نه قدر عشقیمیز ای گول بئله پنهان اولاجاق


آذربایجان موغام موسیقی سینین رهبری
پروفسور عاریف بابائف دونیایا گؤز یومدو روحو شاد یولو داواملی 💐💐💐


@kovrekali

" بیزه نئیله سین ؟ "



من نه چاره قیلیم قارا بختیمه
زَهَرلی ایچگییه مـزه نئیله سین؟
سورمه گؤزللیگی بیر آز آرتیرار
آمما دای ڪور اولان گؤزه نئیله سین

فلڪ اوخون آتیر، الینده یای یوخ
فلڪین آتدیغی اوخلارا سای یوخ
بو گؤزدن او گؤزه هئچ بیر هارای یوخ
ایندی اؤزگه گلیب بیزه نئیله سین؟

حسرت چڪدیگیمیز گؤر نئچه ایلدیر
ڪاش بیر ایل اولایدی، دییه یدم بیلدیر
گؤزومون یاشلاری چوخ دئمه لیلدیر
سو گؤزه دن لیلدیر،ڪوزه نئیله سین؟

نادرم بیر سینه قیزیل تڪ ڪؤزله
یوللاری گؤزله دیم نیگران گؤزله
سیز دئیین، بو یازیق بیر قوری سؤزله
اَیرییه نئیله سین ، دوزه نئیله سین ؟

استاد نادر الهی


@kovrekali

سس : استاد افشین صفی زاده

شعر : علی طالبی قایاباشی

@kovrekali

یانیق کرمی

ایلاهی بیر عئشقین زومزومه سیدیر
جانلی بیر داستاندیر یانیق کرمی
یانان بیر اوره یین دؤیونتوسودور ،
بوتون هیجاندیر یانیق کرمی

اودلو محبتدن حئکایت ائیلر،
اینصافسیز کشیشدن شیکایت ائیلر،
هر نه حؤکم ائدرسه عدالت ائیلر،
اؤزو حاق دیواندیر یانیق کرمی.

حقیقتین اؤز سسیله اویانان،
خان کرمین نفسیله بویانان،
حاقسیزلیغین قارشیسیندا دایانان،
ابدی عوصیاندیر یانیق کرمی.

عشقین آتشیندن باغری سؤکولن،
آرزوسو ،ایسته یی کوله بوکولن،
تئل-تئل اولوب تئللر اوسته تؤکولن،
سؤنمز اصلی خاندیر یانیق کرمی .

دوز ایشلری ترسه قانان کشیشین،
حاققین دئدیییندن دؤنن کشیشین،
عهد ی ایلقارینی دانان کشیشین ،
قتلینه فرماندیر یانیق کرمی .

سئونلرین اوره یی دیر سیزلاییر،
یئرین ،گؤیون مله یی دیر سیزلاییر،
پیر له له نین هارایی دیر سیزلاییر،
سوچسوز آخان قاندیر یانیق کرمی.


همی غمدیر،همی دمدیر بیر باشا
اودور گؤزلریمی غرق ائدیر یاشا
"قاییتماز" سازیمدا چکیلیب باشا،
ائنیلمز سولطاندیر یانیق کرمی.

حسین اتابک (قاییتماز)


@kovrekali

تورکو گؤزل لمسی

اوخویور : استاد آشیق مختار قایاباشی

شعری : علی طالبی قایاباشی

@kovrekali

ساخلایا بیلیردیم واختی  ساعاتی
یاشایا بیلیردیم عؤمرو  حیاتی
شیرین بیر اوخشاما  کؤورک بایاتی
بوتون عؤمروم بویو اونوتمادیغیم
واختین اللریمه کئچدییی چم وار
منیم بو کؤلگه ده بیر خاطیره م وار


باشیمین اوستونده بارلی بیر بوداق
بوداغین آلتیندا اودلو بیر دوداق
ایللردی آغلاییر اوردا بیر بولاق
یارپاقلار اوستونده هله ده نم وار
منیم بو کؤلگه ده بیر خاطیره م وار


اوز کؤزه دؤنموشدو  یاناقلار زره
آرخادا اوچوروم  قارشیدا دره
هر اینسان عؤمرونون خاطیره لره
یئتدییی مقام وار چاتدیغی دم وار
منیم بو کؤلگه ده بیر خاطیره م وار

 
بورونوب غرق اولوب یاشیل توللره
نغمه تک آخاردی صاف کؤنوللره
حئییف تئز قاریشدی سولان گوللره
ایندی اوزاقلاردا بیر بختی کم وار
منیم بو کؤلگه ده بیر خاطیره م وار


توتور بیلدییینی یاردان خالیق
ائله بیل دریادان آیریلیر بالیق
یاش کدر گتیریر  زامان قوجالیق
گؤزومده حسرت وار  کؤنلومده نم وار
منیم بو کؤلگه ده بیر خاطیره م وار

 
زلیمخان یعقوب


@kovrekali

بعضا آغلاماق دا اولمور،
گۆلور، درددن گۆلور آدام.
سؤکولور-تؤکولور، آمّا،
ایچری تؤکولور آدام.

