នាព្រឹកថ្ងៃទី៧ ខែតុលា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាអនុប្រធាន គ.ក.ស.ក ខេត្ត និងលោកជំទាវ អៀម វណ្ណនី សមាជិកាក្រុមប្រឹក្សាខេត្ត និងប្រធាន គ.ក.ស.ក ខេត្ត បានអញ្ជើញដឹកនាំកិច្ចប្រជ៉ំសាមញ្ញលើកទី២៧ អាណត្តិទី៤ របស់គណៈកម្មាធិការពិគ្រោះយោបល់កិច្ចការស្ត្រី និងកុមារខេត្ត គ.ក.ស.ក នៅសាលប្រជុំសាលាខេត្ត ដោយមានការអញ្ជើញចូលរួមពី សមាជិកសមាជិកា នៃគណៈកម្មាធិការពិគ្រោះយោបល់កិច្ចការស្ត្រី និងកុមារខេត្ត ដែលមកពីមន្ទីរអង្គភាពជ៉ំវិញខេត្ត។

គោលបំណង នៃកិច្ចប្រជ៉ំ៖ ពិនិត្យ និងអនុម័តលើកំណត់ហេតុកិច្ចប្រជុំលើកទី២៦, របាយការណ៍សកម្មភាពប្រចាំខែកញ្ញា, ប្រៀបធៀបលទ្ធផលការងាររយៈពេល ៩ខែ ជាមួយនឹងផែនការប្រចាំឆ្នាំ២០២៦, ដោះស្រាយបញ្ហាប្រឈមផ្សេងៗ និងកំណត់កាលបរិច្ឆេទ សម្រាប់កិច្ចប្រជុំលើកទី២៨ បន្ទាប់។

លោកជំទាវ ញ៉ូង ចរិយា អ៊ុន ចាន់ដា ប្រធានសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពង់ចាម រួមដំណើរដោយ ឯកឧត្តម ឡោ ចាន់លី អភិបាលរងខេត្តកំពង់ចាម និងលោកជំទាវ ព្រមទាំងក្រុមការងារ នៅព្រឹកថ្ងៃទី៧ ខែតុលា ឆ្នាំ២០២៦ បានអញ្ជើញចូលរួមកាន់បិណ្ឌវេនទី១១ ក្នុងវត្តក្រឡោង ភូមិក្រឡោង ឃុំជ្រៃវៀន ស្រុកព្រៃឈរ។

នាឱកាសនោះដែរ លោកជំទាវ និងក្រុមការងារ បានអញ្ជើញរាប់បាទ និងប្រគេនចង្ហាន់ គ្រឿងនេយ្យទាន និងបច្ច័យ រួមមាន អង្ករ មី ភេសជ្ជៈ ទឹកសុទ្ធ វេរប្រគេនដល់ព្រះសង្ឃ និងជូនថវិកាដល់ លោកតា លោកយាយ ដែលចូលរួមក្នុងកម្មវិធីកាន់បិណ្ឌនេះផងដែរ។