❓#Хабарингиз_борми

Президентнинг тегишли қарорига асосан, фуқаролардан 28 турдаги маълумотномани талаб этиш тақиқланган.

📌 Жумладан, Пенсия жамғармаси туман (шаҳар) бўлимлари томонидан фуқаролардан пенсия тайинлашда талаб қилинадиган қуйидаги 6 турдаги ҳужжатлар талаб қилинмайди: ⤵️

🔹 Турар жойда яшовчи шахслар кўрсатилган ҳолда маълумотнома;

🔸 Оила аъзоларининг пенсионер билан у вафот этган кунигача биргаликда яшаб турганлиги ҳолатини тасдиқловчи маълумотнома;

🔹 Қарамоғида меҳнатга лаёқатсиз оила аъзолари борлигини тасдиқловчи маълумотнома;

🔸Вафот этган боқувчининг қарамоғидаги оила аъзолари таркиби тўғрисидаги маълумотнома;

🔹Шахсий ёрдамчи хўжалигида қорамол мавжудлиги ёки қишлоқ хўжалик маҳсулотларининг бошқа турларини етиштириш билан бандлиги тўғрисида маълумотнома;

🔸Дафн ўтказилганлиги ҳолатини тасдиқлаш учун маълумотнома.

👉 Қорақалпоғистон хабарлари

❓#Хабарингиз_борми

Фойдаланилмаган таътил учун пуллик компенсация тўланади

Меҳнат шартномаси бекор қилинганда, ходимга фойдаланилмаган барча йиллик асосий ва қўшимча таътиллар учун пуллик компенсация тўланади.

Ходим билан иш берувчи ўртасидаги келишувга биноан меҳнат шартномаси бекор қилинганда ходимнинг хоҳишига кўра, йиллик асосий ва қўшимча таътилларни бериб, ундан кейин меҳнат муносабатларини бекор қилиниши мумкин. Бунда таътил тугаган кун меҳнат шартномаси бекор қилинган кун деб ҳисобланади.

👉 Қорақалпоғистон хабарлари

❓ #Хабарингиз_борми

Кам таъминланган оилаларга нафақа тўлаш тартиби ва миқдорини биласизми?

Қуйидаги нафақа ва моддий ёрдам ҳар бир оила аъзосига ўртача ойлик жами даромад миқдори меҳнатга ҳақ тўлашнинг энг кам миқдорининг 52,7 фоизидан 358 007 сўмдан ортиқ бўлмаган оилаларга тайинланади ⤵️

🔹 14 ёшгача болалари бўлган оилаларга нафақа:

▪️ 1 та болали оилага – 131 000 сўм;
▪️ 2 та болали оилага – 217 000 сўм;
▪️ 3 ва ундан ортиқ болали оилага – 304 000 сўм;

🔹 2 ёшга тўлгунга қадар бола парвариши бўйича нафақа – 434 000 сўм;

🔹 кам таъминланган оилаларга моддий ёрдам – 326 000 сўмдан 653 000 сўмгача.

Оила аъзосига тўғри келадиган ўртача ойлик жами даромад, нафақа ёки моддий ёрдам олиш учун мурожаат қилинган ойдан олдинги охирги 3 ой учун ҳисоблаб чиқилган оиланинг меҳнатга лаёқатли ҳар бир аъзосининг ўртача ойлик даромади суммаси оила таркибидаги аъзолар сонига бўлинган ҳолда аниқланади.

👉 Қорақалпоғистон хабарлари

❓ #Хабарингиз_борми

Коллеж ва техникумларга саралаш имтиҳонларини ўтказиш муддатлари белгиланди

✅ Ўзбекистон Республикаси таълим муассасаларига ўқишга қабул қилиш бўйича Давлат комиссияси қарорига мувофиқ:

🔹 2020 йил 20 ноябрдан 30 ноябрга (30 ноябрь куни ҳам) қадар коллеж ва техникумларга саралаш имтиҳонлари ўтказилади;

🔸 2020/2021 ўқув йили учун саралаш имтиҳонлари коллеж ва техникумларнинг 178 тасида тест синовлари, 176 тасида эса ёзма имтиҳон шаклида ўтказилади.

