#សមរភូមិក្រោយនិងសមរភូមិមុខគឺតែមួយ
#ខ្មែររួបរួមសាមគ្គីខ្មែរខ្លាំង

នៅព្រឹកថ្ងៃទី២ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញទទួលជំនួយពីលោក ឃុន សំបូរ ប្រធានក្រុមហ៊ុន មេគង្គ ស្មាត ផៅវ័រ និងលោកស្រី ឧបត្ថម្ភថវិកា ២.០០០ ដុល្លារ ក្នុងការចូលរួមចំណែកជាមួយរាជរដ្ឋាភិបាលកម្ពុជា ដើម្បីជួយឧបត្ថម្ភដល់វីរកងទ័ពជួរមុខ ដែលកំពុងឈរជើងការពារ អធិបតេយ្យភាព បូរណភាពទឹកដីនៅតាមខ្សែបន្ទាត់ព្រំដែន(កម្ពុជា-ថៃ) ទិសប្រាសាទព្រះវិហារ-ឧត្តរមានជ័យ។

នាឱកាសនោះ ឯកឧត្តម អ៊ុន ចាន់ដា អភិបាលខេត្ត ក្នុងនាមរដ្ឋបាលខេត្ត និងប្រជាពលរដ្ឋទូទាំងខេត្ត បានសម្តែងនូវទឹកចិត្តរីករាយចំពោះ ទឹកចិត្តប្រកបដោយមនុស្សធម៌របស់លោកប្រធាន និងលោកស្រី សូមជូនពរ សូមជួបប្រទះនូវពុទ្ធពរទាំងឡាយ៤ប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។🙏

ពន្ធនាគារខេត្តកំពង់ចាម បាននិមន្តព្រះសង្ឃ ដើម្បីធ្វើបុណ្យបង្សុកូលរាប់បាត្រ ក្នុងឱកាសពិធីបុណ្យភ្ជុំបិណ្ឌខាងមុខ

កំពង់ចាម ៖ លោក ឧត្តមអគ្គានុរក្សថ្នាក់លេខ២ ហ៊ុន ខី ប្រធានពន្ធនាគារខេត្តកំពង់ចាម ព្រមទាំងថ្នាក់ដឹកនាំ និងមន្ត្រីទាំងអស់ បាននិមន្តព្រះសង្ឃចំនួន ៥អង្គ និងលោកតាអាចារ្យ ២រូប ដើម្បីរៀបចំពិធីសូត្រមន្តបង្សុកូលរាប់បាត្រឧទ្ទិសកុសលជូនដល់បុព្វការីជនដែលចែកឋានទៅ នាក្នុងឱកាសពិធីបុណ្យភ្ជុំបិណ្ឌខាងមុខ អង្គភាពក៏បានអនុញ្ញាតឱ្យជនជាប់ឃុំ ចំនួន ៧៥នាក់ ស្ត្រី ២៦នាក់ ចូលរួមរាប់បាត និងប្រគេនបច្ច័យព្រះសង្ឃផងដែរ។

ព្រឹកថ្ងៃសៅរ៍ ទី៣ ខែតុលា ឆ្នាំ២០២៥ នៅពន្ធនាគារខេត្តកំពង់ចាម។

រូបភាព ៖ ពន្ធនាគារខេត្តកំពង់ចាម