تدعوكم خيمة أبا الأحرار ع لمجلسها السنوي بمناسبة استشهاد أبا عبدالله الحسين ع بمشاركة الرادود امير الحسناوي والرادود علي ابو هدمه
النجف الأشرف الحيدريه-حسينية سيد يوسف ابو هدمه-الجدول يوم الثلاثاء المصادف 19 من محرم الحرام ١٤٤٧هـ⁩

قصيدة شور

إنا لله وإنا إليه راجعون.... خرجت زينب
==========================
خرجت زينبٌ تبكي.. ألا يـا أيـهـا الحـادي
خذني لـلذي أهـوى.. حـفيـدَ السيدِ الهادي
إلى من بالعرى باقي.. إلى من كان إسنادي
إلى ترتـيلـةِ الكـهف.. إلى محبوبِ أجدادي

مشت والجسم ابو اسكينه
وشـافـت عـالـرمــح راسـه
صـاحت والعـيـون ادمـوع
منـهـو الـهـالـنـحـر جـاســه

إنا لله وإنا إليه راجعون.... نـارهـا تـلـهـب
إنا لله وإنا إليه راجعون.... خرجت زينب
==========================
من مقروحةِ العينِ.. إلى محنيةِ الظلعِ
يا أماه اغيثيني... نادتْ خدرَها يدعي
قتلوا من بهِ لُذنا... ولبيتي طفوا شمعي
والعباسُ يا أماه.. مفضوخاً هوى درعي

يـمـه يـم حـسـن لـيّـه
تعالي وشوفي أحوالي
يمـه الـودعتـها اهواي
مـا خـلــوا ألــي غـالـي

إنا لله وإنا إليه راجعون.... خِـدرُهُ يُنهب
إنا لله وإنا إليه راجعون.... خرجت زينب
==========================
دخَلْتُ الكوفةَ قسراً... ونارٌ قد كـوت قلـبي
ألِـمـثـلــي هـزيـلاتٌ.. ولأرجــاسـِهـم تـعـبي
وبـعدَ الـعـزِّ قــادونا.. أُسارى وابتدا السـلبِ
ما بين الذي يشتِم.. وبـيـن سائـقـاً ركـبـي

تـمنـيـتك عــلـي حـاضـر
وتـشاهـد هـالـجـره بينه
بعـد عينك يبو الحسنين
شـمر للـكـوفه سـابــيـنـه

إنا لله وإنا إليه راجعون.... متنُها يُضرب
إنا لله وإنا إليه راجعون.... خرجت زينب
==========================
من كوفانَ قد شابت..فـمـاذا يفـعـلُ الشامُ
لـلـحــوراءِ ءآذوهــا.. بسب المرتضى راموا
أقـولُ إنـهـم كُـفـراً.. مجوساً ليـس إسلامُ
بزيّ الدين جاؤونا.. بقتل الدين قد قاموا

مـن الكـوفه درب الـشـام
عــذب كـــل گـلـب ذايـب
هاي ام عون اخت عباس
گلـبـها مـن الحزن شايب

إنا لله وإنا إليه راجعون.... قلبها ينحب
إنا لله وإنا إليه راجعون.... خرجت زينب
==========================
14/7/2025 يوم الأثنين
18/محرم الحرام 1447 هـ
خويدم آل محمد
الشاعر الميرزا محمد الساعدي

للأستماع للحن القصيدة (اضغط هناا)

هد والجيش من شافه تخردل
بـالـعـبـاس چـان الـحـيد الاول
======================
طبها والميدان لايگ ليه أبن سـيد المله
فارس السبع الشداد اتلوگ لسمه كـربله
عازم اعليها المنـيه لكـن الحال انـقـضـه
لو بقه بيهم يجول ايصدر الطف عاجله

مـا ظـل بـيه غـير آلك يهاشم
چان ازماط مـو مـنـه اليسالم
((هَد بيها اتگول الكافل))
======================
عطش الخوف بثنيته والحـرب منـه بچت
هذا سجاد المعصيه الگاع من زوده حچت
راشها وتنحب جعلها يـوم مـن عنـده دنت
جاب حتى الماي كسّر رگبة الباطـل رچـت

طر والجيش خايف من وسامه
يـاهـو الگال مـا شـارك حسـامـه
((صمصامه ايرد بالفروا))
======================
هـذا ابـو محمد الباقر يعـني سـركال الحـرب
يوم طب سوح الحرايب نادت الغوث الغرب
بـذرت العز والكرامـه بالـوغـه اسـتاذ الصعب
عـالمنافـق يـوم طبـها سـد علـى الكـل الدرب

بـذرة خير بن سيد البريه
الـباطـل ذاك راواه المـنيه
((طباها انته الحر ابنك))
======================
ما دخل ميدان گـالوا هـاي تـحتـاج الـفَـهم
قاتل ولو ما جروحه چا وهب عمره الشهم
جـاهد ودرب المـنايه يعـشـگه بهـمه وعـزم
حين راد حسين نـاصر گام مرضه ما يـهـم

الحـد خـلاه ودمعـتهـم جـراها
والخيـمات مـن كـل شر حماها
((بچاها الچانت تزمط))
======================
شمرة الحر حين طبـهم چنها شـمرة حيدره
عسعس الطف والبواسل داخت بذاك الجره
زيـن عـبّاد السماء اتگول نـازل بـس غضـب
عـاد صفـين ويمـينه اتـلوح ويـن المـفـخره

طخ كل راس وبسيفه خذاهم
مـا هـم گـيـد وبـصـبره ولاهـم
((حلاها الطف من غيم))
======================
24/7/2024 يوم الاربعاء
17/محرم الحرام 1446 هـ
#الشاعر_الميرزا_محمد_الساعدي

