នៅព្រឹកថ្ងៃអាទិត្យ ថ្ងៃទី១៦ ខែសីហា ឆ្នាំ ២០២៦ លោក ម៉ាហូឌី ប្រធានមន្ទីររៀបចំដែនដីនគរូបនិយកម្មសំណង់ និងសុរិយោដីខេត្ត និងជាប្រធានក្រុមការងាររាជរដ្ឋាភិបាល ចុះមូលដ្ឋាន សង្កាត់បឹងកុក និងលោក ខ្ចង អូន ចៅសង្កាត់បឹងកុក និងក្រុមការងារ បានដឹកនាំក្រុមការងារ យកគ្រឿងឧបភោគបរិភោគ, និងទៀនចំណាំព្រះវស្សា សូឡាចំនួនបីឈុតរួមជាមួយបង្គោល និងបច្ច័យចំនួន ១,៨៦០,០០០រៀល ប្រគេន ដល់ព្រះសង្ឃ គង់នៅវត្ត សុទស្សនារាម (ជ្រោយថ្ម) និងវត្តជោតនារាម(បឹងកុក) និងធ្វើចង្ហាន់ប្រគេនដល់ព្រះសង្ឃគង់នៅវត្តបឹងកុកចំនួន ១២៥ អង្គ ។
សរុបចំណាយអស់ចំនួន ៧,៥៨៤,០០០រៀល

ព្រឹកថ្ងៃចន្ទ ៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែសីហា ឆ្នាំ២០២៦ វេលាម៉ោង៧:០០នាទី

មន្ត្រីសាលាខេត្តកំពង់ចាម បានបំពេញកាតព្វកិច្ច ចូលរួមគោរពទង់ជាតិ នៃព្រះរាជាណាចក្រកម្ពុជា🙏🇰🇭

អភិបាលខេត្តកំពង់ចាម អញ្ជើញដឹកនាំកិច្ចប្រជុំពិនិត្យ និងឆ្លងលើសំណើសុំវិនិយោគ គម្រោង វារីវប្បកម្ម ក្នុងឃុំព្រែករំដេង ស្រុកស្រីសន្ធរ

(កំពង់ចាម)៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំអនុគណៈកម្មការវិនិយោគខេត្ត ដើម្បីពិនិត្យ ពិភាក្សាលើសំណើសុំវិនិយោគ គម្រោងអភិវឌ្ឍន៍ វារីវប្បកម្ម ស្ថិតក្នុងឃុំព្រែករំដេង ស្រុកស្រីសន្ធរ។ កិច្ចប្រជុំបានប្រព្រឹត្តទៅនៅសាលាខេត្តកំពង់ចាម ដោយមានការចូលរួមពី អភិបាលរងខេត្ត នាយក នាយករងរដ្ឋបាលសាលាខេត្ត ថ្នាក់ដឹកនាំមន្ទីរ-អង្គភាពជំនាញ អាជ្ញាធរមូលដ្ឋាន និងមន្ត្រីពាក់ព័ន្ធមួយចំនួន នៅសាលប្រជុំសាលាខេត្ត នាព្រឹកថ្ងៃទី១៧ ខែសីហា ឆ្នាំ២០២៦។