ព្រឹកថ្ងៃទី៣ ខែកញ្ញា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាប្រធានក្រុមប្រឹក្សាសកម្មភាពជនពិការខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំកិច្ចប្រជុំពិភាក្សា ស្តីពី លទ្ធផលកម្មវិធីកំណត់អត្តសញ្ញាណកម្មពិការភាពតាមគំរូ​សង្គម និងសិទ្ធិជា​មូលដ្ឋាន ក្នុងខេត្តកំពង់ចាម។ កិច្ចប្រជុំធ្វើនៅសាលប្រជុំសាលាខេត្តកំពង់ចាម ដោយមានការអញ្ជើញចូលរួមពី លោកប្រធានមន្ទីរសង្គមកិច្ច អតីត​យុទ្ធជន និង​យុវនីតិសម្បទាខេត្ត និងមន្រ្តីជំនាញ លោក លោកស្រីអភិបាលរងក្រុង ស្រុកទទួលបន្ទុក ប្រធាន​ការិយាល័យ​សង្គមកិច្ច និងសុខុមាលភាពសង្គមក្រុង ស្រុក និងមន្រ្តីទទួលបន្ទុកកម្មវិធីការកំណត់អត្ត​សញ្ញាណកម្ម​ពិការភាពឃុំ សង្កាត់ទាំងអស់ សរុបចំនួន១៣៧នាក់។