ក្រោមការយកចិត្តទុកដាក់គាំទ្រ និងលើកទឹកចិត្តពីសំណាក់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានចាត់
លោកជំទាវ ប៉ាង ដានី អភិបាលរងខេត្ត និងជាប្រធានក្រុមប្រឹក្សាសកម្មភាពជនពិការខេត្ត ដឹកនាំក្រុមការងារក្រុមប្រឹក្សាសកម្មភាពជនពិការខេត្ត ចុះសួរសុខទុក្ខ និងឧបត្ថម្ភដល់ក្រុមជួយខ្លួនឯង នៃជនមានពិការភាព (ចំនួន ៦ក្រុម) និងសហគមន៍ផលិតសាប៊ូលាងចានស្ត្រីឆ្លាតវៃរបស់ជនមានពិការភាព (ចំនួន ១ក្រុម) សរុបចំនួន ៧ក្រុម នៅស្រុកព្រៃឈរ និងស្រុកបាធាយ នាថ្ងៃទី២៨ ខែកញ្ញា ឆ្នាំ២០២៦ ដោយមានការចូលរួមពី លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងមន្ត្រី , លោកស្រីអភិបាលរងស្រុក , លោកប្រធានការិយាល័យសង្គមកិច្ច និងសុខុមាលភាពសង្គមនៃរដ្ឋបាលស្រុក អាជ្ញាធរមូលដ្ឋាន និងសមាជិកក្រុមទាំង៧ ។

ក្រោមការយកចិត្តទុកដាក់គាំទ្រ និងលើកទឹកចិត្តពីសំណាក់ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត លោកជំទាវ អភិបាលរងខេត្ត បានសំណេះសំណាល នាំនូវប្រសាសន៍ផ្ដាំផ្ញើ និងការគិតគូរ ដល់ក្រុមជួយខ្លួនឯង
ប្រមូលនូវបញ្ហាប្រឈម តម្រូវការ និងសំណូមពរនានា ដើម្បីរួមគ្នាស្វែងរកដំណោះស្រាយ ផ្សព្វផ្សាយពីភាពជាគំរូ និងលើកទឹកចិត្តដល់ជនពិការដទៃទៀតឱ្យចងក្រងជាក្រុមសហគមន៍។

ក្នុងឱកាសនោះដែរ លោកជំទាវ បាននាំយកថវិការបស់ឯកឧត្ដមអភិបាល នៃគណៈអភិបាលខេត្ត និងជាប្រធានកិត្តិយសក្រុមប្រឹក្សាសកម្មភាពជនពិការខេត្ត ឧបត្ថម្ភដល់សហគមន៍ និងក្រុមជួយខ្លួនឯង ទាំង៧ក្រុម /ក្នុង ១ក្រុមទទួលបានថវិកាចំនួន ៤០០.០០០ រៀល សរុបចំនួន ២.៨០០.០០០ រៀល ។

នាព្រឹកថ្ងៃទី២៨ ខែកញ្ញា ឆ្នាំ២០២៦
ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំកិច្ចប្រជុំ អនុគណៈកម្មការបច្ចេកទេសប្រណាំងទូក នៃគណៈកម្មការរៀបចំក្នុងពិធីប្រណាំងទុកថ្នាក់ខេត្ត ក្នុងពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម ។ កិច្ចប្រជុំបានធ្វើនៅសាលាខេត្ត ដោយមានការអញ្ជើញចូលរួមពី លោកនាយករង រដ្ឋបាលសាលាខេត្ត, អភិបាលរងក្រុង , ចៅសង្កាត់ទាំង៤ តំណាងមន្ទីរ និងមន្ត្រីជំនាញពាក់ព័ន្ធផងដែរ។