📹 Тошкентда вакцина ташийдиган махсус транспорт машиналари ЙТҲга учради

CОVID-19га қарши эмлашни амалга оширишга тайёргарлик кўраётгани сабабли, бугун ЮНИСЕФ пойтахтимиздаги “Миллий” стадионида Санитария-эпидемиологик осойишталик ва жамоат саломатлиги хизмати учун 17 та музлаткичли юк машинаси ва 206 та Miniven-Labo автомобилларини топширган эди.

Машиналарнинг умумий қиймати 2 млн долларни ташкил этади. Ушбу маблағ Вакциналар ва иммунизация бўйича глобал альянси (ГАВИ) томонидан соғлиқни сақлаш тизимини мукамаллаштириш доирасида ажратилган.

Ижтимоий тармоқларда ушбу транспорт воситаларидан бир нечтаси ЙТҲга учрагани акс этган видеотасвирлар тарқалди.

👉 Тошкент хабарлари

Тошкент вилояти истеъмол маҳсулотлари ишлаб чиқариш бўйича учинчи ўринда

Давлат статистика қўмитаси маълумотига кўра, 2021 йилнинг январ ойида истеъмол маҳсулотлари ишлаб чиқариш ҳажми 6,7 трлн сўмни ташкил этган. Бу жами саноат маҳсулотлари улушида 25,2 фоизга тенг.

▪️2021 йил январ ойида ҳудудлар кесимида истеъмол маҳсулотлари ишлаб чиқариш ҳажми:
🔹Тошкент ш. – 1 122,8 млрд сўм;
🔹Самарқанд – 899,5 млрд сўм;
🔹Тошкент – 897,9 млрд сўм;
🔹Бухоро – 503,5 млрд сўм;
🔹Фарғона – 502,0 млрд сўм;
🔹Андижон – 477,4 млрд сўм;
🔹Хоразм – 459,9 млрд сўм;
🔹Наманган – 394,6 млрд сўм;
🔹Қашқадарё – 314,4 млрд сўм;
🔹Навоий – 255,9 млрд сўм;
🔹Сирдарё – 205,3 млрд сўм;
🔹Қорақалпоғистон Р. – 175,4 млрд сўм;
🔹Жиззах – 155,1 млрд сўм;
🔹Сурхондарё – 120,3 млрд сўм.

👉 Тошкент хабарлари

1 мартдан бошқа ҳудудлардан келиб дарс берувчи педагогларга устама тўланади

🏫 Таълим даражаси юқори бўлмаган мактабларда дарс бериш учун бошқа ҳудудлардан жалб қилинган олий ва биринчи тоифага эга ўқитувчи-педагогларнинг базавий тариф ставкаларига махсус устамалар жорий қилинади.

🔰 Бунда:

🔹 бир маъмурий-ҳудудий бирликлар доирасида бошқа туман ва шаҳарлардан келиб фаолият юритаётган ўқитувчи-педагогларнинг базавий тариф ставкаларига 50 фоиз;

🔹 бошқа маъмурий-ҳудудий бирликдан келиб фаолият юритаётган ўқитувчи-педагогларнинг базавий тариф ставкаларига 100 фоиз махсус устамалар тўланади.

👉 Тошкент хабарлари

🌤 #Об_ҳаво

24 феврал куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 24 феврал куни Тошкент вилоятида ҳаво ўзгариб туради, баъзи жойларда ёғингарчилик (ёмғир, қор) бўлади. Туман тушиши мумкин.

Шамол ғарбдан 7-12 м/с тезликда эсади, баъзи жойларда 17-22 м/с гача кучаяди, баъзида эса 25-28 м/с гача кучайиши мумкин.

Ҳарорат кечаси ва кундузи +2...+7 даража илиқ бўлади.

👉 Тошкент хабарлари

Бюджет маблағлари ноқонуний ўзлаштирилмаслиги учун эмлаш пунктларига департамент ходимлари бириктирилади

Олий Мажлис Қонунчилик палатасининг навбатдаги ялпи мажлисида коронавирусга қарши эмлаш борасида кўрилаётган чора-тадбирлар бўйича ҳукумат вакилларининг ҳисоботи эшитилди. Унда вакцина сотиб олиш учун давлат бюджетидан ажратилган 3 трлн маблағнинг мақсадли сарфланиши масалалари муҳокама қилинди. Молия вазири ўринбосари Аҳадбек Ҳайдаровнинг маълум қилишича, ажратилган маблағлардан ноқонуний фойдаланишнинг олдини олиш мақсадида ҳар бир эмлаш пунктларига давлат молия назорати департаменти ходимларидан вакил бириктирилади.

