الرضا يموت واويلاه
-------------
يا حبيبي ودمعي هل غزير
ها يالأمير يا غربتك
ووحدك يا سيدي تحير
جرحك جبير ياحسرتك

يمصابك كلش صعب
يبجيله دموم الكلب
بجروحك حاير تضل
يالجدك ضل منسلب

الرضا يموت واويلاه
-------------
ويلي روحي تعذبت عليك
بلوعه اجيك بعيني جرح
ياللي رحمه الله كلهه بيك
وتبوس اديك ابكل صبح

محبوبي وعبدك اضل
لا ترحل وانته الأمل
يالغالي أبريتي الهوه
ابفضلك بيهه دخل

الرضا يموت واويلاه
---------------
روحي ملكك سيدي اواصيح
يبن الذبيح انطيني حزن
ياللي جبدك هالمسه جريح
دمعي يسيح مالي الجفن

اتشب ناري حركه والم
يل الوالي يا ابو الكرم
يا اغله من كلشي إلي
اويمهيج جرح الخيم

الرضا يموت واويلاه
---------------
انته روحي وكلبي يالكريم
كدرك عظيم كلك شيم
ابروحي جرحك سيدي مقيم
عاش ويديم جمرة خيم

يل حبك حب الصدك
يل تارس روحي عشك
ودمعاتي التجري حزن
للغالي و كلبي اليدك

الرضا يموت واويلاه
----------------
فدوه لترابك حبيبي اروح
لدوم انوح كل منيتي
صرخه تنزف ونة الجروح
ضل لا تروح يا هيبتي

لجروحك ابجي دمه
و مصابك يا معظمه
امروتك انطيني كلب
يواسيكم للخأتمه

الرضا يموت واويلاه
----------------
تمت بعون اسد الله الغالب
الشاعر علي الكعبي

أرتبك الكون لوهلة ..
عندما دمعت عيون الجميع
ونزفت بدل الدموع دما
فجأه ...
كل شيء صار رماد حتى دموع
الأحبه ...
وكأن قلب الأرض توقف عن النبض
عندها ...
رفع رأس القداسة على عالي الرماح😭
#توقيع_غازي_الساعدي

وفاة الرسول صلى الله عليه وآله
يالعفتني...ورده واحلامي سراب
يالعفتني...بويــه موتـني الغيـــاب
ويــنك انته ياهواي....عازتك ذبحت صباي
يالعفتني يالعفتني
....................................................
بويه ويـــنك يــــالخذت ويـــاك كُلشي
من رحت والعين زعلانه اعله رمشي
هــــــــا يروح العافيـــــه لاوين تمشي
ريت بويه ويـــاك كـــون انشال نعشي
يا شمعتي...روحي ما تحمل عذاب
يا شمعتي...فدوه رجــعلي جــــواب
وينك انتـــه ياهواي...عازتك ذبحت صباي
يالعفتني يالعفتني
......................................................
وحشه بويه الدار من يوم الرحت
ويــن مـــا انــدار اشتمك كمـــت
يا محمــد يا علــي يــامـا صحت
أكفياني وبس علـي شفته وطحت
يا فرحتي...وين وداك الزمان
يا فرحتي...فاطمه بعازة حنان
ويـــنك انتـــه يا هواي...عازتك ذبحت صباي
يالعفتني يالعفتني
..............................................................
يالعشت وياك احلــــى ايام عمري
دمعه دمعه خلصت شيبات صبري
ياحلم عمـــر الحلم لحضات تــدري
وانه من يوم الرحت مكسور ضهري
يا حسرتي...ثمنطعش عمري بجفاك
يا حسرتي...شصار لو تدري وراك
وينك انتــــه ياهــواي...عازتك ذبحت صباي
يالعفتني يالعفتني
................................................................
يالعفتني ومن رحت نكروا وصيتك
ما رعوني الجانوا ايلبسون صيتك
عفت كلشي وللكبر اعتب اجيتك
بويه احسبني هوه وتشتمني ريتك
يا فركتك...كطعت احبال الوصال
يا فركتك...الياوكت اصرخ تعال
وينك انته ياهواي...عازتك ذبحت صباي
يالعفتني....يالعفتني
..............................
بويه وحشه الدنيا وافراكك مردني
لون ناوي تروح ماجيت وخذتني
يا حزن عمري بعد المن عفتني
صعبه اعيش وانته بويه فاركتني
يا حياتي...عمري مايسوه بلاك
يا حياتي...موتي مستعجل وراك
وينك انته ياهواي...عازتك ذبحت صباي
يالعفتني يالعفتني
.....................
خادم خدمة الحسين
الشاعر محمد الموالي

