នៅថ្ងៃទី១៤​ ខែសីហា​ ឆ្នាំ២០២៦​ លោក​ លី​ សុវណ្ណ​ អភិបាលនៃគណៈអភិបាលក្រុងកំពង់ចាម​ បានដឹកនាំក្រុមការងារក្រុង និងចៅសង្កាត់កំពង់ចាម ចូលរួមអមដំណេីរលោកជំទាវ​ អុឹម​ សុីថែ​ រដ្ឋលេខាធិការក្រសួងកិច្ចការនារី​ និងអនុប្រធានក្រុមការងាររាជរដ្ឋាភិបាលចុះមូលដ្ឋានក្រុងកំពង់ចាម​ អញ្ជេីញចុះពិនិត្យស្ថានភាពនៃការបាក់ស្រុតច្រាំងទន្លេ​ នៅសង្កាត់កំពង់ចាម​ ក្រុងកំពង់ចាម​ ខេត្តកំពង់ចាម។

នៅថ្ងៃទី១៥​ ខែសីហា​ ឆ្នាំ​២០២៦​ លោក សុខ លឹមហៀង ប្រធានក្រុមការងារចុះជួយមូលដ្ឋានឃុំពាមកោះស្នា ដឹកនាំក្រុមការងារ ចុះសួរសុខទុក្ខបងប្អូនប្រជាពលរដ្ឋនៅតាមខ្នងផ្ទះ ដោយនាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានិត អនុប្រធានក្រុមការងារថ្នាក់ជាតិចុះជួយខេត្តកំពង់ចាម និងជាប្រធានក្រុមការងារចុះជួយស្រុកស្ទឹងត្រង់ ជូនប្រជាពលរដ្ឋដែលមានជីវភាពខ្វះខាត និងជួបការលំបាកចំនួន ១៨គ្រួសារ ដែលរស់នៅក្នុងឃុំពាមកោះស្នា ស្រុកស្ទឹងត្រង់។

អំណោយរបស់ឯកឧត្ដម ហ៊ុន ម៉ានិត ដែលត្រូវផ្តល់ជូនប្រជាពលរដ្ឋចំនួន ១៨គ្រួសារ រួមមាន៖ អង្ករ ២០គីឡូក្រាម,ត្រីខមួយយួរ,ទឹកត្រីមួយយួរ,ទឹកស៊ីអ៊ីវមួយយួរ,មីមួយកេស សរុបថវិកា ចំនួន ១,៦០២,០០០រៀល។ ដោយឡែកប្រធានក្រុមការងារបានឧបត្ថម្ភថវិកា ១៨ គ្រួសារ ក្នុងគ្រួសារថវិកា ៥០,០០០រៀល ខណៈនេះដែរ លោកប្រធានក្រុមការងារបានចុះសួសុខទុក្ខ ចាស់ជរា (ដែលរស់នៅភូមិកោះកណ្ដាល ភូមិព្រែកសង្កែកើត ភូមិពាមក្នុង) បានឧបត្ថម្ភថវិកាចំនួន ៨០០,០០០រៀល ព្រមទាំងឧបត្ថម្ភសមាជិកក្រុមប្រឹក្សាឃុំ មេភូមិ អនុភូមិ ថវិកាចំនួន ៥៧០,០០០ រៀល៕