فزاعيات

فاتحة زينب..ماكو أخوان بيها

غريبه تموت زينب محد وياها

مو بالشام كون بكربله الموته

كون بكربله،، الچادر ينصبونه

عگب الضيم ماتت تالي بالشم


لحگو ياساده وسف زينب غريبه

رادت أخوتها، ، گبل لتموت زينب

حسين حمدان الدلفي

الـلّٰـه أكـبـر........ مـوسـى ابـن‌َ جـعـفـر
=========================
الجمعه موعدنا يشيعه عالجسر نحضر مدد
لا تـقـصـرون بـمـجـيكـم لا تـحـدون الـعـدد
الموسى خلينه انتعنه انصيرله سيف وسند

يا هـارون.... نكـسر خشم العادانه
ما يدرون.... نلوي اذراع الـلاوانـه

الـلّٰـه أكـبـر........ والــلــونُ أحـــمـــر
=========================
تحضر اتشيّع الكاظم كل أهـل بيـت النبي
وتگصد السلبوا أهلها وحادي بيها الأجنبي
زينب اليوم ابحديها تحدي وتعـيـد السبي

وبّــغـداد...... مجلس وتحضره الزهره
كلمن راد...... يحضر يـاخـذ بـي أجـره

الـلّٰـه أكـبـر........ قـــد صــاح حــيــدر
=========================
نـعـش مـولانـا تسـيـر اويـاه كـل الانـبـياء
يـوم سـمـوا ابن جعفر صـار چـنـه كـربلاء
وينها العافت الدنيا وگصدت اتقيم العزاء

واسـتنـفار...... تعلن لجل ابن الهادي
يــا ســتـار......حـتى الامـلاك اتنادي

الـلّٰـه أكـبـر........ ألــصـبــح أســفــر
=========================
ويـن اصـحـاب المجالس ويـن اصحاب الوعي
الليله أرض الكاظمـية استقـبلت مـوكـب نـعـي
بيه معصومه اعله راسه اتنادي عالدنيا اسمعي

هذا الراح...... ألله امبارك بافعاله
وين الناح..... لبن الصادق هنياله

الـلّٰـه أكـبـر........ والــدمــــع كــبــر
=========================
يـاهـلا بكلـمـن تـعـنه وممشه گاضيه الدرب
شيعي والأعداء حـيدر عالن الموقف حرب
والگصد باب الحوائج مـا يظل عـنده كـرُب

والمـحـتـاج....... يگصد يم باب امراده
يـاخــذ بـاج....... خـادم هــاي الـوفـاده

الـلّٰـه أكـبـر........ أمـــراً تــيــسّــر
=========================
27/1/2024.يوم السبت
15/رجب الأصب 1445 هـ
#الشاعر_الميرزا_محمد_الساعدي


لحن القصيدة فقط ((أضغط هنااا))

مشاركة الرادود الحسيني
ملا أمير الحسناوي
بمناسبة استشهاد الامام موسى بن جعفر ع
في:-
ه‍يئة شباب الزهراء ع
العراق _النجف الاشرف _الحيدريه
يوم الإثنين المصادف 2/5

عزاء شباب الكاظميه
العراق _بغداد
يوم الثلاثاء المصادف 2/6

قصائد استشهاد مولاي موسى بن جعفر الكاظم ع مع الألحان فقط اضغط على اسم القصيده


1.قصيدة رئيسية ((اسمع يا خادم))

2.قصيدة رئيسية ((موسى ياشيعه))

3.قصيدة فتحة عزاء ((ويلي على المسموم))

4.قصيدة اهوازية ((يا موسى يا مظلوم))

5.قصيدة رئيسية ((خيال سجين))

6.قصيدة فزاعيه ((اويلاه يبو الرضا))

7.قصيدة فتحه ((موسى واروه بگبر))

8.قصيدة رئيسية ((راهب محمد))

9.قصيدة ميمر ((گيد السجن))

10.نعي ((شحالك يابوصالح))

11.قصيدة كعديه ((ليث الكاظمية))

12.قصيدة ((موسى شگ البحر))

13.قصيدة شور ((موسى بن جعفر))

14.قصيدة نزله ((معصومه اتنوح وتبچيله))

15.