اولور بیر یییه‌سیز یییه،
«گؤزوم-گیله‌م!» دئیه-دئیه،
گؤزدن دۆشور، دئمیر «نییه؟»
بیلدییینی بیلیر آدام.

چوخ سوسومور، چوخ آجیخمیر.
«اؤلوم» سؤزو جانین سیخمیر.
آدام اؤلوب یاددان چیخمیر،
یاددان چیخیر، اؤلور آدام...



نادر الهی




Bəzən ağlamaq da olmur,
Gülür, dərddən gülür adam.
Sökülür, tökülür amma,
İçəri tökülür adam.

Olur bir yiyəsiz yiyə,
Gözüm giləm deyə-deyə.
Gözdən düşür demir niyə,
Bildiyini bilir adam.

Çox susumur, çox acıxmır,
Ölüm sözü canın sıxmır.
Adam ölüb yaddan çıxmır,
Yaddan çıxır ölür adam...


Nadir ilahi

@kovrekali

من بو تانیشلیغا یئنه‌ده شادام

سن منی هئچ زامان باشا دوشمه‌دین
بیلمه‌دین من سنه دوغمایام، یادام
بیر دفعه‌ دریندن فیکیرلشمه‌دین
من‌دن نه ایسته‌ییر آخی بو آدام؟

ایللردیر تانیشسان منه ائله بیل
سنه بو تانیشلیق آساندان آسان
آدینی سؤیله‌مک تقدیمات دییل
سن اؤزون-اؤزونو تانیمامیسان

بلکه ده بو آددیم چوخ تئزدیر هله
گل سنه اؤزونو تانیدیم بیر آز
گئجه ده، گوندوز ده دانیشسام بئله
قورخورام کلمه‌لر یئترلی اولماز...


خزر سلیمانلی

@kovrekali

نییه گلمیسن؟

سولدوروب باغینی، تؤکوب بارینی،
داها شوخدان سالیب یارپاقلارینی،
سولدوروب او‌ چیراق یاناقلارینی،
قیش اولوب، اوستومه نییه گلمیسن؟

سن آدلی او خانیم-خاتینی منه،
وئرمه‌دین اؤز شاهلیق تاختینی منه.
قییمادین گول-چیچک واختینی منه،
قیش اولوب اوستومه نییه گلمیسن؟

منی حسرت قویان ایلک بهَرینه،
ایندی گلیب منی یادا سالیب‌می؟!
گؤزونون آلووو اؤزگه‌لرینه،
ساچینین قیرووو منه قالیب‌می؟
قیش اولوب اوستومه نییه گلمیسن؟

گؤزل‌لیک- نئیله‌دین او بخشیشینی،
گلمیسن، بس کیمه بخش ائتدین اونو؟
نه بیلدین طالعین گؤندریشینی-
قایتارا بیلمیرم، نه بیلدین بونو؟

نه بیلدین من بیر آز اوره‌یی کؤورک،
قادین باخیشیندا موطیعم، لالام؟
نه بیلدین او حسرت منی اَیه‌جک،
نه بیلدین سنینچون کئچیلمیش یولام؟
قیش اولوب اوستومه نییه گلمیسن؟
آغلایان حیرصیمی سویوتماغامی،
اینجیک اوره‌ییمی اویوتماغامی؟

تکبّورلو خانیم، آ نازلی خانیم،
یوخ، یوخ یالواریشی ساخلا، سن آللاه!
بو یازیق باخیشی ساخلا، سن آللاه!
دی یاخشی، بو دیلی، بو فندی ساخلا!
دیلینین آلتیندا او قندی ساخلا!
گوجون وار- کئچنی قایتار، سوراقلا!
قیش اولوب اوستومه نییه گلمیسن؟

نه دئدین؟!... آه، بو نه یانیقلی سؤزدو!
بیر دایان، گؤزونده بو نه توران‌دی؟
آه، منیم اوره‌ییم نه ایکی‌اوزلو،
ووقاریمی نئجه یئره ووران‌دی!
باجارا بیلمه‌دیم اؤزومله، حئییف!
قیش اولوب اوستومه نییه گلمیسن؟

موسی یعقوب

@kovrekali

منه یۆز ایل عومور آرزولامایین,
پاییز یاپراغی تک قووماسین کۆلک,
گؤزلریم گؤرسه‌ده, آیاغیم, الیم,
عصالیق اولاندا دایانسین اۆرک

منه " یۆز ایل یاشا" دئمه‌سین دوستلار,
گۆلوشوم, یئریشیم, سسیم ایتمه‌سین.
مندن جوان اولان, گمراه اولانلار,
چینیمده دنیادان کؤچوب گئتمه‌سین.

