នៅព្រឹកថ្ងៃទី២០ ខែសីហា ឆ្នាំ២០២៦ឯកឧត្តម សា ស៊ីថា អភិបាលរងខេត្តកំពង់ចាម តំណាង ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំក្រុមការងារជំនាញថ្នាក់ខេត្ត រដ្ឋបាលស្រុកស្រីសន្ធរ និងរដ្ឋបាលឃុំស្វាយខ្សាច់ភ្នំ អញ្ជើញចូលរួមក្នុងវេទិកាសាធារណៈជាមួយបងប្អូនប្រជាពលរដ្ឋ ក្នុងឃុំស្វាខ្សាច់ភ្នំ ដែលបានកំពុងអាស្រ័យផល និងរស់នៅលើដីចំណីអូរ ព្រែក និងទន្លេខ្ពប (ដីសាធារណៈ) ស្ថិតនៅក្នុងឃុំស្វាយខ្សាច់ភ្នំ ស្រុកស្រីសន្ធរ ខេត្តកំពង់ចាម ដែលប្រព្រឹត្តទៅនៅបរិវេណសាលាបឋមសិក្សាស្វាយខ្សាច់ភ្នំ។

នាព្រឹកថ្ងៃ២០ ខែសីហា ឆ្នាំ២០២៥ លោកស្រីង៉ោក ចរិយា នាយិការងរដ្ឋបាលសាលាខេត្ត តំណាងដ៏ខ្ពង់ខ្ពស់ លោកជំទាវ ប៉ាង ដានី អភិបាលរងខេត្តកំពង់ចាម និងលោកស្រី សូហ្វាយអឺ ខេសុន ប្រធានកម្មវិធី ACCESS 2 បានអញ្ជើញដឹកនាំកិច្ចប្រជុំលើកទី៥ នៃគណៈកម្មការសម្របសម្រួលសម្រួលខេត្ត នៃកម្មវិធី ACCESS 2 នៅសាលប្រជុំសាលាខេត្ត។

ក្នុងកិច្ចប្រជុំនេះក៏មានការអញ្ជើញចូលរួមពីមន្ទីរអង្គភាពពាក់ពន្ធ័ ក្រុមការងារកម្មវិធី ACCESS 2 លោក លោកស្រី ជាសមាជិក នៃគណៈកម្មការសម្របសម្រួលថ្នាក់ខេត្ត (PCC)និងតំណាងជនពិការ តំណាងអង្គការដៃគូអភិវឌ្ឍន៍។

លោកស្រី ង៉ោក ចរិយា នាយិការងរដ្ឋបាលបានមានប្រសាសន៍ថាកិច្ចប្រជុំក្នុងថ្ងៃនេះយើងផ្តោតទៅលើចំណុចសំខាន់មួយចំនួនដូចជា:

១. ពិនិត្យមើលកំណត់ហេតុកិច្ចប្រជុំលើកមុន ដើម្បីពិនិត្យថាតើអនុសាសន៍/សំណូមពរនានា ត្រូវបានអនុវត្តដែរឬទេ ។

២. វឌ្ឍនភាពការងារ ៦ ខែ៖ សមិទ្ធផលសំខាន់ៗដែលសម្រេចបានចន្លោះពីខែមករា ដល់ខែមិថុនា ឆ្នាំ២០២៦ លើការឆ្លើយតបនឹងអំពើហិង្សាពាក់ព័ន្ធនឹងយេនឌ័រ បរិយាបន្នពិការភាព និងការងារវិមជ្ឈការ។

៣. បទបង្ហាញ និងការអនុម័តលើផែនការសកម្មភាពរួមប្រចាំឆ្នាំ ២០២៦-២៧ សម្រាប់ខេត្តកំពង់ចាម។

៤. ទិសដៅបន្ត៖ ជម្រាបជូន និងពិភាក្សាលើអទិភាពសំខាន់ៗសម្រាប់រយៈពេល៦ខែខាងមុខ។