រដ្ឋបាលខេត្តកំពង់ចាម
9.99K subscribers
38.4K photos
2K videos
21 files
2.37K links
Download Telegram
នាព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តម ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាគណៈអធិបតីបើកវគ្គសិក្ខាសាលា ស្ដីពីការពង្រឹងភាពជាម្ចាស់ដើម្បីបញ្ចប់អេដស៍ និងធានាចីរភាពនៃកម្មវិធីឆ្លើយតបនឹងមេរោគអេដស៍ និងជំងឺអេដស៍នៅថ្នាក់ក្រោមជាតិ។

សិក្ខាសាលាប្រព្រឹត្តទៅរយៈពេល ២ថ្ងៃ (ថ្ងៃទី១៨-១៩ ខែវិច្ឆិកា ឆ្នាំ២០២៦) នៅភូមិគ្រឹះនាងគង្ហីង សង្កាត់សំបួរមាស ក្រុងកំពង់ចាម ដោយមានការអញ្ជើញចូលរួមពីប្រតិភូអាជ្ញាធរជាតិប្រយុទ្ធនឹងជំងឺអេដស៍ , តំណាងក្រសួងមហាផ្ទៃ, មន្ត្រីនៃរដ្ឋបាលខេត្ត, រដ្ឋបាលបាលក្រុង និងមន្ទីរសុខាភិបាលនៃរដ្ឋបាលខេត្តកំពង់ចាម ក្នុងនោះក៏មានការអញ្ជើញចូលរួមពីអភិបាលរងខេត្ត និងមន្ត្រីពាក់ព័ន្ធតំណាងរដ្ឋបាលខេត្ត-ក្រុង (ខេត្តកណ្ដាល , ខេត្តកំពង់ស្ពឺ ,ខេត្តត្បូងឃ្មុំ និងខេត្តព្រះសីហនុ) ព្រមទាំងអង្គការសង្គមស៊ិវិលផងដែរ។
❤9
សេចក្តីបំភ្លឺព័ត៍មាន​ របស់រដ្ឋបាលឃុំអូរស្វាយ​
❤6🥰1
អភិបាលខេត្តកំពង់ចាម ចូលរួមកិច្ចប្រជុំរៀបចំផែនការសន្តិសុខ និងចុះពិនិត្យទីតាំងត្រៀមរៀបចំពិធីសម្ពោធសមិទ្ធផលកែលម្អហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រនៅមន្ទីរពេទ្យបង្អែកស្រុកចំនួន ៦១ ទូទាំងប្រទេស នៅស្រុកបាធាយ

(កំពង់ចាម)៖ នារសៀលថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញចូលរួមកិច្ចប្រជុំរៀបចំផែនការសន្តិសុខ សណ្តាប់ធ្នាប់ និងចុះពិនិត្យទីតាំងត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការនូវសមិទ្ធផលកែលម្អហេដ្ឋារចនាសម្ព័ន្ធ និងការបំពាក់ឧបករណ៍វេជ្ជសាស្ត្រនៅមន្ទីរពេទ្យបង្អែកស្រុកចំនួន ៦១ ទូទាំងប្រទេស ដែលប្រារព្ធឡើងនៅមន្ទីរពេទ្យបង្អែកស្រុកបាធាយ ខេត្តកំពង់ចាម។ កិច្ចប្រជុំនេះដឹកនាំដោយឯកឧត្តម នាយឧត្តមសេនីយ៍សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ដោយមានការចូលរួមពីតំណាងស្ថាប័ន និងអង្គភាពពាក់ព័ន្ធជាច្រើនផងដែរ។

ក្នុងកិច្ចប្រជុំនេះ ក្រុមការងារបានពិនិត្យលើការរៀបចំផែនការសន្តិសុខ សណ្តាប់ធ្នាប់សាធារណៈ និងសុវត្ថិភាពទូទៅ ដើម្បីធានាឱ្យពិធីសម្ពោធប្រព្រឹត្តទៅដោយរលូន និងមានសុវត្ថិភាពខ្ពស់។ ជាមួយគ្នានេះ អាជ្ញាធរមានសមត្ថកិច្ច និងកងកម្លាំងប្រដាប់អាវុធគ្រប់ប្រភេទ ក៏បានត្រៀមរៀបចំផែនការសម្រួលចរាចរណ៍តាមដងផ្លូវសំខាន់ៗជុំវិញទីតាំងប្រារព្ធពិធី ដើម្បីបញ្ចៀសការកកស្ទះ និងធានាសណ្តាប់ធ្នាប់ក្នុងការធ្វើដំណើររបស់ថ្នាក់ដឹកនាំ ភ្ញៀវកិត្តិយស និងប្រជាពលរដ្ឋដែលអញ្ជើញចូលរួម។
ការកែលម្អហេដ្ឋារចនាសម្ព័ន្ធ និងការបំពាក់ឧបករណ៍វេជ្ជសាស្ត្រទំនើបៗនៅមន្ទីរពេទ្យបង្អែកស្រុកទាំង ៦១ កន្លែងនេះ គឺជាផ្នែកមួយនៃកិច្ចខិតខំប្រឹងប្រែងរបស់រាជរដ្ឋាភិបាល និងក្រសួងសុខាភិបាល ក្នុងការពង្រឹងប្រព័ន្ធសុខាភិបាល និងលើកកម្ពស់គុណភាពសេវាថែទាំសុខភាពជូនប្រជាពលរដ្ឋនៅតាមមូលដ្ឋាន។