           قصائد محرم الحرام عام ١٤٤١
خطاب لامام على مع الرسول

وداعاً ياحبيب المرتضى
«»«»«»«»»«»«»««»«»»«»«»«»«»»                    
رحمة الله الواسعه.      
غابت الناعي نــعه.         
   واسوني
ودعيت الچان الي.        
   هيبة المولى عــــلي.          
صدكوني
راح عز النــــــــبياء        
   صاحت اركان السماء          
فجعوني
راح اخويه وهيبتي.         
بكبره نامت ضحكتي.         
يعيوني
«»««««»«»««»«»«»»«»«»«»         
عيشــتي كله الم      
  خلافه دنياي عدم.             
  خلاني
جرحي كل ساعه يند.    
شلي بلدنيه بعــــد.             
  اذانــي
طه اغله منلنفــــــس. 
  غياب ابو وجه لشمس           
بجاني
وشيصبر فاطــــــــــمه.  
اتنزل الدمعه دمــــــــــه          
ناداني
»«»«»«»«»«»«»«»«»«»«»»«»«»«
وداعاً ياحبيب المرتضى
«»«»«»«»«»»«»«»«»«»»«»«»«»  
اغله ناسي ودعيت.          
بغيبته ظهري حنيت.           
الغالي
طه مثله منين جيب.   
  هذا من الله حبيب.             
دلالي
كثرت عليه العـــــسر.               دموعي نزلت كالجمر
  الوالي
ردت ويه الغالي اموت.     
   اولا اعيشت بلسكوت.          
   امالي
«»«»«»«»«»«»«»«»«»«»«»»«»«»«          وداعاً ياحبيب المرتضى
»«»«»«»«»«»«»«»«»«»«»»«»«»«
اه يكلبـــي لاتــون.
خيم عليــك الحزن.
بغيابه
عمري كله ضيعيت.       
المصطفى بعد نتهيت.     
بمصابه
كبل ليموت الرسول          
اصبر بكسر البــتول        
  عتابه
حيدره لزم بلصبر.             
لوشفت خدهه نسطر.       
اصحابه
«»«»««»«»«»«»«»«»»«»«»«»«»««         وداعاً ياحبيب المرتضى
«»«»«»«»«»«»«»«»«»«»«»«»«»«»«»«»               


قناة الشاعر فلاح الفكيكي
لنشر القصائد العامه لهل البيت عليهم
https://t.me/kanatfalah

يالهادي اوصيتك نكروها

###########

بس ما غمضت منك عينك ما راعو تعبك وسنينك
چم سنه غيروها ابدينك عرفوها الحق ويحرفوها

############

نكرو خمها وذيج البيعه وادم للشيطان إتطيعه
زمره إبمنصب دين اتبيعه للباطل ايد ايمدوها

###########

ولمن غبت اتبينت خله كل واحد رد يتبع اصله
ما حفظو ورث ولا نحله لعهود السابق ردوها

############

باب الچنت إعليه تستأذن فضله بدورك جنت إتبين
اصبح عدهم كلش هين نار أحقاد البي ضرموها

#############

مدعيه اصحابك هالزمره نكروها اوصيتك بالمره
ظلموها يالهادي الزهره ريتك حاضر من ضربوها

############

ريتك حاضر تسمع ونها لمصابك تنعه ومحسنها
بيت الاحزان انشد عنها لمن تنعاك ايمنعوها

###########

يابو الزهره ريتك حاضر حال ابنيتك كون اتناظر
من بعدك مكسورت خاطر بيها اوصيتك ما راعوها

