នៅថ្ងៃទី១៦ ខែកញ្ញា ឆ្នាំ២០២៦
ខណ្ឌរដ្ឋបាលជលផលកំពង់ចាម សហការជាមួយ អាជ្ញាធរស្រុកព្រៃឈរ អាជ្ញាធរស្រុកកងមាស និងកម្លាំងប៉ុស្តិ៍នគរបាលរដ្ឋបាលព្រែកក្របៅ ដោយមានការសម្របសម្រួលពីឯកឧត្តម ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផលចំនួន ២ករណី ដោយរុះរើបំផ្លាញចោលនូវឧបករណ៍ខុសច្បាប់រួមមាន៖
#ករណីទី១
-ឧបករណ៍ស្បៃមុងចំនួន ៨មាត់
-របាំងស្បៃមុងប្រវែង ២៤០ម៉ែត្រ
-បង្គោលចម្រឹង ១២០ដើម
-ចាក់លែងកូនត្រីចម្រុះ ៥គីឡូក្រាម
នៅចំណុចស្ទឹងជ្រៅ ឃុំមៀន ស្រុកព្រៃឈរ ខេត្តកំពង់ចាម។
#ករណីទី២
-ឧបករណ៍ស្បៃមុងចំនួន ១២មាត់
-របាំងស្បៃមុងប្រវែង ៣២០ម៉ែត្រ
-បង្គោលចម្រឹង ១៦០ដើម
-ចាក់លែងកូនត្រីចម្រុះ ៦គីឡូក្រាម
នៅចំណុចស្ពានអូរកណ្តោល ឃុំព្រែកក្របៅ ស្រុកកងមាស ខេត្តកំពង់ចាម។

របៀបទាញយក និងប្រើប្រាស់កម្មវិធីការពារស្កេម (Kapea Scams) សម្រាប់ទូរស័ព្ទអេនត្រយ (Samsung, Vivo, OPPO, Pixel និងមួយចំនួនទៀត)។

ទេសចរណ៍រីកលូតលាស់ក្នុងសន្តិភាព

នាថ្ងៃទី១៦ ខែកញ្ញា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាប្រធានលេខាធិការរដ្ឋានខេត្ត ប្រយុទ្ធប្រឆាំងអំពើរជួញដូរមនុស្ស គ.ខ.ប.ជ បានអញ្ជើញចូលរួម សិក្ខាសាលាស្តីពី «ការពិនិត្យឡើងវិញនូវផែនការការងារ របាយការណ៍ ការចូលរួមរបស់សហគមន៍ និងកិច្ចសហប្រតិបត្តិការរបស់ គ.ខ.ប.ជ. ខេត្តកំពង់ចាម»
ធ្វើនៅសណ្ឋាគារ POULO WAI រាជធានីភ្នំពេញ។

សិក្ខាសាលាធ្វើឡើងក្នុងគោលបំណង៣៖
១.ពិនិត្យ និងឆ្លុះបញ្ចាំងលើវិធីសាស្ត្រធ្វើផែនការ និងរបាយការណ៍ការងារបច្ចុប្បន្នរបស់ គ.ខ.ប.ជ. ខេត្ត តាមរយៈការពិភាក្សា និងផ្លាស់ប្តូរយោបល់រួម ដើម្បីកំណត់ចំណុចខ្លាំង បញ្ហាប្រឈម និងឱកាស
សម្រាប់ការកែលម្អផែនការឱ្យកាន់តែមានភាពច្បាស់លាស់ ជាក់ស្តែង និងមានប្រសិទ្ធភាពខ្ពស់។

២. ចែករំលែកបទពិសោធន៍ និងការអនុវត្តការងាររបស់ IJM ក្នុងការចូលរួម និងពង្រឹងទំនាក់ទំនងជាមួយក្រុមសហគមន៍ ក្រុមយុវជន បណ្តាញជនរងគ្រោះ និងភាគីពាក់ព័ន្ធផ្សេងៗ ដើម្បីលើកកម្ពស់ការបង្ការទប់ស្កាត់ ការពារ ការផ្សព្វផ្សាយអំពីយន្តការបញ្ជូន និងការធ្វើចំណាកស្រុកប្រកបដោយសុវត្ថិភាព។

៣. កំណត់ទិសដៅរួមនៃកិច្ចសហប្រតិបត្តិការ សម្រាប់ពង្រីកកិច្ចសហការ និងភាពជាដៃគូជាមួយស្ថាប័ន និងបណ្តាញពាក់ព័ន្ធដើម្បីលើកកម្ពស់ការបង្ការ ទប់ស្កាត់ ការពារ ការផ្សព្វផ្សាយអំពីយន្តការបញ្ជូន និងការធ្វើចំណាកស្រុកប្រកបដោយសុវត្ថិភាព។

សូមជម្រាបថាសិក្ខាសាលាក៏មានការអញ្ជើញចូលរួមដោយ លោក ជ៉ំ សាឯម នាយកប្រចាំប្រទេស អង្គការបេសកម្មយុត្តិធម៌អន្តរជាតិ, លោកស្រី អនុប្រធាន លេខាធិការដ្ឋាន គ.ខ.ប.ជ, លោក លោកស្រី ក្រុមការងារលេខាធិការដ្ឋាន, ក្រុមការងារក្រុមជំនាញទាំង ៦ នៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តកំពង់ចាម ។