ဒီဇာတ်ကားလေးကတော့ အခုမှ ပူပူနွေးနွေးထွက်ရှိထားတဲ့ သဘာဝကပ်ဘေးအန္တရာယ်နဲ့ ပါလာတဲ့ ငါးမန်းရန်ကို အသက်လုစွန့်စားရတဲ့အကြောင်းကို ဇာတ်အိမ်တည်ရိုက်ကူးထားတဲ့ ဇာတ်ကားလေးပဲဖြစ်ပါတယ်။

ဇာတ်လမ်းအကျဉ်းကတော့ အန်နီဗေးလ်မြို့ငယ်လေးမှာ မိုးလေဝသဌာနက ဟင်နရီလို့ အမည်ရတဲ့ ဟာရီကိန်းမုန်တိုင်းတစ်ခုဟာ အန္တရာယ်သတ်မှတ်ချက် (၂) အဆင့်နဲ့ ဝင်ရောက်လာမှာဖြစ်ကြောင်း ထုတ်ပြန်ထားခဲ့ပါတယ်။

ဒါကြောင့် သတင်းဌာနတွေက ဒေသခံတွေကို မုန်တိုင်းဒဏ်နဲ့ ဒီရေဒဏ်က လွတ်အောင် ဘေးလွတ်ရာရှောင်တိမ်းကြဖို့ သတိပေးနှိုးဆော်ထားပေမဲ့ အဆင့် (၂) မုန်တိုင်းက သိပ်မပြင်းထန်တဲ့အတွက် ဒေသခံအများစုက မြို့ထဲမှာပဲ ဆက်နေဖို့ ဆုံးဖြတ်ခဲ့ကြပါတယ်။

ဒါပေမဲ့ ဟာရီကိန်းမုန်တိုင်းဟာ ကမ်းလွန်ပင်လယ်က နွေးထွေးတဲ့ ရေပြင်နဲ့ တွေ့ပြီးတဲ့နောက် အန္တရာယ်အဆင့် (၆) အထိ ထိုးတက်သွားပြီး ဒီရေလှိုင်းကြီးတွေနဲ့အတူ ငါးမန်းတွေပါ ပါလာခဲ့ပါတော့တယ်။ ဒီတော့ ဒီဒေသခံတွေ သဘာဝကပ်ဘေးရော ငါးမန်းအန္တရာယ်ကနေရော ဘယ်လိုစွန့်စားပြီး အသက်လုရုန်းကန်ရမလဲဆိုတာကို စိတ်လှုပ်ရှားဖွယ်ကြည့်ရှုရမှာဖြစ်ပါတယ်။

Ep- 1,2,3

ဆိုးလ်မြို့က လုပ်ငန်းကြီးတစ်ခုမှာ ဌာနမှူးအဖြစ် လုပ်ကိုင်နေတဲ့ Seong Tae Hun ( Park Sung Woong) ဟာ မမျှော်လင့်ထားတဲ့ အခြေအနေတစ်ခုကြောင့် ရုတ်တရက်ကြီး ကျေးလက်တောရွာဘက်ကို ဇနီး ၊ သား ၃ ယောက်နဲ့ အတူ ပြောင်းရွှေ့ဖို့ ဖြစ်လာခဲ့ပါတယ် မြို့ပြမှာပဲ မွေး ၊ မြို့ပြမှာပဲ ကြီးပြင်းလာကြပြီး စိုက်ပျိုးမွေးမြူရေးနဲ့ ပတ်သက်တဲ့ ဗဟုသုတလည်းမရှိ ၊ ကျေးလက်ဒေသမှာ နေဖူးတဲ့ အတွေ့အကြုံလည်း မရှိတဲ့ သူတို့မိသားစုအဖို့ အခက်အခဲပေါင်းစုံနဲ့ ကြုံတွေ့ရတဲ့အခါမှာတော့ ဆိုးလ်မြို့ကို ပြန်သွားရဖို့အတွက် ကြိုးစားရုန်းကန်ကြပါတော့တယ်