###########



ابو سجاد التميمي

يا ليل الهجر كونك تمر بيه
انه الضحيت الك الف وسبعميه
..........
آنه الوالده ودمعي دمه يسفح
خذت مني الاحبهم ليش مايصلح
شباب بياذنب ياليل تتذبح
جيف تحب علي حامي الحميه
...........
ياليل اعله هونك لا تمر واتروح
شباب اتذبحت مو واحد المذبوح
لو ناوي تروح وياك اخذها الروح
عكب سبايكر شلها بعد بيه
............
ما بيه وبعد ماضل دمع ياليل
عكب الي مشوا بيمن اشد الحيل
لضل انحب وانوح وما ابطل الويل
على الراحوا حلم تبطل نواعيه
..........
شباب بعز عمرهم للوطن ضحيت
ومن دمهم تراب المكبره حنيت
الف وسبعميه للنجف زفيت
وعرس جاسم عرسهم صار يوميه
...............
يوميه يمرنه الموت وانشوفه
وعلى الساتر نجي حفاي وانطوفه
وحك الضحه لجل حسين بجفوفه
تضل لاخر نفس صرختنه شيعيه
...........
يا ليل الهجر لو خلصت الانفاس
يشد عزمه الحشد وبراية العباس
ونخليها الدواعش ناس تردم ناس
وتضل اديار اهلنه دوم محميه
...........
خادم خدمة الحسين
الشاعر الخادم محمد الموالي

#قصيده_شهادة_رسول_الله (ص)
#فتحة_عزاء


عزاء الليله ينعد لحبيب الله محمد
____________________________________
حزن لبست سمانه أعله النبي الهادي
وأسود لبست الأفلاك والحادي
رسول الله مشه الليله غده ينادي
صبح بگلوب أحبابه الحزن سادي
يريت البالگلب رد جفاني وعني أبعد
____________________________________
يالگاصد ضريحه وليه متعني
نيابه هالسلام اتسلمه عني
تگله الجسد ذابل من كثر وني
كل ليله الدهر صاحب أخذ مني
يصاحب گلبي يحمد يديوان الميبرد
____________________________________
بعد طه الحبيب الزهره ظلموهه
ونيران الحقد بالباب ضرموهه
كسرين الزچيه خلافه شوفوهه
خلف أجذوع بالدمعات عافوهه
تون وتنادي ياحد الكل ظالم مينرد
____________________________________
يا سفرة أملنه ويامحامينه
تعال وللعدل ياسيدي اهدينه
ظلينه الطريق أيام ظلينه
تره الشوفك يبو ابراهيم حنينه
أحس روحي اتّمرد على ألي راح مارد
____________________________________
بس ضيم ومصايب دنيه راوتني
خلافك بالحزن والأه عتتني
نجمات الظهر يالحيد راوتني
بعدك گمت اردد هاي خلتني

دنيه مابيهه بس هم وغدر
دنيه ومنين اجيبلهه صبر
دنيه راوتني نجمات الظهر
دنيه دنيه
____________________________________
21/10/2019 #الشاعر_ملا_محمد_الساعدي
07712631386

لسان حال الزهراء عليها السلام

###########

من بعدك اجه الدارك بلا دين
جاي ايطالب ابحكه بلا دين
يدري بالوصي اموصه بالإيدين
احبال اتشابكن من الوصيه

##########

بقيت ابجي ودمع هآلي على الراح
يبويه وزادو اجروحي عالإجراح
يخسه الكال عن داري علي راح
علي حاضر لچن صان الوصيه

############



ابو سجاد التميمي

شوط كربلائي

لسان حال الزهراء عليها السلام



##########


يالمآخذ دليلي اوياك شلي آنه بعدبالروح
إخذ روحي يبو العتره لو عني نويت اتروح

############

يا رحمت إلآه الكون يا نوره ونبع عطفه
لونك غبت عن عيني بعدك عيني ماتغفه
اطك الراح فوك الراح وشيفيده الصفك جفه
يبويه لو غبت عني
ما يبطل ابد وني بيت ابني يلم حزني
إبيت احزان اجيم احزان واسلي مهجتي بالنوح

