នាថ្ងៃទី១៥ ខែកក្កដា ឆ្នាំ២០២៦
ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញជាគណៈអធិបតីក្នុងកិច្ចប្រជុំពិភាក្សា និងសម្របសម្រួលបំពេញស្ថិតិកង់បី ឬរ៉ឺម៉ក ដែលបានចុះ និងមិនទាន់ចុះក្នុងសេដ្ឋកិច្ចក្រៅប្រព័ន្ធតាមបណ្ដាលក្រុង ស្រុក ដើម្បីអនុវត្តអន្តរាគមន៍គាំពារសង្គម ដែលរងផលប៉ះពាល់អំឡុងមានសម្ពាធទៅការកើតឡើងថ្លៃប្រេង និងឧស្ម័នឥន្ធនៈ ក្រោមអធិបតីភាពឯកឧត្តម ទុយ ស៊ីនណា រដ្ឋលេខាធិការក្រសួងផែនការ ។
កិច្ចប្រជុំធ្វើនៅសាលប្រជុំ(ផអ៣) សាលាខេត្តកំពង់ចាម ដោយមានការអញ្ជើញចូលរួមពី លោក អគ្គនាយករង នៃអគ្គនាយកដ្ឋានផែនការ , លោក អនុប្រធាននាយកដ្ឋាន, លោក ប្រធានមន្ទីរសាធារណការ និងដឹកជញ្ជូនខេត្ត, លោក ប្រធានមន្ទីរផែនការខេត្ត, តំណាងរដ្ឋបាលក្រុង ស្រុក និងមន្ត្រីជំនាញពាក់ព័ន្ធផងដែរ។