ဒီလိုနဲ့ ကျေးလက်ဒေသရဲ့ လူနေမှုဘဝနဲ့ စိမ်းသက်ပြီး နယ်ခံတွေနဲ့လည်း အဆင်မပြေ ၊ ပြဿနာပေါင်းစုံကို ရင်ဆိုင်ရင်း အချိန်ကြာလာတာနဲ့အမျှ မိသားစုရဲ့ တန်ဖိုး ၊ ဘဝရဲ့ ပျော်ရွှင်မှု အစစ်အမှန်တွေကို ဘယ်လိုရှာဖွေတွေ့ရှိသွားကြမလဲဆိုတာကို ရိုက်ကူးပုံဖော်ထားတဲ့ မိသားစုဒရမ်မာလေးကို အပတ်စဉ် ကြာသပတေးနေ့တိုင်း စောင့်မျှော်ကြည့်ရှုပေးကြပါဦးနော်

ပရိသတ်တွေ အရမ်းမျှော်လင့်နေတဲ့ IU နဲ့ Byeon Woo-seok တို့ရဲ့ series ကို 4လပိုင်း 10 ရက်နေ့မှာ ထုတ်လွှင့်သွားပါမယ်

နန်းတွင်းဇာတ်လမ်းဆိုပေမယ့် ရှေးခေတ်မဟုတ်ဘဲ Modern Era (ခေတ်သစ်ကိုရီးယား) ကို
နောက်ခံထားထားတာဖြစ်ပါတယ်
အရမ်းကို လွတ်လပ်ချင်တဲ့ မိန်းကလေးတစ်ယောက်က တင်းကြပ်လွန်းတဲ့ နန်းတွင်းစည်းမျဉ်းတွေကြားထဲ မတော်တဆရောက်သွားပြီး Prince (မင်းသားကြီး) နဲ့ လက်ထပ်လိုက်တဲ့ အချစ်ဇာတ်လမ်းလေးဖြစ်ပါတယ်

Princess Hours လိုမျိုး နန်းတွင်းအငွေ့အသက်ကိုမှ ခေတ်သစ်ဖက်ရှင်တွေ၊ Lifestyle တွေနဲ့ ဆန်းဆန်းလေး မြင်ရမှာပါ

ပုံမှန်ရှေ့နေတွေက သက်ရှိလူသားတွေရဲ့ အမှုတွေကိုပဲ လိုက်ပေးကြပေမဲ့၊ ဒီဇာတ်လမ်းမှာတော့ "သေဆုံးပြီးသူတွေရဲ့ မကျေနပ်ချက်" တွေကို တရားရုံးတော်မှာ အနိုင်ယူပေးရတာပါ။ ရှေ့နေ စင်အီရန်း က နတ်ကတော်ဟောင်းတစ်ဦးရဲ့ အိမ်မှာ ရုံးခန်းဖွင့်မိရာကနေ မမျှော်လင့်ဘဲ ဝိညာဉ်တွေကို မြင်နိုင်စွမ်း ရရှိသွားပါတယ်။ အဲဒီနောက်မှာတော့ လောကကြီးကို မခွဲခွာနိုင်သေးဘဲ မတရားခံထားရတဲ့ ဝိညာဉ် "အထူးဧည့်သည်တော်" တွေရဲ့ အမှုတွေကို လိုက်ပါကူညီပေးရင်း ရင်ခုန်စိတ်လှုပ်ရှားဖွယ် စွန့်စားခန်းတွေ စတင်လာပါတော့တယ်။

သူ့ကိုချစ်မိတဲ့အမျိုးသားတိုင်း အသတ*တ်ခံရလို့ Serial killer ဟုသံသယဝင်ခံရတဲ့ အမျိုးသမီးနဲ့ သူမကို လိုက်စုံစမ်းရင်း falls in love ဖြစ်သွားမယ့် Insurance company က စုံစမ်းရေးမှူး အမျိုးသားတို့ရဲ့ Romance ကို ခြောက်ခြားဖွယ်ကြည့်ရမှာပါ။

