就係紅色、朱古力味就係啡色，我哋就真係用晒果肉，朱古力味都唔止係落醬，會每一格落朱古力落去。」真材實料仲未夠，選料都有特別要求。「例如蘋果夾餅，我哋一桶桶比利時蘋果返貨，唔會用大陸嘢，朱古力都係用比利時。」
但原來老闆開頭唔係想自己開一間店，只係諗住做加盟店。「但我拎啲原材料返去試嘅時候，好記得有一樣嘢叫果糖﹐一包係放三年都唔會過期。我試過滴咗少少落地，我隻狗平時咩都食嘅，但佢聞完就走開咗。」
老闆覺得自己住喺大埔咁多年，開間舖行開行埋都係街坊，想整啲真係好嘅嘢食俾大家，就係因為咁，打消咗做加盟店嘅念頭，喺屋企日日試整雞蛋仔漿，仲要試到第52桶先滿意。
落筆之際，TakEateasy喺社交平台話：「想搵人頂讓間店」，老闆話真係唔係告急，但喺今時今日嘅香港，熟悉嘅一切都可以一晚就變陌生，趁佢哋仲喺到，搵埋啲朋友試多幾隻味都好呀。
香脆紫菜芝麻、日本宇治綠茶紅豆、士多啤梨果肉、菠蘿果肉……估唔估到係咩食物嘅Meue？身為大埔人嘅你，唔洗多講都知係寶湖TakEateasy嘅雞蛋仔啦，創新得嚟食落又足料，講起都流晒口水呀。不過，價錢就略略比街外雞蛋仔店貴少少，因乜解究呢？
「我哋嘅價錢俾出面高少少，但其實成本貴好多。」老闆話。「我哋唔想同街邊雞蛋仔一樣，士多啤梨底就係紅色、朱古力味就係啡色，我哋就真係用晒果肉，朱古力味都唔止係落醬，會每一格落朱古力落去。」真材實料仲未夠，選料都有特別要求。「例如蘋果夾餅，我哋一桶桶比利時蘋果返貨，唔會用大陸嘢，朱古力都係用比利時。」
但原來老闆開頭唔係想自己開一間店，只係諗住做加盟店。「但我拎啲原材料返去試嘅時候，好記得有一樣嘢叫果糖﹐一包係放三年都唔會過期。我試過滴咗少少落地，我隻狗平時咩都食嘅，但佢聞完就走開咗。」
老闆覺得自己住喺大埔咁多年，開間舖行開行埋都係街坊，想整啲真係好嘅嘢食俾大家，就係因為咁，打消咗做加盟店嘅念頭，喺屋企日日試整雞蛋仔漿，仲要試到第52桶先滿意。
落筆之際，TakEateasy喺社交平台話：「想搵人頂讓間店」，老闆話真係唔係告急，但喺今時今日嘅香港，熟悉嘅一切都可以一晚就變陌生，趁佢哋仲喺到，搵埋啲朋友試多幾隻味都好呀。
【每週德文：Witz】
助理M放完新年假之後番到辦事處就被數之不盡嘅新聞衝埋嚟。而其中令廣大市民關心嘅就莫過於新鮮出爐嘅財政報告。助理M又睇睇先～唔派糖派$5000電子消費劵？政府做財仔叫失業人士搵佢哋借錢？？唔做利民措施，攞曬啲錢去維穩？？大佬呀想笑死人咩？助理M借個機會教大家das Witz呢個字，德文解笑話。今個星期嘅例句就整個對話俾大家睇吓。
A: Hast du den Haushalt und seine Einzelheiten gelesen? Wir bekommen nichts!
B: Man erwartet nur den Haushalt sowie ein Witz.
今個星期講到呢度，下星期見！
#助理M的每週德文
#Week 6
#回水呀
#可笑嘅唔只呢樣
#其實仲有更多野想講
#唔知仲有幾耐可以喺度講
助理M放完新年假之後番到辦事處就被數之不盡嘅新聞衝埋嚟。而其中令廣大市民關心嘅就莫過於新鮮出爐嘅財政報告。助理M又睇睇先～唔派糖派$5000電子消費劵？政府做財仔叫失業人士搵佢哋借錢？？唔做利民措施，攞曬啲錢去維穩？？大佬呀想笑死人咩？助理M借個機會教大家das Witz呢個字，德文解笑話。今個星期嘅例句就整個對話俾大家睇吓。
A: Hast du den Haushalt und seine Einzelheiten gelesen? Wir bekommen nichts!
B: Man erwartet nur den Haushalt sowie ein Witz.
今個星期講到呢度，下星期見！
#助理M的每週德文
#Week 6
#回水呀
#可笑嘅唔只呢樣
#其實仲有更多野想講
#唔知仲有幾耐可以喺度講