Маълум қилинишича, республикада битта миллий вакцина сақлаш омборхонаси, 14 та ҳудудий вакцина сақлаш омборхоналари, 206 та туман (шаҳар) вакцина сақлаш омборхоналари мавжуд бўлиб, вакциналарни ташиш учун 17 та авторефрижератор, 206 та мини-авторефрижератор, 457 та совуткич, 148 та генератор, 10 минг 121 та термосумка ва термоконтейнер шай ҳолатга келтирилган.

👉 Тошкент хабарлари

Чиноз тумани ҳокимлиги мансабдори жиноят устида қўлга олинди

Тошкент вилоятининг Чиноз тумани ҳокимлигида ишловчи мансабдор шахс балиқчилик хўжалиги ташкил этишни режалаштирган тадбиркорга 1,32 гектар ер майдони ажратилишига ёрдам беришини айтиб, хизмати эвазига 12 800 доллар талаб қилган.

ДХХ Тошкент вилояти бошқармаси ходимларининг Иқтисодий жиноятларга қарши курашиш департаментининг ҳудудий бошқармаси билан ҳамкорликда ўтказган тезкор тадбири давомида мазкур шахс дастлабки ҳужжатларни тайёрлаш учун сўралган пулдан 5 минг доллар олган вақтида ашёвий далиллар билан ушланган.

Ҳозирда ушбу шахсга нисбатан Жиноят кодексининг тегишли моддалари билан жиноий иш қўзғатилган.

👉 Тошкент хабарлари

«Ишлашга вақт қолмаяпти» – Тошкент вилоятини мажлисларсиз бошқариб бўлмайдими?

Бугун, 23 феврал куни соат 10:00 да Тошкент вилоятида Ўзбекистон бош вазири ўринбосари Жамшид Қўчқоров ва вилоят ҳокими Даврон Ҳидоятов раҳбарлигида видеоселектор йиғилиши ўтказилган. Kun.uz манбасининг айтишича, соат 10:00 дан сал ўтиб бошланган йиғилиш тушгача давом этган.

Шунингдек, бугунги йиғилишдан аввал, 22 феврал куни ҳам эрталабки соат 8:00 да Даврон Ҳидоятовнинг топшириғи билан унинг ўринбосарлари, Тошкент вилоятидаги барча туман ва шаҳар ҳокимлари, тегишли бошқарма бошлиқлари ва котибият мудирлари иштирокида кенгайтирилган видеоселектор йиғилиши ўтказилган.

➡️ Батафсил ўқинг

Kun.uz суҳбатлашган вилоят ташкилотларидан биридаги лавозим эгаси вилоятда йиғилишлар кун сайин ортиб бораётгани, бунинг оқибатида ишлаш ва берилган вазифаларни бажариш учун вақт деярли қолмаётганини айтмоқда. Унинг айтишича, сутканинг деярли 6-8 соати турли кераксиз йиғилишларда ўтмоқда.

👉 Тошкент хабарлари

🗓 23 феврал:
📢 Асосий хабар ва янгиликлар

🏫 Депутат мактаблар рейтинги ОТМга кирган ўқувчилар сони билан белгиланишига эътироз билдирди

🔛 Шавкатжон Абдураззоқов Наманган шаҳрининг ишдан олинган ҳокими ҳақида фикр билдирди

📗 Жиноят кодексининг янги таҳрирдаги лойиҳаси жамоатчилик муҳокамаси учун эълон қилинди

👍 Масс-медиа фонди журналист фаолиятига тўсқинлик учун жиноий жавобгарлик белгиланишини қўллаб-қувватлади

💸 ДСҚ пулларни ноқонуний нақдлаштирувчи яна 129та фирма аниқланганини эълон қилди

Kun.uz Telegram каналлари:
👉 Ўзбекча | 👉 O‘zbekcha

Бугундан Ўзбекистонда ҳаво совийди. Вазирлик маслаҳат бермоқда

АОКАда ўтказилган брифингда Қишлоқ хўжалиги вазирлиги матбуот котиби Нигора Хўжаева 24-27 феврал кунлари кутилаётган совуқ об-ҳаво шароитида қишлоқ хўжалиги экинлари ва дарахтларни сақлаш бўйича тавсиялар берди.