###########

يا سيد الرسل انته جنت اتكلي يالزهره
بين اجنابي انتي الروح وانتي البضعه والثمره
عن روحك تروح شلون اضل من بعدك إمحيره
من ترحل اخذني اوياك
ما احمل أنه فركاك لا اكدر يبويه انساك
بعدك طيلت ايامي دمع لجلك يضل مسفوح

############

بيمن بيه من وصيت ياهو اليرحم ابحالي
بحبال الوصيه انوب كيدته الإلي وآلي
من يردع خسيس الكوم بسوط احقاده لو جالي
منهو باجر ايرده
منهو ايوكفه عد حده وهوه اعليك يتعده
اليوم ايكول الك تهجر وباجر يلجم المجروح

###########

تهجر كال الك هاليوم وباجر يهجم اعله الدار
باجر يشتم العتره وابابي يشب النار
باجر يذبح المحسن وابضلعي تضل آثار
باجر ناري مستعره
باجر ضلعي شيجبره باجر احمل الصطره
باجر وآلدي أنعاه وانعه المحسن المذبوح

#############

باجر ينجتف حيدر وباجر ينطبر راسه
باجر للحسن جبده يذوب ويلفض أنفاسه
باجر ينذبح الحسين ومفجوعه تضل ناسه
وباجر نتكطع جفين
مو صطره السهم بالعين وباجر انجوي ابنارين
وباجر تنسبي زينب ومجتوفه اسيره اتروح

############



ابو سجاد التميمي

قصائد محرم الحـــــرام عــــــــام ١٤٤١
قصيده ملمع
خطاب فاطمه الزهراء مع الرسول ص

ياوالدي يامهجتي       قم يامنير ظلمتي
        ياوالدي                  ياوالدي
               ° ° ° ° ° ° ° ° ° ° ° °
بعدك صـــرت متــالمه     
ياروحي يانجـم السمه
منهو المعيـن الفاطــمه     
قد حانَ وقتَ مِحنتي
         ياوالدي               ياوالدي
               ° ° ° ° ° ° ° ° ° ° ° °.
بيه انــه مخنـوك الهوه.      
ياماي زمــــــزم يالــــوه
وياك چنــت انـه ســـوه.      
بعــدكَ تعــظمُ شــــدتي
         ياوالدي                  ياوالدي
              ° ° ° ° ° ° ° ° ° ° ° °.
صار البـــچي عــاده الـي.     
ابچي اويصـــبرني عـــلي
حزنــي قـــديم اوزلـــــــي.     
  تشـــكو إليـــك عبـــــرتي
           ياوالدي                  ياوالدي
              ° ° ° ° ° ° ° ° ° ° ° °
هجمو علــى الـدار شكثر      
والصاحــب الينطي لامــر
تقـــــــبل ضــلع من نكسر.      
وزدادَ صــوتُ حســـــرتي
          ياوالدي                  ياوالدي
             ° ° ° ° ° ° ° ° ° ° ° °
بعدك على الدنيه العـــــفه.      
  ماطاب جرحــــي ماشـــفه
الزمـــــن بيــــه مـــاكتــــفه      
  قد داسَ صــــدرُ زهــــرتي
          ياوالدي                  ياوالدي
             ° ° ° ° ° ° ° ° ° ° ° °
بالطف حــــرك كلبي حـــرك.      
راس نذبح صـــــدر نســحك
چم طـــفل بالونــــه شــــهك.    
  أيــــنَ ابــــي ياعــــــمـــتــي
          ياوالدي                  ياوالدي
            ° ° ° ° ° ° ° ° ° ° ° °
قناة الشاعر فلاح الفكيكي
لنشر القصائد العامه لهل البيت عليهم
07513829607
07713299218
https://t.me/kanatfalah

