នាព្រឹកថ្ងៃទី២៩ ខែកញ្ញា ឆ្នាំ២០២៦ ឯកឧត្តម លន់ លឹមថៃ តំណាងរាស្ត្រមណ្ឌលខេត្តកំពង់ចាម បានអញ្ជើញចូលរួមក្នុងពិធីកាន់បិណ្ឌវេនទី៣ ដោយយកនូវចង្ហាន់ ទេយ្យវត្ថុ និងបច្ច័យមកប្រគេនដល់ព្រះសង្ឃ ដែលគង់ចាំព្រះវស្សា នៅវត្តប្រាសាទជ័យមង្គល ស្ថិតនៅក្នុងភូមិកកោះ ឃុំសំពងជ័យ ស្រុកជើងព្រៃ ខេត្តកំពង់ចាម។

មានប្រសាសន៍នៅក្នុងជំនួបនោះ ឯកឧត្តម បាននាំនូវបណ្ដាំសួរសុខទុក្ខពីសំណាក់ សម្តេចតេជោ ហ៊ុនសែន សម្តេចប្រធានរដ្ឋសភា និងសម្តេចមហាបវធិបតី ហ៊ុនម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលតែងតែគិតគូរពីសុខទុក្ខរបស់បងប្អូនប្រជាពលរដ្ឋរបស់យើង។

បន្ទាប់មកឯកឧត្តមក៏បានលើកឡើងថា រៀងរាល់ពេលចូលដល់រដូវភ្ជុំបិណ្ឌ ថ្នាក់ដឹកនាំ មន្ត្រីរាជការ ប្រជាពលរដ្ឋ ឧបាសក ឧបាសិកា ដែលជាពុទ្ធសាសនិក តែងតែនាំគ្នាយកនូវចង្ហាន់ រួមទាំងទេយ្យទានផ្សេងៗ និងគ្រឿងឧបភោគបរិភោគ ទៅវេប្រគេនដល់ព្រះសង្ឃ តាមវត្តអារាមនានា ដើម្បីវេប្រគេនដល់ព្រះសង្ឃ ដើម្បីឧទ្ទិសជូនដល់ជីដូនជីតាដែលបានចែកឋានទៅ ។ ក្នុងនោះឯកឧត្តមក៏បានលើឡើងផងដែរអំពីការីកចម្រើន ទាំងវិស័យពុទ្ធចក្រ និងអាណាចក្រ ក្រោមម្លប់នៃសុខសន្តិភាព ក្រោមការដឹកនាំដ៏ល្អរបស់រាជរដ្ឋាភិបាល របស់គណបក្សប្រជាជនកម្ពុជា ដែលបានធ្វើអោយប្រទេសជាតិមានឯកភាពជាតិ និងរួមគ្នាកសាងនូវប្រទេសអោយកានតែមានការអភិវឌ្ឍ។

លើសពីនេះ ឯកឧត្តមក៏បានថ្លែងកោតសរសើរ និងសំណូមពរដល់អាជ្ញាធរដែនដីគ្រប់ជាន់ថ្នាក់ត្រូវខិតខំបំពេញការងារបម្រើប្រជាពលរដ្ឋឱ្យអស់ពីកម្លាំងកាយចិត្ត និងលើកទឹកចិត្តឱ្យខិតខំមន្ថែមទៀតទៅលើគោលនយោបាយភូមិ ឃុំ សង្កាត់មានសុវត្ថិភាព ដើម្បីលុបបំបាត់នូវបញ្ហាអបាយមុខ និងភាពអសន្តិសុខនានា ដែលធ្វើអោយរាំងស្ទះដល់ដំណើរការរីកចម្រើនរបស់ភូមិ ឃុំ សង្កាត់ក៏ដូចជាសង្គមជាតិរបស់យើង។

សូមបញ្ជាក់ផងដែរថា ឯកឧត្តម លន់ លឹមថៃ បាននាំយកនូវទេយ្យវត្ថុ និងបច្ច័យប្រគេនដល់ព្រះសង្ឃព្រះសង្ឃ ១២ អង្គ ៣២០.០០០រៀល , លោកតាលោកយាយ និងប្រជាពលរដ្ឋដែលចូលរួម ១៨០នាក់ ក្នុងម្នាក់ ៗថវិកា ១០.០០០រៀល , ប្រជាការពារ និងនគរបាលប៉ុស្តិ៍ ១៥នាក់ ក្នុងម្នាក់ថវិកា ២០.០០០រៀល និងបច្ចយ័កសាងវត្ត ១.៤០០.០០០រៀល សរុបថវិកា ៤.០២០.០០០រៀល។

នាថ្ងៃទី២៩ ខែកញ្ញា ឆ្នាំ២០២៦ ឯកឧត្តម ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំសិក្ខាសាលាពង្រាងផែនទីបង្ហាញផ្លូវ ស្តីពីការគ្រប់គ្រង និងបង្ការភាពពិការភ្នែក ឆ្នាំ២០២៦ ដល់ឆ្នាំ២០៣១។

គោលបំណងសំខាន់ៗនៃសិក្ខាសាលា៖ បង្ហាញសេចក្តីព្រាងផែនទីបង្ហាញផ្លូវ៖ ណែនាំជាផ្លូវការនូវផែនទីបង្ហាញផ្លូវស្តីពីការគ្រប់គ្រង និងបង្ការភាពពិការភ្នែក សម្រាប់រយៈពេល ៥ឆ្នាំ (២០២៦-២០៣១)។ ប្រមូលធាតុចូល៖ ប្រមូលយោបល់ និងធាតុចូលសំខាន់ៗពីភាគីពាក់ព័ន្ធ ដើម្បីបំពេញបន្ថែម និងធានាថាផែនទីបង្ហាញផ្លូវនេះមានលក្ខណៈទូលំទូលាយ និងអាចយកទៅអនុវត្តបានមានប្រសិទ្ធភាពខ្ពស់។

សិក្ខាសាលាធ្វើនៅមន្ទីរសុខាភិបាល នៃរដ្ឋបាលខេត្ត ដោយមានការអញ្ជើញចូលរួមពីអនុប្រធានមន្ទីរសុខាភិបាល នៃរដ្ឋបាលខេត្ត , ប្រធាន អនុប្រធានការិយាល័យបង្ការ និងគ្រប់គ្រងជំងឺ មន្ទីរសុខាភិបាល នៃរដ្ឋបាលខេត្ត, តំណាងប្រធានមន្ទីរអប់រំ យុវជន និងកីឡាខេត្ត, អនុប្រធានមន្ទីរសង្គមកិច្ច និងអតីតយុវជនខេត្ត, អនុប្រធានមន្ទីរកិច្ចការនារីខេត្ត, អភិបាលរងក្រុង ស្រុក, ប្រធានការិយាល័យស្រុកប្រតិបត្តិទាំង៩ ប្រធាន អនុប្រធានមន្ទីរពេទ្យបង្អែកស្រុកទាំង៩ និងអង្គការដៃគូ សរុបចំនួន ៤៣នាក់។