للاستماع للحن القصيدة ((اضغط هناا))

قصيدة حوارية بين الحسين ع والحسن ع
كأني بمولاي الحسين ع آخر لحظات حياته يتمنى لو أن الحسن المجتبى ع حاضراً في طف كربلاء فيقول

يـالمجـتبى اتمنيتك اويـاي
بالطف تجيني وبيدك الماي
اتشاهد ونيني
ردتك تجـيـني
يـالمجـتبى اتمنيتك اويـاي
======================
امنين اقصلك قصتي..
من ونـيـني وغربـتي.. يل ردتك اوياي

عاشرت محنه وسهر..
وابو فـاضل عـالنـهـر.. ظل مارد اچلاي

ياخـويـه ما ظلّي ربـع والشيب تارس راسي
اتمنيتك بـهذا الوضـع تحضرني يا كل ناسي
احزام الظهر عالمشرعه مفضوخ ظل عباسي

وزينب وسف عاشت بالدموع
الما چان منها الصوت مسموع
فـاگد حنـيـني
ردتك تجـيـني
يـالمجـتبى اتمنيتك اويـاي
======================
خويه تذكر من طحت..
بحضنك الراس ونحت.. وخرته هامي

يـاهـو باچـر لـو مـتـت..
راسك ايحظنه صحت.. واتموت ضامي

نـتـوادع بـذاك المسه تذكر واجت علويه
بـيـه ولا بـيك الألم اعليك الأخت محنيه
دمعاتي نزلن واعرفت تمشي غداً مسبيه

كـون الجرالـك بيـه ياريت
خليت روحي اتلوج خليت
ويـنك يعـيني
ردتك تجـيـني
يـالمجـتبى اتمنيتك اويـاي
======================
اذكر بـذاك الـوكت..
من يبومحمد گلت.. واليوم اتاني

لكن الصار والجره..
خويه حره ميسره.. هذا الأذاني

لا يـوم كـــيومـك گـلــت أهـلاً نـدبـت اعـلـه الـمــوت
لا خوفي من سيف وصحت والكل سمع ذاك الصوت
بـس خارجي ايصير الخدر وبـشـتم حـيـدر منـعـوت

كـونك تـشاهـد زينب شلون
صارت سبيه اختك ام عون
عـازة سـنيني
ردتك تجـيـني
يـالمجـتبى اتمنيتك اويـاي
======================
حاضر الطف وشـفت..
بمصرعك روحي عفت.. يا بعد السنين

الـعـذب اگليبي وقهـر..
الشمر من نحرك سطر.. سطراته بالعين

ابدالـك تمـنيت الذبـح عـلّا يلوحـك حيفه
ألـسـم تجرعته لچن شلون التجرع سـيفه
وسفه الشمر بام الخدر ياخذها گام بكيفه

مـا بـطـلت واتـهل العيون
ذبلت عليكم هاي الجفون
روحي ومُعيني
ردتـك تـجــيـني
يـالمجـتبى اتمنيتك اويـاي
======================
تـذكـر بـيـوم الطـشت..
خويه من چبدك زعت.. سم الملاعين

يـومـك المـا ينّسه..
هالزمن كلش قسه.. ويه المطاعين

رد الطشت جابوا لچن هالمره بي راس اينام
ورقـيه ماتـت مـن فـعل ولـد الخبيثه الظِلام
والشام يـاخـويـه تـره طـلـع أمـيرتـنـه الشام

واختم كلامي يبن الاجواد
ثــاراتــنـا ياخـذهـا لـو عـاد
آخـر بـنــيـنـي
ردتك تجـيـني
يـالمجـتبى اتمنيتك اويـاي
======================
31/7/2025 يوم الخميس
5 / صفر الخير 1447 هـ
خويدم آل محمد
الشاعر الميرزا محمد الساعدي

للاستماع للحن القصيدة (اضغط هنااا)

قصائد شهادة مولاي الحسن المجتبى ع مع الألحان فقط اضغط على اسم القصيدة


1.قصيدة فزاعية ((مسموم مولانه))

2.قصيدة شور ((يامولاه))

3.قصيدة اهوازي ((فاتحة سبط النبي))

4.قصيدة نزلة ((حيوا الحسن))

5.قصيدة رئيسية ((الغالي شيرجعه))

6.قصيدة رئيسية ((بعدك نوحي))

7.قصيدة رئيسية ((الزمن غدار))

8.قصيدة موشح ((عزوا جسام))

9. قصيدة جديدة (اتمنيتك اوياي)


نسأل الله القبول والسداد
خويدم آل محمد
الشاعر الميرزا محمد الساعدي

هلا بيكم زوار بالحب رفعتوا الرايه
======================
يا أهـل يا لـيـتنه موعد الخدمه دنه
شرفيتونه السنه... هله بالوفايه

لا تـبـردوها الهمم يمشي شيال العلم
اوياكم الرايه لزم.. ايهلي بالمشايه

هــا يــزوار.. يـثـوار.. أجيتوا اعله الوعد
زيارة حسين... والحسين... غداً ليكم مدد

((خطواته والزاير فازت ))

هلا بيكم زوار بالحب رفعتوا الرايه
=======================
الـيوم كلها اتحزمـت.. والملائك كيّفت
تخدم حسيني اجت.. والأمـر رباني

قِسم بس لزيارته.. وقسم تخدم حضرته
بلهفه كلـها اتعنته.. والوعد رحماني

كلها خـدام.. هالايام.. ملائك والبشر
كل الاكوان.. تعنت.. زحف حد النحر

((حياها التزحف للطف))