#قصيده_لشهادة_رسول_الله (ص)
#نزله
#الشاعر_ملا_محمد_الساعدي


ياطبيب أگلوبنه بيك ياخيعونه
ياحبيب الكل فرد ماله حبيب
________________________________
يا رسول الروح ياخير العمل
يا أمل كل ظال ماعنده أمل
اليوم نتنخاك ياسيد المقل
تنظر الماخاف من الله شعمل
بسم دينك باگنه وللمهالك ساگنه
وينك اگليبي نبض رادك طبيب
________________________________
يمته روحي تشوف نقطة نورك
وتنبهر بجمل خصايل سورك
العالم الليله صبح مأسورك
گلبي شدني امشي يريد يزورك
يا ربيع أعمارنه تولّهت عشاگنه
يمته تطلعلي واشوفك يالقريب
________________________________
يالمحب بالطيف زايد نوحي
والجسد گدامه گعدت روحي
ها يروحي اشبيچ قري وبوحي
گالت بأحمد تطيب اجروحي
ليه كل اسنادنه وصي بيه احفادنه
هوه للبلسم دوه محله النصيب
________________________________
الشكر لله الوهبنه المصطفه
الينطق اسمه بيه معگود الشفه
نجح كلمن صان دينه ومانفه
هذا حب وخلاص كله وعاطفه
محله كل ايامنه نخدم الماعافنه
يوصي بينه وهوه راحل للرقيب
________________________________
هالعزاء أيظل على طول الدهر
بسم أل المصطفى يجري نهر
نخدم أل البيت نحچيهه ابفخر
وكل خدامتنه تره نقطه ابحر تضحيات أسيادنه لجل يعله ارشادنه
سم قتل حرگ الخيم واحد غريب
________________________________
مسلمين مسلّمين الكل أمر
ناطرين الطله لو كل العمر
سيدي عدنه صبر يعله الصبر
والظهور انطره أحر من الجمر
ريت رد اعمادنه للحقيقه قادنه
گلي يمته اترد حبيبي من المغيب
________________________________
25/10/2019
#الشاعر_ملا_محمد_الساعدي
07712631386

بيان المرجعية اليوم هو عصاة موسى التي لقفت ما يأفكون ..فسِر بنا ياحكيم النجف فنحننُ جنودٌ لَكَ مُجنَدة
#كلنا_العراق 🇮🇶✌️

العبد الذليل علي الكعبي

حلت وفاتك يا نبي الرحمه
غيبتك عاشت بالكلب لجمه

والزهره .. بالعبره .. منكسره .. لهاديها
دمعتها .. حسرتها .. جلمتها .. ترويها

غيبتك عاشت بالكلب لجمه
...................................
يالمصطفه . يلهب صفه . لا ماطفه . جمر الحزن بينه
بونة كلب . هايالمحب . فراكك صعب . والله يهادينه

حسرات .. جمرات .. تاكل بينه والغيبة هظيمه
لتروح .. يا روح .. بنتك فاطمه الزهره العظيمه

تبقه الزجيه اشلون حالتها
ابيت الاحزان ونار دمعتها

حيرتها .. ذبحتها .. جمرتها .. تجويها
دمعتها .. حسرتها .. جلمتها .. ترويها

غيبتك عاشت بالكلب لجمه
..................................
يابوالعشك .رايح صدك. جرح ويطك .. بكلوبنه اغيابك
هاذ الوضع . ون ودمع . يل التستمع .. متعذبه احبابك

احزان .. نيران .. تجوي ارواحنه نهتف دخيلك
ردناك .. ننخاك .. صد الحيدره واجل رحيلك

الماينحني ليش انحنه طوله
يبجي الابد ماباجي معقوله

هظمتنه .. لجمتنه .. كسرتنه .. تدريها
دمعتها .. حسرتها .. جلمتها .. ترويها

غيبتك عاشت بالكلب لجمه
..................................
موتك لفه .. شمعك طفه .. لا ماغفه .. جرحك يغالينه
ناح الوحي .. والابطحي .. شابع بجي .. وينادي والينه

بجروح .. ياروح .. ذابت من علي ابهاي المسيه
ملجوم .. مهظوم .. خايف ينسطر جفن التقيه

