kurdiu
16.4K subscribers
7.62K photos
873 videos
2 files
2.13K links
راستگۆیی لە هەواڵ و خێرای لە گەیاندن
Www.kurdiu.org
Download Telegram
لە زاخۆ ئاگر لە شوقەیەک کەوتەوە

بەرگریی شارستانیی زاخۆ ڕایدەگەیەنێت،ئاگر لە شوقەیەک لە گەڕەکێکی زاخۆ کەوتەوە و بەهۆی دۆکەڵەوە پێنج کەس تووشی هەناسە تەنگی بوون .

ئەمڕۆ شەممە ٢ی ئازاری ٢٠٢٤ رائید جەمال هەسن، بەڕێوەبەری بەرگریی شارستانیی زاخۆ لە لێدوانێکی رۆژنامەوانیدا رایگەیاند" چوار دانیشتووی شوقەکە و کارمەندێکمان بەهۆی دووکەڵەوە تووشی هەناسەتەنگی بوون و رەوانەی نەخۆشخانە کران".

ئاماژەی بەوەش كرد" تا ئێستا لە هۆکاری رووداوەکە دڵنیا نەبوونەتەوە، بەڵام بە ئەگەرێکی زۆر هۆکارەکە سۆپای گاز بووە، چونکە رووداوی هاوشێوەمان هەبووە و سۆپا هۆکار بووە".

باس لەوەش كراوە ،بەهۆی رووداوەکەوە هیچ کەسێک بە سووتان بریندار نەبووە و تیمەکانی بەرگری شارەستانی زوو ئاگرەکەیان کۆنترۆڵکردووە.

ئاماری ئاگرکەوتنەوەکانی ساڵی رابردوو بڵاونەکراونەتەوە. بەگوێرەی ئاماری پۆلیس، ساڵی ٢٠٢٢ لە هەرێمی کوردستان ٧ هەزار و ٥٤٦ رووداوی ئاگرکەوتنەوە روویانداوە.
بۆ مانگی رەمەزان چەند ماددەیەك بۆ بەشەخۆراك زیاد دەكرێت
وەزارەتی بازرگانی هەرێم رایدەگەیەنێت، هەفتەی داهاتوو دەست بە دابەشكردنی بەشەخۆراك دەكرێت.

ئەمڕۆ شەمە 1_ی ئادار_ی 2024 ، نەوزاد شێخ كامیل بەڕێوەبەری گشتیی بازرگانی و پیشەسازیی هەرێمی كوردستان، بە میدیاكانی ڕاگەیاند، لە هەفتەی داهاتووەوە دەست بە دابەشكردنی بەشەخۆراكی مانگی ڕەمەزان دەكەین.

ئاماژەی بەوەش كرد، لە سەرەتای مانگی ڕەمەزاندا دەست بە دابەشكردنی بەشەخۆراكەكە دەكەین كە لە 11 مادەی خۆراكی پێكدێت، بۆ ئەوەی هاووڵاتییان لێی سوودمەند بن، بۆ بەشەخۆراكی مانگی ڕەمەزان (نیشاستە، مەعكەرۆنی، ئاردی سفر و شعریە) زیاد كراوە.

باسی لەوەش كردووە، دابەشكردنی ئەو 11 مادەیە كاریگەریی لەسەر بەرزنەبوونەوەی نرخەكان دەبێت، چونكە بەشێكی پێداویستیی هاووڵاتییان پڕ دەكاتەوە، بۆیە خواست لەسەر مادە خۆراكییەكانی بازاڕ زیاد ناكات.

بەڕێوەبەری گشتیی بازرگانی و پیشەسازیی هەرێمی كوردستان ئاماژەی بەوەش كرد، تا ئێستە نرخی مادە خۆراكییەكان لە بازاڕەكاندا وەك خۆیەتی و بەرز نەبووەتەوە، كاڵایەكی زۆریش لە بازاڕدا هەن و خواستی هاووڵاتییان پڕ دەكەنەوە.
ئەنجومەنی باڵای مامۆستایانی یەكگرتوو ڕایدەگەیەنێت، مامۆستایان لەسەرتاسەری كوردستان و بەتایبەتی لە دەڤەری سلێمانی و دەڤەری بایكۆت جوانترین خەباتی مەدەنی و شۆرشی سپیان ئەنجامدابۆ بەدیهێنانی مافەكانیان و كۆتایی هێنان بە نادادی و ستەمی سەر مووچە خۆران.