"What's Wrong With Secretary Kim?" သရုပ်ဆောင် Park Min Young, "Squid Game" သရုပ်ဆောင် Wi Ha Joon နဲ့ "Mr. Queen" ထဲက ဘုရင်ကြီး Kim Jung Hyun တို့ အဓိကပါဝင်ထားပါတယ်။

March 2ရက်နေ့မှာစတင်ထုတ်လွှင့်မှာဖြစ်ပြီး စုစုပေါင်း 12ပိုင်းပါဝင်မှာဖြစ်ပါတယ်။

Ep- 1,2

ဇာတ်လမ်းကတော့ Season 2 အပြီး ၃ နှစ်အကြာမှာ ဇာတ်အိမ်တည်ထားပြီး အခုဆိုရင် Yumi ဟာ နာမည်ကျော် စာရေးဆရာမတစ်ယောက် ဖြစ်နေပါပြီ။
ဒီ Season ရဲ့ စိတ်လှုပ်ရှားစရာအကောင်းဆုံးအပိုင်းကတော့ Webtoon ဖတ်သူတွေ မျှော်လင့်နေကြတဲ့ Shin Soon-rok နဲ့ တွေ့ဆုံမှုပဲ ဖြစ်ပါတယ်။ ခိုင်မာတဲ့ အလုပ်အကိုင်ရှိပေမဲ့ နှလုံးသားရေးရာမှာ ဟာလာဟင်းလင်းဖြစ်နေတဲ့ Yumi ရှေ့ကို Soon-rok ရောက်လာတဲ့အခါ သူမရဲ့ "Love Cell" လေး ပြန်လည်နိုးထလာပုံကို မြင်တွေ့ရမှာပါ။ Yumi ရဲ့ ဘဝမှာ အချစ်စစ်ကို ရှာဖွေတွေ့ရှိပြီး ကိုယ့်ကိုယ်ကိုယ် ယုံကြည်မှုအပြည့်နဲ့ ပျော်ရွှင်စရာဇာတ်သိမ်းဆီကို ဘယ်လိုလှမ်းတက်သွားမလဲဆိုတာကို အားရပါးရ ကြည့်ရှုရမယ့် ဇာတ်လမ်းပဲ ဖြစ်ပါတယ်။

စုစုပေါင်း (၈) ပိုင်းပါဝင်မှာဖြစ်ပြီး တနင်္လါနေ့တိုင်း အပိုင်းသစ် (၂) ပိုင်းစီရမှာဖြစ်ပါတယ်။

အပိုင်း ၁၀ ရပါပီ

ဒီဇာတ်လမ်းဟာ အောင်မြင်မှုရဲ့ အထွတ်အထိပ်ကို ရောက်ဖို့အတွက် ဘာမဆိုလုပ်ဝံ့တဲ့ လူသားတွေရဲ့ ပြင်းပြတဲ့ ဆန္ဒတွေကို ပုံဖော်ထားတာပါ။ ပိုစတာမှာပါတဲ့ "တက်လှမ်းနိုင်သလောက် အမြင့်ဆုံးနေရာသို့၊ တောင့်တနိုင်သလောက် အထွတ်အထိပ်သို့" ဆိုတဲ့ စာသားက ဇာတ်ကောင်တွေရဲ့ ရည်မှန်းချက်ကို ဖော်ပြထားတာပါ ။ အမှောင်ဖုံးနေတဲ့ စီးပွားရေးလောကထဲက လျှို့ဝှက်ချက်တွေ၊ သစ္စာဖောက်မှုတွေနဲ့ အကွက်ကျကျ ကစားရမယ့် အားပြိုင်မှုတွေကို ရင်ခုန်စဖွယ် မြင်တွေ့ရမှာပါ။