نواسي الزجيه وحيدر بدمعه
يالراح تتطفه وانته أعز شمعه

نواسيهم .. ندريهم .. هم بيهم .. نحجيها
دمعتها .. حسرتها .. جلمتها .. ترويها

غيبتك عاشت بالكلب لجمه
..................................
باجر كسر .. ظلع الطهر .. دمعة جمر .. من فاطمة تنزل
يلي رحت. عنه وغبت . نادة متت .. والعصر صح تكتل

بسمار .... بي نار ... باجر تنضره بروح العفيفه
خانوك .. شتموك .. عكبك من غبت اهل السقيفه

الخاين رسالة ربك العالي
شحسباله باجر ماوره تالي

يتراقب .. يتحاسب .. يتعاقب .. تاليها
دمعتها .. حسرتها ...... جلمتها .. ترويها

غيبتك عاشت بالكلب لجمه
..................................
يالصحبتك. اشكد خذلتك .ماراعتك . يحركوها دارك
من فاطمه.الحامي الحمه.نفس الدمه. يا قلة انصارك

مظلوم .. مسموم .. ابغيابك جبد للحسن ينطر
ويلاه .. والله ..... صدر حسين بالخيل يتكسر

واطفال تركض عنده بل هيمه
واخته العقيله اتظل بلا خيمه

يسبوها .. يضربوها .. وأخذوها .. ميسريها
دمعتها .... حسرتها .... جلمتها .. ترويها

غيبتك عاشت بالكلب لجمه
..................................
تمت بعون أسد الغالب
العبد الذليل علي الكعبي

لك العزاء يا مولاي
..............
يا بو صالح والدك يروح
تحجي جروح. من الزغر
حزنك بعينك بده يلوح
دمعك يفوح. ويه الصبر

حسراتك ما ينحصن
دمعاتك لجل الحسن
ويعينك. الله وعلي
هالليلة فاكد وطن

لك العزاء يا مولاي
..............
جيت أعزي والدمع يسيل
واشعر قليل. دمعي النزل
يللي عندك ما يظل خليل
والدنيه ليل. بعد الرحل

مفكودك مات او رحل
لعيونك ما ظل أمل
هالجيتك رايد جرح
خادمكم اني الأقل

لك العزاء يا مولاي
..............
املاك حزنت والجرح يدوم
ما بي كتوم. صوت الدمع
و الرزايه امخيمه او تحوم
وتبجي الغيوم. ويطفه الشمع

محبوبك ضيه انطفه
مسموم اوذاب وغفه
وبروحك جرحك مضه
ظل يكبر لا مشتفه

لك العزاء يا مولاي
..............
الله شاهد كلبي ظل جريح
يبجي ويصيح. يعينك علي
اشعر. ابكلبك. انا. ذبيح
تمشي وتطيح. افديك ابهلي

يالظهرك بي شجم كسر
فدوه انطيك اهل وعمر
يالتبجي اعيونك جرح
لمصابك مامش جبر

لك العزاء يا مولاي
..............
للزجيه. ابعث. العزاء
ابدمعه ودماء. ولوعه وجرح
هيه تدري حزنت السماء
والانبياء. بموت الصبح

واللي مات العسكري
ظل مكسور يا خاطري
يالمهدي يمته الفجر
شابح ليك ظل ناظري

لك العزاء يا مولاي
..............
تمت بعون أسد الله الغالب
الشاعر علي الكعبي

العبد الذليل علي الكعبي

ادعي كل يوم .. ابدمعه وهموم
ربي عجل فرج محبوبي الغريب
@@@@@@@@@@@@
أختنك بل عبره .. ادعي ربي بكسره .. للمغيب
ربي عجل يومه ... بداعة المظلومه .. عمته زينب

بنحر الحسين احلفك ربي صدر اكتابه
العايش بدمعة غربته خل يشوف احبابه

عمره آهات .. يصب جراحات
شصار بروحه ابو الصبر العجيب
@@@@@@@@@@@@
كلبه ادري مشيب .. غايب ومتعذب .. عل السبيه
يبجي ليلى انهاره .. اوعاشت أبفكاره .. يا رقيه