ئەمرۆ شەممە 2_ی ئادار_ی 2024 لە شاری هەولێر بە سەرپەرشتی بەڕێز (م. عبدالخالق ماوەتی ) بەرپرسی ئەنجومەنی مامۆستایانی یەكگرتوو بە بەشداری بەڕێزان خاتوو (نیگا سعید) بەرپرسی دەزگای پیشەیی و كارگێڕانی دەزگا و لێپرسراوی دەستەی مامۆستایان لە مەڵبەندەكان و نوێنەرانی مامۆستایانی یەكگرتوو لە یەكێتی مامۆستایان كۆبونەوەی ئاسایی وەرزی خۆی ئەنجامدا.

سەرەتا كۆبوونەوەكە بە خوێندنی قورئانی پیرۆز و نزاكردن دەستی پێكرد، پاشان بەرێز (خاتوو نیگا سعید ) وێرای دەستخۆشی لە هەڵ و ماندوو بوونی هەمووان بۆ كار و چالاكیەكانی مامۆستایانی یەكگرتوو ڕۆڵی كاریگەریان لە خزمەتی مامۆستایانی كوردستان بە ناوی دەزگای پیشەییەكانی یەكگرتوو وە تابلۆی ڕێزلێنانی پێشكەش كردن.
پاشان بەڕێز (م. عه‌تا ئه‌حمه‌د) جێگری سەرۆكی یه‌كێتی مامءستایانی كوردستان، تیشكی خستە سەر گرنگی ڕۆڵی مامۆستایانی یەكگرتوو و پەیامداری لە خزمەتی پرۆسەی پەروەردە و فێركردن و داكۆكی لە مافی مامۆستایان و ئامادەبوون لە شەقام و خەباتی مەدەنی.

لە تەوەرێكی تردا بەرپرسانی دەستەی مامۆستانی یەكگرتوو لە ئەنجومەنەكان و نوێنەرانی یەكێتی مامۆستایان ڕاپۆرتی چالاكیەكان و سەرنجەكانیان خوێندەوە و تیایدا چەندنین چالاكی نەوعی و گرنگیان خستە ڕوو.

لە كۆتاییدا جەختكرایەوە لەسەر ئەم خاڵانەی خوارەوە:

1- جەختكردنەوە لە گرنگی رۆڵی مامۆستانی یەكگرتوو لە شەقام و لە پشتیوانی و ئامادە بوون لە دەزگا میدیایی و سەركەوتنی گەورەی مامۆستایان لە خەباتی مەدەنی و یاساییان.

2- مامۆستایان لەسەرتاسەری كوردستان و بەتایبەتی لە دەڤەری سلێمانی و دەڤەری بایكۆت جوانترین خەباتی مەدەنی و شۆرشی سپیان ئەنجامدابۆ بەدیهێنانی مافەكانیان و كۆتایی هێنان بە نادادی و ستەمی سەر مووچە خۆران.

3- پێویستە حكومەتی هەرێم و وەزارەتی پەروەردە ئەولەویەت بدەنە كەرتی پەروەردە و مامۆستایان و بەرنامەی پێویست هەبێت بۆ بەرەو پیش بردنی كە ئێستا لە قەیرانی قوڵدایە.

4- بە حیزبی كردنی دام و دەزگاكانی پەروەردە گەورەترین بەربەستی بەردەم بەروەو پێشبردنی پەروەردە و فێركردنە و دەردێكی كوشندەیە و زیانی گەورەی پێ گەیاندووە .

5- داواكارین لە بەرپرسانی پەروەردە و سەرجەم ئەو سزایانی ئاراستەی مامۆستایانی كردووە لە غیابدان و گواستنەوە و بەخشینی لە بەرێوەبەری هەڵبووشێتەوە ، مامۆستایان ئەبێت خەڵات بكرێن نەك سزا بدرێن.