أسأل من الله تعالى القبول والسداد
#الشاعر_الميرزا_محمد_الساعدي

مولاي موسى بن جعفر ع كأني به وهو يتكلم في السجن عما جرى له ولمولاتي زينب ع فيقول لها

عشت السجن بس ماعشت
لحـضـاتـچ العـشتـيها امـس
ألـگـاضي يـومـه بـلا ضـوه
مـو مـثل التحرگه الشـمس
=========================
شفت المواجع إي نعم بس انتي جرحچ يختلف
ويـه الحـزن والنايـحه أصبحتي يا زينـب حـلف
قصة عشگ عشت السجن والوحده صارتلي ولف
قصة ذبح عشتي السبي لـلنـايـبـه گـلـيـبـچ يـلـف

يم بابچ أجي والروح احاچيها
كل ليله صلاة الوحشه اصليها

هـذا آنـه ابــن جـعـفـر أون
والدمـعـه صـارتـلـي ونـس
الـبـل ظلـمـه گـضّـاه العـمـر
مـو مـثل التحرگه الشـمس
=========================
يامايـله الدنيا وعجب وسفـه المعارف تـنچـتـل
فراگ الأحبهم من جهه عـمة وعـلـي ما ينحمل
ألـلـه يـا شـام الـغُـرب مـاخـذ اوياك اشچم طفل
لوعة المشه اوياه العمر مثل الخيم ظل مشتعل

بـگلـبي النار وجت ما أظن تهده
الراحوا أهله گلولي اشبگه عنده

سـجــانـي نــاح الـحـالـتـي
ويـن الـذي بموسى يحـس
بطامـوره صـح لـكـن أظـل
مـو مـثل التحرگه الشـمس
=========================
يم عون سموني بـألم هذا آنه ابـن سيد المله
لكن مصيبه امصيـبتچ الـلـه يـعـمـلـة كــربـلــه
حسينچ ذبيح بلا رحم عاري يظل فـوگ الفله
عطشان حتى امخيّمچ موبس عطاشه العايله

عتـبه اويـالـزمـان الأذّه عـلـويـة
عـهـدي اويـاچ دمعاتي حسينية

هـاي الـحـقـيـقـة الـمـؤلـمـة
ألـورّم امــتــونـــچ رجـــس
الـبـالـگـيـد مــاذيــه الأســر
مـو مـثل التحرگه الشـمس
=========================
بستان ساگيني الدمع وامخضر اشواگ اهـواي
بيه المواجع والحزن يجرن مـثل مجرى الماي
اتسكتين سكنه من البچي ورقيه تنحب بهداي
مكسوره خاطر وجنتچ منتضره عـباسـچ جـاي

لگـيت اربع حماميل اليشيلوني
وناس اهواي يازينب يشيعوني

إنـتـي الجـروحـچ فـاطـمـه
تنـحب يـبـت روح الـقـدس
الچـاويتـه حسـرات الگـلب
مـو مـثل التحرگه الشـمس
=========================
آنـه الجنازه الـعـالـجسر آنـه الـذي شـيعوني
تعـبـنـي سـبـي العايـلـه يـم عـمـتي ودونـي
ناديتـهـم ياشـيعـتي مـا مـنـهـم السمـعونـي
عمه ردت يمچ أجي بشوفچ أكحل اعيوني

أجيها واگـعـد وأتسامـر ويـاهـا
بعيده هـالزمان اهـواي خـلاهـا

هــذا الـسـلام الـكـاظــمـي
كـون الگـلـب زينب يـمـس
اشـمـا تـكـبـر الـغـربـه تظل
مـو مـثل التحرگه الشـمس
=========================
5/2/2024 يوم الاثنين
24/ رجب الأصب 1445هــ
#الشاعر_الميرزا_محمد_الساعدي

للاستماع للحن القصيدة ((أضغط هنااا))

مشاركة الرادود الحسيني أمير الحسناوي في مرقد مسلم ابن عقيل ع بمناسبة استشهاد الامام محمد الباقر عليه السلام و استشهاد سفير الحسين عليه السلام
يوم السبت المصادف 2024 /15/6
في تمام الساعة السادسه مساء 6:00م

نـدائي يـعـتـلـي
أنا أهـوى عـلـي
إمامَ المـتـقـيـن
ـــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــ
صرختي للموت تبگـه... حيدريه
تعله هذا اليوم صفگه... حيدريه
اتلگو كلمن جاي ملگه... حيدريه

بعـيـد الـلـه الأكـبر نـادي يـا علي... علي
معشوگي وبذكره كل هم ينجلي... علي
واليعشگ حـيـدرنا لا مـا يـنـولي... علي