يكابر وهمه او جروحه وحزنه مايتوصف
يذكر العباس طاحت منه رايته وي الجف

ينزف اجروح .. وجنه مذبوح
وعلى هاي الحاله كاضيها نحيب
@@@@@@@@@@@@
منهدم يا حيلي .. واسهر اني بليلي .. اومن اذكره
والله حيل اتحسر .. والكلب يتوجر .. جنه جمره

دمعي ناده وين امامي الما اعيش بدونه
من البواجي جني ادري ذابلات اعيونه

تبقه دعواي .. وينه مولاي
الدنيه ظلمه ابدون نضرات الحبيب
@@@@@@@@@@@@@
ياالاهي الباري .... بيه انته الداري .. اشكد احبه
روحي بي متعلقه .. لكله طيبة ورقه .. شلونه كلبه

جن أحس بكلبه اني ذايب ابصدماته
اشلون ابن الحسن يمشن لليسر عماته

يمته الظهور .. كلبه مجمور
يجي يومه وياخذ ابثار السليب
@@@@@@@@@@@@@
دمعتة المسفوحه .. بيها اذبت روحه .. عله احسينه
العايش بحسراته .. تجوي بي جمراته .. حمره عينه

جنها دمعاته تسولف عن جرح دلاله
عله احسينه بي شصاير ربي ادره بحاله

مسافر اسنين .. ابن الحسين
ربي فرح كلبه يارب المجيب
ربي عجل فرج محبوبي الغريب
@@@@@@@@@@@@@
تمت بعون أسد الغالب
العبد الذليل علي الكعبي07728028649

الى منقذ بلاد الرافدين

يــــا تاج المعالي ياعظيم الشـــان
يالــــــ بكلمة وحــــدة العال رديته
وصلت للعظم جاك الوطن شجاي
يبـــــو راي السـديد الوضع هديته
وحــدت الصفوف بيوم طك الماو
عــــزمك عالخصوم بيوم حــديته
يالصامت بطبعك والعمل يحجــي
دست عله المنية الوطن بــــــديته
نــاداك العراق وبيه چومه أجـروح
عـــــــالجت بدماء وجرحه شليته
صـــــمام الامان وبيك نمشي بزود
كلــــــــمن على خده الطين خليته
حـررت الاراضي والعرض محفوظ
كــــــــــل نازح فرح رد سالم البيته
يحجون بگفاكـ وانت حايط صــد
ابـــــــن حيدر كلف والحجي لميته
شرد بالضيج من صارت نفاه لسان
ما يدري بغيابه العـــرضه حـاميته
يا سيد عــلي يالتاج فــوگــ الراس
تظل نــــبض العراق وانت عافيته
#يـبـو_الـفـتـوة_الـعـظيـمـة
#سيد_علي_السيستاني
#صمام_الامان
#قلم_غازي_الساعدي

#أذن_ياوطن
#الشاعر_ملا_محمد_الساعدي


أذن ياوطن بس الأذان يكون
حيه اعله الشعب وحچايت العدله
چلماتك گلتهن نعم للأصلاح
حي الله الشريف اليرفض الذله
أخيتك هالأجت وبساحت التحرير
غيوره وهلهلت أم چلمة السهله
على اسمك ياوطن نفديهه هالأرواح
جريح وتنزف من الطعن بس مهله
ننطيهه الشكوا ماعنده ذرة دين
ونحلفه ونگله اعليك بم گذله
عوف الوطن هذا مانريدك گوم
موحتى الزلال انگلب هم دهله
30/10/2019


#الشاعر_ملا_محمد_الساعدي

قصائد عام ١٤٤١ خطاب سكينه بنت الحسين
               عليهم السلام

عليه مايــــمر يوم         اله اودمعي اهمله
بعدك ماشفت نوم         كرهت النوم كــله
         يغالي.                 يغالي

هاي انه طير ابلا جنح  
مصابك يكسر جناحي
يابويه مليــت البـــچي  
ابكبرك دفنـت افراحي
نسمت هوه انته چنت  
  ياسبـــب كل اجراحي
اصفن وكول اويــنفس   
ليش انظفه مصباحي
* * * * * * * * * * * *