هلا بيكم زوار بالحب رفعتوا الرايه
======================
مـرحباً بالـمـعـتني.. خير من الله هني
راس ياهو المنحني.. عالي خلي الهامه

بيوت كلها عامره.. والزچيه حاضره..
واليـعزي الصابره.. اتكتبه من خدامه

ابــذل الـــروح.. يمـجـروح.. لجل يرضا الولي
واخلص وگوم.. يملچوم.. يجي ايحضرك علي

((من حيدر تاخذها ابشاره))

هلا بيكم زوار بالحب رفعتوا الرايه
======================
اليخلص بهذا الزحف.. وخله راياته ترف
غداً من يلقه الحتف.. يجي حسين ايزوره

فخر والزهره فخر.. اليمشي وي هذا النهر
عـالتعب كـله صبر.. خدمته منصوره

علي ويّاه.. يحياه.. إله انقدم النَفس
بالتعب لا.. والحسين.. ولا انخلي يحس

((خدام الزاير سمونه))

هلا بيكم زوار بالحب رفعتوا الرايه
======================
دامكم عـده وعـدد.. يلي شوفتكم سعد
المهدي وياكم گصد.. يمشي وي ممشاكم

نعمه هاي ازيارته.. ألله وفق شيعته
بنيّه طيبه اتعنته.. هلا يا حياكم

انفتحت ابواب.. الاسباب.. نزل رزق السمه
يهـل الـدمـوع.. هنـيئـاً.. رضـتكم فاطمه

((هنياله واليرضي الزهره))

هلا بيكم زوار بالحب رفعتوا الرايه
======================
29/7/2025 يوم الثلاثاء
3/صفر الخير 1447 هـ
خويدم آل محمد
الشاعر الميرزا محمد الساعدي

للاستماع للحن القصيدة (اضغط هناا)

وصلت الكربله يحسين مشايا
من الشام أجيتك شايله الرايا
أمشي وأعثر أبهمي     غريبة ولا ولي يمي
من الشام أجيتك شايله الرايا
......................................................
طحت من طولي من شفت الخيم رمدة
غيــــــــر أجروحه خويه الفاكد أشعنده
اليعيش بـــــــلا ضوه يستوحش الوحدة
أجيتك جيـــــــــــــــت ألمخنوكه بالشدة
أجر أنفاسي بالكوه       ماتت ريحة الخوه
كل أحلامي طاحت آيه آيه
من الشام أجيتك شايله الرايا
.......................................................
ركضت اركاض يـوم العاشر ونحرك
وصحت يحسين زينب وصلت الكبرك
يالمعودني أغفــــــــى من أشم عطرك
ما تكعد تضمنـــــي الحضنك وصدرك
بيه شصار لو تدري     يحسين أنكسر ضهري
أمشي ويمشي ضل راسك ورايا
من الشام أجيتك شايله الرايا
.......................................................
علـــــــى الموعد أجيتك بيه ما بيه
وآنــــه أمن المشي والسوط محنيه
مثل ما ضاع أصبعك ضاعت أبنيه
لا تحسبنه أبشرك ماتت ارقيـــــــه
شبكت راسك وطاحت     ومن كثر البجي ماتت
طفلة او وينها اويـــن السبايا
من الشام أجيتك شايله الرايا
.......................................................
يحسيـــــن الكلب ما يحمل الفركـــه
مثل الخيل عيــــــن الشامت أتسحكه
رغم طول الدرب والحسره والحركه
أشم ريحة كمر وأتخيــــــــــل الملكه
للعبـــــــــاس وديني     عسن بلكت يلاكيني
ولــو أجفوفه ضلت عالمسنايا
من الشام أجيتك شايله الرايا
..................................................
أريد أوياي تمشي الكافلي وسأله
أكله السوط فــــوك أمتوني من صله
أجيتك وآنــــــه مدري ميته لو عدله
أفراكك واليسر يا خويه شيحمله
عفتني يابو فاضل     ومشيت بلايا كافل
الحمد لله أعله راسك والعبايا
من الشام أجيتك شايله الرايا
.......................................................
خادم خدمة الحسين
الشاعر
محمد الموالي

كأني بمولاي الحسين ع وهوه يشرح مرور أكثر من طف في حياته الحزينة فيقول

مو قـالَ راوي ولا روايـه..
عشت الطفوف بلا نهايه..

والشاف ظلع امه انكسر
ميت يظـل طـول الدهـر... بلا نهايه
======================
حسين انه الشاف امه تنحب منين اجيبنه الصبر
مرحـلـة آلامـي تـبـدي مـن شـخـص گال (ايهجر)
مـوقف ايـهـد الرواسـي عشـنه مـن بـعـده بعـسر
شـفـت بـعـيـوني يـنـاس اضـلـوع فـاطـم تنكسر

والكاسر ضلوع الزچيه..
نفسه الكفر بالله ونبيه..

والــعــاش بـآلام وقـــهـر...
ميت يظـل طـول الدهـر... بلا نهايه
======================
بس غمض عينه الرسول انكشفت اوراق الصحب
إنـقــلاب اعـلـــيـنه سـوو والــحـقـد بـيـهـم يـدب
(وإن) مـن عـدهـا بــدايــة حـرگ بـيـبان وسـلـب
بضـعـة الـهـادي الـعـفـيـفـه تنـقـتل فـي أي ذنــب

والمحسن الطاح بعصرها..
بي ينتهي الزهـره أمـرها..

رادوا يـون حـتى الـقـدر...
ميت يظـل طـول الدهـر... بلا نهايه
======================
أسمع الزهره الحنينه تحچي وي محسن همس
يــمـه ردتـك لـلـثجـيـلـه يـوم اخـيّـك يـنـرفـس
ردتـك بـعـاشـر مـحـرم زيـنـب بــغـربـه تـحـس
لچـن بـالبـسمـار وسـفـه تـرحـل بـدفـعة نجس

والجايب البيتي المصيبه..
مـن عـنـده زينـبنه غريبه..

