(រាជធានីភ្នំពេញ) នាព្រឹកថ្ងៃចន្ទ ទី៥ ខែតុលា ឆ្នាំ២០២៦នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមពិធីបើកមហាសន្និបាត សហព័ន្ធអតីតយុទ្ធជនអាស៊ាន (VECONAC) លើកទី២៥ ក្រោមអធិបតីភាពដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព។

នាព្រឹកថ្ងៃទី៥ ខែតុលា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាប្រធានក្រុមអនុគណៈកម្មការពិធីការ និងបដិសណ្ឋារកិច្ច បានដឹកនាំកិច្ចប្រជ៉ំ ក្រុមអនុគណៈកម្មការពិធីការ និងបដិសណ្ឋារកិច្ច លើការងារមួយចំនួនដែលពាក់ព័ន្ធក្នុងការណែនាំ និងបែងចែកភារកិច្ច ដើម្បីត្រៀមលក្ខណៈរៀបចំ ពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម នាថ្ងៃចន្ទ ទី២៦ ខែតុលា ឆ្នាំ២០២៦ ខាងមុខ ។

នៅថ្ងៃទី០៥ ខែតុលា ឆ្នាំ២០២៦
ខណ្ឌរដ្ឋបាលជលផលកំពង់ចាម សហការជាមួយអាជ្ញាធរស្រុកបាធាយ និងកម្លាំងប៉ុស្តិ៍នគរបាលរដ្ឋបាលច្បារអំពៅ ដោយមានការសម្របសម្រួលពីឯកឧត្តម ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផលចំនួន ៣ករណី ដោយរុះរើបំផ្លាញ ចោលនូវឧបករណ៍ខុសច្បាប់រួមមាន៖
#ករណីទី១
-ឧបករណ៍ស្បៃមុងចំនួន ៥មាត់
-របាំងស្បៃមុងប្រវែង ២៥០ម៉ែត្រ
-បង្គោលចម្រឹង ៧៥ដើម
-ចាក់លែងត្រីចម្រុះ ២៥គីឡូក្រាម
នៅចំណុចមុខវត្តទួលចាន់ ឃុំច្បារអំពៅ ស្រុកបាធាយ ខេត្តកំពង់ចាម។
#ករណីទី២
-ឧបករណ៍ស្បៃមុងចំនួន ៧មាត់
-របាំងស្បៃមុងប្រវែង ៣៥០ម៉ែត្រ
-បង្គោលចម្រឹង ១០៥ដើម
-ចាក់លែងត្រីចម្រុះ ៤០គីឡូក្រាម
នៅចំណុចបឹងផ្សារ ឃុំច្បារអំពៅ ស្រុកបាធាយ ខេត្តកំពង់ចាម។
#ករណីទី៣
-ឧបករណ៍ស្បៃមុងចំនួន ៩មាត់
-របាំងស្បៃមុងប្រវែង ៤៥០ម៉ែត្រ
-បង្គោលចម្រឹង ១៣៥ដើម
-ចាក់លែងត្រីចម្រុះ ៥០គីឡូក្រាម
នៅចំណុចបឹងគោចំលង ឃុំច្បារអំពៅ ស្រុកបាធាយ ខេត្តកំពង់ចាម។