6- داواكارین بە زووترین كات بڕیاری پلە بەرزكردنەوەی مامۆستایان و دامەزراندنی وانە بێژان بخرێتە بواری جێبەجێكردن.
ئەندامێكی ئەنجومەنی نوێنەرانی عێراق رایدەگەینێت ، لارینەبوونی کردنەوەی لقەکانی بانکی ڕەشید و ڕفیدەینمان وەرگرتووە.

بڕیار رەشید، ئەندامی ئەنجوومەنی نوێنەرانی عێراق، لە لێدوانێکدا رایگەیاندووە، لەم هەفتەیەدا بەغداد مووچەی مانگی شووبات دەخاتە سەر هەژماری بانکی وەزارەتی دارایی هەرێمی کوردستان و دوای گەیشتنی پارەکەش دەست بە دابەشکردنی مووچەی مانگی دوو دەکرێت.

راشیگەیاندووە، وەکو ئەندامانی ئەنجوومەنی نوێنەرانی عێراق نووسراوی لارینەبوونی کردنەوەی لقەکانی بانکی رەشید و رافیدەینیان وەرگرتووە، ئامادەن لە پارێزگاکانی هەرێمی کوردستاندا لقەکانیان بکەنەوە، بەڵام رێکاری کردنەوەیان لای حکومەتی هەرێمی کوردستانە.
وەزارەتی دارایی عێراق دەستیکرد بە دابەشکردنی مووچەی مانگی ئاداری خانەنشینان و فەرمانبەرانی هەرێمی کوردستانیش چاوەڕێی مووچەی مانگی شوبات دەکەن.

ئەمڕۆ یەکشەممە 3ی ئازاری 2024، وەزارەتی دارایی عێراق ڕایگەیاند، فەرمانگەی ژمێریای دەستیکرد بە دابەشکردنی مووچەی مانگی ئاداری خانەنشینانی مەدەنی و سەربازی.

ئەوەشی خستەڕوو، کە دەستەی نیشتمانیی خانەنشین و هەردوو بانکی ڕافیدەین و ڕەشید ڕێکارەکانی گواستنەوەی مووچە بۆ سەر کارتە ئەلیکترۆنییەکانی خانەنشینان تەواو دەکەن.

وەزارەتی دارایی عێراق داواشی لە خانەنشینان کرد دوای ئەوەی لە ڕێی کورتە نامەوە ئاگادار دەکرێنەوە، بچن مووچەکانیان وەربگرن.

دەستپێکردنی دابەشکردنی مووچەی مانگی سێی لە عێراق لە کاتێکدایە کە هێشتا فەرمانبەر و خانەنشینانی هەرێمی کوردستان مووچەی مانگی شوباتیان وەرنەگرتووە.

بڕیارە ئەمڕۆ وەزارەتی دارایی هەرێمی کوردستان لیستی مووچە بۆ بەغدا بنێرێت و چاوەڕوان دەکرێت لەم هەفتەیەدا دەست بە دابەشکردنی بکرێت.
قائیمقامیەتی هەڵەبجە ڕایدەگەیەنێت، ئەو بڕە غازەی بۆیان دابین دەکرێت کەمە و تەنها نیوەی پێویستییەکانی هاووڵاتییان پڕ دەکاتەوە.

قائیمقامیەتی قەزای ناوەندی هەڵەبجە ڕایگەیاند، مانگانە تەنها 15 تانکەر غاز ئاڕاستەی هەرسێ کارگەی غازی سیروان، عەبابەیلێ و هەڵەبجە دەکرێت "ئەوەش زۆر کەمە و بەشی پێداویستی هاووڵاتییان ناکات".

ڕوونیشیکردەوە هەڵەبجە مانگانە پێویستی بە زیاتر لە 30 تانکەر غاز هەیە، بە تایبەتیش لە وەرزی سەرمادا، لەگەڵ ئەوەشدا "بە شێوەیەکی ڕێکوپێک ئیدارەمان داوە و کەمترین گرفتمان هەیە لە بابەتی گرانفرۆشیدا".

