Eco Expo Central Asia: Тошкентда илк бор экологик технологиялар кўргазмаси бўлиб ўтади

19–21 июн кунлари Ўзбекистон пойтахти яшил инновациялар марказига айланади: Central Asian Expo (CAEx) кўргазмалар мажмуасида илк бор Eco Expo Central Asia 2025 экологик технологиялар халқаро кўргазмаси бўлиб ўтади.

👉 https://kun.uz/kr/53384783

Kun.uz расмий канали

“Челаклаб сув ташиб амаллаб кўкартириб олганман” – тоғ бағрида боғ яратган сўхлик 93 ёшли Нуриддин ота ҳикояси

Нуриддин ота Айниддинов тоғ бағридаги сувсиз ташландиқ ерни обод қилиб, боғ яратди. Эккан ўрик кўчатлари аллақачон бўй чўзиб даромадга ҳам кирган. У ҳар куни 6 км пиёда йўл босиб боғидан хабар олади. “Пиёда юришнинг гашти бошқа, танада қон юради, кун бўйи ўзимни тетик ҳис қиламан”, – дейди Нуриддин ота.

📹 YOUTUBE'ДА ТОМОША ҚИЛИНГ

Зангиотадаги гилам дўконида йирик ёнғин содир бўлди

Айни вақтда фавқулодда вазиятлар бошқармасининг 7 та ёнғин-қутқарув экипажи ва ФВВ раҳбарияти воқеа жойига етиб борган. Расмий маълумотга кўра, қарийб бир соат ичида ёнғин бартараф қилинди, фожиа оқибатида тан-жароҳати олган ва ҳалок бўлганлар ҳақида маълумот келиб тушмаган.

👉 https://kun.uz/kr/80967594

Kun.uz расмий канали

“Доналд Трамп Ўзбекистонга таклиф қилинди. Президент минтақага келиши учун ҳозир энг тўғри вақт” – АҚШ элчиси

Ўзбекистон ташқи ишлар вазири Бахтиёр Саидов, президентнинг махсус вакили Абдулазиз Комилов бошчилигидаги делегация АҚШга сафари чоғида президент Мирзиёевнинг Доналд Трампга ташриф таклифини етказган. АҚШ элчиси Жонатан Ҳеникка кўра, Оқ уй бундан мамнун ва таклифни жиддий ўрганмоқда. Мустақилликка 30 йилдан ортиқ вақт ўтаркан, АҚШ президенти минтақага келиши учун ҳозир энг тўғри пайт, дея қўшимча қилди Ҳеник.

👉 https://kun.uz/kr/34624602

Kun.uz расмий канали

Автомобил бозоридаги монополия: Ўзбекистон битта хатони иккинчи марта такрорлайдими?

1 майдан Ўзбекистонда утилизация йиғимининг оширилган ставкалари кучга киради. Натижада, мисол учун, божхона қиймати 22 800 доллар бўлган Changan Deepal S07 автомобилини олиб кириш нархи 3600 доллардан 6200 долларгача ошади. Икки хил двигателга эга, лекин фақат электрда юрадиган бу тоифа моделлар расман ҳибрид тоифага ўтказилиши билан, Deepal S07нинг божхона харажатлари 9600 доллардан ошиб кетади.

📹 ВИДЕОНИ ТОМОША ҚИЛИНГ

“Milliy” телеканали совғали акцияга старт берди!

Шунчаки телевизор томоша қилиб, телефон, телевизор, чет элга саёҳат чиптаси ёки Умра сафарига йўлланма ютиб олиш имконияти мавжуд.

Ўйинда иштирок этиш учун @Milliydaman_bot орқали рўйхатдан ўтинг. Телеканалда кун давомида намойиш қилинадиган QR-кодларни сканерлаб ботга юборинг. QR-код сканерларини қанча кўп тўпласангиз ва бот ҳаволасини қанча кўп одамга юборсангиз, совғаларни ютиб олиш имкониятингиз шунчага ошади.

❗️Совғали ўйин 25 апрелдан 25 майгача давом этади.

Kun.uz расмий канали

Перуда 5 минг йиллик мумиё топилди

Мумиёланган аёлнинг ёши 25-30 ёш атрофида бўлган. Орадан 5 минг йил ўтган бўлса ҳам унинг териси, сочлари ва тирноқлари сақланиб қолган.

👉 https://kun.uz/kr/41560035

Kun.uz расмий канали

Ғарбий соҳилдаги қувғинлар, Фаластин учун курашаётган Ҳарвард ва портлатилган рус генерали — кун дайжести

Ўтган кун давомида жаҳонда рўй берган энг асосий воқеалар ва янгиликлар шарҳи билан кундалик хабарномамизда таништирамиз.

👉 https://kun.uz/kr/04813778

Kun.uz расмий канали

Шавкат Мирзиёев Озарбойжон президенти Илҳом Алиев билан телефонда суҳбатлашди

Ўзбекистон ва Озарбойжон етакчилари икки томонлама муносабатларнинг долзарб масалаларини муҳокама қилди.