{{ علانه اسمك ياحيدر }}

بـهِ نـور السـماء
سـليل الأتـقـياء
إمامَ المـتـقـيـن
ـــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــ
آنه شـيعـي والهويه... جعفريه
روحي والحد المنيه... جعفريه
نــبـره لـلـكـرار بـيــه... جعفريه

مـا سـاوم والـمـوقـف يـبقه حيدري... علي
هـذا آنه من مـذهب أسمه الجعفري... علي
حب حيدر يا وآدم أصلي وجوهري... علي

{{ الما والاه ابداً مو زلمه }}

أُهـنـي سـادتـي
بعـيدِ الأُسـرتـي
إمامَ المـتـقـيـن
ـــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــ
أشــهـدُ أنَّ الـولايـه... رافضيه
رافع بكل يوم رايه... رافضيه
بـالغـديريه الـبرايه... رافضيه

يـالـگـاصـد مـرقـد مـولاك بـهـالمـسه... علي
هني العتره الطيبه واصحاب الكسه... علي
فــضـلـك يـابـو زيـنـب لا مـا يـنّـسـه... علي

{{ ماعفنا انته الدربك حگ }}

أمـيـرَ المؤمـنـين
حبيبُ العاشقين
إمـامَ المـتـقـيـن
ـــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــ
ما تـهم روحي الملامه... فاطميه
أدخـل الجـنه بسلامـه... فاطميه
كـلـمـه عـنـدي للقيامه... فاطميه

درب الحگ ماعوفه لـو طـال الزمن... علي
بس انـدب ياحيدر يحـضر بالمـحن... علي
عشگه وروح الهادي أصبحلي وطن... علي

{{ ما ردنا العايف دربك }}

عـلـيُ المرتـضى
بـهِ نِـلتُ الـرضا
إمامَ المـتـقـيـن
ـــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــ
حيوا هاي الليله ليله... أحمديه
بالـغـديـريه المواقف... أحمديه
حـيـدريه فـاطـمـيـه... أحمديه

أفرح يل متـعـني وجاي الهالحفل... علي
مـو مـنـه اليتشـائم هـالليله ويمل... علي
هذا اليوم الـدين الأوحـد مكـتمل... علي

(( وبحيدر دين الله العالي ))

أيا حـيدر مـدد
نــدائـي لـلأبــد
إمامَ المـتـقـيـن
ـــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــ
20/6/2024 يوم الخميس
13/ذي الحجة 1445 هــ
#الشاعر_الميرزا_محمد_الساعدي


للأستماع للحن القصيدة ((أضغط هنااا))

قصائد وأهازيج عيد الغدير الأغر مع الألحان فقط أضغط على أسم القصيدة

1.قصيدة ((يل حبك سكن وجداني))

2.قصيدة ((اميري علي خير البرية))

3.قصائد عمودية ((ليك نبيع ارواحنه))

4. 11 هوسة غديريه ((هله بالعيد))

5.شعر مدح ((اسمع هلاهل بالسمه))

6.ابو ذيات وزهيري ((علمني عشگ النبي))

7.قصيدة ((نقطة أمان علي))

8.قصيدة عمودية منصة ((علي يعني الكرامه))

9.قصيدة افتخاريه ((سمي الله))

10.قصيدة منصة ((علي الحق ))

11.هوسات غديرية ((سيد قلبي))

12.قصيدة منصة ((حب علي فوز))

13.قصيدة عمودية ((علي قبل الخلق))

14.قصيدة جديده ((أنا أهوى علي))



أسأل من الله قبول الأعمال لا تنسوني ووالدي من خالص دعائكم #الشاعر_الميرزا_محمد_الساعدي

قـادم مـحـرم بـالـدمـوع الـفاطمـيـه
البس سوادك وانصب بروحك عزيه
قــــادم مـحـرم قـــــــادم مـحـرم
======================
صفي النية واحضر مجلس الزهره الزچيه
خـلـي ابـالـك حـسيـن انـذبـح بـالغـاضـريه
افـهـم مـوقـفـك واسـتـبصر بهـاي القـضيه
مـو بـس تـلـطـم ومـا تفـهـم المن هـالعزيه