🔹 Спорт соҳасидаги коллеж ва техникумларда касбий (ижодий) имтиҳонлар ўтказилади.

👉 Қорақалпоғистон хабарлари

❓#Хабарингиз_борми

📑 Президент қарорига мувофиқ, 2021 йил 1 январдан 40 ва ундан юқори ёшдаги фуқароларда юрак қон-томир хавфини (гипертония, инфаркт, инсульт, қандли диабет ва бошқа хавф омилларини) аниқлаш бўйича тизимли равишда скрининг текширувлари ўтказилади.

🏥 Аҳолининг соғлом турмуш тарзини қўллаб-қувватлаш ва жисмоний фаоллигини ошириш марказининг туман (шаҳар) бўлимлари кўп тармоқли марказий поликлиникалар биноларида жойлашади ҳамда уларнинг ходимлари фуқароларга тиббий-профилактик хизматлар кўрсатади.

📺 Соғлом турмуш тарзини олиб боришга бағишланган марказий, ҳудудий ва нодавлат телеканалларда «Саломатлик соати» ва бошқа махсус телекўрсатувлар ташкил қилинади.

Вазирлар Маҳкамаси ҳузурида Касалликлар профилактикаси ва жамоат саломатлиги масалалари бўйича Мувофиқлаштирувчи комиссия ташкил қилинди.

👉 Қорақалпоғистон хабарлари

❓ #Хабарингиз_борми

Автомобилни мажбурий техник кўрикдан ўтказиш муддатлари қандай?

🚘 Транспорт воситаларини мажбурий техник кўрикдан ўтказиш тартиби тўғрисидаги низомга кўра:

🔹 ишлаб чиқарилганлигига 5 йилдан кўп бўлмаган (ишлаб чиқарилган йили ҳам шу жумлага киради) транспорт воситалари — 2 йилда бир марта;

🔹 ишлаб чиқарилган йилини ҳисобга олган ҳолда ишлаб чиқарилгаига 5 йилдан ортиқ бўлган транспорт воситалари, шунингдек, ишлаб чиқарилган вақти аниқланмаган транспорт воситалари — 1 йилда бир марта мажбурий техник кўрикдан ўтказилиши керак.

✅ Шунингдек, транспорт воситаси техник кўрикка белгиланган муддатлардан олдин тақдим этилиши мумкин.

⚠️ Маъмурий жавобгарлик тўғрисидаги кодексга мувофиқ ҳайдовчиларнинг мажбурий техник кўрикдан ўтказилмаган транспорт воситаларини бошқариши 111 минг 500 сўм миқдорда жарима солишга сабаб бўлади.

👉 Қорақалпоғистон хабарлари

❓ #Хабарингиз_борми

Вақтинча меҳнатга қобилиятсизлик нафақаси қуйидаги ҳолларда берилади:

🔹 вақтинча меҳнат қобилиятини йўқотиш билан боғлиқ касалликда (шикастланишда);
🔸 санаторий-курортларда даволанганда;
🔹 касалланган оила аъзосини парваришлаш зарур бўлганда;
🔸 карантинда;
🔹 сил ёки касб касаллиги туфайли вақтинча бошқа ишга ўтказилганда;
🔸 меҳнат қобилиятини тиклаш ёки ясама аъзо (протез) қўйдириш учун реабилитация муассасаларига ётқизилганда.

Вақтинча меҳнатга қобилиятсизлик нафақасини тайинлаш учун фақат белгиланган тартибда берилган вақтинча меҳнатга лаёқатсизлик варақаси (касаллик варақаси) асос бўлади.

👉 Қорақалпоғистон хабарлари

❓ #Хабарингиз_борми

📖 Йўл ҳаракати қоидаларига кўра, транспорт воситасида ҳаракатланиб бораётганда ҳайдовчи хавфсизлик камарини тақиб олиши шарт.

