Жоқары оқыў орынларын ҳəм тəлим бағдарларын сайлаў басланды

Жоқары ҳəм профессионал билимлендириў мəкемелерине кириў тест сынақларында қатнасқан абитуриентлер 27-июльдан 10-августқа шекем 15 күн даўамында жоқары оқыў орынларын ҳəм тəлим бағдарларын сайлаўы керек.

✅ 👉 @KRuzuz — Қарақалпақстандағы ең исенимли хабарлар

❗️Минимал өтиў баллы өзгермеди

Мәмлекетлик қабыллаў комиссиясының тийисли баянламасы менен 2024-2025-оқыў жылы ушын мәмлекетлик жоқары оқыў орынларына минимал өтиў баллары тастыйықланды.

✅ Онда:

🔹 мәмлекетлик грант бойынша минимал өтиў баллы - 68,0 балл (максимал 189,0 баллдың 36%и);

🔸 төлемли-контракт бойынша минимал өтиў баллы - 56,7 балл (максимал 189,0 баллдың 30%) етип белгиленди.

✅ 👉 @KRuzuz — Қарақалпақстандағы ең исенимли хабарлар

Бүгин Зайнаб Дайыбекова Қубла Кореалы Жису Юн менен беллеседи

Хабарыңыз бар, бүгин жерлесимиз Зайнаб Дайыбекова Париж-2024 жазғы Олимпиада ойынларында Қубла Кореалы Жису Юн менен беллеседи. 

Дайыбекова қатнасатуғын сабля бағдарындағы ойынлар бүгин 29-июль күни саат 13:50 де болып өтеди.

Беллесиўди бүгин саат 13:30 да Олимпия ҳәм миллий спорт түрлери бойынша Нөкис жоқары спорт шеберлиги мектебиндеги үлкен экранда тамаша етиўиңиз мүмкин.

✅ 👉 @KRuzuz — Қарақалпақстандағы ең исенимли хабарлар

✊Зайнаб, биз саған исенемиз!

Жерлесимиз, қылышпазлық бойынша көплеген халықаралық таңлаўлардың жеңимпазы Зайнаб Дайыбекова Париж-2024 олимпиадасында қатнасып атыр.

Қуўанышлы тәрепи, ол олимпиаданың ашылыў салтанатында Өзбекстан делегациясын баслап шықты. Бул әлбетте мақтаўға ылайықлы.

Зайнаб, саған әўмет тилеймиз ҳәм жеңис пенен қайтыўыңа исенемиз!✊✊✊

✅ 👉 @KRuzuz — Қарақалпақстандағы ең исенимли хабарлар

Егер пластик картаңыздиң пароли төмендегилерден бири болса, оны дәрҳал өзгертиң!

Data Scientist, яғный, мағлыўматлар бойынша қәниге Nick 3,4 миллион дана пластиктиң 4 цифрдан ибарат пароллерин анализледи. Оған бола, төмендеги 20 пароль жәми карта пароллериниң 27 процентин қурайды екен.

Олар: 1234, 0000, 7777, 2000, 2222, 9999, 5555, 1122, 8888, 2001, 1111, 1212, 1004, 4444, 6969 , 3333, 6666, 1313, 4321, 1010.

Егер сизиң картаңыздың пароли де усылардан бири болса, оны алмастырың. Өйткени, сизиң пластик паролиңиз әллеқашан хакерлердиң қолына өтип болған болыўы мүмкин.

✅ 👉 @KRuzuz — Қарақалпақстандағы ең исенимли хабарлар

Нөкисте пышықты қыйнап өлтирген пуқара қамалды

Усы жылдың 20-июль күни түнги саат 01:30 лар шамасында Нөкис қаласында жасаўшы 1986-жылы туўылған пуқара Б.Т. өзиниӊ жасаў үйи жанына таўықларын жабайы пышықлардан қорғаў ушын қақпан қурып, қоӊсысы Х.З.ныӊ қара-ақ реӊли пышығын қақпан менен услаған ҳәм оған жаўызларша мүнәсибетте болған.

Пуқара Б.Т.ға Ҳәкимшилик жуўапкершилик ҳаққындағы кодекстиӊ 111-статьясы менен ҳәкимшилик протокол рәсмийлестирилип, 3 сутка ҳәкимшилик қамақ жазасы тайынланған.

✅ 👉 @KRuzuz — Қарақалпақстандағы ең исенимли хабарлар

Аўқатланыў ўақтында телевизор көриў семириўге себеп болады

Аўқатланыў ўақтында телевизор көриў (соның менен бирге компьютерде фильм ҳәм телевизиялық көрсетиўлер) артықша аўқатланыў ҳәм семириўге алып келеди.

✅ 👉 @KRuzuz — Қарақалпақстандағы ең исенимли хабарлар ️

Ыссыда минерал суўды да абайлап ишиў керек

Минерал суўды муздай жағдайда ишиў ас синириў органларының жумысына кери тәсир етиўи ҳәм ҳәр қыйлы исиниў кеселликлерин келтирип шығарыўы мүмкин. Мысалы, турақлы муздай суў ишиў өт қалтасында тас топланыўына себеп болады.

Гастрит, асқазан жаралары ҳәм ишек тәсирлениўинен жәбирленгенлер суўды бираз жыллы жағдайда ишетуғын болса мақсетке муўапық болады.

✅ 👉 @KRuzuz — Қарақалпақстандағы ең исенимли хабарлар

❗️Газ, "свет", суў: керекли номерлерди билесиз бе?