👉 https://kun.uz/kr/06304637

Kun.uz расмий канали

Трампнинг янги режаси, Путиннинг сулҳи, Киевнинг талаблари — Геосиёсий ҳафта таҳлили

Трампнинг Кремлга босими ортидан Путин Пасха сулҳини эълон қилди, Украина музокараларда Вашингтонга беш бандли талаблар пакетини юборди. Лондонда ўтиши белгиланган музокаралар Киевнинг ҳудудий ён бермаслик позициясидан кейин барбод бўлди. Осиёда эса ухлаб ётган Покистон–Ҳиндистон вулқони отиладигандек. Лавров Марказий Осиёда Европа фаоллигидан нолиди.

Жорий ҳафтанинг халқаро майдондаги мавзулари муҳокамаси – Kun.uz'нинг жонли эфирдаги “Геосиёсат” дастурида.

📹👉 ЖОНЛИ ЭФИР

“Наманганда автомобилларни ижарага берувчи гуруҳларнинг 90 фоиз аъзоси ўқувчилар” — вилоят ЙҲХБ бошлиғи

Наманган вилояти ЙҲХБ бошлиғи Мансур Газиевга кўра, автомобилига шикаст етказгани учун болалар ва уларнинг ота-оналари бўйнига 10-20 млн сўм қарз илиб қўйилган ҳолатлар бор. “Агар ўзи машинасини бошқариб кўчага чиқса, кунига 200-300 минг сўм топиши мумкин. Ижарага бериб юборса, соатига шу пулни топяпти”, дейди подполковник.

👉 https://kun.uz/kr/87433447

Kun.uz расмий канали

Халқаро олий таълим муассасалари ўртасида шахмат турнири ўтказилди

Тошкентдаги Сингапур менежментни ривожлантириш институти ташаббуси билан Олий таълим, фан ва инновациялар вазирлиги, Тошкент вилояти ҳокимлиги, Ангрен шаҳар ҳокимлиги, Ёшлар ишлари агентлиги ҳамда Ўзбекистон шахмат федерацияси билан ҳамкорликда 2025 йилнинг 26 апрел куни Тошкент вилоятининг Ангрен шаҳрида 30 га яқин нуфузли халқаро олий таълим муассасалари ўртасида Шахмат бўйича турнир ўтказилди.

👉 https://kun.uz/kr/60765425

Реклама

Ҳаво исиб кетиши ва қурғоқчиликка тайёр туришимиз керак – Эркин Абдулаҳатов

Якшанба ва душанба кунлари айрим ҳудудларда ҳаво ҳарорати +40°С гача кўтарилиши мумкин. Май ойи бошида иссиқлик тўлқинлари ва кам ёғингарчилик оқибатида асосий қишлоқ хўжалик майдонларида қурғоқчилик хавфи ошади. Апрел охирида тоғли ҳудудларда сел хавфи сақланиб қолади.

📹 ВИДЕОНИ ТОМОША ҚИЛИНГ

Россияда мигрантларнинг фарзандларини боғчага қабул қилишда қўшимча ҳужжатлар талаб этилиши мумкин

РФ Таълим вазирлиги мигрантларнинг болаларини боғчага қабул қилишда уларда инфекцион касаллик йўқлигини тасдиқловчи маълумотнома талаб қилиш таклифини илгари сурди. Ҳозирда фақат тиббий кўрикдан ўтганлик ҳақида маълумотнома сўралади.

👉 https://kun.uz/kr/91333322

Kun.uz расмий канали

“Раҳбар ва ёшлар” учрашуви

“Ҳудудий электр тармоқлари” АЖ Бошқарув раиси кубоги-2025” футбол мусобақалари доирасида жамиятнинг Бошқарув раиси иштирокида ташкил этилган “Раҳбар ва ёшлар” очиқ мулоқоти бўлиб ўтди.

👉 https://kun.uz/kr/12880501

Реклама

“Сув уруши” эҳтимоли: Ҳиндистон Покистонни сувсиз қолдириш билан таҳдид қилмоқда

Ҳиндистон Кашмирдаги терактда 26 сайёҳ ўлдиришида Покистонни айблаб, 65 йил олдин имзоланган сув битимининг амал қилишини биринчи марта тўхтатиб қўйди. Покистон расмийлари буни “сув уруши акти” деб атади. Kun.uz мухбири можарога оид саволлар билан сиёсий таҳлилчилар Ислом Ғаффоров ва Ҳамза Болтаевга мурожаат қилди.

📹 ВИДЕОНИ ТОМОША ҚИЛИНГ

Класико интригалари. «Барса»да ҳам бўш нуқталар бор, «Реал» эса ҳакамларга жиддий босим уюштирди

Навбатдаги класико арафасидаги можаро рўй берди: ҳакам журналистлар қаршисида йиғлади, «Реал» ўйинни бойкот қилмоқчи бўлди. Тебас эса Переснинг манзилига қаттиқ фикрлар билдирди.

👉 https://kun.uz/kr/41076209

Kun.uz расмий канали

Саудия Арабистони Ҳаж мавсумида ўзбекистонликларга электрон виза беришни тўхтатиб қўйди

Саудия Арабистони Туризм вазирлигининг Kun.uzʼга маълум қилишича, ўндан ортиқ давлатлар, хусусан, Ўзбекистон ва Тожикистон фуқаролари учун электрон визага мурожаат қилиш хизмати вақтинчалик тўхтатилган. Бу – саёҳат ёки Умра мақсадида қиролликка бориб, ноқонуний Ҳаж қилишнинг олдини олиш учун кўрилган чора сифатида баҳоланмоқда.

👉 https://kun.uz/kr/06001608

Kun.uz расмий канали