قـائـم بـالـدمــاء يا طـف كربلاء
حد گطع الوتين منعوف العزاء

هذا العزاء للي مشـت بالـطف سبيه
البس سوادك وانصب بروحك عزيه
قــــادم مـحـرم قـــــــادم مـحـرم
======================
عيش التضحيه ودور الصبر واحسب حسابك
لا تـتـرك عــوالـم خـدمـتـك بـيـهـن صــوابــك
قـــادم مــــحـــرم آه يـحــسـيـن ومــصــابــك
عـاهــد سـيـدك أَبـچـي العمر گِـلـه الـخـضابك

يـا سـر الـبـقـاء يا نــور السـمـاء
لن ننسى أكيد عــنـوان الـبـقـاء

راحت إمـامك بـهـتـمـامك بالـقضيه
البس سوادك وانصب بروحك عزيه
قــــادم مـحـرم قـــــــادم مـحـرم
======================
لا تصـبح سـهم مـتـوجـه الخدام الحـسين
طب للخدمه وافهم ياموالي صاحبك زين
وين الّـي يـعادون اللطم والخدمه چـاوين
لاعـنـهـم الـتـاريخ بـل لاعـنـهـم حسـيـن

والـخـادم شهيد بـالجـنـه اشـيـريـد
حُب آل الرسول يسري اويه الوريد

عـنـك يـخـادم يـرضا مـولاك ونبـيـه
البس سوادك وانصب بروحك عزيه
قــــادم مـحـرم قـــــــادم مـحـرم
======================
هـالـجـايه اللـيالي البيـها كـثـرانـه الـيـتامـه
يـلـه انـحـب ولا اتـهـمـك يـخـادم أي ملامه
الماطب مجلس ودگ عالصدر عاش بندامه
والـيـلـطم يـرزقه سـيـدي صـحـه وسـلامـه

نـاصـر لــلإمـام عـايش بـالسلام
وبگلبه الحزين مـيـريد الخصام

خل ترضا عنك فاطمه الحره الأبيـه
البس سوادك وانصب بروحك عزيه
قــــادم مـحـرم قـــــــادم مـحـرم
======================
نـظـف گلبك وطـب لـلعزه وارسـم مسـاره
بالسـبعـيـن ابـو الأكـبـر حصد كل انتصاره
لا لـتـهـمـك الكـثـره اتـرك الـعـاش التـجاره
بالك خل يظل ويه الولي اتحصل الصداره

لا تصـبح عمـيل عيش المستحيل
غير اهل الكساء مـا عـندك بـديـل

حسينك تره داسته خيل الأعـوجيه
البس سوادك وانصب بروحك عزيه
قــــادم مـحـرم قـــــــادم مـحـرم
======================
9/6/2024 يوم الاحد
2/ ذي الحجة 1445 هـ
#الشاعر_الميرزا_محمد_الساعدي

للأستماع للحن القصيدة ((أضغط هنااا))

مـو بـس لـطم عيـش القـضيه
المجلس تحضره امنه الزچـيه
أحـضـر وافـتـهـم زيــن
وادرس مجلس حسين...... مو بس لطم
======================
إستَـقم والبس سوادك حـضّـر النـية النظيفه
امشي وي حيدر يفيدك ما تفيدك أي سقيفه

درب الـعـدل محلاته
بي كل بخت ساداته
يالعايـش اويـالخدام
أنـقــلّـك احـچـايـاتـه

عيش وعـلـى مـهـلـك تـروّه
والزهره هاي الخدمه حلوه
نـذكـر كـون نـاســيــن
ادرس مجلس حسين...... مو بس لطم
======================
هـوسـة العالم چبـيره وكـلمن ايـريد اليفيده
قادمه الخدمه يوادم خدمة حسين المجيده

عـيـش الـدمـع ويـاهـه
وحــگـك إذا تـتـبـاهــه
بهاي الخدم ترفع راس
خـدمـتـنـه يـا محلاهه

لا تـــتــرك بــــدربــك عـداوه
ألـمـهـدي مـيـحـب الـشـقـاوه
بكـتـابـك لا يـظـل ديـن
وادرس مجلس حسين...... مو بس لطم
======================
لازم اتعـرفون فاطـم تحـضر بكـل المـجـالـس
اتوضوا ثم النيه صفوا بالمئاتم صيروا عابس

لحسينك صفي النيه
واحضر عزه المسبيه
لو تخلص بخدمـتهم
تـحضـرلـك المحـنيـه

عوف الحچي وعوف الشعارات
المخلص تحـبه اهـل السماوات
صـيـر الـمـنـبـرك عـيـن
وادرس مجلس حسين......... مو بس لطم
======================
ما تفيدك لطمه باچـر لَـوّن ما تـتـبـع نهجهم
ياطريق الخدمه نعمه يربح اليمشي بدربهم