والكاتل اعـيـونـه السـهـر
ميت يظـل طـول الدهـر... بلا نهايه
======================
گعدت اتسولف سوالف منهن ايشيب الطفل
وحـده مـن اتگله بـويه بنيتـك ايطگها النذل
شلـون حـاله الـي يـتـاني سـاعة فراگه تحل
وآنـه أمـي گـبال عيني مـن البواچي ما تمل

والأصعب من اتگله عيني..
لـو جيك لـو أنـته تجـيني..

والـفـارگ ادمــوعـه نـهـر...
ميت يظـل طـول الدهـر... بلا نهايه
======================
أول الطف جـدي لمن جارع اسـمـوم الغدر
ثاني طف زهرة حياتي عذبوها من العصر
عندي طف ثالث الطبره والحسن هد العمر
وآخر اطفوف العشتها زينب اخذوها بيسر

والعايش اطفوف بحياته..
ظل منوجع حـتى بمماته..

ما ظل الي عيون وبصر
ميت يظـل طـول الدهـر... بلا نهايه
======================
24/9/2025 يوم الاربعاء
1/ربيع الثاني 1447 هـ
خويدم آل محمد
الشاعر الميرزا محمد الساعدي

للإستماع للحن القصيدة (اضغط هنااا)

قصائد شهادة مولاتي فاطمة ع مع الألحان فقط أضغط على اسم القصيدة 👇👇👇


1.قصيدة فزاعية (عظم الله لك الأجر علي)

2.قصيدة رئيسية (كسروا للزهره ظلع عاجل)

3.قصيدة فزاعية ( آه واويلاه ماتت فاطمه)

4.قصيدة نـزلـــة ( فـاطـمـه مـولاتــي )

5.قصيدة رئيسية (يـذبـحـنـي الـفـراگ)

6.قصيدة شور (ويلاه ويلاه يالهادي ويلاه)

7.نعي لــلأم (يمه مكبرتنه اتخون)

8.قصيدة نزلة (يـا فاطمه يافاطمه)

9.قصيدة رئيسية ( يا زهرة الكواكب )

10.قصيدة رئيسية (من عـالمـچ ألـيـة)

11.قصيدة گعدية (ردت ام الحسن ترضا عليه)

12.قصيدة رئيسية (ناذر مولاتي يافاطمة)

13.قصيدة رئيسية (يازهراء يادخيل اعيونچ)

14.ابو ذيات (بمجالس فاطمه هالبدن تربه)

15. قصيدة رئيسية (يزهراء فاطمة)

16.قصيدة ثلاث دگات (كلمن كسر بالباب)

17.قصيدة رئيسية (دافع هالباب فاسق كذاب)

18.قصيدة رئيسية (مرتين شفت انه عاشر)

19.قصيدة گعدية (فاطم قتلتها الاحزاب)

20. قصيدة فصحى (حيرى يا إمامي)

21.قصيدة رئيسية (امي ياشمس الأمان)

22.قصيدة فتحة عزاء ( يازهراء يازهراء)

23.قصيدة نزلة (الزهره تحضرها المجالس)

24.قصيدة رئيسية (من غربت هالدار)

25.قصيدة جديدة. (صحيفة موت واخطار)

26.قصيدة جديدة (طاريچ يا بعد العمر)

27.قصيدة اهوازية (كون بكسرتچ موجود)

28.فتحة عزاء أو نزله (فاطمة يزهراء)

29.قصيدة رئيسية (سلسبيل الحيات)

30.نعي للزهراء (ام المحنّه شلون بيها)

31.قصيدة موشح (فاطمه حبچ سكن وجداني)

32.قصيدة جديده (مو قالَ راوي ولا روايه)

أسال من الله التوفيق وقبول الأعمال

كأني بمولاي الحسين ع وهوه يشرح مرور أكثر من طف في حياته الحزينة فيقول

مو قـالَ راوي ولا روايـه..
عشت الطفوف بلا نهايه..

والشاف ظلع امه انكسر
ميت يظـل طـول الدهـر... بلا نهايه
======================
حسين انه الشاف امه تنحب منين اجيبنه الصبر
مرحـلـة آلامـي تـبـدي مـن شـخـص گال (ايهجر)
مـوقف ايـهـد الرواسـي عشـنه مـن بـعـده بعـسر
شـفـت بـعـيـوني يـنـاس اضـلـوع فـاطـم تنكسر

والكاسر ضلوع الزچيه..
نفسه الكفر بالله ونبيه..

والــعــاش بـآلام وقـــهـر...
ميت يظـل طـول الدهـر... بلا نهايه
======================
بس غمض عينه الرسول انكشفت اوراق الصحب
إنـقــلاب اعـلـــيـنه سـوو والــحـقـد بـيـهـم يـدب
(وإن) مـن عـدهـا بــدايــة حـرگ بـيـبان وسـلـب
بضـعـة الـهـادي الـعـفـيـفـه تنـقـتل فـي أي ذنــب

والمحسن الطاح بعصرها..
بي ينتهي الزهـره أمـرها..

رادوا يـون حـتى الـقـدر...
ميت يظـل طـول الدهـر... بلا نهايه
======================
أسمع الزهره الحنينه تحچي وي محسن همس
يــمـه ردتـك لـلـثجـيـلـه يـوم اخـيّـك يـنـرفـس
ردتـك بـعـاشـر مـحـرم زيـنـب بــغـربـه تـحـس
لچـن بـالبـسمـار وسـفـه تـرحـل بـدفـعة نجس

والجايب البيتي المصيبه..
مـن عـنـده زينـبنه غريبه..