ជាក់ស្តែង ឧបករណ៍ និងបរិក្ខារវេជ្ជសាស្ត្រថ្មីៗទាំងនេះ នឹងជួយបង្កើនសមត្ថភាពក្នុងការពិនិត្យ និងវិនិច្ឆ័យជំងឺឱ្យបានឆាប់រហ័ស ត្រឹមត្រូវ និងទាន់ពេលវេលា ព្រមទាំងពង្រឹងប្រសិទ្ធភាពនៃការព្យាបាល និងសង្គ្រោះបន្ទាន់។ ជាពិសេស ប្រជាពលរដ្ឋអាចទទួលបានសេវាសុខាភិបាលដែលមានគុណភាពកាន់តែប្រសើរនៅជិតលំនៅឋាន ដោយជួយកាត់បន្ថយការចំណាយ និងពេលវេលាក្នុងការធ្វើដំណើរទៅទទួលសេវាព្យាបាលនៅតាមមន្ទីរពេទ្យឆ្ងាយៗ។

សមិទ្ធផលនេះ គឺជាការរួមចំណែកដ៏សំខាន់ក្នុងការលើកកម្ពស់គុណភាព និងប្រសិទ្ធភាពនៃសេវាសុខាភិបាលនៅកម្ពុជា សំដៅធានាឱ្យប្រជាពលរដ្ឋនៅតាមមូលដ្ឋានទទួលបានសេវាពិនិត្យ ព្យាបាល និងថែទាំសុខភាពកាន់តែប្រសើរ ប្រកបដោយគុណភាព សមធម៌ និងឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ៕
❤4
Media is too big
VIEW IN TELEGRAM
កូនត្រីចម្រុះប្រមាណ ៤០គីឡូក្រាម ត្រូវបានលែងចូលបឹងធម្មជាតិវិញ ខណៈដែលមន្ត្រីជំនាញជលផល ចុះត្រួតពិនិត្យ និងបង្រ្កាបបទល្មើស ២ករណី នៅក្នុងភូមិសាស្ត្រស្រុកកំពង់សៀម
Media is too big
VIEW IN TELEGRAM
ឯកឧត្តម អ៊ុន ចាន់ដា អភិបាលខេត្តកំពង់ចាម អញ្ជើញចូលរួមកិច្ចប្រជុំរៀបចំផែនការសន្តិសុខ សណ្តាប់ធ្នាប់ និងចុះពិនិត្យទីតាំងត្រៀមរៀបចំពិធីសម្ពោធសមិទ្ធផលកែលម្អហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រនៅមន្ទីរពេទ្យបង្អែកស្រុកចំនួន ៦១ ទូទាំងប្រទេស នៅស្រុកបាធាយ។

#កំពង់ចាម ថ្ងៃទី១៨ ខែវិច្ឆិកា ឆ្នាំ២០២៦
❤6👏2👍1
Media is too big
VIEW IN TELEGRAM
ភូមិឋានឃុំកងតាណឹង🍃🏡

📍ស្រុកកងមាស ខេត្តកំពង់ចាម

#ការរៀបចំដែនដី #ភូមិឋានក្សេមក្សាន្ត #ហេដ្ឋារចនាសម្ព័ន្ធទ្រទ្រង់ទីប្រជុំជន #ទីប្រជុំជន #បរិស្ថានរស់នៅដ៏ល្អត្រកាល #ភូមិឃុំសង្កាត់មានសុវត្ថិភាព

#ក្រសួងរៀបចំដែនដី_នគរូបនីយកម្ម_និងសំណង់ #MLMUPC

📸 : កណ្ដៀរ | ២៥រាជធានី-ខេត្ត | ស្រុកកងមាស
សេចក្ដីជូនដំណឹង ស្ដីពីការរៀបចំដេញថ្លៃគម្រោងមូលនិធិឃុំ សង្កាត់