قائیمقامیەتی هەڵەبجە ڕاشیگەیاند، "زۆرترین داوامان کردووە بۆ زیادکردنی ئەو بڕە غازە، بەڵام بە هیچ شێوەیەک وەڵام نادرێنەوە".

ئاماژەی بەوەشکردوە، کە بریکارنامە بۆ سەرجەم بریکارەکان نوێ کراوەتەوە و بەڵێننامەی دادنووسیان هێناوە بۆ پابەند بوون بە یاسا و ڕێنماییەکانەوە.
دەستگیركردنی 16 بازرگانی ماددەی هۆشبەر ڕاگەیاندرا
بەڕێوەبەرایەتی ماددە هۆشبەركان رایگەیاند، لە چەند رۆژی رابدوو توانرا تۆڕێكی گەورەی بازرگانی كردن بە ماددەی هۆشبەر كە پێكهاتبوون لە 16 كەس دەستگیركران.
ئەمڕۆ یەكشەممە 3ی ئاداری ساڵی 2024 بەڕێوەبەرایەتی ماددە هۆشبەرەكانی هەرێم رایگەیاند، بەهەمانگی هەردوو وەزارەتی ناوخۆی هەرێم و حکومەتی عێراقی فیدڕاڵ هەروەها هەماهەنگی نێوان بەڕێوەبەرایەتی ماددەهۆشبەرەکانی سەر بەڕێوەبەرایەتی گشتی ئاسایش و بەڕێوەبەرایەتی گشتی نەهێشتنی ماددە هۆشبەرەکانی حکومەتی عێراقی فیدڕاڵ ، لەچەند رۆژی رابردوودا توانرا تۆڕێکی گەورەی بازرگانی کردن بە ماددەی هۆشبەر کە پێکهاتبوون لە 16 کەس دەستگیربکرێن .
ئاماژە بەوەشكراوە، هەروەها لەم چاڵاکیەدا بڕی 40 کیلۆگرام ماددەی هۆشبەر لەجۆری کریستاڵ لەشاری (بەسرا) دەستی بەسەردا گیراو ئەم تۆڕە بازرگانیەی کە هەڵوەشایەوە باندێکی نێوخۆیی و نێودەوڵەتی بوون.
ئەوەش خراوەتەڕوو، تۆمەتباران بەپێی یاسای ماددە هۆشبەرەکان و کارتێکەرە ئەقڵیەکان ڕووبەڕووی یاسا دەکرێنەوە.
د.هادی عەلی: ئه‌مریكا دەیەوێت پەردەپۆشی تاوانە گەورەکانی بکات لەبەردەم رای گشتی جیھانی
سە‌رۆكی ئە‌نجومە‌نی سەرکردایەتی یە‌كگرتوی ئیسلامی كوردستان رایگه‌یاند، ئه‌مریكا بەشداری راستەوخۆی سوپای ئیسرائیلە لە وێرانکردن و کۆمەڵکوژی خەڵکی غەززەدا و ئێستا دەیەوێت پەردەپۆشی تاوانە گەورەکانی بکات لەبەردەم رای گشتی جیھانى
د.هادی عه‌لی سە‌رۆكی ئە‌نجومە‌نی سەرکردایەتی یە‌كگرتوی ئیسلامی كوردستان له‌ په‌یامێكدا له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی "X" نوسیویه‌تی، "ئەمریکا بە سەرۆکایەتی سەرۆک بایدن ماوەی پێنج مانگە ھاوکار و بەشداری راستەوخۆی سوپای ئیسرائیلە لە وێرانکردن و کۆمەڵکوژی خەڵکی غەززەدا".
ئاماژه‌ی به‌وه‌شكردوه‌، ئه‌مریكا ئێستا بە خستنەخوارەوەی باری دوسێ فڕۆکە ھاوکاری، "دەیەوێت پەردەپۆشی تاوانە گەورەکانی بکات لەبەردەم رای گشتی جیھانی و دەنگدەرانی گەلی ئەمریکادا".
جێگەی باسە له‌ 7ی (تشرینی یه‌كه‌م/10)ی 2023وه‌ تائێستا ئیسرائیلی داگیركەر به‌ به‌رده‌وامی بۆردومانی ناوچه‌كانی نیشته‌جێبون و ژێرخانی كه‌رتی غه‌ززه‌ ده‌كات و تائێستا 30 هه‌زار و 410 كه‌س شەهیدكراون.
سەرۆکی هەرێمی کوردستان رۆژی هەڵبژاردنی پەرلەمانی کوردستانی دیاریکرد
سەرۆکی هەرێمی کوردستان رایگەیاند، رۆژی 10-6- 2024، هەڵبژاردنی خولی شەشەمی پەرلەمانی کوردستان ئەنجامدەدرێت.