والكاتل اعـيـونـه السـهـر
ميت يظـل طـول الدهـر... بلا نهايه
======================
گعدت اتسولف سوالف منهن ايشيب الطفل
وحـده مـن اتگله بـويه بنيتـك ايطگها النذل
شلـون حـاله الـي يـتـاني سـاعة فراگه تحل
وآنـه أمـي گـبال عيني مـن البواچي ما تمل

والأصعب من اتگله عيني..
لـو جيك لـو أنـته تجـيني..

والـفـارگ ادمــوعـه نـهـر...
ميت يظـل طـول الدهـر... بلا نهايه
======================
أول الطف جـدي لمن جارع اسـمـوم الغدر
ثاني طف زهرة حياتي عذبوها من العصر
عندي طف ثالث الطبره والحسن هد العمر
وآخر اطفوف العشتها زينب اخذوها بيسر

والعايش اطفوف بحياته..
ظل منوجع حـتى بمماته..

ما ظل الي عيون وبصر
ميت يظـل طـول الدهـر... بلا نهايه
======================
24/9/2025 يوم الاربعاء
1/ربيع الثاني 1447 هـ
خويدم آل محمد
الشاعر الميرزا محمد الساعدي

للإستماع للحن القصيدة (اضغط هنااا)

لحن (يحسين اخبرك من طحت عالغبره)
شهادة الصديقة الطاهرة مولاتي الزهراء ع


ويـنـه الي يطلب.. نضره من الزهره..
يحضر مجالسها ويحصل أجره.. نضره من الزهره
=======================
هنـياله كلـمن گاصـد المـجلـسـها.. ويـنـزّل دمـعـته
ويـعيـش ويـه آلامـهـا ويحـسـها.. بـالـباري نـشـدتـه
التتكسر اضلوعه صعب يلسـمها.. يسولفلي وبّخته

ضـلـمـه اللـيـالـي.. ايعيش عمره بجمره
ويـنه الي يطلب.. نـضـره مـن الزهـره
=======================
يا مايله الدنيا اويـه فاطـم ميله.. منـهـا مِـيـلة زيـنـب
زايد حزنها بكل وكت مـو لـيـلـه.. واعله محسن تنحب
مـن الصحابه اعليها بدرت عيله.. يـل گـلبـهـا امـعـذب

يصعب وضـعـها.. بيها عاشت حسره
ويـنه الي يطلب.. نـضـره مـن الزهـره
=======================
وينه الگصد مأتمها صافي النيه.. حـيدرنـه ياخـذ بيده
وينه الجره المدمع على العلويه.. الحـسـن للّه ايـعـيده
وينه الـغـيور الـيـلطم المحـنـيه.. حسين خدمه ايزيده

والـيــحـزن الـهـا.. الـلـه يـرفــع قــدره
ويـنه الي يطلب.. نـضـره مـن الزهـره
=======================
تدرون فاطم يعـني نـور القدره.. ناجـح اليرضيها
التحمي الوَلايه تنكسر بالعصره.. وتنـضرب تاليـها
هنـياله كلمن يـخـدم ام الـحـره.. وخاسر اليهجيها

يـل بـيـچ املـنه.. والـمـحـبـتـچ نــقـره
ويـنه الي يطلب.. نـضـره مـن الزهـره
=======================
مـن دون قيد خـويدمچ طلباته.. بـاچـر اتشفعيله
أمـه انتي مـنچ ماخذ احچـاياته.. ذاب لجلچ حيله
لمصابچ اهمومه وعلي امغرگاته.. بـيـچ ظل ترتيله

تقضى الحوائـج.. بـمـأتـم ام الـعـتـره
ويـنه الي يطلب.. نـضـره مـن الزهـره
=======================
1/10/2025 يوم الأربعاء
8/ربيع الثاني 1447 هـ
خويدم آل محمد
الشاعر الميرزا محمد الساعدي

للإستماع للحن القصيدة (اضغط هناا)

إنّـا تـوجــهــنـا بـك.. أيها الهادي
فاشفع لنا ياسـيدي.. أيها الهادي
==================
قدمـنـاك بيـن ايـدين حـاجتـنه
يـديـم الله علـيـنا هاي لـمـتـنـه
يمته اويالولي انصليها جُمعتنه
عليك الزهره تقبلها خـدامـتـنه

يامن أِلـيهِ المنـتهى.. أيها الهادي
فاشفع لنا ياسـيدي.. أيها الهادي
==================
تـوسَـلْـنا بـبابِـكَ مـا بقـىٰ العمرُ
أجِرنَا مِن لَظىٰ ما يَجْلِبَ الدَهرُ
أنِـرنا كَيْ نَـسـيرَ بِسَيرِكَ العَـطْرُ
هنيئاً لَمْ يَصِلْ أعْـتـابُـكَ الفخرُ

أُنْـضُـر لــنـا بــرأفــةٍ.. أيها الهادي
فاشفع لنا ياسـيدي.. أيها الهادي
==================
وجيهاً أنته واحنه اذنوبنا اكثيره
دخـيلـك لا تخلـينه وسـط حـيره
يـگـولون اليـخـدمك نـال تقديره
وانه خويـدم تِقـبـلني يـبو الغيره

كُفْءٌ لها يا ذا العُلا.. أيها الهادي
فاشفع لنا ياسـيدي.. أيها الهادي
==================
تَجَـمَّـعْـنا لِـذكْـرِكَ يـا أبـا الحَـسَنِ
وقـدْ لُذْنا بأسمِكَ مِن هوًى يَدْني
أتـيـناكَ نُـفـوسَاً ظـهـرُهـا مَحْـني
فَـدُنـيـانـا بِـقَـتْـلِكَ ساقَتَ الحُزنِ

