لە تەقلیدی مەلایی مەعنەوی بۆ شێخی بێ مەعنا
دەسووتێ دڵ وەکوو مووم و لە فەوتی سەر لە ترسانم
چ باکت زینەتی ظاهر ئەگەر توو پاکی دڵ چاکی
بە مانی ئیحتیاجێکی نییە دیواری باغانم

#فانی #مەلا_حوسێن_فانی | @kupoems

دەریایی حوسن و نازی مەوج و حوبابی هێنا
یەعنی لە زلف و پەرچەم عوود و ڕووبابی هێنا
وەمزانی بۆ چراخان مەلەک شەهابی هێنا
«ساقی لە پەردە دەرهات جامێ شەرابی هێنا

#حەمدی | @kupoems

به‌ دڵی ساده‌ و به‌ هه‌ستی پاکت
به‌ شه‌رم و حه‌یا و ئاکاری چاکت
منت کردوه‌ شێت و شه‌یدای خۆت
وه‌خته‌ له‌ سوێیان گیانم ده‌رچێ بۆت

#هێمن_موكریانی | @kupoems

بە باڵات وشکەسەروی باغی شادیم
بە دووریت نیوەسووتی تەن زوخاڵم
بە پەیمانت قەڵای شادیم هەڕۆژا
بە ئیقرارت بوڵەندە داد و قاڵم

#سەید_تاهیر_هاشمی | @kupoems

ئەگەرچی دڵ بە ڕۆژی عاریزت سووت
بەلێ وا عادەتە بۆ عاشقی ڕووت
نییە ئیحتیاجی پابەندیم بە قوربان
کە گیراوم بە داوی تاری گێسووت

#سافی_هیرانی | @kupoems

کەژ و کێوەکەت دیارە لە دوور
برق و باقی دێ، وێنەی شوعلەی نوور
کۆشکی ناو چیا و باغچە و باخاتت
وەک بەهەشت پڕیە لە غیلمان و حوور

#شاهۆ | @kupoems

لە دنیا هەر کەسێ مەقسودی عیشقە
بکا وەک من بە کوللی تەرکی دنیا
کە دایهێنا و هەڵینا چاوی مەستی
رەوان فیدا دەکەم دڵ چاکی هێنا

#حاجی_قادری_کۆیی | @kupoems

شەوێک ناوجەرگی ئاسمان ڕۆشن بێ
وەک قەڵای مەردی دۆست و دوژمن بێ
ئەستێرەی ئاسمان بە جریوەجریو
پرشنگ بگرنە کەژ و دۆڵ و شیو

#فایق_زێوەر | @kupoems

چونکە ھەمدەردی سولەيمانم لە سيحری دێوەدا
مەسڵەحەت وايە بڕۆم بۆ خۆم بە ھەرد و کێوەدا
ھەر کەسێ گەر مەيلی مەحبووبی بە دونيا بێ دەبێ
سەبری وەک من بێ لە بەر ئێشی فەلاقە و چێوەدا

#ناری | @kupoems

دڵی بردم مەواعیدی لەتیفت
کەچی ئەمڕۆ لە من بوە بووکی بێ بن
درۆ زۆر شەرمە بۆ ئاغای وەکوو تۆ
دەبێ ئامانجی تەعنی دۆست و دوژمن

#ئەدیب | @kupoems

دڵ نەخۆشی دەردی هیجرە، جانی جانانم وەرە
لەت لەتە جەرگ و هەناوم، ماهی تابانم وەرە
عیللەتی دەرد و شەفاکەم وا بە لێوی شەککەرت
مایەیی ژین و حەیاتم، دەرد و دەرمانم وەرە

#تاهیر_بەگی_جاف | @kupoems

ئەگەر بینێمە سەر، خوودەی وەکو دنگ
دڵم کونکون ببێ وەک ناوی بێژنگ
چلۆن ئەیدەم بە خورمای قاچ و قول ڕووت
قەدی بەرزی چنار و گوێز و هارژنگ

#ئەحمەد_موختار_جاف | @kupoems

ئەی دلۆ ژارۆ ل کوونە، دەشت و زۆزانێ دمن؟
کانی ئەو جەژن و سەما و گەشت و سەیرانێ دمن؟
چاخەکی دوور و درێژە، کۆ ژ وان دوور بوومە ئەز
گوهـ بدە بەر قیر، و نال و ئاهـ و ئەڤخانێ دمن

#جگەرخوێن | @kupoems

دڵ ئەی لەیلە کەیل هەوای لەیلش بی
ئارەزووی بادەی وەسڵ و مەیلش بی
تۆی دەروون وە تەم خەمان تەمام کەیل
هوونی زامی تۆی جگەر وێنەی سەیل

#جەفایی | @kupoems

پێم دەڵێن: مەحبووبە خێل و قیچە، مەیلی شەڕ دەکا
خێل و قیچە، یا ترازووی نازی نەختی سەر دەکا؟!
خێل و قیچە، یا بە غەمزە بۆ نیشانەی دڵ بە چاو
مەیلی ڕاست هاوێتنی موژگانی دڵ پەیکەر دەکا؟!

#نالی | @kupoems

ژیلەمۆی ئاگری بەیانانم
باوکی فرمێسکم و کوڕی ژانم
باڵە سووتاوەکانی پەروانەم
شووشە بادەی بەتاڵی مەیخانەم

#هێمن_موكریانی | @kupoems

تایێکی ڕیشەیی دڵ بە نووکی غەمزەدا دا
دەستێکی بۆ سەما برد ڕووبەندی ماهی لادا
نافەی گوڵی بە دەرکەوت عەتری بە دەم سەبا دا
باریک و لووس و ناسک وەک زولفی خاوی بادا

#وەفایی | @kupoems

ئیمشەو هەم خەمان وەنەم سەرداوە
سەر تا پای تەنم ئایر وەرداوە
جەستەی زەعیفم، ئیستیخوانی ڕێش
هەر ئازای ڕێشم مەگریا پەی وێش

#مەولەوی | @kupoems

ئەی یاری نازەنینم وەی سەروی گوڵستانم
ڕەحمێ بکە بە حاڵم، تۆی نووری چاوەکانم
شەیدایی زوڵفی خاوی تورکی برۆ کەمانم
بەسراوی ڕاوی چاوی شوخێکی نەوجەوانم
گیراوی حەلقەداوی سەییادی عاشقانم
چارۆکە سپی دووبادە، لا لەم تۆرانە لادە
بەس عومری من بە بادە، بمشێلە حاجی زادە

#ویساڵی | @kupoems

ئەی یاری نازەنینم وەی سەروی گوڵستانم
ڕەحمێ بکە بە حاڵم، تۆی نووری چاوەکانم
شەیدایی زوڵفی خاوی تورکی برۆ کەمانم
بەسراوی ڕاوی چاوی شوخێکی نەوجەوانم
گیراوی حەلقەداوی سەییادی عاشقانم
چارۆکە سپی دووبادە، لا لەم تۆرانە لادە
بەس عومری من بە بادە، بمشێلە حاجی زادە

#ویساڵی | @kupoems