ឯកឧត្តម ហែម សុវត្ថិ ជូនពរដល់សិស្សនៃវិទ្យាល័យកោះសូទិនទាំងអស់ដែលត្រៀម ប្រឡងបាក់ឌុប ឆ្នាំ២០២៦ សុំឲ្យទទួលបាននិទ្ទេសល្អគ្រប់ៗគ្នា

កំពង់ចាម៖ ឯកឧត្តម ហែម សុវត្ថិ ប្រធានក្រុមការងារចុះមូលដ្ឋានឃុំកោះសូទិន ស្រុកកោះសូទិន បានជូនពរ និងលើកទឹកចិត្តដល់សិស្សានុសិស្សនៃវិទ្យាល័យកោះសូទិន ដែលត្រៀមលក្ខណៈប្រឡងបាក់ឌុបឆ្នាំសិក្សា ២០២៦ ខាងមុខនេះ សុំឲ្យទទួលបានចំណាត់ថ្នាក់ល្អគ្រប់ៗគ្នា ជាពិសេសបើបាននិទ្ទេស (A) ឯកឧត្តម នឹងផ្តល់ជូនក្នុងសិស្សម្នាក់ៗទទួលបានម៉ូតូចំនួនមួយគ្រឿង។

ឯកឧត្តម បានប្រសាសន៍បែបនេះ ក្នុងពិធីជួបសំណេះសំណាល និងសួរសុខទុក្ខ ជាមួយសិស្សនៃវិទ្យាល័យកោះសូទិន ដែលក្នុងពិធីនេះ ក៏មានការចូលរួមពី ប្រធានក្រុមការងារចុះជួយតាមភូមិនៃឃុំកោះសូទិន មេឃុំកោះសូទិន លោក នាយកសាលាវិទ្យាល័យកោះសូទិន លោកគ្រូ អ្នកគ្រូ និងសិស្សត្រៀមប្រឡងបាក់ឌុបប្រមាណ៨០ នាក់។

ក្នុងឱកាសនោះ ឯកឧត្តម ហែម សុវត្ថិ បានស្នើដល់សិស្សដែលត្រៀមប្រឡងបាក់ឌុបនាពេលខាងមុខនេះ សុំរៀនប្រមូលផ្តុំគ្នាជាក្រុម ព្រោះកាលណាយើងរៀនលក្ខណៈជាក្រុមងាយស្រួលជួយបង្រៀនគ្នាទៅវិញទៅមក អ្នកចេះបង្រៀនអ្នកមិនសូវចេះ ហើយសិស្សម្នាក់ៗ ក៏អាចបញ្ចេញសមត្ថភាព បានដឹងពីចន្លោះខ្វះខាតរបស់ខ្លួន ជាពិសេស នៅពេលមិនយល់ត្រង់ចំណុចណាមួយ សុំទៅសួរលោកគ្រូ អ្នកគ្រូ បន្ថែម ដើម្បីឲ្យលោកគ្រូ អ្នកគ្រូ ជួយកែតម្រូវ ជួយពន្យាល់បន្ថែម។

ជាមួយគ្នានោះ ឯកឧត្តម ក៏បានជូនពរដល់សិស្សត្រៀមប្រឡងបាក់ឌុប នៅថ្ងៃ១០ សីហា ឆ្នាំ២០២៦ខាងមុខនេះ សុំឲ្យប្រឡងជាប់ទាំងអស់គ្នា បើបាននិទ្ទេស A ច្រើននាក់បន្ថែមទៀត កាន់តែល្អ ដែលឯកឧត្តម នឹងមានរង្វាន់ម៉ូតូមួយគ្រឿងជូនដល់អ្នកដណ្តើមបានជ័យជម្នះនិទ្ទេស A។ ឯកឧត្តម បានក្រើនរំលឹកដល់សិស្សទាំងអស់ ត្រូវបរិភោគអាហារមានការប្រុងប្រយ័ត្នខ្ពស់ បរិភោគស្អាត ផឹកស្អាត រស់នៅស្អាត ដើម្បីការពាខ្លួនឯងកុំឲ្យមានជម្ងឺឈឺស្កាត់ផ្សេងៗក្នុងថ្ងៃប្រឡងបាក់ឌុបឲ្យសោះ។

ឯកឧត្តម អ៊ុន ចាន់ដា សមាជិកគណៈកម្មាធិការកណ្តាល ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ចាម អញ្ជើញដឹកនាំកិច្ចប្រជុំគណបក្សខេត្ត​ ជាមួយថ្នាក់ដឹកនាំគណបក្សស្រុកស្រីសន្ធរ​ និងស្រុកកំពង់សៀម ស្ថិតនៅមន្ទីរបក្សខេត្ត នាថ្ងៃអាទិត្យទី១៩ ខែកក្កដា ឆ្នាំ២០២៦ ដោយមានការអញ្ជើញចូលរួមពី ឯកឧត្តម ខ្លូត ផន អនុប្រធានគណៈកម្មាធិការបក្សខេត្ត, គណៈអចិន្ត្រៃយ៍បក្សខេត្តប្រធាន និងប្រធាន អនុប្រធានគណៈកម្មាធិការបក្សស្រុកកំពង់ស្វាយ-ស្រីសន្ធរ។

​

នៅថ្ងៃទី១៨ ខែកក្កដា ឆ្នាំ២០២៦ លោកជំទាវ ញូង ចរិយា អ៊ុន ចាន់ដា ប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តកំពង់ចាម ព្រមទាំងសមាជិកាសាខា និងលោកជំទាវ ស្រ៊ុន ណាង លន់ លឹមថៃ បានអញ្ជើញចូលរួមក្នុង «ពិធីបញ្ចុះបឋមសិលាសាងសង់ប្រាសាទ សិម្ពលិមហាឬស្សី ព្រៃវត្តចាស់»។

ពិធីនេះប្រារព្ធឡើងក្នុងស្មារតីជ្រះថ្លា ដើម្បីរួមចំណែកលើកកម្ពស់វិស័យព្រះពុទ្ធសាសនា ក៏ដូចជាការថែរក្សា និងកសាងសមិទ្ធផលនានាក្នុងវត្តអារាម ដែលជាទីសក្ការៈបូជារបស់ពុទ្ធបរិស័ទ។