នាព្រឹកថ្ងៃទី២៦ ខែសីហា ឆ្នាំ២០២៦ ឯកឧត្តម ឃន ប្រុស អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឯកឧត្តម ទុយ ស៊ីផាន់ រដ្ឋលេខាធិការ ក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបសំណេះសំណាលជាមួយក្រុមហ៊ុន យូ ភី អាលុយមីនៀមមេនូហ្វេកធីរីង (ខេមបូឌា) ឯ.ក ដើម្បីចុះទស្សនកិច្ចពីសង្វាក់ការងាររបស់ក្រុមហ៊ុន និង ជួបសំណេះសំណាលជាមួយតំណាងសហជីពបងប្អូនកម្មករ ដោយមានការចូលរួមពី លោកអភិបាលរងស្រុក លោកប្រធានមន្ទីរការងារ និងបណ្តុះបណ្តាល វិជ្ជាជីវៈ អាជ្ញាធរមូលដ្ឋាន និងបងប្អូនកម្មករ ។