قد أُدمِعَتْ قـلـوبُنـا.. أيها الهادي
فاشفع لنا ياسـيدي.. أيها الهادي
==================
بـنـيـة صافـيـة المجـلس تعنينه
لعـنـة الله عـلى الظلموك هادينه
ناس اهواي ذكرك وسفه ناسينه
أعـذرنه يـمـولا اعـلـيـك باريـنـه

قُصـورَنـا إغـفـر لنا.. أيها الهادي
فاشفع لنا ياسـيدي.. أيها الهادي
==================
23/12/2025 يوم الثلاثاء
2/رجب الأصب 1447 هـ
خويدم آل محمد
الشاعر الميرزا محمد الساعدي

هوسات بدويه لمولاي محمد الجواد ع


هلا بك يا طويل العمر يا صنديد
يليلة مولدك صارت بحـبـك عيـد
من جودك يبو الهادي اجواد نريد

((يل كيلك ما حد لحدوده))


أنشـد على الـي مـوش يمـنـه المگاريـد
مـنهـو اليـحلـلـهم الـشـدات الصـعـايـب
عـدنا الـذي بالـجـود مـضـروب الأمثال
لو تگره عنه اتشيب واتشوف العجايب
عادات عـدنا بالعرب مـن نـذكـر الشيخ
أنگوم لـجـله مـو لأن خـلـنـه وگـرايـب
شـرايك لـون جـبـناه طـاري المـياميـن
ولابـن الـرضـا هـالـيـوم دلالـي طـايـب


((گوم وخل نفرح يالصاحب))
((ببن اجواد الگوم ))


الَبـاب الـمـراد الـيـوم بـاعـثـها الـعـلوم
حاجات عندي وردت يكضي الحوايج
مـيگـصـر ايـگـولون لو مـنـه طـلـبـيت
واطـلـبـت آنـه اويـاه نصـبـح رفـايـج
ماخاب كلمن طلب من راعي الاجواد
من حيث ما تحستب ينطي الخرايج

((ما خاب الرافگ مولانه))


30/12/2025 يوم الثلاثاء
9/ رجب الأصب 1447 هـ
خويدم آل محمد
الشاعر الميرزا محمد الساعدي

قصائد ومواليد مولانا وليد الكعبة
أمير المؤمنين ع مع الألحان


1.قصيدة (( يا أهلاً بهالمولد ))

2.قصيدة (( علي يالحبك ))

3.قصيدة (( علي علي هنينه ))

4.مواليد (( الملائكة وعلي ))

5. مواليد (( حب علي شرك ))

6.مواليد (( علي رب الترافه ))

7.


خويدم آل محمد
الشاعر الميرزا محمد الساعدي

أسأل من الله أن يرزقنا رضا مولانا أمير المؤمنين في الدنيا وشفاعته في الآخرة

علي مولاه.... مـا أحـلاه
خــلـونـه نـفـرح نــقــره

يـا أهـلاً بـهـالمولد
بيه الرسول امعيد

خــلـونـه نـفـرح نــقــره
💐💐🌿🌿💐💐
مبتشر طه نبينه وفرحت املاك السمه
منولد حيدر علينه يا هـلا بـهـالـغـانـمـه
زيَّن الكعبة إلـٰهي بمولدك حـامي الحمه

صيح الله.... يل وياه
والـفـرح يـاخـذ أجـره

وبعشگه روحك قيد
بـيه الرسـول امـعيد

خــلـونـه نـفـرح نــقــره
💐💐🌿🌿💐💐
بـت أسـد هنوها صـارت أم إمـام الرافـضه
يعني سلطانه بمعاني الكلمه والقول انقضه
والله فرحـانه القلوب بمـولـدك يـالمرتـضـه

عز الدين... يابوحسين
هـالليـله تحـلـه السـهره

افرح وفرحك جيد
بيـه الرسـول امعيد

خــلـونـه نـفـرح نــقــره
💐💐🌿🌿💐💐
شـكـراً الرب البريه صرنا نعشگ حيدره
نـور امير المؤمنين الربنا أصبح مفخره
الله ميزنه وجعلنا شـيـعه دنـيا وآخـره

هالكرار.. بي أسرار
جـلَّ جــلال الـقـدره

يا محله هـذا السيد
بيـه الرسـول امعيد

خــلـونـه نـفـرح نــقــره
💐💐🌿🌿💐💐
والله وبـهـاي الـولادة الـكـون كـلـه مبـتهج
نهج مولانا الأمير من الله هوه افضل نهج
دام الـه دوم اتبـاعـك غـداً لا مـا تـنـحـرج

بالجنات.. هالآيات
لا مـا تلوحك جمره

والشخصه حبك زيّد
بيـه الرسـول امعـيـد

خــلـونـه نـفـرح نــقــره
💐💐🌿🌿💐💐
منقـبه بحـبـه تنـال ودربـه بـيـه المغـفـره
واليعشگه صدگ لازم يظل سالم جوهره
والله والعادت عليـنه ذيـچ وآدم خاسره

صح انسان.. بس سلطان
بـي سـر عـمـيـد الـعـتـره

وبحبه گـلـبك شـيّد
بيـه الرسـول امعيد

خــلـونـه نـفـرح نــقــره
💐💐🌿🌿💐💐
30/12/2025 يوم الثلاثاء
9/ رجب الأصب 1447 هـ
خويدم آل محمد
الشاعر الميرزا محمد الساعدي