مجلسهم الله ايديره
افـهـم بـعـد تـقـديره
قائمنه كـل مأتم زين
يـتـولّـه كـل تدبـيـره

بــرهــان الـك هــذا وإشـاره
خـادمـهـم ايـنـال الــصـداره
لحد مـايـوصـل البـين
إدرس مجلس حسين...... مو بس لطم
======================
عيش دمعه بجفن زينب بدمعتك بچي اليتامه
حـتـى بـاچـر بالقـيامـه مـا تـمـسـك أي نــدامـه

عـوف الضـحك ميـفيـدك
بالـمــأتـــم الـلـه ايــريـدك
لو عـنـدك اذنـوب اهـواي
المـجـلس جـديـد ايعيدك

عـتـرت مـحـمد تـرضـا عـنه
كـلـمــن مــجـالـسـهـم تعـنـه
أمـامـك هــنـه دربيـن
ادرس مجلس حسين...... مو بس لطم
======================
31/5/2024 يوم الجمعه
22/ ذو القعده 1445 هـ
#الشاعر_الميرزا_محمد_الساعدي

للأستماع للحن القصيدة ((أضغط هنااا))

وَ اْجعل روحيَ ترتدي السواد
حتى تسرح إليكَ في ميادين المعزّين . على بركة الله مشاركة الرادود الحسيني امير الحسناوي طوال ليالي العشره الأولى من شهر محرم الحرام ١٤٤٦هـ في الهـيئات المثبته في البوست ادناه
الموقع/ العراق-النجف الأشرف-ناحية الحيدريه

مولاتي العليلة ع

راحـوا لـلـموت وعـافـونـي
صحت اوياكم ما سمعوني
وآنه الوحـدي
جرحي اليدي
راحـوا لـلـموت وعـافـونـي
======================
آنـه اجـويعده وشـفت الضـعـن حمّـل
سألت وبس ردت افهم شنو اليحصل
صحت يالأكبر اختك حگها لو تـزعـل
گــلــي عــمّــتـچ تـوگـف غـداً عـالتـل

شنهو الصايـر متـفـهـومـنـي
أخـذونـي ويـاكـم أخـذوني
گـــالـــوا ردي
وآنه الوحـدي
راحـوا لـلـموت وعـافـونـي
======================
مشوا لبـعـيد وآنه روح ما بـيه
كـلـمن راح ماظـن يرجع اعليه
عاده النوح صاير عندي يوميه
لـيلـيه على الـمـاشـين لطـمـيه

تتـشـمت تحـضر عدواني
ردت الوالد بس ما جاني
أنــدب جــدي
وآنه الوحـدي
راحـوا لـلـموت وعـافـونـي
======================
يـوم الـفـارگـونـي عـيـوني هـمـالـه
شـمـالـه هـالـدهـر ويـه عـلي شـماله
شفت بالطيف ابوي اتسحگه خياله
وعـمـاتـي شـمـر يسـبـيـهـن اچـماله

فـزيت وهاجن ءآهـاتـي
بس لا سـابـيهـن عماتي
فكري ايـودي
وآنه الوحـدي
راحـوا لـلـموت وعـافـونـي
======================
مشـتاگه أشــوفـك يالأبـو اهـوايـه
بس لا من صدگ ذابحتك احچايه
أنـه الـمـايـوم گـلـبي يخـطأ بـرايـه
يـگــلـي والــدچ ذابــحــتــه ودايّـه

ياماي عيوني وكل روحي
لتزيّد جرح اعله اجروحي
مفطر چـبـدي
وآنه الوحـدي
راحـوا لـلـموت وعـافـونـي
======================
ما أشكي ولا كـدرلـكـم الـخـاطـر
خبر منكم يگلبي وهـالخبر ناطـر
عليه يا زمن شـو صـايـر الشاطر
بعزازي الگلب كل يوم الي فاطر

ميته من المدمع يلگوني
وي ظلمة داري الخلوني
حزني العندي
وآنه الوحـدي
راحـوا لـلـموت وعـافـونـي
======================
27/6/2024 يوم الخميس
20/ذي الحجة 1445 هـ
#الشاعر_الميرزا_محمد_الساعدي

للأستماع للحن القصيدة ((أضغط هنااا))