នាព្រឹកថ្ងៃទី២១ ខែកញ្ញា ឆ្នាំ២០២៦ នៅ
ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញជាអធិបតីភាពក្នុងកិច្ចប្រជុំ វឌ្ឍនភាព នៃការអនុវត្តសកម្មភាពការងារ និងថវិកា ឆ្នាំ២០២៦ ដើម្បីជំរុញប្រសិទ្ធភាពការអនុវត្តផែនការសកម្មភាព និងថវិកា (ផ.ស.ថ.) ឆ្នាំ២០២៦ នៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិ ដំណាក់កាលទី២។

ក្នុងកិច្ចប្រជុំក៏មានការអញ្ជើញចូលរួមពីប្រធាន អនុប្រធានការិយាល័យប្រជាពលរដ្ឋខេត្ត , ប្រធានសមាគមក្រុមប្រឹក្សាក្រុង ស្រុក ឃុំ សង្កាត់, នាយករង និងនាយិការងរដ្ឋបាលសាលាខេត្ត, តំណាងមន្ទីរផែនការខេត្ត, មន្ទីរកិច្ចការនារីខេត្ត, អភិបាលរងក្រុង ស្រុក ទទួលបន្ទុក, នាយក នាយករងទីចាត់ការ និងប្រធានអង្គភាព ចំណុះសាលាខេត្ត និងមន្ត្រីជំនាញពាក់ព័ន្ធផងដែរ ។

នារសៀលថ្ងៃទី២១ ខែកញ្ញា ឆ្នាំ២០២៦ លោកស្រី ង៉ោក ចរិយា នាយិការងរដ្ឋបាលសាលាខេត្តកំពង់ចាម តំណាងលោកជំទាវ ប៉ាង ដានី អភិបាលរងខេត្ត និងជាប្រធានក្រុមការងារពង្រឹងការឆ្លើយតបពហុវិស័យចំពោះអំពើហិង្សាទាក់ទងនឹងយេនឌ័រថ្នាក់ខេត្ត បានដឹកនាំក្រុមការងារចូលរួមពិធីប្រកាសផ្សព្វផ្សាយដាក់ឱ្យប្រើប្រាស់ជាផ្លូវការ «ផែនការសកម្មភាពជាតិ ស្តីពីការទប់ស្កាត់អំពើហិង្សាលើស្ត្រី លើកទី៤ ឆ្នាំ២០២៥-២០៣០» តាមប្រព័ន្ធវីដេអូ (Zoom) ពីសាលប្រជុំសាលាខេត្តកំពង់ចាម។

ពិធីនេះរៀបចំឡើងនៅសណ្ឋាគារ សាន់ អ៊ែន មូន រាជធានីភ្នំពេញ ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដោយមានការចូលរួមពីប្រធាន គ.ក.ស.ក. ខេត្ត ស្នងការដ្ឋាននគរបាលខេត្ត តំណាងបញ្ជាការដ្ឋានកងរាជអាវុធហត្ថខេត្ត មន្ទីរកិច្ចការនារីខេត្ត និងមន្ទីរសុខាភិបាលនៃរដ្ឋបាលខេត្ត។

ជាមួយគ្នានេះ អធិការរងនគរបាល មេបញ្ជាការងមូលដ្ឋានកងរាជអាវុធហត្ថ និងក្រុមការងារថ្នាក់ក្រុង-ស្រុក នៃខេត្តកំពង់ចាម ក៏បានចូលរួមតាមប្រព័ន្ធអនឡាញពីសាលាក្រុង-ស្រុក។

ការដាក់ឱ្យប្រើប្រាស់ផែនការសកម្មភាពជាតិលើកទី៤នេះ មានគោលបំណងពង្រឹងប្រសិទ្ធភាពនៃការទប់ស្កាត់ និងការឆ្លើយតបពហុវិស័យចំពោះអំពើហិង្សាលើស្ត្រី ព្រមទាំងលើកកម្ពស់ការការពារ សុវត្ថិភាព សមភាព និងសិទ្ធិរបស់ស្ត្រី និងក្មេងស្រីនៅកម្ពុជា។