منه یۆز ایل عومور آرزولامایین;
بوقدر یاشایان هانسی چیچک دیر؟
من یاشدا قالمیرسا تای- توشون تایین;
قوردلا قیامته قالماق دئمکدیر.

منه ائله عومور آرزولایین کی,
اؤلونجه عمان تک چاغلایا بیلیم.
قاپی- پنجره‌نی اؤز ائویمده کی
اؤزوم آچا بیلیم, باغلایا بیلیم.

ساغلیقلار دئینده هردن شأنیمه-
نه اؤزوم کؤوره‌لیم, نه سیزه گۆلوم.
تانریدان بیر عومور دیله‌یین منه,
هر وقت سئوه بیلیم, سئویله بیلیم.


تانریدان بیر عومور دیله یین منه
طالعئیم سئوگی ایله باخسین اۆزومه;
گؤرسون یاد پایینا شریک دئیلم.
گرک اولمایاندا اؤزوم- اؤزومه,
دئمه‌لی, هئچ کسه گرک دئیلم!

منه یۆز ایل عومور آرزولامایین,
لیاقت, تمیز آد، آتیب گئتمه‌سین,
دنیایا قالاجاق مالی دنیانین,
کاروانیم لعنته باتیب گئتمه‌سین!
منه یۆز ایل عمر آرزولامایین...

واحید عزیز

@kovrekali

شعر واحید عزیز

سس علی طالبی قایاباشی

@kovrekali

دینجه لیم


آل بو کیرپیت ، بو نویوت ، بومن ، تئز اول چک دینجه لیم
یول گولو گورـ گولدانیمدان ، طئی تیکان اَک دینجه لیم

هایدی -هویدو ، سؤزدو داینان ، یای گلیر ، بایرام گلیر
وئر گئییم چکمه ، پاپاق ، بارماق سیز اَلجک ، دینجه لیم

جنگیدن گلمیش اسیرم ، اللریم بوینومدادی
بیر ماجال مندن دانیشما، چیخ گئت اَل چک دینجه لیم

هر نقد آلدیق توزون ، بو ائو تمیزلیک بیلمه دی
قوی بو جور ـ جونجوکده تور قورسون هورومچک دینجه لیم

بئینیمی ایل لردی توتموشسان نیشانه ، بسدی دای
سوخویا قالمیش توفنگین ماشه سین چک، دینجه لیم


رقیه مسیحا

@kovrekali

ساچلارین داغیلیب تامام
یایلیغینی یئل آپاریر
قاچیرام توتا بیلمیرم
قویما منی تَر آپاریر

یویوندوم ترده یویوندوم
آخیر یورولدوم اوتوردوم
قاییتدیم گوردوم تویوندور
گوردوم سنی اَر آپاریر


ساچینا گوللرتاخیرسان
اووجونا خینا یاخیرسان
سن اوردا گویه باخیرسان
بوردا منی یئر آپاریر

رامیز روشن

@kovrekali

الیمدن توتانی هئچ گؤرمه دیم من
آیاغیمدان چَڪن اَله باخ اَله
دریندن دردیمی دویان تاپمادیم
آشڪاردا وایسینان دیله باخ دیله


حالیما گؤزلری دولمایان ڪیمسه
دردیمدن سارالیب سولمایان ڪیمسه
دیری ڪن حِسابا آلمایان ڪیمسه
قبریمه تؤڪدوغو گوله باخ گول


اَل لَریم اَل لَردن اوزولن زامان
ائللر نامازیما دوزولن زامان
علی مزار داشا یازیلان زامان
گؤزلردن تؤڪولن سئله باخ سئله


علی طالبی قایاباشی



əlimdən tutani heç görmə dim mən
ayağımdan çəkən ələ bax ələ
dərindən dərdimi düyan tapmadım
aşkarda vaysınan dilə bax dilə


halıma gözəlri dolmayan kimsə
dərdimdən saralib solmayan kimsə
diri kən hesaba almayan kimsə
qəbrimə tökdüğü gülə bax güəl

