Телефонингиз умрингизни "ўғирлаяпти" — ҳисоблаб берай!

Халқаро тадқиқотларга кўра, ўртача одам кунига 4-5 соат вақтини телефонга сарфлайди. Бу оддий рақамдек туюлади. Лекин келинг, ҳисоблаймиз.
Кунига 4-5 соат — бу ҳафтасига 30 соатга яқин. Ойига — тўлиқ 5-6 иш куни. Йилига — қарийб 2 ой. Тасаввур қилинг: ҳар йили икки ойлик "таътилингизни" экранга бериб юборяпсиз. Ишонмасангиз, ўзингиз текширинг: телефонингизда "Экран вақти" (Screen Time / Digital Wellbeing) бўлими бор. Очинг. Кўпчилик ўша рақамни биринчи марта кўрганда ҳайрон қолади — "Қачон шунча ўтирибман?"

Гап шундаки, биз телефонни "бир дақиқага" оламиз. Лекин ўша бир дақиқа 40 дақиқага айланади. Чунки бу иловалар тасодифан шунақа қилинмаган — улар миллиардлаб доллар эвазига, дунёнинг энг ақлли муҳандислари томонидан айнан диққатингизни ушлаб қолиш учун яратилган. Сиз уларга қарши "ирода кучи" билан курашяпсиз. Бу тенг кураш эмас.

Энг қизиғи: ўша 4 соатдан кейин нима эслаб қоласиз? Ҳеч нима. Юзлаб видео кўрасиз — биттасини ҳам эртасига айтиб беролмайсиз. Бу дам олиш ҳам эмас, чунки миядан чарчоқ кетмайди — аксинча ортади.
Мен "телефонни ташланг" демоқчи эмасман. Ўзим ҳам шу ерда, Телеграмда ёзяпман. Гап ташлашда эмас — ким кимни бошқаришида. Сиз телефонними ёки телефон сизними?

Кичкина тажриба таклиф қиламан: бугун овқатланаётганда телефонни бошқа хонага қўйинг. Биринчи 10 дақиқада қўлингиз ўзи телефонга чўзилади — мана шу ҳаракатнинг ўзи кўп нарсани айтади.

Умр — экрандаги лента эмас. Уни охиригача "скролл" қилиб бўлмайди!

@abdulloyevkomron✅️

Осмонларга узатдик қўлни,
Юракларга қўнди бир сурур.
Танлагандик энг мушкул йўлни,
Охир бизни ўлдирди ғурур.

Бизга қарши жанг қилди само,
Бошимиздан ёғилди қорлар.
Қишдан омон чиққандик, аммо
Бизни қатл этди баҳорлар…

@abdulloyevkomron✅️

O'z portfolio saytimni qanday qurdim va nega bunchalik kech?

3 yil QA sohasida ishlab, birorta ham shaxsiy saytim yo'q edi. "Keyinroq qilaman" deb yurdim — tanish holat, to'g'rimi?

Bu mavzuga nuqta qo'ydim. Claude AI bilan o'tirib:
- g'oyani muhokama qildik (oddiy CV-sayt emas)
- kodni AI yozdi, men yo'naltirib turdim
- keyin esa kasbiy odat — o'zim test qildim 🐞

Natija: www.komronz.com

Xulosa: AI bilan ishlash bu "kod yozishni bilmaslik" emas — bu g'oyani tezroq amalga oshirish.

Saytga kiring, fikringizni yozing. Qaysi qismi ko'proq yoqdi, bug topsangiz — kommentga yozing, sizga gift junataman🎁

@abdulloyevkomron✅️

Suuuuuuuui🤖

It's so heartbreaking to watch his final games... I can't believe it.

@komron_23✅️