حياتي يا زينب
مماتي يا زينب
أمـاه يـا زيـنـب.. أمـاه يـا زينـب
==================
زينب امنيتي الوحيده
تـرضا عنـي وهاي هيه
يعـني فـايـز بـالخدامه
يعـني متمـسني الأذيه

عايش بجو المجالس
أبقه يا يـمـه بحـنانچ
والرضيتي عـنـه هذا
أصبح بروضة جنانچ

زينب.. أنـــتـي لـلـتـايـه دلالـه
زينب.. أنـتـي عـنـوان البساله
زينب.. انتي رزق الله وحلاله

غرامي.. يازينب
هيامي.. يازينب
أمـاه يـا زيـنـب.. أمـاه يـا زينـب
==================
انتي درب الله وصراطه
بيچ انه شـفـت الحقيقه
مـن ألـف هـنـيـاله كلـمن
أصـبح الـدربـچ رفـيـقـه

يمه گومي اخذي بأديّه
الدنيا لا تاخـذني مـنـچ
وانـه امـوتـن لـو يـحره
أبـتـعـد لحـظـات عـنـچ

زينب.. يمه باچـر اخـذي بيدي
زينب.. گـولي هـذا مـن عبيدي
زينب.. حتى يصبح غاد عيدي

أماني.. يا زينب
حناني.. يا زينب
أمـاه يـا زيـنـب.. أمـاه يـا زينـب
==================
افـتخر لـنـي بـخدمـتـچ
شرف خدمـتكـم عظيمه
رزق مـن الـله الـخـدامـه
الصاحب النطفه السليمه

آنه من زغير واحـمد
ربي چي وفقني ليها
ثابت ابقه كل حياتي
هواي ما ثبتوا علـيها

زينب.. العافكم اعمه بصيره
زينب.. والـوجه الـمن يديره
زينب.. بيكم عـيـوني قريره

فدائي.. يا زينب
ندائي.. يا زينب
أمـاه يـا زيـنـب.. أمـاه يـا زينـب
==================
يا بقايـه حسـين عطرچ
مالي كل روحي وكياني
والله مشتاگ الضريحچ
انـتـي سلـطانة زمـانـي

يل فده عمرچ لخـيّـچ
فـدوه لتـرابچ أروحـن
ألطم وابچي المصابچ
لجلچ عـيوني ينوحـن

زينب.. يلي من شامچ غريبه
زينب.. اسمچ ايهيج المصيبه
زينب.. يلي من روحي قريبه

مصابي.. يا زينب
عـذابي.. يازينب
أمـاه يـا زيـنـب.. أمـاه يـا زينـب
==================
هـذا آنـه واهذا طبعي
أبـقـه انـدبـهـا الوفـيـه
لحد مـا يـظـهر إمامي
ناصـب الـها هـالـعزيـه

ربــي جــنــدنــي بـركــابـه
حــتــى بــالــثـارات انـادي
واعله حب ام عون اموتن
تـشـهـد ادمـاي بـجــهـادي

زينب.. وانجح بهذا امتحاني
زينب.. يا سلامي ويـا أماني
زينب.. يلي خيرچ مـا نساني

سلامي.. يازينب
ختامي.. يا زينب
أمـاه يـا زيـنـب.. أمـاه يـا زينـب
==================
29/12/2025 يوم الاثنين
8/رجب الأصب 1447 هـ
خويدم آل محمد
الشاعر الميرزا محمد الساعدي

فكرة المستهل.. فطرس الملك هز كاروك الحسين ع والرواية تقول عرج الى السماء وهو يقول من مثلي وأنا عتيق الحسين ع ونحن نخدم السيدة العظيمة زينب الحوراء العالمة غير معلمة لذلك لا يلمنا أحد أن افتخرنا بهذه الخدمة

ونحن نقول ولسان حال أحدنا
(من مثلي وأنا خادمٌ لزينب)

فكرة النصوص امرأت عمران ع نذرت ما في بطنها لله فولدت مريم ع فأصبحت خادمة في بيت الله

وكأني بأمهات خدام الحسين ع وهنَّ ينذرن أولادهنَّ لزينب ع فيصبحون خدام لزينب ع فكأني بلسان حال خادم من الخدام وهو يقول


(من مثلي وأنا خادمٌ لزينب)
==================
أمي يوم الصرت.. وابطنها اكبرت
گالت آنه انـذرت.. الزينب جنيني

فدوه لام الخدر.. مو جنيني العمر
مـن المـهد للگبر.. ذخرت ونيني

آنـه امـي انـذرتــنـي خـادم الـحـره
لـذلـك كـبّـرتـنـي بـخـيـرهــا الزهره
من زغري وتلولي اسمعها وبحسره
الـيصير خـويدم الها يـا كـبـر أجره

زايٌ زهـا بنا إِسْمُـها المُهذب
(من مثلي وأنا خادمٌ لزينب)
==================
بـالحقيقة اسهرت.. واعله مريم درت
وجـهـي واتبشرت.. بيها القديره

أمها نذرت نذر.. وهالحدث منشهر
ربنا صاغ الأمر.. قصة چبيره

بالـقـرآن مـريـم صيـت مشـهوره
لـچـن زيـنـبنا بالـقـرآن مسـتـوره
بـت عمران ظاهـر وانتـهى دوره
باطن بت علي ومتفرعه ابحوره

ياءٌ يَرى بـهـا قلـبُنا المـعذب
(من مثلي وأنا خادمٌ لزينب)
==================
بخير انه من المهد.. عشگ زينب شهد
مـا اتــركـچ وعـــد.. لو مو ملامه