Қуйидаги шахсларга хавфсизлик камарини тақмасликка рухсат берилади:

👨‍👧автомобилнинг орқа ўриндиғидаги 12 ёшгача бўлган болалар;

👨🏻‍💼транспорт воситасини ўқувчи бошқараётган вақтда автомототранспорт воситасини ёки шаҳар электр транспортини бошқаришни ўргатувчи амалий машғулотлар инструктори;

🤰ҳомиладор аёллар, саломатлиги хавфсизлик камари тақиш имконини бермайдиган бемор йўловчилар;

🙎‍♂️орқага ҳаракатни амалга ошираётган ҳайдовчилар;

🏘 аҳоли пунктларида ҳаракатланишда — йўналишли такси ҳайдовчилари, таксининг орқа ўриндиғидаги йўловчилар;

🚓 аҳоли пунктларида ташқи қисмига махсус рангли график чизмалар чизилган транспорт воситалари ҳайдовчилари ва йўловчилари.

🚴 Мотоцикл ва мопедда ҳаракатланаётган ҳайдовчи ва йўловчилар махсус мотошлем кийишлари ва уни қадаб олишлари шарт.

👉 Қорақалпоғистон хабарлари

❓#Хабарингиз_борми

Қонунчиликка кўра, ОТМ талабаларига академик таътил қандай ҳолларда берилади?

🔸 ҳарбий хизматни ўташ учун;
🔸 саломатлигини тиклаш учун;
🔸 ҳомиладорлик ва туғиш учун;
🔸 болаларни парвариш қилиш учун.

🔰 Академик таътил ўқув йилининг ҳар қандай қисмида, қуйидаги муддатларга берилади:

➖ ҳарбий хизматни ўташ учун – ҳарбий хизматни ўташ муддатига;
➖ саломатлигини тиклаш учун – 12 ой муддатга;
➖ ҳомиладорлик ва туғиш, шунингдек, болаларни парвариш қилиш учун – ҳомиладорлик ва туғиш, шунингдек, болаларни парвариш қилиш таътиллари муддатига.

🧑🎓 Талабаларга ўқиш давомида 2 марта (тиббиёт таълим муассасалари талабаларига 3 мартагача) академик таътил берилиши мумкин.

🏥 1-курс талабаларига академик таътил фақат уларнинг касаллиги туфайли берилади.

💰 ❌ Академик таътил даврида стипендия тўланмайди.

👉 Қорақалпоғистон хабарлари

#Хабарингиз_борми?

Қандай ҳолларда кадастр паспортини расмийлаштириш бепул амалга оширилади?

🔸кўчмас мулк объекти бўйича бирламчи кадастр йиғмажилди (паспорти) мавжуд бўлиб, бегоналаштирилганда ёки объектда ўзгаришлар (реконструкция, қўшимча ва алоҳида қурилиш) мавжуд бўлмаганда;

🔸кўчмас мулк объектининг бир қисми бегоналаштирилганда объектнинг қолган қисмига ёки реконструкциясиз тоифаси ўзгарганда;

🔸кадастр йиғмажилди (паспорти) йўқолганда (яроқсиз ҳолга келганда ва кўчмас мулк объекти кўрсаткичлари ўзгартирилмасдан).

❗️Ушбу ҳолларда кадастр паспорти уч иш куни мобайнида расмийлаштирилади.

👉 Қорақалпоғистон хабарлари

❓#Хабарингиз_борми

➡️ Ҳозирги кунда Ўзбекистон ҳудудида:

▪️меҳнатга ҳақ тўлашнинг энг кам миқдори – 747 300 сўм;
▪️базавий ҳисоблаш миқдори – 245 000 сўм;
▪️пенсияни ҳисоблашнинг базавий миқдори – 262 470 сўм;
▪️ёшга доир энг кам пенсиялар – 513 350 сўм;
▪️болаликдан ногиронлиги бўлган шахсларга бериладиган нафақа – 513 350 сўм;
▪️зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа – 315 030 сўмдан иборат.

👉 Қорақалпоғистон хабарлари