Об-ҳавонинг кескин ўзгариши шароитида мевали боғ ва узумзорлар, эртаки картошка ва сабзавот экинларини сақлаб қолиш мақсадида қуйидаги тадбирларни зудлик билан амалга ошириш тавсия этилган:

🔹мевали боғ ва узумзорларнинг қатор ораларидан суғориш ариқлари олиниб, иложи борича кам миқдорда сув оқизиш;

🔹мевали боғ ва узумзорлар қатор ораларига маҳаллий ўғит аралаш ҳашак, похол, шох-шаббалар уюмларини тўплаб, уларни тутатиш. Бунинг учун мевали боғ ва узумзорларга бир текисда эни 1,25-1,5 м ҳамда баландлиги 0,5-0,75 м.дан тўп-тўп қилиб уйиб қўйиш.

Вазирликнинг батафсил тавсияси билан бу ерда танишишингиз мумкин.

👉 Тошкент хабарлари

Журналистнинг қонуний фаолиятига тўсқинлик қилганлик учун жиноий жавобгарлик белгиланади

Киритилаётган ўзгаришга кўра, Жиноят кодексининг 184-моддасида журналистнинг қонуний фаолиятига тўсқинлик қилиш, яъни уни ахборотни тарқатишга ёки тарқатмасликка мажбурлаш мақсадида ўз хизмат мавқейидан фойдаланиб журналистга ёхуд унинг яқин қариндошига зўрлик ишлатиш ёки зўрлик ишлатиш билан қўрқитганлик учун БҲМнинг 50 бараваридан 100 бараваригача жарима ёки 3 йилгача озодликни чеклаш ёхуд 3 йилгача озодликдан маҳрум қилиш жазоси кўрсатилган.

👉 Тошкент хабарлари

❓#Биласизми

Елканли балиқ – дунёдаги энг тез сузувчи балиқдир. Бир қатор синовлар давомида елканли балиқ 3 секундда 91 метр сузиб кетган. Бу соатига 109 км тезликка тенг.

👉 Тошкент хабарлари

📹 Қамчиқ довонида 30 дақиқа оралиғида икки машина хандаққа тушиб кетди

Фавқулодда вазиятлар вазирлиги матбуот хизматига кўра, 23 феврал куни довонга ёғган қор сабаб 30 дақиқа оралиғида иккита машина иштирокида авария содир бўлган. Nexia-1 ва Nexia-3 автомобиллари йўл четидаги хандаққа тушиб кетган.

Фавқулодда вазиятлар вазирлигининг «Қамчиқ» махсус қидирув, ёнғин-қутқарув бошқармасининг қутқарувчилари зудлик билан ҳайдовчиларга ёрдам бериш учун етиб келган. Иккала ҳолатда ҳам қурбонлар аниқланмаган.

Шунингдек, видеода Қамчиқ довонида 24 феврал куни тонгдан тегишли хизматлар томонидан олиб борилаётган профилактик тадбирлар, махсус техникалар ёрдамида йўлларнинг тозаланаётганини кўриш мумкин.

👉 Тошкент хабарлари

📹 Гулжаҳон Йўлдошева иши. Суд тергови якунланди

22 феврал куни Тошкент вилояти собиқ бош инфекционисти Гулжаҳон Йўлдошева ва бошқаларга нисбатан кўрилаётган иш бўйича навбатдаги суд мажлиси бўлиб ўтди.

Мажлисда судга тақдим этилган ёзма ва бошқа далилий исботлар ўқиб эшиттирилди, видеоматериаллар кўриб чиқилди, деб хабар бермоқда Kun.uz мухбири.

Судда Йўлдошеванинг адвокати янги очилган ҳолатлар бўйича бир неча гувоҳларни қайта сўроқ қилиш учун судга жалб этиш бўйича илтимоснома киритган.

Суд раиси илтимосномани ўрганиб чиқиб, уни асоссиз деб топди ва қаноатлантиришни рад этган. Суд тергов жараёни якунланганини эълон қилган.