ئەمڕۆ یەكشەممە 3ی ئاداری ساڵی 2024 نیچێرڤان بارزانی، سەرۆکی هەرێمی کوردستان رایگەیاند، رۆژی 10-6- 2024، هەڵبژاردنی خولی شەشەمی پەرلەمانی کوردستان ئەنجامدەدرێت.

ئەم بڕیارە دوای بڕیارەكانی دادگای فیدڕاڵی دێت كە مانگی رابردوو لەبارەی یاسای هەڵبژاردنی پەرلەمانی كوردستان دەریكردن و بریاریدابوو كە دەبێت هەڵبژاردنی كوردستان لە لایەن كۆمسیۆنی عێراقەوە و بەڕێوەببرێن و بە 4 بازن یان زیاتر بێت و ژمارەی كورسییەكانی پەرلەمانیش 100 كورسی بێت و كورسی كۆتاكانی نەهێشت
کۆمسیۆن دەرگاى هاوپەیمانێتیی بۆ هەڵبژاردنى پەرلەمانى کوردستان کردەوە

کۆمسیۆنى باڵاى سەربەخۆى هەڵبژاردنەکانى عێراق دەرگاى هاوپەیمانێتى بۆ هەڵبژاردنى پەرلەمانى کوردستان کردەوە و داواى لە پارتە سیاسییەکان کرد

کۆمسیۆنى باڵاى سەربەخۆى هەڵبژاردنەکانى عێراق لە راگەیەندراوەکەیدا داوا لەو لایەنە سیاسیانە دەکات کە ویستى دروستکردنى هاوپەیمانییان هەیە ناوى هاوپەیمانێتییەکەیان تۆماربکەن.

ئاماژە بەوەش دراوە "تۆمارکردنى ناوى هاوپەیمانێتییەکان لە 5ى ئازار تا 14ى ئازارى 2024 دەبێت".

باسی لەوەش كردوە "تۆمارکردنى ناوى هاوپەیمانێتییەکان لە 14ى ئازار کۆتایی دێت و درێژناکرێتەوە".

راگەیەندراوەکە لە کاتێکدایە کە ئەمڕۆ یەکشەممە، سەرۆکى هەرێمى کوردستان فەرمانى هەرێمى بۆ هەڵبژاردنى پەرلەمانى کوردستان دەرکرد و بەگوێرەى فەرمانەکە رۆژى 10ى حوزەیرانى 2024، هەلبژاردنى پەرلەمانى کوردستان ئەنجامدەدریت.
ئەمڕۆ دادگای فیدڕاڵی عێراق سکاڵایەک تاوتوێدەکات کە تایبەتە بە نرخی ئەو نەوتەی حکومەتی فیدڕاڵ بۆ ھاووڵاتیانی ھەرێمی کوردستانی دەنێرێت و نرخەکەی بەراورد بە 15 پارێزگای دیکەی عێراق زیاترە.

بەگوێرەی خشتەی کۆبوونەوەکانی دادگای فیدڕاڵی، ئەمڕۆ دووشەممە 4ی ئازاری 2024 دادگاکە سکاڵایەکی نەھرۆ مەحمود جێگری سەرۆکی لیژنەی نەوت لە ئەنجومەنی نوێنەران تاوتوێدەکات و تیایدا داوایکردووە بڕیارێکی حکومەتی فیدڕاڵ بە نادەستوری لە قەڵەم بدات کە تایبەتە بە دابینکردنی نەوتی سپی بۆ ھاووڵاتیانی ھەرێمی کوردستان بە بڕی 250 دینار بۆ ھەر لیترێک.