حملت هموم وهموم   اوعليك الحزن صله
بعدك ماشفت نوم       كرهت النوم كــله
         يغالي.                 يغالي
* * * * * * * * * * * * * *
محلاها ايـــام الفـــرح   
بويه اوعلــي محلاها
دنيه الي غدرت والدي  
  حرب ابحرب ويـــاها
بتك تراهـــه اتعــــذبت   
هيج الزمـــن خــلاها
عمتـي تون وانـــه اون    
متچـابله انـه اوياها
* * * * * * * * * * * * *
بعدك جرحي ملچوم  يحـزني الما احمله
بعدك ماشـــفت نوم      كرهت النوم كــله
         يغالي.                 يغالي
* * * * * * * * * * * * * * *
عكبك تمنيت انــــدفن     
وياك نفـــس المكبره
وشعندي بالدنيه بعـــد     
بعدك صرت متحسره
لامن اموتــــن ورتحــل    
اولا من اظل متمرمره
ابچي اوون نحب وحن    
هيج انه صرت محيره
* * * * * * * * * * * * * *
فرح من عندي معدوم   يروح الروح وحله
بعدك ماشفــت نوم      كرهت النوم كــله
         يغالي.                 يغالي
    * * * * * * * * * * * * * * *
اتلطعش عام انكــضت.   
بس مانسيت المجــزره
كـــــربله اه ياكــــــربله   
خلتني صــــرت معـثره
شنسه انه يالوعه اولم   
الهسه ابرمــاد امدمــره
دمك يبـــويه مابـــــرد   
بوجهــي دمـاك مطشره 
* * * * * * * * * * * * * * * *
الكلب لو ناح مالوم    اهـــله كـله قتــــله  
بعدك ماشفت نوم       كرهت النوم كــله
         يغالي.                 يغالي


قناة الشاعر فلاح الفكيكي
لنشر القصائد العامه لهل البيت عليهم
07513829607
07713299218
https://t.me/kanatfalah

العبد الذليل علي الكعبي

لحسيني لحسيني لحسيني شمقدم
..................................
ياهو غير احسين يستاهل دموع
اشلون ماابجي وكسر لجلي ضلوع
اخته تمشي حايره ابنص الضلام
وترس هاذ الكون من اجلي شموع

خله زينب تعثر حته يضوي ادروبي
يا خلك شوفوها رحمته محبوبي
بالشمس ظل عاري حته يسلم ثوبي

لحسيني لحسيني لحسيني شمقدم
..................................
عمري لو اكضي بس ون او حزن
لو يطيح ابيدي من ابجي الجفن
ما اغير من وضعها امصيبته
احسين ظل اثلاثه جسمه ابلا دفن

عطش هوه اوطفله ويلي يابن زمزم
عنه تحجي جروحه حيل منه اتهدم
لجل دين الباري حرك اغله مخيم

لحسيني لحسيني لحسيني شمقدم
..................................
منيتي بالحسرات تكطعلي النفس
لجل جسمه الطاح دامي او نرفس
اه يحسين ومصابه اشكد عظيم
فوك صدره اه يسحك جم فرس

غضب لجله الباري وهوه ادره بحاله
احسين يا هل العالم حافر ابدلاله
فوك كل اجروحه يبجي دم لعياله

لحسيني لحسيني لحسيني شمقدم
..................................
احسين هاذ احسين ابن سيد الأنام
بحبه ذايب يا خلك حته الحمام
يمطر امروه وقيم ينزف جروح
ابحقه شحجي ما يكفيه الكلام

حيرالي افكاري وياحروف اتوصفه
وصفه يصعب لاكن روحه كلش ترفه
صار يوسع كلشي صدره البي خسفه

لحسيني لحسيني لحسيني شمقدم
..................................
احسين ضايع خنصره بطف الدماء
فطر كلب المصطفى وكلب السماء
شيبت عين الخليقه من الدموع
فاطمه ادك عالضلع وسط العزاء

الماخجل من ربه يلومني من الطم
المارضه ابهالخدمه راح اكله واقسم
وحك دمعة زينب ابرايه ظل متوهم

لحسيني لحسيني لحسيني شمقدم
..................................

تمت بعون أسد الغالب
العبد الذليل علي الكعبي07728028649