ဧပြီလ ၃ ရက်နေ့မှာ Netflix ကထွက်လာမှာဖြစ်ပြီး Season 1 အဖြစ်အပျက်များနဲ့ တိုက်ရိုက်ဇာတ်လမ်းဆက်သွားမှာဖြစ်ပါတယ်။

ဒုစရိုက်သမားတွေထိန်းချုပ်ထားတဲ့ မြေအောက်လက်ဝှေ့လောကကိုအကြောင်းကို အဓိက ဇာတ်အိမ်တည်ထားမှာဖြစ်ပြီး Rain အတွက်တော့ သရုပ်ဆောင်သက်တမ်း ၂၀ ကျော်အတွင်း ပထမဆုံး ဗီလိန်နေရာက သရုပ်ဆောင်တာလည်းဖြစ်ပါတယ်။

ကျောင်းမှာ လူမသိသူမသိ ပုံမှန်အတိုင်းပဲ နေတတ်တဲ့ အထက်တန်းကျောင်းသူလေး Yeo Eui Ju မှာ လျှို့ဝှက်ချက်တစ်ခု ရှိနေပါတယ်။ အဲ့ဒါကတော့ ညဘက်ရောက်ရင် သူမဟာ လူကြီးဖတ် BL (Boys' Love) ဝတ္ထုတွေ ရေးသားတဲ့ စာရေးဆရာမတစ်ယောက် ဖြစ်လာတာပါပဲ။ စိတ်အားထက်သန်မှု အပြည့်ရှိပေမဲ့ သူမရဲ့ ဝတ္ထုတွေကတော့ ဖတ်သူမရှိသလောက် နည်းပါးနေဆဲပါ။ စာထဲမှာသာ အချစ်အကြောင်းတွေ ရေးနေပေမဲ့ တကယ့်လက်တွေ့ဘဝမှာတော့ အချစ်နဲ့ ပတ်သက်ရင် လုံးဝ အတွေ့အကြုံမရှိတဲ့ အသူလေးတစ်ယောက်ပေါ့။
ဒီလိုနဲ့ တစ်နေ့မှာတော့ ဆွဲဆောင်မှုရှိတဲ့ ဆရာသစ် (၄) ယောက် သူမတို့ကျောင်းကို ရောက်ရှိလာတဲ့အခါမှာတော့ Eui Ju ရဲ့ စာရေးဆရာမဘဝဟာ တစ်ဆစ်ချိုး ပြောင်းလဲသွားပါတော့တယ်။

ဒီဇာတ်လမ်းဟာ အောင်မြင်နေကြတဲ့ သူငယ်ချင်းတွေကြားထဲမှာ ကိုယ်တစ်ယောက်တည်း ဘဝမပြေလည်ဘဲ နောက်ကောက်ကျကျန်ခဲ့တဲ့အခါ ခံစားရတဲ့ "ငါက ဘာမှတန်ဖိုးမရှိပါလား" ဆိုတဲ့ ခံစားချက်၊ မနာလိုဝန်တိုမှုတွေနဲ့ စိတ်ရှုပ်ထွေးနေရတဲ့ သူတစ်ယောက်ရဲ့ "စိတ်ငြိမ်းချမ်းမှု ရှာဖွေတဲ့ ခရီးစဉ်" ကို ရိုက်ကူးထားတာပါ။
အဓိကအားဖြင့် ရုပ်ရှင်နဲ့ ဖျော်ဖြေရေးလောကမှာ အလုပ်လုပ်နေတဲ့ နာမည်ကြီး သူငယ်ချင်း (၈) ယောက်အဖွဲ့ (8-member society) ရဲ့ အကြောင်းကို အခြေခံထားပါတယ်။

April 18 ရက်နေ့မှာ စလွှင့်ပါမယ်
စုစုပေါင်း (၁၂) ပိုင်းပါဝင်မှာဖြစ်ပြီး စနေ၊ တနင်္ဂနွေနေ့တွေမှာ အပိုင်းသစ်ရပါမယ်။