جێی باسە، لە پارێزگاکانی دیکەی عێراق، ھەر خێزانێک نەوتی سپی بە 150 دینار بۆ ھەر لیترێک لێ وەردەگرێت، بەگوێرەی بڕیارەکەی حکومەتی عێراقیش لە 31ـی ئەم مانگە بەدواوە پێدانی نەوتی سپی بە ھەرێمی کوردستان بۆ 500 دینار بۆ ھەر لیترێک زیاد دەکرێت.

لە سکاڵاکەدا داواشکراوە دادگای فیدڕاڵی حکومەت پابەندبکات بە رەچاوکردنی بنەمای یەکسان بۆ دابینکردنی پێداویستی ھاووڵاتیان و بەھەمان نرخی پارێزگاکانی دیکەی عێراق، نەوتی سپیش بە 150 دینار بۆ ھەر لیترێک بۆ ھەرێمی کوردستان دابین بکات.
كامالا هاریس، جێگرى سه‌رۆكى ئه‌مریكا رایگه‌یاند: پێویسته‌ به‌ په‌له‌ جه‌نگى سه‌ر غه‌زه‌ رابگیرێت كه‌دانیشتوانى غه‌ززه‌ تووشى كێشه‌ى زۆر بونه‌ته‌وه‌.

ئەوەشی خستەڕوو، له‌گه‌ڵ قه‌باره‌ى ئه‌و كێشانه‌ى غه‌ززه‌، پێویست لایه‌نه‌كان به‌ په‌له‌ بگه‌ن به‌ رێككه‌وتنى ئاگربه‌ست و راگرتنى جه‌نگ.

هاریش راشیگه‌یاند: راگرتنى جه‌نگ رێگه‌ به‌ رزگاركردنى دیله‌كان ده‌دات و هه‌روه‌ها هاوكارییه‌ مرۆییه‌كانیش ده‌چنه‌ نێو غه‌ززه‌وه‌.

دواى تێپه‌ڕبوونى 150 رۆژ له‌سه‌ر جه‌نگى ئیسرائیلی داگیرکەر بۆ سه‌ر كه‌رتى غه‌ززه‌ به‌ پشتیوانى ئه‌مریكا و رۆژئاوا، ئه‌مرۆ ئه‌مریكا باس له‌ كۆتایى هێنانى جه‌نگ وله‌نێوبردنى حه‌ماس ده‌كات كه‌ تائێستا به‌هۆى پشتیوانیه‌ سه‌ربازییه‌كانى ئه‌مریكاوه‌ زیاتر له‌ 30 هه‌زار هاوڵاتى سڤیلى فه‌له‌ستینى شه‌هید كراون.
کۆمیسیۆنی باڵای هەڵبژاردنەکانی عێراق رێنماییەکانی تۆمارکردنی ناوی کاندیدەکانی بۆ هەڵبژاردنی پەرلەمانی کوردستان پەسەندکرد.

جومانە غەلای وتەبێژی کۆمیسیۆنی باڵای هەڵبژاردنەکانی عێراق رایگەیاند:" رێنماییەکانی تۆمارکردنی ناوی کاندیدەکان بۆ هەڵبژاردنی پەرلەمانی کوردستان پەسەندکرا".

ئەوەشی خستەڕوو، " لە هەڵبژاردنەکاندا هەرێمی کوردستان بەسەر چوار بازنەدا دابەش دەکرێت، 34 کورسی بۆ هەولێر، 38 کورسی بۆ سلێمانی، 25 کورسی بۆ دهۆک و سێ کورسی بۆ هەڵەبجە تەرخانکراوە".

