Сурхондарё вилояти ҳокимини алдашга уринган амалдор 3 йилга қамалди    
 
2026 йил 2 июн. Соат тахминан 18:30. Сурхондарё вилояти ҳокими Улуғбек Қосимовнинг қўл телефони жиринглади. Ҳоким қўнғироққа жавоб берди. "Мен администрациядан фалончиман, афғонистонлик тадбиркор Термиз шаҳридаги "Дипломат" ресторани ҳудудига кўп қаватли уй қурмоқчи, шунга рухсат олишда амалий ёрдам керак", деди қўнғироқ қилаётган одам.
 
"Администрацияданман" деб қўнғироқ қилган бу шахс Экология ва иқлим ўзгариши миллий қўмитасида Департамент бошлиғи бўлиб чиқди.

👉 https://kun.uz/kr/04665582

Kun.uz расмий канали

Бизнес-шериклар ўртасида низо: “Imarat иши”да воқеалар ривожи

Imarat амбассадори Шаҳзода Муҳаммедова муаммоларда турмуш ўртоғининг ҳамкори Жасур Азизовни айблаб чиқди. Ҳамдамов ҳам ўз баёнотида Азизов унга таҳдид қилиб, “офисга киритмаётгани”, компания номини ҳам унинг розилигисиз ўзгартиришганини иддао қилган. Интернетда тарқалган аудиода эса Ҳамдамов “вазият издан чиқиб кетгани” сабаб “офисга боришга уялаётгани”ни айтиб, брендни ўзгартиришни таклиф қилади.

📹 ВИДЕОНИ ТОМОША ҚИЛИНГ

Трампнинг кучайиши ва сусайиши: бу дунё учун нимани англатади?

АҚШ демократияси ва давлатчилиги трампизм тўлқинини енгди. Бу – дунё бўйлаб бошқа давлатларда ҳам популистлар, миллатчилар, ксенофоблар, изоляционистлар ва олигархларнинг ҳам попугини пасайтиради.

Сиёсатшунос Камолиддин Раббимов Kun.uz'даги колонкасида Америкадаги оралиқ сайловлар натижасининг глобал аҳамияти ҳақида сўз юритади.

📹 ВИДЕОШАРҲНИ ТОМОША ҚИЛИНГ

«Онамни узоқдан бўлса ҳам кўрсам...» – болаликдаги танловнинг оғир армони

Азиза 10 ёшида ота-онаси ажрашганда отаси билан қолишни ўзи танлаган. Ўшанда бу қарор уни қандай ҳаёт кутаётганини билмаган боланинг танлови эди. Кейинги йилларда у зўравонлик, муҳтожлик ва йўқотишларни бошдан кечирди.

Йўл-транспорт ҳодисасида оёғи синган Азиза ҳали тўлиқ соғаймаган. Шифокорлар унга юришни чеклашни буюрган, аммо фарзандларини боқиш зарурати бунга имкон бермайди. Курерлик қилиб рўзғор тебратаётган аёл буюртмачилардан бир нарсани — буюртмаларини пастга тушиб қабул қилиб олишни сўрайди.

Унинг ҳаёти эса оддий курерлик машаққатларидан анча оғирроқ.

📹 ТЎЛИҚ ВИДЕОНИ ТОМОША ҚИЛИНГ

Қурилишда яна можаро, тезлашган инфляция ва талабаларга мажбурият — ҳафта дайжести

➖Газсиз аҳолига электрдан чегирма кучга кирди; пропан таъминотида эса янги нарх ва компенсация миқдори тасдиқланди.

➖Иссиқлик тарифлари “кутилганидан баланд” сакраши мумкин: Марказий банк инфляция прогнозини оширди.

➖ЖСТга аъзолик кейинги йилга қолди: иқтисодиётда давлат иштироки музокараларни мураккаблаштиряпти.

➖“Imarat иши” ва бирёқлама шартномалар: қурилишдаги эскроу қонуни нега кечикяпти?

Ортда қолаётган ҳафтанинг Ўзбекистон ҳаётига оид айрим мавзулари – Kun.uz дайжестида.

📹 ВИДЕОШАРҲНИ ТОМОША ҚИЛИНГ

«Сити» аутсайдерга ютқазди, «Реал» «Барса»га етиб олди

«Шаҳарликлар» қаторасига уч ўйинда мағлуб бўлди ва «Арсенал»дан 6 очкога ортда қолиб кетди; «Сити»нинг «Ноттингҳэм»дан мағлубияти «МЮ»ни хавфли ҳудудга тушириб юборди. «Реал» эса Винисиуссиз ғалабали серия қайд этмоқда; бугун мадридликларнинг турнир жадвалидаги асосий рақобатчилари – «Атлетико» ва «Барса» ўзаро ўйнайди.