من وعيت الأمـر.. الها ابدي الشكر
نـاجح ومسـتمر.. بهاي الخدامه

صرت وترعرعت بيدين قدسيه
وامي مـن الزغر وعـيونها اعليه
يوليـدي تـراهـا ام عـون مسبيه
لا تتركها وافدي الـروح والـريـه

نونٌ نويتُ أن أن أكون أقرب
(من مثلي وأنا خـادمٌ لزينب)
==================
دمـعـة منـهـا انـزلـت.. احچايه عنها انحچت
حسينك اخته انولت.. بالغاضريه

علمـتني اشكثر.. يبني دگ عالصدر
ولا تــدور أجــر.. من السبيه

وعلى الفطره قريت اعليها لطميه
گــالــوا تـگـعـد ابـاب الـحـسـينـيه
يفوز الصار يبـني حسـين نـاعـيّـه
وروحه من أخت عباس مـرضـيه

باءٌ بلاؤها في الحقيقة ٱصعب
(مـن مثـلي وأنا خـادمٌ لزينـب)
==================
مـستـعـد للـگـبر.. وغداً يوم الحشر
حبها عندي ذخر.. بيه السلامه

خادمچ منـفرد.. حيله بسمچ يشد
أذهب ومستعد.. يوم القيامه

يـل حُـبـچ أمـان وخـدمـتـچ نعمه
اليخدمچ ربنا من التلهب ايعصمه
مـو كـل زلـمـه هذا ينحـسب زلمه
بـس الضاگ من آهـات ابـو اليـمه

منكِ الرضا فلا من صِفاكِ أعجب..
(مـن مـثـلـي وأنـا خـادمٌ لزيـنـب)
==================
4/1/2026 يوم الاحد
14/رجب الأصب 1447 هـ
خويدم آل محمد
الشاعر الميرزا محمد الساعدي

لحن القصيدة ((اضغط هنااا))

مولد مولاي صاحب الفضل أبا عبدالله الحسين ع



بحُـبِّـكَ أُنْـسِي بَـلْ بِذِكْرِكَ زَادِي
يَا مَـالَِـكَ الــقَـلْـبِ إِلَـيْـكَ أُنَـادِي
لَا عَذَّبَ اللهُ أُمِّي إِنَّهَا لِي دَعَـتْ
فَـدُعَـاؤُهَــا نُـورٌ يَــزِيــدُ فُـؤَادِي
إِنْ ضَاقَ دَرْبِي كُنْتَ أَقْرَبَ رَاحَةٍ
وَبِـقُـرْبِ ذِكْـرِكَ يَسْتَقِيمُ مُـرَادِي


هــــوســــــــات


بلـسـم مـولـدك للجـرح يـا بـونـه
وبحبك يـغـالـي الـنـاس لامـونـه
محظوظ اليخدمك هذا خيعونه

(( يحسين وحبك علانه ))


ما دامي اعله نهجك فايز وربـحـان
وكلمن عاف درباك ينـذل وخسـران
أبن أطهر سُلاله وموش ياهو الچان

هاا
((انت ابن القالع خيبر..مو حارگ بيبان))



وفقني بخدمتك دوم وابقه الحضرتك خادم
وانه افتـخر لـو مجـنون عنـي اتگولها الوآدم
عشگك بالگـلب ياريت كل عام ويضل سالم

((خدام ابابك خلينه))



22/1/2026 يوم الخميس
2/شعبان المعظم 1447 هـ
خويدم آل محمد
الشاعر الميرزا محمد الساعدي

لحن (مولاه علي مولاه)




مهدينا يا حياه
مهدينا يا حياه
🌿===================🌿
بمولد إمامي المهدي فرحتنه چبيره
هذا الـذي بـيـده الفلـك كـلـه يـديـره
والـتـكـرها صـارت لـيـاليها عـسـيـره

ضاويها نـوره ...... هـاي الغيوره
والشيعي هذا اليوم أصبح سروره

سِــلـمٌ لـمـن والاه
مـهـدينا يـا حياه
🌿===================🌿
حي الله ابو صالح إمام الرافضيه
نرفـع أيـاديـنه بعهد لبـن الزچـيـه
يمـته تهل ليـنه يبو الطلعه البهيه

يمـته تجينه ...... طالت علينه
أظهر نبايع ريـت وايدك بدينه

حـربٌ لـمـن عاداه
مـهـدينا يـا حياه
🌿===================🌿
شعبان اجه بخيره ومله الدنيا وسامه
أفرح يشيعي وللـولي ادعـي بالسلامه
قـربـت لـيـالـي المنتـظر بـانت عـلامه

حيا الله جوده ...... گرّب وجوده
خـليـها بالتخـبيط ذيـچ الـعـنـوده

رب الـسـمـه عـلاه
مـهـدينا يـا حياه
🌿===================🌿
محـفـلـنه مـتـنـور بالـوجـوه الفـليـحه
ألنفسي والكم جيت اقدمها النصيحه
واعلنها لـلـكـل چلمه لكـنهـا صـريـحه

نال السعاده .... وحصل مراده
كلمن يوالي الآل واهل السياده

شيعتها كلها اوياه
مـهـدينا يـا حياه
🌿===================🌿
بــ15 مـن هـالـشهـر مـولــد إمــامــي
بالمنتظر أبن الحسن عشگي وهيامي
من هالحفل يا سامع ابعـثله سـلامي

وبـهـالمـسيه ....... ابعـث تحيه
وافرحله هذا اليوم واجب عليه

شيعتها كلها اوياه
مـهـدينا يـا حياه
🌿===================🌿
22/1/2026 يوم الخميس
2/شعبان المعظم 1447 هـ
خويدم آل محمد
الشاعر الميرزا محمد الساعدي

لحن القصيدة ((اضغط هنااا))