لەکاتێکدا دوێنێ یەکشەممە، نێچیرڤان بارزانی سەرۆکی هەرێمی کوردستان فەرمانی دیاریکردنی رۆژی هەڵبژاردنی پەرلەمانی کوردستانی واژوو کرد و بەپێی فەرمانەکە، رۆژی 6ی حوزەیرانی ئەمساڵ پڕۆسەکە بەڕێوەدەچێت.
دكتۆر موسە‌ننا ئە‌مین سوپاسی بەڕێز سەرۆک وەزیرانی عێراق دە‌كات، كـە‌وەڵامی داوایەکی بەڕێزیانی داوە‌تە‌وە‌و بڕیارە لە (١٦ / ٣/ ٢٠٢٤ ) سەردانی هەڵەبجە بکات و خزمەتێکی تایبەتی پێ بکات .
دكتۆر موسە‌ننا ئە‌مین ئاماژە‌ بۆ ئە‌وە‌ دە‌كات، لە بە‌رواری (٤ / ١٢ / ٢٠٢٣ ) لەکاتی سەردانی شاندی یەکگرتوو لە گەڵ بەڕێز جەنابی ئەمینداری گشتی د. موسەننا ئەمین چەند داوایەکی پێشکەش بە سودانی کرد لەوانە :

١- سەردانی هەڵەبجە لە یادی کارەساتی كیمیابارانكردنی شارە‌كە‌و دەربڕینی هاوسۆزی پێویست و دانیشتن لەگەڵ نوێنەرانی خەڵکدا.
٢- بەشداری لە ئاوەدانکردنەوەی شارەکە وەک دروستکردنی دەروازەی نێودەوڵەتی سازان یان هەر پڕۆژەیەکی تر .
٣- تیپەڕاندنی یاسای بە پارێزگا بوونی ھە‌ڵە‌بجە‌.
٤- جەنابیان داوا بکەن لە (مجلس الدولە ) کە ھە‌رچی زووترە‌ پە‌لە‌بكرێت لەناردنی هەمواری یاسای زیندانە سیاسیەکان کە مافی قەرەبوی ھە‌ڵە‌بجە‌ و دەوروبەری تێدایە بە موچەی مانگانە،چوار ساڵە‌ بۆگە‌ڕانە‌وە‌ی ئە‌و مافە‌ كاردە‌كە‌ین.
شایە‌نی باسە‌ تا ئیستا بە‌ڕێز د.موسە‌ننا ئە‌مین چوارجار‌ لەگەڵ نوسینگەی بە‌ڕێز سودانی لە‌كۆبوونە‌وە‌دا داوای كردووە‌ سودانی سە‌ردانی ھە‌ڵە‌بجە‌ بكات، ھیواخوازبووە‌ ئە‌و سە‌ردانە‌ خێری وڵاتی تێیدا بێت و حوکمرانانی عێراق و ھە‌رێم ئاوڕێکی جیددی بدەنەوە لەو شارە کارەساتــبارە‌ .
ئیسرائیلی داگیركەر 13 كۆمەڵكوژی دیكەی لە غەززە ئەنجامدا
ته‌ندروستی غه‌ززه‌ رایگه‌یاند، له‌ سه‌ره‌تای هێرشه‌كانی ئیسرائیلی داگیركەره‌وه‌ بۆ سه‌ر كه‌رتی غه‌ززه‌ 30 هه‌زار و 534 كه‌س شەهید كراون و 71 هه‌زار و 920 كه‌سیش برینداربوون.
ئەشرەف قودرە وەزارەتی تەندروستی فەڵەستین ئه‌مڕۆ دووشەممە 4ی ئاداری ساڵی 2024 نوێترین ئاماری جه‌نگه‌كه‌ی بڵاوكرده‌وه‌ و ده‌ڵێت، له‌ 7ی (تشرینی یه‌كه‌م/10)ی 2023وه‌ تائێستا ئیسرائیلی داگیركەر به‌ به‌رده‌وامی بۆردومانی ناوچه‌كانی نیشته‌جێبون و ژێرخانی كه‌رتی غه‌ززه‌ ده‌كات و تائێستا 30 هه‌زار و 534 كه‌س شەهیدكراون.
ئەوەشی خستەڕوو، ئیسرائیلی داگیركەر لە 24 كاتژمێری ڕابردوودا 13 كۆمەڵكوژی دیكەی لە غەززە ئەنجامدا و لە ئاكامدا 124 كەسی دیكە شەهیدبوون
ئاماژه‌ی به‌وه‌شكردوه‌، هه‌ر به‌هۆی هێرشه‌كانی ئیسرائیلی داگیركەره‌وه‌ كه‌ له‌ رێگه‌ی ئاسمانی، وشكانی و هێرشی زه‌مینییه‌وه‌ ئه‌نجامی ده‌دات 71 هه‌زار و 920 كه‌س برینداربون.
بەڕێوەبەرایەتی پۆلیسی پارێزگای سلێمانی زانیاری لەبارەی دەستبەسەركردنی دوو تۆمەتبار و بارێك دەرمانی قاچاغ، بڵاوكردەوە.

