ការទទួលយកសេវាដល់គេហដ្ឋាន ឬទីតាំងអាជីវកម្មដោយផ្ទាល់ កាន់តែទទួលបានការពេញចិត្តពីអ្នកស្នើសុំសេវា និងមានការកើនឡើងជារៀងរាល់ថ្ងៃ។ សូមថ្លែងអំណរគុណដល់ពុក ម៉ែ បងប្អូន ដែលជឿជាក់លើការផ្ដល់សេវារបស់អង្គភាពច្រកចេញចូលតែមួយខេត្តកំពង់ចាម ក្រោមការយកចិត្តទុកដាក់ខ្ពស់ពីឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។

#អង្គភាពច្រកចេញចូលតែមួយ

ក្រុមការងារគណៈកម្មាធិការសិទ្ធិមនុស្សកម្ពុជា បានចុះ​ពិនិត្យស្ថានភាពសិទ្ធិមនុស្ស នៅ​ ពន្ធនាគារខេត្តកំពង់ចាម

ដោយមានការយកចិត្តទុកដាក់ខ្ពស់ពីឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា (គ.ស.ម.ក ) នៅព្រឹក​ថ្ងៃទី១៨ខែ សីហា ឆ្នាំ២០២៦ បានចាត់ ឯកឧត្តម លី សុខា​ភិ​រម្យ សមាជិក គ.ស.ម.ក ដឹកនាំក្រុមការងារចុះពិនិត្យស្ថានភាពសិទ្ធិមនុស្សនៅ​ពន្ធនាគារខេត្តកំពង់ចាម ដោយមានការទទួលបដិសណ្ឋារកិច្ចដ៏កក់ក្តៅពីសំណាក់លោក ឧត្តមអគារនុរក្សថ្នាក់លេខ២ ហ៊ុន ខី ប្រធានពន្ធនាគារខេត្តកំពង់ចាម។

ក្នុងឱកាសនោះក្រុមការងារបាននាំយកថ្នាំពេទ្យ ដែលជាអំណោយដ៏​ថ្លៃថ្លារបស់ ឯកឧត្តម កែវ រ៉េមី ទេសរដ្មមន្រ្តី ទុកជូនពន្ធនាគារខេត្តកំពង់ចាមសំរាប់ប្រើប្រាស់ផងដែរ៕

សុខទុក្ខរបស់មន្ត្រី ជាសុខទុក្ខរបស់ថ្នាក់ដឹកនាំ

នៅរសៀលថ្ងៃទី១៨ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានចាត់លោក ស្រី ង៉ោក ចរិយា នាយិការរងរដ្ឋបាលសាលាខេត្ត និងលោក ជា ភារ៉ា នាយកទីចាត់ការហិរញ្ញវត្ថុសាលាខេត្ត និងសហការី ចុះសួរសុខទុក្ខ និងនាំយកថវិកា និងកន្ត្រកផ្លែឈើ អំណោយដ៏ថ្លៃថ្លារបស់ឯកឧត្តម អ៊ុន ចាន់ដា អភិបាលខេត្តកំពង់ចាម និងលោកជំទាវ ទៅផ្តល់ជូន លោក ឈាង ប៊ុនហ៊ាង មន្ត្រីជាប់កិច្ចសន្យា នៃទីចាត់ការហិរញ្ញវត្ថុខេត្ត ដែលកំពុងសម្រាកព្យាបាលជំងឺនៅមន្ទីរពេទ្យកាល់ម៉ែត រាជធានីភ្នំពេញ។

អង្គការស៊ីប៉ាចុះសិក្សាដើម្បីជ្រើសរើសពន្ធនាគារគោលដៅបន្ថែមសម្រាប់អនុវត្តគម្រោងមណ្ឌលអប់រំពហុមេឌា នៅពន្ធនាគារខេត្តកំពង់ចាម

កំពង់ចាម ៖ លោក ឧត្តមអគ្គានុរក្សថ្នាក់លេខ២ ហ៊ុន ខី ប្រធានពន្ធនាគារខេត្តកំពង់ចាម បានទទួលស្វាគមន៍ លោក ជួម ចន្ថា ប្រធានកម្មវិធីស៊ីប៉ា(Sipar) ចុះសិក្សាដើម្បីជ្រើសរើសពន្ធនាគារគោលដៅបន្ថែមសម្រាប់គម្រោង មណ្ឌលអប់រំពហុមេឌា ដំណាក់កាលទី២ ជាដំណាក់កាល នវានុវត្តន៍ និងគោលនយោបាយសាធារណៈ នៅពន្ធនាគារខេត្តកំពង់ចាម ដោយមានការអញ្ជើញចូលរួមសម្របសម្រួល លោកវរអគ្គានុរក្សថ្នាក់លេខ១ ប៊ុត ថារិន្ទ អនុប្រធាននាយកដ្ឋានអប់រំកែប្រែ និងស្ដារនីតិសម្បទា នៃនាយកដ្ឋានអប់រំកែប្រែ និងស្ដារនីតិសម្បទា និងសហការីអង្គការ(Sipar) លោកស្រី ថ្នាក់ដឹកនាំ និងផ្នែកជំនាញពាក់ព័ន្ធ នៃពន្ធនាគារខេត្តកំពង់ចាម។

ថ្ងៃទី១៨ ខែសីហា ឆ្នាំ២០២៦ នៅពន្ធនាគារខេត្តកំពង់ចាម

រូបភាព ៖ ពន្ធនាគារខេត្តកំពង់ចាម