អភិបាលខេត្តកំពង់ចាម អញ្ជើញចុះពិនិត្យទីតាំងដីសម្បទានសង្គមកិច្ច​ ក្រោមកម្មវិធី​ ផ្តល់ដីការពារព្រៃ​ ដេីម្បីរួមគ្នាអភិវឌ្ឍដោយ​ចិរភាព​(ផ.ក.អ)​ នៅស្រុកសេសាន​ ខេត្តស្ទឹងត្រែង

(ស្ទឹងត្រែង) អភិបាល នៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា នៅថ្ងៃទី១៦ ខែតុលា ឆ្នាំ២០២៦ បានដឹកនាំគណៈប្រតិភូខេត្ត អញ្ជើញពិនិត្យទីតាំងដីសម្បទានសង្គមកិច្ច ក្រោមការអនុវត្តកម្មវិធី​ ផ្តល់ដីការពារព្រៃ​ ដេីម្បីរួមគ្នាអភិវឌ្ឍដោយ​ចិរភាព​ (ផ.ក.អ)​ គម្រោងទី១ ស្ថិតនៅភូមិសាស្រ្តអូរសែវ​ ឃុំស្តៅ​ និងឃុំសាមឃួយ​ ស្រុកសេសាន​ ខេត្តស្ទឹងត្រែង។

ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានបញ្ជាក់ថា រដ្ឋបាលខេត្ត បានត្រៀមរៀបចំដឹកជញ្ជូនបងប្អូនប្រជាពលរដ្ឋចំនួន​ ៦៣គ្រួសារ មកតាំងទីលំនៅនៅក្នុងតំបន់គម្រោងខាងលើ នាពេលខាងមុខ ដើម្បីចូលរួមលើកកម្ពស់ជីវភាពរស់នៅ និងបង្កើតឱកាសសម្រាប់ការអភិវឌ្ឍជីវភាពគ្រួសារឱ្យកាន់តែប្រសើរឡើង ស្របតាមគោលនយោបាយ បញ្ចកោណដំណាក់កាលទី១ ក្រោមការដឹកនាំ ដ៏ឈ្លាសវៃ ប៉ិនប្រសប់ ប្រកបដោយ គត្តិបណ្ឌិត របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

គោលបំណងសំខាន់នៃកម្មវិធីនេះ គឺការផ្សារភ្ជាប់ការការពារព្រៃឈើជាមួយនឹងការលើកកម្ពស់ជីវភាពប្រជាពលរដ្ឋ តាមរយៈការរៀបចំ និងផ្តល់ដីស្របតាមគោលនយោបាយ និងច្បាប់ជាធរមាន ដើម្បីសម្រេចបាននូវការអភិវឌ្ឍសេដ្ឋកិច្ច សង្គម និងបរិស្ថាន ប្រកបដោយចីរភាព៕

សូម​រីករាយទស្សនាបទ ៖ ទូក"ង" មហាធិបតីរស្មីជ្រៃមាស

-ដឹកនាំការផលិត៖ ផេង គីមស្រ៊ុន
-និពន្ធដោយ៖ ហ៊ុន ហេង
-សម្រួលតន្ត្រីដោយ៖ ស៊ុន សាវរី
-ច្រៀងដោយ៖ ប្រាក់ សុគន្ធ
-កាត់តដោយ៖ ជួន រតនាវង្ស
-ផលិតផលដោយ៖ ក្រុមការងារព័ត៌មាន រដ្ឋបាលខេត្តកំពង់ចាម

សូម​រីករាយទស្សនាបទ ៖ សារាវ៉ាន់ទូក ង

-ដឹកនាំការផលិត៖ សម ផល្លា
-និពន្ធដោយ៖ ហ៊ុន ហេង
-សម្រួលតន្ត្រី/បច្ចេកទេសសំឡេង៖ ញូង សារិន  
-ច្រៀងដោយ៖ ណយ វ៉ាន់ណេត ម៉េង កែវពេជ្ចតា
-កាត់តដោយ៖ សុខ សីលា
-ផលិតដោយ៖ ក្រុមការងារមន្ទីរព័ត៌មានខេត្តកំពង់ចាម