پۆلیسی سلێمانی لە راگەیەندراوێكدا بڵاویكردەوە:" لەلایەن مەفرەزەكانی نوسینگەی نەهێشتنی تاوانی سەیدسادقەوە دوو تۆمەتبار دەستگیركران و دەستگیرا بەسەر بارێك دەرمانی قاچاغدا".

باسی لەوەشکرد، " دوای ئەوەی زانیاری گەیشتە دەست بەشی پۆلیسی سەید سادق كە بارێك دەرمان هێنراوەتە سنوری قەزاكە، هێزەكانی پۆلیس لێكۆڵینەوە و بەدواداچوونەكانیان دەستپێكرد و تواندرا لەلایەن نوسینگەی نەهێشتنی تاوانی سەیدسادقی سەربەبەشی پۆلیسی سەیدسادق دوو تۆمەتبار دەستگیربكرێن و دەستیشبگیرێت بەسەر ئەو بارە دەرمانەدا كە بەقاچاخ هێنرابووە هەرێمی كوردستان".

ئەوەشی خستەڕوو، " لە ئێستادا هەریەك لە تۆمەتباران (م. ع. ح) لەدایكبووی 1995 و (س. ج. ع) لەدایكبووی 1984، بەبڕیاری دادوەر و بەپێی ماددەی 50ی دەرمانخانەكان راگیراون و لێكۆڵینەوە لەگەڵیان بەردەوامە".
تەندروستی فەڵەستین: یەک ملیۆن حاڵەتی تووشبوون بە نەخۆشییە درمەکان لە غەززە تۆمار کراون وتەبێژی وەزارەتی تەندروستی فەڵەستین لە غەززە ڕایگەیاند لە ئاکامی ئەو هێرشانەی سوپای ئیسرائیلى داگیركەر کە لە 7ی تشرینی یەکەمی ساڵی 2023وە تا ئێستا بۆسەر کەرتی غەززە بەردەوامن، 364 کارمەندی تەندروستی کوژراون و 269ی دیکەش برینداربوون.
ئەمڕۆ دووشەممە 4ی ئاداری ساڵی 2024 ئەشرەف قودرە، وتەبێژی وەزارەتی تەندروستی فەڵەستین لە غەززە، ڕایگەیاند کە یەک ملیۆن حاڵەتی تووشبوون بە نەخۆشییە درمەکان لە غەززە تۆمار کراون و هۆشداری ئەوەی دا کە ئەگەری هەیە بەهۆی نەبوونی پێداویستییە پزیشکییەکانەوە، کارەساتی مرۆیی لە غەززە ڕووبدات.

ئاماژەی بەوەشدا، ناتوانرێت تووشبووان بە نەخۆشییە درمەکانەوە چارەسەر بکرێن.
ئەوەشی خستەڕوو، "داگیرکاری ئیسرائیل بەئەنقەست دەیەوێت نەخۆشییە درمەکان لە غەززە بڵاوببنەوە، بۆ ئەوەی کارەساتی مرۆیی و تەندروستی لە ناوچەکە ڕووبدات".
ڕاشیگەیاندووە کە خەڵکی باکووری غەززە بەهۆی نەبوونی ئاوی خواردنەوە و خۆراکەوە، شەڕی مان و نەمان دەکەن.