Суд тарафлар музокара жараёнига тайёргарлик кўриши учун 1 мартга қадар танаффус эълон қилган.

👉 Тошкент хабарлари

Қуйи Чирчиқ туманида меҳнат ярмаркаси ташкил этилди

Қуйи Чирчиқ туманининг Беруний маҳалласида вилоят давлат солиқ бошқармаси ва ички ишлар бош бошқармаси ҳамкорлигида меҳнат ярмаркаси ташкил этилди.

Ҳудудда аҳоли, айниқса, ёшлар ва аёллар бандлигини таъминлаш мақсадида ташкил этилган ярмаркада 36 та корхона ва ташкилот 362 та бўш иш ўрни билан қатнашган.

Ярмарка давомида иштирокчилар ўзлари учун қизиқ бўлган иш ўринлари бўйича маълумотга эга бўлишган. Ишсиз ёшларнинг 92 нафари ва 7 нафар банд бўлмаган аёлга ишга жойлашиш бўйича йўлланмалар берилган. Шунингдек, ёшларнинг 4 нафари жамоат ишларига, яна 4 нафари қайта касбга ўқитиш бўйича йўлланма олган бўлса, 11 нафар ишсиз ёшга имтиёзли кредит олиб, ўз бизнесини ташкил этиши бўйича кўрсатмалар берилган.

👉 Тошкент хабарлари

Янги-Ангрен ИЭСда яна бир фавқулодда ҳолат юз бергани ҳақида хабар тарқалди. Энергетика вазирлиги буни рад этиб чиқди

Бугун, 24 феврал куни, ижтимоий тармоқларда Янги-Ангрен иссиқлик электр станциясида ёнғин юз бергани акс этган видеотасвир тарқалди. Энергетика вазирлиги матбуот хизмати мазкур видеога муносабат билдирди.

Қайд этилишича, бугун Янги-Ангрен ИЭСда ҳеч қандай ёнғин, авариявий ўчиш ёки бошқа фавқулодда ҳолатлар юз бермаган ва барча энергия ускуналар соз ҳолатда ишламоқда.
«Видеолавҳа Янги-Ангрен ИЭС қозонхоналарида кўмир кулидан тозалаш ишлари амалга оширилаётганда ёки одатий технологик жараён амалга оширилаётган пайтда олинган бўлиши мумкин.

Ҳозирги кунда мазкур иссиқлик электр станциясидаги энергия блоклар диспетчер томонидан берилган режимга асосан ва соз ҳолатда ишламоқда. Фавқулодда ҳолат мавжуд эмас.

Энергетика вазирлиги ижтимоий тармоқ фойдаланувчиларидан ёлғон хабарларни тарқатмаслик ва тасдиқланмаган хабарларга ишонмасликни сўраб қолади», дейилади вазирлик матбуот хизмати муносабатида.

👉 Тошкент хабарлари

🌤 #Об_ҳаво

25 феврал куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 25 феврал куни Тошкент вилоятида ҳаво ўзгариб туради, ёғингарчилик кутилмайди. Баъзи жойларга туман тушиши мумкин.

Шамол шимоли-шарқдан 7-12 м/с тезликда эсади.

Ҳарорат кечаси -12... -7, кундузи -7... -2 даража совуқ бўлади.

👉 Тошкент хабарлари

📹 Омбудсман вакиллари ва журналистлар Зангиотадаги 1-тергов ҳибсхонасини текшириш учун борди

19 февраль куни Омбудсман бошчилигидаги экспертлар гуруҳи ва журналистлар иштирокида Зангиота туманида жойлашган 1-тергов ҳибсхонасига мониторинг ташрифи амалга оширилди.

Мониторинг ташрифида тергов ҳибсхонасидаги маҳбусларнинг яшаш тарзи, овқатланиш, меҳнат қилиш, тиббий ёрдам олиш шароитлари ва санитария-гигиена талабларига риоя этиш ҳолати ўрганилган. Бу ҳақда мониторингда қатнашган Kun.uz мухбири хабар бермоқда.