Оператив қысқа номерлер:

▪️104/1104 - газ тәмийнаты ушын;
▪️1054 - суў тәмийнаты ушын;
▪️1347 - ыссылық ҳәм ыссы суў тәмийнатындағы мәселелер ушын;
▪️1154 - электр энергиясы  тәмийнаты ушын;
▪️1055 - барлық түрдеги коммунал мәселелер бойынша мүрәжат етиў ушын;

✈️ Бул мағлыўматларды сақлап қойың ҳәм жақынларыңызға да жибериң.

✅ 👉 @KRuzuz — Қарақалпақстандағы ең исенимли хабарлар

Жәрийма бойынша онлайн шағым етиў мүмкин

1-cентябрьден баслап my.gov.uz порталы арқалы жол ҳәрекети қағыйдаларын бузыў бойынша шығарылған қарарлар ҳәм жиберилген хабарнамалар бойынша Жол ҳәрекети қәўипсизлиги хызметине электрон тәртипте шағым етиў тәртиби енгизиледи.

Жиберилген шағым арзалары Жол ҳәрекети қәўипсизлиги хызмети тәрепинен 10 жумыс күни ишинде қарап шығылады.

Бул хаққында видеода толық мағлыўмат алсаңыз болады.

✅ 👉 @KRuzuz — Қарақалпақстандағы ең исенимли хабарлар

❓33 млн сомға шекем кредит кимлерге бериледи?

Кредит ҳаял-қызларға исбилерменликти жолға қойыў ушын бериледи ҳәм
"Ҳаял-қызларды қоллап-қуўатлаў мәмлекет мақсетли фонды" есабынан ажыратылады.
    
Бул кредитлер 3 жылға шекем болған мүддетке, жыллық 14%ке бериледи. Кредит 6 айлық жеңилликли дәўир менен мәҳәллеге бириктирилген ҳәким жәрдемшисиниң усынысы тийкарында бериледи.

✅ 👉 @KRuzuz — Қарақалпақстандағы ең исенимли хабарлар

Мойынымдағы грижа себепли 2 ҳәпте қалғанда жатыўға мәжбүр болып қалдым — Шарофиддин Болтабоев

Шарофиддин Болтабоев (-81 кг) Париж-2024 жазғы Олимпиада ойынларында медальсыз қайтатуғын болды. Шерек финалда қубла кореялы Ли Жун Хван менен беллескен Болтабоев жеңилиске ушыраған еди.

Қола медаль ушын өтиў басқышында болса Болтабоев тәжикстанлы Сомон Махмадбековқа жеңип қалды ҳәм турнирди тәрк етти. Буннан кейин ол өзиниң инстаграмдағы жеке бетине былай жазып қалдырған:

«Өзимди ақлайжақ емеспен. Бирақ мойынымдағы грижа себепли 2 ҳәпте қалғанда жатыўға мәжбүр болып қалдым ҳәм барлық шынығыўларымды өткерип жибердим. Соған қарамастан, докторлардың жәрдеми менен бүгин татамиге шықтым.

Бул маған келген дәрт ҳәм мен бундай жағдайға түсиўди қәлемеген едим. Билемен, көпшилик меннен ренжиди. Себеби, маған исенген еди. Деген менен имканым жетпеди, дурыс түсинесиз деп үмит етемен. Мен ҳеш қашан гүрестен қорықпағанман ҳәм қашпағанман».

✅ 👉 @KRuzuz — Қарақалпақстандағы ең исенимли хабарлар

⚡️Санэпидкомитет жол бойында сатылып атырған музқаймақлардан зəҳəрленип қалмаўға шақырды

Антисанитар жағдайда сатылып атырған музқаймақларда стафилококк бактериясы болыўы мүмкин.

✅ 👉 @KRuzuz — Қарақалпақстандағы ең исенимли хабарлар

❗️Өзгениң компьютерин бузғанлар жазаланады

🖥 Нызамшылыққа көре, өзгениң компьютер үскенесин ямаса хызметте пайдаланылатуғын компьютерин көзкөреки истен шығарыў, компьютер системасын бузыў 3 жылға шекем арнаўлы бир ҳуқықтан айырып, төмендеги жаза түрлериниң бири белгиленеди:

🔸БЕМның 300 есесинен 400 есесине шекем (102 млн сомнан 136 млн сомға шекем) муғдарда жәрийма;

🔸2 жылға шекем азатлықты шеклеў яки 2 жылға шекем азатлықтан айырыў;

✅ 👉 @KRuzuz — Қарақалпақстандағы ең исенимли хабарлар

5 күн даўамында «свет»ке пул салыў имканияты шеклениўи мүмкин

«Аймақлық электр тармақлары» жаңа программалық комплексиниң иске қосылыўы мүнәсибети менен 2024-жыл 31-июль күни саат 23:50 ден 5-август күни саат 22:00 ге шекем мағлыўматларды қайта ислеў орайында профилактикалық жумыслар алып барылатуғынын мәлим етти.

Бул ўақыт аралығында электр энергиясы ушын онлайн төлемлерди әмелге асырыў ҳәм жеке есап бетиндеги бар мағлыўматларды алыўда техникалық үзилислер болыўы мүмкин.

Қарыздар тутыныўшылар автоматикалық түрде тармақтан ажыратылмайды.

✅ 👉 @KRuzuz — Қарақалпақстандағы ең исенимли хабарлар