هەرگیز ئێمە بە هاوڕەنگی
کۆمەڵ نابینیت
فێربووین لە بنەڕەتدا خۆمان بین
نەک هاوشێوەی کەسانی تر...
‌

کە میوانداریی بەفرت کرد
مەهێڵە گەرمای بێ
نەبادا ماڵەکەت ئاو بیبا...!

لێرە:
بەڵێنەکان بێ‌پایەن و
سوێندەکانیش درۆ...
‌

هەزاران ڕێگا بەرەو لەبیر کردنت ئەبڕم و
گۆرانییەک ئەمگەڕێنێتەوە جێگەی خۆم...
‌

#دێوانە
‌

کاتێک دەڵێن ئازادی من پێکەنینم دێ
ئازادی لای من ژیانێکی کوردیە
ئازادی لای من کورد بوونە
ئازادی بۆ من خۆ ڕووت کردنەوە نیە
ئازادی بۆ من ئازادی بیروباوەڕە
ئازادی بۆ من پەیدا کردنی نانێکی بێ خەتەرە
ئازادی بۆ من ئەوەیە
کە لەبەر خاتری کورد بوونم لە
چوار وڵات نەچەوسێمەوو
ئازادی بۆ‌ من ئەوەیە کە باوکم
تا کوتایی ژیانی لە بیری نانی بەیانی نەبێت
ئازادی بۆ من کەمێک ژیانە...!

من گوڵی سەد ئارەزووی ژینم لە خاکا خەوتووە ...

دەمەوێ لە تەنیشت
کەسێکی شێت دابنیشم
و هەرچی خەم و خەفەتی
دڵ و هەناوم هەیە بۆی باس بکەم،
ئەویش لە قاقای پێکەنین بدا و
تێر تێر پێم پێبکەنێت تاوەکوو
بۆم دەرکەوێ ئەو شتانەی
پێیان خەفەتباربووم چەندە هیچن...

لە نوتفەی قابیلین!
تاوانی ئادەم و
فریوی شەیتان و
شەهوەتی حەوامان لە کۆڵە
دەعبایەڪ دەروونم دەڪۆڵێ
دەنگی پێی دەبیسم
خرتە خرت خەریڪە
مێشڪــــ دەجوێ دڵ دەخوات...
‌

لاویم ڕۆیی
لاویم هەر وەک تیر لە کەوانەی ژیان ڕۆیی
لاوی وەک شەوانێ بوو،
تاوێک لە ئاسمانی ژیان هەڵات
درەوشایەوە و بەناکاو گوزەریاو ڕۆیی...
‌

حاڵم نازناوی هەموو شاعیرەکانی کوردستانە
هەژار ، پەشێو ، بێکەس.

هەر ئەوەندە جوان...
‌

نیشتمانم،
خۆشەویستیت باڵدارێکه،
به باڵی زامەکانی من ئەفڕێ
دارمێوێکه،
بۆڵی گلێنەی شەوانی شێعرم ئەگرێ
خۆشەویستیت هەژارێکه،
نانی خەمەکانم ئەخوات ...
‌

ئاخ بۆ خەم ڕەوێنێک...
‌

ژیـانی مـن ئێسته وەکوو خـۆری دەمی زەردەپەڕه
پێم نەما تین و گوڕ و هێز و تەوان، من چ بکەم...؟!
‌

ڕۆژێک دێت فێر دەبیت
لە جیاتی ئەوەی قسە بکەی
بێ دەنگ دەبیت
لە جیاتی ئەوەی نزیک بیتەوە
دوور دەکەویتەوە
لە جیاتی ئەوەی چاوەڕوان بیت
فەرامۆش دەکەیت
لە جیاتی ئەوەی بیر بکەیتەوە
هەوڵی لەبیر کردن دەدەیت
‌

دار هەرچی پڕبارتر
سەر بەرەو خوارتر...
‌