➡️ Батафсил ўқинг

Kun.uz’га интервью берган маҳбуслардан бири, бу ерда шароитлар яхши эканини, ҳибсхона ходимлари томонидан ҳеч қандай жисмоний ва руҳий тазйиқлар бўлмаётганини билдирган. Унинг айтишича, тозалик ва санитария масалалари ҳар битта маҳбуснинг ўзига боғлиқ, чунки тозаликни сақлаш учун маъмурият томонидан керакли тозалаш воситалари ажратилади.

👉 Тошкент хабарлари

Бўстонлиқда Миср компанияси билан фармацевтика заводи қурилади

Тошкент вилоятида ҳудуднинг инвестиция жозибадорлигини ошириш ҳамда хорижий ҳамкорлар билан янги, истиқболли лойиҳаларни ҳаётга татбиқ этиш борасида кўплаб амалий ишларга қўл урилмоқда. Жумладан, пойтахтдаги “Hayat” меҳмонхонасида ўтказилган ҳамкорлик учрашувида Тошкент вилоятида амалга ошириладиган янги лойиҳа истиқболлари муҳокама қилинди.

Тошкент вилояти ҳокимининг инвестиция масалалари бўйича ўринбосари Жамшид Абдусаломов, Миср Араб Республикасининг Ўзбекистондаги Фавқулодда ва Мухтор элчиси Амани Элетер, “Фармсаноат” агентлиги вакиллари ҳамда “Solyphar” компаниясининг хорижий ҳамкорлари иштирок этган учрашувда янги инвестиция лойиҳасининг ташкилий ишлари муҳокама этилиб, уч томонлама келишув имзоланди. Келишувга кўра, компания томонидан Тошкент вилоятида фаолият юритаётган “Бўстонлиқ-фарм” зонасида умумий қиймати 20 млн долларга тенг фармацевтика заводи бунёд этилади. Маълумот учун, Миср Араб Республикасининг “Solyphar” компанияси фармацевтика саноатида етакчи компаниялардан бири саналади.

Тошкент вилояти Инвестициялар ва ташқи савдо бошқармаси ахборот хизматига кўра, Фармацевтика заводи иш бошлагач, унда вирусга қарши ва гормонал қаттиқ таблеткалар, желатинли капсулалар, дори кукунлари, жами 120 турдаги дори-дармонлар ишлаб чиқарилиши кўзда тутилган.

Эътиборлиси, лойиҳа ишга тушгач, 200 та янги иш ўрни яратилиб, унда асосан ёшлар ва аёлларнинг бандлиги таъминланади. Шу билан бирга, тиббиёт соҳасида қўлланиладиган зарур сифатли ва арзон дори-дармонлар маҳаллийлаштирилишига эришилади.

👉 Тошкент хабарлари

Тошкент вилоятида қурилиш корхоналари сони қанча?

Давлат статистика қўмитаси маълумотларига кўра, 2021 йилнинг 1 февраль ҳолатига республикада 41 415 та қурилиш корхонаcи фаолият кўрсатмоқда. Бу ўтган йилнинг мос даврига нисбатан 4 615 тага кўп.

📈 2021 йил январь ойида 607 та қурилиш корхонаси янги ташкил этилган.

✅ Ҳудудлар кесимида фаолият юритаётган қурилиш корхоналари:
🔹Тошкент шаҳри – 8 034 та;
🔹Тошкент вилояти – 3 592 та;
🔹Қашқадарё вилояти – 3 334 та;
🔹Фарғона вилояти – 3 270 та;
🔹Андижон вилояти – 3 121 та;
🔹Самарқанд вилояти – 3 117 та;
🔹Бухоро вилояти – 2 773 та;
🔹Сурхондарё вилояти – 2 517 та;
🔹Қорақалпоғистон Р. – 2 333 та;
🔹Наманган вилояти – 2 302 та;
🔹Жиззах вилояти – 2 034 та;
🔹Хоразм вилояти – 1 924 та;
🔹Навоий вилояти – 1 571 та;
🔹Сирдарё вилояти – 1 493 та.

👉 Тошкент хабарлари

#Эҳтиёт_бўлинг

📹 Қор ёғиши муносабати билан Тошкент вилояти ИИББ ЙҲХБнинг ҳайдовчиларга мурожаати!

Ҳурматли ҳайдовчилар, йўлларда эҳтиёт бўлинг! Йўл ҳаракати қоидаларига амал қилинг!

👉 Тошкент хабарлари