əl lərim əl lərdən üzülən zaman
ellər namazıma düzülən zaman
" əli " məzar daşa yazilan zaman
gözəlrdən tökülən selə bax selə


əli talebi qayabaşı


@kovrekali

منسیز یاغلی تیکه یئمه سنده سن
آغرینی آجینی دئمه سنده سن
یانیندا اوتانجاق یاشاییرام من
نئجه داواملی سان آزا ،بیلمیرم
من سنی شئعریمه یازا بیلمیرم

شئعره قیز یازارلار گلین یازارلار
گیزلندیم تاپماغا گلین ، یازار لار
شئعره گوزل لرین خالین یازارلار
ساختا کلمه لری دوزه بیلمیرم
من سنی شئعریمه یازا بیلمیرم


گاه دان‌‌ ایلان کیمی چالان دیر شئعیر
قالمالی دیر شئعیر قالان دیر شئعیر
بلکه ده باشا باش یالان دیر شئعیر
دای دوزو أیری دن سئزه بیلمیرم
من سنی شئعریمه یازا بیلمیرم


قارشیدان خوش گلن صاباح کیمی سن
دونیاما حوکم ائدن بیر شاه کیمی سن
سن منیم‌ گوزومده آللاه کیمی سن
داها بوندان اوجا یوزا بیلمیرم
من سنی شعریمه یازا بیلمیرم

بلکه ده آغیل دان آزمیشام آنا
بلکه ده من اوزگه بازمیشام‌ آنا
سنی اوره ییمه یازمیشام آنا
سیلگی سیز یازینی پوزا بیلمیرم
من سنی شئعریمه یازا بیلمیرم

علی طالبی قایاباشی


@kovrekali

کیم آغلاییر فاغیر-فاغیر
ائله بیل بو یاغیش دئییل
قارا گوندو بئله یاغیر
بو قار دئییل بو قیش دئییل


گئجه نین اویاق سسیدی
اؤلومون آیاق سسیدی
آجی آغلاماق سسیدی
شیرین-شیرین گولوش دئییل


زنجیر اتین کسه-کسه
بیر باخ بو دیدرگین سسه
شاعیردی دلیدی نسه!
آزاد اوخویان قوش دئییل


دوغرو آغلار،  یالان گولر
بو نغمه دن اود تؤکولر
سیز خوش اولون آی اؤلولر
بیزیم کئفیمیز خوش دئییل


نادر الهی

@kovrekali

یاس گؤرونور




بو کۆچه‌ده کیم اؤلوبدور

بئله آغیر یاس گؤرونور

بو کۆچه‌یله خِئییر-شرم

بوردا نئچه دوس * گؤرونور




قاپیلاری اولوب سَمه

بللی‌دیر باتیب سیتمه

آی دوداغیم گۆلومسه مه

سوس آماندی سوس، گؤرونور



مات - معطل دایانمیشام

حِیرت ایچره بویانمیشام

یاسامی من یوبانمیشام

هامی منله کۆس گؤرونور



کۆچه خسته، کۆچه مریض

بو کۆچه‌نین یئرین سریز *

گؤزلریمده گئن کۆچه‌میز

داریسقال قَفس گؤرونور




اؤلوم ایله اوْلوبدو تَن

بیلینمیرده نییه نه‌ دَن

بئله گئتسه عُمروموزدَن

بیر ایکی نفس گؤرونور




*-دوست

*- سرین-سرمک


علی طالبی قایاباشی


@kovrekali

تکجه سس‌دیر قالاجاق و باخیشلارین ایزلری

ساغدان سولا: ولی بهبودی، ستار گول‌محمدی و علی طالبی قایاباشی
[جانانلی(ستار گول‌محمدی‌نین ائوی) - ۱۴۰۳۰۶۱۶]

#علی_طالبی_قایاباشی
#ولی_بهبودی
#دوغوم_گونو
#ستار_گول_محمدی
@settargulmehemmedi

سئوه‌جه‌یم من سنی...
شاعیر: ستار گول‌محمدی
دیکلمه: علی طالبی قایاباشی

#سئوه‌جه‌یم_من_سنی...
#علی_طالبی_قایاباشی
#دیکلمه
#دوغوم_گونو
#ستار_گول_محمدی
@settargulmehemmedi

آذربایجانین قوجامان و اوجالان شاعیری ستار گل محمدی نی دوغوم گونو مناسب ایله تبریک ائدیب و اوستادیمیزا اوزون عؤمور و جان ساغلیقی آرزولاییرام