📹 👉 https://kun.uz/kr/21021001

Kun.uz расмий канали

Самолётда йўловчи аёлнинг ҳаётини сақлаб қолган шифокор тақдирланди

Ҳасан Комилов шу йил 11 октябр куни Тошкент – Сеул йўналишидаги HY511 рейсида саломатлиги кескин ёмонлашган аёлга шошилинч тиббий ёрдам кўрсатиб, унинг ҳаётини сақлаб қолганди.

👉 https://kun.uz/kr/80239784

Kun.uz расмий канали

Хитойда телебошловчи роботлар намойиш этилди

Улар эркак ва аёл қиёфасида, инсоннинг табиий ўлчамларига мос равишда яратилган бўлиб, сунъий тери, юз ифодаларини бошқариш тизимлари ҳамда ахборот билан ишлашга мўлжалланган сунъий интеллект билан жиҳозланган.

👉 https://kun.uz/kr/11224924

Kun.uz расмий канали

UzAuto Motorsʼнинг соф фойдаси кескин камайди. Нега?

UzAuto Motors’нинг соф фойдаси 2026 йилнинг дастлабки 9 ойида қарийб икки бараварга камайди. Бунга ички бозорда Cobalt каби оммабоп моделлар савдосининг кескин пасайиши, омборларда захираларнинг тўпланиб қолиши ҳамда ёнилғи нархлари ошиши фонида харидорларнинг электромобил ва гибрид автомобилларга, шунингдек, Хитой брендларига эътибори кучайгани таъсир қилаётган бўлиши мумкин.

👉 https://kun.uz/kr/21539878

Kun.uz расмий канали

Дунёга келганидан бери фарзандининг дардига даво излаб юрган онаизор ҳикояси

Оғир туғма хасталикдан азият чекиб келган 10 ёшли Фирдавс Эргашевнинг онаси Сабоҳат опа ўн йил давомида фарзандининг соғайиши учун курашди. Оғир ташхис, кетма-кет 6 та мураккаб операция, шифохонадаги бедор тунлар, изтироб ва кўз ёшлари... Аммо онаизор бир лаҳза ҳам умидини узмади.

Президент эътибори туфайли Фирдавс Болалар миллий тиббиёт марказида ноёб юқори технологик жарроҳлик амалиётини бошдан кечирди. Бугун у соғлом ҳаётга қайтиб, мустақил овқатланяпти.

ССВ Матбуот хизмати бир онанинг ўн йиллик изтироблари, орзу-умидлари ва бугунги қувончи ва шукронасини  “Ҳаётга қайтдим: Президентга мактуб” видеолойиҳасида таъсирчан усулда ифодалади.

Kun.uz расмий канали

Краковда ўт очган шахснинг уйидан уч киши жасади топилди

Полша ички ишлар вазири ўт очган шахс «ўта радикал» ва «ултрамиллатчи» қарашларга эга бўлганини маълум қилган.

Мамлакат бош вазири Краковдаги ҳодисани теракт деб баҳолаган.

👉 https://kun.uz/kr/70090510

Kun.uz расмий канали

Вашингтондаги табиат хазинаси: АҚШ Миллий ботаника боғидан репортаж

АҚШ пойтахти Вашингтонда нафақат мамлакатнинг сиёсий ва тарихий ҳаётига оид машҳур обидалар, балки табиатни севувчилар учун ҳам ўзига хос масканлар бор. Шулардан бири — АҚШ Миллий дарахтлар ва ўсимликлар боғи - National Arboretum. Шаҳарнинг шимоли-шарқий қисмида жойлашган ушбу улкан боғ дарахтлар, гуллар ва ноёб ўсимликлар жамланган маскан бўлиш билан бирга, илмий тадқиқотлар ва экологик таълим маркази ҳам ҳисобланади.

Kun.uz'нинг АҚШдаги мухбири куз фаслида янада чиройли тус олган бу боғдан репортаж тайёрлади.

👉 https://kun.uz/kr/47734152

Kun.uz расмий канали

Россияда мажбурлаб урушга юборилган ўзбекистонлик квадроциклда ҳарбий лагердан қочиб кетди
 
Бухоро вилоятининг Когон туманида яшовчи 35 ёшли эркак ишлаш мақсадида Россиянинг Санкт-Петербург шаҳрига борган. Ўша ерда безорилик жиноятида айбланиб, 8 йилга қамалган. Жазони ўташ даврида эса Украинага қарши урушга бориш учун қийноққа солинган.
 
Қамоқдан фронтга олиб кетилган эркак ўзига бириктирилган квадроциклда Донецкдаги ҳарбий лагердан қочиб кетган.

👉 https://kun.uz/kr/28328640

Kun.uz расмий канали